|
يالله فييا نوم |
انا نفسي اعرف مخي دا المتنك (( يعني الخربان والذي لا فائدة ترجى منه << بالعربي الفصيح )) في ايش بيفكر دحين وربي صدعت منه لاني قادرة افهمه ولاهو راضي يفهمني وربي نفسي يكون على شكل دجاجه قدامي عشان اذبحه << حالة جنون طارئة وحده تبغى تعمل مشكلة ومو عارفة كيف تجيبها يامخي الله يسعدك اسكت شوية وربي ابغى ارتاح << محاولة يائسة للترجي طيب اسمع يامخي انا مستعده اعمل لك كل اللي انت تبغاه بس سيبني ارتاح لا تفكر كتير في حاجات ماتستاهل التفكير << احاول اخده على قد عقله (( مااحد يدري يمكن ينفع )) وربي لو كملت بتجنن بحاول اروح انام يمكن حالة الجووونان تخف شوية << ليش هوا دا كله وانتي لسه مانجنيتي :wed24::biggrin::biggrin::biggrin::wed24: يالله نووووووووم ^_^ |
http://www.al-wed.com/vb/showthread....220628&page=10 يالله شوفو تنهيدة شوق يختي عليها شوفو اخر الصفحه ناسخه مشاركة من مشاركاتي في مملكتها اصلا انا كنت اكتب داك اليوم وانا متخيلة شكلها قلت اكيد ذابحتني ذابحتني بس انا اتفقت معاكم انكم ماتفضحوني عندها << وحده تبغى تعصب بالقوة ليش سلامات هي ماعندها عيون تشوف :biggrin::biggrin::biggrin: |
http://www.upload.al-wed.com/uploade...1234529876.jpg خواص الفلزات المواد المذابة تعريف المذيب الكتلة الذرية رمز الكبريت << انا ايش دخلني اتذكر المعلومات دي تاني مرة اوووووووووف وربي قرف انو الوحده تكون عندها اخوات اصغر منها معلومات مالها داعي واللي يقهر اكتر انها من 8 سنين لا جديد ... وبعدين يلومونا انو عقولنا متحجرة :wed24: أقول قيد ... سكتي فمك احسن كأنو العالم ناقصه سماجه << ترى دا ضميري يسكتني معليش استحملوه هوا صوته عالي شوية وبعض الاحيان ما ألومه بحاول اجامله شوفو كيف بس ادحلسو حاضر يا ضميري من عيوني انت بس تأمر ولا يصير في خاطرك الا طيب << بيني وبين نفسي (( استغفر الله الواحد ما يعرف يقول كلمتين على بعض )) :biggrin::biggrin::biggrin: |
نفسي انسخلكم محادثة صارت اليوم في المسن بس اخاف برستيجي يخرب :biggrin:<<< برستيجك خربان من زمان ... جات على دي المحادثة عناد فيكم مو ناسخته :wed31: |
|
لا انا اليوم مو طبيعيه لازم اسوي اعادة فرمته لخلايا المخ ولي عودة بعد الفرمته انشالله |
تخيلو بس الذكاء الخارق لما يفوق مستواه ايش يسوي اليوم كنت بكتب في صفحة عذرا وبدل مااكتب الموضوع حق صفحة عذرا كتب الكلام اللي المفروض اكتبه هنا في مملكتي شكر شكرا عارفة ان حدود ذكائي فاقت الخيال لا و أزيدكم من الشعر بيت ياريت كتبت موضوع واحد الا موضوعين وبعد ماخلصت بشيك ع الصفحه الا القاها صفحة عذرا قلت اف انا ايش سويت لا وموضوعين كمان يعني عمى دبل << المقصود عميين مو عمى واحد الحمدلله والشكر بس اقول تراكم زودتوها مو الواحد يحكيكم وتتريقو وكمان تضحكو اقول مااشوف سن واحد يالله غطوا اسنانكم بأياديكم يالله اشوف :biggrin: بس الصراحه ماعرفت ايش اسوي والله ورطه وحاولت احذف الموضوع ماعرفت احذفه قمت كتبت عذرا لاني لخبطت بين صفحة عذرا ومملكتي المشكلة كان في 3 ضيوف تلاقيهم قالو دي على اخر الموضوع جاتها صخونه لاني بعد ماعدلت