|
كل الشكر لتواجدك الغالي شمس القوايل والمميز هنا
ودي وتقديري |
البآرت الـ 34 ...
فـي قـصر أبو سعود , وبالتحديد مكتب أبو سعود .. ريف كآنت بمكت أبوهآ وجآلسه قدآمه ومتوترة وسآكته , خآيفه وش الموضوع إللي يبيني أبوي فيه .. أبو سعود قلب نبرة صوته لجدية ونآظر ريف : وش اللي بينك وبين أختك ؟ ريف رفعت رآسهآ وقالت بهدوء : ولا شي يبه وش بيني وبينهآ .! أبو سعود : لاء في بينك وبينهآ شي , وآضح من أول ماقعدنا نتغدا وإنتوا تناظروا بعض وكنت ملاحظ عليكم , ويوم قلنا سآلفة السفر أختك عاندتك لاحظت ه الشي ريف بلعت ريقهآ وناظرت الفراغ : عآدي يبه مشاكل صغيرة وتنحل .. أبو سعود لاحظ عليها إنها ماتبي تتكلم : طيب برآحتك , "وتذكر" إيه صحيح اليوم تقدم لك عريس ..! ريف بصدمه ناظرت أبوها بسرعه : عريـــس ..؟! أبو سعود .. إبتسم عَ ردة فعلهآ : إيه عريس وأنا ماعطيته كلمه قلت له الراي راي بنتي ريف بلعت ريقها وبغصه : مين هو يبه ..؟ أبو سعود : وليد ريف بصدمه : مين وليد ؟ أبو سعود : السوـآق ..! ريف تلعثمت وإنصدمت كيف مو معقول وليد يتقدم لي وأبوي يكلمني بهالبرود ..! أبو سعود : أدري إن الموضوع فآجئك خذي وقت وفكري ورآيك بحترمه إيش ما كان ريف هزت راسها وقفت وأعطته ظهرها بتطلع وهو قلبها يدق بقوة وتحس نفسها بحلم ..! برا في الصاله كانت رند بتموت لقافه وتعرف أبوها وش يبي من ريف طلعت ريف وهو وجهاا باين إن في شي ..! وأعطتهم ظهرها وهي مو معاهم تطلع ع غرفتها وقفها صوت أمها ونظرات رند : ريـــف .!؟ ريف إلتفت وهي لسه مصدومه : هـلا يمه .! أم سعود وهي تناظر علامات وجها بستغراب : وش يبي أبوكِ منك ؟ ريف إستوعبت ورجعت لطبيعتها : ولاشيء يسألني ع الجامعه أم سعود بشك : أكيد ريف تحاول تبتسم : إيه يمه أكيد , عن إذنكم "وناظرت رند نظرة مافهمت معنآها وطلعت " فـي جدة , الساعه 7 المغرب .. بيت العم سلطآن إمتلئ الكل جآ .. ومابقي أحد .." البنآت والحريم كآنو بمجلس الحريم .. البنات جالسين بزاوية ويسولفوا ويضحكوا ومسوين إزعاج بالمجلس .." شهد وهي تهمس للبنات عشان الحريم لايسمعوا : بنات اليوم سمعت أبوي يكلم جدي وكان معصب مراا الهنوف قطت بلقافتها المعتادة : ليه وش قاله جدي ؟ شهد ترفع كتوفها بعلامة ماتدري : مادري بس يمكن الموضوع يخص عمي محمد لمى بستغراب : حموود أكيد مسوي مصيبه جديدة شهد وقفت : هو بمجلس الرجال وش رايكم نروح نناديه ونسأله الهنوف سحبتها من إيدها وجلستها : وش تسألينه تخيلي تدقي الباب ويفتح لك الغثيث مهندوه أو بدروه ويسألونك وش تبي تقولي أبي عمي محمد وبعدين يقولوا لجدي وجدي يسألك وتحقيييق شهد جلست وبوزت بعدين ناظرت لين إللي كانت تلعب مع سجى نادتها : لينوو ؟ لين وهي تناظرها : خير وش تبيين ؟ شهد : تعالي بقولك شي لين جات وتخصرت : وش تبين ؟ شهد قربتها لعندها : روحي لمجلس الرجال ودقي الباب ونادي عمي محمد قولي له خالتي أم طلال تبيك بشغله الهنوف يقال تدافع عن أمها : هي أمي مالها شغل "وطالعت لين " قولي له خالتي أم لمى تبيك بشغله شهد ضربت الهنوف ع كتفها : إنقلعي إنتي مو وقتك "إيه لينو وش تقولي له لين بنذاله ترفع صوتها عشان الحريم سمعون : أروح مجلس الرجال وأدق الباب وأنادي عمي محمد وأقوله خالتي أم طلال تبيك بشغله الحريم كلهم يناظروا البنات ومستغربين وشهد والهنوف إنقهروا منها ويسكتوها شهد تدفها : إنقلعي الشره علي إللي ناديتك أم لمى وهي تناظرهم بتفحص : شهود وش تبي بعمك محمد ؟ شهد تحك راسها : ولاشيء يمه أم لمى سكتت وهي تناظرها يعني حسابك لما يروحون فــي مجلس الرجآل .. الجد وأبو طلال وأبو لمى كآنوا جالسين جمب بعض ويتكلموا بصوت وآطي عشان محد يسمعهم .. طلال وعزوز وريآن ومهند وبدر ومحمد جالسين جمب بعض ويتكلموا ويضحكوآ .. طلال : إلا شبآب وش رايكم بعد العشا نطلع نهجول وكذا مهند : أنا معك لآن اللحين العجايز بحشرونا بالمجلس وماراح نقدر نتنفس ريان : إنتوا روحوا بس أنا مشغول وبرجع للشركه محمد : ياخي إرحم نفسك شوي 24 ساعه شغل شغل كمان لبدنك عليك حق ريان : أنا كذا مرتاح بدر : بنشوف لما تتزوج كيف بتترك المدام ولا لاء ريان : وقتها لما أتزوج يصير خير الجد إنتبه لأخر كلمة قالها ريان : ومتى ببتزوج يا ريان ؟ ريان توتر وناظر الشباب يعني جدي سمعني والشباب كاتمين الضحكه عزوز همس لريان : جاك الموت يا تارك الصلاة ريان عطاه نظرة وبعدين قال : لما أستقر ياجدي الجد بحده : لما تستقر ليه اللحين إنت مو مستقر وش ناقصك رجال طول بعرض وتشتغل مو ناقصك إلا تتزوج .! أبو ريان : إيه يبه كلمه أنا وأمه لسانه نبرا وإحنا نكلمه لكن لاحياة لمن تنادي ريان وقف : جدي مابي أحد يغصبني ع شي ما أبيه لما أقرر الزواج أول وآحد أقوله هو إنت الجد أشر له بعصاته : إقعد إقعد زين وين رايح .. ريان بطفش لكن مابين وقعد .. الجد تكلم بجديه : هالموضوع مو وقته نتكلم فيه بجي له يوم وأتفاهم معك يا ريان ريان قال بضيق : إن شاء الله ياجدي وسكت ريان وهو متضايق مايبي يتزوج مالقى البنت المناسبه مايبي يتزوج زواج تقليدي ويخلي أحد يفرض عليه شي هو مايبيه لأانه رح يظلم نفسه ورح يظلم البنت إللي أخذها .! مزون والهنوف وشهد كانوا بالمطبخ والهنوف قاعدة تستهبل ع الخدامات وهم يجهزوا العشاء الهنوف : شهود ترى وربي عطشت أبي شي يروي عطشي .! شهد : في مويا تبي الهنوف : لاءا أبي بيبسي شهد : مافي البيبسي ع العشاء الهنوف كشت عليها : أعوذ بالله ي ختي ماشفت أبخل منك لمين طالعه مادري شهد : طالعه عليكِ الهنوف : تخسي تطلعين علي هذا اللي ناقص مزون بطفش : بنات اللحين ليه جايبيني المطبخ وش تبون مني ..!؟ شهد بستغراب : مدري ذي الهنوف إللي جايبتك الهنوف : بكلمك بموضوع مهم .! مزون بستغراب وشهد بفضول يناظرونها ..! الهنوف تناظر الخدامه إللي ماكنت معهم قالت لهم : تعالوا نروح فوق أخاف أحد يسمعنا هني شهد وهي تمشي : زين تعالوا غرفتي .. وهم طالعين كانت نازله رشا الكل كشر اللحين رح تبدأ تحقيق .! رشا تناظرهم : وين طالعين شهد : وش عليك إنتِ "وطشنتها وطلعت فوق هي والبنات " رشا لما شافتهم طلعوا قالت بنذاله : هين يا شهدوه "ونزلت بسرعه تقول للمى " |
فوق في الغرفه ..
كانت شهد جالسه ع السرير والهنوف ع الكنبه ومزون جمبها .. شهد بفضول : يلا قولي وش هالموضوع المهم ؟ الهنوف بلعت ريقها : في عريس متقدم لعمتي أروى وجدي ما قال لها .! شهد بستغراب مو من الموضوع لاء لأنه ما قال لها : وليه ما قال لها , ليكون نآوي يغصبها ..!؟؟ الهنوف : شكله كذا مزون بحزن : حرااام لايغصبها ,, ماتوقع جدي يسوي كذا الهنوف : إلاتوقعي جدي عصبي والكلمه إللي يقولها ماتصير ثنتين لو إيش , بس لآنك إنتي من وقت ماجيتي ماعصب ولاشي شهد : طيب ماعرفتي مين اللي متقدم لها الهنوف رفعت كتوفها : لأ ماعرفت .. شهد وقفت : مصيرنا نعرف , خلنا ننزل لا اللحين ينتبهوا علينا الهنوف : أوكِ .. فتحوا الباب ولقوا لمى ورشا إنصدموا .. شهد بصدمه : خير وش تسون هنا .؟؟ لمى : سمعنا كل شيء وليه إن شاء الله مابتقولون لنا ..! شهد : إنقلعي بنقول لكم بس خلنا نعرف ونتأكد , وخلاص كآهو عرفتوا تبون شي ..!! رشا : لازم عمتي تعرف ..! الهنوف فتحت عيونها : جنيتي إنتِ وش نقول لها عشان تقول لجدي وجدي يسألها شلون عرفتي وإحنا ناكلها بالأخر شهد تأيدها : صح إحنا بناكلها بالأخر خلاص خلنا متفجرين ياخبر اليوم بفلوس بكرا ببلااش مزون : طيب بنات خلنا ننزل مو كأن تأخرنا البنات : إيه والله يلا ونزلوا تحت .. ثآني يوم العصر .. فـي شقة فهد وسآرآ ..~ كآنوا توهم مخلصين غدآ .. وجالسين يناظروا الـ tv فهد كان متوتر مو عارف كيف يبدأ الموضوع مع سارا وهو وعدها مايصير هالشي سارا إللي كانت مندمجه مع الفيلم جات لقطه مضحكه وضحكت عليها فهد شافها تضحك سلك لها وضحك <ياكثر ما أسويها سارا ناظرت له لقته مسرح وبس سلك لها أخذت الجهآز وخفضت الصوت وناظرت له : فهد وش فيك مو على بعضك ؟ فهد تنهد : لاولاشي بس يمكن ضغط الشغل سارا : متأكد مافيك شي .. فهد إبتسم : إيه متأكد مافيني شي سارا سكتت وهو كمان سكت لدقايق سارا تذكرت : إيه صح وش كانت تبي منك أمك اليوم الصبح ؟ فهد توتر : موضوع بسيط سارا تبي تعرف : طيب وش هو قولي إياه ؟ فهد عرف اللحين ماراح تسكت : تقولي لازم بكرا أجي بيت عمي بدري عشان في عزيمه سارا : جد وليه ماقلتلي بدري فهد إبتسم مجامله : نسيت "! سارا أخذت الجوال : بتصل ع أمك عشآن أروح لها من بدري فهد توهق وسحب الجوال منها : لاء لاتتصلي عليها يمكن مشغوله سارا بستغراب من تصرفه وأخذت الجوال : لأ بتصل عليها لأني كمان من زمآن مادقيت عليها فهد هو خلقه معصب من موضوع أمه فصرخ على سارا : سارا قلت لك لاتتصلي ما تفهمي إنتِ .!؟ سارا نزلوا دموعها من صراخه : طيب ليه تصرخ علي وش سويت أنا فهد كسرت خاطره قرب منها وحضنها : أسف حبيبتي بـ ـس متضايق من الشغل سارا بعدت عنه ومسحت دموعها : فهد في موضوع إنت ماتبي تقولي عليه صح ؟ أعرفك ماعمرك عصبت من شغلك وقت ما أمك طلبتك رجعت وأنت معصب وتنافخ وش تبي منك "وسبقته قبل لايتكلم " لاتقولي موضوع بسيط ولاخطبة لبنت عمي لأني مابصدقك ترا فهد أخذ نفس ومحتار مو عارف كيف بقول لها : سارا أمي كانت تبيني بموضوع يخصك ويخصني أكيد .. سارا بستغراب : يخصني ويخصك وش هالموضوع ؟ فهد بلع ريقه : تبيني أتزوج عشان أجيب لها عيال ..! سارا فتحت عيونها وبصدمه بس بعدين تلاشت الصدمه لما قالت أكيد مصيره يتزوج أجل بنتظرني .. قالت ببرود : طيب فهد مسك إيدينها : سارونتي لاتتوقعي إني بتخلى عنك إنتي بتبقي الأولى والأخيرة ماراح أتركك سارا نزلوا دموعها ماتحملت : بـ ـس هـ ـي رح تجيب لك الولد يعني أكيد بتحبها أكثر مني فهد : حتى لو جابتلي مية ولد ماراح يكونوا منك إنتِ غير لما يكون من الانسانه اللي تحبها وتبيها سارا هزت راسها وسكتت بعدين قالت : ومين بتتزوج ؟ فهد قال بضيق : أنوار بنت عمي سارا إبتسمت : زين ليه مضايق أنوار حبوبه وحلوه صدقني بتسعدك فهد : سارا أدري إنك متضايقه أكثر وحدة بس تكتمي بقلبك سارا بغصه : لاء مو متضايقه دام شي بسعدك فهد جلس جمبها وحضنها لصدره بقوة وهي بكت وطلعت كل طاقتها لأنها يمكن أخر مرة تحضنه بعدها متأكدة 100 % رح يتغير ويحب أنوار أكثر منهااا ..!! فـي قـصـر أبو سعود ..! الأجواء كانت روتينيه كَ العادة ريف من وقت ما أبوها كلمها بخصوص وليد وهي مستانسه حيل , توقعت أكثر واحد يرفض وليد أبوها .. بحكم إنهم من عائله راقية ومو معقول بنته تتزوج سوااق .. بس كانت متضايقه كيف بتقول لأختها وتفهمها وهي عآرفه إن رند تحب وليد كانت خايفه من هالنقطة كثيير .. في غرفة ريف كانت البندري عندها .. البندري بملل : أووفف اللحين وش هالموضوع إللي راجتني تعالي وتعالي وبالأخير جالسه مثل صنم لاحركة ولا شيء ريف مو عارفه كيف تبدأ : طيب أمس بعد الغدا أبوي قاللي تعالي أبيكِ بموضوع مهم رحت وسألني وش بينك وبين أختك لأنه لآحظ نظراتنا ع الغدا كلها زعل وفعلاً كنت زعلانه من رند ورند زعلانه مني البندري قاطتعتها بسماجه : أصلاً متى تصالحتوا .! ريف عطتها نظرة وكملت : قلت له مو زعلانين من بعض وقعد يلح علي إلا يعرف لكني ما قلت له قاللي طيب مو هذا الموضوع إللي بكلمك فيه وليد تقدم لك البندري بصدمه : ولييد مين ؟ ريف إبتسمت : وليد سواقنا البندري : من جدك إنتِ وعمي كذا قاللك هي بكل برود وكأنه واحد غني متقدم لك ريف : يب وأنا إنصدمت أبوي باارد وهو يتكلم عنه البندري : وإنتِ مواافقه ؟ ريف إبتسمت بحب : إيه موافقه "وتذكرت رند" بس رند .! البندري بتسغراب : وش فيها رند ؟ ريف : لما كان يوصلني ع الجامعه وهي ع المدرسه كنت ألاحظ عليها تناظره وتوزع له إبتسامات بس هو مطنشها البندري : يعني تحبه ريف : إيه تحبه البندري : إممم شوفي رييف دام الشخص إللي إنتِ تحبيه ومرتاحه له أهلك موافقين عليه وافقي ولاتهتمي لرند ولاغيره ريف : بس هي أختي وأخاف أخسرها البندري : رند أنانيه ماتحب الا نفسها ومستحييييل لو تكلمتي معها بتفاهم بخصوص وليد تتنازل عنه بالعكس رح تعاند فَ أحسن شي لاتاخذي رايها وإنتهينا .! ريف سكتت تفكر بكلام البندري ..! البندري قطعت عليها تفكيرها وسألت بفضول : إلا ريفوه هاذي زوجة أخوك شلونها معكم ريف إبتسمت : قصدك كاميليا عسسل وربي وطيبه وتموت في سلمان وسلمان كمان يحبها بس دايم تتناقر مع رند البندري بقهر : أهااا وينها هي اللحين ؟ ريف : يمكن بالصاله أو بغرفتها البندري وقفت : بروح أشوفها تجي معي ريف : لاء بخلص كم شغله للجامعه وألحقك البندري وهي طالعه : أوكِ نزلت البندري تحت للصاله ولقتها جالسه ومعها اللاب ناظرتها بتفحص شكلها مرة جذاب وأنيق كملت نزولها وصلت : السلام عليكم كاميليا رفعت نظرها وإبتسمت : وعليكم السلام ياهلا البندري جلست ع إحدى الكنبات : شلونك ؟ كاميليا سكرت اللاب : الحمدلله منيحه إنتِ كيفك ؟ البندري إبتسمت بمجامله : تمام كاميليا : إنتِ بنت عمو لسلمان ؟ البندري بملل منها : إيه بنت عمه إسمي البندري كاميليا : عاشت الأسامي , وأنا كاميليا البندري : إيه حكتني عنك ريف كاميليا إبتسمت : تؤبر ئلبي شو عسل هالرييف حبيته كتيير البندري راحت جلست جمبها وتربعت برجه : إنتِ صدق أمك أمريكيه وأبوكِ لبناني كاميليا ضحكت : ههههههه لأ أبي أميركي وأمي لبنانيه البندري : إيه يعني معك الجنسيه الأمريكيه كاميليا : إيه أكييد معي , وإنتِ شو بتدرسي البندري : هاذي سنه أخر سنه لي بالثانوي كاميليا : أها الله يوفقك يارب , وشو رح تتخصصي ؟ البندري رفعت كتوفها : إممم مددري بيني وبينك أصلا الدراسسه مغثثه , برتاح لي كم سنه بعدها أكمل دراسه كاميليا : لاءا شو كم سنه وقته أديه بكون عمرك 20 أو 21 مافي وقت للدراسه أو إزا حدا تقدملك خلصي كل شي بدري بدري أحسن لك خديها نصيحه مني وقعدت البندري تسولف مع كاميليا وارتااحت لها كتيييير لقت داخلها طيبة القلب والعفوية بالكلام وكاميليا إرتاحت للبندري .. |
ريف كآنت طالعه من غرفتها بتنزل تحت مع تجلس مع البندري وكاميليا ..
