‘‘‘

من الرويلي هاك ياصالح وصـاة
يوم له خصّيت تسأل وين اروح ؟
جابها لك دون أدنـى مقدمـات
من خفوقٍ يعلم الله ‘ لك نصـوح
ما يضيع اللي قرأ ل / اللافتات
ولا يخيب اللي كسى ذاته ‘ وضوح


قلتها ولا ظـن تجهلـك السـواة
لغير ربـك .. يالعتيبـي لا تـروح


وحـده الوالـي ولا غيـره ولاة
منجين بالفلك كل اتبـاع ‘ نـوح
مخضر الهشيـم في جِرد الفـلاة
محصي الارزاق عنده وسط لوح
واحد(ن) عنده حلول المعضـلات
نافخٍ في جسم من صلصال روح!


قلتها لك وانـت تـدري بالسـواة
لغير ربك .. في سؤالـك ، لا تـروح


وانت راسي تشبه جبال السراة
وقدرك بصدري ، مشيّد له صروح
من تسمّع هرج حسّاد و وشـاة
ما هناله غير ‘ سمٍ له ذبـوح!
الطموح بها الحيـاة الصالحـات
وكل حين لا هيا له ‘ من سروح


قلتها لك وانـت ادرى بالسـواة
لخلق ربك .. لا ترجّى ولا ‘ تروح



والليالـي مـا تجـي متشابهـات
كم بها ليله خفوت وكم مسـوح!
والذي صاد الجدي صاد المهاة
حط هذا له غبوق ‘ وذِي صبوح
ما يفيد لمن ندم عض الشفاة
ولا تضيق وبالسماء ‘ للبرق ضوح


يا خوي الدرب ‘ تمّمت الوصاة
لمن/ خلقنا من آديم الارض ‘ روح



‘‘‘

سر ياقلم وأكتب على كل قرطاس=ماعاد به شياَ ياربعي نخبيه
سر ياقلم ثم سمع الجن والناس=الهم راكبني وأنا راكباَ فيه
هماَ على طاعون وعله ووسواس=كله سبايب من هجرني وأنا أبيه
منولٍِ نلعب سوا فوق الأطعاس=من أسفل الطعس يامزعبل لعاليه
من يوم راح الخل ماجاني نعاس=ولاذقة حلو النوم عقب طاريه
أذكر خياله كل ماهب نسناس=أذكر خيال الي قليبي يباريه
واليوم جاء ياخوك تشويش فالراس=أما يجي والى تراني أبا أجيه
الخشم سلة سيف ونهود جلاس=وفمه كما الخاتم وشعره لرجليه
وختامها بشيل من قلبي الياس=وأبا أحتري خلي عسى الله يخليه

يا مرحبا ترحيب موزونه الماس=بالصاحب اللي فز فكري لطاريه
جاني قلمك اللي كتبته بهوجاس=هوجاس عبّر عن خبر كنت مخفيه
همّك ترى همّي وبالحيل حسّاس=أدناة دعوى كنها أكبر دعاويه
الحب عرق و قالوا العرق دساس=يبقى على طول الدهر بك مواريه
والذكريات اللي مضت جرعة الكاس=والكاس مر ولا به احد(ن) يدانيه
لن عشت فالذكرى ترى العَيش ينحاس=أحسن تموت ولا تجرّع بلاويه
وإن قلت ابنسى والعوض باق الاجناس=تاخذ بك الذكرى وتطري طواريه
هم(ن) يشيّب كل بلسم ونبراس=لا حول صعب إن الوفي ما نوافيه
وختامها اصبر يبيدقنّ الأجراس=ويصير يوم(ن) فيه خلّك تلاقيه
والحب قالوا فالبشر ساس من ساس=والله يخلّي كل غالي لغاليه

يا ذيب جرّيت أنا الموال=وأهديت لك عذب الألحاني
من قبل لا تطرح السؤال=بالهمس يا جيـت تلقانـي
نبا أنتبارى على المنوال=للطا يله ‘ وأنت عنوانـي
ما هي سوا ليف بالجوال=ولا هي ملاعيب غزلاني
ولا هي تجاره وروس أموال=ومصالح فـلان وفلانـي
جلسة عصر دلّه وفنجال=وهرجة عقّيـلٍ وشيبانـي
بالناس تعجِبك بعض أزوال=ثم ‘ يتّضح عكس ما باني!
فتلة شنب ؛ بس دون أفعال!=وكل يوم عليـك شرهانـي!
طودٍ ولا به ذرا لو طال=بمفارقه ما أنت ندماني
ما كل مزن(ن) ثقيل اخيال=يخضِر صَحاصِح ورِيضاني
الدنيا زرعٍ قصير إظلال=والموت ‘ ما عنه مزباني
خطير ‘ تيّارهـا لا مـال=دنيا ألفنا حيّهـا فانـي
سبحان من يعلم الأحوال=المعتلي عالي الشانـي
نسأله في ساعة الأهوال= جَنَّات عَدْنٍ ‘ ورِضواني

سلمت ياعالي المنـزال=سلمت يانبض شريانـي
الشكر لك فاق كل اقوال=ومن كثرها يعجز لساني
خذها وعد حِل او ترحـال=لوفيـك ياذيـب سرحانـي
ولو نبتعد عن مدى التجوال=نبقى على طـول خلانـي
ماني بتاجر ورجل اعمال=اجمَـع المـال طمعانـي
يكفيني احضى معي برجال=سند ولو جارت ازمانـي
ماهو رجال(ن) بجسم بغال=وعقول اشبـه بخرفانـي
ولو يوضعوا داخل الغربال=اصبح من الحمل مليانـي
اذا حكى لك عن الابطـال=صوَر لك البحر ميدانـي
هرج الذي يلبس السروال=وهـو بداخِلـه عريانـي
ناس (ن) توقَف على الاطلال=وتبقى مع كان ما كاني
وناس (ن) لها كل يوم هلال= لا غاب واحد جا الثاني
الحظ لو هو قسى ما حال=دون الهدف قاصي و داني
واللي لبس بردة المختـال=لابـد يلبـس للكفـانـي

