|
البارت الخامس والعشرون "
قالت بهدوء وهي منزلة راسها : السلام عليكم الكل كآن مصدوم من دخول مزون عليهم وبهاللبس ..!! أم سعود وقفت وبعصبيه قالت : وش جابك هني وش تبي منا ؟ الجدة وقفت بصعوبه وجهت كلامها لأم سعود : نهى وش فيكي ع البنت "والتفت لمزون وبحنآن " إدخلي يمه إقعدي البيت بيتك أم سعود بقهر : البيت بيتها ؟ هذا بيتي يا خاالتي ولا تبي تاخذ مكاني وأنا حيه الجده بقهر : بيت ولدي هو بيتي "أقعدي يا مزون مزون قعدت بهدوء وهي متندمه إنها طاوعت سعود ووافقت ع فكرته السخفيه "!! أم سعود ناظرت مزون بقهر وطلعت فوق مزون حز بخاطرها كثير مكان مو مرغوبه فيه نهاائي يالله إنك تسير الأمور " الجده إلتفت لها بحنان وناظرت ع وجهاا في بوجهاا لمحة حزن مسحت ع شعرها وقالت بحنآن : يمه مزون فيكي شي ؟ مزون بقلبها كل اللي فيني وتسألني إذا فيني شي "إبتسمت ببرود : لا يا خالتي تطمني مافيني شي البنات نزلوا من فوق وقفوا عند الدرج كلهم وشافوا صدق مزون عندهم ريف والبندري نزلوا برجه وهم يركضوا وراحو لمزون وحضنوها ريف وهي حاضنتها همست لها : الحمدلله ع سلامتك ميمو ومحد عرف إنك رحتي المخفر غير انا وسعود مزون همست لها : الحمدلله البندري : وأخيراً رجعتي مزونتي إشتقنا لك حييل "( الجده إلتفت لغلا ورند : وإنتوا تعالوا سلموا عليها وش تنتظروا غلا ناظرت رند اللي صدت وشاحت ووجها بغرور نزلت بستسلام ومدت إيدها من غير أي تفسير : شلونك مزون ؟ مزون إبتسمت : بخير غلا وإنتي كيفك ؟ غلا سحبت إيدها : تمام وراحت جلست الجده ناظرت رند : وإنتي تعالي سلمي رند رفعت حاجبها بغرور : السلام حتى غصب مابي اسلم عليها كيفي >< وطلعت فوق بخطوات سريعه " الجده بقهر : قليلة الأدب جد يبي لها تربيه من أول وجديد ريف : ماعليكي منها جدتي "والتفت لمزون اللي كانت واقفه ومسكت إيدها وجلستها " ها مزون تغيرت معاملتك مع سعود مزون نزلت راسها : إمممم إيه تغيرت معاملتي معه وصار يعاملني كمان بحترام شوي ريف : كويس , وهو وينه ليه مادخل ؟ مزون بستغراب : ماتعرفي إن رح نتزوج اللحين راح يجيب الشيخ ؟ ريف فاتحت عيونها : صــــــــدق وليه ماقاللي "والتفت للبندري اللي كانت قاعدة مع غلا ووقفت " بنو تعالي معي فوق بسسرعه أم نواف : وش فيكي يا ريف ؟ ريف : ولا شي خالتي بس بنسوي شي وبننزل " والتفت لمزون " وإنتي مزون يلا معنا مزون وهي محتارة ": آءء لاء خلاص ابقى هنا ") ريف مسكت إيدها : لاء بتجي معنا فوق يلا أشوف إمشي معي .. طلعوا ريف والبندري ومزون بمكآن ثاني بالصاله " سارا وهي تناظرهم وهم طالعين وكانت مركزة ع مزون ألتفت للنوري : تعرفي نوير تهبل هالمزون مثل اللي بالافلام الاجنبيه يخرب بيتها وش تاكل هاذي حتى كذا جسمها ملفوف لف .. النوري : سارا قولي ماشاء الله سارا : وش يعني بحسدها ؟ تطمني عيني مو حارة النوري: ولو العين حق سارا طنشت : بس يختي أخاف فهد يقعد يفكر باللي يطلعون بالافلام وتعرفي إنتي فهد عيونه زايغه النوري كاتمة ضحكتها : اها وإنتي وش بتسويي يعني ؟ سارا : أكييد ماراح أخليه يشوف أفلام , وكل يوم بتكشخ عشان لا يطالع غيري النوري : ههههههههههههههههههههههه سارا ناظرتها بقهر وسكتت رن جوال النوري رفعته وكان الاسم خالد :$ بلعت ريقها وتوترت وضمته بين إيدينها وماردت سارا ناظرت عليها : ليه مارديتي ؟ النوري : هاذي وحدة غثيثه معي بالجامعه ومابي ارد عليها سارا سلكت لها : أها شوي وصلها مسج فتحته وناظرت سارا "وكآن مكتوب فيه " النوري حبيبتي أبيكي بموضوع ضروري قبل الزوآج والملكه إذا فاضيه قوليلي متى امركم " سارا قرئت الأسم وقالت ببتسآمة خبث : بنت معك في الجامعه ها .؟ النوري ناظرتها وزفرت بقهر وطلعت فوق إندق الجرس والخدآمه رآحت تفتح " دخل سعود ومعه الشيخ ودخله مجلس الرجال .. الجدة : هذا سعود إللي جاه لازم راشد يكون موجود أم جرآح : إيه بكون عرس ولده ومايحضر سارا : وش هالعرس يمه اللي محد يدري عنه دآمه سعود متزوج غصب عن آمه يخلي كمان اسبوع ونجهز البنت الجدة : خلاص هذا اللي ولد خالك يبيه وتعرفوا سعود لا قال كلمة لازم تصير فجأة سمعوا صوت أغآني عاليه والموسيقى صاخبه الجدة نقزت : يا ويلي وش هالاغاني من وين الصوت ساارا ضحكت : هههههههههههه جدتي هذا منن فووق الظاهر المهبل ريف والبندري مشغلينهم ام نواف : روحي ياسارا قولي لهم يقصرون الصوت تحت في رجاال سعود طلع من مجلس الرجال بسرعه وسارا تخبت ورا أمها وقالت : يمههه سعود إنتبه إنه مدرعم وهي حريم بالصاله : أسف ما إتتبهت وغض نظره وطلع فوق بسرعه سارا ركضت ولبست عبايتها وتلثمت وجلست |
سعود طلع فوق لقى ريف مزينه الصاله ومرتبتها وشكلها متغير 180 درجة