شآفت رند طالعه من غرفتها .. قالت أقول لها ولا بعدين ..! لاء أحسن شي اللحين عشان تكون عارفه .. تقدمت عندها وإبتسمت : رنود أبيكِ بموضوع رند ناظرتها من فوق لتحت وقالت بتكبر : خير وش تبين ؟ ريف مسكت إيدها ودخلتها غرفتها وسكرت الباب : إقعدي عشان أقولك رند قعدت ع السرير بطفش : يلا قولي ريف بلعت ريقها وقالت بتردد : إنتِ تعرفي ليه أبوي كآن يبيني بعد الغدآ ؟ رند بستغراب : لاء ما أعرف .! ريف جلست جمبها وقالت بخوف من ردة فعلها : قاللي إن في عريس تقدملي رند ببتسامه : والله طيب حلو , ومين هالعريس ؟ ريف غمضت عيونها وأخذت نفس : ولـيـد ...! رند تلاشت إبتسامتها : ولييييييد ؟ ماغيره ؟ ريف تحاول تهديها : إيه وليد السواق ماغيره ليه ؟ رند بعصبيه : وتسأليني ليه يعني ماتعرفي إني أحبه ..!؟ ريف بهدوء : رند إهدي , هو تقدملي أنا وإنتِ مايبيكِ إرضي بالأمر الواقع وخلاص لاتصيري أنانيه كل همك نفسك وبس ضحي ولو مرة وحدة عشان سعادتي رند بصراخ وخلت كل إللي بالبيت يسمعونها : مابضحي عشان أحد , ووليد أنا إللي باخذه ولاتحلمي يا ريف تاخذينه ريف عصبت : وشو هو لعبه تاخذينه وأخذه نصيبي ووليد يحبني أنا لو يحبك إنتِ كان تقدملك رند صرخت عليها : إطلعي برا ريف ناظرتها بأسف : رح أطلع برا وطلعت برا الغرفه , ورند جلست ع السرير وهي تفكر كيف بتخلي ريف ما يتزوج وليد .. المغرب , الساعه 7 .. فـي بيت الجده , الكل كآن هنآك ومجتمعين .. فـي مجلس الحريم سارا كآنت جالسه وحزينه ومتضايقه وتفكر في زوآج فهد بكرآ زوآجه بكرآ بصير لوحدة غيرها بتجي وحدة ثآنيه تشاركها بزوجهآ .. كل ما تتخيل شكلهم وكيف بعيشوآ مع بعض الدمعه تتعلق برموشهآ .. ريف إنتبهت لها إنها متضايقه جات جلست جمبها وقالت بتفحص : سارون سارونه سارا إنتبهت لهآ وإبتسمت مجامله : هلا ريف ريف تناظر وجهاا بتفحص : وش فيكِ مو على بعضك ؟ سارا تتظاهر القوة : لاء مافيني شي عادي ريف : فهد فيه شي صاير بينكم شي ..! سارا وقفت ومسكت إيدها وطلعوا برا المجلس وقفوا بالسيب قريب من الصاله .. سارا حضنت ريف وبكت بقوة .. ريف قلبها أوجعها عليها مع إنها ماتعرف السبب بس نبرة صوت سارا الحزينه وبكائها القوي أكيد في شي وشي كبير بعد صارت تهديها وتمسح ع ظهرها : خلاص سارونتي قطعتي قلبي إهدي وقوليلي وش فيكِ ؟ سارا بعد عنها ومسحت دموعها وقالت بصوت مبحوح من البكاء : ريـ ـف فـ ـهـ ـد بـ ـتـ ـزوج .! ريف إنصدمت : بتزوج "وتحاول تستوعب" كييف هو قالك مايبي يتزوج و... سارا قاطعتها : أمه أجبرته وإختارت له بنت عمه مو معقول بتبقى تنتظرني لين أحمل وهي تبي تشوف أحفادها وماعندها إلا فهد وحيدهآ ريف بحزن وتحاول تواسيهآ : طيب حبيبتي بس لاتنسي فهد يعشقك لدرجة جنونيه ومستحييل يحب غيرك حتى لو بنت عمه جابت له الولد بحترمها إحترام فققط أما يحبهآ ويعشقهآ مثلك ما أعتقد سارا تعرف إن ريف تبي تخفف عنها وتواسيهآ فَآ إبتسمت : طيب ريف وأسفه تعبتك ووجعت لك راسك ريف ضربتها ع كتفها بمزح : لاتقولي كذا يادوبه أزعل منك أنا مثل أختك يلا خلنا ندخل لاينتبهوآ علينآ .. سارا : هههههه طيب إنتي روحي أنا بغسل وجهي وألحقك .. ريف : أوكي |
ثـــآنـي يووم الساعه 5 العصر ..
سعود كآن يجهز ملابسه بالشنطه لأنه بسافر لفرنسا عشان يدور ع مزون ^_^ سكر شنطته ونزلها عَ الأرض رجع شعره لوراء .. جلس ع السرير يفكر " كيف بقول لأمي وإيش بقول لها بروح لفرنسا أدور ع مزون إيشردة فعلها . ومزون رح توافق ترجع آآه ياربي وش هالحيرة إللي أنا فيهآ " وقف وأخذ نفس وزفرة طويلة وطلع من غرفته متوجه لغرفة أمه لكن أوقفه الصراخ إللي تحت في الصاله إرتاع ونزل بسرعه يشوف وش فيه وقف أعلى الدرج وشاف رند وكاميليا يتهاوشوا تنهد بحسرة من رند إللي ماتخلي أحد بحاله كمل نزوله وصرخ عليهم وسكتوآ : بس إنتِ وهي ماتخلوا الواحد يرتاح دقيقه 24 ساعه تتهاوشوا إحترموا إللي بالبيت شوي رند نزلت راسها وهي لسه خايفه ومنحرجه من سعود بعد مشكلة مزون وهو لسه ماصفي قلبه ناحيتها .. كاميليا سكتت بحرج من سعود سعود ناظرهم وتنهد لما شافهم ساكتين : لو سمعت صراخكم مرة ثانيه رح تشوفوا شي ماتتوقعونه "وناظر رند بقهر" وإنتِ ماوراكي دراسه هالسنه أخر سنه ومابقي شيء للإختبارات روحي غرفتك ذاكري رند رفعت راسها وبقهر وغيض مكتوم ناظرتهم وطلعت فوق بخطوات سريعه ومزعجه سعود تنهد وطلع برا البيت كآن أول له خلق يكلم أمه اللحين ماله خلق لأي شيء .. فـي جدة , بالتحديد بيت أبو لمى .. لمى كانت بغرفتها تكلم خطيبها تأففت بطفش : مشاري خلاص إحنا تكلمنا بهالموضوع وخلصنا منه .. "إبتسمت" طيب حتى أنا ودي أشوفك بس تعرف أبوي مايحب هالحركات .. "تنهدت" إيه أعرف إنك زوجي ولك حق بكل شيء "شهقت" ياوييلي تبينه أطلع من غير لايدري إذا هو يدري أطلع وأنا خايفه لو ماقلت له وش بصير .. "بنفي وخوف" لالالا مشاري واللي يسلمك إبعد هالكفرة عن راسك "كسر خاطرها " طيب طيب بشوف يلا مع السلامه .. نزلت الجوال وهي متضايقه تبي تشوف زوجها إشتاقت له لها قريب الأسبوعين ما شافته وأبوها منعها لأن مابقي لعرسهم شيء ومشاري كل يوم ناقز لهم مابقي إلا ينام عندهم دخلت مدرعمه عليها وهي نقزت : بسم الله الرحمن الرحيم في شيء إسمه إستئذان بلى شهد طنشتها وقالت بوناسه : لمو تخيلي بالإجاازة وين بنسافر .؟ لمى بحماس نقزت ونست مشاري : وين ؟ شهد : أبوي قال بنروح سويسرا بنقعد فيها شهر لمى بحمااس قامت تناقز : ياسلااام وأخيراً بنساافر شهد ضحكت ع حماسها وإنتبهت لجوالها يرن : أقول يا مجنونه جوالك يرن لمى ناظرت جوالها وشافت المتصل مشاري تضايقت : أووف هذا مشاري يبيني أطلع معه شهد شهقت : وش تطلع معي جن هذا ولا جن أبوي لو يدري لايذبحكم لمى بضيق أكبر : ويبيني أطلع من غير لا أبوي يدري شهد بصدمه : وشوو ؟؟ لا هذا مشاريو إنهببل لمى ضربتها ع كتفها بخفيف : وجع شهدوه وش إنهبل , المهم أنا وافقت وما أقدر أقوله لاء لأني بصراحه مشتااقه له مووت شوفي لي طريق حتى ألبس وأطلع معه شهد تحمست لأان من زمآن ما إستهبلت : طيب بس يلا إنتِ إلبسي عباتك عشان بسرعه تطلعين لمى : أوكِ طلعت شهد من الغرفه نزلت ع الصاله لقت رشا ولين يلعبوا بليستيشن تطمنت أمها وأبوها مو بالصاله طلعت وقالت للمى تنزل عشان تطلع من باب الحوش اللي عند المطببخ نزلت لمى وراحت المطبخ بهدووء وطلعت من غير لا أحد ينتبه عليها وشافت سيارة مشاري ركبت فيها بسرعه وهي مبتسمه بخوف مشاري إنتبه لها وشق الحلق : ياهلا والله تو مانورت السيارة لمى إبتسمت بدلع : منورة بوجودك مشاري : وين تحبي نروح لمى بخوف : لامانبي نروح مكان خلااص شوفني هني مشاري بزعل : هني قدام بيتكم لو أحد شافنا اللحين ع الأقل نروح البحر لمى بستسلام مو هي خاربه خاربه : طيب شغل السيارة وهو مبتسم .. ثاني يـــوم المغرب في بــيــت أبو ريـآن .." كل البنات كانوا بالحوش قاعدين ومستانسين .. الهنوف : بنات طفش وش رايكم نلعب .! شهد : إيه مرة طفش بس وش نلعب ؟ رشا ومزون مع بعض : كرة طايرة البنات هتفوا بحماس : هيييييييييييييييه دخلوا البنات البيت ورآحو كلهم غرفة عزوز .. الهنوف وهي فاتحه الدولاب وتشوف التيشرتات إللي عنده وتطلع وترمي للبنات رشا رمت التيشيرت إللي طلعته الهنوف : مابي حق الهلال أبي للإتحآد الهنوف وهي مدخله راسها بالدولاب : كزق رشو مافي عنده للإتحاد كلهم ريال مدريد وهلال رشا بعنااد : إلا طلال عنده الهنوف سكرت الدولاب : مالقيتي إلا طلال تاخذي من عنده عشان يقص رقبتنا لمى : أقول رشو إلبسي إللي موجود وإنطمي رشا كشت عليها وأخذت التيشيرت وراحت الحمام .. الهنوف ناظرت مزون : وإنتِ يا الحسناء وش فيكِ تقلبي بالتيشيرت لك ساعه مو عاجبك ؟ مزون بنت العمه نوره : لاءا أقرف صراحه "ورمت التيشيرت ع السرير " مابي ألعب معكم الهنوف : تقرفيين ياحقيرة أنظف منك والله ماغيرك القرف لمى بستغراب : هنوف وش فيكِ أكلتي البنت الهنوف بعدم إكتراث : تنقلع ماتعرفينها دلوعه ومايعجبها شي مزون سكتت وهي حابسه دمعتها >لاتهتمون هي حساسه طلعت رشا وكل البنات تجمعوا تحت بالحووش وبدأو بلعبوا عدا مزون قاعده تتفرج عليهم فجأأأأأة شـهـد رمت الكرة عَ بيت الجيرآن إللي جمبهم ..!؟ لمى بقهر : شهيد وش سويتي وش بجيبها اللحين ؟ الهنوف : الله ياخذك يا بقررة رشا ضربتها ع كتفها : وعله هنوفوه إنتِ ماغير تدعين الهنوف : سكتوها لأاتوطها لهالحقييرة لمى : بس إنتي وهي "اللحين وش بجيب الكرة الهنوف : هاذي حقت عزوز والله لو درى لايذبحنا شهد : ما لنا إلا حل وآآحد ؟ الكل بأصوات مختلفه وحماس : وشو ؟ شهد : ننقز ع بيتهم عشان نجيبها لمى ورشا ومزون ناظروها بخوف..! الهنوف بحماس : قدام يا بنت عمي شهد إبتسمت وتقدمت هي والهنوف وبحكم إن السور مو عالي مرة الهنوف رفعت شهد بعدين قالت للمى ترفعها وصاروا دااخل الحوش .. لمى ببخوف : بنات والله لو أبوي عرف لايذبحهم رشا : أخاف أحد يشوفهم مزون : صدق مجانين .! نروح للهنوف وشهد شافوا باب الفيلا ينفتح إلا بسرعه أخذو الكرة وتخبوا بشنطة سيارة كانت مفتوحه وفيها أشياء وغطوا نفسهم بالأشياء إللي فيها شهد بهمس وخوف : هنو وش بنسوي وش هالورطه هااذي ؟؟ الهنوف بلعت ريقها : ياويلي يصير فينا يا شهود مثل ما صار بنينا دوبريف بالفيلم اللي شفته قبل يومين شهد تناظرها : وش صار فيها .! الهنوف تتكلم بحماس قصة الفيلم وناسيه وجودها بسيارة ناس ماتعرفهم : دخلت بيت ناس ماتعرفهم وشافها صاحب البيت وإغتصبها وحبسها ببيته شهد صدقت وصارت تبكي : ياويلي يا هنو تخيلي يصير فينا كذا الهنوف بخوف بس مابينته وإنتبهت إن في أحد متقدم حطت إيدها ع فم شهد عشان تسكت ..! وتسكرت شنطة السيارة وصاحبها لف وركبها وشغلها .....! شهد صاارت تبكي والهنوف خاايفه وتحاول تسكتها ..! التوقعات ؟؟؟ سعود بقنع أمه عشان مزون ولا لاء ؟؟ رند بصير فيها شي بالبارت الجااي ولا لاء ؟؟ ريف كيف رح تقول لأمها ع ولييد وهل رح توافق ؟؟ النوري مالها حس بالبارتين إللي فاتوا وش تتوقعوا يكون صاير فيها ؟؟ وكيف هي حياتها بأمريكآ ؟؟ شهد والهنوف وش بكون مصيرهم مع السيارة إللي ركبوها ؟؟ هل بطلعوا منها ؟؟ وصاحبها ممكن يسوي لهم شيء ؟؟ ولو أهلهم عرفوا وش بكون موقفهم ؟؟ مزون وش مصيرها ببيت جدها هل رح تبقى حياتها مثل ماهي ؟؟ ولا بصير لها شيء ؟؟ أنتظر توقعاتكم , |
مرحبا يالغلاااا
ربنا يعطيك العافيه ويسعدلي ايامك والياليك اكملي مشوارك بارك الله فيك ووفقك بحياتك تقبلي شكري تقديري واحترامي مع تحياتي قلب الزهور بباي |
يعطيج العافيه ملكة الرومنس ع الطرح والمجهود
ننتظر جديدج القادم |
كل الشكر لتواجدك الغالي قلب الزهووور والمميز هنا
ودي وتقديري |
كل الشكر لتواجدك الغالي شمس القوايل والمميز هنا ودي وتقديري |
البارت الـ 35 ..
