|
يتصفح الموضوع حالياً : 9 (1 عضو و 8 ضيف)
مسسسهم بالخييير |
صحيت ونزلت سلمت على ماما وماحصلت بابا ولقيته كاتب لنا ورقه تجهزوو ترا االساعه 2 بنطلع للأستراحه تعويضاً لما حصل شفتو الزعل احيانا يجيب نتيجه صح الأستراحه ماتكفي مليت منها بس يالله نحاول نسامحهم هالمره ونشوف بعد هالثلاث اايام وش يصير *_* مهاااوي قلت لك الأهل ماينفع معهم الا تزعلين عشان اذا زعلتي يحققوون رغباتك <<< ماتخرب ابد ^_^ طبعاً لأني زعلانه عليهم كلهم ومابي اجلس لحالي كلمت زوجة اخوي وقلت جهزي لي نوافي بمرّ اخذه معاي يجلس معي قالت : هي انتي من جدك زعلانه قلت : وش عليكم مني جهزيه وبس قالت : ملاك خير لاتستهبلين قلت : طيب جهزي لي نوافي ترا حتى لو ببجامته بجي اخذه لاتقولين لي لا قالت : طيب طيب تم مشكله انك عمته الكبيره ماقدر اقول لك لا قلت : ولا بعد ودك تقولين لا <<< شريره ^_^ قالت : ملاك تخوفين وانتي تسوين نفسك زعلانه مالت عليك عمي معطيك وجه بزياده خخخخخخخخخخخخخخخخخ يارب احس بوناسه كذا << أعجبني الوضع يالله عاد عن اذنكم برووح اجهز اغرااضي وأمور السباحه وكذا مهاااوي عازمتك تراا تعالي اجلسي معي وجيبي فصووولي ^_^ وأذا ضيعتي الطريق عطيني دقي بيجر << برآآ انتي ووجهك |
صبااااح الخير كيفكم يارب بخير <<< اانا اليوووم اسعد انسااانه بالدنيا زوجة اخوي الحمدالله ولدت اليوم وجااابت لنا صغنون يدننن ووهـ الله يخليه ويحفظه ياااارب على أساس كنت مقترحه لها اساامي بعد ماقالت لي بس لمن كلمتني توو صدمتني لمن قالت بنسميه فيصل قلت لييييييش مو احترنا بين نايف وسعود قالت لا خليه فيصل لاتزعلين وصاار عندنا فيصل بالبيت اول عندنا خالي بس الحين صار ولد اخوي ^_^ مهااااوي شفتي انتي خالة فبصل وانا صرت عمة فيصل <<< والله عجزنا وصرنا عمااااات ^_^ يااارب لك الحمد وأحتمااال أسااافر وأشوفكم ان ربي كتب لنا عمر بعد ما أرجع استودعتكم الله الذي لاتضييع ودائعه وأستودع الله نفسي وأهلي وكل ما أملك يارب ان عائلتي اغلى ما أملك فأحفظهم لي اي صح نسيت اقولكم ترآ فكينا الزعل وخلصنا اضرااااب بابا ماما احبكم الله يخليكم لي يا أجمل ماحصل في حياااتي وصار عندي فصولي ونوااافي وهـ بس ياااحبي لهم الله يخليهم لي بنزل لكم كم صوره لطلعتي امس وأطلع وما أدري متى ارجع بس ان شاءالله قريب بررررررررررررررررررب طوووويل |
صورت اشياء كثيره بس كل صوره يطلعون فيها العائله الكريمه ^_^ ونقيت لكم ثلاث صور *_* http://upload.al-wed.com/uploader/up...1311197972.jpg اول ماوصلت لقطت لكم هاذي الصوره http://upload.al-wed.com/uploader/up...1311198038.jpg ياالبى عمتي بس http://upload.al-wed.com/uploader/up...1311198264.jpg ما أحلل أي أحد ياخذ الصووور نوااافي حبيب عمتي ربي يفرحني فيك ويحفظك لي من كل مكرووووه كثير أنبسطت امس معااااه وكثير لعبت معاااهـ وسولفنا لمن الفجر كان قلبي ناغزني انو امه بتولد اليوم لأنو قالت لي عندي موعد بس قبل الموعد برسل أبوه يجي ياخذه قلت لها لا خليه يناام عندي بليييز ورضت بلأخير وسبحاان الله راحت للموعد وقالو خلاص لازم تولددين اليوم الحمدالله يااارب انو قامت لنا بالسلامه وجابت لنا ولد ثاااني يالله بررررب برووووح اشوفه واتمقل فيه *_* لاتنسوووون ما أحلل الي ياخذ الصور او يحفظها اشوفكم على خير |
