|
اقتباس:
كل عام وانت بخير عساك من العايدين والسالمين تقبل الله منا ومنكم صالح الاعمال ان شاء الله مشكور وماقصرت ع التهنئة الطيبة دمت بخير شمس القوايل |
الأصيل كطيب العود تفوح منه رائحة الطيب وإن مر الزمان عليه يزداد طيبآ اللهم يامن بيده تدبير الأمور. يارب البيت المعمور إفتح أبواب السرور لقارئ هذه السطور وإجعل في وجهه نور وفي قلبه نور وأغفرله ياغفور بفضلك وكرمك ياعالم بما تخفى الصدور وأسأل الله تعالى أن يديم عليكم راحة المتقين وسعادة المؤمنين ودعاء الصالحين وأجر الصابرين وأن يغفر لكم ولوالديكم🌹 |
غصبه نرد إلك الخطا ببتسامه نكتم مشاعرنا على شان نرتاح وإن بان في وجه المعنّى علامه غصّة الم داخل القلب وجراح ماهي ضعافة نفس والا رخامه تقدير عمر(ن) قد قضيناه وأن راح |
كسّرت انا الصوره وشقيت الاوراق حتى من الجوال شلت الرسايل ماعاد لي قلب(ن) على الخل يشتاق وأصبحت عن درب المُحِبات مايل |
الله يجبر كسر القلوب����
|
اقتباس:
ماينكسر قلب الوفي قلبه الحي مادام طيبه مسعده في حياته من فارق الظلما ومرتاح بالضي يرقد وهو متهني(ن) في مباته |
مومهم إنك تعذَّر من خطاك ولايهم إنك تجي مشتاق لي المشكلة قد بان لي منّك جفاك اعطيك شي ولا يجيني منك شي تدري من أسباب الجفا قلبي نساك واصبحت ميّت منت في دنياي حي تحسب إني لامشيت امشي وراك اتبعك وأمسك في عباتك بِيدي منت الوحيد اللي على الرّقَه خُطاك ومنت الذي له فضل محسوب(ن) علي |
اقتباس:
تشرّهت وسلمت من النوايا عرفت ان البشر ماهي سويّه صحيح إن العرب ماهي سوايا ولا كل اسم قد طابق سميّه زمان الذيب قد روّح ورايا مع الاجداد في وقت الحميّه ولابه غير نيبان الحيايا سموم الصبح وتسمّك عشيّه صحيح الطيب له وقت ونهايا ويبقى الشر فنفوس(ن) دنيّه وانا غلطة حياتي في بدايا صبرت وقلت عادي إني ضحيّه اغظ الطرف وفي جوفي شكايا وارد النفس عن درب الخطيّه احسب إن الوفا يبقى معايا يرد الذيب لا ياكل خويّه واثاري الوقت قد خيّب رجايا تغيّر والعرب ماهي وفيّه |
تحدَّر دمع عيني واشتكيته على قلب(ن) يُهاب من الرجاله لاني خابر(ن) قلبي واعَرفه يفز إليا هدب عيني شكاله كرهت الدمع لجلنه مذله ولوهي دمعة الرجل إفعياله عسى من راح تلحقه الخساير واشوفه ضايع(ن) حاله وماله انا من عقب جزلات العطايا وفيت الطيب واوفيت الجماله يقفّون الرخوم اليوم عنّي يحَسْبون الغضب مني سهاله وانا ماهمّني راحوا ولا جوا ولو بي جرح انا عندي دوى له وباكر ترجع الايام واسمع شِكِيّت من قطع عنّي سؤاله |
اقتباس:
|
اقتباس:
وانكشف صبح الليالي يوم حل شروقها جاك علم اللي وفا ياعرق معقودٍ وخان مايسيل الدم فجساد الحطب وعروقها |
اقتباس:
فهم وغم وعلومٍ كثيره:z34: |
|
من روائع إبن جدلان من ينكرون الجمايل لايهمونك وردود الأفعال منهم لا تغاربها حتى لو أعطيتهم وحدة من عيونك قالوا هذي عينه اللي مايشوفبها |
اقتباس:
وله وقفه سبب منها استحالت رجوع إنفوسٍ لي ماهي نقيّه تقنّع بالذي شالت وقالت تقنّع بالذي شالت وقالت تقنّع بالذي شالت وقالت تقنّع بالذي شالت وقالت وشيل الحمل وأعصابك قويّه |