شهد والهنوف لسه بشنطة السيارة والرجال طلع من الفله .. شهد وهي تبكي وترجف بِـخوف : هنوف أنـ ـآ خآيفه لو عرف إن بسيارته وش بسوي فينا ؟ الهنوف بحيرة وضيق وخوف لكن مابينت : مادري ياشهد أصلاً كلله منك إنتِ ومغامراتك الزفتت شهد : إييهه حطيها براسي تسوي معي وتجي وبالأخر لا توهقنا تقولي كله منك الهنوف : اللحين مو وقت الهواش , إذا وقف ع إشارة أو شيء لازم ننزل ونهرب شهد فتحت عيونها ع الأخر : نههههرب ..؟؟ ويين تبينا ننزل من شنطة السيارة قدام كل هالعالم ؟؟ الهنوف تأفتت : هذا الحل الوحييد ننفضح لدقاايق ولا نتوهق وتكبر السالفه أكثثر شهد : مستحييل لو أموت ما أسويهاا شوي السيارة توقفت ..!! الهنوف وشهد حسوا إن السيارة توقفت الهنوف وهي تبعد الأشياء عنها : يلا شهدوه خلنا ننزل أكيد نزل يشتري شيء يلا بسرعه شهد : خايفه يا هنوف وربي خاايفه الهنوف بقهر منها : يلا بسسرعه خلصينا قبل لايجي شهد بخوف : طيب طيب وبعدت الأشياء والهنوف فكت الشنطة ونزلت هي وشهد .. توهم بسكرونها إلا يطلع الرجال من البقاله وشافهم وركض بمسكهم إلا هم يدعسوا 1400 ومايشوف إلا غبرتهمم ..! الرجال شافهم بعدوا وهو مواعد أخوياه يجي بسرعه للبر تركهم وناظر الأشياء إللي بالشنطة مافي شيء مسروق تطمن ولف ركب سيارته .. ________________________ عند البنات كآنوا على أعصابهم وخايفين ع شهد والهنوف .. للحين مارجعوا ... لمى بنفاذ صبر : بنات بتمر ساعه ثانية وهم للحين مارجعوا ؟؟ رشا : قلعتهم محد قال لهم ينقزوا وش هالتخلف ..! شــوي يرن جواال لمى ..! لمى تناظر البنات بنظرات حيرة : هاذي أمي أرد ولا شنوو ؟ مزون : إيه ردي عشان لاتحس إن صاير شيء لمى ردت بخوف : ألـو .. إيه يمه إحنا ببيت عمي .. لا إن شاء الله شوي ونجي .. شنو أرسلتي السوااق .. طيب طيب اللحين نتجهز .. مع السلااامه .. سكرت وناظرت البنات : ياويلي اللحين السواق بيجي وشهدوه الحمارة مارجعت رشا : نقول لأبوي أحسن شيء مزون : إنهبلتي رشا وش نقول لعمي عشان يذبحها .. مزون بنت العمه نوره وقفت : بنات يلا مع السلامه أخوي جآ البنات : مع السلامه طلعت مزون من هني وعزوز كان توه داخل البيت شاف مزون : هلا ببنت عمتي مزون بحياء نزلت راسها : أهلين عزوز وهو حاب يهبل فيها إبتسم بهبال : شلونك شعلومك ما تنشافين مزون وهي مستحييه وبدلع : الحمدلله بخير عشان الدراسه عزوز : دوم يارب , أنا بخييير الحمدلله مزون : أسفه , عن إذنك مهند برا وطلعت بسرعه وعزوز فقع ضحك عليها دآيم تستحي ودلوعه وحساسه كثيير ..! سكر باب البيت وإنتبه وجا بيدخل إنتبه إن في بنات بالحوش لأن شاف ضهر وحدة منهم لف ظهره وتنحنح بسرعه : إحم إحم الهنوف الهنوف في أحد لمى ومزون دخلوا بسرعه ورشا ردت : لاء مافي أحد أدخل عزوز دخل ولقى رشا بالحوش قال مستغرب : ماشاء الله قالبينها ملعب وأنا ماادري ..؟؟! رشا إستحت لأن لابسه من تيشرتاته : أسفه عزوز بس الهنوف أعطتنا من ملابسك عزوز بقهر : هين أوريها لهالدوبه حسابها عندي , وينها هي ما أشوفها العادة تستقبلني بتحقيق ؟ رشا تلعثمت : إيه بغرفتها هي وشهد وتوه لمى ومزون طلعوا لها عزوز ما إهتم وهز راسه ودخل البيت أما رشا طلعت بسرعه للمى ومزون .. ________________________ عـنـد شهد والهنوف ..~ كانوا متخبين بعماره ومن دوون عباياات ..؟؟ .. كييف بطلعوا منها وكيف بمشوا بالشارع بهالشكل .. كانوا جالسين تحت الدرج ومو مبينين .. الهنوف كانت ساكته ومو عارفه تفكر كيف بطلعوا من هالمصيبه .. شهد كانت تبكي وطول الوقت تصرخ ع الهنوف وتقول لها إنتِ مو هامك شيء الهنوف بالأخر صرخت عليها : بتسكتيين ولا أهفك بالحديدة إللي جمبي , كلي تبن خلاص كافي تبكيين شهد وهي لسه تبكي : شلون بنرجع البيت اللحيين ؟ تلقي البنات قالوا لأهلنا وقايمين الدنيا علينا وإنتِ موب هامك شيء ساكته ولا على بالك الهنوف : ولا على بالي وش شايفتني أسوي قاعدة أفكر لحل لهالمصيبه مو مثلك أندب كأن نهاية العالم مسحي دموعك وفكري بحل .. شهد مسحت دموعها وصارت تفكر بحل .." بعد دقايق من السكوت .. إنفتح باب الشقه إللي جمببهم وهم تخبوا بزيادة عشان لايبينوا .. وطلعوا منهم بنتين صغار مع أبوهم بس الباب بقي مفتوح نصه لأن شكله في كمان ناس بطلعوا منه راحوا البنتين مع أبوهم للسيارة شهد تناظر الهنوف : هنو وش رايك أدخل الشقه أجيب لنا عبايات وأطلع بسرعه الهنوف مالها إلا هاالحل : أوكِ يلا بسرعهه أنتظرك دخلت شهد الشقه وناظرت لقت الحرمه طالعه من غرفة وسكرت أنوراها وراحت المطببخ دخلت هي بسرعه هالغرفة لقتها غرفة النوم فتحت الدولاب بهدوء لقت عبايات كثار وباين عليهم مو مستخدمين وفخمين أخذت ثنتين ولفتهم بيدها وتسحبت بهدوء وشافت الحرمه لسه بالمطبخ طلعت بسرعه ورجعت للهنوف إللي تنتظرها رمت للهنوف عباية : يلا بسرعه إلبسيها خلنا نطلع من هنيي .. الهنوف وهي تلبسها بسرعه : طيب لبسوا العبايات ولفوا الطرح .. شهد : مرة طويلة وش أسوي فيها ؟؟! الهنوف : مشي نفسسك أهم شيء نطلع يلاا طلعوا من تحت الدرج بهدووء وبعدها طلعوا من العماررة صاروا يمشوا بالشارع الساعه صارت 6 المغرب وهم لسه مارجعوا بيوتهم الهنوف : مامعك جوالك ؟ شهد : لاء الهنوف زفرت بضيق وطاح نظرها ع بقاله : أقول شهييد خلنا ندخل هالبقاله نشوف إذا عندهم تلفون ندق ع لمو تجي هي والسواق ياخذونا شهد بستسلام : زين يلا دخلوا البقاله وكانت شبه فاضيه مافيها ناس الهنوف وهي تكلم الهندي : ممكن أستخدم التلفون الهندي : إيوا ممكن الهنوف رفعت السماعه ودقت رقم لمى .. بعد كم رنه وصلها صوت لمى : ألو لمو .. سكتي ماتدري وش صار معنا .. مو وقته لما أرجع أقولك وش صار بالتفصييييل .. تعالي مع السواق وخذونا انا وشهيد مالي علاقه تصرفي قولي لأمك أي شيء يلا لاتتأخري الدنيا بتصير لييل وإحنا بالشوارع طيب يلا بسرعه سكرت من لمى وسكرت التلفون وطلعت هي وشهد من البقاله وصاروا يمشوا بعدين شافوا حديقة فيها نااس لكن قليل وبدأو يروحوا جلسوا ع إحدى كراسيها .. |
فـي بيت أبو لمى ..~
لمى ورشا وأم لمى كانوا بالصاله .. بعد ما لمى قالت لامها إن شهد نامت عند الهنوف وأم لمى وافقت ومشت عليها .. لمى بحيرة ومو عارفه وش تقول : يمه أبي أشياء للجامعه .؟ أم لمى إللي كانت تشرب قهوة نزلت الفنجان وناظرت لمى : وش هالأشياء ؟ لمى : دفاتر وأقلام وأبي أصور كم من ورقة أم لمى : طيب عطيهم للسواق ويجيب لك إياهم لمى تلعثمت : أء لا يمه هذيك المرة جابلي أشياء ما أبيها لازم أروح أنا وأجيب الأشياء بنفسي أم لمى : أعرف بس تبي تطلعي , طيب بس لاتتأخري يعني ساعه بالكثيير وتجي لأن الوقت شوي ويصير لييل ولاتروحي لحالك خذي رشا معك لمى وقفت بوناسه إن أمها وافقت : طيب يمه يلا رشو قومي قاموا وطلعوا فوق وهم بالصاله : بسرعه إلبسي بنروح نجيب هنوف وشهيد رشا شهقت : نجيبهم ليه هم وينهم ؟ لمى : توها الهنوف إتصلت علي تقولي بشارع مايعرفوا إسمه وصار معهم أشياء يلا بسرعه مانبي نتأخر رشا بستعجاال : طيب طيب ________________________ فــي قـصـر أبو سعود .." رن الجرس والخدامه راحت تفتح .. أم سعود وريـف وكاميليا كانوا بالصاله , وكل شوي أم سعود ترمي كلام لكاميليا لكن كاميليا مطنشتها ولاترد عليها وريف تهدي أمها .. دخلت الجدة هي وغلا وسلموا وإستقبلتهم أم سعود وقعدوا بعد السلام والسؤال عن الأحوال .."! الجدة ناظرت بكاميليا وقالت وهي مقطبه حواجبها وناظرت أم سعود : هاذي هي زوجة سليمان ؟ أم سعود لوت فمها : إيـهه هاذي هي .! الجدة من دون نفس : وش إسمها ؟ أم سعود مو عاجبها : كاميليا الجدة بستغراب : وش هالأسم , الله يخلف ع ولدك ترك بنات عمه وبنات ديرته وراح دور ع الأجاانب شوي دخل أبو سعود .. غلا بلعت ريقها بغصه , وزفرت بقهر وكره كبيير .. لسه قلبها ماصفي ناحيته وماتبي تكلمه ولا تتوااجد معه .. أبو سعود ناظرها وإبتسم بحنان : شلونك يابنيتي غلا من غير لاتناظره قالت من دون نفس : بخير أبو سعود حاسس بشعورها وعذرها ناظر الموجودين وقال : أنا عندي موضوع مهم بقوله ..! الكل توجهت أنظارهم ناحيته وإللي يناظره بستغراب وإللي ينظاره بخوف ومنهم غلا وأم سعود ..؟! أبو سعود كمل : طبعاً الكل يعرف إن عندي بنتين وولدين لكن الحقيقة مو كذا ...؟؟ ريف قطبت حواجبها وصارت تناظر بأمها وجدتها وغلا وكاميليا بستغراب وقفت وتقدمت ناحية أبوها : كيف الحقيقة مو كذا وش قصد يبه ؟ "وتغيرت ملامحها لخوف وبداية لصدمه غير متوقعه " أبو سعود : أنا عندي بنت ثالثه ياريف ..؟؟ ريف بصدمه وذهــول : وشــو بنت ثالثه ؟ أبو سعود بهدوء : إيه بنت ثالثه وإنتوا تعرفونها عز المعرفه وما أتوقع بتكرهونها ريف وهي لسه مصدومه قالت بتساؤل : من هي يبه غلا وقفت وسبقته : أنا الكل ناظرها وريف وكاميليا مستغربين ومصدومين ...؟؟؟!! ريف تقدمت ناحيتها وأشرت عليها : إنتي؟؟ كيف أحد يفهمني السالفه ؟؟ أم سعود إللي كانت مقهورة وشوي وتنفجر : فهمها يا راشد السالفه .. أبو سعود نزل راسه ومتفشل وش يقول لهم الجدة أنقذت الموقف : موضوع مو مهم ياريف بس إن أبوكِ غلط وتزوج بالسر وماحب يعترف بزواجه مو أول ولا أخر وآحد يصير معه كذا ويوم زوجته حملت جابت غلا وتوفت وبغا أبوكِ يحطها بدار الأيتام بطلب من أمك"وناظرت أم سعود وكملت " لكني رفضت وأخذتها وربيتها ومحد يعرف إن غلا بنت ولدي غير أمك وأبوكِ وعمتك وعمك وزوجته بس أما العيال مايعرفوا هاذي السالفه بختصار واللحين أبوكِ حاب يصحح غلطته واللي راح راح وخلنا نبدأ من جديد ونسسى المااضي ريف تحاول تستوعب السالفه يعني ممكن نقول السبب "أمـــي" إللي ما وافقت ع أختي إن تتربى بيينا "وإللي خله الموضوع يكبببر أبوي بموافقته لامي إن غلا تروح دار الأيتام وجدتي ماحبت تصير يتميه وربتها عشان تكون وحدة من العائلة يعني محد ع يقين الكل فيهم غلطاان بسكوته وكتمانه ع السالفه ناظرتهم واحد واحد : للإسـف يبه وللإسـف يمه ظلمتوه وحدة مالها علاقة وحدة كانت ضحية غلطة أبوي وضحية أنانية أمي ليه من البدايه ما إعترفت فيها يبه لا تتوقع غلا بتسامحك مستحيل تسامحك إنت حرمتها من كلمة يبه خليتها 18 سنه عاايشة وهي متوهمه إن أمها وأبوها متوفيين وبالأخير تقول لها أنا أبوكِ والمصيبه أبوها يطلع الشخص إللي كانت تعتبره مثل عمها وأخوها الكبيير مهما عرفت السالفه ومهما قلت السالفه وتفاصيلها مافي شي يبررلك يبه أبو سعود مو عارف وش يقول تنهد : بس مو معقول تبقى غلا شايله بقلبها علي أنا أبوها ولازم تسامحني ريف قالت بسخريه : "لازم" يعني أكدت ..! غلا بضيق : خلاص يا رييف أنا بسامحه بس لأنه أبوي لكن مابنسسى إنه حرمني من كلمة يبه مابنسى إنه كان بيوم بحطني بدار الأيتام لولا جدتي إللي ربتني مابنسى إن خلاني بنظر المجتمع وصديقاتي تحت مسمى "يتيمه" ومماراح أنسى أشياء كثير كانت سبب لتعاستي وسببهاا أبوي المحترم , لكن بجي يوم ويصفى قلبي ناحيتك بس لا تسألني متى .! تقدم أبو سعود ناحيتها ورفع لها راسها إللي كانت منزلته وباس جبينها : أنا أسف يا بنيتي أسف وندمان قد شعر رااسي ووأبي نبدأ حياتنا من جديد من غير مشاكل ومن غير أحد فينا بعييد عن الثاني سامحيني ياغلا سامحيني يا بنيتي غلا بطبعا حساسه وقلبها طيب ودموعها دايم بعيونها ماتحملت وبكت بس ما سمحت لنفسها وأخذت عبايتها وطلعت برا البييت وهي تبكي ..~ كان أبوها بلحقها بس الجدة وقفته : راشـد خلها بروحها اللحين هي منهارة وماتبي أحد معها وبالأخص إنت أبو سعود تنهد وهز راسه وطلع فوق وأم سعود بسرعه لحقته .. ________________________ بـعـد مرور شهرين ..~ بنقول لكم الأحداث إللي صارت لأهم أبطالنا .. غلا ماسامحت أبوها وكل يوم يجي لبيت أمه ويزورها ويجيب لها هداية وأشياء لكن هي لسه شايلة بقلبها عليه وماسامحته .. ريف قالت لأمها عن وليد وطبعاً رفضت بقوة لكن ريف أقنعتها بطريقتها و ع وشك توافق .. رند من المدرسه للبيييت وأول ماترجع تنام وماتجتمع مع أحد لأن هالسنه أخر سنه وتبي تجيب درجة حلوه .. سعود سافر لـجدة عشان في شغل هناك ومن جدة بروح لفرنسا عشان يدور ع مزون بس من غير لايقول لأهله .. بـيـت أبو نواف يجهزوا بيتهم ومحتاسين عشان النوري بتجي تزورهم لأن أعطوها إجازة سلمان وكاميليا مافي جديد بس كاميليا علاقتها بالبندري صاارت قوية حييل والبندري تحب تجي بيت عمها عشاان كاميليا .. جراح كلم أبو سعود ع غلا وافق وحددوآ يوم للملكه وهو كمآن أسسبوع . فهد تزوج أنوار بنت عمه ومرتااح معها وحبها لكن مو مثل سارا وعايش عند أمه ويوم عندها ويوم عند سارا وسارا متضايقه من زواجه وكل يوم تبكي لكن ماتبين له .. مــــــــزون وش صار معاها يـآتــرى ..؟! إممم إنتوا وش تتوقعوا .!؟ مثل ماهي ولا صار تجديد بحايتها ..؟! مزون جدها كلمها بخصوص طلال ولد عمها وقال لها إنه تقدم لها .. وهي كانت مترددة بالبداية لكن قالت مو معقول أعيش ع ذكرى سعود طول عمري وزواجي من سعود ماينعد زواج لأني ماشفت منه يوم حلو كله ذل وشك وغيره .. فَ رآح أبدأ حياة ثانيه خاليه من سعود ومن ذكرياته المشؤومه ..! فـــي جــدة .. بالتحديد بيت الجد .. البنات كانوا كلهم بالصاله إللي فـوق مجتمعين صراخ وونااسه وصوتهم وآصل لأخر الببييت .. الهنوف : طيب يا زوجة أخوي متى تبي نروح نجهز للملكه مزون بخجل وبهدوء : بكرا نروح لمى : رح أخذك ع سـوق يجنن وبشتري لك قمصان النوم ع ذوقي "وغمز لها" الهنوف بكذب وهيااط : لاء مزوون لا توااافي إلا لممى كل قمصان نومها فااصخه تتذكري شهود يوم رحنا نعومي نقول لها إستحي يا بنت خذي لك شي ساتر شوي تقول مالكم علاقه إنتوا بزران وش عرفكم شهد تأيدها ": إيه أذكر حتى قلنا لها بنقول لمشاري تقول عادي قولوا زوجي وحلالي لمى فاتحه عيونها : يا تبناااات وربي إنهم كذابات وليه إختارت شهد عشان تبصم لهاا بكذبها البنات ضحكوا ع ردة فعل لمى : هههههههههههههههه رشا : بنات مرة طفشش دخلت أروى وهي معها فشار : لا والله مو طفش تعالوا من يبي يناظر فيلم معي بالغرفة رشا وقفت : أنا بجي مزون بنت العمه نوره : وأنا بعد بس وش نوعه أروى تعرفها تخااف من الرعب : تطمني كوميدي مزون : إيه أشوا وراحوا يناظروا الفيلمم .. أماا بــآقـي البنات شهد & لمى & مزون & الهنوف طلعوا السطوح وأخذوا معهم شيبسات وبيبسيات وجالكسيات |
فــي بـيـت أبو نواف ..
