|
اخر الليل اخر الليل وكلام - نوصفه شعر وغرام نشرح الحال و وصوفه نور من عقب الظلام احمد الله مابقالي - وصل مع سود الليالي كم سهرت من ولا غفيت وحق لي إني انام أهتني بالعمر كله - والسَعَد لا ما أمله ليه امل من السعاده ياسلام وياسلام ياسلام الله على اللي - بالعسل ريقي محلي ما اذوق الزاد دامه هو شرابي والطعام اطعم إمن الشهد صافي - منظره للقلب شافي من هواه وحب وصله لا يضام ولا يلام |
اقتباس:
(من ) - في الشطر الثاني من البيت الثاني أتت زائدة من غلطة مطبعية وددت التنوية إلى ذلك |
الحق مايسقط سهو- والسهو بعض التافهات
والنفوس المايلة - مالت ويمكن بالسهو! |
سبحان الله والحمدلله
|
بان الخرز بان - والعلم في شمس ٍ وضوح ما تَخَفّى شي وإحنا اللي نشوفه الحياه بروح والدنيا بروح والممات إحساب ما شيٍ يطوفه |
حين تقرأ الإحساس الراقي تشعر بأهمية تلك المشاعر الشفافة، وبشموخ الموهبة، وروعة الإبداع.. فتبقى تلك الأحاسيس والقوافي الجميلة تخاطب عقولنا، وتسكن قلوبنا، ويحلو لنا ترديدها. فالأحاسيس.. هي عاطفة إنسانية تنبع من الأعماق، وتنبض بها القلوب، وتترجمها القوافي، فنستمتع كثيراً عندما نقرأ أو نسمع تلك الروائع من الأحاسيس النقية والشفافة، ومن تلك الأشعار الجميلة هذه الأحاسيس والقوافي للشاعر سلطان الهاجري: مرحوم يا حبٍّ ترعرع بالاعماق متغذيٍ دم العرووق الصخافي في كل عضو له مقرٍ .. ومِيثاق بين الضلوع العوج بيّن .. وخافي يروق مع روقه مزاجي ليا راق ويحس بي إليا لحقني خلافي ويحس بأشواقي إليا صرت مشتاق قدّام يصبح في الأمور اختلافي وإليا هنا علقتها فوق معلاق وسليت سكين الخيانه يا كافي ودعتك النسناس يا ورد الأشواق كرامتي تحكّم عليّ الإنصرافي قطفت منك ما تهيا .. وما لاق ورميت باقي ذكرياتك خلافي لادمعةٍ راقت .. ولاخاطرٍ ضاق ما أقول غير اللي على البال كافي يكفي ثلاث سنين مرّت على ساق عينٍ فراش لك .. وعينٍ لحافي منقوووووووول |
صباح الخير واصبحنا على طاري العيون السود انا من وين الد الشوف اشوفه دوم بعيوني انا لولا حياي وخايف الشرهه ورى المنقود انادي إسمه ولو حتى جميع الناس يوحوني وانا وش حيلتي دام الحدود مسكرة بحدود إلا منّي بغيته قفلوا البيبان من دوني واعوّد للخيال اللي حفظته جودنا الموجود انا وش حيلتي دامي اهيم إفناس ينسوني صبرت وطالت الصبره وحبل الوصل ليه معقود انا برجيك مد الحبل زيح الهم وشجوني انا لجلك سهرت الليل يومن العباد رقود اشوفك وسط عيني دوم لو غمضت بجفوني وانا منّك اعيش العُمر مجهودٍ على مجهود اعيد إبهالزمان اذكر واعظ شفاي بسنوني ألا ياوقتي الماضي نويت إل حاضري بتعود انا وقتٍ مضالي راح خابت منّه إضنوني |
سلام الله سلامٍ ياصل القاتل من المقتول سلامٍ للعيون اللي برمش العين تقتلني سلام لسيف لاشفته اشوفه دايمٍ مسلول نظرة عين لامن لد اميل وثم تعدلني احير بحالتي مدري انا عاقل انا مخبول وين الزين ذا جابه وزينٍ به يخبلني اصير الجاهل التايه وعايش فالحيا مجهول لامنّي فقدت النظره اللي به تهبلني |
