|
|
اقتباس:
ومين قال يارب يوفقها ويسعدها ويجعلها مبسوطه دووم مافي شي يعكر مزاجها :flower: مهاووي ماأمداني أصور وبصرحه بصراحه كل الي سويته قيمات سمبوسه شوربه بيضا وشوربة كوكير وصينية كوب كيك الدجاج مافيني حيل بسبب التعب *_* أند مي أحبك أكثر <<< فيس مغطي وجه بيده يعنني مستحيه |
ملكة الخواطر / ينعاد علينا وعليك بصحه وسعاده وعسى حياتك افراح فديت قلبك
قلب الزهور/ لاعدمت هالطله وهالقلب فديت قلبك وكل عام وانتي بخير وفرح القمه/ يسعدني تواجدك وكل عام وانتي للعيد عنوان شمس القوايل / كل سنه وانتي بصحه وسلامه ماأفقد حسك يارب خالد / لاهنت اخوي وكل سنه وانت بصحه وسلامه أشكر تواجدك حلوة المبسم/ تسلمين يالغلا وكل سنه وانتي بصحه وسلامه وأشكر أللي أرسلوو لي على الخاص وينعاد علينا وعليكم بكل فرح وسعاده وصحه مـ الشوق ـلاك |
عاد عيدكم
يارب انو العيد حلوو بس كان ناقص وفرحتي ماكملت اخوي الكبير مسااافر الله يرده لي بالسلامه طبعا في البي بي قروب أسمه AL......... FAMILY وطبعا هالقروب خاص بكل افراد العائله بس بس صحيت الصباح ارسلت لهم هالبرود كاست :a094: http://upload.al-wed.com/uploader/up...1284305010.jpg ^_^ وكان لنا من العيديات نصيب وافر ولله الحمد :a050: |
يارب تدوم الفرحه
طبعاً الأيام الثلاثه الأخيره من رمضان
كان مره متعبه ومره حوسه وكعادتها السنويه ملاك تصاب بحادثه مجهولة الهويه لم أشعر الا وبجرح عميق أصاب به دون لا اأعلم من أين مصدره :wed8000: فصارت هذه العاده مصاحبه لي في كل مناسبه اقدم عليها يعني ياتعب ياجرح ياشي يعكر المزاج ولكن الحمدالله على كل حال كرهت أسمي وكرهت كوني البنت الكبيره بالبيت فلما أسمع صوت فرد من أفراد البيت يقول ملاك .. تعالي .. يتردد الصوت في أرجاء المنزل ملاك طارت ملاك سافرت انا موب فيه تهي تهي كرهت أسمي شي جميل انو تكون مهم ولكنه بنفس الوقت شيء متعب لحد الثماله <<< أتشووو ملاك برآ:a094: اليومين الأخيره من رمضان كان النوم فيها جدا قليل وليلة العيد العيون ساهره واليدين تشتغل والرجول الله يعزكم ترقى وتنزل اقترحت أقتراح انو يركبوون يادرج كهربائي ياأصنصير بليز ^_^ اجتمعو كل البنات والكل في روحه ورجعه وبدا يشق النور والكل تجهز للذهاب للصلاة العيد 4 سيارات تحركت والبقيه جلسو يستقبلون الضيوف الي بيوصولوون وبدت الوفود وبجد صح كان حلوو أجواء العيد بالبيت بس تعب أتعب شي بالحياه والدليل http://upload.al-wed.com/uploader/up...1284306252.jpg هذي طبعاً حالاتي قبل العيد وبيوم العيد وبعد العيد بعد ماعج السكون أرجاء البيت وكل واحد ذب روحه بزاويه وتوني اناظر سريري بشغف بنام عليه وصلني أتصال كانت الساعه 2 الظهر خالي/ هلا و غلا انا / هلا بك وكل عام وانت بخير خالي/ مالك حق اجي بيتكم واعيد ولا أشوفك قليلة خاتمه بنت اختي انا/ والله انت الي قليل خاتمه توصل البيت تقول ماأسلم ورا مادخلت للمجلس أي شخص كان يبي يسلم يقول نادو فلانه بسلم عليها وانا اربع مرات دخلت وانت منت موجود