غلا & ريف & رند & البندري كانوا بالمطبببخ يبون يسون أكل لهم .. تعالوا معنا نشوف وش بنجزون ويخترعوا غلا وهي لابسه المريله والربطه حقت الشعر وتقرأ كتاب الطبخ : بناات كل إللي بالكتاب صعبين ويبي لهم ساعه حتى يستوا البندري : مالنا إلا أندوومـي أسهل شيء ريف : لالا بسوي لكم بيتزا غلا : إيه مو تبي تتزوجي من قدك يمكن لك شهر تتعلمي الطببخ رند ماعجبها وقلبت رموشها لفوق وشمقت لريف .. ريف غيرت الموضوع : المهم جهزوا لي الأشياء وإنتوا ماعليكم البندري : طيب نشوف وش بخترع لنا الشيفه ريف طلعوا لها أشيا البيتزآ .. وصاروا يقطعونها ويساعدونها .." بعد ماخلصوا .. ريف وزعتها بالصينيه وحطتها بالفرن .. : خلاص خلنا نروح نجلس ع بال ما تستوي يلا طلعوا البنات وجلسوا باالصاله .. غلا تتثاوب : نعساااننه وربي "وتسدحت ع الكنببه" ريف : لاتناامي عشان تذوقي البيتزا غلا وهي مغضمه عيونها : لما تسونها قوميني ريف : طييب البندري وقفت : بروح أخذ شاور سرييع وأجي طلعت البندري وبقوا ريف ورند .. كان السكوت سيد الموقف .. ولا وحدة منهم تكلمت رند كانت تتصفح الكتاب إللي لقته قدامها حجه عشان لاتكلم ريف وريف تطقطق ع جوالها رن جوال ريف رفعته وكانت كاميليا ردت عليها وصارت تسولف معها .. مـــــــــــــرت ربـــع ســـــآعــــه ..~ وريف لسه تكلم كاميليا وغلا ناييمه والبندري فــوق .." رند نست إنهم سوا بيتزا دققت شوي وشمت ريحة شي تذكرت ونقزت وقالت صرخه : البييتزا دخلت المطببخ لقت الصينيه محترقه لأنهمم نسوا المنشفه ع يد الفرن وإحترقت مع الناار وصارت حريقه بالمطببخ كله صارت تصارخ وتنادي ريف إللي دخلت وإنصدمت من شكل النار إللي طالعه من الفرن رند صارت تطفي النار بالمنششفه وريـف تصارخ عشان تبعد لأن النار مسكت بفستانها بــــــــــــــــــــــــــــــــــس ..! النار كانت أقوى من رند وأحرقتهاا ومسكت فيهااا ..! _________________________ فــي بـيـت أهل فـهـد .. وبالتحديد جناح فهد وأنوار .. فهد وهو طالع من الحمام ولاف المنشفه ع خصره شاف أنوار تأفف إستغرب : وش فيكِ ؟ أنوار بطفش وهي مبوزة : يعني اليوم يومي أنا وش بوديك بست الحسن والدلال فهد ماعجبته الطريقة إللي تحكي عن سارا فيها : أنوار وش هالأسلووب إيه أكييد ست الحسن والدلال وسارا هي الكل بالكل وبعدين قلت لك أمها إتصلت علي وقالتلي إنها تعباانه ومحتاجتني أتركها وأقعد جمبك أنوار جات له بأسلوب الدلع وقفت جمبه وصارت تلعب بشعرها وتتكلم بدلع : بس حتى أنا حبيبي حاامل وتعبانه ولازم تكون جمبببي ولاتنسى بجيب لك البيبي فهد ضعف بس بسرعه تذكر سارا وكيف بكون شكلها : طيب ماقلنا شي بتجيبي لي البيبي بس سارا عندي عن ألـف ولـد ولو خيروني بينها وبين الولد إللي بتجيبه أختار سارا وراح لدولاب وطلع ملابس وصار يلبس أنوار عصبت وقفت وراه : يعني انا مو هامتك لا أنا ولا الولد أجل ليه تزوجتني إذا مو مهتم ؟؟ فهد لف وصار قدامها : مين قال ماتهميني إنتي زوجتي وبنت عمي والولد إللي بتجيبيه ولدي وبشيل إسمي بس سارا خط أحمممر لاتقارني نفسك فيهاا أنوار : أنا ما قارنت نفسي فيها إنت إللي قلت لي لو خيروني بين ولدي ولا سسارا بختار سارا أناا ماجبت سيرتها فهد : بس ماتحبينها وتغااري منها صح و لا لاء ؟ أنوار : إيه ما أحبها وأغار منها كل شيء سارا وسارا هي الدنيا كلها بتظرك منت شايف غيرها نفسي لو مرة وحدة لما نقعد نتكلم ماتجيب سيرتها أي شيء أوريك إياه بالسوق تقولي هاللون مو حلو سارا ماتحبه وأسكت وأتحمل لما ناكل شيء تقولي سارا تحطلي كذا وكذا أتحمل وأسكت لو وحدة ثانية كان ما تحملتك يا فهد قلت يمكن لمايعرف إني حامل يغيير نظرته بس للإسسف تزيد كل مرة فهد : تدري ليش كل مرة أجيب سيرة سارا لاني ما أحب غيرها ولا أشوف غيرها ولما أقعد معك ما أشوف إلا صورة ساراا قداامي ماعمري نظرت لك ولا أعرف ملامحك لان صورة سارا تجي قداامي وإنتِ يا أنوار بنت عمي وأحترمك فقط بس ما أحببك أنوار دموعها نزلت : ليش ماعندي كرامه أقضي عمري مع إنسان ما يحبني ولايعتبرني إنسانه فهد : لاء من قال ما أعتبرك إنسانه إنتِ لك مكانتك بقلبي وأحترمك بس مو ممكن أحببك مثل سارا ولاتجي مكانتك بقلبي ربع مكانة سارا أنوار : ما أقدر أكمل معك يا فهد أبي أتطلق فهد زفر : وش تطلقي يعني هذا الحل بنظرك أستهدي بالله وإنتِ اللحين حامل ومو معقول ولدك يتربى بعيد عن أمه وأبوه وبتشتت وأخذ مفاتحيه وطلع من الجنآح .." _________________________ فـي جدة .. ~ سعود كآن في شقته إللي كل ماينزل جدة يقعد فيها .. كان منسدح ع الكنبه إللي بالصاله وحاط إيدينه ورا رقبته ويناظر السقف بتأمل وفرآغ ويفكر بمزون " ياترى وش تسوي وش تاكل وين هي ؟ معقول نستني ولاللحين تنتظرني تنتظرني أسأل عنها وأودر عليها ؟ هانت يا مزون بعد بكرا بصير بفرنسا وبدرو عليكِ وبرجعك معي وإن ما وافقي ماراح أرجع وإلا وإنتِ معي " رن جواله مد إيده للطاوله وأخذه وشاف الأسم كان سلمان رد : ألو هلا سلمان .. الحمدلله بخير .. موضوع بخصوص مزون .. طيب قول أسمعك .. "تغيرت ملامح وجهه لصدمه " شــــنـــو مزون بجدة وتكون بنت عم طلال خويك ؟؟؟ .. إنت متأكد من إللي تقووله ؟! طيب طيب أنا بسكر وبتصرف .. لاتخااف مابسوي شي يلاا مع السلامه .. سكر من سلمان وهو مو مصدق يحس نفسه ملك الدنيا ومافيها "بس لحظة ياسعود تكون بنت عم طلال يعني أهل أبوها أخذوها ولها سند اللحين ومو معقول توافق ترجع معك ياربي وش هالمصيبه بس الحمدلله تسهل علي الموضوع ومزون طلعت هني يعني ماراح أسافر فرنسا وأتعب نفسي لازم أتصل ع طلاال وأسلم عليه وأروح عنده ع البيت " ________________________ إنــتـهــى .. توقعاتكم ..! رند وش صار عليها ؟؟ معقول إنحرقت وهالحرق بسبب لها إعاقه طول عمرها ؟؟ غلا رح تسامح أبوها ولا بتبقى مُصره ع موفقها ؟؟ سعووود رح يتصل ع طلال ويطلب منه إن يجي لبيته ؟؟ معقول بشوف مزون ؟؟ مزون إذا شافت سعود وش موقفها رح تحن له وتتذكره ولا لاء ؟؟ |
يعطيج العافيه ملكة الرومنس ع البارت الرائع
ننتظر المزيد لاهنتي |
كل الشكر لتواجدك الغالي شمس القوايل والمميز هنا
ودي وتقديري |
البارت الـ 36 فـي بـيـت أبو طلآل ..~ أبو طلال وهو ينادي ع عزوز من فوق : عزوز يلا رح نتأخر نزل عزوز وهو يسكر ساعته : طيب يبه نزلت أبو طلال وهو طالع : يلا إلحقوني ع السيارة ركبوا السيارة ... وتوجهوا لبيت الـجد عشان اليوم ملكة أروى ^__^ فـي بيت الجد .. الأجوآء حوسه وإزعآج .. بالتحديد غرفة أروى إللي كانت أكتر وحدة متوترة وخايفه .. مارفضت يوم أبوها كلمها بخصوص المعرس ولا إعترضت لأنه أعطا كلمة للرجال .. وماتبي تكسر كلمته .. ولمتى بتبقى من دون زواج مو معقول ..!! وأول كان عذرها أبوها إن رح يبقى بروحه بس اللحين قال لها إن مزون موجودة وهي رح تهتم فيه وماتخليه يحس بإي وحدة أو فرآغ .. كآنت جالسه ع الكرسي قدآم المرآيا والكوافيرا تسوي لها شعرها .. ومزون واقفه ع يمينها وماسكه إيديها تهديها وتخفف عنها التوتر إللي تحس فيه ..! شوي دحلوا لمى وشهد ورشا مع بعض ..~ شهد غمزة لعمتها : هاا عمتي وش شعورك خوف ولا توتر ولا عادي ؟ أروى بتوتر وإيدينها بااااردة : أكييد خايفه محد بهالموقف يكون مرتاح لمى كسرت خاطرها : عادي عمتي إسألي مجرب أولها خوف بس بعدين رح تتعودي شهد : عاد لمو خبرة بهالأمور وعايشة مغامرات مع مشمش لمى ضربتها ع كتفها بالخفيف : مشمش بعيينك هذا إللي ناقص .! شهد غمزة لها بهبل : تغاااري هاا ؟؟ لمى إنحرجت وإبتسمت .." إنفتح الباب بإزعآج ودخلت الهنوف وهي شاقه الحلق ببتسامه عريضه : السلااام عليكم الكل بأصوات مختلفه : وعليكم السلام الهنوف قربت وهي تركز بملامح عمتها بس لقتها هاديه ومبتسمه قالت بهدوء : شلونك عمتي ؟ وشلون تحسي شعورك ؟ أروى زفرت بملل : الكل سألني هالسؤال وش كنتوا مفكرين إني مابكون موافقه يعني .! لاتخآفي شعوري عادي جداً .. وياسر موافقه عليه دامه أبوي شافه الرجل المناسب لي الكوافيرا خلصت لها شعرها أروى ناظرت بالمرايا سوت تسريحة بسيطة جداً , لأن الملكه بسيطه وماعزموا نآس كثيرين الأقااارب بس .. مزون إبتسمت وهي تناظرها : تجننني ياعمتي التسريحة ناعمه حيل ... الكوافيرا : هلأ دور مين فيكن ؟ الهنوف بحمااس : مزون دورك يلا بشوف شلون بتطلعين ..! مزون إبتسمت : طيب .......... كآن بسيارته متوجه لِ فلة الجد بعد ماطلال عزمه ع ملكة عمته .. وهو بدوره لبا الدعوة .. وكيف مابلبيها ومزون هنآك , حياته وأمله وروحه هنآك .. تنهد وزفر زفرة طويلة "ياااه معقول مزون ترجعلي ومعقول كمان تسامحني بس قبل لا أكلم جدها أو أي أحد من أعمامها بشوفها هي وبتفاهم معها , عشان يكون عندها خبر .. " لقى نفسه قدآم بيت جد مزون إنفتحت له بوابة الفله ودخل صف السيارة ونزل مننها وكانوا الشباب برا واقفين .. طلال لمحه من بعيد متقدم ناحيته راح له ورحب فيه بحرارة .. ودخله المجلس عند الرجال .. جلس بعد ماسلم ع الرجال وبعد ماطلال عرفه ع أبوه وجده وأعمامه هم يعرفوا سليمان لأنه صديق طلال بس طلال مايعرفونه .. تاهت أنظاره بالمجلس حس يبي يطلع من المجلس بإي طريقه عشان يشوف له حل ويدور ع مزون .. طلال إنتبه له إن محتاس وكل شوي يناظر فقال له : سعود فيك شي ؟ تبي شي ؟ سعود حاول مايبين شي إبتسم مجامله : لا سلامتك مافي شي بس بغيت أسأل وين الحمام أكرمك الله طلال وقف : تفضل وقف سعود وإبتسم للرجال برسميه وطلع ومشي مع طلال وأخذ للحمام .. إنتظر لين طلال راح وصار يناظر الحمام عند مجلس الرجال بالضبط وهالباب مسكر يعني أكيد يدخل ع الصاله والصاله ملاينه حريم كييف بدخل وجودي غلط واليوم ملكة يعني البيت بكون مليان .. تنهد بضيق وماعرف وش يسوي شلون بشوف مزون .. تذكر إنه رح يطول بالتفكير والرجال رح يحسوا ع غيابه فتح المغسله وغسل إيدينه ونشفها بالمنديل .. وبعدها راح جلس معهم .. عـنـد فهد وصل ع بيت أم جراح .. رن الجرس فتحت له الخدامه .. سألها وينهم قالت له إن كلهم فوق .. طلع بسرعه لفوق وناظر ع غرفة سارا لقى نص بابها مفتوح .. وسارا نايمه وأمها جمبها .. قلبه أوجعه عليها سارا حساسه ومن أي شيء تبكي وتتألم .. كيف لو هالشي مني أنا أنا إللي ألمتها وبكيتها .. ياريتني ماتزوجت أأه بس .. ترك تفكيره وشعوره بالندم لبعدين .. تقدم وفتح باب الغرفه بهدوء ودخل إنتبهت أم جراح لوجوده إبتسمت بفرح لأنه هو الوحيد إللي برد لسارا صحتها بعد الله .. أم جراح بهمس عشان سارا لاتسمع لأنها نايمه : وأخيراً يافهدجيت من أول تبكي وأسبوع لها ما تاكل ولاتشرب زي الناس بنتي حالتها تدهورت وصحتتها صارت سيئه بعد ماتزوجت .. فهد بضيق وندم : والله ياخالتي ماكنت أبي أعد عنها ولا أبي أتزوج بس أمي الله يهداها أجبرتني .. سارا مانسيتها وبإذن الله بترد مثل أول وأحسن أم جراح : ماعلينا اللي صار صار وماينفع الندم واللوم اللحين .. بطلع وبخليكم بروحكم بس ها ياوليدي لاتقسى عليها هي أول ماتقوم رح تعصب وتصارخ خذها ع قد عقلها فهد : لاتشيلي هم ياخالتي بصبر وبحاول معها إبتسمت أم جراح وطلعت وسكرت الباب بهدوء .. فهد إنتظر لما طلعت .. تقدم لسريرها وجلس ع طرفه وناظر عليها وجها أصفر عظام نحرها بارزة بشكل كبير .. عيونها ذبلانه .. تنهد ع حالها اللي تدهور وحالته إللي إنتكست .. مسك إيدها الباردة وباسها وقعد جمبها لين تقوم .. |
مستشفى السلامه بالشرقيه .. كانت ريف وأم سعود وسلمان وأبو سعود جالسين برا وع أعصابهم .. الدكتور له 3 ساعات داخل غرفة العمليات ولا ممرضه طلعت خبرتهم .. وكل شوي داخلين طالعين .. بعد ربع ساعه .. طلع الدكتور وهو متضايق ع حال رند بنت مثل الوردة بأول عمرها تشوهت تشويه مخيف .. تقدموا ناحيته وبدأو يسئلونه عن رند وحالتها .. : وللإسف تشوهت من إيدها لين رقبتها تشويه كامل .. وحاولنا نسوي عميله لكن مافي أمل أبو سعود بضيق : لاحول ولا قوة إلا بالله .. طيب يا دكتور نسفرها برا تتعالج الدكتور : ولو إنه نفس النتيجه يا أبو سعود .. لكن مابقول لك إن برا مافي أمل خذها وشوف يمكن الطب هناك متطور أم سعود صارت تبكي : ياويلي عليكي يابنيتي توك بأول عمرك ويصير فيكي كذا ريف وهي تهديها بحزن وتبكي بصمت : إهدي يمه هاذي حكمة ربنا ومانقدر نعترض سلمان : طيب دكتور نقدر نشوفها .. الدكتور : لا .. إحنا اللحين عطينها مخدر وبعدها بننقلها لجناح خاص مثل ماطلبتوا وبعدها تقوم وتقدرا تشوفوها .."عن إذنكم" أبو سعود وسلمان : إذنك معك .. أبو سعود يكلم سلمان : ياوليدي شوف إذا فيه حجز لفرنسا أو سويسرا .. سلمان : حاضر يبه ............. نرجع لبيت الجد .. دخلت نوره غرفة أروى وإللي فيها البنات وهي مبتسمه ومعها الدفتر : أروى حبيبتي يلا عشان توقعي وتشوفي عريسك أروى تناظر البنات بنظرات تايهة وفكها كان يرجف بقلق ... أخذت القلم من أختها بإيدين مرتجفه ... وغمضت عيونها بخوف بعدين فتحتهم ووقعت بسرعه كأنها تبي تخلص من هالشيء ... باركوا لها البنات وهي كانت تجامل وتبتسم .. طلعت العمه نوره ولمى وشهد ورشا , وبقت مزون مع الهنوف .. أروى وهي تزفر بضيق : خايفه كثيير يابنات مزون مسكت إيدها تهديها : إهدي عمتي وإن شاء الله خير الهنوف كملت : واللحين لا شفتيه خليكِ ع طبيعتك لاتبيني له إنك مغصوبه أو شيء زي كذا أروى ناظرتها بضيق : لاتقولي مغصوبه , أنا وافقت برضاي .. الهنوف : دام وافقتي برضاكي خلاص عمتي ليش كل هالزعل والضيق إستانسي وماتدري يمكن ربي يتكب لك حياة سعييدة مع ياسر , ولازم ترضي بنصيبك معه أروى جات بتتكلم بس دخلت شهد وقالت لها إن الجد طلب منها تنزل عشان المعرس بشوفها .. توترت وتمسكت بإيد مزون إللي كانت واقفه جمبها وقالت بصوت مرتجف : تعالي معي خاايفه كثير مزون ضحكت : هههههه تخيلي بس , توكلي ع الله حبيبتي وتعوذي من الشيطآن .. إبتسمت أروى وأخذت نفس طويل وطلعت من الغرفه مع شهد .. الهنوف إلتفت على مزون : ماتبي ننزل نجلس مع الحريم الكل يسأل عنك .!؟ مزون : إلا بنزل يلا إمشي .. بعد ماخلصت الملكة على خير .. وكل واحد راح لبيته .. عدا سعود إللي كان جالس مع طلال ومُصر اليوم يشوف مزون .. حتى طلال إستغرب إن الكل راح إلا هو فكر يبيه بموضوع ..! طلال وهو يناظره : عقبالك ياسعود سعود ضحك : هههههههههه إن شاء الله وعقبالك إنت كمان طلال رفع له إيده عشان يناظر إصبعه : عن قريب إن شاء الله سعود إبتسم وإنتبه للدبله : على خير والله يوفقك .. "وقال بتردد يبي يستدرجه" إلا صح سمعنا إن بنت عمك رجعت ؟ طلال يناظره بتفحص : من وين سمعت ؟ سعود : وش فيك الله يهداك مو قلت لأخوي سلمان وقاللي ونص الناس عرفت طلال : إيه رجعت واللحين هي ساكنه عند جدي .. سعود "يعني مزون هني طول الوقت" : إيه وشلون جات وعرفتوا مكانها .. عدل جلسته وقااله شلون تعرف على مزون لين اللحيين وقت ما خطبها " : وهاذي ياطويل العمر كل السالفه , مصدوم صح هالاشياء ماتحصل إلا بالمسلسلات والروايات سعود مو مصدق كيف بتتزوج أحد غيره يعني ماراح تكون لي ..! ولاراح أقدر أشوفها ..! وش هالحظ وش هالمشكلة ناظر طلال بنظرات كره وغيره .. طلال إستغرب من سرحانه : سعود سعود وين رحت .! سعود إنتبه لنفسه لا يجيب العيد مسح على وجهه : لا بس تعباان وتذكرت بكرا عندي شغل مهم وتأخر الوقت "وقف" يلا أستأذن وقف طلال وسلم عليه وودعه لين باب البيت ودخل على الصاله وهو يكلم نفسه ومستغرب " الهنوف ومزون كانوا جالسين بالصاله وإنتبهوا لطلال إللي دخل وهو يكلم نفسه وجلس وما إنتبه لهم .. الهنوف جات جلست جمبه ومررت إيدها قدام عيونه : هيي طلوول طلالوه .! طلال بنفس شينه : خير وش تبين ؟ الهنوف : خير وش أبي ؟ إنت وش فيك قالب خشتك من أول ماخلت ؟ طلال : أنا حر كيفي "وتذكر وناظرها" ليه للحين ببيت جدي ليه ماذلفتي مع أمي لبيتنا الهنوف تسبل رموشها : بنام اليوم عند مزونتي حبيبتي وإستأذنت من أبوي ووافق فَ لاتدخل نفسك طلال كتم قهره من هالبنت وناظر مزون إللي كانت مستحية وتناظر الأرض ناظر للهنوف يعني قومي بس سوت نفسها مو منتبه فَ طلال تكلم : الهنوف قومي جيبي لي كاسة مويا الهنوف بنذاله : مو خدامتك أنا "ورفعت صوتها" ناني يا ناني طلال ضربها بالمخده : ياخي قومي بلا نذاااله الهنوف صارت تضحك وقفت : ههههههههههههههه قول تبي أفضي لك الجو مع الحب "وغمزت له" طلال بقهر : بتروحي وإلا شلون الهنوف راحت لمزون وسحبت إيدها وقومتها : إيه بروح بس باخذ مزون معاي ترا لمصلحتك لو جا جدي وشافكم رح يأجل الملكه ومشت هي ومزون من قدام طلال بس طلال مسك إيدها وناظرها : مزون خليك شوي بكلمك بموضوع ؟ وناظر الهنوف بنظرات تخوف , تركت إيد مزون وراحت المطبخ بس وقفت تسمع وش بقولوا <أبد محد سواها http://vb.tgareed.com/images/smilies/64.gif تطمن إن الهنوف راحت ومزون كانت واقفه قدامه سحب إيدها وجلسها جمبه وهي خلاص مو قادرة بتموت من الحياا .. ناظر لشعرها إللي نازل ع نص وجهاا ولسه ما إنتبه لها لأن طول الوقت شعرها مغطي وجهاا رفعه وجابه وراء إذنها وهي توترت رفع ذقنها بأطراف أصابعه وإبتسم وهو يناظر بعيونها الخضراء إللي تلمع : أحبك مزون توترت وبنفس الوقت إستانست وتضايقت لما تذكرت سعود كل هالأحاسيس كانت تحس فيهم .. ومو عارفة وش تقول .. طلال حسها إنحرجت وحب يزيد إحراجها : أقولك أحبك ..! مزون تكلمت بصوت مخنوق ومبحوح : طلال أخاف جدي يقوم ويشوفنا مابقى شي لأذان الفجر طلال وهو يناظرها ويناظر كيف تتكلم ولسه يتأملها : أحبك مزون بطفش : طيب طلال : وش طيب , قولي وأنا أحبك مزون شاحت وجها للجهة الثانيه : مابي بس نتزوج أقولها طلال راح وجلس جمبها : لا تبي تقوليها اللحيين مزون كانت بتنطقها بس الهنوف طلعت من المطبخ وقالت وهي تصفق : يلا يلا أشوف كل واحد لغرفته إنتهى الوقت خلاص .. طلال إنقهر ووده يقوم ويصفقها : الله ياخذك ياخي ماتطلعي إلا بأوقات غلط الهنوف وهي ترفع حاجبها بقهر وهالحركة تنرفز طلال : لاءا طلعت بوقت صحيح أعرفك أنا رح تضيع علومك وتخق ع البنت مزون إنحرجت وقفت وطلعت فوق وطلال كان يتأملها , مشيتها تهبببل .. مشية غريبه محد يقدر يشببها ولا يقارن بجمالها .. لماتمشي خصرها يتمايل كأنها ترقص "آآآه يامزون وربي حبيتك " الهنوف شافته خااق : الحمدلله والشكر , الحمدلله على نعمة العقل بروح أنام أبرك لي وهي طالعه طلال إنتبه لها وحب يبرد حرته فصخ زمته ورماها عليه وهي صارخت وطلعت فوق تنهد وسند نفسه على الكنبه وكان يفكر بمزون " |
الضهر .. الساعه 2 ...