لا تفتح البيبان خل العزايم (هههه) ودّي عن البدوان لي باب مصكوك وانته على ماقيل دور الولايم وإعلا على الباقين لا حي يعلوك واهرج وسوق العلم والمدح دايم خله لنفسك لا تطرّيه في اخوك هذي علوم اللي يوصي الهلايم رجلٍ شحيح النفس ماهو بمبروك يافلان ياللي عن وفا الطيب صايم محدٍ سمعلك مدح في عم وابوك يالله شكرتك دوم زود النعايم شُكر الوفي لاقام يالله يرجوك ادعيك حظٍ بين الأشراف قايم قومٍ على الميقاف لا حل تدعوك بسمي وخصٍ لي ولا فيه لايم اصوات ترفع بالنداء ماتناسوك |
ياصاحبي هاذي حياتي وذا انت همٍ على درب الشقى مبتليني اربع سنينٍ حافظ الود ماخنت مايوم مر وفاقدٍ به حنيني اذكرك لامن غبت واذكرك لا بنت حتى وصوفك دايمٍ بك تجيني احلم بك ليا نمت واحلم بك ان كنت صاحي وبين الناس دايم في عيني |
أحيان أكتب لك رسايل واشرح إحساس وشعور اشواق فحروف ومعاني إحتوت كل الرسايل ياكثر ماقلت احبك في سطور وفي سطور ولا فِطنت إمن الخيال اقوق انا والدمع سايل يا خيالٍ ماحصلّي فيه حظ وفيه نور ليه انا حتى خيالي عاثرٍ والحال مايل الفِكِر يرجع ورى ماظنّي الدنيا تدور لو يدور الوقت قلنا ما يرد الوصل حايل ما تحول إبنا الليالي والسنين إمعا الشهور ولا يفرقنا الزمان إليا بِقى او كان زايل واثر لا هاضت هواجس خاطر الحُر الصبور حس بهموم وذِكر ماكان في ذا القلب شايل ياهواجيس الغرام أنتي رياحين وزهور ليه ماشوفك تجين إلا على خط الرسايل |
لا تصدق شاعرِ يكتب قصايد او يلحّن بالمعاني في نشيد او يسوق اوزان فأشعارٍ جدايد هو كذا حاله يدوّر له جديد والشِعِر قولٍ ولا بالقول فايد والفِعِل ياقف مع العقل الرشيد والمواقف للذي فالناس قايد كلمةٍ تُفعَل ولا قولٍ يزيد والهوى مصيود له فالناس صايد والعنا للي تعناله يصيد ياكثر مافيه من شرهه ونقايد فوق هذا نار فالاحشا تقيد والحظيظ اللي عن إدروبه يحايد وين ماصادف هوى عنّه يحيد |
ماعاد بِه حاجه على شان تنقال ولاعاد بِه قولٍ يوفّيك حاجه إن ما بدى للفعل ميقاف رجال وإلا يدوّر راعي الحاجه خراجه كنّا نِنَادي نرفع الصوت ينشال وللدّك في ارض المواقف عجاجه واليوم غير وشايف الحال قد مال ميلٍ على ماقيل يصعب علاجه |
ناظريني - وارحمي نظرات عيني هو صحيح الراس شايب والكُبر قد بان فيني والسنين اللي تُمر وهي سبب ذيك القطاعة كم ليالي قد مضت لي - قاطعه لا ماتجيني سامحيني لو قسى قلبي عليك وصار حتى مايبيك وصرت كاره من اودّه - يوم بيّن مايبيني عفت انا كل الأماني والخيالات العظيمه عفت حتى ايام عمرٍ راح هي ماضي سنيني سامحيني |
حنّا على مشراف قومٍ صالحين ناخذ إعلوم الوفا ونردها ولا نمد إلا يمينٍ في يمين وقفةٍ عند اللزوم نشدها وإحنا رجالٍ مانقود إلا سمين كل حاجه لا عَرفنا نسدها ما نوقف ضد قومٍ غانمين ولا نجي من خلف ناقف ضدها |