سعود قال بعصبيه : خير خير وش هاذا وين إحنا جالسين صوت الاغاني واصل لاخر الشارع ع بالك بديسكو حنآ ؟ ريف خافت : أعصابك سعود الحق علي أجهز وأرتب لعرسك إنت ومزون سعود : اوكي ماقلنا شي بس قصري ع صوت المجسل والله حاااله ونزل تحت وريف قصرت ع صوت المسجل وكملت هي والبندري ترتيب بغرفة أم سعود كانت تصرخ ع سلمآن : يعني أنا أخلص من مصيبة أخوك سعود تجي إنت تقولي بسافر يمه سلمان وهو يفهم أمه : يمه حبيبتي إفهميني أنا هنا الشغل مايناسبني فكرت كثير بس لقيت برا أحسن حل صدقيني يمه أم سعود بطفش : أوووه برا وبرا وش فيه برا فرق عن هنا وش تحبوا ببلاد برا ماغير تجينا منها البلااوي ووجع الراص "والتفت له وقالت بنبرة تهديد " إسمعني يا سلمان سفر برا الديرة كلهاا ماافي أنا ماصدقت تجي وتستقر وتشتغل بشركة ابوك تبي تسافر وتبعد من جديد كافي سعود أخذ بنت إبليس غصب عني إنت كمآن بتسافر غصب عني سلمان تنهد : يمه هاذا مستقبلي وحياتي ودراستي وتقوليلي غصب عني "وبعدين مالي شغل بسعود سعود حياته وهو حر فيها وأنا قلت لابوي وقاللي برآحتك وبكرا العصر مسافر وطلع من غرفة أمه أم سعود تنهدت بقهر وجلست ع الكرسي اللي بغرفتها : يارب تصبرني على هالاولاد .... بمجلس الرجال .. كان الشيخ وسعود وابو سعود اللي توه واصل يتكلموا ويسولفوا الشيخ : المهم يا ولدي يا سعود "خلاص إنت وقعت اللحين دور العروس سعود وقف وأخذ الدفتر وطلع من مجلس الرجال " فــوق وبالتحديد غرفة رند " كانت رايحة جايه ومنقهرة كمان دقايق وسعود بتزوج مزون ياربي وش بإيدي أسويه أسوي أي شيء بس مايتزوج هالمزوون " فكرت وسرحت شوي باللي بتسويه ووقفت : واالله فكرة راحت ومسكت قارورة العطر اللي ع التسريحه وغمضت عيونها ورمتها ع الارض وأخذت وحدة من بقايا القزاز اللي ع الارض وجرحت إيدها وفتحت عيونها وصارت تبكي من كمية الدم اللي تنزف من إيدها وبعدين صرخت : ريييييييف غلاااااااااا يمممممممممه لحقوووني ريف اللي كانت هي والبندري بالصاله سمعوا صراخ رند تركوا اللي بإيدهم وركضوا لغرفتها ريف فتحت الباب وشافت أختها طايحة ع الارض والدم ينزل من إيدها ركضت لها وقالت بخوف : من سوى فيكي كذا ؟ رند وهي تبكي من الدم اللي ينزل من ايدها : أنكسرت قزازة العطر من ايدي وجيت بلمها انجرحت البندري عيونها دمعت من شكل رند ونزلت تحت وهي تصارخ : ألحقوا علي رند بتموووت بتموووت الكل وقف وهو خايف من الكلام اللي تقوله البندري وطلعوا فوق توه سعود كان طالعه من الغرفة اللي كانت فيها مزون والنوري وغلا بعد ما مزون وقعت وصارت زوجة سعود ع سنة الله ورسوله سمع الصراخ وراح غرفة أخته رند بما إن شافها مفتوحة والكل فيها وشاف الدوم حوالينها قرب منها بخوف : وش فيها من مسوي لها كذا ؟ ريف : ءء كأنت بتلـ .... سعود دفها : بتشرحي لي قصة حياتها عطيني عبايتها بسرعه يلا ريف جابت عبايتها ولبستها هي وسعود مسكها ونزلوا تحت وام سعود طبعا سمعت كل شيء ولحقتهم وركبوا السيارة وتوجهوا للمستشفى كانوا نازلين كلهم من فوق وقعدوا بالصاله .. الجدة : لا حول ولا قوة الا بالله بس , وش سوت بنفسها هالبنت ريف : مو قصدها يا جدتي جات بتلم القزاز قامت إنجرحت الجده : وإنتي مصدقه إنها إنجرحت دون قصد يا ريف ريف سكتت بعدين قالت : شلون يعني ؟! أم نوآف تكلمت وأنقذت الجده لا تقول شيء اللحين يخلي ريف تحقد ع أختها : إحنا نستأذن يا ريف بنروح البيت ريف : ليه يا خالتي خليكم تو الناس أم نواف وهي تاخذ عبايتها اللي ع الكنبه : لا يا بنيتي خلاص الوقت تأخر الساعه بتصير 1 واللحين عمك رجع وما لقانا البندري وهي تستهبل : جوليت ماتقدر تترك روميو ريف كتمت ضحكتها ع وجه ام نواف االلي تتوعد للبندري الجده : إستحي يا البندري وش هالكلام ام نواف : خليها تقول اللي تبيه بالبيت اوريها شغلها " يلا اشوفكم ع خير وطلعت هي والبندري والنوري أم جرآح : يلا وانا كمان أسئذنكم جرآح ينتظرني برا الكل : مع السلامه سارا أخذت جوالها : بتصل ع فهد أشوف وينه ريف التفت لجدتها : جدتي نامي عندنا اليوم البيت مافي غير انا والخداماات وسلمان شوي وبيجي ورح ينام غلا : إيه يمه تكفيين خلنا ننام اليوم هني الجده بستسلام : خلاص ننام ريف باست جدتها : فديتك يا اطيب جدة بالدنيا كلها رن جوال سارا وكان فهد : ألو إيه حبيبي أوكي دقايق وأطلع . سكرت الجوال وحطته بالشنطة وقفت : يلا عن إذنكم وباست راس جدتها وطلعت ركبت السيارة وقالت : السلام عليكم فهد أستنشق ريحة عطرها : الله تو ما نورت السيارة سارا إبتسمت : واول كانت مظلمه فهد قرب منها وابتسم ابتسامته اللي سارا تحبها : أكيد لأنك ما كنتي فيها سارا : بس نورك كافي عليها مع نوري انا بتنحرق فهد : ههههههههههههههه "ولف عشان يسوق " المهم تزوج سعود ؟ سارا تنهدت وتذكرت : إيه المسكين ما تنهى رند إيدها انجرحت ووداها المستشفى فهد : مسكين ماعنده حظ لا هو ولا مزون سارا التفت عليه : وش عرفك بإسمها فهد : من هي .؟ مزون ؟ سارا : إيه مزون فهد : الله يهداكي بس .! كيف مابعرف إسمها واسمعك تقولي عنها سارا : أها . طيب ما شفتها فهد ألتفت بستغراب بعدين ناظر الطريق : اشوفها وين اشوفها ؟ سارا : مادري بس أسأل ؟ فهد : لاتطمني ماشفتها ولا اعرف عنها شي غير اسمها سارا ابتسمت وتطمنت رن جوال فهد وكان قريب من سارا مدت إيدها قبله وردت فهد عصب من هالرحكة ويأشر لها بعصبيه تعطيه بس هي طنشت وردت وكانت ساكته تبي المتصل يبدأ : ألو فهود سارا تبلمت من الصوت وقالت : ألو من معي ؟ عرفت إن صوت زوجته فسكرت ع طول سارا رمت الجوال لفهد : من هاذي اللي تقولك فهودي ؟ فهد أخذ الجوال بعصبيه ولقى الرقم غري وقف السيارة بسرعه غريبه حتى سارا خفت من سرعتها ورجعت لوراء فهد : من سمح لك تردي ؟ كم مرة قلت هالحركة السخيفه اكرها ؟ سارا : اكيد كشفتك انت وحبيبة القلب فهد : اي حبيبة قلب ماتحسي مزودتها بالكلام رقم غريب واتصل علي واكيد احد غلطان سارا : ياسلاااام غلطان وتقولك فهوودي , مو غيبه انا تضحك علي فهد فهد حرك السيارة : تصدقي ماتصدقي بالطقااق انا تعبت منك ومن غيرتك الزاايدة سارا بقت تتكلم وتصارخ لين ما ووصلوا البيت فهد التفت لها وقال بهدوء : خلصتي كلام ارتحتي ؟ سارا طنشته ونزلت بعصبيه وصقعت الباب بقوة فهد غمض عيونه وزفر بقوة : ياصبر اييوب |
ثآني يوم الصبآح ..