يالعبد رزقك على واليك=لا تطلب الرزق من غيره
هو اللي عن الملا يغنيك=وخير المخاليق من خيره
ربك اليا من عطا يرضيك=والغير لك بان تقصيره

يا مرحبا بك كثر ما اطريك = يالوافي الطيب السيره
إن جيتني لا تقول إش فيك = ضاع البلنتي بصفيــــره !
يهديني الله هنا ويهديك = لو قلت لك هات لي بيــــره

اللي اقسم لك يبي ياتيك=ياصلك من دون تدويره
واللي مصيبك مهو مخطيك=لو حِط بين الملا بصيره
وكانك ملزم لآجل عينيك=تجيك لو جيت تأشيره

جاوب عيوني قبل تنبيك = وش يعذر النوم تأخــــــيره
شف الدجاجه عزيزي بديك = وامثال ربك ترى كثيره
ما غير ولْدِك يحب ايديك = لو الريال أنقلب ليــــــره!

يا صاحبي عزّتك تكفيك=والقرش ما درت توفيره
وضعنا ما ظنتي خافيك=يصعب على العقل تصويره
فيه (الــ ... )تحوّل بيك=وحنا من جرفٍ لدحديره

ويش الذي بالعمر يكويك = لو تهدر بدمك الديره !
كف ٍ قويه تبي تلويـك = ما احبها لو بقت غِيـــره !
يا صاحبي علني ما ابكيك = يوم البكى عِز لمنيره !

بلاك لا صار منك وفيك=كسرٍ .. ويا صعب تجبيره
هو الذي طعنته تدميك=يا حرّها ... نار تفجيره
ما هو بعيدٍ لجِل يمديك=والهرج يشملْك تكبيره

حييت يالبـارق المشنـوف=ياللـي بعيـداتٍ اللـوِيّـه!
العلم في داخلـه ملفـوف=والغيـب يعلمـه بـاريّـه
يابنت ماني حشا مكفـوف =ابصـر بهـاذي وهاذيّـه!
قافي اليا احتجت له مردوف=سيـلٍ تـلاطـم عوالـيّـه
والدرب اللي بالخطر محفوف=أمشيـه والرجـل مثنـيّـه
ما عوّد دون الهدف بنكوف=ورشاي يجـذب لـي دليّـه
تدرين به شيكي المصروف=من دون هاتـف وبرقيـه!
لا شك عن الخطا موقـوف=ولا أنظر لغيـري بسلبيّـه!
ما هف بالريح غير الصوف=وكم ديـرةٍ قفـر ماطيّـه!

سيري درر وارسلي المظروف=تعبير في صوره شعريه
ماني مجامل ولا بي خوف= ولا همني ذاك او ذيه
حنا مع الحق دوم سيوف=والكل عندي سواسيه
ودام اللعب صار عالمكشوف=ومابه معه اي سريه
سلمت ياذيب يا موصوف=بالمبدع اللي سطع ضيه
انت المقدم وحنا صفوف=اعبر ونارك معك حيه
واللي يبي الدق فوق دفوف=يبشر نعرقي له الكيه
هذا كلام الوفا معطوف=على الحدث دون رمزيه
ويبقى الخوي دوم لي معروف=هو لي شماغي وطاقيه
من نجد حتى نصل للجوف=سلام يالذيب رديه

ياهاجسي مـا عليـك كلـوف=بالشعـر .. فـرقٍ وفرقـيّـه
دوّر على اللي ماهـو مألـوف=ودوّن ابـيــاتٍ رهـاويــّه
خـذ الوصايـف ياكلاشنكـوف=أبيهـا تـوصـف خـلاويّـه
شمس الضحى ما غشاها كسوف=احروفهـا وضـحٍ .. منقـيّـه
كامل قمرهـا ماجـاه خسـوف=سحبٍ ترازم حماويّه
رعّادهـا لا أرعـدت راجـوف=وبرّاقـهـا فــج جنـبـيـّه
خابرك ما تركب المعسوف=والـقـاف يحتاج وزنـيّـه
ردن على اللي مهـو مكلـوف=فـيـنـي ولا رد جـبـريـّه
ادري ولا هـو بعـد محيـوف=ولا جابـتـه طــخ ردنيّـه
لا شك عنـه الـردى منقـوف=دارة علـى ســاس مبنـيّـه
مـا هزّتـه هبّـة العاصـوف=بالحـق كلمـتـه ..فـرديـّه
لا هنـت ياسيفـي القاصـوف=يـا فزعتـي ساعـة الهـيّـه
يـدوم لـك عـزّك المسقـوف=مرفـوع فـي راس سـاريّـه
وإلاّ الـردي خلّـه لـذالـوف=يمـوت مــا ذاق جمـريّـه
من يعترض سيلكـم مجـروف=بالعـون ملعون ثاويّه
والطيب بين الملا منصوف=كل(ن) خذا منّه قسميّه
ما ني لحق العرب جاحوف=اديار الأجواد ممليّه
ما طار طيرٍ وهو منتوف=(والحق ما ينحجب ضيّه)
قد قالها اللي مهو مكتوف=حر(ن) اليا جيب طاريّه
(رائد النايف) وكلّه نوف=من هالنا ؛ عذب صافيّه

ريح المطر من عقب سبع ن اعجافي= لاجيت جبته ياغلا القلب ويّاك
تعال واسق متيّم ن فيك صافي =من سلسبيل ن منبعه من شفاياك

اكتم شعور(ن) بين الأضلاع خافي=ويظهر بعيني كل ما حل طرياك
يابو خديد(ن) .. شرقته نور ضافي=وشلون ابصبر ... واتصبّر بليّاك!