مسآئكم رحمه وغفرآن وعتق من النار اشكر كل من أرسل لي وبآرك لي بقدوم الشهر الكريم واعاده الله علينا وعليكم بكل خير وصحه وعافيه |
يآآحبي للود له وحشه مووونتي انتي واحشتني اكثر وربي كثييير مررررره سوري انا مره مشغوله لدرجه حتى نفسي انا ناسيتني وصار لي كثير مواقف حلوه وشينه << فيس وده يبكي :( اشوفكم على خير وقريب ان شاءالله واكون مو مشغووله مره ومروووقه الله يحفطكم ويستجيب دعواكم وتكونون من العتقاء ومن الذين يدخلون من باب الريان يااارب لاترد كل من رفع يده أليك وطلبك |
أحب الصمت ليس لأنه دليل ضعف الصمت حاله ضجيج تنبض داخلي كي تفقدني التعبير فالثمانية والعشرون حرفاً لم تعد تكفيني |
حاولت احمل صوره بس للأسف عيا يحملها تدرون مين صورته :a010: وهـ بث ثوورة أيد فثولي يااقلبوووس بسم الله عليه الله يخليه لي كل مارحت ازوره شلت معاي كل هدايا السوق ^_^ اول يوم بالمستشفى اوكي عادي بعدين لمن رحت بيت اهل زوجة اخوي اشوفه اخذ معاي هدايا له ولنوافي اتصل علي اخوي وزوجته ميمي خلاص خير كلفتي على نفسك وشو هذا انا : ياخي وش عليكم فلوسكم ولا فلوسي كيفي ان شاءالله كل دقيقه اجيب هدايا وش عليكم ولمن جا يوم الأثنين الي طاف كنت مره متضايقه ومبسوطه مبسوطه لأني طلعت مع خيوو خالد ورحنا قضينا من محل ملابس اطفال هدايا وأغراض ودقينا على امه وأبوه قلنا جهزو ولدكم عماانه بيجون يجرمون فيه <<< ماخافو ابد ^_^ طبعاً اخوي جا من كندا قبل رمضان بأسبوع تقريباً وكنت مره مبسوطه والأرض مو واسعتني من الفرحه وطنشت كل المواقف الي حصلتي لي قبل حضوره من الناس والقرايب ولمن صار يوم الثلاثاء هذا الي طاف :( :( صار موعد سفره وغادر مطار الرياض وانا قلبي يتقطع عليه ربي يحفظه لي يااااارب هو قوتي هو سعادتي هو ضحكتي هو من يجبرني على تحمل المزيد هو من أشعر بأن الحياه أجمل بكثير هو من يفهم صمتي ويعلم ماهو خلف نظراتي هو من يقتل صمتي ويرسم الضحكه على ملامحي ربي احفظه لي على أي أرض كان وآشنطن يابختك الحين بوجوده ربي أحفظ أرضهم لأن غالي على قلبي يسكن عندهم اللهم احفظه بعينك التي لاتنام اللهم اني استودعك قلباً تراه ولا أراه |
. . , |
i would like to fly |
لم أعد اعير احداً أهتماماً كما من قبل اصبحت أراني في بعض الأحيان لا أبالي ومن يريد قلبي سيحافظ عليه ومن لايريده فما يسقط من النجوم اخف للسماء احساسي بات يشعر بالبرود لدرجه أنني قد أجرح من دون قصد ومن يبحث عن أدنى سبب للزعل لم أعد اهتم به مثل قبل او ابحث عن طرق عده لأرضاءه أوف بشر يحبون احد يراعيهم ومايحبون يراعون ظروف احد اكره الناس الي تفكر بنفسها وتبي الناس تعذرها بس هي ماتفكر بالغير ولا تعذر الغير |
