هملتني وتـركـت رعشة كفوفي
وانـا بـعـد بـهمـلك وبـدون تـفـكير
مـاعـاد قـلبي للمواصل شغوفي
ماعـدت أبــي أسمع لعذر وتبارير
ماعدت أبـي حـبـك ولابيـك توفي
بطلق سراحك بالهوى أبعد وطير
وين الحبيب اللي يقدر ظروفي
ماهو بمثلي راح خله مع الغير
ماني بمجنون حتى حبك اعوفي
ولاني بآكل لقمتي عقبها اطير
اخلصت لك ووصفت احلى الوصوفي
فيك الوصوف قلتها واحلى تعبير
وانت تقولي اليوم اني ماأوفي
صار اللي صار والقدر لازم ايصير
الله يعلم ماردني منك خوفي
الله يعدي ازمتي اليوم بالخير