أكتب وانا بكامل قواي اعترافي=اني احبك واعشقك عشق واهواك
وان كان ما دوّنت ماهوب كافي=اطلب وانفذ كل ماتريد لرضاك

اكملت مشواري معك دوم وافي=راجع ضميرك شف على وين ودّاك!
امشي لك الضلمى على الشوك حافي=وقلبي على غيرك من الناس بدّاك

اكيد ما جر الونين متعافي =ولا حس فيك الاالذي جاه ماجاك
يشهد على ماقلت رجل ن اسنافي =ياراعي العلياء شد مد يمناك

اكبر دليل وجالنا منك شافي=يا ذخر من بالنايبه جاك ناجاك
بالعون لو به يامتابع خلافي=يجيك بدري رافع الصوت ينخاك

أكتال من زين القوافي قوافي = واتزين لامن عارض القاف شرواك
رجل ومسيرك مايجيه انحرافي = من طيب أصلك طيّبات ن سجاياك

اكثر طباع الناس فيها اختلافي=إلاً أنت اشوفك راسخات(ن) مزاياك
اقولها وللغير .. ماني امتلافي=عسى الولي من شر الأيام ياقاك

يا غازي وش ينفع قليبي اذا صاح=وابطا ومحدن منتبه من صراخه
اشوف خلي بطلة الصبح لا لاح=وهموم تلعب بي ويش الحل ياخه؟
له في الحشا ياذيب جيه ومسراح=وفي كل عبرة من عيوني مناخه
الحزن باب وهمي اليوم مفتاح =اقفل على جرح(ن) يزيد انتفاخه
اذكر لساني يالخوي دوم بوَاح=واليوم ما ينطق بدنيا المصاخه
هذي حياتي كلها جراح بجراح=وماينفع العاجز حلول اللباخه
ياذيب شرواكم به الهم ينزاح=مضرب مثل في المرجلة والطناخه
ويش السوايا دل مغليك يا صاح=ويش حيلته لا صار ذا الوقت صاخه!

ما ينفعه ياكـوود خلاّق الارواح=اللي معه همـّك يبيـن انسلاخـه
حيثك فطين ودايـم الـدوم لمّـاح=من بيت عز ووارث(ن) للشياخـه
عليك باللي عنده الفكـر يرتـاح=اللي يداوي الجرح عقب انشلاخه
ما يغرقك موج البحر ‘ وأنت سبّـاح=وعزمك ‘ رفيع(ن) ما ايتهيّـا انمتاخـه
ان كانه ايودّك فلا تحسبـه راح=قلب (ن) على طاريك زاد انملاخـه
لا بد ما يقْبِل كمـا فجّـة إِصبـاح=اليا سمح ظرفه ‘ وناسـب مناخـه
وإن كان هو ياذيب ‘ لاهي وسوّاح=مالك ومال ‘ اللي براسـه صماخـه
وإلاّ الهوى ‘ لا طب بالروح ذبـّاح=راعيه يركض لو حصِيله ‘ مداخـه !

كفيت يا صاحبي كفيـت=بالعون ما خاب طلابـك
ياللي الوفا للخوي اعطيت=هذا قليبـي تغنـى بـك

يا مرحبا بك ؛ هلا .. حييت=احمد كريم(ن) ؛ لنا جاابـك
كلّي فخر ؛ يوم ليّه جيت=وكل حرف(ن) اكتبه هلاّابك

كتبت لك صاحبي كم بيت=ياعل حازت على اعجابك
مفادها ويش كثر عانيـت=من يوم اعلنت لي غيابـك

سطّرت لك بالوفاء مانشيت=في صفحةٍ ضمّها اكتابك
هرج(ن) موثّق ؛ عليه امضيت=تقراه وان غبت ؛ يقرابـك

ومن القهر شوفني خطيت=بدمي على راس مرقابك
يا صاحبي بالحشا شبيت=نار(ن) توَقد من اسبابك

ياراعي العرف لك ردّيت=القاف ياجيـت يقوابـك
ياللي بوقت القسى واليت=ما خاب من هو ؛ تعزوابك

كانك تناسى تراني جيـت=ودقيت يا ذيب لك بابـك
ومن يوم شفتك ترى مريت=وماظن تقسى على اصحابك

حييت ياللي علي ناديـت=يا مرحبا فيـك واهلاابـك
انا معك ؛ وين ما لقّيـت=يموت حرفي ؛ ويحياابـك

من اجلكم بالخطا حثيت=بماضي تظلل باهدابك
مدري لنا صاحبي حنيت =والا تغانيت باحبابك

كثير لك داخلـي وازريـت=اخفيه ؛ عن اقرب ‘ اقرابك
مشيوف بالعين ؛ لو واريـت=من كثر ما ؛ احسّب احسابك

بالعون ياصاحبي وفيت=وارسيت ياذيب اطنابك
وماني مفكر بكيت وكيت=مادام حرفي تعزوابك

بذكر الله بديت القاف سبحانه عليم الحال=واثني ياصلاة الله على المبعوث مرساله
شهر وآاانا بعيد آاارافق الاوجاع والآمال=اقل يمكن حدا اخواني اجي فجئه على باله
ارافق حزن ياسرني ويعزف بالحشا موال=ألم محدن حشا قبلي تجَرع قاسي اهواله
هذا قدري وانا وافي مع الاصحاب والاطلال=هذا قدر العيون اللي بدمع الدم همَاله
تمنى النفس لو كلمة تسلي خاطري بسؤال=او احساس(ن)يواسيني عسى ماشر وش جاله
عجايب كيف دنيانا خذت منا عظيم خصال=تناسينا معاني الود واسبابه ومنواله
صداقة بس في وقت الرخا وتبادل الاعمال=ووقت الضيق ماتلقى احد وافي بأفعاله
صدق من قال اصحابك اذا مروا على الغربال=فرزهم ما بقى واحد من المجموع باجماله
بعصر التقنية والنت وخدمة زين والجوال=سؤالي وش تفيد اللي شعر باجحاف بوصاله؟؟
ابرحل يا عسى ربي يصبرني على الترحال=وربي عالم الخافي وصدق احساس من قاله

