|
اقتباس:
يا الله ياللي بيدك البأس وعلاجه=ياخالقٍ كل هالدنيا وما فيها يارافع السبع مجري الفلك وابراجه=يا باسطٍ سبع نمشي في نواحِيها خلاّق الإنسان ... كاشف نطفة امشاجه=جلّت آسماك وصِفاتك في تعاليها انجيت موسى بعصا ... من بحر وآمواجه=ابقدرتك .. واغرقت اعصاة واليها اسريت بالمصطفى وأثبت معراجه=وولّيت وجهه لقبلة وإنت راضيها واكملت دينه وهديه بيّن انهاجه=في محكْماتٍ ... سليم العقل واعيها لك الخلايق بكل اوقات محتاجه=سبحان من علِّم ... آدم كل آساميها ياصاحبي والزمن ... معروف مِزْلاجه=ودنيا الفنا للرسل ما دام حاليها ما كنّها إلا كما دولاب درّاجه=واللي كتبه الولي للخلق واطيها فيها الغني من ازلها وفيه حوّاجه=ناس بنعيمٍ ... وناس البين طاويها فيها هلْ الطيب وايضا ناس هرّاجه= اللي على الناقصه تتعِب خطاويها وفيها اللي للمرجله والعرف سهّاجه=ما كنّها إلا المواشي في مفاليها فيها مركوب الشداد ... وراكب احداجه=وفيها حفاةٍ من الرمضا مواطيها ولولا الوفاء والكرم ... والكرب والحاجه=ياكثر اللي بالبشر تجْهل مباديها والعبد مقسوم رزقه ياصل اوداجه=وارزاق كل الخلايق عند محصيها اللي انكتب لك يجي مضمونٍ إدراجه=واللي لغيرك ايدينك ما يواليها وشرواك هجير يعرف ... درب منهاجه=حفيد من ترتوي ... عطشا ضواميها قومٍ لجم الموارد ... دوم هدّاجه=ما تارد الطْرق ... تشرب عذب صافيها لو إنها بالوغى ... للدم مجّاجه=تبيع الأرواح يوم .... تشريها شف الجبل راسخٍ ... والريح ما عاجه=يالحر وهي طايره ... تفهم معانيها |
راعي العلياااا
صح لسااااااانك وعلا شااااااانك ابدعت فأتقنت فأجدت والله لايهينك ويــعــطيك الــعـــ1000ــافية |
اقتباس:
نـ الخبر ـواف صح بدنك ياغالي والله لا يهينك سعيد بتواااجدك ومرورك العذب تقبل تحياااااتي دمت بووود |
اقتباس:
ياصاحبي ... وحياة خلاّق الملا =الواحد اللي كل خلقه هايبه على نبي أمّي ... كتابه منزلا = من خشيته صم ... الصفى له ذايبه اللي على أرضه أوجد الماء الكلا = من وبل غيثه لا زمت سحايبه إن الغلا لك ... داخلي عال وعلا =ياللي على العليا ... مشت ركايبه من يبغضك ... عساه عن داره جلا=الين ما تركّز ... عليه انصايبه والقلب اللي عن صاحبه ... ما قد سلا = بإذن الولي باكر ... تجي حبايبه |
ياما لعينه نزعـل الغيـر لرضـاه
نقول يمكن ... بعد قسـوة يلينـا ما طاعني قلبي وأنـا عنّـه أنهـاه ادري ليا أبعد ... يقلب السين شينا ......... راعي العلـــــيا صح لسانك .. واعتلى شانك كم هي جميلة حروفك.. لأنها كتبت بلون اناملك الفضيه.. كن كما انت مبدع بما تكتب.. فنحن بانتظار المزيد منك |
اقتباس:
نجدياارضي وسماي صح بدنك والله لا يهينك الأبدااااع يتجلى في ما كتبت آناملك هنا لا عدمتك ... تقبل خاااالص تحيااااتيي دمت بوووود |
راعِــي العليــاءْ صح الله لسانك .. ومن شرّ المقادير صانك قصيدهـ شامخــه بشموخك انت ..!! والشاهد الله ان قصيدتك ذي رائعه مثل اللي قبلها .. يعني زي ماتقول كلّ وحده منهن تقول الزين عندي :) \ \ وهذي مجاراه توّي كتبتها .. قلت يمكن تضبط معي ..!؟ حنّا سلكنا دربنا اللي بغيناه=لازم نذوق المُرّ .. وربّك يعينا ياما سهرنا ليلنا في ترجـاه=ونلقى مِن المحبوب ظلم السنينا هذا قلبي يتنهد والنار تصلاه=سبّة فراق وحقد .. العاذلينا إع ــجابي/...... |
اقتباس:
انتظر ضمة غلاك صح بدنك والله لا يهينك .. هذا من طيب راسك .. لا عدمناااك شهادة اعتز بها من سموّك .. صح لساااانك على المجاااراااه ما قدّر المولى علينا رضيناه=وش ما كتب ربي علينا رضينا ياكم شكينا وقتنا .. كم شكيناه=والظاهر العله ماهي فيه فينا |
ما قدّر المولى علينا رضينـاه=وش ما كتب ربي علينا رضينا ياكم شكينا وقتنا .. كم شكيناه=والظاهر العله ماهي فيه فينـا مجــارآْة لسموّك يا زين مرسالك اللي قريناه=ولولاك يالمحبوب ماكان جينا ولاّ الردّي يبطي/ ولاّ خذلناه=ياما تحمّلنا علّته وياما عطينا |
راعي العليا . . جميل بكل ماتزف لنا من كلمات ورائع . . لايسعني سوى قول : صح لسانك وتقبل مروري |
| الساعة الآن 02:15 PM. |