معليش الغلط منك هالمره مو مني خالي/ والزبده يعني متى نشووفكم انا/ انا الحين بنااام مافيني حيل اذا قمت شفت مادريت الا بصوت رجولي خلع لي أذني<<<< تسذووب أذنتس معلقه / من قالك بتنامين والله ربع ساعه لو ماجيتوو بيصير علمن ثاني فتخيلوو يعني بكمل الـ 28 ساعه صاحيه ومانمت وذآ يقول الحين تجون فقوم الدنيا وجلسها لما رضخت للأمر الواقع ورحت بيت خوالي وصلت الا الكل نايم حتى هوو وتوني بنام وتدخل خالتي وهي في حاله يرثى لها ولكنها شبعانه نوم وتحلف ماأنام الا اسولف معها مشتاقه لي لاحوول يعني انا وش ذنبي الناس ماطاحو بحبي الا هالوقت فجلست معها وأمري لله ولا نمت وبدا بيت خوالي العصر يتوافدون له ضيوف وعيوني تقول ملاك ارحميني هديتي حيلي أبي انام ولكن لازلت أقاوم النوم ورجعت البيت الساعه 1 الليل ولاحضوو اني كملت اكثر من 38 ساعه صاحيه وصلت البيت ونمت ماحسيت بالعالم والناس وراحو اهلي كلهم لديرتنا وتركوني نايمه من شدة التعب الي انا فيه صحيت ثاني يوم العيد العشا والبيت هدوء وسكون والاقي الشغاله مشخصه وتناظر التلفزيون وأسألها تقول كلهم راحوو بجد كانت ايام متعبه ولكن جميييييييييييييييييله |
وش الي صار ماأدري
لازلت ااؤمن بأنه لن يصيبني الا ماكتبه الله لي بعد الحادثه المجهوله الكل قام يقول شي من كيفه فأخر شي طلب مني تحليل سكر فقالو جيبو جهاز جدتي بنحلل ملاك سكر..! مدام الجرح مابرى يمكن فيك سكر <<< اكرهني لاعصبت لا يمه بسم الله علي مافيني سكر ولاهم يحزنون اها بس موب محلله ولا شي والجرح بيطيب وحاولو فيني أحلل ولكن معصي أحلل ^_^ |
التحدي الكبير
أنسآنه مغأمره لدرجة الجنون غالباً وأكره انو أي شخص يتحداني ولكن في حين أعرف من يتحداني لرغبه في ذاته يود يحققها ومن يتحداني ليكتشف مدى جرأتي ومدى قوتي في تحقيق الطلب يعني في حين أجد أشخاص يعلمون أنني أكره التحدي ويبون اسوي شي انا ماأحبه فتجدونهم يقولون أتحداك ولكنني أركب راسي وأعاند ولا أنفذ التحدي مو ضعف لا لأنني مابي احقق لهم مرادهم الي يبونه ومايقدرون يوصلون له الا عن طريق التحدي وناس يتحدوني على أمر من خلاله يبون يشوفون كيف انا اقدر انفذ طلبهم الي اكيد ماوراه مغزى بس كذا مجرد تحدي الموووهيم حصلت لعبه الصراحه أحب هاللعبه بس هالمره كان فيه بنات غرب يعني اول مره أشوفهم وألعب معهم وبنات خالتي يحبون يسببون لي أحراج فلما وقع علي الأختيار قالت : ملاك أتحداك وقدام الكل الحين تتصلين على أخوك خالد وتقولين له انو حبيبي و أحبك ومشتاقه لك وأعشقك وطبعاً مشغله السبيكر طبعاً الكل فتح عيونه والأنظار التفت لي تشوف ردة فعلي فكان الأمر الصادر مني ... ههههههههههههههههههههههههههههههههههههه بس ماطلبتي شي تبين ادق عليه كنت وقتها اعرف أخوي وش بيقول طلعت رقم اخوي أمام مرئى الجميع وبد الجوال يدق والكل يناظر وكاتم صوته رد اخوي والكل متوقع اسكر ملاك/ هلا حبيبي اخوي / هلا بك أمريني ملاك/ خلوودي ترآ انا أحبك كثير وأعشقك ومشتااقه لك حيييل اخوي سكت وقال / ملاك امداك