بديت القاف بإسم اللي وزن بالمِدْ والمثقال=فعول ٍ للعرب ماهي خفيّه دوم تحصى له
إله ٍ ماظلم خلقه وعدله عم كل اجيال=إلا منه مسسني الـضــُـر ربي دوم الجأ له
نعيش الوقت والدنيا مراسيها ثقيل إجبال=حتى السيل لامن سال يمشي درب مسياله
وكل ٍ بالحيا ماشي ثِقِيلِه مع خِفِيفِه شال=ماله كود صبر اليوم دام إن الحِمل شاله
انا ماقول قولي دش لجل يقال نايف قال=أعَرْف القول لاقلته وحط القول منزاله
اقول الناس فالدنيا كما هي حالة الجمّال=اشوف الوقت والدنيا وفيها الناس جمّاله
كفايه دام فالدنيا لقانا في شهر شوال=عيد ونلتقي به يوم ثم الكل في حاله
مشاغل والحيا فيها عيال وشغل ورزق ومال=حتى الخير ماياصل ولازم دون نسعى له
صحيح إن الوفا مطلوب وننشد كيفها الأحوال=لكن من يغيب اليوم دوّر عذر ترضى له
أهَمْ الشي لابه جرح او هَم ٍ ودمع ٍ سال=أمّا البعد فالدنيا فكل ٍ راح لأعماله

إي بالله أخطوا والخطا اللي جابهم عين الصواب =مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب =ومن لايتوب من الخطا تحرم عليه المعذره
اللي من أولها خراب أكيد تاليها خراب =والبندق اللي ماتثور في هدفها تذعره
ودك اليامن جاتك الغلطه من الناس القراب =الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب =قلطتهم صدري على ذكرى قصيد وحنجره
صوت ٍ يصول بمنبره واخطاب مامثله خطاب =والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب =ولازرق حزني على غالي ولافج انحره
كل الزهاب اللي معي ذكرى من أصحاب الزهاب =واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب =لأن أكثر أصحابي ورق..ماشفت للطيب إثمره
والله ماحطيت بين الحقدوالخوه حجاب =حتى غدوا ربعي يحدوني على الضيق أشكره
البارحه ثارت علي رقاب وأوتني رقاب =البارحه ياثقل دم البارح ويامحقره
أثر المصايب ماتجيك إلا من الناس القراب =وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب =كيف السنين اللي عطتني بعثرتهم بعثره
لابارك الله في رفيق ٍ تزعله كلمة عتاب =ولاجمع الله الرجال اللي تفرقهم مره
الصاحب اللي مايجي من صحبته غير العذاب =نذر ٍ علي إن ماهجرني وإلا أنا اللي ب أهجره
من يفتح لفرقاي باب أفك له عشرين باب =وأذا خويي مايقدر خوتي ما أقدره
عو ّدت نفسي كل ماشددت لليمّه ركاب =مأصد وجهي عن طموح إلا لياجبت خبره
أن روّحوا فأنا بري منهم ليوم الحساب =وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب =أحسن دوا للي يحاول يستفزك تحقره
ماكنت أحاتيهم صغيّير ..عاد أحاتيهم شباب =الصاحب اللي ما أذخره لليوم الأسود ما أذخره
شفني جمعت أوراقهم بكتاب وأغلقت الكتاب =ياوقت لم اللي تلمه وأنثر اللي تنثره
عقب أكتئاب البارحه ماعاد انا حمل إكتئاب =الطيب جرجرني وانا ماني بناقص جرجره
انا تجرعت الظما لين أحترق وجهي وذاب =انا كسرت بخاطري قبل الصداقه تكسره
انا خسرت اللي غيابه غير عن كل الغياب =انا غفرت لعالمٍ ماتستحق المغفره
انا أكثر (أنسان) تعلم من كثر ماأخطأ وصاب =انا أخر (لسان) يتكلم في زمان الثرثره
انا القصيد اللي فزع من دفتره مليون ناب =وانا الوحيد اللي جمع مليون ناب بدفتره
جفني وجرّحه السهر ، حيلي وهدّته الصعاب =دمعي هدر،ضحكي ندر،عمري وضيعت أكثره
شيبت بعقول العرب..هيبت روس ٍ ماتهاب =جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني ذياب =ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب =أن مانطقت بها بوجهه ماتذمه بظهره
في هالزمن مايملي عيون الحسود إلا التراب =والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب =الصاحب اللي ماكسبت محبته ماتخسره