إنشدني كل الصور - وإنشدي حتى خيالك كل شيٍ لو تشوفينه يقول إني أحبك حتى لو مريت لحظه لو ذِكر حتى فبالك قال لك إني احبك - إي ورب الكون ربك ايه انا منّك ولك - وإيه انا في كل حالك مثل ظلك مايروح ولا قوى مره يكبك |
اقتباس:
قالت ابياتك تجنن - قلت هذا انتي وحالك هو صحيح إني كتبت إحساس واشواق وغرام لكن المعنى تراه إفعين من شده جمالك شاعرٍ ترجم هواه إب شعر ماقاله كلام حب فيكِ كل مافيكِ وحبّك - حِبٍ يشوقه وجالك وارسل ابيات ومعاني - ووقع إب كل إحترام إحترامي لك وانا اللي ماخطر مره ببالك إني اسهر لك ولا اقدر لاذكرت إسمك انام إيه انا محسوب لك وحِسابي إني من حلالك تملكين الكل فيني لك انا حِلّك دوام لكن ارجوكي رجيتك لا يضيعني خيالك لو نسيتيني اقضّي العُمر في هم وظلام |
احلام احيان تملكني مشاعر واضعف إلحدٍ كبير وأتفكّر في خيال وحلم ماشفته بعيني كنت أفكّر لو يصير الحلم واثره مايصير حلم ضايع ما تحققلي وضيعلي سنيني ياكثر ماكنت اهوجس وآتهيّض بالضمير كنت اظن وكنت احسّب كل شيٍ في يديني فقت كِنّي في منامي وآتلفّت واستدير ليت احلامي بشوف العين لو مره تجيني |
بنشد الشعّار ونشد من يشيلون اللّحون كيف انا اكتب فالغرام وكيف بوصف فالغزل آظن فحساسي شعور الحب واشواق وشجون ولا عرَفت اوصف شعوره كيف في صدري نزل هو كِذا حب العذارى خوف وافراح وجنون؟ طمنوني هو شعوري صدق او لعب وهزل؟ |
وحشتيني وشدتني وصوفك ولك رسمٍ تعلّق في خيالي احدد موعدٍ من شان اشوفك واعيشه بالأمل دايم فبالي احب النظره ولمسة كفوفك واحبك دايمٍ تجلس قبالي |
اللي مضيّع مربحه عند الرجال يلقى وفي سوق الربايع مربحه مدام علمه بين قيل وبين قال نمشي ونسمع في ظهرنا منبحه ياهيه مايرفع ردي بشت وعقال ولا يمشي دروب الوفا لو تنصحه كلٍ على مرباه يجمع له خصال وكلٍ صروف الدّهر بتنقحه أحدٍ نهض مرقاه في روس الطوال وأحدٍ ورق والريح دوم تنفحه |
ياليت لطبوع الوفا اصل ودليل او هي تجي مع ورث - شباك الوراثه المشكله عنوانها فعل الاصيل اللي لجل ضيفانه يجمّل اثاثه احنا على دروب الوفا محنا نميل ومحنا على ماقيل من قوم الخباثه احنا مثل سيلٍ وفا عقب المخيل يهنابه الزّراع لا انتج حراثه |
ياحايمٍ حولي على الهون بشويش وش فيك كنّك على القاع طاير ياقمري الروضه وياناعم الريش سيّر علينا واذكر الدار زاير حنّا كما حنّا ومن غير تشويش ومحنا ندور ولو هو الوقت داير نمشي في هالدنيا مع الناس ونعيش وماقدّر الله للمخاليق صاير |
سلام الله على من جا يهني يعايدني وفي عيد الضحيّه عقب عامٍ مضى فيه إمتعنّي يسوقه عُذر ماقد صار فيّه هلابك ظالمٍ فوق إمتجني هلا لو زدتني فالقلب كيّه نسيت اللي حكيته يوم عنّي لأ ني ناسيٍ كل القضيّه اعيش وبين كل الناس كنّي اعيش إبدنيتي عيشه هنيّه تمر إسنين عمري اللي مضنّي وانا ساكت ولا ابديت الشكيّه اعد إطعون في ظهري إذبحنّي واظن اللي حصيته فوق ميّه وانا صابر وهذا الصبر فنّي وسيع البال واعصابي هديّه تمر شهور وسنين ويجِنّي طواري ماضيٍ ماهي بحيّه واخايلها وانا اضحك غصب لأني ابا انساها وانا نفسي نقيّه |