مالقيت الا ضيف واحد << شكلو كان ينتظر يشوف ايش النهاية الصراحه احييه على روح المغامرة في ارض الامخاخ المنتهية الصلاحيه ههههههههههههههههههههه وربي ماني متخيلة وهم يقروا الموضوع كله عذرا بعدين فجأة حطيت اهداء جاني من موجتي وبعدها كمان بروح لماماتي وارجعلكم كان نفسي اشوف اشكالهم بس يالله ولزيادة الحماس بحط رابط صفحة عذرا لزيادة الأكشن وبالتحديد الصفحه اللي كتبت فيها اني لخبطت http://www.al-wed.com/vb/showthread.php?t=220867&page=5 |
اقتباس:
|
اقتباس:
|
اقتباس:
|
|
أصعب شي ممكن يحصل انو في لحظة تنتظر من احد انه يشاركك في افكارك او كلامك ... فجأة تلقاه يضحك عليك بدون حتى مايوضح الأسباب و الأسوأ لما تكون مقهور من موقف وتجي تحكي وبكل قهر.... فجأة والطرف الآخر بكل برود يضحك ... او بطريقة استفزازية ما يبالي او مايهتم ممكن الموضوع يكون مو مهم بالنسبه له لكن مهم بالنسبه لك بس الصراحه انا الوم اللي يتكلم من غير مايفكر بس ممكن انه من النوع اللي مايقدر يفكر الا بعقلين << يعني يحب ياخد رأي الأغلبيه وهنا طبعاً تكون المشكلة بعض الاحيان احس ان لما نسيب اللي قدامنا يتكلم واحنا مو مهتمين او حتى نحاول نغير الموضوع او نسحب نفسنا بهدوء وبالذوق اننا بنستنزف اعصابه ... << وجهة نظر (( لاننا بنضطره يتكلم يتكلم وكلامه ماراح يوقف)) و أسوأ شي نعمله لما يكون قدامنا شخص نعزه ونقول خليه يتكلم خلينا نشوفه لفين يوصل << لأن كلمة لفين يوصل دي تقهر تخلي الواحد يقول كلام ويجلس يبرر مليون مرة ليش قال دا الكلام ودي الطريقة كريهه تخلي الواحد يدخل في حوار عقيم مافي اي فايدة منه (( وجهة نظر )) اقول قيد ... لا يكثر لفين تبغي توصلي صاحبة ماما كنت بكلمها وقلت خليني بشوف لفين توصل وهي جالسه تحكي عن بنتها ومشاكلها مع زوج بنتها وطبعا انا بعمل فيها فلاحه وبشوفها لفين بتوصل لقيتها صارت تتكلم في المهم واللي مو مهم ... وصدعتلي راسي ساعه ويمكن اكتر لكن لما أتجرأت شوية وقلتلها طيب انتي اعملي اللي عليكي وطنشي لا تقوليلها شوفي وشوفي وتدخلي معاها في كلام يقلل منك كأم وهي في النهاية بتفهم من نفسها ان مالها بعد الله غير رضاكي << لما قلتلها دي الكلمتين كأنها دي الكلمتين اللي كانت مستنيتها من ساعتين سكتت وغيرت الموضوع و فرفشة الجو و استأذنت وقفلت السماعه (( اشهد ان لا اله الا الله )) ممكن نقول الكلام للشخص اللي قدامنا بشكل صريح وغير جارح وفي حاجات المفروض نحتفظ فيها بأرأنا لنفسنا زي ما نكره ضعفنا في ناس بيكرهو ضعفهم فالافضل اننا مانحسسهم بالندم انهم ضعفو قدامنا (( وجهة نظر لا أكثر )) |
|
اقتباس:
|
اقتباس:
|
اقتباس:
|
اقتباس:
|
الحمد لله حمدا كثيرا كما ينبغي لجلال وجهه وعظيم سلطانه |
اقتباس:
هههههههههههههههههههههههه [CENTER]http://www.youtube.com/watch?v=Hu6Gy7AgsA0[/CENTERعنووووده عدي واغلطي .......... عذرا تنهيدة على الغلطه في المشاركه في داك اليوم ^_^ يالله واحلى اهداء لغلطات الصداقة |