تشتاقين توني الظهر وديتك بيت خوالي قلت / وش أسوي بنات خلاتك المريضات يبوني أغازلك ومات ضحك أخوي وقال وزيدهم من الشعر بيت وقولي لهم ملاك حبيبة خالد <<< وقتها صابني غرور :024: وناظرت الكل بنظره قلت شفتي مو انا الي احد يتحداني طبعاً البنات كل وحده تقول مشاءالله ابي مثل اخوك والثانيه تقول وقسم لو أقول كذا لأخوي والله ان يوريني شغل الله والثانيه قالت زوجيني اخوك <<< رآح الحيا من البنات وكملنا سير اللعبه فكان الدور علي أطلب من البنات ووجهة سؤال بما أنكم مستغربين أسلوبي مع اخوي لهدرجه انتم مع اخوانكم جافين مره وصارت اللعبه من مزح ولعب الا جد وانقلب النقاش يعني البنت لو حصلت هالكلام وكذا يعني وش فيها لمن اقول لأخوي احبك ومشاتقه لك وأعشقك وش فيها لمن يجي يسافر أترك رساله له بالشنطه وش فيها لمن أشتري هديه وش فيها لمن أعزمه وأقول خلينا نطلع للعشا بجد بنااات ليش مو كذا فتعالت الأصوات والغالبيه قالو مو كل الأخوان كذا قلت الا بس انتو الي ماتبادرون الأخوان هم الي يستاهلون هالكلام هم الي يستاهلون المشاعر الي بقلوبكم الأخوان حديقه اسراركم الأخوان شي أكبر من ما تتصورون واذا مثلا البعض قال ماعندي أخو في الي أقرب منه الخال وقبله الوالد مو أنط وأدور لي واحد مافي صلة قرابه بيني وبينه وأبادله كلمات لاتجوز ولاترضي وأهديه شيء لايستحقه اكثر شي يؤرقني من بنات جنسي الي تقول انا لاأملك قلبي وسبحان الله بعد انجراف المشاعر والأحاسيس ونثرها لمن لايستحقها صحصحتي وقدرتي تمسكين قلبك ولكن بالعامي وش عقبه ..؟؟؟؟؟؟؟؟؟؟ عقب ماتخليتي عن جمال أنوثتك وهبتيها لمن لايستحقها عقب مانثرتي حرفك وروعة أحساسك لشخص لايمت لك بصله عقب ماتبادلتي الحديث خلف الأضواء وكان ثالثكما الشيطان عقب مامل منك واكتشفتي انك لاتنسبينه وهو لايناسبك عقب ماأرخصتي بقلبك وفتحتيه لمن لايستحقه ان لم تستحي فأصنع ماشئت تعلمتها في الحياه وانا أصنع شيء ولا استحي منه مادمت لست على خطأ وبكل تأكييد هو بحدود المعقول يعني مشاعري وأحاسيسي كلماتي التي أبادلها من يستحقونها لاتتخطى حدود رسمتها وتعلمت عليها منذ نعومة أظافري فتعلمي ذلك فالوقت أمامك وأحذري حتى من مبادلة بيت شعر لأشخاص مهما كان مدى اعجابك بهم او بأقلامهم أو بمدى جمال فكرهم خبئي تلك المشاعر وأظهريها يوماً لمن يستحقها فقط ادري طووولت وحكيت واااجد بس عاد كيفي بيتي وانا حره ^_^ أمزح ماقلت هالكلام يابنات الا من قلب أخت محبه لكم وتخاف عليكم مـ الشوق ـلاك |
http://upload.al-wed.com/uploader/up...1284324356.gif لوْكلْ خآطرْ مجْبرْهـ إنِيّ» آدِآريه » إبلشتِ فِكريّ بـ آلعقْولْ " إلسقيمـه |
.
. . أتشوووووو . . . تعبت وانا ادوورني ^_^ |
http://upload.al-wed.com/uploader/up...1284338668.jpg
أكثر الأشخاص يلتجؤن الى ذلك السرير هم من الذين يعانون من أشياء تعكر عليهم صفو الحياه فنجد أنهم يعتذرون بالنوم ولم يكن أعتذارهم الا هروباً من واقع أليم يعيشونه مـ الشوق ـلاك |
| الساعة الآن 11:55 AM. |