سعود كان توه واصل القصر هو وأمه ورند رند طلعت بمساعدة أمها لغرفتها وسعود راح لغرفته لقى مزون نايمة ع الكنبه وشكلها كانت تنتظره سكر باب الغرفه وحط المفاتيح والجوال بهدوء ع التسريحة وتقدم منها وهزها بخفيف : مزون مزون مزون تحركت وفتحت عيونها ببطء بعدين استوعبت وعدلت نفسها ووققفت ورتبت شعرها : جيت سعود سعود : لا ترتبي شعرك خليني اشوفك مرة وحدة وهو شعرك منكوش مزون ابتسمت بعدين تذكرت : صحيح كيف رند وكيف يدها ؟ سعود : دلع بنات جرحت نفسها من دون قصد بس الحمدلله عدت ع خير مزون : الحمدلله "بروح اجهز لك ملابس عشان تاخذ شاور سعود : طيب "صحيح مزون قبل لا انسى عشان يكون عندك خبر كمان شهر بالضبط رح نطلع ببيت بروحنا مزون برتياح بس ما بينت عشان لايقول تبي الفكه : أوكي في غرفة رند بعد ما امها تطمنت عليها وتركتها ع اساس بتنام قعدت ع السرير وهي مقهورة : ياربي انا اعور نفسي وبالاخر تزوجوا يعني كل شي سويته ع الفاضي "بس والله ما اخليكي تتهن يا مزون ورح أنكد عليكي " وقعدت تخطط للفكرة اللي ببالها .. عند سارا وفـهـد ..~ سارا كانت قايمة قبل فهد وقاعدة بالصاله تبرد اظافرها .." طلع فهد من الغرفه وهو توه قايم ومفتح عين ومغمض عين : صباح الخير سارا ناظرته من فوق لتحت نظرة باردة وقالت بهمس : صباح النور فهد تنهد يالله لسه زعلانه من امس .. طنشها وراح المطبخ يسوي له مسكافيه يصحصح شوي سارا حطت المبرد ع الطاولة اللي قدامها وراحت غرفتها لبست عبايتها واخذت الشنطة وطلعت راحت المطبخ وقفت عند الباب : فهد انا بروح عند اهلي فهد التفت لها وشافها لابسه العبايه : وين من الصباح ؟ وش اهلك سارا اعقلي وبلا جنان سارا : اولا اهلي اروح لهم بالوقت اللي ابيه .. وثانيا شوف من يتكلم ع الجنان انا ولا انت اللي قاعد تحب وتعشق وتسوي حركات مراهقين فهد اخذها ع قد عقلها : خلاص ياسارا يعني كم مرة بفهمك ماااالي علاقه ولا اعرف الرقم اللي دق علي لازم اعيد وازيد بنفس الموضوع إنتي خلاص سمعتي قالت فهود يعني اعرفها واحبها ماتحبي تسمعي باقي الموضوع لك بالظاهر واللي شفتيه بس .. سارا حطت الشنطة ع الكنبه وقربت منه وقالت بعصبيه : يعني بتفهمني ماتعرفها صح ,, سبحان الله وش هالصدفه اللي بخليها تتصل ع جوالك وتقول فهود لا والله امحق صدفه فهد زفر وبعد عنها : الكلام معك ضايع لا تاخذي ولا تعطي احسن شي اطلع واترك لك البيت سارا لحقته ع الغرفه : قبل لا تطلع وتهرب بروح عند اهلي فهد وهو يفصخ التيشيرت : روحة عند أهلك مافي إقعدي بالبيت سارا: لاء بروح عن أهلي وبتوديني كمان فهد : قلت مابتروحي سارا : لا بروح فهد : بنشوف يا سارا مابتروحي يعني مابتروحي كلمة قلتها ومابيك تكسرينها سارا قربت منه : مابي اقعد عندك اكرهك وديني عند اهلي مابييك "وصارت تبكي " فهد ضاق صدره وحزن اكثر شي مايحب يشوف إن سارا تبكي او مضايقه قرب منها وجا بمسكها بس هي بعدت عنه وصرخت : لا تقرب مني ولا تسكني ابي اروح عند امي فهد طلع من الغرفه وراح للصاله وهو متضايق وسارا جلست ع السرير وهي تبكي بقهر .. سعود طالع من الحمام بعد ما اخذ شاور وكان ينشف شعره ناظر ع الغرفة نظرة بسيطة مالقى مزون قال يمكن نزلت تحت او راحت عند ريف .. نشف شعره ولبس ملابسه الا مزون دخلت شافته وهو يلبس جات طالعه وقالت : ءء أسفه ما كنت أعرف إنك تلبس سعود وهو يسكر ازرار القميص : هههههه لا خلاص ادخلي خلصت مزون التفت وابتسمت بهدوء وراحت جلست ع السرير بطفش .. سعود وقف قدام التسريحة وكان يمشط شعره : وش فيكي طفشانه ؟ مزون : لاء بس متضايقه من وضعنا سعود وهو يناظر عليها بالمرايا ويكلمها : وش فيه وضعنا ؟ مزون : مو أقصد إحنا بالضبط لاء يعني امك عشان ما كانت موافقه ع زواجك مني سعود : عادي لا تشيلي هم ولا تضايقي يومين وبترضى كذا سوت يوم تزوجت جمانه مزون : الا صح ع طاريها لهالمجرمه الشرطي ما اتصل عليك سعود : لاء ما اتصل خلاص عرفوا الحقيقه هي ورا موت راكان جعلها الموت يارب مزون ناظرت سعود بتفحص : سعود ممكن أسألك سؤال؟ سعود راح وجلس جمبها : سألي ؟ مزون توترت من قربه : ماراح تزعل ؟ سعود : ع حسب السؤال اذا يكدرني لا تقولينه مزون : هو يتعلق بجمانه سعود : عرفت بتقوليلي انت لسه تحب جمانه مزون هزت راسها بإيه سعود : شوفي يا مزون انا جمانه التقيت فيها في المستشفى كنت رايح بزور واحد من اخوياي مريض وصدمت فيها بالغلط يوم كانت طالعه من غرفة وطيحت اشيائها ولميتها لهم واعتذرت لها وهي قبلت الاعتذار من يومها صورتها ماغابت عن بالي هي مو بذاك الجمال لكن فيها شي يجذبك ممكن مشيتها نبرة صوتها المهم في شي يومها وشدني لها ولما زرت صديقي وخلصت رحت للرسبشن وسألت الموظفه عنها وقالت لي إنها جات تزور أختها الوالدة وعطتني إسمها وثاني يوم رحت المستشفى قلت اكيد بتجي عشان تزور اختها وفعلا شفتها وهي كمان شافتني وابتسمت لي انا من وقتها بهالابتسامه حسيت نفسي ملكت الدنيا ومافيها وسألت عن بيتهم وتقدمت لها وكنت مو شايف غيرها ولا حبيت احد وقتها احد غيرها لكن لما جا ذاك اليوم وسمعتها بإذني تكلم واحد غيري وتخوني كرهتهااا وكرهت نفسي وكرهت كل اللي حولي وطلقتها وما اكذب عليكي جاتني عقدة وقتها من كل البناات وماصرت اثق باحد حتى بخواتي كثير كنت شديد عليهم الفترة اللي طلقت فيها جمانه بس لما شفتك انتي "وابتسم " تغير كل شيء بعيوني وصرت اشوف الدنيا كلها فرح بفرح مزون ابتسمت سعود كمل " وطبعا اكيد بعد كل هذا لا تسأليني إذا أحبها لأني كرهتها بشكل وكرهت كل شيء يتعلق فيها كمان مزون استانست واخيرا سعود نساها والله ياسعود لاخليك اسعود انسان بالدنيا كلها ورح انسيك جمانه واخليك تحبني بجنوون .." سعود وقف ومد إيده لها : يلا ماتبي تفطري مزون مدت إيدها وهو مسكها : الا بفطر بس بحط طرحة ع راسي يمكن اخوك سلمان تحت سعود : أوكي تحجبت مزون ونزلت هي وسعود تحت يفطرون .." إنتهى البارت توقعاتكم " |
البارت السادس والعشرون "
(سته وعشرين ) تحجبت مزون ونزلت هي وسعود تحت يفطرون .." وهم نازلين من الدرج كان سعود سولف معها وهي تضحك وتبادله الكلام , ريف وغلا وسلمان والجده وابو سعود كان يفطرون بس ام سعود ورند ما كانوا موجودين >أحسن وصل سعود هو ومزون : صباح الخير الجميع بأصوات مختلفة : صباح النور ريف : صباحيه مباركة يا عروس مزون استحت وسكتت سعود : وخري عن مرتي ريفوه تراها تستحي مو مثلك مزون انصبغ وجهاا ريف : لاوالله وش شايفني فاصخه الحياء مرة وحدة "والتفت لابوها " سمعت يبه ولدك وش يقول ؟ أبو سعود حب ينرفزها : وهو صادق ريف إنقهرت : لا والله جدتي شوفيهم الجده : ههههههه خلاص عاد الا بنيتي رييف شيخة البنات سعود جلس ومزون جلست جمبه : هههههههه عشان مافي احد يمدحك جيتي لجدتي ريف سكتت وعطته نظرة قهر " نزلت أم سعود وشافت مزون عطتها نظرة إستحقار وسحب الكرسي وجلست : صباح الخير الجميع : صباح النور أبو سعود : شلون رند كيف صارت إيدها ؟ أم سعود وهي تاكل : الحمدلله جرح بسيط الجدة : أنا بعرف كيف نجرحت إيدها ؟ أم سعود : هاو خالتي ماتعرفي يعني من القزاز الجدة ماعجبها الحكي وسكتت أبو سعود وقف وناظر ساعته : يلا يا سلمان قوم تأخرنا سلمان : إحم يبه انا اليوم موعد طيارتي أبو سعود : أوه نسيت طيب خلاص بروح بروحي أمري لله "وجا بيطلع بس سعود وقف" سعود : يبه وقف بجي معك أبو سعود إبتسم : لا يا وليدي خليك مع مرتك عادي أدبر نفسي بهالأسبوع "وبعدين جرآح ولد عمتك كمان يومين بداوم بشركتي وبساعدني سعود : طيب يبه طلع أبو سعود سعود ناظر مزون : يلا نطلع مزون وقفت وطلعت هي وسعود غرفتهم أم سعود شربت الشاي بقهر : الله يصبرني بس .. الجدة : والله يا نهى مكبره الموضوع البنت وش حليلها ام سعود : مو مكبرة الموضوع يا خالتي اللي مزعلني إن كسر كلمتي عشانها الجدة : طيب يحبها وهي البنت الوحيدة اللي ماصدقنا يتزوجها ؟ ريف : بعدين يمه إنتي كنتي تبي سعود يتزوجها وش غير رآيك؟ أم سعود : كنت أبيه يتزوجها شهر ويطلقها بس ما توقعت يتعلق فيها ويحبها بعد , بس يلا وش نبي نسوي اخوكي عنيد ومحد يقدر له ريف وقف وتنسدت ع درابزين الدرج : والله يمه إنتي مصيرك بترضي بمزون مثل مارضيتي أول بجمانه "وطلعت فوق " أم سعود ناظرت الجدة بحيرة ورجعت تفطر عــنــد سـآرآ وفـهـد <3 سارا من التعب والبكي نآمت ع السرير وهي بعبايتها وفهد طلع لما كآنت تبكي وتوه رآجع البيت " أول مآ دخل رآح غرفة النوم وشافها نآيمه بالعبايه حزن ع شككلها وهي نايمه لأنها بكيت لين تعبت "وبداخله كان يقول "الله يهديكي يا سارا بتبقي متسرعه وماتفهمي بس تحكمي الله يعيني ع عقلك " قرب منها وكان بفصخها العبايه بس ما قدر فغطاها وسكر النور وطلع قعد بالصاله أخذ جواله وشاف الرقم اللي متصل عليه ودق عليه يبي يعرف مين ؟ جا صوتها : وأخيراً دقيت فهد بستغراب : خير من إنتي ؟ : أنا وحدة إسمي أمل رحت للمستشفى أبي أسوي عمليه لأمي وقالوا لي الدكتور اللي اسمه فهد حق العمليات مو موجود قلت لهم طيب اتصلوا عليه اتصلوا عليك بس مارديت اخدت رقمك واتصلت عليك فهد وهو شآك : أها أسف ما رديت ع المستشفى طيب أختي أمك عملية إيش بتسوي ؟ أمل : أمي مريضة بالقلب فهد : لاحول ولا قوة الا بالله , طيب مسافة الطريق وأنا جآي سارا فتحت باب الغرفة وقالت وهي متكتفة : من تكلم ؟ فهد ناظر لها : خلاص شوي وأكون هناك .. مع السلامه .. فهد وقف : المستشفى إتصلوا علي يقولوا في وحدة بتسوي عملية ورايح سارا : طيب بروح بيت أهلي فهد تنهد : ماخلصنا من هالموضوع إحنا ؟ سارا : لسه مابدينا حتى نخلص فهد : طيب طيب اللحين بتسوي مناحة مرة ثانية يلا تجهزي واطلعي انا برا وطلع وما انتظر ترد سارا تقلده : مناحة مالت عليك من زوج بس |