من قلد المخطي يضيّع لامشى مثل الغراب = اللي يقلد فالحمامة من كثر ماتقهره
لاهو فصخ سود الثياب ومرتدي بيض الثياب=ولاسلم من صوت جش وجات فيه القرقره
يالضامي اللي راح يلهث يوم بان إله السراب=الساق من زود العدي مايدري إنه كسره
ياما نصحت وقلت له إشرب ليا طاب الشراب=الرزق لامنه بغاك الله كريم وقدره
وإن كان لك ناب ٍ فغيرك بان له الفين ناب=إليا ضحكت اليوم غيرك بان نابه كـشـّـره
ياذيب حذراك الخطا وإن جيت في درب الذياب=أصبر ترى ماجاك حق ولك رفيق وحذره
ماتاب يومني اظنه عن خطاه العام تاب=الثور له قرن واشوفه حاس حاس وغبره
مايدري إني قد قريت اليوم مضمون الكتاب=إليا لقيته قول نايف قد قراه وسكره
صاحب طربه اليوم اشوفه كان غنتله عتاب=إل كل غلطه او خزى عوّد وراه وصدره
ماخاف من يوم ٍ يجيه ويبتدي فيه الحساب=إن كان مسته اللهايب من يجي ويصبره
داب ٍ واشوفه ملتوي يعصر له اليومه فداب=مافكه إلا لين مات وراح حتى ما أقبره
دله على درب الخطا ماجاه في درب الصواب=اخطا وامره فالخطا ماجاه ليه ودبره
ياصاحب ايام الفلاح إن كان جنّبك العذاب=الوقت يمشي حسّن أخطوط الكتاب وسطره
سطـّر جميل الفعل تلقى للهنا مليون باب=إن كان فعلك مايجمـّـل غط غطه سـتـّــره
بعض العرب له وقفة ِ فعل ٍ تطول إبه الرقاب=إليا حكى بالقول غصبه تحترم وتقدره
شيخ ٍ وله قدره ومنزل معتلي فوق السحاب=اللي فمخباه الكريم بكف خير يندره
والبعض عن فعل المراجل والكرم لاحل غاب= أحد ٍ يسنده بردى وأحد ٍ بخزي يحدره
ماله جميله او فعل نجزاه بالفعل الثواب=اقصى حدوده لانصاه اليوم احد يتعذره
بكتب وماني باللذي متعني ٍ يكتب خطاب= أكتب شعر وإن كان كسره بان لي بنجبره
برسل قوافي الشعر قاف ٍ ياصل لحضرة جناب= اللي ليا جاته قوافي الشعر كود تبصره
مانحسب احساب الخطا والدنيا تاليها خراب=اللي يفرحه الغـِـنا بكره نهار يفقره
هذي حياة وسهلها ملزوم يلقاله هضاب=احفظ زهابك لايضيع اليوم خله وفره
مادمت في سهل الزمان إحذر تضيـّـعك الشعاب= الشـِـعب لامنك مشيت إحذر رفيق تغبره
خله يشوف من الوفا ياصاحبي مالذ طاب= الطيبه اللي لالقت بعض الخطا ماتكبره
كم واحد ٍ ودى علوم ولا لفا - كم علم جاب=كم واحد ٍ لامن لفاك بعلم زور تخبره
كم مرة ٍ نرسل رسول ولا لقا عندك جواب=العلم لامنك حكيت العلم قمت تنفره
النجم يالصاحب تشوف إن طاح سميته شهاب=إن طاح نجم ٍ للثرا محد ٍ يجي ويعبره
حذراك حذراك الغرور إحذر يكون إلك الركاب =الطيب خله لك رفيق الذكر دوم يعطره
كم ظن ظنيته وكم من ظن فالدنيا وخاب=الظن هو اكذب حديث احذر عليّ تكثره
وإن كان لك ظن ٍ فلاني يوم ظنيته معاب=الظن دوم إلك الرفيق انته عليك تأمره
كم وقفة ٍ وقفتها لك فالذهاب وفالإياب=إن كان لي فعل إنسى عيد الزمان وحضـّـره
حضـّـر زمان ٍ راح كانك ماتخاف ولا تهاب=اذكر جميل الفعل لف بهالزمان وشبره
ياصاحبي عذرك رفيق وفالزمان انت الزهاب=إن كان جرحي مايطيب أصبر عليه وأخدره
بصبر عليك ولو تشوف من اللهيب القلب ذاب=الصاحب اللي مايغطي عن رفيقه وخره

هلا ياذيب يا وافي يانسل العز والابطال=وانا كلي فخر يا صاحبي بالشعر ورجاله
انا ادري وقتنا قاسي على قولك ابد ميَال=ولكن المنايا خبط عشوا من تهيا له
صديق(ن) ما حسبني مكسبه في كفة المكيال=برغم اني وفيت الكيل ما حسَبت كرما له
عطيته ود ما يفنى على مر الزمن ما طال=و رد الدين في ثوب(ن) تفانى حيل باسباله
سألتك بالذي انزل محمد وانزل الانفال=وش اتسوي اذا انك مكاني يالخوي حياله

اصك الباب من دونه وكثّر بالعدد اقفال=ودام إني نويت البعد مافكيت اقفاله
انا عندي كرامه مير ماحصلت منه إقبال=جزاه اليوم إهمالي مثل مابان إهماله
ودام إن العرب فيها كثير من العدد اشكال=وفيها للوفا ناس ٍ وفيها مثل اشكاله
ببيعه وارخص القيمه ولو ينسام بألف ريال=ابا القالي خوي غيره وأعوّض لي خوي بداله
وثوب ٍ ماخذه عيره افصّل ثوب لي تفصال=افصّل ثوب لي غيره وازيّن فيه تفصاله
ودام إن الزمن حاضر ابدّل باليمين إشمال=زان الحال فالدنيا وجاد الوقت بأجياله
صغيرة سن تلبس لي بلوزه مع طقوم إبدال=وجه ٍ يشرح الخاطر ليامن جيت فقباله
اعيد إبها العمر وانسى واقول الهم راح وزال=( كثير الخيل فالدنيا ولكن هات خيّاله )

الله عظيــم الشـــان قــدَر و ارادي = وفي يومه المـوعـود نـادى المـنادي
أربع سنـين مـن العنـا والسهــادي = مالـه سـوى صبـره وعزمه سنادي
رغم الظـروف الـي تهـِـد الوتـادي = زاده من التـقـوى وهــي خيــر زادي
صام الشهر حتـى اكمـله بالعـدادي = والموت فـي شــوال جــا لــه يعــادي
السبت في السابع عشر بالوكـادي =فـارقــت يالــي منــزلـك فـي فــؤادي
بارض الحرم صلواعليـك العبـادي = و جـثـمـانـك الطـاهـر بخيـر البـلادي
فقد الذي شـــرواك ماهـو بعـــادي = الـدار و الديــره بهـا الحــزن سـادي
حــل الـظـــلام بـحــي ام العــرادي =والــدار مـن فـرقــاك تعـلـن حـــدادي
ما عا د بـه معنــى لبـيــتٍ و وادي = وميسان من بعدك كساها الـســوادي
يابو هـلال الدار تشـكـي البـعــادي = والحزن ماله بعد فرقاك حادي
يابــوي مافي الموت كـرُ و شرادي =ولـو تـفـتــدى بالــروح والله لـفــادي
جرحي بعد فـرقــاك مالـه ضمـادي = وياليتنـي فــي يــوم موتــك جـمــادي
تبقــى حياتي ديـن تحـت السـدادي = لـوفـيـك بالـدعــوة و باقــي مفـــادي
كـل الـقبـايـل فـي وداعـك حشـادي = و من يعـرف الطيَب بذكــره اشــادي
شيــخٍ سديـد الرأي وقت الشِـدادي = الحـلـم و الـحـكـمــه وفكــرٍ قــيـــادي
سبَاق بالفـزعـه وبيـــض الايــادي = ومن يزرع المعروف يلقى الحصادي
مـالك خصيــم وقــت شــد الزنـادي = ومـن هـيـبـتـك توقف جميع الاعادي
يـا رب عبــدك جــاك بعـد الشَدادي = نـرجــوك يـا رحمـن لطــفُ و ودادي
يـا الله تـرحـــم والـــدي باللـحـادي = و بـوســـط جـنـاتـك ينــال المـــرادي
هــذا سبيـل المـوت ما بــه حيــادي = مكتوب من توضع رضيـع بـمـهــادي
من يتعــظ بالمــوت عـــد العــتـادي = خشيـه مـن الرحـمــن يــوم التـنــادي
يبقى المطـر والمـوت ماله صدادي =وكـل مـن فـي الارض لا بــد غــــادي
وختامها صلوا على خـــير هـــادي = محمد الداعـــــي لدرب الرشــــــــادي