حوار شيّق مر مجنون على عابد يناجي ربه وهو يبكي والدموع منهمرة على خديه وهو يقول ربي لا تدخلني النار فارحمني وأرفق بي .. يا رحيم يا رحمان لا تعذبني بالنار . إني ضعيف فلا قوة لي على تحمل النار فارحمني .. وجلدي رقيق لا يستطيع تحمل حرارة النار فارحمني .. وعظمي دقيق لا يقوى على شدة النار فارحمني .. ضحك المجنون بصوت مرتفع فالتفت إليه العابد قائلاً ماذا يضحكك أيها المجنون ؟؟ قال كلامك أضحكني . وماذا يضحكك فيه ؟ لأنك تبكي خوفا من النار . قال وأنت ألا تخاف من النار ؟؟ قال المجون : لا. لا أخاف من النار . ضحك العابد وقال صحيح أنك مجنون . قال المجنون : كيف تخاف من النار أيها العابد وعندك رب رحيم رحمته وسعت كل شيء ؟ قال العابد : إن علي ذنوبا لو يؤاخذني الله بعدله لأدخلني النار وإني ابكي كي يرحمني ويغفر لي ولا يحاسبني بعدله بل بفضله ولطفه ورحمته حتى لا أدخل النار ؟؟هنالك ضحك المجنون بصوت أعلى من المرة السابقة .. انزعج العابد وقال ما يضحكك ؟؟ قال أيها العابد عندك رب عادل لا يجور وتخاف عدله ؟ عندك رب غفور رحيم تواب وتخاف ناره ؟؟ قال العابد ألا تخاف من الله أيها المجنون؟ قال المجنون بلى , إني أخاف الله ولكن خوفي ليس من ناره ...تعجب العابد وقال إذا لم يكن من ناره فمما خوفك ؟؟ قال المجنون إني أخاف من مواجهة ربي وسؤاله لي : لماذا يا عبدي عصيتني ؟؟ فإن كنت من أهل النار فأتمنى أن يدخلني النار من غير أن يسألني فعذاب النار أهون عندي من سؤاله سبحانه . فأنا لا أستطيع أن أنظر إليه بعين خائنه وأجيبه بلسان كاذب ... إن كان دخولي النار يرضيه فلا بأس .. تعجب العابد واخذ يفكر في كلام هذا المجنون .. قال المجنون : أيها العابد سأقول لك سر فلا تذيعه لأحد .. ما هو هذا السر أيها المجنون العاقل ؟ أيها العابد إني عبدت ربي حباً وشوقاً وأنت يا عابد عبدته خوفا وطمعاً ... وظني به أفضل من ظنك ورجاءي منه أفضل من رجاءك فكن أيها العابد لما لا ترجو أرجى منك لما ترجو!. فموسى عليه السلام ذهب لإحضار جذوة من النار ليتدفىء بها فرجع بالنبوة . وأنا ذهبت لأرى جمال ربي فرجعت مجنونا ً ذهب المجنون يضحك والعابد يبكي ..... ويقول لا اصدق أن هذا مجنون فهذا أعقل العقلاء وأنا المجنون الحقيقي فسوف اكتب كلامه بالدموووووووع .. قال أمير المؤمنين (عليه السلام): كن لما لا ترجو أرجى منك لما ترجو!.. فإن موسى بن عمران خرج يقتبس لأهله نارا، فكلّمه الله تعالى فرجع نبيّا.. وخرجت ملكة سبأ كافرة، فأسلمت مع سليمان.. وخرج سحرة فرعون يطلبون العزة لفرعون، فرجعوا مؤمنين.. إلهي كيف أنساك ولم تزل ذاكري ؟؟ وكيف ألهو عنك وأنت مراقبي ؟؟؟ |
نفسي اكتب كلاماتات كتييييييييييير بس في في يدي سودانيه رابطه يدي بأمانه << (( محاولة لتوضيح نوعية الكسل )) مرة حاسه بكسل فظييييييييييييييييييييييييييع حتى تخيلو مافييا حيل افتح او اقفل حتى صفحات المنتدى او حتى ادور الموضوع اللي خالتي تبغاني اسويلها بحث عنه الله يعين بس على ساعات >> الكسل والتناحه وقصر النظر وقلة الاستيعاب وانواع السكتات العقلية كلها يالله اشوفكم على خير ولي عودة بدم اكثر خفة وكلام له معنى وروح معنوياتها مرتفعه << حسيت انو مالي داعي (( يارب والنهاية مع السماجه متى بتسكت )) قيد بالله روحي شوفي يوتوب وريحيني من الصداع اللي انتي عاملته بس ازعجتي خلق الله عامله سطور وسطووور وسطووووووور وكلام كلام وكلووووو فاضي مااستفدنا منك ولاشي بس غلبة وخلاص يالله روحي فكينا بكل هدوء أجيب حاضر << يعني يعني انها طيبة اقول اسكتيييييييييييييييييييييي طفشتيني لاتردي علي حتى قيد سجلت خروج ^_^ (( حالة مجنانة طارئة )) |
