|
تدري تخنقني العبره واحس اني وحيد .. لا قلت تامرني شي ؟ وقلتلي سلامتك !!
|
العمر رحله وتاليه القفا والهوى مره وتاليه الفراق وأبغض الحزات بالحب الجفا وأبرك الحزات لاشتد العناق وش هي الحيله بخلن ما صفا والصدر من سبت الهجران ضاق أعشقك وأشتاق وأدعي بالخفا لا تحسب ان الهوى كذب ونفاق جيت دار الزين لكن أختفا أنشد العالم بلهفه وأشتياق الجنون الي على حالي ضفا الخيال الي تعدا فالنطاق أتخيل صورته كنه لفا وأنشده ليه الهجر والعقل فاق يجهل العاشق وقلبه يعرفا كنها صدام والقلب العراق حبها مثل البحر ما تغرفا حب ما مثله ولا جاله طباق علتي بالوقت دمعن تذرفا في نهارن يجعل الساقين ساق ياسراجن في فجوج أرضي طفا جالسن بس احتري شق الزراق قول لي كانك مطول بالجفا أعتنز بالله وأعزم بالفراق |
الجديد ان الهموم أكثر من اول
والسعاده طيف يذوي كل يوم الجديد أنه خفوقي ماتحول.. حامل وده ولاعنده خصوم الجديد ان الحزن بالعين حول.. والفرح في نظرتي صارمهزوم الجديد أن الصبر طول و طول.. والحياه جهاد والدنيا عزوم الجديد ان الصديق اللي تقول.. ماصدمني مير مالي به لزوم |
الليا سمع فينا من الناس عذال لا يقطعون الوصل بينك وبيني ودامك سكنت اليوم في قلب رجال كبّ الكلام الي يجيك ويجيني والله لوّ قالو ترا فلان قد قال والله ما صدّق ولو شوف عيني ترا الغلا يدمح كبيرات الاعمال الا الخيانه دين شوفه وديني أشره وأعاتب وأن بدا صوت وجدال أشره مـ دام أني أبيك وتبيني يا صاحبي.. أفهم ترا العمر زوال مديت لك لجل التسامح يميني حبل الوصل لا تقطعه وأنت تحتال وتقدر من أبواب التسامح تجيني أقدرك وأهواك في كل الاحوال وأنت الوحيد الي لو أنه يهيجيني أدمحلك الزلّه ولا غلّك أشتال لنّك بحبك يا الغلا مبتليني يا صافي النيّه يـ بو حبّة الخال يـ بو عيونٍ لا غّفلت تحتويني ترا الجفى يا صاحبي منك وأن طال بصبر عليه ولي رب ٍ عويني أسمع ترا قلبي لغيرك فلا مال حبّك معي فالقلب لا أخر سنيني وأسمع بقول اللي كتمته من ليال من سبته يضهر عرق في جبيني وأسمع ترا شطر ٍ فرض حقه وقال قلبي يبي قلبك وقلبك يبيني |
يطـيـح جـفـن اللـيـل واهــز كـتـفـه
نـجـمٍ يـشـع وبـاقـي اللـيـل مـطـفـي واحاكي الجدران عن وصف غرفه ماتشبـه الجـدران ويطـول وصـفـي وتملنـي الجـدران واظهـر لشـرفـه تحـت السمـا واسكـر البـاب خلـفـي ريـحٍ تهـب وتسكـن العـظـم رجـفـه وتموت ريح وتسكـن اوراق نزفـي على الروابـي تهطـل دمـوع وطفـه وتصب لمع بروقهـا وسـط طرفـي ياطـاري الغـدران والعـمـر رشـفـه مــع قلـهـا ياليـتـهـا يـــوم تـصـفـي الحـب واجـد ميـر الاقــدار صلـفـه والأرض واجـد لكـن الحلـم منـفـى واللـي اعرفـه راح ماعـاد اعـرفـه ولاظـن يذكرنـي الـى أقبلـت مقفـي ماهـو حبيبـي مـورد القـلـب حتـفـه ولا هو حبيبي يفرح بوقـت ضعفـي مــر ثـمـر هاللـيـل وأمـــر قـطـفـه يالحنظـل اللـي قمـت اذوقـه بكـفـي متى الشـوارع تجمـع اثنيـن صدفـه لا صـار شـبـاك المواعـيـد مجـفـي يابـنـت تــو اللـيـل مــاراح نصـفـه وياليل بعض اللي مضى منك يكفي |
