عقدة أخوك الكبير
ياشين الاهل الي يحسسون الاخ الكبير أنه أبو سري ( على وزن عريف سري )
http://vb.eqla3.com/images/smilies/looking_anim.gif
مثلا أبي اطلع للبقاله ...
لا ماتطلع لازم معاك أخوك الكبير ..
لو استبدلوها مثلا لا تطلع لحالك نخاف عليك أحسن
أو مثلا أخوك الكبير لا تتكلم عليه ... لا تقول له شي خله يمسح فيك البلاط .. كبير هو ..
وجع
http://vb.eqla3.com/images/smilies/007.gif
أجل ياعالم والله اني ما انساها
http://vb.eqla3.com/images/smilies/n/sm1.gif
مره وانا صغيره واحد من إخواني .. يقول يالله خنتسابق من ياكل مناديل أكثر
والله اني كليت مناديل كثييير مره واتغصب عليها عشان أفوز ..
وبالاخير صار هو يرميها وانا أبلعها صدق ..
ولا انقاله شي
عقدة المدرسه
آآآآآه
http://vb.eqla3.com/images/smilies/frown.gif
أكره ياعالم أساتذتنا .. والله أكرهم .. جواهر وساره اكرهم كره ماهو طبيعي ...
كوابيس ماهم أساتذه ..
أول مادخلت أولى كانت أستاذتنا جواهر تدرسنا كل شي بالحياة طبعا .. بتاع كلو
المهم أننا وقتها نخاف مره ... وكنا نحسب للمدرسه حساااب . نحس انها مب انسان .. نحس أنها ملاك شي مو طبيعي ..
نقدرها مررررررره ..
المهم ان جواهر ذي من زود الفسقه مدخله بروسنا انها تشوفنا بكل وقت ..
والله ياني تعقدت .. معاد أبي ادخل الحمام أخاف تشوفني بعد
ولا عاد ابي امي تروشني أستحي اخاف تشوفني وامي تروشني ..
يعني مره صارت حالتي صعبه
مادريت أن جواهر مثلها مثل اي انسانه ..
تقوم من النوم بعينها الي مليانه غمص .. وتجينا وتحط كعكع وكحل سايل
وترجع تطبخ دجاج ورز وتاكل هي وزوجها وعيالها ..
ولاجابت خبرنا
أجل فاضيه هي تراقبني وانا أتروش الله من زين الشكل .. ليتني كبيره بعد لا بزر تتروش مسح كل شي وش تشوف صدق .
بس أكتشفت أنها نصابه ماتراقبنا يوم وصلت ثاني ابتدائي ..
أما الثانيه ساره ..
آآه ياقلبي للحين أتذكرها هي وعلكها ..
والله ياني أنضرب ضرب منها ..
واذا جيت البيت لين اخوي بعد مضروب يدينا حمررر .. الله يعظم أجر اميمتي
المهم ان ساره ذي كانت تضربني عشان جدول الضرب ..
http://vb.eqla3.com/images/smilies/139.gif
والله ياعالم للحين .. ماحفظت جدول الضرب .. ودخلت أدبي لاني كرهت شي اسمه رياضيات ..
الدراسه في السعوديه مب تعليم الا تعقيد خصوصا ع ايامنا
عقدة شوفي فلانه
أشين شي بالحياة أنك تقارن شخص بشخص ... وخصوصا الصغار
حنا نبيهم يغارون ويتعدلون ..
لكن والله غلط هالحركه مايجي منها الا الحقد ترى
أعرف وحده الله يهديها .. كل ماسوت بنتها شي قالت شوفي هدوء ..
لين حسيت البنت كرهتني جد والله احسها مو علاقتنا عاديه أحس فيها شي
ومتأكده أنه رد فعل من كلام امها الله يهديها بس
عاد البنت عشان تقنع أمها إنها احسن مني بأمور تقوم تقول الاشياء الشينه فيني
يع لين صرت بذا الموقف أحس اني أصغر لين أصير بزر لأني انا بالجامعه والبنت توها بالمتوسط .. مافيه مقارنه أصلا بس بثاره
http://vb.eqla3.com/images/smilies/biggrin.gif
أنا كنت أقول لاخوي شف فلان ووو بس الحين تأدبت لكل واحد مساوئه ومحاسنه ماله داعي المقارنات ..
إذا كبرتو
من كثر ماكانت تنقال لنا صرنا نتمنى اننا نكبر بسرعه ..
والحين يوم كبرنا ... كل العالم أشوفهم رازين بتواقيعهم وعناوين الموضوعات ( كبرنا وليتنا ماكبرنا )
والي جالس يشعر ... ويقول ( ياليت ان الزمن يرجع ورى والليالي تدور )
والي تقول ( ليتني طفله كبر همومي لعبتي )
جتنا صدمه . توقعنا ااننا اذا كبرنا بنصير وناسه ... وتتحقق كل احلامنا
من كثر مايقولون اذا كبرتو ..
المشكله أننا نشوف وجيه الكبار دايم معبسه ونفسيتهم خايسه .. بس مافكرنا زين
....