أبدا بخـلاق الحضـر و البـوادي = وأثني على شـاعر بالاحساس جادي
أبـدأ بذكـر الله وهو خيـر هادي = وقولـي بعيـدٍ عن مجـال العنـادي
سايلـك و انـت الله رب العبـادي = لا تجعـل الهاجـس رهين القيادي
ثامـر عرض لي قول فيه السدادي = و الله يلهمـه الهـدى و الرشـادي
ابيات موزونـه جـميله جـدادي = مبنى ومعنـى فيه ساهـم واجـادي
مرتبـه تذكـر لرايـح و غـادي = عبَر بها فـ أيـام حـزنٍ شـدادي
معنى سمين ورايع الحسن بـادي = يا ليتـها تنشـر بصُحـفٍ و رادي
وعلى الفضا ترسل بشكل انفرادي = وعلى ورقـها عطـر ورد و كـادي
مرثـيـة بالبـَر كـلـه تنـادي = بـرٍ بـه الديـن الحنيفـي ينـادي
فيـها المبـَره والشكـر للايـادي = تعبير صادق عن عظيـم الـودادي
عن والده والدمـع كان المـدادي = دمعٍ غزيـرٍ فـاض دون ارتـدادي
في والدٍ يشبـه صقيـل الهنـادي = يسعـى لفعـل الطيـب قبل المنادي
ابياتـها تشبـه عـِزاز الجيـادي = تصلح تُقال بكـل محضـر و نـادي
بنـى معانيـها بكـل اجـتهـادي = راجي العفـو له من كريم الايـادي
ابيـات مثل القـافله في انقيـادي = المثقلـه بـ أغلـى عتـادٍ و زادي
يقولـها شاعـر بالاقـوال اشادي = شجَع نِمـِر في موطن العز عـادي
ومرحوم ابوك وفاز يوم التنـادي = بجنه , وصلو علـى خيـر هـادي
نبينا وأسلـم عن الانـتـقـادي = صـلاة ربـي عـد تغريـد شـادي

فى موقفي خلك .. مجرد ثواني=عش بعض ماعشته .. ثواني ولحظات
وان كان قلبك .. فى حياته نساني=ماتنفع الدمعه .. على شى قد فات
هذا خذا مني .. وهذا عطاني=وهذاك يعطيني .. وذا قال لى هات
وتدري بان العمر .. لو طال فاني=وانكرت لك ذات .. وحبيت لك ذات
هذا الكلام .. اللى يقوله لساني=اسيره دربك .. وكل عمري مسافات
لك جيت .. ماعندي من الحل ثاني=انسانه زايره .. كان لها فيك نظرات
حياتها بقلبين .. لو قيل اناني=قلب يحب .. وقلب لو حب بسكات
مخلوقه هونت غرامها .. وهاني=ماياصلك بيديه .. هيهات هيهات
وعزاي بان الموت لو جاك .. جاني=وعزاي بان الحب .. لو مت مامات
واما جبرت خاطري .. فى مكاني=مانيب محتاجك .. وانا ضمن الاموات

في موقفك عشت الزمان و ثواني =عشته حياة ٍ ماهي إف . قاف وأبيات
كم ميسم ٍ يابنت منكم كواني=منكم عرفت الموت للموت سكرات
اربع سنين وعشتها في حناني=في وقت انا من لاهب الحب مابات
اعطيك يوم الجرح بين المحاني = واعطيك في وقت ٍ تجي منك زلات
محسوب لك شي ٍ ولاهو عشاني=كله عشانك والجزى منك شرهات
ياكيف انا برضيك ياكود كاني= ارحل وانا امحي للهوى كل جرّات
إنسي زمان ٍ راح وإنسي زماني=أبغى حياتي جات وإن كان ماجات
هذي حظوظ وكلها بالأماني=يوم ٍ دموع ويوم فرح ومسرات
ماني بجابر خاطر اللي سقاني=سم ٍ على سم ٍ وكم عد كاسات
ماشفته إفحب العذارى كفاني=منهو يقول إن النساء دوم زينات؟

صح الله لسانك على عذب الأبيات =ياللي من اسمه جر ظهري من اقصاه
جيتك وعهد الله على الصدر دكات=وإلا بلوف العزم قد خارة قوااااه
اكبر غنايم فزعتي صبر وسكااات=يالفوده اللي من شقانا مغذااااه !
بيني على درب المدينه مسافات =ضامي ومنهو يهتديني على رشاه
لا قـِدم عيني نهر دجله ولا فرات =ولا تو مني حادي الدرب من ماه
مرة سنه وشهور وايام وساعات=من يحتري لحظة خلاصه ومرقاه!
ناديت ولسان المعازيب حسرااات=يا حلوه لساني رغم ملحة شفاااه
محد ٍ درى وش يكشف الليل لا بات=بعض السوايا والخزايا موراااه
كن الصبر في تالي الصبر خفراات=ادمى ظهرن مُودِع الِحمِل بإكرااااه

صح الله أبدانك على كل ما فات=يالذيب ياللي مظهره فعل يمناه
ذيبٍ تعلى فوق روس الطويلات=في منزل العِليا على الدوم تلقاه
نسل الرجال أهل الكرم والمروات=ساق القدم للطيب ... بالطيب ممشاه
طيبه مورّث ما حصل له بالأصوات= وكلٍ على ما قيل ... عوّد لمرباه
ياصاحبي ... يأخذ بنا الوقت لفّات=وسيفه قطعنا ... يالخوي ما قطعناه
نشقى ونتعب ... والليالي سريعات=ولا أحدٍ بنا يدري ... على وين مرساه
وحنّا .. لعل .. وليت .. متى الإجازات?!=والعمر يمضي ... خلفنا ما حسبناه
نسعى ندور ... الفايده والمسرات=والكل منا ما بعد ... صاب مرماه
نحسب سعادتنا بجمع الريالات=وكلٍ تناسى الآخره وسط دنياه
هيهات يرجع ماضي الوقت هيهات=وما قدّر المولى على العبد سوّاه
وختامها منّي سلام وصلوات=على الرسول أعداد ما حيّن أطراه