|
http://www.youtube.com/watch?v=gSbVRN7UgoU وجنات الرهبيني في برنامج أحمر بالخط العريض |
http://www.upload.al-wed.com/uploade...1234976051.jpg كنت بختار صورة تانيه بس مانفعت المهم انو الصورة دي اختيار سريع انشالله تكون حلوة حتى لو ماعجبتكم مو مشكلة المهم عجبتني انا << وحده تدور مشاكل :biggrin: على فكرة ترى الكلام مو كلامي عجبني وحطيتو ^_^ |
قد مااحب دي الأغنيه تجنن صح قديمه بس أموت فيها وأحلى شي لما ماما وبابا يغنوها سوا http://www.youtube.com/watch?v=gJTLySEyNKM |
تخيلووا ايش صار ورطت خالي ورطه مع واحد مدرس خليني اقولكم الحكايه من البداية اول شي خالي وكيل في مدرسه ... << نعم ايش ... لا ماراح اقولكم اسم المدرسه اقول خلوني اكمل الهرجه طلب مني اني اعملو شوية اشياء جدول وماجدول وكلام مدرسيين يعني حاجات ماتعرفولها << لا ياشيخه احلفي :biggrin::biggrin: المهم عملت الحااجات اللي طالبها ونسختها على - سي دي - تخيلو ايش كتبت على - السي دي - خالو بلبل << اسم الدلع (( طيب وخالك ايش اسمه )) لا والله ماراح اقول (( هيه لاتحلفي )) مافي خلاص حلفت ... انتو بس تخرجوني عن الموضوع الاساسي خلوني اكمل طبعا خالي العزيز راح واعطى - السي دي - لمدرس معاه عشان يطبع الجدول المدرس جا وقالو لا ياشيخ مدلعينك اخر دلع بلبل وحركات طيب قلهم اسمي خليني اشوف ايش بيدلعوني << مسكين شكلو مااحد مدلعو طبعا خالي مايحب دا النوع من المزح وعصب بس ماقدر يقول شي لصاحبه جاني وتهزيء دحين انا طالب منك شغل للمدرسه تقومي تكتبي على - السي دي- خالو بلبل بس جبتيلي الكلام خليتي المدرس يتريق عليا << أنا فاطسه من الضحك بس احاول اني مااعصبه طيب ليش ايش قالك << بكل برأة و بحاول اكتم الضحكه عشان اعرف ايش قالو قعد يقول مدلعينك وحركات طيب قلهم اسمي عشان يدلعوني انا كمان << طبعا هنا مامسكت نفسي وضحكت لحد ماعصب خالي ايوة لك وجهه تضحكي مو انتي اللي جاكي الكلام << اظن انو كان نفسو يدني بالعقال حاولت اداري الموضوع وقلتلو اسفة والله نسيت ماكان قصدي طبعا خالي مقهور لسه .... وفين اصرفها اسفة دي انا عارفة انو قلبك طيب و كبييييير صح ياخالو << محاولة للدحلسه لانو لو فكر يعطيني بالعقال بروح فيها والله لو بس يعطيني بوكس على كتفي بروح فيها طبعا ماقدر يقول شي طنشني ومشي وانا طبعا مبسوطه الحمدلله يارب بركة ماضربني بس اظنه في يوم بيسويها :wed24: |
|
|