فـي بيت أم جرآح "
أم جرآح وقفت وبتوتر : غلا مالقيت إلا غلا ؟ جرآح بستغراب : إيه يمه وش فيهها غلا ؟ أم جرآح : مافيها شي يا وليدي بس البنت صغيرة توها 17 سنه ؟ جرآح : يمه إذا ع العمر أخطبها رسمي وبس تخلص المدرسه نسوي الزوآج والملكة أم جرآح : لا يا جراح خذ وحدة غيرها انا ابيك تاخذ وحدة كبيرة وفاهمه .. ولسه يمكن البنت ماتبي تتزوج بعد المدرسه .. تربط نفسه فيها من اللحين ؟ جرآح : يمه الله يهدآكي بس اللحين هذا سبب صغيرة رح تكبر وبعدين غلا يمه مو طايشة عاقله وفاهمه أم جرآح ماتعرف وش تبي تبرر سلكت له وقالت لازم أخذ رأي أمي : طيب يا وليدي إللي كاتبه ربنا بصير جرآح : طيب يمه بس متى بنروح نخطبها رسمي أم جرآح : خلني اول شي اقول لجدتك اشوف ايش تقول جراح : طيب يمه دخلت سارا وهي مكشرة ووجهاا جامد : السلام عليكم ام جرآح وجراح : وعليكم السلام سارا باست راس امها وجلست جمبها " جراح : الله وش فيكي كذا مكشرة ؟ سارا حضنت أمها وصارت تبكي ام جراح بخوف كبير : بسم الله عليكِ يا يمه وش فيكي ليه كل هالدموع سارا وهي تبكي : يمه مابي فهد ابي اتطلق منه ام جراح بخوف وبصدمه : بتطلقي منه ليه وش مسوي لك ؟ سارا : يمه فهد يخوني يخوني جراح بعصبيه وقف : يخونك وش عرفك سارا : سمعته بإذوني يمه أم جراح : إستهدي بالله يا بنيتي "ورفعت راسها ناظرت جراح " وإنت وين رايح ع الله جراح : بروح اذبحه لهالحقير عشان يعرف إن أختي وراها رجال ام جراح : إقعد زين وش تذبحه الأمور ما تنحل بهالطريقة جرآح : يمه إنتي لا تدخلي أنا أعرف شغلي مع هالفهد وطلع وماسمع لأمه اللي تنادي عليه " أم جرآح : وإنتي يا سارا يا بنيتي شلون سمعيته وش قال سارا وقفت وصرخت : يعني مو مصدقتني يمه أقولك خني سمعته يكلمها بإذوني وإتصلت عليه أمسس بالليل لما كنت راجعه من بيت خالي راششد وكل هذا وتسأليني انا يممه ما بيه أبي أتطلق منه كرهته خلااااص وطلعت فوق وهي تبكي أم جراح نزلت راسها وبحزن وضيقه : الله يهديكي يا سارا الله يهديكي عـنـد مزون وسعود مزون كانت ترتب ملابسها واشيائها وسعود قاعد ع السرير وفاتح اللاب توب .. مزون ناظرت له وهو مو منتبه لها : إلا سعود بسألك سعود رفع راسه ورجع ناظر اللاب توب : سألي ؟ مزون : كيف طبيعة شغلكم ؟ سعود ضحك : هههههههههههه وش طرا ع بالك تسألي هالسؤال .؟ مزون : مافي شي يضحك أعتقد بس كذا جا ع بالي وقلت أسأل .؟ سعود سكر اللاب توب وقال : شغلنا يا ستي تجارة أبوي عنده شركة تجارة هنا بالشرقية ووحدة بدبي مزون : أها يعني بشنو تتاجروا ؟ سعود : بالحديد مزون : طيب في بشركتكم حريم ؟ سعود بستغراب : إيه فيه موظفات كثيييييييير مزون : أها "وسكتت " سعود : ليه تسألي ؟ مزون تركت الملابس اللي بيدها وقف وقالت : عادي لو اشتغلت بشركتكم سعود بستغراب : ليه تشتغلي بشركتنا ناقصك شي يعني ؟ مزون : لاء مو ناقصني شي بس أنا مابي ابقى جالسه بالبيت أشتغل أحسن سعود ما عجبته الفكرة بس قال : طيب أشوفلك وظيفه بقسم الشؤون مزون بفرح : صدق سعود يعني وافقت سعود : إيه وافقت مبدئياً بس .. "ورجع لعقليته " وليه مستانسه كل هالقد وش عندك ؟ مزون ببرائه : أبد حبيبي بس مستانسه لأن بشتغل معك ؟ سعود قام من السرير وقف قدآمها : مستانسه ولا عندك شي ثاني ؟ مزون سكتت شوي تفهم قصده بعدين فتحت عيونها بصدمه : سعود لسه إنت تشك فيني؟ سعود : إيه أشك فيكي من هنا لبكرا دام كل هالوناسه وتسأليني شركتكم فيها حريم ولا لاء أكيد وراكي مصيبه ؟ مزون رصت ع اسنانها بقهر : تصدق انا وحدة حمارة اللي قاعد اتفاهم معاك وفاتحة سوالف احسن شي اطلع من هالغرفة واتركك بروحك جات بتمشي بس سعود مسكها من ذراعها بقوة ولفها ناحيته : وين رايحة بتهربي ها ؟ مزون فكت إيدها ومسكتها لأنها ألمتها : لا مابهرب بس إنت واحد شكاك وش بروح اسوي بالشركة غير كان قصدي إن أشتغل وأسلي نفسسي بدل ما اقعد بالبيت وامك تهاوشني ومنها اكون معاك بنفس الشركة سعود : ياسلام أقنعتيني والله بالهمبرر سمعي يا مزون والله ثم والله إن فتحتي قصة الشغل مرة ثانية لأدفنك هني مكان منتي واقفه وشغل مافي وتعرفي حتى طلعه مافي عشان تتعلمين "وطلع من الغرفه وتركها " مزون جلست ع السرير وصارت تبكي بقهر " |
في المستشفى "