يابحر لو ذا أولك قـــل وين تاليــــك=أخذتني امواجك ولا أدري الى وين
كم ناس راحت مثل ما رحت انا فيك=عمقــــك بعيد وظلمتك تعمي العين
انت الدواء ياداء ماحد يـــداويـــــك=ادمـنت فيك ادمــــان مسكر وهروين
الحب بحر الموت واهله مهــــاليك=الا الذي يدخلـــــه بالشـرع والـــدين
يكفي كفى ياقلب مافيك يكفيك=مالك وللـــي بالهــــوى لا مبــــالـــــين

القلب صابه من غثى الوقت شاطون = والفكر حاير واسهر الهم عيني
ودنياي قامت تقرض الحال بالهون= الياما اشطنني واقلبنبي سنيني
واخفي همومي مابي الناس يدرون=لاشك جرح القلب لازم يبيني
ياوقت لاتقسى على شخص ممحون= ارحم وحيد ٍطاح ماله عويني
قسيت ياوقتي وانا منك مغبون= ظروفي قست ياوقت عيت تزيني
مالي قدى الا قول يا وقت وشلون= ظروفي قست ياوقت قامت تشيني
والروح جالت فزعت تطلب العون= تنخاك يالصنديد ذرب اليميني
ياهل الكرم والجود تكفون تكفون=تكفون فكوا يالكرام السجيني
ياهل الكرم بالواجبه ما تغيبون= ياهل الكرم والطيب يالغانميني
وخصيت انا الصنديد ما يتبع الهون= عبدالعزيز الليث مروي السنيني
له وقفتٍ اعداه منها يهابون=بالضيق والشدات لازم يبيني
يالقرم انا في حالتي صرت مشحون= والصدر ضاق وهلت الدمع عيني
من سبت اللي حط بالقلب طاعون= بغرامه يالليث انا السجيني
يالليث قلبي عند الاحباب مرهون= قلبي خذاه اليوم موضي الجبيني
وناديتله ياشوق بالهون بالهون= قلبٍ يودك ارحمه يا ظنيني
لاتعذب القلب الذي فيك مفتون= ياشوق والله تكسب الاثم فيني
من سبتك سموني الناس مجنون=قالوا مريج العقل يالله تعيني
وارجع واصوت يالفهد لاتغيبون= وانخاك ياعون الخوي لي تعيني
حذرى يابن...... عني تغيبون= وانتم يال..... لعلتي عارفيني
واختامها يالليث ليه تعينون= وابي الفزع من قبل موتي يحيني

يالله ياللي سامع اللي إيتشكون=ياواحد ٍ فالدين حبله متيني
ياعالم ٍ بالسر واللي يخفون=محد ٍ من العربان به عالميني
إلك الصلاة والحج واللي يزكّون=عقب الشهر يقضي وهم صايميني
انت اللذي كل ٍ دعا لك ويرجون=عفوك عبيد ٍ لك وهم راكعيني
بكتب من الابيات شعر ٍ وموزون=فيه القوافي ناشفه ما تليني
الشعر له حكمه وله قول بفنون=قاف ٍ حويته مثل مايحتويني
القول واضح ماهو بالقول مدفون=ماني من اللي قولهم كالعجيني
نايف وانا اللي كاتب القاف بلحون=منهو سمع فالّلحن لا يستهيني
مثلي عَرَف للوقت والوقت بسنون=وقت ٍ شريته ماهو إب.مشتريني
ادفع ثمن فالوقت للي يبيعون=يمكن يمر العُمر ماوفيت ديني
يابنت كانك عِد منهم يحبون=جيتك بعلم ٍ ليت لو تحتريني
قصة هوى مع دمع يابت وجفون=تسهر وصار النوم مايهتويني
اربع سنين وعشت بالغدر مطعون=فيها الجروح إتزيد في كل حيني
كان الهوى لي سر فالصدر مكنون=بان الهوى وبجرح لي محتسيني
كِن الهوى له جيش واسوار وحصون=كني عدو ٍ له وله منتقيني
سل السيوف وسيفه الحب مسنون=واصبحت له دينه وجا يقتضيني
صبر وصبرت ودايم القلب مشحون=دمع وبكيت وفرح مايرتضيني
ارضى بهمّي يوم غيري يغنون=والنار في جوف الحشى تكتويني
إليا متى واحنا فدى ناس يقسون=وإليا متى والقلب دايم حزيني
حذرى ( خفوق الروح ) فالقلب يخطون=خليكي من دون العنا وإستكيني

لأهل الوفا والطيب ( فنجـــال قهــَوه )=من دم قلبي هيـــلــها ...؛ ومهيـــّلــــه
من حس في دنيـــا المزلـّه بشهــوَه..=أحط معــدال العــرب وآشيــــــّلـــــه.