أنا والجنان الى اللا نسيان << والله عجبتني ^_^ نفسي اتعشى في مطعم كدا يكون مبني في مكان خيال يعني مثلا على سطح البحر او تحت البحر بمايساوي 3000 قدم << لا والله (( عادي بحاول اتفلسف ومو عارفة كيف )) ولو انو اظن المطعم لو كان على السحاب افضل ولو كانت كل طاولة و الكراسي حقتها على سحابة ياااسلاااام يكون عز الطلب انا ترى بحجز الطاولة اللي على السحابة اللي تطل على كوكب المريخ او بتنازل عنها لانو المريخ حر شوية .... طيب بحجز اي طاولة ؟؟ اممممممممممم اجل اي سحابة اي سحابة امممممممممم خليها اللي تطل على نجم القطب الشمالي << مو كأنك اتورطي دا كيف بتجيبيه مادري عاد المهم ماابغى حر ولو يرسلوالأكل مع المذنبات بس على فكره المذنب وهوا مار من جمب السحابة يرمي الاكل يعني لا تفكرووو انو بينفجر في الطاولة ولا بيخسرو الزباين < ادري افكاركم كلها تنحه مفكرين اني بعمل فلم اكشن انا رايحه اتعشى مو انفجع تخيلو لو الطيارات تعدي من قدام الطاولة وانا مااحلاني ااشرلهم اقولهم باي او هاي زي ماتجي المهم اقوم بتلويح يدي الكريمه << حسيت هنا اني مهمه (( كيفي مو مملكتي ابغى أأشر بيدي للطيارات فيها شي )) لا مافيها شي (( ايوة كنت احسب )) لا لا تحسبي كملي بس خلينا نشوف لفين بتوصلي الله يستر بس لفين بتوصلي مااحد داري كملي كملي الله يهديكي بس الطلبات :biggrin: المهم بشرب عصير مطر ولو يكون معاه برد (( ثلج صغنون)) ياسلام يكون عز الطلب وبطلب غمامه سودا ويكون الصواعق فيها زيادة << كأنها بهارات زيادة او سكر زيادة ...:wed24: اقول اسكتو خلونا نشوف فين بتوصل ...تراها مابتوصل لشي بتعمل مسح للذاكرة لا اكثر اقول اسكت خليني اشوف كملي الله يهديكي كملي:biggrin: وبطلب اممممممممم شويت شعاع مسحب << الله كيف جات دي بس ماادري ونجوم فريش (( يعني طازجه )) << لا ياشيخه احلفي والله<< استغفر الله شفيكم تراني حلفت << طيب كملي بس كملي (( ايش تكمل خلاص ترا ماعاد صرت افهم شي )) اقول كملي :wed24: طيب اممممممممممممم ماادري في رأيكم ايش احلي اخليها زحل بالكريمه ولا الزهرة بالشوكولاته تصدقو اخاف يخرب الريجيم خلاص كدا كفاية :wed24: (( وربي انا راسي صار يوجعني مني كيف انتو الحمدلل انو مافي تعليق في دي الصفحات عشان اخد راحتي ولا كان امديكم دعيتو عليا الله يهديني بس حالة المجنان حقتي دي المرة في السحاب المرة الجاية ماادري فين بتوديني يالله )) اقوول ترى مملكتي وكيفي بسوي اللي ابغى ماحدش له عندي حاجه << دي اشفيها كل شوية ذالتنا بمملكتها كأنو مااحد عنده مملكه غيرها :biggrin::biggrin: كيفي مملكتي كيفي مملكتي كيفي مملكتي اقول بتسكتي ولا لا اووووووووووووووووووووووووص مملك ..... اووووووووص اقول طيب كلمه وحده بس ..... اقول اوووووووووص ماتفهمين ولا نث ( نص) كلمه ............... وربي بالرشاش اسكتي :biggrin::biggrin::biggrin: |
|
|
|
|
|
|
http://www.upload.al-wed.com/uploade...1235266662.jpg التي هي كل مايملكوه أمام ظلمهم لنا فلتكن الذكرى أكبر عقاب لهم (( لحظة انتقام كلمات )) |
http://www.upload.al-wed.com/uploade...1235278480.jpg لماذا كلما خطوت خطوة للأمام لأرتقي على ذلك الدرج أتردد فأعود بتلك الخطوات لماذا ذلك .... الوهن الضعف الحرقه ..... إذهبي عني هيا ...... إصمتي ماذا سأفعل بك ألم تري في قصص الصبر من العظات .... ماذا تفعلين هنا هل تنتظرين من هذه السطور الشفقه ....؟؟ ..!..؟؟ .. ! وبعد التفكير والتمحيصات .... ولك أيها القاتل وعدي حيث تستلقي نعساً ليس إلا حلماً تراه كلما غفت عيناك بقلم : قيد الحرير |
|
الساعة الآن 06:16 AM. |