طلع فهد من غرفة العمليات وفصخ الكمآمه وامل تقدمت من عنده وعلى وجها علامات خوف فهد وهو منزل راسه وساكت أمل بخوف : دكتور أمي فيها شي ؟ فهد : البقيه بحياتك أمل مو مستوعبه وسكتت بعدين قالت بهدوء : دكتور تمزح صح انت اكيد تمزح امي ما ماتت امي حية بس انتي تمزح معي "وقربت منه "دكتور قول الصدق امي ما ماتت فهد بحزن مسك كتوفها بهدوء : أختي إهدي أمك توفت إدعي لها بالرحمة أمل جلست ع الكرسي وصارت تبكي بحرقه وصوت بكائها مرتفع فهد تركها وماتحمل يشوفها كذا وراح دخل مكتبه ومالحق يقعد الا دخل عليه جراح وهو معصب وقاله بصراخ : وش مسوي بأختي فهد بستغراب : جراح وش فيك ليه معصب ؟ جراح قرب منه وقال بعصبيه : وتسأل بعد تخونها وتجيبها بيتنا وتسأل , إسمعني يا فهد لاتنكر اعرف ان قبل لا تتزوج سارا عندك خرابيط وقلت بتتكرها لما تتزوج وللحين ما تركتها وتركت حركات المراهقيين " فهد : جراح إحترم نفسك ووخر عني انا مخنتها بس اختك ماتحب تسمع وتفهم وعقلها صغير كانها بنت عمرها 5 سنين جراح : أختي عقلها صغير فهد كلمة ورد غطاها بكرا ورقة طلاق سارا توصل لها فاهم فهد بعصبيه : موب بكيفك وطلاق ماني مطلق وبيني وبين زوجتي لا تدخل فهممت جراح : هاذي اختي يا حبيبي قبل لا تكون زوجتك واذا ماتدخلت هي تبي الطلااااق مو من عندي هالكلام ورما بنظرات قهر وطلع فهد ضرب ايده بالمكتب بقهر وعصبيه وجلس وهو محتار ويفكر يعرف سارا اذا طلبت شي عنيدة وما تتراجع الله يعيني بس " فـي غرفة رند " رند : أقول غدو إنتي ماعليكي انا اعرف كيف اخلي الخطه تنجح غيداء : رند وربي خايفه اخوكي يكشفك عاد سعود ما تفوتته هالحركاات رند : لاتخافي بكرا بتسمعي بطلااق سعود من مزون وقولي رند قالت غيداء : طيب نشوف رند : يلا مع السلامه اشوفك بكرا بالمدرسه غيداء : مع السلامه أوكِ قامت رند وحطت جوالها ع التسريحة وطلعت راحت عند غرفة ريف دقت الباب ودخلت : سلام ريفوه ريف وهي تحط مناكير ناظرتها ببرود ورجعت تحط : أهلين رند رند جلست قدامها ع السرير وتربعت : طفشانه ريف بسوي شي ريف : وش بتسوي اطلعي انتي وصديقاتك رند : مابي توني مكلمة غدو ومليت من خشتها بالمدرسه ريف وهي تنفخ ع اصابعها : طيب وش المطلوب مني رند : وش رايك اليوم نسوي حفله وكذا ونفلها ريف : مالي خلق رند : رييف الله يخليكي لا ترفضي خلنا ننادي البناات ونسوي حفله صغيرة بس نستانس ريف وقفت ورجعت المناكير مكانه : سويه اللي تبيه وانا معاكي رند وهي طالعه : يسسسسسسسس ريف تنهدت وسكرت الباب ورا اختها وتنسدت عليه وتذكرت الموقف اللي صار معها اليوم الصبح لما خلصت ريف اليوم فطور طلعت غرفتها أخذت شاور ولبست ملابس وتحجبت ونزلت تتمشى بالحديقه وهي تتمشى سمعت السواق وليد يكلم واحد من اخوياه بالجوال وقفت تسمع لان الحديث شدها لان فيه اسمها " وليد : آآآآه ياناصر بنتهم اللي اسمها ريف عذبتني تعذيب حبيتها حيل ياخي .. لا وش نيتي سيئه البنت محترمه ومتربيه مو ببالي هالخرابيط الله يهديك .. ادري هاذي المشكلة انا وين وهي وين محد يرضى يزوج بنته سواق .. الله يعين بس المشكلة كمان ان اختها اللي اسمها رند دايم تناظر لي نظرات اعجاب وتغمز بس انا ما اهتميت قلت توها صغيرة بزر 18 سنه ماتفهم شي .. هههههههههه ع قولتك .. يلا ياخوي اتركك مع السلامه التفت وليد ولمح رييف واقفه وتناظره تلعثم وقال بصدمه : ريــــــف ريف عيونها دمعت وركضت لداخل رجعت للواقع ودموعها نزلت وبسرعه مسحتهم : آآآآآه يا وليد حبك لي غلط لازم ما اشوفه ولا اخليه يوصلني مابي يروح لان مابي اقطع رزقه بس مابي اشوفه عشان لا اتعلق فيه راحت رند غرفة مزون دقت الباب ودخلت .. شافت مزون قاعدة ع السرير وشكلها طفشانه دخلت وقالت : شلونك مزون ؟ مزون تعدلت بجلستها وابتمست غصب عنها : أهلا رند بخير انتي كيفك وكيف صارت إيدك رند جلست قدامها : تمام الحمدلله ايدي تحسنت عن اليوم الصبح , المهم مزون تكشخي وكذا عشان شوي بيجوا البنات بنسوي حفله صغيرة وناااسه وكذا بما انو ما تهنيتي انتي وسعود بزواجكم مزون : مالي خلق والله اعذريني رند رند : لا مزون الله يخليكي الحفله كلها عشانك وافقي ع الاقل لو تشاركينا بس مزون استسلمت : اوكي حبيبتي رند وقفت واستانست وطلعت وهي عيونها تلمع شرااااار مزون قامت من السرير وراحت للدولاب وطلعت فستان ناعم وقالت : خلني استانس ليه ادفن نفسي عشان المعقد سعوود فـي بيت أم جرآح سارا كانت بغرفتها نايمه ع السرير وتفكر بطلبها للطلاق وايش ممكن يصير وإن أكيد إذا فهد طلقها بتزوج غيرها وأكيد بخلي له الجو يخلى مع حبيبة القلب اللي يكلمها بس خلني أتطلق وأعيش بكرامتي ببيت أهلي وساعتها ببين إن كان يحب وحدة اولا لاء اذا تزوجها واذا وافق بسرعه ع طلبي للطلاق رن جوالها وقامت فتحت شنطتها وطلعته وكانت رند ردت بضيقه : الو هلا رند تمام الحمدلله ,, لا والله ببيت أهلي سكتي متهاوشة مع فهد ويمكن نتطلق .. خليها ع الله بس ... أممم حفله مدري والله مالي خلق رنود خليها مرة ثانية ... والله مالي خلق متضايقه .... أوكي حبي مع السلآمه عند رند