ياحـي من كلـّه ( شهـامــه ونخــــوه )=البـارق اللي من زمـــان ...؛ آمخـيـّلـهـ
لـه مجــلس تــاخـذ بـه الرّبـع دهـــوه=ما يـــذبــح إلا حــايـــل(ن) ؛ ومحـيـّله

سلام يادار(ن) لها يوم قربت=حسيت نفسي هايمه في هواها
رسى بها حرفي ونادى ترى طبت=وسار القلم يختال باقصى مداها
سطر عسى دوم الوفا بيننا نبت=يثري ثمار افكار من هو سقاها
وما ارضى اكون إن رحت اوجيت اوغبت=بدون بصمة استضــئ بسناها
وكلي فخر لو قلت او زدت واسهبـــــت=مادام روحي عانقت منتـــداها

قلوبنا بالود والحب رحبت=وهلت بشيخ بالموده لفاها
اهلا هلا كثر الفيافي وماربت =وعداد ماهل المطر من سماها
وعداد ماتحمل بطون وماانجبت=وعداد من يفلا الحروف وقراها
بالشاعر اللي في المواقف لنا ثبت =در المعاني بينت مبتداها
مادام شمسه في سماالحرف مااغربت=قلوبنا تفرح بمشرق غلاها

يا هامس الابداع بالعون اطربت=مسامعي بابيات دوَى صداها
انا اشهد انك للمعالي تنصبت=والطايلة تشهد لمن هو شراها
ياللي على ايدينك تحرر من الكبت=كل الحروف اللي شكت من عناها
يكفني انك يارفيقي لنا اعربت=عنما يلوج بنفس وفَت نداها
بديتها وكلي فخر يوم عقبت=تحيتي والورد ينثر وراها

حي الرفيق اللي دعيته ؛ ولا خبت=ياللي حروفي ؛ منك تبدي حياها
يا مرحبا بك زود ؛ وانت الذي جبت=معزوفةٍ ؛ ما تنوصف من حلاها
ياصاحبي ؛ في كل مشراف روقبت=للطايله ؛ رجلك سريعه اخطاها
تمشي بغبات الطواريق ما هبت=من يعترض دربك ؛ تسايل دماها
ومشكور ياللي ؛ يوم غبنا لنا نبت= اهل الوفاء ما هو غريبٍ وفاها

ياراعي العليا افتخر يوم صاحبت=شرواك ياللي معتلي في سماها
يا صاحبي من بعد لقياك عذربت=بايام طافت قفر تشكي ظماها
ياللي بجزلات القصايد تلاعبت=حتى اذعنت حولك تأكد ولاها
يكفيني انك بالمواقيف وجبت=عني وخلت النفس تلقى مناها
وعز الله اني لو تعزويت خاطبت=عون الصديق وللاعادي عماها

ابشر بعزك ؛ قلتها يوم كاتبت= بإذن الذي نزّل تبارك وطاها
انا لعينك ؛ لا تعزويت جاوبت=يا طيّب(ن) ؛ كل المعالي رقاها
ياسيفي اللي بالملمّات جرّبت=أعداي كفّك ؛ كل ابوها هماها
ما اخشى الخساره ؛ دامني فيك ضاربت= وقربك منى عيني وغاية رجاها
خذني معك ؛ بالسلم وان كان حاربت=لا خير باللي ؛ كلمته ما حماها

ضيف ؛ و لفاكم يا اهل العِرف والجود=وأنتم اطرفكم يالفى الضيف له جـاد
عن واجبه ما أحدن تخـاذل بمجهـود=ولا يشعر انه ضيف من زار الأجـواد
والجود مبطي قيل ؛ من جـود موجـود=ما هو بمحصور(ن) على لقمـة الـزاد
يالله عسى فـي جيّتـه داركـم فـود=والله ؛ ولا قولـة ؛ تفـوّد ولا فـاد

يامرحبا بالضيف زود بعد زود=من قبل مايقدع من البن والزاد
ترحيبة يصدح بها كل مشهود=تسمع صداها في مراقيب لشهاد
حي الذي اشعل من الفكر بارود=اللي على فعل المطاليق قد راد
ننثرله الازهار والمسك والعود=في جيته كنه المطر حي من عاد

اهلا هلابك عدما برق ورعود=وعداد ماهل المطر صوت رعاد
وعداد مافي الارض من رمل وحيود=ترحيبة تنشر على بيض لمجاد
ضيف لفانا حل بالقلب ويسود=مكانته وسط الحشا بالغلا ساد
دام الشعر له قاف في بدع وردود=فانا على بدع المحاريف رداد

نيّار ‘ سبب لي مع الوقت تشويش=الله بلاني فيه ‘ وانا بمكاني
نظرات عينه كهرباء واصل الفيش=تيّارها ‘ ما يرحم المودماني!
من تلْمحه يصبح ‘ كما ذعّة الريش=هذا اذا ما صاب عقله جناني

حي الله اللي ما زهى بالدناديـش=أهـلاً هلابـك ياصحيبـي وبيـاك
عداد من عدى بروس المخاريـش=وعداد ما حيِ من النـاس نـاداك
يآخوي ماحنـا بالمحبـه دراويـش=لا والذي من بدت النـاس سـواك
أدري لفاكم تالي الوقـت تشويـش=ومن الزمن خابت هجوسك ورجواك
جتكِ هروجٍ من ضميري تناويـش=فيهـا أبيـن قصتـي لاعدمـنـاك

نيّة صحيبك ‘ يا بعيد المطاريش=حمامةٍ بيضاء ‘ على رف شباك
ماهي لك الله ‘ بوم وإلاّ خفافيش=ما اتشوفها إلاّ ، يا اختفت شمس دنياك
لو أنها تركض ورى ‘ حبّة العيش=تموت جوع ‘ ولا تعكّر صفو ماك
ما همّها ‘ بحث الخفا والتنابيش =لا والذي للعيب ‘ يا صاح عدّاك
يا ابن الذي بالمعركة ينطح الجيش=أنا لــ عينك ، من يسارك ليمناك‘

يامرحبا بأهل البيوت المطاريش= اهلا هلا ياراقي الحرف حياك
الي يقدر يهنى مع البعد ويعيش= خله مثل ماراح عنك وخـلاك
لاتسأله وشهوله غيابك وليـش= ولاتخلي احساسك يبيح إخفـاك
حاول تبعد عنه ياصاح بشويش= حتى ولو حبه معك فاق الادارك

حييت ياللي ‘ ما تجي بالبخاشيش=حيث ان مبداها ‘ على عكس مبداك
رزين حرفك ‘ ما اعترى خطوتك طيش=انا اشهد انك عون من جاك ينخاك
من روس قومٍ ‘ فعلها ما عرِف قيش=متحدّرن ‘ من نسلِ قحطان مجناك
يا صاح جرحٍ ‘ يزعجك كل ما نيش=صبرك عليه ‘ ارحم ‘ ولا تشمت اعداك!