شـــيء جميل ... |
هل سيمر هذآ العيد كبقية الأعياد ..؟ خالٍ منهم ومن وجودهم |
تصويري .. فديت يدينه
http://upload.al-wed.com/uploader/up...1313434757.jpg ربي أجعله من موآليد السعآده وأجعل حيآته أجمل من كل التوقعات كم أتمنى ان تعود بي الأيام كما هم اولئك الأطفال |
صورة يدين الجميل الي فوق كآن عمره نص يوووم ^_^ وهـ بس الله يخليه |
أجوآء رمضآن هآديه وحلوه أحب أكون طول الوقت لحالي ما أحب أسمع ضجه وأزعاج بس نواف مو مخليني أبداً صاير بس يبي يجلس عندي مايبي يروح لأمه ولا يبي ينآم عند أبوهـ ولمن أقوله مافي نوم يقول مو كيفك غصب عنك ^_^ حتى لو يبي مني او من ابوه او بابي أي شي يقول غصب عنكم أحيانا نقول يمكن غيره من البيبي الجديد فأحنا مانبي نحسسه بشيء وكل شيء يقوله نقول سم وحاضر جآ يوم زعلت منه لأنه سوا شيء غلط وتهاوش هو وأختي الصغيرآ مشروع غيره هو وأختي الصغيرا *_* فقلت خلاص بخليك تروح لأمك وماراح اكلمك مره ثانيه وجلس يبكي ماتحملت انو يبكي بعدين قال نواف: ميمي ميمي : نعم << معصبه يعنني *_^ نوافي : انا مابي أروح مامي انا اموت فيك كثير طبعاً انا ماقدرت على كلامه فقلت خلاص بتجلسماراح اوديك <<< أثر فيني ولد أوخيي صراااحه ^_^ عن أذنكم ضيووووووووووف أوف أوف أوف أكره كوني البنت الكبيره بالبيت :( |
مآقد سمعت لحكي السحآب .. قليل منهو فينا يستوعبهـ |
أصعب شعور انك تقوم من الحلم وقلبك ينبض وتحس وقتها بألم |
هناك من لا أستطيع مقاومة كلماتهم الموجهه لي فيكتسيني صمت يصيب لساني بالتجمد.. |
أكبر خطأ نرتكبه بحق أنفسنا حينما نعتقد ان الأخرين نسخه تشبهنا |
بأستطآعتي أن أنسج حروف وكلمات لاتشبهها ولاتضاهي جمالها حروف حبهم وعشقهم لكن تلك الحروف بالنسبه لي لها حرمه لا أود لأحد مشاركتي فيها قريباً كان أو بعيداً |
أكثر مايزعجني بعض من القلوب حينما تطلب رقمي كي تقول لي قصة بين أحد صديقاتها أو قريباتها ومن ثم تطلب مني وتقول : ملاك أبيك تكتبين لي كلام يناسب موقفي انا لست بآئعة للحروف انا مجرد قلم وأحساس أكتب ما أحس به وأشعر لا أحب أن اوزع حروفي الا حينما تنبض من قلبي ولكن لمكانتهم ولأنهم أشخاص أكبر مني عمراً ولأن الزمن أجبرني أن أكن لهم أحتراماً ولأن وآلدي علمني ان هؤلاء النفر لايجب ان نرفض لهم طلباً أحتراماً وتقديراً يجب علي أن اقول حسناً امهليني قليلاً من الوقت وسأكتب لكِ حروفاً |
حصلي موقف مضحك ^_^
