حبيبي لا اتّعذر و الجروح أسبابها الأعذار
و أنا أدري ما يطيب الحب غير بكثرة ذنوبه..

يا ليت الجرح ما بيّح نزيفه باقي الأسرار
يا ليته كان ذنب بدون عذر و تغفره توبه..

أنا اللي ما خذا منك القصاص و لا طلب له ثار
عل كثر الحقوق اللي تمنى قول مطلوبه..

أهلّي بالمواجع كل ما انساقت من الأقدار
و أقول يحلّها اللي حطها للقلب مكتوبة..

حطبت ضلوعي و شبّيت ضوّك يا عذاب النّار
و أنا أستر كل هم و كل همٍ ضاق به ثوبه..

تذكّر كيف سيّلت المشاعر في هواك أنهار
عطيتك للفرح صحوة و للأحزان غيبوبة..