تعالوا واقعدوا جنبي شويه ابا انشدكم عن علوم المقفّي علامه من سنه وشبه عليّه يغيب ودايمٍ عني إمتخفي عطيته كل ماجا في يديه وانا له دايمٍ وافي مكفي ترى مالي رجا إلا في مجيه اعدّه لي غناه وفيه شفي ألا وش حيلتي إفعينٍ شفيه وجفنٍ من سنه دايم يرفّي ودمعٍ منهمل مثل السقيّه عجزت اخفيه ولاهو اللي يجفي ابا انشد صاحبي ليه الخطيه وليه اليوم عن دربي يعِفّي ياكيف إن الخوي ضيّع خويه وكنّه ما لمس كفّه بكفّي |
سلام ياللي عليك إمن النظر نيّه ما اخطيك يومي أشوفك والنظر عاني انت الذي عقب شمسي جيتني فيّه من عقب ماحر وقتي شد واضماني يرجيك قلبٍ هوى لاتحرمه ريّه دامه بدالك عليّه شوقي واشجاني ياليت لك قلب مثلِ قلبي وزيّه إن كان تدري ياكم للعاشق إيعاني العشقِ يذبح نفوس ٍ بالغلا حيّه كل يوم يلحق بقيس ٍ واحدٍ ثاني إن غاب عنك الهوى وش عاد في يديّه غير الصبر والقَهَر والهم لاجاني الحال اشوفه برا وشويه شويّه افقد صوابي سبب هجران خلّاني يالله طلبتك انا في نفس محميّه تصبر على اللي على الصدّه بيحداني |
إنتظر منهو يجيك ، او فيوم يحس فيك انت من ضيّع هوانا ، وأنت من فكت يديك إنتظرك عام وأكثر ، إي سنه والله وأكثر ماقدرت اصبر وغصباً ، صرت انا اتغيّر عليك لاتلوميني وانا اللي ، صد شوفِي وصد كلّي حتى عيني ماتناظر ، صرت من يكره مِجِيك هذا حال الوقت شوفي ، كل شي ٍ به يطوفي كنت انا أتمنى وصالك ، صرت انا اللي ما ابيك |
ماقلت لك عندي-وماعندك إشوي ولا قلت لك فايق عليك بوصايف الله خلقنا نطفة ٍ عقبها حي من عقب ظلما جيت للكون شايف والدرب بين هِدَاك وألا معَ الغي نفسك ورد النفس لاصرت خايف وإبعد عن شموس الضحى وإزبن الفي خلك مع الاجواد وإرقى النوايف ياصاحبي برّد علي الكبد بالمي واهجر هزيل ٍ جاك بالقول زايف الناس تَبغى ناس تلقابها شي من شان تلقى للمجالس طرايف ياما نصحت وقلت لك غظ مع ني توّك صغير وحرّقتك الحسايف إحذر تداوي كيّة القلب بالكي وإحفظ جميع الكل ماهي النصايف وإبعد عن المسرى وإسرح مع الضي تلقالك من الناس خل وولايف لا تصاحب العيّه يصيبك من العي خلك شديد الباس فالطبع رايف واحفظ لنفسك ذِكر مع حاتم الطي الجود ماردّه ضلوعٍ نحايف هذي وصاتي فوق بطحاي وحصي اقطف من القيفان زهرٍ قطايف |
اربعة هزّت ضمير اللي يصد ولا يقول اربعة عَد الحروف الميتات اوراقها ياما صبرت ومعتلي حتى ولو صبري يطول الليل لابدّه يزول إبشمس بان إشراقها وإحنا نحب الطيب لامِن الزهَر ملا الحقول نشرب عسل من شَهد صافي ممتلي بأرياقها وإحنا على ماقيل سطوة لو نجول ولو نصول نحرق صدور الغل والله عزّنا بإحراقها |
اللهم صلي وسلم على نبينا محمد صلى الله عليه وسلم
|