طبعاً هلأيام صاير مافيني حيل ابداً من توصل الساعه خمسه المغرب خلاص أحس بالتعب ومعاد اقدر اوقف مكاني وبس اوقف لازم امسك أي شي قريب مني لأن أحس الدنيا تدور وظلام معاد أشوف وأغلب شغلي عالمطبخ لازم أجلس عالكرسي الله يعيننا على صيامه وقيامه ويتقبله منا الموهيم جا ذاك اليوم الله يسلمكم ^_^ الا انا فيني نشاط قبل المغرب وقلت بطلع أصحي اخوي لأن مابقي شيء ويأذن وطلعت بسرعه عالدرج ووصلت الغرفه غرفته طبعاً ظلام مره وغير الظلام الي حسيت فيه من الركض عالدرج ماحسيت الا انا :wed37: داخله رجلي بمكان ما أدري وشو وطحت طبعاً الطيحه كانت جداً جميله لدرجه ان اخوي قام مرتاع ويضحك وانا أتألم :wed21: وماما بالصاله تقول الله يستر عسى ما صب الدم ندق على الأسعاف :wed20000: :wed15:<<< هذي انا طبعاً كنت اضحك وأصيح بالنفس الوقت وأهاوش أخوي قوم شغل النور معاد اقدر اتحرك ولمن شغل النورهو كان مخلي شنطة السفر حقته بالطريق وكانت مفتوحه وانا رجلي دخلت فيها وتقلبت قلبه اتحدا جآكي شان يسويها ^_^ هاوشت اخوي اكيد احد يحط الشنطه بالطريق وقالي احد يدخل الغرفه مايشغل النور انتي بعد وانا الي اقوله هذا جزاي مابي ازعجك بقومك بهدوء مالت الا مالت الشرهه على اللي يقومك مره ثانيه اصلا اكثر شيء تأثر رجلي اليسارومعاد قدرت أمشي منها وجابو طاري المستشفى وانا ماحب المستشفيات وأخر شي بابا لأنو له خبره بذا الأمور عالجني وربط لي رجلي لأنها تورمت شوي بس الحمدالله يومين وانا اتألم وعقب طابت وبعدها بكم يوم نفس الحاله قبل الأذان بنادي اخوي الكبير وبغطيت اطيح يعني طحت بس طيحه بسيطه وقال انتي بليز قبل الأذان لاتتحركين معاد فيك حيل ابد ناويه تتكسرين علينا كل هذا من فقر الدم طبعاً الله يكفيني ويكفيكم شرهـ وانتبهوو يابناااات بالمطبخ لا وحده تطيح شيء خلكم مثلي ^_^ <<<<< برآآ انتي ووجهك |
تصويري
http://upload.al-wed.com/uploader/up...1313495051.jpg يسكن قلبهم ذلك البياض الذي يسكن السحاب بياض لم تدنسه نوايا البشر السوداء |
مسلسلات رمضان ألى أين ستذهبين بعقول أبنائنا وبناتنا ...؟ جلست مع اخواتي الثنتين ويعتبرون الحين في بداية سن المراهقه وكانو يتابعون مسلسل اسمه .. بنات الثانويه .. خجلت من نفسي كذا مقطع وتجرئت في احد المقاطع وقلت حبيباتي ترا هذا كله مو صدق لاتصدقون البنت كذا والولد لمن يكلمها كذا ترا هذا كله تمثيل بعد ان انتهت تلك المسلسله جلست مع نفسي قليلاً وتذكرت عدة مواقف وان اعلامنا بدأ ينزع الحياء من أطفالنا كلمات يجرء عليها صغار السن أكثر مما نجرء عليها نحن يضل سؤال يتردد في ذهني كيف نواكب هذا التغير وكيف لنا بطرق تحمي وتقي من نعولهم ونقودهم الى بر الأمان دون تأثر التربيه المسؤليه شيء يعتبر صعب في هذه الأيام فلنتحمل الأمانه بصدق ولنحذر فالقادم لايبشر بخير اللهم احفظ لنا كل من نحب من كل شر وكل سوء وكل مكروه مجرد كلمات تدور في ذهني |
هم لايستوعبون مايتحدثون به ومايكتبون لذا لا داعي ان اتعب نفسي وعقلي في مناقشتهم لأنهم يلبسون قناع لايليق بهم تحت مسمى مثقف ومتطور لأنني انقل مالا أكتب لذا لن اناقشهم مادامو كذلك فليبحثو عن من هم مثل درجتهم في الفكر والثقافه والتطور |