ليه غبـتي ليه حطمتي حياتي ... ... ليه غيرتي طريقك عن طريقي ليه يوم أني غمرتك في حناني... ... ليه غمضتي عن الشوق الحقيقي ماعرفتي الياس وش سوى بحالي... ...ما اعرف من هو عدوي من صديقي ماعرف غيرك و لا يملى عيـوني ... ... غير زولك يامنى القلب الشقيقي ما قدرت انساك حتى لو دقيقة ... ....أذكرك و أنسى من اللوعة شقيقي منقووووووول |
- خط النهاية - هذا هو خط النهاية كيف نبدأ من جديد كيف ترجع لي حياتي دام خطّيتي النهايه كيف أعيش بدون روح ودون دم(ن) فالوريد ودون قلب(ن) به حياه ودون احبابي معايه حسّي في لوعة خفوق(ن) صاح لجل إنك بعيد وحسّي بجروح(ن) تزايد يوم ضيعتي دوايه حسّي بالعاشق يموت ولا يحسبونه شهيد يموت مذبوح(ن) يحب ولا يودونه عنايه |
تجري الرياح وهذي السُفْنِ تجري والعمر يمضي مايعوّد لماضيه ولكِل عبد اعمال وكتاب مقري حقه يجيه ولازم الدين يوفيه والعمر يفنا وانت فالحَبْ تذري والطلع ينبت لالقى حي يسقيه بكتب معانيّه وانا الرب يدري عالم الأسرار والكون مجريه يعلم بماشلته وماشال صدري من لي سواه إليا تعثرت برجيه وآرجيييك ياقافي توفّي في شعري وإليا قصربي شي تكفى تغطيه مدام جيتك والقَلَمْ حيل مبري والخط له معنى بخطّه وابا اعنيه انت الدليل العاقل وشلت قدري تفزع لياجيتك ولي علم مبدِيه شيٍ في نفسي لا تذكرت يطري والبال كيف إليا تذكرت ابا الهيه اسرح مع الهاجوس فالليل وأسري محدٍ قضى ليله كما ليلي اقضيه اذكر زمانٍ طال انا فيه صبري مرّت ليالي العُمر ماني بناسيه راحت سنين وراعي الصبر يدري يدري عن الأحوال والطرف مغضيه ياما على الزلات والطعن غدري اصبر وأسجل وأنسى ماصار وامحيه الطيب مربى والعفو صار مغري إليا عفيت يزيد من كنت تعفيه والنَّاس تبغى وإن تعذّرت عذري محدٍ يباه ولاهو العذر مرضيه بقفي عن الجاحد على الله أجري واللي نفى بجحود بالصد بنفيه نذرٍ عليّ ونذر لأوفيه نذري دربٍ تركته ماني اليوم ماشيه هذي طبوعي ماهو الطبع مكري واللي زرعلي الشوك بالكف يجنيه يالله ياوالي وبيديك امري ياللي ليا ضاقت على العبد يدعيه ادعيك تلطف في زماني وتبري علة صويب الغدر يالله وإنجيه ياعلمٍ بثقال من فوق ظهري تعلم بما نظهر وما احنا نخفّيه تغفر ذنوبي كان قد زاد وزري ياللي تميت الحي من ثم تحييه |
ابيات ليست موجهه
لشخص ما بوح فقط البااااارحه قابلت جرحي وهلّيت أهلاً بجرحي يوم قد كان فيّه ينشد عن أحوالي اذا أصبحت وأمسيت وإن كان حالي مثل ماهي هيّه طمّنته إني عايش إب خير ونسيت والقلب مسقي طيب وإزداد ريّه ماعاد انا اذكر شي مادمت صديت والشمس مالت وأصبح الوقت فيّه طبّي عَرفته يوم انا طبت واشفيت نفسي وإلها الحق مادام حيّه ظفري فكفّي وإبه انا الجلد حكّيت شيٍ ومنّي عاد بالنفع ليّه ياما عشان الحب والشوق اشقيت قلبٍ تَقَلّب بين هم خطيّه وياما على شان المواليف ضحيت خلّي عطيته عُمر وتزداد غيّه وياما على خدّي من الدمع صبيت دمعي كواني كي من فوق كيّه قلبي ذبحه الشّوق والعشق وأذّيت نفسي بحبٍ شفت انا له اذيّه واللي مضى ذكرى تقفّت وياليت ماراح يقفي قفيته دون جيه حاله فحال ودام انا فحال حليت احلى حياة تعيش حاله هنيّه |
الحمدلله جيتكم والقلب طيّب جيتكم وافي عقب طول الغياب هو صحيح إمن الكبر راسي مشيّب شيبي ابيض ناقيٍ مثل السحاب في وصوفي غيث ومزونه قريّب سيّل الوادي ليا علوُّ الهضاب |
