|
. . أكتفي بهذا الطرح ولي عودة لكم - ان شاء الله - . . |
. . صبـــــاح الخير .. لأحلى وأغلى اعضــــاء أبــــــــــارك للجميع هطـــول الأمطـــار طوال يومي الخميس والجمعة على مدينة الريــــاض الله يجعلها أمطــــار خير وبركة 9 - 4 - 1430 هـ . . |
. . أعــــــــود بكم إلى أطلال بيتنا الشـــامخ من شمــــــوخ ارضه الغاليه ( الريـاض ) وتوقفت عند ذكريات سلمان وعبدالله وأخواته جيرانا تصدقون من كثر حبنا لبعض اذا راحو لبيتهم .. نجلس نسولف معهم من خلف السور حبنا لبعض حب طفولي صــــادق نابع من البراءة . . |
. . دعوني اتوجه بكم الى حبيبي ( خــــالي صالح ) من سكــــان الرياض له في الرياض وقت طويل وزمن تليد وهو أكبر خوالي وبكر جدتي ( أكبر أولادهــا ) تقول جدتي - الله يرحمها - إن خالك صــــاح ما عمره قال لي كلمة تجرح خاطري ولا عمره أزعلني أو كدّرني .. وأنا راضية عليه الى يوم الدين خالي ( صالح ) له من أسمه نصيب إنســــان صالح حبيب طيب كل معاني الطيبه فيه سكن الرياض من اكثر من 50 سنه له مكتب عقاري وله نشاط تجـــاري كبير متواضع وما يحب يتكبّر على أحد . . |
خالي .. ما نشوفه الا قليل لكن والله إن زيارته كانت غالية على قلوبنا ما يدخل الا ومعاه الهدايا وأكبر هدية هو تواجده بينا كان يسلّم علينه ويحب ( يقبّل ) روسنا من كثر حبه لنا طبعا خالي مشغـــــــول في العقــــار ولا غير العقار يجلس طول يومه في المكتب والبيغ والشراء والوساطات حتى أحيانا مو فاضي يجلس مع نفسه لو ثواني له قصر كبير وفخم مره متزوج بزوجة شايفه نفسها :biggrin: من قدها زوجة خالي من حقها تشوف نفسها :biggrin: وعند خالي 4 اولاد وبنتين وولده ( فهد ) هذا حبيب قلبي لي معه ذكريات راح اقولها في وقتها . . |
خالي ( صـــــالح ) محب لأعمـــال الخير يحب يســــاعد الجميع وجدتي كانت تحبه وتدعي له بس مشكلته انه حـــــارم نفسه على حســــاب أولاده ما كان يطلع من الرياض إلا نــــادرا كان مقابل مكتبه وعقاراته بعكس أولاده كانو عايشين حياتهم ما أقــــــــول الا الله يخليك لنا يا خالي ويطوّل بعمرك . . |
. . لي عـــــــــودة وتفــــاصيل أوسع وتقبلو فائق محبتي ومودتي . . |
. . صبــــــــــاح يرسم مع إشراقته فجر أجمل يحمل لي أمــــل للحياة بعد ممات السبت 15 - 4 - 1430 هـ . . |
توقفت روايتي عند خالي صالح - الله يخليه لنا - ومكانته العاليه وقدره الغالي في قلوب الجميع خالي صالح ومع كل مشاغله الا انه واصل يزورنا بستمرار ولم يغفل زيارة جدتي في القرية كان يزورها بشكل منتظم حــــاول جاهدا أن ينقل جدتي من القرية للرياض ولكن محولاته قوبلت بالرد والرفض من جدتي كانت تقول جدتي الله يرحمها - لو تعطيني قصور الدنيا ما اترك بيتي كانت تمثل لها القرية كل حياتها . . |
. . تواصلنا مع أبنــــاء خالي وزيارتنا لبيته شبه معدومه والسبب يكمن في انشغــــال خالي يعني من يوم عرفت الدنيا وهو مشغول ما كان يجلس في بيته الا وقت النوم يعني ما عنده الوقت اللي يعزمنا او يتفرغ لنا او لأولاده ولكن كان يسرق نفسه ويزورنا وكانت عينه على الساعه يعني زيارته لنا ما تتعدى ربع ساعة فلذلك كان تواصلنا مع بيته وعياله شبه معدوم وما كنا نشوف زوجته واولاده الا في الأعيـــاد أو الزواجات . . |
| الساعة الآن 03:05 PM. |