لاأشتهي سوآ شيء وآحداً أن أبكي دون أن يسألني أحدهم مآبكِ ولكن لأنني متيقنه انهم سيبادرونني السؤال أبلع تلك الغصات وأمضي دون بكآء فكثيره هي الأسئله التي تدمي أجابتها دآخلي .. |
بلأمس أزعجتني حروفي أرادت أن تخرج أردت نفسي ان تنثر شعور يسكن داخلها ولكنني أبيت ذلك ومنعتها هربت منها الى سريري لا أود أن اضعف امام شعور الكتابه لا أود ان اكون كما قالت لي يوماً ما : ملاك انتي تمتلكين ظاهرك وامام الناس شيء قوياً انتي بالنسبه لهم مثلاً نادراً يتحدثون عنك حتى في غيابك ولكنني أعلم ان داخلك قلباً ضعيفاً فلا تستسلمي لذلك الضعف يوماً ما هربت وأطفئت ضوء غرفتي وغرست رأسي تحت تلك الوسادهـ حاولت ان ارسم في مخيلتي شيء يبعد عني شعور نزف حروف الألم ولكنني لم أستطع فغلبني الشعور كما هو دوماً ألتفتت أبحث عن دفتري فلم أجده بالقرب مني فمسكت هاتفي وفتحت خانة .. المرسلات الفوريه بدأت انزف بعض من الخواطر التي تروق لي في حين واحده تلو الأخرى لا أعلم بالضبط كم خاطره كتبت ولكن استقطعني نغمة رساله فوريه اذ به احد أقاربي يقول: ملاك شفيك وغريبه انتي ترسلين بسوي حفله قرأت ماكتب وخرجت من محادثته وأكملت سير حروفي حينها كتبت مرة اخرى فستقطعتني وفاء << غالية على قلبي هي وفاء : ملاك حبيبتي وش فيك وش هالرسايل اللي تجرح فيك شيء ملاك : لا ياقلبي مافيني شيء عادي جاني شعور ابي ارسل ضايقتكم وفاء: لا بالعكس مابغيتي ترسلين على ايش مشغله الخدمه ما أدري بس كلامك يعور ملاك : لا لا لاتقلقين مافيني شي بس مجرد كلمات وفاء : يعني اكيد مافيك شيء ملاك وكعادتها : لا لا صدقيني مافي شيء كتبت اخر حروف رساله تطرقت بها عن الموت لاأعلم ماهو هذا الشعور الذي سكن بي رغم اني لا اطيق الكلام عنه لأنني قطعت وعداً منذ زمن ان لا احكي به ومن بين تلك الحروف كانت يوماً ما سأكون في عداد الموتى ومنها ايضاً اتمنى ان اكون ذكرى طيبه بكل من ألتقيت به ومنها ايضاً سيفرح لموتي البعض ويبكي فراقي البعض الأخر كلمات عده نزفتها وقبل ان اغلق هاتفي انهالت علي كلمات معاتبه انهالت علي اناس تحبني وتعشق وجوودي منهم من قالت : مين المجنون الي يكرهك انتي اصلا مالك أعداء عشان يفرحون بموتك وغير كذا بسم الله عليك بعد عمر طويل ملاك لاتقولين كذا ومنهم من قالت : وش فيك ملاك انتي اليوم مو طبيعيه تبين اجيك ومنهم كالعاده هي تزعل على كلماتي لأنها لاتطيق ان اكتب في الحزن وقالت : شكراً ملاك اغلقت هاتفي وأخرجت شريحتي ولا اخفيكم عن ذلك الأحساس الذي سكنني بلأمس فكررت كلمات وقلت : أحس اليوم بموت يارب ارحمني واغفر لي خطيئتي وقني عذاب وفتنة القبر وحضر على بالي منتدى الود لو انني مت هذه الليله من سيخبرهم عني ومن سيقول لهم انني رحلت من هذه الدنيا لا أعلم شعور الجنون سكنني بلأمس ربما اغمضت عيني وذهبت في سبات حتى ايقضتني اختي على ان هناك من يريد ان يحادثني على سماعة الهاتف شعور لا أدري لازلت لاأعلم لما احسست بذلك في الأمس ربي احسن خاتمتنا وأمتنا ميتت حسنه ولا توفنا الا وانت راضٍ عنا مـ الشوق ـلاك |