ممكن تتصل فيّه - انا مشتاق لك بالحيل اقلّب صفحة الجوال وأقرا في رسايلنا واناظر صورةٍ مرّه رسلتيها على الإيميل صورة كانت إلعشّاق هزُت في مشاعرنا وكانت في براد وثلج وامطار وسحاب وليل وكفوفٍ تلاقت بالدفا وتقول ذا حنّا خيالٍ عانق القمرا وطاول في مداه سهيل انا وش حالتي دونك ليا غاب الوصل عنّا أقلك كيف احوالي - انا اللي مابقابه حيل انا اللي مافرح لحظة غيابك عنه وإتهنا انا مثل الكسير اللي وقف ثمّن حداه الميل له غايه على المقصود ياصلها ويتعنّا يبا عمره فطيب زهور واشجارٍ سقاها السيل وغصونٍ تميل بشوق لاجيتي وتتدنّا انا لك كيف ماكنتي ولا ارضى فيكِ التبديل بكتب في هواكِ الشعر لجل فيوم يتغنّا |
اقتباس:
|
حمدت الله على ماقد حصل لي وانا ماني على المقضي مخيّر اسير ولا معي دربٍ مدلّي خلقني الله في امري مسيّر افكر فالسنين اللي مضنلي سنين إب طيبتي فيها معيّر يعيّرني ضعيف الحالي باللي ورثته بالفَخَر ماهو مغيّر ياكيف اللي رعى القاعه مفلّي يعيّر حُر فالعالي مطيّر يمينه ناقيه في كل حِلّي حلالٍ صافيٍ ماهو مبيّر وانا من كثر ماقد هو حصلّي بصد وعادتي لا ماتضيّر مدام العُمر بسنينه مولّي بنور الدين والصّبر آتنيّر |
قلت لك هذا كتابي - قلت لك فرقاك عيد لاحكيت القول انا ممسح ولاغيّر كتابي قلبي أحياناً أعرّفَه أقسى صُلب الحديد مايهمّنْ الخساير لو تِصَفر لي حسابي المكاسب كود ترجع في حسابي من جديد كود بنسى في هنايه ماكتبته في عذابي دام انا ماشي بقرّب كل شيٍ لي بعيد والرِكاب بحُر مالي مشتري خيرة ركابي والزمن يمضي وحِنّا به نفيد ونستفيد مرةٍ نشرب زلال ومرّه إنطارد سرابي ومرّه إنداوي صويب الحال ونضمّد وريد ومرةٍ أضعف ولا ادري كيف انا داوي صوابي |
هذي السنه والحال غير ، مختلف عن كل عام لو سألت الناس قالوا زاينٍ فالعين حالي والمشاعر جوف نفسي لا ضجيج ولا زحام ولا هموم ولا عنا واعصاب انا مرتاح بالي والصحيح احيان ودّك تكتفي رد السلام تبتعد عن قول منهو عاش في قيلٍ وقالي وإتركه مابين ضيق وغل مع قلبٍ يضام خلّه أسفل في مكانه وانت لك منزالي عالي |
ماتهمّن الرسايل ولا تهمّن الطعون لو تغيّر رقمك اللي نِعرفه إب نِعرفه اضحكتني زلِتِك بالقول ياضعف اللحون ليتك أخفيته جميع ولا تبيّنلي إطرفه |
صح لسانك استاذي
قصيدة رائعة من شاعر رائع تحياتي واشواقي |
اقتباس:
السلام عليكم ورحمة الله وبركاته ياهلا وغلا نورت استاذنا الغالي تشرفت بمرورك وانرتنا بتواجدك لك شكري وتقديري |
مرت سنين الود وحنا واضحين ماتغيّر نهجنا اللي نكتبه ياكثر عَد الليالي والسنين والعُمر لوهو كِبر مانحسبه |
نايف الشريف متصفح ثري بمفردات جميله وبوح عذب صح لسانك وسلم بنانك دمت راقي الحرف مهاجره |
اقتباس:
السلام عليكم ورحمة الله وبركاته الاخت الكريمة مهاجرة الإثراء تشريفك لمتصفحي المتواضع كل الشكر والتقدير على مرورك الكريم |
إسمحيلي قلت أحبك - وإعذريني في خطاي غلطةٍ بحروف خطٌي جات في عرض الرسايل كنت ابا اكتب لك حروف إب عزف اوتارٍ وناي ألحان جا فيها حِزن وعيون فيها الدمع سايل وأستعيد من السنين آلام وهموم وعناي أيام لي فيها شقا وأيام فيها الحظ مايل ويا كيف انا أخطيت المعاني بيّن السر وهواي وإنكشف في حرف واحد - شوق لك فالقلب هايل |
وقّفْ تلفّت حولك اليوم من فيه؟ وإذكر زمان ووقفتي دوم حولك باعك ضعيف(ن) كنت بغرور تشريه روّح مِعه زوله ولا شاف زولك ياما نصحت وقولي لاقلت عفتيه بالعند شفتِ الصح لا قلتِ قولك واليوم هذا الحال من فعل ماضيه وين العرب من حولك اللي وشولك |
