|
|
تري السهر مايضر
سلام
منهد حيلي من السهر .. حالتي حاله كشتي نافشه عيوني حمر اطالع المنظره ومستاحشه من شكلي وانا اكتب ... :d030: بس خوش نومه لاول مره انام واصحي بدون توجع ,,, كاني ميته من مائه عام وصحيت علي صوتها .. تعطيني الموجز اليومي .. طبعا اخترعت سيناريو لتبرير جرايم الارهابيه للاسف انا جبت للعالم الاسلامي مجرمه حرب .. مقاتله شرسه .. لو سمع عنها .. نمور التاميل سابقا جندوها مافيه فرق بينهم ..<< قصدها بريئ صليت الظهر وتفاهمت معها وطبعا انا مكتفه ايدي رعبا وحاطه اصبعي علي ثمي ماعلق علي كلمه هي صادقه ماتكذب ولا تسوي شي حشاها اجوديه .. ماتقرط في البنات ولاتكفخهم .. تراها حمامه السلام ... يعني تسولف وانا ارجع اريوس لعالم السابق ؟؟ واتذكر الضحايا الي اكلتهم في طفولتي واقول هاهو التاريخ يعاد اقين ... بس للامانه انا ماكنت مجرمه مدرسه جنوني خارج الاسوار المدرسيه ... هذه هنا وهناك مفتريه .. ولا مالفه قصص درجه اولي سفرتني اشوه ماذبحتني وانهت دوري في مسلسلها الاجرامي .. الله يطول عمر امي .. ويقومها بسلامه ويجزي كل والدين خير.. الام .. الامومه ... هم يشفي ويشويك .. بريك |
اسرار ليست اسرار
من ماعنده سر الي الان ماقاله لاحد ؟؟
في فتره قبل انسلاخي من قيود ماما . واجبارها اروح المدرسه! وانتظر الباص غصب عني.. وترجع تنام ؟؟ هذا الي يحر قلبي ليش ينامون ؟؟ وانا اغبش واتثاوب واتعب واتعذب من حمل الشنطه ولا بعد واجبات وجاوب وان ماجاوبت بكس في وجهك والا القلم تدخل في خدودك .. ابلتنا فلسطينيه الظاهر تحسبني بنت نتن ياهوه .. يوميا تسمعنا جدول الضرب .. ولان جدول 3 معقدني في طفولتي التائهه في مقاعد المدرسه .. سويت وسيله كبيره فيها الجدول . وعلقناها في الفصل.. وكل ماتسال غشيت منه ورفعت اصبعي وجاوبتها :d030: اعتبرها سجن والمدرسات هم السجانات ... اولا الله يكرمكم: ممكن اروح الحمام .... . طبعا لا ..لسي الحصه بدات ؟؟ ممكن اشرب ماي ... طبعا لا .... استني الجرس .. ممنوع الاكل ممنوع العلك .. << كم مره نسيت وشافتني وابلعه من الخوف واجحد. ممنوع صندل .. ممنوع كوتش < ماصدقت اعرس وافتك منها ... العرس الجزء الثاني من المدرسه .. بريك ... |
فديت خوياي شاروخان وابهيشك واحمد عز
الراس شاب .. وشيّب الراس من شيّ = شيٍ خفا غيري وأنا ما خفاني
حسبي على حظٍ دفنّي وأنا حيّ = في عالم النسيان حظي نساني حظ الردى .. اللي جابني من جبل طيّ = ومابين جدران الكتيبه رماني متعلقٍ .. لاني بمشٍ ولا فيّ = بين اللجوج وبين وقتٍ جفاني حظي وضعني بظلمةٍ مابها ضيّ = وعشت بشقا مع ما بقى من زماني منصور الرمالي |
طفا الكهرب علينا ؟؟
والشاحن بيطفي .. شابكه من كنكت.. خاشتها للطواري هع ... نسيت الشاحن مالها طواري .. واليوم ربوع حزه ابليس بكره .. الخميسسسسس اوه ماي قود هي رباه هي بقوان ... الالهي السموات ربااه .. بايوووو دقوا علي طواري زين لابطيت عليكم |
مساكم كهربا واضواء والاهم مكيف تسعفكم من الخيسه
شخباركم... رجعت بعد اختناق جوي ... ماهو من الحراره بس ظاق خلقي
التلفزون مطاقق عليه طيور الجنه .. والا طيور ابليس .. تركت اليمل بما حمل مالي خلق احد ... حتي زي افلام بايخه افلامهم .. متي بس متي .... تعلن صافره الزفير لااتنفس الصعداء .. : بريك .. تنبيه تري مانسيت سالفه الجزء الثاني .. |
مساء الخير اتعذر عن العين الصغيرة الفضولية
واقفة عند الباب تسترق النظر كي تحظى بحكايات العجوز المتشابكة بأغصان ذاكرتها رائعة حروفك وهي تخربش على حافات الورق كطفل مشاغب بهية كلماتك كأمسيات الحنين. تحيتي واحترامي .. |
مساء الخير على احلا من تكتب بالمنتدى :
لو اعلق على كل كلمه تكتبينها ما يكفيني 300 صفحه ؟ بس بكتب بيتين شعر فقط احدن اذا مديت له طيبك يغيـــــب **** ما تملي عيونه كبار الفعايل واحدن يموت ان كان سويت به طيب **** يخاف ما يقدر يرد الجمايـــل وشكرا |
At3bNe GhLaK
( ضيف الــود ) اهلا وسهلا فيك لي الشرف بعينك تتابع خرابيشي .. الذكريات الشي الوحيد الذي نهديه لايامنا القادمهً .. الستُ محقهً .؟؟ منورنا كرر الزياره |
المتعجرف مساءك ورد
اقتباس:
وانا لو بجاوب علي ردك ابي معلقات تناد معلقات بابل .. مشكور جزيل الشكرْ صح لسانك مدد بلا عدد |
مساءكم ورد
والله تعكر جوي كنت خوش فله ..
كان هنا خلاصه واختصرتها في كلمه اووووفففففففففففففففف ............. يادبله الكبد دبلتااه .. |
| الساعة الآن 10:48 PM. |
|