لما سكرت من سارا اتصلت ع البندري والنوري وغلا وقالت البندري بتجي وغلا بس النوري لاء ..! طلعت من الغرفة بعد مالبست تنورة سكني قصيرة لون اسود لنص الفخذ وبلوزة من دون حملات لون وردي فاتح وفردت شعرها وحطت ميك اب خفيف وراحت للمطبخ قالت للشغالات يسوا الاكل والحلى وهالاشياء راحت للصاله وشافتها مرتبه وكل شيء بس ناقص تضبط مكان مابتحط الاغاني راحت غرفتها ونزلت اشرطة اغااني كثيير وحطتهم جمب المسجل رن الجرس راحت فتحت وكانت البندري نواف كان بالسيارة ولمح رند وهي تفتح الباب للبندري وتنح فيها " رند ما انتبهت له وسكرت الباب ودخلت رند : هلا بنوشه نور البيت تفضلي البندري : كم مرة قلت لك اتركي هالرسميات اللي بينا ادري منور وكذء مايحتاج تقولي رند : أمشي بس وجهك مو وجه مجاملات دخلوا الصاله ونزلت ريف وهي لابسه بنطلون جينز وبلوزة عاديه وفاردة شعرها وحاطه شباصه ع الجنب لون ابيض سلمت عليهم وجلست رند : ليه ماتكشختي ريف : كذا مرتاحه البندري : ريوفا حبيبي فيكي شي ريف ابتسمت غصب : لاء بس شوية تعب من الجماعه لا تشيلي هم البندري ابتسمت وهي شاكة بس مهما حاولت ريف ماراح تقول لانها كتوووووومه نزلت مزون وهي لابسه فستان ناعم حيل لونه موف فاتح وفاردة شعرها ع طبيعته لا استشوار ولا شي وميك اب ناعم سلمت عليهم وجلست رند كانت رح تاكل مزون بعيونها من الغيرة بس ما بينت وقفت وشغلت المسجل : يلا بنات قوموا ارقصوا البندري وقفت وتحمست وصارت ترقص الا انهبلت رند فقعت ضحك ع هبال البندري ورجتها رند : يلا مزون قومي ارقصي مزون : مالي خلق بنات رند قومتها من ايدها : يلا عاد وحطت لها أغنية القوس قوسك >طاح سوقها لهالاغنية ض1 وصارت مزون ترقص عليها وهي متحمسه رند جابت الكاميرا وصارت تصور مزون وهي ترقص بخبث ومزون ع نيتها إنــــتــــــهــــــى البارت توقعاتكم ..~ |
يعطيج العافيه ملكة الرومنس ع الطرح والمجهود
ننتظر البارتات القادمه |
كل الشكر لتواجدك الغالي شمس القوايل والمميز هنا
ودي وتقديري |
البارت السابع والعشرون (سبعه وعشرين)
رند جابت الكاميرا وصارت تصور مزون وهي ترقص بخبث ومزون ع نيتها مزون جلست : خلاص بنآت والله تعبت "وهي تآخذ نفس " مو متعزدة أرقص كل هالرقص ريف : ليه كآن كملتي وربي رقصك حلو مزون إبتسمت : ماعمري رقصت غير هالمرة وماتوقعت أعرف أرقص رند سكرت الكاميرا ومسكتها : بكرا برسل الفيديو ع اللاب توب وأحمله لـ cd وأعطيكي إياه مزون مزون وقفت : أوكي , بنآت أنا مابقدر أتعشى نعست مرة بروح أنام وإنتوا عليكم بالعافيه البندري : لا مزون تعشي والله شهيتي ما رح تنفتح الا اذا جلستي مزون ضحكت : ههههههههههه يا سلام غزل هذا ولا ايش ؟ البندري : مدري طلعت ع لساني عشان تجلسي بس ..! مزون جلست : طيب بس عشانك والله رند : وإحنا ؟ مزون ضحكت : هههههههههه وإنتي كمآن عشانكم كلكم ريف وقفت : بروح أقول للخدامات يحطوا العشاء رند : الا بنات وين غلا ما جات قالت بتجي بس تأخرت مرة البندري : مدرري عنها انا لما طلعت قالت يمكن تتأخر لانها توها كانت قايمة رن الجرس والخدامه فتحت وكآنت غلآ دخلت عندهم وهي متضايقه : السلام عليكم الجميع بإصوات مختلفه : وعليكم السلام تقدمت وجلست جمب البندري وعلامات الضيقه واضحه ع وجها البنات يناظروا بعض بستغراب رند : غلو وش فيكي ؟ غلا : مافيني شي لا تهتموا شوية مشاكل ورح تعدي البندري : اللحين مادة بوزك شبرين وداخله تنهيدك لاحقتك ومافي شي ولا تهتموا ؟ غلا : جرآح ..! رند بستغراب : وش فيه ؟! غلا : اليوم كلمني وقاللي كلمت أمي عنك أول مرة حسيتها تتهرب واليوم الصبح قلت لها أبي غلا قالتلي من الأخر إنسا دور لك ع وحدة ثانية إلا غلا رند : ليه وش السبب ؟ غلا بغصه : واضحه يارند لأن مايعرفوا أهلي مين .. البندري حضنتها من كتوفها : لاتقولي كذا غلاوي إنتي منا وفينا وما اعتقد عمتي ام جراح ماتبيكي يمكن قصدها إنك صغيرة عن الزواج أو شيء غلا إلتفت للبندري ونزلت لها إيدينها : بندري تقوله تزوج وحدة ثانية إلا غلا وتقولي لي صغيرة وما صغيرة , "وناظرت الجهة الثانيه " وأنا بعدين مو محتاجه عطف أو شفقه من أحد رند : إحنا مانعطف عليكي ياغلا نخفف عنك وإنتي أختنا ولازم نوقف بجنبك البندري : يلا عاد غلو إحنا جينا هنا نتانس ونرقص ونفلها مو نقلبها نكد >.< غلا تنهدت وإبتسمت إبتسامه باردة : طيب شغلوا أغآني خل نرقص ونفلها رند وقفت : لا أول شيء قوموا بنتعشا "وألتفت لمزون " مزون أشوفك سآكته ليه ما تكلمتي ؟ مزون : مدري إيش بقول ؟ غلا تناظر رند بستغراب "وش فيها هاذي كذا تتعامل مع مزون سبحآن مغير الأحوآل " رند : طيب يلا قوموا خلنا نتعشا .. قاموا البنات والخدامات حطوا العشا وقعدوا يتعشوا .. |
بالليل الساعه 2 , بيت أم جرآح ..