سلام ياقلبٍ نسى من بعد مامره قسى من بعد هزته الرياح إرتاح من هم ورسى |
احيان تكفيف الرسايل . كِن لك عين وتشوف تاصلك مثل الوضاح - وشمس ماهي تختفي وأحيان ماينفع كلام ولو توفيه الوصوف لو يطول إبنا مقام الحق يحرفه النفي وش حيلتي وسلاحي ماهو إلا حروف كلمةٍ بالحق من قلبٍ وفي هو صحيح إنّي شديد مير ماني اللي عيوف آقف الوقفه بحق وثم اعوّد مكتفي وأنسى وأصير الحاني الوِد العطوف اكسي اللي من حواليّه ثيابي ومعطفي |
الا يامسافر الدنيا خلت بي وانت ليه إبعيد اعيش الوقت بين الناس كنّي عايش إلحالي فقدت القرب والشوفه وحتى في ليالي العيد اعيّد خالي إلوحدي ماغير الصوره إقبالي اناظر صورتك فألبوم ذكرانا واحببها واعيد اعيد الذكريات اللي ماراحت يوم من بالي انا لا ابعدت عني كيف انا ابدى من جديد إشلون أبحيا وانتي ماضيّه وحاضر عمر وبالتالي |
مادام شفتوا صورتي والماضي عوّد من جديد هو أنا باقي - وحالي وقفته وقفة جبل ما أغيّر دوم طبعي لا اميل ولا أحيد ماضي وحاضر وانا اللي باقيٍ إليا قِبَل |
لله حكمة في تصاريف الأيام والناس تمضي والزمن ماتغيّر نمشي مع الأقدار في مَد الأعوام محدٍ على مقسومه إن جا مخيّر نمشي وحِنّا عيننا دوم قدام والدرب به حِكمه وكلٍ مسيّر محدٍ على مقسومه إيزيد بأقسام حقك وقسمه الله لك لا تَحيّر من قبل خَلقك قِد تِجَففن الأقلام والصُحْف جفّت عِلم والعلم نيّر وياللي تسوق السِّم وتثير الألغام عمره كبير وفعله إن جا صغيّر الموت عنده قرش يظهر للأرحام في وقفة المعروف دايم معيَّر كفّه طويله بالحكي قول مِقدام وعند الفِعِل لاشك كفّه قصيّر الطير لامن حط حوّل على اقدام وإن طالت الوقفات لاشك يطيَّر نكشِف حقايق فِعل والعود منضام شفته بشوف العين يومه تضيّر رجلٍ يصوم إن كان به لحم وعظام يطرد صحون القوم خايف تديَّر يالله لك شكري وبحمدك وإلزام احمدك في وقفات لي ماتِجيّر ياما وقفنا وقفة قروم وشهام وقفة رجل بالطيب ظاهر وخيّر |
إسمحيلي قلت أحبك - وإعذريني في خطاي غلطةٍ بحروف خطٌي جات في عرض الرساله أحسبن الوقت يمضي وآتهنا في خلاي واحسبن القلب يسلى مير اشغلني سؤاله ينشد عيوني عن اللي كان فالطرقه معاي وين راح ووين غاب وليه مابيّن وصاله غلطتي لامن مشيت الدرب ما ناظر وراي احسبن الناس كلٍ لاهي إب نفسه وحاله واثرها الدنيا تدور ومامضى ملزوم جاي من مسح ماضيه لحظه من نظر عينه وباله؟ |
سبق النشر ممكن تتصل فيّه - انا مشتاق لك بالحيل اقلّب صفحة الجوال وأقرا في رسايلنا واناظر صورةٍ مرّه رسلتيها على الإيميل صورة كانت إلعشّاق هزُت في مشاعرنا وكانت في براد وثلج وامطار وسحاب وليل وكفوفٍ تلاقت بالدفا وتقول ذا حنّا خيالٍ عانق القمرا وطاول في مداه سهيل انا وش حالتي دونك ليا غاب الوصل عنّا أقلك كيف احوالي - انا اللي مابقابه حيل انا اللي مافرح لحظة غيابك عنه وإتهنا انا مثل الكسير اللي وقف ثمّن حداه الميل له غايه على المقصود ياصلها ويتعنّا يبا عمره فطيب( زهور )واشجارٍ سقاها السيل وغصونٍ تميل بشوق لاجيتي وتتدنّا انا لك كيف ماكنتي ولا ارضى فيكِ التبديل بكتب في هواكِ الشعر لجل فيوم يتغنّا |
| الساعة الآن 11:55 PM. |