فهد كان طول أمس عند سارا ولا طلع من غرفتها وحتى نآم جمبها .. فتح عيونه ولقى نفسه بغرفة ساارا وتذكر أمس إنه جا هني عشان كانت تعبانه ناظرها ولقاها لسه نايمه خاف كثير من أمس للحين لايكو صاير لها شيء .. ناظر عليها ولقاها تتنفس يعني الحمدلله مافيها شيء .. قرب منها وباس جبينها .. وقف وأخذ جواله ومفاتحيه وقرر يروح البيت يبدل ويرجع لسارا بس قال مابروح بيت أمي اللحي تفتح تحقيق وليه تركت أنوار بروحها ومو ناقص كلام فاضي .. طلع من الغرفة ولقى أم جراح بروحها سلم عليها وأصرت عليه يتغذا بس قال لها بيرجع كمان شوي .. طلع وركب سيارته وتوجه لشقته .. ................. فـي الشرقية .. وبالتحديد في المستشفى .. كآنت أم سعود وريف عند رند بالغرفة إللي قامت أمس بالليل وطول الوقت ساكته من الصدمه .. وبس تصارخ عليهم ماتبي تشوف أحد .. وتتظاهر بالنوم عشان تتهرب منهم .. أم سعود كانت جالسه على الكرسي إللي جمب السرير وتمسح على شعرها وتقرأ قرآن .." ريف كانت تتأمل الحروق إللي بيدها اليمين وتهز راسها بأسف "آآه يارند قد إيش زعلانه عليكِ وعلى نفسك رح تقضي طول عمرك بهالحروق والله أعلم نلقى لها علاج ولا لاء .! هذا كله عشان الناس إللي ظلمتيهم وأولهم مزون إللي فضحتيها وتبليتي عليها .. وأخوكِ سعود إللي خلتيه تعيس لأنك بعدتيه عن إللي يحبها آآآآه يارب رحمتك " ومسحت عيونها بطرف كمها لأن شوي وتنزل دموعها .. أم سعود سكرت القرآن : صدق الله العظيم "ناظرت ريف" ريف يابنيتي روحي البيت أنا ببقى عند أختك ريف بغصه : لاء يمه ببقى معاكم .. حتى لما تسافروا بروح معكم أم سعود : لاء أنا وأبوكِ بنروح إنتِ خليكِ بالبيت مع أخوكِ وزوجته .. ريف وقفت تنهدت وقربت من أختها وباست راسها وناظرت عليها وشافتها كيف كاتمه دموعها .. وباين إنها مو نايمه بس ماتبي تبيين .. بعدت عنها وقلبها أوجعها عليها كثيير طلعت من الجناح بحجة إنها إختنقت وبتروح تتمشى شوي برا .. أول ما طلعت جلست على الكرسي وإنهارت بكااء .. أختي رند ولا مرة كاانت قريبة مني ليش كانت كل ما أقرب منها تبعد ليش حطت حاجز بينا وخلقت فجوة كبييرة ليش ماكانت تحب تفضفض لي وأفضفض لها ونبكي ونسولف لبعض ليش ما كانت أخت صادقه ومخلصه .. ليش كانت متكبرة ومغرورة وتفكر دايم تدمر الناس آآآآآه يارب يارب تشفيها من هالحروق يارب .." بعدت إيدينها عن وجهاا وإنتبهت لظل أحد وأقف قدامها فكرت سلمان رفعت عيونها وإنصدمت وقفت وقالت بتسرع : ولـــيــد ..! وليد إبتسم لكن تلاشت إبتسآمته لما شاف خشمها أحمر والدموع على خدهآ : ريف كنتي تبكي ريف بغصه وتحاول تبعد نظرها عنه : إيه كنت أبكي .. مآني قادرة أصدق إن رند تشوهت إنها رح تعيش باقي حياتها وهي متشوهه وليد قرب منها وكان بمسكها من ذراعها بس إنتبه لسلمآن وهو يقرب : ريف أنا بروح مابي أخوكِ يشوفني وأحطك بموقف بايخ وبعد قبل لا يجي سلمآن .. ................ قدآم بيت الجد , بس أبعد شوي من قدآم البيت .. كآن سعود جآيب له وآحد ومخليه يراقب البيت عشان ينتظر طلوع مزون ويخبره ويلحقهآ ..~ خلنآ نروح نشوف وش تسوي مزون ؟! مزون والهنوف كانوا بروحوا السوق عشان يتقضوآ لعرس أروى ومزون .. مزون وهي تناظر داخل الدولاب : هنوووف هنوفوه الهنوف سكرت المويه ومن داخل الحمام : نعم وش تبين ؟ مزون : وين شنطتي السوداء الهرمز ؟ الهنوف : إيــه أخذتها شهيد مزون بعصبيه : وشو أبيها في أشيااائي كيف أخذتها؟؟ الهنوف شغلت المويا : بس أطلع أقولك اللحين أتروش أكلمك من الحمام مزون بضيق زفرت : أوووف ياربيي "وتناظر الغرفه" والزفت هذا وينه "كأن على السرير أخذته ودقت رقم شهد بعد كم رنه " ألو هلا شهيد , إسمعي أمس لما رحتي أخذتي شنطتي .. إيه الهرمز .. الله يهدآكِ أبيها في أشيااء .. خلاااص خليها بس أمانه محد يفتحها لأن الأشياء إللي فيها غاليه علي .. هههههههه لا ولا حتى إنتِ يلا بلا هذره .. مع السلامه سكرت منها وأخذت عبايتها وشنطتها : هنوف أنتظرك تحت بالصاله بس تخلصي إنزلي الهنوف بصوت مو واضح لأن المويا مفتوحه : طيب طلعت مزون من الغرفه .. ونزلت تحت شافت عمها جالس ع الكنبه وظهره إللي مبين يعني إللي ينزل من الدرج يشوف ظهره وكآن منسجم بالبيبي مزون ضحكت عليه وجلست بهدوء جمبه حتى إنه ماحس فيها مزون وهي تناظره : عمي .! محمد إنتبه : بسم الله إنتِ من متى هنآ .! مزون وهي تسوي نفسها تفكر : من يوم ما البنت رسلت لك صورتها وإنت فهييت وضاعت علومك محمد ضحك : ههههههههههه الله يلعن إبليسك , تسلية وطقطقه لا أكتر والله مزون : بس حرام ياعمي تلعب بالبنات .!؟ محمد عدل جلسته : والله يا مزون إذا الوحدة راضيه ترسل صورتها ومو خايفه من ربها ولا أهلها هي حرا هاذي إللي تشوفينها هي إللي رسلت صورتها .. الحق مو ع الولد البنت لها جزء كبير بتدمير نفسها لأنها تسمح لنفسها ترسل صورها تكلم شبااب وإن صار فيها شيء يقولوا حسبي الله عليه وتنحط براس الولد مزون : لا ياعمي إللي يضرر أكثر بهالقصه البنت ..! الولد مايعيبه شيء أما البنت الكل بستحقرها نظرة أهلها لها بتتغير الناس .. يعني بتدمر وتموت لكن ببطئ محمد تنهد : الله يهديهم ويهدينا نزلت الهنوف وسمعت أخر كلمتيين : أميييييين يارب محمد ومزون : ههههههههههههههههههه محمد وقف : يلا جاهزين مزون والهنوف : إيه : أجل مشينا بس أروى مابتجي معكم ؟ الهنوف : لاء بس وصتني أجيب لها كم شغله محمد : زين بس مانبي نتأخر ساعه بالكثيير مزون : لاعمي مابيمدينا نبي نشتري أشياء كثيير إذا إنت مشغول روح شغلك ونرجع مع السواق محمد : زين يلا إمشوا .. طلعوا من البيت وتوجهوا للسيارة .. الهنوف ركبت قدآم ومزون وراء .. ومحمد شغل السيارة ومشي متوجه للسوق .. الرجال إللي سعود أمره يراقب تحركات مزون .. لحقهم بسرعه لكن من غير لايبين .. إنــتــهــى ..~ |
البارت الـ 37 ..
مزون والهنوف كآنوا بالسوق يمشوا ومعهم الأكياس , مزون نآظرت الهنوف تعب : ـ هنوف تعبت خلنا نجلس بمكآن نرتاح شوي الهنوف وهي تناظر الفستان إللي داخل المحل من ورا القزاز : طيب روحي إنتِ أنا بشتري هالفستآن وبجي .. مزون : طيب بس لا تتأخري لآن ما أعرف شيء هنا الهنوف : طيب راحت مزون وجلست بكوفي وطلبت لها مويا بااردة لآن إللي يروح مع الهنوف ينشف ريقه .. الرجال إللي حطه سعود يراقب مزون كان جالس بعيد شوي ويراقبها رفع جواله وإتصل ع سعود يقوله إنها اللحي هي جالسه لحالها عشان يجي ويجلس معها : إيه طال عمرك هي اللحين جالسه بروحها , إنت تحت زين يلا إطلع لها قبل لا يجي أحد من اقاربها .. أوك مع السلامه قام وطلع من الكوفي .. وسعود صادفه وهو طالع أعطاه فلوسه وقف يتأملها من بعيد وده يروح ويحضنها وده يقول لها خلاص إنسي كل شيء وخلنا نرجع لبعض وده ياخذها بعيد عن كل الناس .. وده كثيير أشياء تصير .. زفر وأخذ نفس وتقدم ووقف قدآمها ... مزون كآنت منزله راسها وتلعب بجوالها .. شافت أحد قدامها ع بالها القرسون يبي شيء .. رفعت عيونها بعفويه .. وإنصدمت .. تلجمت .. تنحت .. ما توقعت ولا 1 % إنه ممكن يطلع لها أو يدور عليها .. قالت بصدمه وعيونها لمعت بالدموع : سـ ـعـ ـود سعود تنهد براحه ولهفه وشوق سحب الكرسي إللي قدامها وجلس عليه : وحشتيني مشتاق لك .! مزون عضت ع شفايفها بألم ودموعها نزلت وقالت بنبرة حزينه : لـ ـيـ ـش جـ ـيـ ـت ؟ سعود وهو يناظر عيونها بحب : لآني مشتاق لك وأبيكي مزون دموعها نزلت : بس أنا ما أبييك إنـ ـت عذبتني بما فيه الكفايه دمرتني ودمرت حيآتي ماشفت يوم حلو معك واللحين وقت ما أبي أتزوج جيت تقولي أبيكِ ليش طلعتلي ياسعود لييش ..! سعود تنهد وجآ بيتكلم لكن قطع عليه الهنوف وهي دآخله الكوفي بسرعه قام وجلس بطاولة قريبه منهم إنتبهت الهنوف لطاولة مزون لآن وهي تدور عليها سعود إستغل الفرصه وقام مايبي يحط مزون بمشآكل وموقف محرج .. تقدمت الهنوف وسحبت الكرسي إللي قدام مزون وجلست عليه : يا خاااينه تطلبي لك وماتطلبي لي مزون تحاول تكون طبيعيه وتخفي إختنآق صوتها وبحته : إيـ ـه اللحين أطلب لك وش تبي .! الهنوف مآ إنتبهت لها وتسوي نفسها تفكر : إمممم أبي إسبريسوآ مزون تتصنع الإبتسآمه : من عيوني سعود كآن ينآظرها ويتأمل حركاتها وطريقتها بالكلام مع الهنوف مو قادر ينساها ولا رح يقدر بمجرد التفكير بشيء إسمه نسيآن يلقى نفسه يحبها أكتر ومتعلق فيها أكتر من أول .. "آآآه يامزون وش سويتي فيني بس , صرت مجنون فيكِ وفي حبك ماراح أستسلم ولا رح أيأس يا مزون وبرجعك معي وبحآول معك بكل الطرق عشان ترضي وترجعي لي وقف سعود ومر من عند طاولتهم ومزون توتر لما شمت ريحة عطره وإستنشقتهآ حست بقربه .. ومشي طآلع من الكوفي .. الهنوف مآسكه قلبها بحآلميه وإستهبآل : يَ لبيييييييييه شفتيه مزونه يههبل يخقق يطيح الطير من السمآء مزون بغيره لكن مابينت وقفت : إيه عآدي شكله , يلا قومي أنا تعبت خلنا نرجع البيت الهنوف مطيره عيونها فيها : وين نرووح لسه بنشتري أشياء كثييرة .! مزون بتعب : خلاص خليها يوم ثاني يلا قومي الهنوف والله رجولي تعبت .." الهنوف وقفت وأخذت الأكياس وحطت الفلوس ع الطآوله وطلعت هي ومزون .. |
فهد كآن جالس ع الكنبه بغرفة سارا ويقرأ قرآن ويدعي لهآ ..
