|
مسألة ( حسب اعتقادي ) في بدايات المقال
مسأله .. يحتاج ( فك اقواسها ) لشرحٍ طويل : : ربما ْ الكاتب .. يحاول يعطي لنفسه .. مجـال وربما .. كانت ( إشاره ) عن كلام ابلا دليل : : وربما من غير قصد .. يجيبها ( ولدة حلال ) وربما ـ واللهُ أعلم ـ تعتبر .. ( نفضة شليل ) : : ربما .. أو ربما .. أو ربما .. / .. للاحـتمال كل صيغة للتوقع .. في مهب المستحـيل ..!! : : بس أنا ( حسب اعتقادي ) أنها ليست محال إنمـا : تمهيد .. والا شيئ من هــذا القبيل : : من يعرف ان البديهة .. من شروط .. الارتجال..! يعرف ان الفرق واضح بين قال .. وبين قيل : : ومن يعرف ان الاجابه .. نصفها فهـم السؤال ..! مستحيل انه يقارن .. بالمربع .. مستطيل : : ومن يعرف ان ( التقشّف ) منهجيّـه .. للجمال..! يعرف ان اجمل تواجد ، من تواجدهم قليـل : : ومن يعرف ان التواصل .. غير .. قطع الاتصال ..! يعرف ان كلمة ( وداعاً ) من إشارات الرحيل : : هكذا يبدو ../ .. ويبدو هكذا ... كان المقال واعتقد اصدق نهاية .. قول : مايخدم بخيل |
خارج نطاق التغطية .. او .. تغطيـه دون النطاق
فرق الخروج المنطقي حسب اختلاف المنطقه ماهيب لعبة مفردة .. بين التجـــانس والطباق لا لا ولا هي فلسفة شاعر فراغ وهرطقـه المسأله / ركز معي .. يمكن ترد ضمن السياق لاتسبق احداث الشطر قبل انطقه لا تنطـقه شيٍ يطاق بهالزمن .. واشيا كثيره ماتطــاق شعر الغزل غير الهزل .. والطق غير الطقطـقه |
الشعر ماهو فلسفه .. ياشكسبير
... مالي ومال هبال ( شمس المعارف ) " " الشعر : مايحتاج دوخه وتفكير قبلي وقبلك .. عرفوه .. العوارف : فكره .. معاني .. مفرده .. وزن .. تصوير طارف .. ولا هو لاكثر الناس .. طارف " " الشعر اشد من التعب .. والمشاوير واهون من الوقفه .. بوسط المصارف " " جايز تقول : انه غوايه .. وتغرير وجايز تقول : انه .. وسيلة تعارف " " بعض القصايد : ( صبصبة عصر بشكير ) والبعض الاخر .. كنها سيل .. جارف " " يصبغ على النيه .. مثل صبغة الجير لين البياض .. يصير .. خدشة رفارف " " تدري ..! بلاش من الأسا .. والاســـا طير ماكـرّمت وجه .. البلاط .. الزخـــارف " " اسمع كلامي .. وانتبه ياشكسبير ..!! الشعر شفته .. يوم شفت المشارف " " أصدق من الدهشه .. بعين الجماهير ..!! واكذب من الدمعه .. على خــد عارف |
أمسحي [دمعـك] ترى دمعك || أنـآ||
لو يطيح الدمع ..! محبوبك [ يطيح ] |
تـدري وش أسباب ضيقي وأغلب أوجـآعي ..!
وجيـه ماتستحي وأنا أستحي منهـآ |
بعض الرضا [ موته] بكثر المشاريه
وبعض [ الزعل ]تلغيـه بس || إبتسآمـه|| |
عوّدت نفسي على [ الصّدمات والفجعه ]
ولو وطيت الجمر ما ينحني راسي |
جمل ولو كثرت سكاكين الجمـل يبطـي ماطـاح ولاهمنـي راي الـردي ابـى علـي والا أشـا لكّن هرّاج القفـا يطعـن بـلا سيـف ورمـاح ويلقح قلـوبً نظيفـه باالظغايـن ويحشـا |
الليل لو طال..! باكر : مشرقً غدّه والشمس لو تنحني لليل وقـّاده والوقت مثل النظا اللي راهيً فدّه يطوي ليالي الزمن وايامنا إشداده والناس اجناس والايام مسودّه والرجل موته من اجل العيش ميلاده والعمر مثل الزفير ان راح ما نرده والموت مثل الظما والعمر ميراده |
بعض المواقف تجي وتروح ما تبقى وبعض المواقف صداها بالعمر باقي ياصاحبي لا معي تتعب ولا تشقى يتبدّل الوقت وأخلاقي هي أخلاقي إن جيت أرحّب وإذا ما جيتني تبقى أنت [ أكثر انسان] عزيته من أعماقي.. |
| الساعة الآن 06:45 AM. |