الفرآغ شي ابداً مو جميل |
. . . , |
بخآآطري أسولف بهذر هنا لمن أمل وأطلع اصلح السحور أول أربعاء يصير بيتنا فاضي |
بيوم مر هذه الأيام الي راحت وصلتني هدايا وكان يوم وصول الهدايا بحضرة سوس ونواف وروان وكان بابا واخواني موجودين لأن الهدايا كانت منهم لي فلمن شافوا الهدايا نوافي يقول نواف: يااسلام وليش عمتي ميمي لها كل هذي الهدايا اصلا هي عندها لاب توب طيب ليش تشترون لها ثاني انا ابغى ^_^ وروان : اي اي بس ميمي كل شيء لها اوف بس ياليتني الكبيره سوسو : خير كل هذا لها واحنا بس هديه وحده انا اناظرهم : هي انت وياهم انا اختكم الكبيره وش عليكم ليش تغارون مني ^_^ فديتكم بابا واخواني احبكم الله لايحرمني منكم كل هدايا الدنيا ماتغنيني لما تكونون موجودين عندي طبعاً الحين اخوي سافر امريكا وخيو رجع دوامه برا الرياض وبابا كالعاده شغله والبيت صار فاضي بس عالفطور انا وماما وبابا ورورو وسوس :( |
ليش مركز تحميل الود صاير مايحمل زين |
حآولت أحمل كذا صوره بس مو راضي يطلع الصور بعدين اعرضها لكم عاد جت في بالي سالفه قلت خل اقوله << ^_^ الطفش والفراغ ومايسوي ابي أعرف ليش صار الحين الي ماعندوو فيتامين .. و .. ينلطع ويتحسر ويمل ويكره نفسه بجد لاحظت هالشيء بموقف صار لمن وصل اخوي كان حسابه مسكر وبطاقته ماتسحب يقول ما أدري ليش صحى وراح يراجعهم وتاخر مره اتصلت عليه أسأله ليش تأخر قالي اوف على اللي يراجع عندكم قلت ليش الأخ وش جنسيتك ^_^ ضحك وقال لا بجد وربي لي ثلاث ساعات وكل واحد يقولي استنى واخاف الحين يقفلون البنك ويقولن لي بكره وانا مو فاضي قلت لحظه انت حسابك الي الحين حق بنك الـ ...... صح قال اي صح قلت خير وانت تعرف انو بابا حسابه هناك انت وين رحت اي فرع وقالي الفرع قلت اي خير في واحد بابا يعرفه دايم اسمعه يكلم بابا لأنو بابا عميل مميز *_* قال اي صح ذكرتيني لحظه بكلم بابا وكلم بابا وحكا له السالفه وكلم بابا الرجال الي يعرفه هناك وقاله ماتشوف انو نفس الأسم المفروض مشيته الله يهديك وخلصت اموره طبعاً بدقيقه وحده خلص اخوي وخلص اموره وبعد مارجع اخوي قال بجد قسم بالله ما أدري أيش يحسون يعني اذا عندك احد ولا اجلس لين ما تخيس واخذ يعمل مقارانات كيف برى وكيف هنا الله يعين بس |
مساء الخير مساء العتق من النار دنى الوقت وقرب على رحيل رمضآن تمهل يارمضان فما زال في القلب أماني ضاعفوا العمل جدوا وأجتهدو فهي ايام مباركات ايام لاندري هل سنلحق بها العام المقبل ام ان هذا اخر رمضان نحضره يارب ارحمنا واغفر لنا وتب علينا يارب لاتدع لنا ذنباً الا غفرته ولا هماً الا فرجته ولا مريضاً الا شفتيه ولا ديناً الا قضيته ولا حاجةً من حوائج الدنيا والأخره الا قضيتها يارب يارب يارب هناك في القلب اماني لايعلمها احداً سواك فبشرني بها ومنّ بها علي ياذا الكرم والجود لا اله الا انت سبحانك اني كنت من الظالمين |