1 أحيان تحكمنـا ظـروف المقاديـر ونعيش نِرْدِف همنا ركـض الأيـام 2 أما غنـاة الـذات ولا مخاسيـر؟ وألا بنينـا بالوهـم كـل الاحـلام 3 وألا رزقنـا الله بوضـح الاباكيـر اللي تطس اعيون حسّـاد الانعـام 4 اللي عيونه كنهـا ثُقْـب أزاريـر وينكس من الجو طيره ليـا حـام 5 أيام ضاعـت مالهـاأيـاة تبريـر ضاعت وكبت خلفها شخص منضام 6 عزاه ياعقـل الشقـا والمشاويـر ياكيف ترجع بي ورا عدة اعـوام؟ 7 وأنا سجينٍ بيـن حلـم وتفاكيـر ومجدولٍ وقتي مـن الـزام للـزام 8 والقلب ترقص به مشاعر فرافيـر ابقيتها رهـن المصالـح وصيّـام 9 واجبربتها مع عقرب الساعة أتسير حتى ماصِرْ بعين واعـض ببهـام 10 وابعدتها عن شفهـا دون تفكيـر بعيد عن حاسد وعـن كـل نمـام 11 الله ياوقتٍ مضـى وانقضـا ميـر ماعاد يرجع سيلـه يسيـل قـدام؟ 12 لين التقينا فـي زمـان التحاسيـر ومعايشينـه عيشـةٍ كلـهـااوهام 13 والقى بنا في حفـرةٍ كنهـا البيـر قاعٍ صفا ومن جالها وسطها اركام 14 ياوين كنا وكيف حنا نبـا أنصيـر مايعلم الا من عَلِمْ وسط الارحـام؟ 15 ماغير اصابر وأتصبـر بتصبيـر جرعة صباح وجرعةٍ قبـل مانـام 16 وافكاري بعقلـي تناجيـه وأتحيـر وتعود بـه لايـام مـرت بدرهـام 17 يوم ان وقتي ضمر الـود تضميـر مع طفلةٍ يخضع لها الحسن ماقـام؟ 18 وليا ادلهم الليل تضـوي تباشيـر حزة لقاها والعـرب كلهـا انيـام 19 وليا التقينا فـاح عطـر التعابيـر كلٍ يعبر عن غـلا قلـب واهيـام 20 وارواحنا تمطـر غلاهـا نوافيـر واتزف عشقٍ يلتمس حد الإلهـام؟ 21 الله يرد العز يرجـع علـى خيـر وتعود لي بالخيـر هذيـك الايـام 22 وانعم بحلم ٍ وسط قلبـي نواويـر بعيد عن حاقد وعن شلـة اقـزام 23 في صحبة اللي خدرالقلـب تخديـر وعن حب مثله من غنادير قد شام 24 في جو مابه غيـر ذود ومداويـر بعيد عن جو الحضـاره والاوهـام 25 وليا خذينا وقـت جونـا مساييـر امـا قرابـه او نسايـب واعمـام 26 هذا طموحي مع ظروفي وانا اصغير في صورةٍ من غير فلـم ٍ ولا كـام 27 وكان الزمن دق بخوفقي مساميـر هم ٍاشيله خير مـن فِكـر هـدام |
يا ليت ربي ما خلق .. حب وفراق ** وإلا خلق حب علـى غيـر فرقـا
|
اقتباس:
|
اقتباس:
|
أنا ما كنت....احسب
إن القلوب الساهية......تشتاق ولا كنت .....أحسبك قي يوم تجي وتحرك أشواقي |
| الساعة الآن 10:58 AM. |