سارا فتحت عيونها بتعب وإنتبهت وناظرت السقف بنظرة مشتته إلتفت وشافت فهد بنظرة ضبابيه وفتحت عيونها بـ حذر وشخصت نظرها وقالت بهلفه وصوت تعبآن : فهد .! فهد إللي كآن يقرأ إنتبه لهآ سكر المصحف وحطه ع الطآوله وقآم بسرعه ومسك إيدها وجلس ع طرف السرير : سارونتي قمتي شلونك اللحين ؟ خوفتيني عليكِ يابعد قلبي ؟ سارا إبتسمت إبتسامه شآحبه وكآن صوتها مبحوح : فـ ـ ـهـ ـد أبـ ـي مـ ـآي ..! فهد نآظر حوالينه وصب بالكآسة مويا وعدلها وشربها وحط الكآسه ع الكمدينه إللي جمبه ومسك إيدينها وناظر في عيونها بشوق : وحشتيني إشتقت لك سارا إبتسمت بتعب : وإنت بعد وحشتني فهد : وش رايك أوديكِ المستشفى سارا : لا حبيبي مابي أنا مافيني إلا العافيه , بس تعب بسيط ودوخه فهد وهو ضاغط ع إيدينها : أسف سارونتي أسف حبيبتي إني بعدت عنك أسبوع كآمل بس أمي سيطرت علي وقالت لي زوجتك توها عروس جديدة وأبقى عندها أسف لأني خليتك تتعذبي وأنا إللي وصلتك لهالمرحله سارا عيونها دمعت : لا تقول كذا يافهد مابلوم أمك لأن هي تبي أحفآد وإنت تبي عيال ومن حقها تزوجك عشان تشوف أحفآدهآ فهد قرب منها وباس راسها وبعد عنها : قومي نروح المستشفى سارا : ياربي منك مانسيت يعني .! فهد : لا مانسيت بتطمن عليكِ سارا فجأة صارت تكح بشكل قوي ومرعب فهد خآف عليها وأعطاها كاسة الماي وشربها بس إنرعبت لما شافت كل كاسة المويا دم أحمر ....!!!! نآظرتها وإرتآعت وقامت بسرعه للحمام دخلت وسكرت الباب , فهد إنفجع وش هالدم من وين نزل وش سبب نزوله بهالكثرة .. ! فـي الطيآرة الخآصه لأبو سعود وفي الدرجه الأولى .. كآنت أم سعود جالسه وجمبها بنتها رند إللي رفضت يعاملونها كَ مريضه قالت أنا وحدة مثلي مثلكم وبعقد معكم .. كآنت طول الوقت تتأمل الغيوم إللي شكلها يفتح النفس وتتأمل طبيعة ربنآ وقدرة خلقة تنهدت بألم وحسرة " يآآآآه قد إيش ربنا رحمته واسعه يآخذ حق الأنسآن بسهولة يمهل ولا يهمل من كآن يتصور إني بنحرق .! ربنا إنتقم لك يامزون مني وأخذ حقك وحق نآس إنتِ من ضمنهم وغيداء "تنهدت ونآظرت أمها إللي كانت ساندة رآسها ومغمضه عيونها هزتها بخفيف : يمه يمه .!؟ أم سعود فتحت عيونها بخوف : وش فيكِ تبي شي ؟! رند بضيقه : لاء مابي شيء , بس كم باقي لنا ونوصل لأني إختنقت بفك اللي لابسته .! أم سعود زفرت : مو باقي لنا كثيير كم ساعه ونوصل , وإنتِ إذا تبي تفكيه فكيه مافي أحد بالطيارة غير إحنا رند بتكبر : لاء مابي خلاص بتحمل هَ الكم ساعه "وشآحت وجهها تنآظر الشبآك" أم سعود هزت راسها بأسف وبدآخلهآ " يالله يارند متى رح تتركي هالغرور هذا معقول ماتبي تفصخ عشان لا نشوف الحرق ونتشمت فيها يارب إنك تهديها إحنا أهلها والمرض مافيه شمآته آآه بس " في قصر أبو سعود , كآنت البندري وغلا وريف جالسين بالصاله .. ريف طول الوقت سآكته ومتضايقه على رند وكآن ودهآ تروح ع أهلها بس أمها رفضت وقالت لها خليكِ مع اخوك وزوجته وعشان إختبارات الجآمعه قربت .. غلا نآظرت البندري يعني كلمي رند يمكن تسمع منك البندري فهمت وراحت جلست جمب ريف ومسكت إيدها : ريف وش فيكِ ؟ كل هذا زعل عَ رند ما توقعت تزعلي هالكثر ؟ ريف ناظرتها بغضب : وش ما أزعل عليها هالكثر هاذي أختي ومهما كنت بعيدة عنها ومو قريبه منها بس تبقى أختي غلا ناظرت البندري بغضت وش هالكلام بتكحليها عميتيها راحت جلست جمب ريف : ريف حبيبتي هي مو قصدها , ويلا ماتبي تجي معنا ع بيت عمي أبو نواف اليوم بتوصل النوري ريف تنهدت : لا مالي نفس إنتوا روحوا وأعتذروا من خالتي والنوري تعباانه وبروح أرتآح "وقفت " عن إذنكم .. وطلعت ع غرفتها بخطوات هآديه .. البندري جات بتتكلم بس قطع عليها دخول سلمان وكاميليا وهم يضحكوا وقفت وسلمت ع كاميليا : شلونك إشتقت لك كاميليا إبتسمت ببشاشه : وإنتي أكتتتر الحمدلله منيحه "ومسكت بطنها " ورح يصير عنا بيبي البندري بوناااسه ضحكت : جججد سلووم بصير عندكم بيبي "وحضنت كاميليا" ياقلبي ألف مبرووك فرحت لك والله كاميليا وهي تضحك : ياعمري إيه عن جد غلا وقفت وتقدمت من سلمان ومدت إيدها تصافحها لسه علاقتها مع أخوآنها الشباب باردة كثير بس سلمان سحب إيدها وحضنها غلا ما تحملت وبكت بصمت بحضن أخوها .. كاميليا والبندري تأثروا من الموقف وعيونهم دمعت .. سلمان وهو حاضنها ويمسح ع شعرها : إنتي أختنا يا غلا ومو حلو تبقي ببيت جدتي من اللحين يروح السواق ويجيب لك كل أشيائك وتسكني هني ببيت أبوكِ وإخوآنك غلا وهو صوت بكائها عالي شوي : بـ ـس جدتي مابي أتركها لحالها سلمان إبتسم : جدتي ما بتبقى لحالها بتجي معك غلا بعدت وإستانست : جد سلماان بتجي هني ماني مصدقه سلمان ضحك ع وناستها : إيه بتجي هني غلا حضنته بقوة وباست خده : أحبك أموت فيك يا أحلى أخ بالدنيا كلها سلمان باس راسها : وأنا أحبك ياغلااوي , عآد إنتِ الدلوعه اللحين أصغر وحدة فينا غلا بغرور : يحق لي بشوف نفسي عليكم "وطلعت لسانها وحركت حواجبها مثل الأطفال " كلهم ضحكوا ع حركتها : ههههههههههههه غلا وهي طالعه فوق : يلا بروح أختار لي غرفة سلمان وكاميليا طلعوا فوق يرتآحو , البندري أخذت عبايتها وشنطها وطلعت راجعه لبيتهم ..~ |
عـنـد مزون كآنت بالحديقه هي والهنوف ولمى وشهد ورشا ومزون
يعني كلهم جالسين مع بعض وكل وحدة كآنت تسولف .. لمى وهي تناظر مزون : إلا صح مزونه إنتِ من وقت ما جيتي ما قلتي لنا وش صار معك ببيت إللي إسمها أم سعود مزون فز قلبها لما سمعت إسم سعود ناظرت لمى وبربكه حاولت تخفيها : مو مهم تعرفوا الهنوف بلقافه : إلا مهم من وقت ماجيتي وأنا ألاحظ عليك تحاولي تتهربي من هالموضوع مزون ناظرتهم بعدين وقفت : عن إذنكم رآحت وبعدت عنهم , البنآت يناظرونها ومستغربين لهالدرجه السؤال ضايقها الهنوف وقفت : بروح أشوفها مشت ورآحت وراء البيت كآنت جالسه ع الكرسي وباين عليها الضيقه وتلعب بأطراف طرحتها جلست جمبها بهدوء ومزون إنتبهت لها بس طنشتها الهنوف مسكت إيدها : وش فيكِ ليه تضايقتي يوم لمى جابت إسم أم سعود ؟! مزون بغصه : ماتضايقت بس ما أحب أتكلم عنهم الهنوف وهي تناظر علامات وجهاا : ليه ؟ مزون تحاول تخفي دموعها : أرجوكِ الهنوف لاتضغطي علي لو أبي أتكلم كان تكلمت الهنوف ما حبت تضغط عليها : برآحتك سمعوا صوت الباب ينفتح وكآن طلال تقدم منهم وهو مبتسم ويناظر مزون : السلام عليكم مزون والهنوف : وعليكم السلام مزون وهي تحاول تخفي غصتها ودموعها إللي بدأت تلمع بعيونها قرب طلال منهم وجلس ع الكرسي إللي قدآمهم وإبتسم : شلونكم ؟ الهنوف : بخير الحمدلله مزون هي تتصنع الإبتسامه : بخير سكتوا كلهم شوي , وطلال أشر للهنوف وش فيها بس مزون ما إنتبهت الهنوف قالت له إنها متضايقه كلمها يعني .." الهنوف وقفت : عن إذنكم مزون ناظرتها يعني وين بتروحي الهنوف طنشتها وراحت , طلال إنتظر لين الهنوف تختفي قرب وجلس جمب مزون ولاحظ ضيقتها : حبيبتي وش فيكِ ؟ مزون تحاول تتظاهر البرود : مافيني شيء بس إرهآق وكسل من قعدة البيت طلال : طيب "وكأنه تذكر" صحيح سجلتك بجامعة الملك عبد العزيز مزون بوناسه ونست ضيقها : تتكلم جد طلال .! طلال إستانس ع وناستها : جد حبيبتي كم مزون عندي وحدة بس مزون بإمتنآن : شكراً حبيبي طلال : وش قلتي ؟ مزون إستحت ونزلت راسها : حبيبي طلال تنهد بحب : ي روح وعمر وحياة حبيبك مزون إستحت أكتر ووجها قلب ألوآن ..؛$ طلال ماحب يحرجها : خلاص من بكرا جهزي أوراقك وكل شيء عشان أوديكِ الصبح مزون بحمااس : من عيوني *.* |
فـــي المستشفى , فهد إللي كآن مآسك إيد سارا طول الوقت وما تاركها ..
وصلوا غرفة الدكتور سارا كآنت ترتجف وقبل لا يدخلوا إلتفت لفهد وعيونها دمعت : فهد خآيفه .! أحس بصير لي شيء ؟ فهد ضغط ع إيدها يهديها : بسم الله عليكِ حبيبتي إن شاء الله مو صاير لك شيء إستهدي بالله وخلنا ندخل يلا دقوا الباب وصلهم صوت الدكتور دخلوا وسلموا عليه وجلسوا الدكتور يناظرهم : من إيش تشكي المريضه فهد : والله يادكتور هي أول أمس كانت حرارتها مرتفعه ودوخه وأخذت مسكن وخف شوي لكن قبل شوي وهي تشرب المويا تفاجئنآ بدم ينزل بكثر من فمها مو راضي يوقف الدم الدكتور بشك : إيه , طيب ممكن تتفضلي معي عشان أكشف عليها ونشوف وش عندها فهد : أوكي وقفت سارا وفهد وقف ومسك إيدها جلست ع السرير وفتحت فمها الدكتور صوره لها ولما إنتهى : دقايق برسل الصور للمختبر وأجي فهد : إذنك معك طلع الدكتور وفهد تقدم من سارا وحضنها وباس خدها : إهدي حبيبتي لا توتري بإذن الله مافيكِ شي سارا بخوف : خايفه نتيجة التحليل تكون سلبيه فهد : تفائلي وإن شاء الله خير دقايق ودخل الدكتور ومعه نتآئج التحليل سارا ناظرت فهد وهي عيونها باينه فيها الخوف .~ فهد تقدم للدكتور : ها دكتور بشر ؟ الدكتور جلس وجه باين عليه الضيق والحزن : واالله ما أعرف شقولك يا أخ فهد ..! فهد ناظر سارا إللي تناظر بخوف وإلتفت للدكتور : وش فيه دكتور .! النتايج كيف طلعت ؟ الدكتور : إنت تدري إن كل شيء قضاء وقدر وراضي بحكمة ربنآ , زوجتك مثل ماتبين لنا بالنتايج إنها مُصابه بمرض السل سارا شهقت ودموعها نزلت , فهد إنصدم ومن قوة الصدمه جلس ع الكرسي وهو يناظر عليها الدكتور حزن من ردة فعلهم : أخوي فهد هاذي حكمة ربنا إهدى الله يخليك وخليك قوي , أنا بكتب لهآ مسكنآت ولازم تلتزم فيهم عشان تخف الكحه ونزول الدم منها , ولاتقرب عليها يعني هالفترة حاول ما تاخذ حقوقك عشان المرض لا ينتقل لك فهد : طيب دكتور هالمرض وش أعراضه ؟ الدكتور : الأنسآن يكح دم بكثرة , إذا أحد قرب منه يعني حضنه باسه ينتقل بسرعه ومحدد لفئات يعني ثلاث شهور بالكثير سنه بعدها الشخص يتوفى "وناظرهم بضيق" فهد بصدمه أكببر : يتوفى سارا إنهارت عليهم وفقدت وعيهآ .. فهد وقف وصرخ وراح عندهآ : ســآرآ ..! قصير أدري بنتظآر توقعاتكم |
يعطيج العافيه ملكة الرومنس ع الطرح والبارت الرائع
عساج ع القوه ننتظر الجديد دوماا |
كل الشكر لتواجدك الغالي شمس القوايل والمميز هنا
ودي وتقديري |
البآرت الـ 38 ..
فهد كآن جآلس جمب سآآرا إللي أغمىَ عليها من الصدمه .. وأعطوها إبرة مهدئ وفهد ماتركها .. كآن مآسك إيدهآ ويتأملهآ مو قادر يتصور إن ممكن ساارا تروح منه أو تموت مثل ما قال الدكتور .! حتى لو سارا مريضه ماراح أتركها وببقى جمبها حتى لو إنتقل لي المرض يا نموت سوا يانعيش سوا فجأة لقى الباب إنفتح ودخلت أم جرآح هي وجرآح أم جرآح وهي تبكي وركضت عند سارا وجلست ع الكرسي ومسكت إيدها : ياويلي عليكِ يابنتي وش صار لها وش قالك الدكتور يافهد ؟ فهد وهو يناظر سارا ويتكلم بضيق بعدين ناظر أم جرآح : قال معها مرض السل .! أم جراح شهقت وحطيت إيدها عَ فمها : وشو الـسـل ؟ تعرفون إن هالممرض يموت وماله علاج ؟ جراح بضيق وغصه عَ أخته : يمه إهدي الله يخليكِ أكيد في علاج مافي شي ماله علاج أنا بروح أكلمم الدكتور يمكن يكون فييه أمل .. طلع جرآح من الغرفة وهو متضايق وقتها دموعه تعلقت بأطراف رموشه لكن تمآسك وهدى نفسه .. جلس ع إحدى الكرآسي بممر المستشفى وطلع من عندهم بحجة إنه بسأل الدكتور " كيف بروح أسأل الدكتور وأنا أعرف إن هالمرض ماله علاج , معقول سارا أختي الوحيدة الدلوعه الصغيرة تموت "حس بشي كآتم ع قلبه وأنفآسه مخنوقه سند ظهره لورا بخفيف وتنفس بسرعه وحآول يهدي نفسه ويسوي شهيق وزفير عشآن يهدأ , رن جواله بهاللحظة وكآنت "حيآتي" رفع الجوال وناظر بالشاشه <<حيآتي يتصل بك >> رد بهدوء : ألـو .. غلا إللي كآنت ببيت عمهآ أبو نوآف وبمجلس الحريم مع جدتهآ وأم نواف والبندري النوري إللي اليوم وصلت من السفر .. لاحظت الضيقه والخنقه بصوته قامت وطلعت من المجلس وكلمته وطلعت للحديقه : هلا حبيبتي شلونك ؟ جرآح وهو يناظر الفراغ وعيونه تلمع : مو بخير ياغلا , غلا بخوف : بسم الله عليك فيك شي عمتي فيها شي ؟ سارا ؟ جراح صوته بدأ يرجف : سارا ياغلا سارا بالمستشفى غلا بنفاذ صبر وخوف : وش فيها تكلم ؟ جراح : طلع معها مرض السل .!!! تعرفي وش يعني السل يعني مرض ماله علاج يعني كم من شهر وبتموت يعني بتعيش طول حياتها بعذاب جسد بلا روح ... غلا من الصدمه دموعها نزلت وشهقاتها إرتفعت : إنـ ـت تـ ـتـ ـكـ ـلـ ـم من جدك .! جراح : إيه من جدي أتكلم سارا بتروح مني ياغلا أختي الوحيييدة بتموت غلا ما تحملت نبرة صوته المرتجفه والحزينه سكرت الجوال ودخلت عندهم وهي تبكي الكل خآف من شكلها لأنها كآنت تبكي بنهياار تآآم صاروا يسألونهآ وش فيكِ وقالت لهم وإنصدموآ وبكوآ والجدة وأم نوآف قرروا يروحوا المستشفى عند سآرآ ..~ |
فـي جــدة , بالتحديد فلة الجـد ..
ثــآنــي يـوم في الصبآح السآعه الـ 8 .. مزون كآنت مشتته ومتوترة كثير اليوم أول يوم لها بالجامعه رح تقدم ورح تختلط بنآس ماتعرفهم حطت الأروآق إللي محتآجتهم بالشنطه , وأخذت الشنطه ونآظرت شكلها بالمرايا إحتارت بشعرها تركته مفتوح ومسكته من قدآم بشبآصه وحطت الطرحه عَ كتوفهآ وإبتسمت وطلعت من غرفتها نزلت تحت وصلت للصاله لقت جدهآ وأروى يفطروآ إبتسمت وباست راس جدها : صبآح الخير الجد وأروى : صبآح النور .. الجد إبتسم : اليوم أول يوم لكِ بالجامعه مزون وهي واقفه جمبه وبتسآمتها مافارقت وجها : إيه جدي ومتحمسه وخايفه بنفس الوقت أروى : مافي شي يخوف أولها كذا بس رح تتعودي مزون : إن شاء الله <<طلال يتصل بك >> إنحرجت مزون وناظرت فيهم وبان عليها وبعدت شوي وردت : ألو , الحمدلله بخير إنت شلونك , تسلم إيه جآهزة إنت برا أوكِ دقايق وأطلع , مع السلامه .. سَكرت وإلتفت لجدها وعمتها : يلا مع السلامه الجد وأروى : في حفظ الله لفت طرحتها وفتحت باب البيت وطلعت من الحوش لقت سيارة طلال قدآم لكن لفت إنتباها الرجال إللي واقف بعيد بسيارة [لكزس] لون كحلي وأول ماشافها رفع الشباك عرفت إنه من طرف سعود تنهدت ولفت عشان تفتح باب السيارة بس تفاجأت لما طلال نزل وفتحه لها وإبتسم بحب : تفضلي مزون إبتسمت بخجل : شكراً وركبت وسكر لها الباب ولف وركب كآنت مزون مستحيه ومنزله راسها .. سكر الباب وطآلعهآ : شلونك ؟ مزون : بخير الحمدلله طلال : دوم يارب , إممم وش رآيك نروح نفطر بمطعم ع قبلل لا أوديك الجامعه مزون ناظرت الساعه : لاء خليها وقت ثاني أخاف أتأخر .. طلال إبتسم وشغل السيارة : أوكِ برآحتك ,بس مابنسى لما أرجعك من الجامعه بنروح نتغدا مزون ضحكت بخفيف : ههههههه أوكِ ؛$ فــي سـويـسـرآ .. بالتحديد بشقة أبو سعود , أول ما وصلوا أم سعود مارضت تنام عشان تقعد مع رند بس رند تصنعت النوم وقالت لآمها تنام مآ تبي تحس بالشفقه .. كآنت طوول الوقت بغرفتها وتنآظر الشآرع إللي كآن لايخلوآ من حركة النآس والأطفال والبائعين .. حست شوي برآحه من هالمنظر , منظر يبعث الهدوء والرآحه النفسيه قررت تلبس وتطلع تتمشى بالحديقه إللي قدآم بيتهم تحمست لهالفكرة .. ورآحت للسرير إللي كآن عليه شنطتها فتحتها وناظرت ملابسها بحيرة طلعت بنطلون سترتش لون أبيض وبلوزة طويلة لون كحلي وبآلطوآ أسود رآحت الحمام "تكرمون" لبست وطلعت كيوت وقفت قدآم المرآيآ وتأملت الحروق إللي برقبتها وحول نحرها إيدينها إرتجفت وهي تتحسس التشققآت دموعها تعلقت بطرف رموشها حست نفسها بتنهار مسحت دموعها بسرعه وراحت لشنطتها وطلعت حبوب مهدئه بلعتها بسرعه من غير مويا وأخذت نفس وهديت طلعت شآل من شنطتها لونه أبيض وقفت قدآم المرايا .. ولفته ع رقبتها بشكل مرتب وفردت شعرها الطويل النآعم وأخذت شنطه صغيرة وفتحت باب غرفتها لقت أبوها يشرب قهوة ويقرأ جريده إبتسمت ببرود وغصب عنهآ وتقدمت وهو حس فيها وناظرها بفرح وبستغراب بنفس الوقت , حست كأنه يسألها وين بتروحي من نظرة عيونه همست بهدوء : صبآح الخير أبو سعود ببتسآمه ونفس هدوئها : صباح النور , "ونآظر لبسهآ " وين بتروحي ؟ رَند ببرود : مليت من الغرفه وبروح أتمشى بالحديقه إللي جمب شقتنا أبو سعود ما مانع بالعكس إستانس يمكن نفسيتها تتحسن : طيب حبيبتي , تبي أجي معك ؟ رند : لا شكراً أروح بروحي عن إذنك وطلعت بهدوء وسكرت باب الشقه .. حط الجريدة ع الطآولة وشرب من كوب القهوة وتنهد عَ حآل بنته " |
بَعد مرور شهر .. البعض حيآته تغيرت منهم للإحسن ومنهم للإسوء ..