السلام عليكم ورحمة الله وبركاته كنت ابحث في اوراقي القديمة وجدت أنني كتبت ابيات على عجل في عام 2012 حين كنت في الصين كنت حينها قد مللت البقاء فيها وإشتقت للمملكة اعزها الله وجميع بلاد المسلمين حينها كتبت هذا الأبيات إن صح تسميتها ابيات شعرية سلام يادار المحبة نرسله عبر الاثير من بلاد الصين واحنا ننتخي بجبالها ليت طيار السعودي بالعجل فينا يطبر لين اقرّب للنفود ولين اشوف جمالها ولين اذوق التمر طعمه مختلط فيه المضير ولين اشم الهيل فايح ريحته بدلالها ولين اشوف رياض الأحسا مع قمم هامة عسير ثم احس من البراد اللي يجي فظلالها |
إسمك أجمل من حروفه وأجمل أجمل في وصوفه كيف جمّعتي المعاني في زهر حتى نشوفه |
عذبوني سبت إحساسي وشوقي سبت ابيات القصيدة في هواك ماقدرت اصبر وانا اوصفلك حروقي ناااااار فيني لانظر عيني لقاك كم سكتت وقلت انا يالنفس روقي لاحكيتي زود في هم وعناك مير صبرك والزمن بيفك طوقي وإن تحررتي فطيري في سماك |
ارفقي بالحال روفي وانتي ادرى في ضروفي ماتشوفين التجافي كيف هد الحال شوفي |
السنه اربع فصول وانتي مثل العام كله كل يوم فحال ثاني يادهر مقوى امله |
الشعور اعمق من وصوف القصايد ماعرفت اوصف شعوري صدقيني لا وصفت الحب انا بحساس زايد اعجز أخط المعاني بي يدينيي كم رسمت الخط بحروفٍ جدايد كم نصاني القاف لجلك ينتخيني والحروف إن جات مافيها فوايد لنك اكبر من وفا معجم سنيني |
صح لسانك ابيات مميزه مع اني ماقريتها وفقك الله
|
اقتباس:
السلام عليكم ورحمة الله وبركاته تشرفت بزيارتك اخي نصراوي وحضورك لمدونتي ومرورك عليها هو اكبر من كل ماكتبته انا لا اعد نفسي شاعراً ولا اكتب الشعر فقط اكتب احساس خاص بي اكرر الشكر لك رعاك الله |
غضّي الطرف المعنّا ياعيوني وارحمي نفس الشقي لا زاد همّه وش تبين اليوم باللي مايبوني لاتردين النظر لا مر يمّه غضّي الشوف وتغطّي ياجفوني بكتم الأنفاس حتى لا أشمّه ريح طيبه خايف يحرك شجوني والبلا لانفسي الشفقا تضمّه طوله اللي شدني وأبدا لحوني قمت اغني والشعر فيه أستهمه له وصوفٍ طاغية دكت حصوني ماقدرت اصبر عن إوصوفٍ تعمه من شعر راسه ليا حد المتوني من تَحَتها وصف صعب إني أتمه احمر البسمه ترطبها السنوني بسمته مافارقت في يوم فمه فيه قسوه مير اقول انه حنوني نظرة العشاق حتى ماتهمه لانظرني حرك الدنيا وكوني كني إبعالم جديد يروح يمه غير إحساسي وإدراكي ولوني والشعور اللي احسه ما اذمه زين وأبدا فالغزل جملة فنوني مير عاجز احتوي فكره والمه ياظنونه وافقي مرة ظنوني لجل اعيش إبعالم إحساسه ودمه لايكون إبلحظة إفيومه بدوني لين اشوفه واحفظه بالغيب اصمه ليتني طعت الذي عنه نهوني قالوا صعب تطول حتى يوم كمه وليت احلامي على الواقع يجوني كان اقوم وحالتي من فوق قمه |
لاصرت فالعمر كملت خمسين حذرا ويم الهوى لاتحوّل يكفي ليا لدت العين بالعين وإن طعت شوري بالنظر لاتطوّل روح وتمشى واختم العُمر بالزين لف الديار الواسعات وتجوّل وإسمع حكاوي مزهرات الرياحين وإبعد عن اللي بالغناوي يموّل ومن الحذر ما يوزّن الشياطين حُكمٍ نِعَرْفه بالشريعه من اول هذي وصاتي نحكم العُرف بالدين قبل الليالي تبتدي ما يهوّل |
| الساعة الآن 08:35 PM. |