ودي أسأل سؤال الحين ليش الناس بس تفطر وتصلي على طول افتحو التلفزيون لو تبوني احلف مع اني مو حالفه بس تسذآ ^_^ انو ثلاث ارباع السعوديه كذا اذا مو الخليج طبعاً قبل شوي خلصنا فطور شلت المواعين حقت الفطور طبعاً اليوم اخوي الكبير مسير علينا يفطر لمن خلصنا قال تعالي اجلسي وش تبين بغرفتك انا من كثر ماتجلسين فيها كرهتها قلت انتم وش تبون بسماجة التلفزيون على الأقل بغرفتي اقرآ لي شي ينفعني ارتب احوس اسوي اي شي انفع لي من هالسماجه الي كل سنه صايرين احقر من السنه الي قبلها وانتم تدعمونهم وانتم تناظرونهم المفروض نحذف الـ القناه هذي مثل ماقال العريفي والله هو صادق وجيت وفتحت النت لأني امس مشاءالله اشتغلت السناعه وانا والخادمات نظفنا البيت كله بما أنو العيد قريب فما في شي اشغل نفسي فيه الا لاب توبي ولاب توبي الجديد غثثثه ماعرفت له كثير مره تدرون ليش *_* بليز بليز ما أحد يضحك لأنو هو كله انجليش حتى الكيبورد مافي حروف عربيه والوندوز انجليش فلمن قلت لأخوي بعطيه عمي يفرمته لي ويحط لي وندوز عربي تعرف انو الأنجليش انا موب ذاك الزود طبعاً رفض وقالي لو تعبثتي فيه وغيرتي شي بزعل لأن هذي هديه انا قصدت اجيبه كذا ابيك تتعلمين مو بس طقطقه ^_^ وهذني جالسه على قولت جدتي الله يطولي بعمرها أحورف فيه |
جآلسه اتخيل نفسي كيف بصير أستاذه *_* وكيف بوقف قدام البنات ويقولون لي استاذه ملاك <<< فيس مستحي <<< برآآ بليز ميمي بجد واقول لماما ادعي لي يختارووني بمدرسه ابتدائي مابي متوسط او ثانوي اطبق عليهم والله اخاف كيف بوقف واشرح احس ابتدائي تهون عند الثانوي والمتوسط من الحين اهلي بس ينادون علي ابلى ميمي وأبلى ميمي ولمن ألبس النظاره تكمل تعليقاتهم يقولون تنفعين مدرسة جغرافيا بس انا بدرس مواد الدين الله يعيني ويساعدني وأكون احسن استاذه واخذ الدرجه الكامله الله يهون علي اخر سمستر ويعددي هالتطبيق على خير ويوفقني ويوفق الكل يااااااارب |
سالي خيتوو يسلمو الله يوفقك ويسعدك دنيا وأخره مشكوره ويسعدني متابعتك اكيد انتي وكل اللي يمر ويتابع حروفي |
http://upload.al-wed.com/uploader/up...1313772149.jpg هذا فطوري أمس أيش رآيكم طبعاً ما أحب أكثر أكل كثير مرره لشيئين اول شيء تأثراً بما حل بالصومال الله يديم علينا النعم اللي احنا فيها ثانيا لأنو أعرف أهلي مو راعين أكل كثير فاللي مشتهي شي ويبي أسويه يقولي هذاك اليوم عالسحور وأصلحه له اما سالفة انو أسوي ويجلس وما احد ياكل فهذي مو بقاموسي أبداً |
http://upload.al-wed.com/uploader/up...1313614731.jpg هذي صورة لاب توبي الجديد ^_^ والهدايا الي وصلتني معاااااه بابا واخواني << أخواني من كثرهم ترا هم 2 ^_^ يارب ماتحرمني وجودهم فلا اطيق الدنيا بدونهم وأجعل يوم فراقي قبل فراقهم |
| الساعة الآن 04:19 PM. |