مزون ملكت ع طلال ولد عمهآ وسعود إنقهر ولسه ماطفش ولا مل مزون بالعكس كل يوم يزيد التحدي دآخله ويبي يخليها تسآمحه وماراح ييأس بس وش بصير معه بقدر يكسبهآ ؟ سارا حآلتها تدهورت ونفسيتها صارت سيئه فهد ليل نهار جمبها ومايتركها حتى "أنوآر" زعلت منه لآنه مايجي ولا يسأل عنها وهي اللحين ببيت أهلها وطالبه الطلاق .! رند نفسيتها تحسنت شوي لكن لسه باردة ومتبلده مع الكل وَكثير تروح ع الحديقه إللي قدآم بيتهم تحس تريحها شوي , ورآحت عند دكتور وكتب لها كريمآت وقال لها تلتزم فيهاا وإن شاء الله تتحسن حالتها " النوري رجعت لأمريكآ عشان دراستها وبالإجآزة تجي تشوف أهلهآ ." ريف حيآتهآ صارت ملل بعد مآ أختهآ وأمهآ وأبوهآ سآفروآ , ماصار وليد يوصلها لأن سلمآن بعد ماعرف إنه تقدم لأخته قاله يجي يشتغل معه بالشركه .. هاذي أهم الأحدآث إللي صآرت بالروآيـــة ..~ نروح لــ سـآرآ وفـهـد ..." سآرآ وهي تبعد وجها وبضيق : مابي فهد مو مشتهيه فهد : حبيبتي عشآني أخر لقمه طيب سارا : والله لو أبي أقولك وإنت تأكلني فهد حطت الملعقه بالصحن بستسلام : طيب برآحتك "وقف وحطت الصينيه ع الطآولة ورآح بنآم جمبها بس سارا صدت عنه .!" فهد بضيق مع شوية عصبيه : لمتى يعني بتبقي كذا ماتخليني أقرب منك ولا حتى أحضنك ؟ سارا بغصه وهي تناظر عيونه : لأن ما أبي المرض يتنقل لك .! فهد ناظرها لمدة دقايق بعدين قرب منها وحضنها بقوة سارا إنصدمت ما توقعت يسوي كذا زادت رغبتها بالبكااء وإنهارت بحضنه وتمسكت فيه أكتر .. فهد بقي حاضنها وهي دآفنه راسها بصدره وتبكي : فـ ـهـ ـد أنـ ـآ مـ ـآ بـ ـقـ ـي لـ ـي كـ ـثـ ـيـ ـر وَ .... فهد بعدها وحط أصابعه ع شفايفها ونآظر عيونها : لاتكملي جعل يومي قبل يومك .. سارا بعدت عنه ومسحت دموعها : طيب فهد متى بتروح لزوجتك مايصير كذا ؟ فهد : مابروح لها ببقى معك .. سارا : لاء حبيبي روح وتطمن عليها ولاتنسى هي حآمل بولدك لازم تكون جمبها فهد تنهد لأن عارف سارا تكتم وتحآول تظهر الامبالاة وهي العكس هالكلام من ورا قلبها من دآخلهآ تنجرح ألاف المرآت .. وهالكلام إللي هي تقوله يجرحها من الدآخل .. سارا إنتبهت لسرحآنه ويتأملهآ إبتسمت وقالت : خير دكتور فهد مضيع شي بوجهي فهد إبتسم لا إرادياً : إيه مضيع هذا "وأشر عَ قلبه" إللي أخذتيه وسكنتي فيه وصرتي بدآخلي يا سارا سارا عيونها دمعت : الله لايحرمني منك فهد بألم : ولا منك يارب .. |
فــي جدة , وبالتحديد في بيت الجد ..~
أروى وهي دآخله غرفة مزون ولابسه عبايتها ومعها شنطتها فتحت الباب ومدت رآسها وهي مبتسمه : ها مابتجي معنا ؟ مزون وهي منسدحه ع السرير وبس شافت عمتها عدلت جلستهآ : هلآ عمتي , لا والله مالي مزآج أروى دخلت : إنتِ شكلك تعبآنه فيكِ شي ؟ مزون : إيه بطني يعورني وظهري وروجولي مو قادرة أوقف أروى : عليك الدورة ؟ مزون إستحت : إيـ ـه .! أروى ضحكت : هههههههههههه عادي لاتستحي إحنا حريم مثل بعض وأنا عمتك مزون إبتسمت وسكتت ..~ أروى : يلا أجل أنا بروح وإذا إحتجتي شي الخدآمه عندك مزون : أوكِ بحفظ الله أروى وهي طالعه : مع السلامه وسكرت الباب مزون وقفت بصعوبه وهي ماسكه بطنها رآحت الحمام غسلت وجهآ ورجعت شعرها لوراء .. رآحت وأخذت الأيبآد ونزلت للصاله كآنت هدوء ومافيها أحد لأن الكل اليوم مجتمع ببيت أبو طلال .. ومزون مارضت تروح لأنها تعبانه وتركوها ع رآحتها وكمآن البيت جمب البيت إذا تبي شي تتصل ويجوا عندهآ , إنسدحت ع الكنبه وجلست تطقطق ع الأيبآد وتكلم بعض البنآت إللي تعرفت عليهم بالجآمعه .. نروح لقدآم الفله .. تطمن إن البيت فآضي لأن شآف الجده وأروى وهم طالعين .. ومحمد من العصر للحين مارجع ودوآمه يطول لأن إللي مثله يكونوا مخططين وماخذين حذرهم من جميع النوآحي , نزل بهدوء من سيآرته وإلتفت يمين يسار يتطمن إن الشارع مافيه أحد .. قرب من باب الفله فتحه لكن كآن مسكر زفر بقهر . كيف اللحين بدخل نآظر ع فلة أبو طلال ولقى الباب إللي يدخل ع حوش الفله مفتوح وبين فلة الجد وأبو طلال سور .! يعني لو دخل ونط من فلة أبو طلال لفلة الجد بيدخل ع الفله مشي بخطوات حذره وفتح البااب بهدووء وناظر الحوش فاضي لكن أصوآت الرجال إللي بالمجلس وآصله شوي للحوش وهالشي خلاه يسرع بسرعه قبل لا يطلع أحد ويكشفه تسلق السور بخفه ونط .. المسافه كآنت عالييه شوي بس مو مشكله كل شي يهون لعيون "مـزون" نآظر حوش الفله وإبتسم بنتصار اللحين ببدأ اللعب يا مزون واللحين بتكوني لي وبترجعي معي غصبن عنك ..> رجع سعود القديم -.- تقدم من بآب الفله بهدوء وبخطوآت وآثقه وحذره بنفس الوقت دق الباب لآن الجرس برآ .. مزون إللي كآنت بالصاله والباب مو بعييد عليها سمعت صوت الباب شافت محد من الخدامات جآ قآمت فتحت وع بالها أحد من بيت عمها يبون شي وبروحون فتحت الباب ونآظرت بعفويه وبعدين إنــصــدمـــت .! سـعـود وش جآبه ؟ بقت لدقايق تحآول تستوعب وجود سعود ببيت جدهآ وش يبي بعد كل هالمدة ما نساني سعود كآن يتأمل عيونها الخضرآء إللي مشخصه عليها وتلمع بأنوآر الحوش إللي كآنت عآكسه ع عيون مزون ومعطيتها لمعه .~ إشتآق لها حيل وده يضمها وده يستنشق ريحة عطرهآ يبي يحس بالأمآن بحضنها مثل أول , مثل مآ كآن أول يحضنهآ ويتمسك فيها لين يفقد وعيه وينآم يبي هاللحظه ترجع اللحيين ...! الدموع تعلقت برموشها وصوتها إختنق ومو قادرة تتكلم : وشش تـ ـبـ ـي وش جـ ـآبـ ـك ؟! سعود دخل وسكر الباب وإستند عليه وهي كانت قدامه ناظر عيونها بحب : أبيكِ إنتي مزون فقدت سيطرتها ع نفسها وبكيت بنهيار : بس أنا ما أبيك , ما أحبك أكرهك إنت دمرتني إنت شكاك ومريض وغيور خليتني أكره كل الرجال وأكره إني أحب مرة ثانية خليتني أحس إني معقدة "وهديت وتعبت من كثر البكي " شوف سعود روح إنساني خلاص مابيك لاتتذكرني "وإلتفت لجمبها وأخذت المزهريه " ولا والله أكسرها وأذبح نفسي إتركني جننتني كل ما بحآول أنساك تجي وتذكرني فييك ليش تحب تعذبني ليشش ؟ وطاحت المزهرية منها وإنهارت ع الأرض تبكي بحرقه وألم , الخدامات سمعوا صوت المزهريه وسعود وقف مصدوم ماتوقع ردة فعلها كذا وكآن يناظر الخدامات إللي إنصدموا من المنظر مزون تبكي ومن هذا الرجال والدنيا مبهدلة والجو مايسمح أبداً للكلام .. خآفوا ورجعوا المطبخ .. سعود إستوعب مزون إللي تبكي تقدم منها وجلس ع نص رجل بعد لها إيدينها إللي مغطيه وجها فيهم ومسح دموعها بكفوف إيدينه وتنهد وتكلم بهدوء : أحبك وأعشقك وحياتي مالها طعم بدونك كنتي بعيدة عني بس قريبه مني بنفس الوقت بقلبي ومحد غيرك بسكنه وتفكيري أقنعه يفكر بغيرك بس مايبي يبي يفكر فيك إنتي بس , الأشياء من حولي تذكرني فيكِ مزون "تنهد" لو بتكلم مابقدر أوصف لك حبي إنتي دنيتي كلها وبعد هذا كله تسأليني ليش جآي وش أبي ؟ أحد يقدر يتخلى عن حيآته الأنسان لو تخلى عن حيآته وش بصير له هآ "وناظر عيونها إللي كانت متعلقه بعيونه وتنطق وتشع بالحب" يموت صح .! وأنا كنت كذا جسد بلا روح بغيابك كل شيء ماله طعم .. مزون م قادرة تتكلم سعود تحبه وتعشقه وطلال كانت تتظاهر له بالحب وتحاول تقنع نفسها عليه بس للإسف إكتشفت اللحين إنها تحب سعود أكتر من أول إرتمت بحضنه وقالت بصوت مبحوح : خذني بحضنك أبي أذوب بريحتك مابي أنسى ريحتك .. |
سعود ضمها وتمسك فيها بكل شوق ولهفه وحضنها من بين ذارعها ومافكها بقوا ع هالحال 10 دقايق
هدوء إلا صوت أنفاسهم .. مزون حست ع نفسها وماتبي تبعد كآنت تبي تبقى بحضنه حضنه بالنسبه لها مثل الأمآن مثل الطفل التآئه إللي يدور ع شي يحسسه بالأمآن بعدت عنه بهدوء ووقفت وهي منزله راسها ومستحيه سعود وقف قدامها ولصق فيها ورفع لها راسها مسكها من ذقنها تأمل ملامحها وعيونها وأنفها وشفايفها قرب منها وبعد شعرها إللي مغطي ع خدها باسها بخفيف من خدها بعدين من شفايفها أنفآسه لفحت ع رقبتها وإستحت حيل وبعدته عنها بهدوء وهي منحرجه وخدوها صارت حمرااااء .. سعود إبتسم ع خجلها وخدودها إللي حمرت تنهد : أحبك مزون بصوتها المبحوح من كثر البكي : بس مَ رآح نكون لبعض سعود : لـيـه .! تطلقي من طلال وتعالي معي مزون : بهالسهوله أتطلق من طلال وأجي معك ؟ سعود : مزونتي تفاهمي معه فهمي جدك إنك مو مرتاحه وأكيد هو بتفهم قرارك وبتقدم لك وبتزوجك ووافقي مزون : لا سعود المسأله مو بهالطريقه خلاص أنا ملكت ع طلال وزواجنا قريب مو حلو أجي أقول ما أبيه مو حلوة بحق جدي ولا أعمآمي هم مو لعبه عندي .. وإنت "صوتها إختنق وحست بغصه" ببقى أحبك لين أخرة نفس أتنفسه بس مو من نصيبي سعود حز بخاطرره وحس السبب طلال زاد كرهه بعدين إنتبه لمزون إللي فقدت توازنها وداخت وطاحت ع الكنبه خاف وركض عندها وحركها بس ماردت ضربها ع خدها بخفيف كمان ماردت إلتفت يدور شي مويا عطر , لمح كاسة المويا ع الطاولة إللي جمبه أخذها وبلل خدها وفتحت عيونها شوي شوي وإستوعبت إللي صار قالت بهمس وهي تناظر سعود : سعود سعود إبتسم وجلس جمبها وعدلها : عيونه وقلبه وحياته كلها مزون إستحت : يلا روح اللحين يجي عمي ويشوفك مابي مشاكل الله يخليك سعود : بخصوصنا ماتبي ترجعي لي مزون : الله يخليك سعود لاتفتح معي هالموضوع قلت لك بحبك وببقى أحبك بس مستحيل نكون لبعض أبيك هالمرة تفهمني وماتلاحقني وتنساني سعود بغصه وألم قرب منها وحضنها وهالمرة سـعــود بـكـي ...~ أول مرة زون تشوفه يبكي بحرقة كأنه طفل صغير فاقد أهله .. أخر مرة سعود بكي مثل كذا يوم إكتشف خيآنة جمانه بس هالمرة بكى أكثر معقول الرجال الصامدين الاقوياء دموعهم تنزل .. نعم تنزل ليه ماتنزل ؟ هم بشر مثلنا مثلهم يحسوا لكن يخبوا يبكوا بينهم وبين أنفسهم لأنهم رجال ومايحبوا أحد يشوف ضعفهم لكن هالمرة سعود ماقدر وبكي بحضن مزون .. مزون قلبها أوجعها وحضنته بكل قوتها وتمسكت فيه قد مآتقدر .. إللي قومهم من أجوآئهم .. تلفون البيت .. مزون بعدته بهدوء ونآظرته بحرج ورآحت ترد وتكلمت بهمس : ألو هلا لموش , إيه جوالي بالغرفه فوق وأنا بالصاله أنآظر فيلم .. بتجون اللحين أوكِ أنتظركم .. قفلت بسرعه وراحت لعند سعود وقومته : سعود قوم يلا اللحين بجون يلا مابيهم يشوفونك سعود وقف ومسح وجه إللي صار أحمر ومشي ناحية الباب ومزون كانت وراه بتسك الباب لف عليها وهي إستحت لأنها كانت لاصقه بوجه همس : أحبك لأاخر نفس أتنفسه "وقرب بسرعه وباس شفتها وطلع من الفله بكبرها" مزون إستوعبت إللي صاار وإستوعب بوسته إللي توها سكرت الباب بعصبيه وبقوة وقعدت وهي تبكي بحرقه ع حبها ع الشخص إللي حبته من كل قلبها ومابتحب غيره .. خمس دقايق وهي تبكي وقفت وراحت الحمام غسلت وجها وحطت كريم يخفي أثار الدموع اليوم بكت لين قالت بس .! وطلعت الصاله ترتبها لأنها تكركبت شوي من الشي اللي صار اليوم .~ لين هنآ ونوقف .." التوقعآت .. ؟ سعود هل هالمرة بنسى مزون خلاص .. ولا بسوي شي عشان ترجع له ؟ رند وش بصير فيها بسويسرا من أحدآث وتغيرات ؟ سارا بتموت ولا ممكن تلقى علاج ؟ وفهد ممكن ينتقل له المرض ؟ الباقين إنتوا توقعوا لهم |
يعطيج العافيه ملكة الرومنس ع البارت الجميل
ننتظر جديدج دوماا |
كل الشكر لتواجدك الغالي شمس القوايل والمميز هنا
ودي وتقديري |
البارت الـ 39 ..
فـي سويسرآ , كآنت رند هي وأمهآ طالعين من عند الدكتور ورند طول الوقت سآكته وأم سعود تسولف معها ع أمل إنها تشآركها وتتكلم .. رند إلتفت وناظرت أمها : يعني اللحين كل أسبوع نجي عند الدكتور وماتخف هالحروق ونفس النتيجه ؟ أم سعود تحآول تخفف عنها : مو من أول مرة بتخف يبي لها وقت .. رند زفرت بطفش : أنا فقدت الأمل ماعدت أهتم تخف أو لاء ..! ومشتّ تآركه ورآهآ أمهآ .. أم سعود زفرت بضيق ولحقت بنتهآ .. فـي السعودية وبالتحديد جدة .. فـي بيت أبو لمى .. شهد رمت الريموت بملل وتأفتت بقهر : أوف أوف أوف وش هالحال ياربي جات الأجازة وإنحبسنا بالبيت لي أسبوعين ماطلعت ولاشفت شي ماغير من بيت جدي لبيت عمي رشا دخلت الصاله وهي تاكل فشار وجلست ع الكنبه : وش فيكِ إنهبلتي تكلمي نفسك ؟ شهد ناظرتها : وش فـ .... "وسكتت وهي تشوفها تاكل وقفت وقالت بصدمه " رشششا يازق ماكله الفشااار حقي رشا بلعت ريقها بصعوبه : هـآآآه هذا حقك ؟ مادري إنه حقك ! شهد أخذته منها بقوة وإنسدحت وصارت تاكل وتناظرها تبي تحرها رشا وقفت ورمت المخده بقهر وطلعت فوق دخلت الغرفة لقت لمى تكلم بالجوال ومو منتبه للي دخل رشا تناظرها بخبث وتقول ببالها " إيـه مو منتبه الأخت دآخله جو مع حبيب القلب " مشت بخطوآآت بطيئه وقربت من إذنها وصرخت : لمموووو وش تسسسسسسسوين لمى نقزت وطاح الجوال منها وشهقت : يممممممه "وإستوعبت" حسبي الله عليكي يارشو خرعتيني ياتبن "وأخذت الجوال حطته ع إذنها لقت الخط إنقفل بوزت " عجبك كذا يابقرة تلقينه زعل أوف منك وطلعت من الغرفه رشا تأففت : أووووف مافي أحد يتسلى معي بهالبيت ..! |
فــي بـيـت الجد .. وبالتحديد في غرفة مزون ..
الهنوف وهي تمشي بالغرفه وتتكلم بحيرة : ياربي طيب بعرف وش فيكِ من أمس وإنتي بس متضايقه وحآبسه نفسك بغرفتك بحجة بطنك "ولفت على مزون إللي واقفه عند الشباك " بس أنا متأكده في شي أكبر وماتبي تقولينه لي مزون تنهدت وهي تناظر طلال اللي وآقف تحت يتكلم مع ريان ومحمد تاهت نظرآتها فيه وتذكرت سعود لا شعورياً .. إلتفت للهنوف إللي كانت تناظرها وغمزت لها : خآقه على أخوي هاا ؟ قولي كل هالوقت تتأملي حبيب القلب .. مزون ناظرتها ببرود ونظرآت ماقدرت الهنوف تفسرها ومشت وجلست ع السرير الهنوف إستغربت وراحت جلست جمبها وبطفش ونفااذ صبر : مزووون خلاااص عاد تكلمي لا تناظرين علي كذا محسستني إنك زعلانه مني "وتربعت ولفت عليها " لا أأكيد زعلانه مني صح ؟ مزون بطفش من الهنوف وإزعآجهآآ : لاء مو منك خلاص هنوف لاتحني علي الهنوف بإصرار : مابروح إلا لما تقوليلي وش فيكِ ؟؟! مزون مسكت راسها بتشتت : طلآل أخوكِ !. الهنوف بستغراب رفعت حاجب : وش فييه ؟ مزون بغصه وتحس لآزم تعترف لآحد على اللي بقلبها : ما أحبه "وشافت الصدمه بعيون الهنوف " بالأصح مو قادرة أتقبله كـَ زوج بالمستقبل .! الهنوف بقهر من مزون وكلامها : أجل ليه وافقتي عليه يوم تقدم لك .! مزون مو عارفه وش تقول .! هل عشان سعود ولا ليش هي نفسها ماتعرف قالت لا شعورياً واللي تحس فيه : عشان أنساااااه ترددت هالكلمه بأذن الهنوف عشان أنساه عشآن أنسااه قالت بستغراب : مين هو اللي تبي تنسيه ؟! مزون لقت نفسها تتكلم عنه من دون تفكير وبلا وعي وتتخيله : سعود "وناظرت الهنوف بنظرة ضبابيه " سعود ياهنوف الأنسان إللي حبيته من كل قلبي وعمري مابحب غيره .. تعرفت عليه لمارحت أشتغل عند أم سعود "كـَ خآدمه" كنت وقتها ما أتكلم وما حد بالبيت تقبلني لأني بنظرهم ما أفهم ولآ يعرفوا يتصرفوا معي .. ريف الوحيدة إللي حبتني أخت سعود أحن وحدة وأطيب وحدة .. سعود كان مايبي يتزوج لأنه تعرض لصدمه كبيرة من زوجته جمانه وأثرت عليه وخلته يكره كل جنس حواء .. أمه قررت تخطب له بس بطريقة وقحه "وشافت نظرات الفضول بعيون الهنوف" بطريقة ماحد يقبلها ع أي أحد من بنآته بتزوجه بنت تجيب له الولد إللي تحلم فيه كـَ حفيد وبعدها يطلقها .. وطبعاً هـَ البنت كآنت أنا ""( جات وفاتحتني بالموضوع وإنصدمت ماتوقعت بيوم أكون رخيصه لهالدرجه حتى أتزوج بهالطريقه وبنظرهم لأني ما أتكلم بقدروا يتحكموا فيني .. ووافقت وزوآجنآ طول كثير بسبب "رآكآن" إللي كآن يحبني يوم أخذني شايب ما أعرفه من المستشفى .. بعد هالسالفه طويله يوم أهلي سو حآدث نقلوهم كلهم على هالمستشفى أمي وأبوي وملآك ماتوا "وصوتها بدآ يختفي من غصة البكآ " أنا الوحيدة إللي بقيت بس كنت فاقدة الذاكرة وفي شايب عرف بقصتي وماحب يتركني بس كذب علي وقاللي إني بنته وأخذني معه على البيت وولد إخوه كان يجي بين فترة وفترة عنده وكان يحبني بس أنا كنت أعتبره أخوي وبعدها بدأت ترجع لي ذاكرتي وعرفت إن هالشايب يكذب علي وإنهرت ومن هالصدمه ماصرت أتكلم وجا عمي "أحمد" إللي هو "أبو فوآز" سأل عني بالمستشفى وقالوا له إني رحت مع شايب والمستشفى عطوه عنوان بيت الشايب وجا وأخذني عنده وكنت مثل الخدآمه هذا غير فواز إللي حاول أكثر من مرة يعتدي علي بس كنت أحمي نفسي منه .. ويوم قررت خالتي شريفه أم فواز تتخلص مني وتوديني ع الشرقيه عند أم سعود ورحت وإشتغلت عندها وراكان إللي كان عند الشايب اللي رحت عنده طلع صديق سعود وشافني مرة بقصر أم سعود وخطفني يوم كنآ بالسوق أنا وريف وسعود عرف وجآ أخذني ورآكآن هرب وبعد فترة عرفنا إنه بالمستشفى وسوا حادث وتوفى الله يرحمه .. مع كل هالأحدآث إلآ إني تعلقت بسعود وحبيته رغم قسوته وعناده وببروده وغيرته وغروره .. دخل قلبي من أول مرة شفته فيها .. وتزوجني دون علم أهله وبعدها دخل فيني وفآجئهم وأمه عصبت وكرهتني هي ورند أخته بس أصر ع قرارة وبقي متزوجني لكن رند فضحتني بقصة أخشى ذكرها لأنها توجعني كثير إذا تكلمت فيها وسعود صدق ولما بحث عن الدليل طلب يسامحني لكنِ رفضت ورحت بفندق لحالي وجا فواز ولد عمي وأكل عقلي بكلامه وقاللي إن أمه تغيرت وصارت مسكينه بعد ما أبوي تزوج عليها وإرجعي بيتنا وبنحطك بعيونا قلبي هاللحظة إقتنع بكلآمه ولما قلبي يقتنع مستحيل أفكر بكلآم عقلبي ":( ورحت معه ولقيت المعامله نفسها إهآنه وذُل وشتم .. ما إتحملت وإتصلت بريف وخبرتها وقالت لي إن سلمان أخوي بجي لك عشان ياخذك بس رفضت لكن جا وأخذني ورجعت وكنت بتزوج سعود بس رند قالت لي كلام وخلتني أترآجع عن زوآجي من سعود .. "وتنهدت وأخذت نفس " بختصار يا هنوف سعود حبييته وأمس جا هنا بيت جدي وكان بياخذني بس بس ما أقدر كل شي ضددنا كل شي ضددنا زواجي من طلال جدي أهل سعود نظرة الناس وكلامهم مافي ولا شي معنا .. "وغطت وجهاا وصارت تبكي" الهنوف تأثرت من قصة مزون إللي خلتها مو قاردة تركز بأي شيء صارت تايهه وضايعه .. قربت منها وحضنتها : إهدي حبيبتي إهدي .. مابي أجي أنا كمان ضددك وأقولك إنتي غلطانه بس دخول سعود أمس هنا غلط وموافقتك ع أخوي طلال وبقلبك إنسان أخر كمآن غلط .. مزون بعدت من حضنها : قلت بوافق ع طلال عشان أنسى سعود بس للإسف أكتشف إني كل مرة أحبه أكثر من أول .. بس ياهنوف لازم أنساه مستحيل أرفض طلال بعد ما أوهمته إني أحبه مستحيل أكسر قلبه وأكسر كلمة جدي وأخليه يغير نظرته إتجآهي الهنوف بحزن : يااااه يامزون ما أطيب قلبك يعني بتبني سعادة طلال على تعاستك .. مزون ببتسامه باهته : عادي يا هنوف إذا عندي هالسعادة ليه ما أقدمها لغيري .! حتى لو ع تعاستي وأنا كمآن بسعد طلال وبنفس الوقت بقدر يسعدني لأن أي وحدة تتمنى إنسان مثل طلال الهنوف تنهدت من قلب : الله يعينك يامزون مدري وش اقولك المصيبه يختي ما اعرف أواسي مالقيتي إلا أنا تقوليلي هالكلآم مزون ضحكت غصب : هههههههههه إيه لأنك قلتيها ماتعرفي توااسي وأحب هالنوع من الناس عشان لايكثر اسأله معي ويحقق بالموضوع يعني أقوله المشكله يتحسر ويسكت الهنوف : ههههههههههه تنفعي مُحلله مزون إبتسمت وسكتت .." |
سعود "
رجعت الششقه وأنا متضايق مو جآيني نوم مع إن بكرآ رجعتي ع الشرقيه .. شكل مزون المسكور والحزين مو قآدر يغيب عن بالي ,ليه ماخطفتها وأخذتها عندي ليه رضيت برغبتها ووآفقت ع طلبهآ إنها تبقى لييه ؟؟ فكر بشي ومآتردد إنه يآخذ جوآله ويدق الرقم .. بعد ثوآني وصله صوته : ألو : أهلين سعود سعود : هلا طلال شلونك ؟ طلال : بخير الحمدلله إنت بشرني عنك وصلت الشرقيه ؟ سعود : لا والله ماوصلت الشرقيه بكرا إن شاء الله برجع , بس بغيتك بموضوع ضروري طلال بستغراب : أمر؟ سعود : ما يامر عليك عدو , متى تبي نتقابل وأقولك ؟ طلال : وش رآيك اللحين بما إن بكرا بتسافر سعود : أوكِ أشوفك بستار باكس طلال : صار .... ياترى سعود وش بقول لطلآل , إممم نروح لِ ريـف ؟! قفلت الكتآب بملل , وأنا مشتته بكرا نتيجتي خآيفه أجيب درجه مو حلوة .. لأن الفترة الأخييره ماكنت مركزة بالدرآسه بسبب المشآكل إللي بالبيت , "تنهدت بضيق" .. ونزلت تحت لقيت البيت طآغي عليه الهدوء والملل "قلت بسخريه " هـء ليه هو متى كآن نشيط والكل قلبه ع الثآني .. كملت نزولي وحطيت الشال ع كتفي ورحت فتحت باب المسبح ولقيت الجو "كلآسيكي" إبتسمت بنشآط بس إستنشقت الهواء , وشفت الشجر يتحرك نزلت وتحسست موية المسبح كآنت بآآردة .. سمعت صوت باب البيت ينفتح إستغربت مين بجي ؟ سعود بجدة وأمي وأبوي ورند مو هنا ..! سلمآن وزوجته طالعين .. مشيت بهدوء وتفحص لقيت الباب مفتوح بس مآفي أحد .! شديت الشال ع كتوفي بخوف .. وقلت بصوت خآفت ومبحوح : مـ مـ ـيـ ـن ؟! دخل وهو مبتسم , إنصدمت وفتحت عيوني "ولــيـد" وش يبي ؟؟ مدري ليه خفت من دخوله علي .. نآظرت على شكله مايطمن أبداً .. دققت أكثر وقلت بصدمه أكبر "ســـ ــكـــ ــرآآآن " تقدم مني وسكر الباب ومشي وهو يترنح وتكلم كلآم مو مفهوم لـ لأن حآلته مُقززة .! -.- قلت بخوف وأنا أرجع لوراء : وش تـبـ ـي مني ؟ وليد قرب : انـ ـآ أبـ ـيـ ـكِ إنـ ـتِ ريـ ـف أنـ ـآ أحـ ـبـ ـك ريف عيونها دمعت من كلامه وحالته السيئه : وليد الله يخليك لاتقرب مني إطلع لا يجي سـلمآن ويشوفنآ وليد قرب أكثر لين لصق فيها وصارت لآصقه بالباب إللي يدخل ع المسبح تحركت بخفه وبعدت عنه وصار عند باب المسبح قال ببطئ : لـ ـيـ ـه بعدتي أنـ ـآ أحـ ـبـ ـك .! سمعت صوت سيارة سلمآن قلبها صار يدق وعيونها صارت تناظر وليد بتوتر وحيرة مو عارفه وش تسوي ؟ قربت منه من دون تفكيره ودفته دآخل المسبح وسكرت الباب ونآظرت عليه كآن يبي يطلع بس مو قآدر نآظرت للباب وشافت سلمان هو وزوجته توترت وبان ع ملآمحها .. تقدم وإبتسم : السلآم عليكم ريف بتوتر : هـ ـلآ وعليكم السَلام :") سلمآن إبتسم لها وجآ بيطلع هو وزوجته لفوق .. بس لاحظ توترها وهي تنآظر باب المسبح .. لف وقال بستغراب : ريف فيكِ شي ؟ ريف حآولت تكون هآديه عشان مايحس , هـآ ؟! , إيه لاء مافي شي تطمن .. سلمآن هزراسه بستغراب وناظر كاميليا وطلعوا فوق .. تطمنت إنهم راحو تنهدت وناظرت باب المسبح بقهر وغضضب من وليد إللي كرهته وتنرفزت منه .. راحت وفتحت الباب بعصبيه ولقته صحي وحس ع نفسه لأنها دخلته المسسبح والمويا خلته يتنشط ويرجع لحآلته الطبيعيه .. شافته جالس ع أطرآف المسبح وباين عليه إنه ندمآن ومتضايق .. سكرت الباب وناظر عليها ولما إلتفت بعد نظرره قالت بقهر وهي مكتفه إيدينها : من متى وإنت تشرب ؟ وليد بندم كبير وقف : أول مرة اشرب .! ريف بسخريه : هـء وأول ماشربت جيت بتعتدي علي ! وليد فتح عيونه بصدمه : أنـــآ , مُستحييييييل .! ريف ناظرته بعصبيه : أكيد بتقول مُستحيييل لأنك ماكنت صآحي على نفسك .! ليه كذا ليه تشرب .! طحت من عييييييني للإسف :/ وليد إنقهر من نفسه وقال بندم وآضح بعيونه : أسف ريف والله مو بيدي صار معي شي أجبرني وكنت أبي أنسى بأي طريقه .. ريف بقهر : تروح تشرب إيش مايصير معك مافي شي يدفعك لهـَ السسم ؟! وليد : لاتحكمي ريف لأنك ماجربتي ! ريف هزت راسها بأسف : ماتوقعت منك هـَ الششي أبداً وليد : أسف قلت لك صار معي شي جبرني سآمحيني رييف ريف ناظرت عليه بحزن وبنفس الوقت بضيآع ودها تقول مسآمحتك بس تحس كبريائها مايسمح لها بهالسهوله تسآمحه كآن بحلظة بضيع لها شرفها .. عطته نظرآت مافهم معنآهآ ورآحت .! مسك رآسه بقهر وضرب ع الأرض بقوة : غببببببي أنآ غببببببي ؤؤف .! |
إمممم نوقف هِنآ .. توقعآتكم يَ حلوين .")
إنتهى البـــــــــــــــارت ... |
مرحباااا ياغلاتي
ربنا يعطيك العااااااافيه ياعيوني كملي مشورك ياحوبي تقبلي شكري تقديري واحترامي مع تحياتي قلب الزهور بباي |
يعطيج العافيه ملكة الرومنس ع الطرح والمجهود
ننتظر جديدج القادم |
كل الشكر لتواجدك الغالي قلب الزهووور والمميز هنا
ودي وتقديري |
كل الشكر لتواجدك الغالي شمس القوايل والمميز هنا
ودي وتقديري |
البآرت الـ 40 ((والأخـــيـــر))
مزون "" مدري ليه قلبي مقبوض أحس بصير شي , عدلت نفسي ومسكت رآسي بتعب .. أوف ولا مرة إرتحت إيش هالقرف هذا قلت ممكن ببيت جدي برتاح لأني بين أهلي بس حسيت بالعكس ! كل مكان أروحه تتعقد حيآتي ,! "تنهدت" يآرب .) قمت من سريري عدلت شعري المنكش , ونزلت تحت بالصاله لقيت الهنوف موجوده .! إستغربت من أمس وهي هنا ماراحت بيتهم "كملت نزولي من الدرج ووصلت للكنبه إللي هي منسدحه عليها رفعت راسها وشافتني إبتسمت بمرح :d , : مزونه تعالي يادوبه إنسدحي معي أنا إبتسمت بعفويه لها وجلست ع الكنبه إللي جمبها : غريبه طلال ماقال لك شي لأنك هني ؟ الهنوف عدلت جلستها وتكتفت : إلا قال لي مابترجعي بس أبوي ماقال شي دام أهلي موافقين ماعلي منه "وتذكرت" إنتي كيف نفسيتك اللحين ؟ مزون بعدم إكترآث : عادي مثل ما أنا , "وقالت ببرود " كمان أسبوع عرسي أنا وطلال ! الهنوف بحزن ع مزون : قلت لك قدامك وقت ترفضي لا تربطي نفسك بشي ماتبينه مزون تنهدت : ما أقدر ياهنوف خلآص فات الأوآن , ومو معقوله بعد ماصرت بعيون الكل زوجة طلال أرفض اللحين , وبسألوني عن الأسباب ومو معقوله أقول لأني ما أحبه وكنت أحب قبله ! فكري فيها منطقياً بعيداً عن إن حيآتي بتتدمر وإن هالشي ما أبيه , فكري بنظرة الناس قبل لاتفكري بسعادتك ! الهنوف لوت فمها بعدين ناظرت مزون بحيرة : مدري وش أقول ! إنفتح باب الفله بهدوء ومزون الهنوف إللي كانوا يسولفوا ما إنتبهوا , سمع إسمه بِ السالفه تعجب ووقف يسمع .~ مزون : خلآص لآتقولي شي طلال ما أقدر اللحين أقول ما أبيه وبتزوجه حتى لو إني ما أحبه .. فتح عيونه بصدمه وكآن مفتآح البيت بطيح منه لكن تماسك نفسه وتم يسمع ""( الهنوف : برآحتك هاذي حيآتك وإنتِ حُره فيها , بس إذا ماتحملتي تعيشي مع طلال مو مسؤليتي إذا جيتي تبكي وتقولي ما أحبه أحب سعود مزون ضحكت بخفه ع تقليدها : هههههههههه لا مابقول بتحمل نتيجة قراري ولو تألمت مابقولك تعرفيني أحب أحتفظ بمشاكلي لنفسي الهنوف : ككلي تبن أنا أختك وشو أختتك تجي وتقولي إللي تحسسّي فيه وإللي مضايقك , مزون إكتفت ببتسامه .. حسّ نفسه بـِ لحظه غبيّ وكآنت تستغله , كيف مالاحظت إنها ماتحبنيْ .!! ماترك لنفسه مجـآل للتفكير لايجي أحد ويحس عليه , فتح باب البيت وطلع له صوت عشان يسمعوا إنه جآ .. |
مزون والهنوف إلتفتوا وشافوا طلال داخل وهو مكشر وباين إنه متضايق
: السَلام عليكم مزون والهنوف : وعليكم السلآم من غير لايناظر مزون : هنوف قومي بترجعي البيت الهنوف ما إنتبهت لضيقته وجات بتعانده : لاوالله مو قلت لك بـ .... طلال صرخ فيها : قلت لك قومي يلاااا الهنوف تجمدت مكانها أول مرة يصرخ علي بهالشكل شكله مععصب أقوم بكرامتي أحسن لي قمت وطلعت فوق عشان البس عبايتي وأخذ أشيائي ..ّ طلال """ لماشفت الهنوف طلعت فوق , ناظرت لمزون إللي كانت تناظرني بصدمه عطيتها نظرات مافهمتها .. أشبه بالكرهه والحققد .! مشيت بطلع سمعتها نادتني : طلال ! أحب إسمي من لسانها وأنسى نفسي لماتناديني لكن هالمرة أبد ماحسيت بهالشعور كنت أحس بالكره والقهر إتجآهآ إلتفت وقلت ببرود : سمّي .! مزون وهي تناظرني ببتسامه هآديه ومستغربه كمان من أسلوبي : لاتروح خلك هنا اليوم نام عند بيت جدي وخلي الهنوف كمان .! إنقققققهرت منهاا ومن كذبها لسسسه تستغلني لسه قاعده تلعب فييني ليه تعاملني بهالطريقه دآمها تحببب .!! ناظرتها ببرود وإشمئزاز : لا بكرا عندي دوام بدري ومابلحق أفطر عن إذنك .. إستغربت من تصرفاته ومن نظراته , ومن أسلوبه أول مادخل ماناظرني بحب مثل كل مرة ؟! ولا كلمني وسلم علي .!! |
| الساعة الآن 09:29 PM. |