وبالتحديد غرفة سارا , كانت سارا تقرأ كتآب تتسلى من وقت ماجات بيت أهلها حابسه نفسها بالغرفة وما تطلع حتى الأكل ما تآكله ولها من وقت ماجات ما نزلت جلست مع أمها تحس نفسها مشوشه كثير هالفترة , من قرار الطلاق ونفسيتها ماتسمح لها تشوف أحد أو تتكلم مع أحد .. سكرت الكتآب وحطته ع الكمدينه جمبها وتنهدت ورجعت شعرها لورا وبعدت البطآنيه عنها ولبست الشبشب الخفيف <أكرمكم الله > و فتحت باب الغرفة بهدوء نآظرت الممر لقت الإضاءة خآفته والممر بارد وهدوء طلعت وسكرت الباب بهدوووء .. ومشيت لين وصلت للصاله لقت جرآح قاعد ينآظر الـ tv إرتآحت إنه جراح مو أمها عشان لا تنشب لها تنهدت وتقدمت وجلست ع الكنبه اللي جمب جرآح جرآح إللي كان منسدح حط جهاز الـ tv وعدل نفسه وناظر سارا : وش فيكي سارونه ؟ سارا وهي مرجعه ظهرها لوراء وتناظر السقف : تعبانه يا اخوي تعبانه من كل شيء جراح راح وجلس جمبها ومسك إيدها : بسم الله عليكي حبيبتي من إيش تعبانه فضفضي لي تكلمي .. سارا ناظرته بضيقه وصوتها المبحوح صار مكتوم : من كل شيء جراح بتردد : من فهد .! سارا : فهد أحدى الأسباب بس مو كلها ... إشتقت لأبوي ودي أشوفه وأشكي له جراح قربها لصدره وحضنها : إهدي سارونتي أنا موجود وأمي موجودة وأنا أخوكي وابوكي وكل شيء ... قولي للي تبينه أنا أسمعك سارا بكت شوي وكانت سامته تسمع كلام جراح وبقت على هالحال 5 دقايق سكتت جراح ناظر عليها ولقاها نايمه إبتسم لشكلها وحملها بهدوء ودخلها غرفتها وحطها ع السرير وغطاها بالبطانيه وتقدم عند الباب وناظر عليها نظرة أخيرة وسكر الباب بهدوء وطلع ... صبآح يوم جديد ... في قصر أبو سعود ... وبالتحديد غرفة مزون وسعود ... مزون كانت لسه نايمه وما قامت .. أنفتح باب الغرفة وكآن سعود دخل لقا الغرفة ظلام والشباك مسكر والستاير كمآن والغرفة باردة ومزون لسه نايمه .. ما عجبه تبقى نايمه لهالوقت وأهله كلهم تحت يفطرون وهي لسه نايمه .. راح ناحية الشباك وفتحه وبعد الستاير ودخلت الشمس للغرفة وسكر المكيف وفتح الدولاب بطلع له ملابس مزون إنزعجت وحركت عيونها بإزعآج وفتحت نصهم وإنتبهت لسعود رجعت غمضت عيونها بقهر بعدين فتحتهم وقامت أخذت البكلة اللي جمبها ولمت نص شعرها وقامت بتروح للحمام <وإنتوا بكرآمه> مرت من جمبه وطنشته ومشت سعود كان يطلع له ملابس ومعطيها ظهره بس كان يناظر عليها من تحت سمع صوت الدش غمض عيونه بقهر وتنهد "يالله اللحين مزون وش برضيها " طلع ملابسه وسكر الدولاب وحطهم ع السرير وراح للسرير رفع سماعة التلفون دق رقم المطبخ ردت عليه الخدامه نرمين : ألو هلا نرمين ... إسمعي أبيكي تجهزي لي أحلى فطور وتجيبي لغرفتي خمس دقايق يالله ... سكر السماعه وسند نفسه ع ضهر السرير وحط إيدينه ورا رقبته وكان بياخذ المخده اللي تحته عشان يعدل نفسه رفعها وشاف جوال مزون عقد حواجبه بستغراب ... وعدل نفسه وأخذه وصار الشك يدور حوله ليه حاطته تحت مخدتها ومخبيته وجا بفتحه وكمآن رقم سري أكيد وراها شي أكيد مخبيه عني شي .. خمن أرقام وحطها بس ما فتح حاول يحط تاريخ ميلادها ما ضبط جرب تاريخ ميلاده وضبط "إستغرب ليه حاطه تاريخ ميلادي "طنش هالفكرة من راسه ورجع لعقليته ... أول ماراح راح لرسائل المستلمه مالقى شيء فارغ والرسائل الواردة فارغ والصادرة فارغ والمكالمات كمان كله فارغ ... ضغط ع الجوال بقوة وبلع ريقه بقهر حطه مكانه ورجع المخده "وقف "ورتب السرير ... وأخذ العطر ورش الغرفه وصارت ريحتها تجنن ... أندق الباب وكانت نرمين سعود قال بصوت عالي : أدخل دخلت نرمين وهي مبتسمه حطت الفطور ع الطاولة اللي عند البلكونه وتقدمت عند سعود : بتريد شي تاني مستر سعود .. سعود من غير ما يناظرها : لاء شكراً طلعت وسكرت الباب بهدوء ... إلتفت لباب الحمام ومزون وقتها طلعت وهي لابسه الروب والمنشفه ع شعرها ناظرت ع الغرفة المرتبه واللي ريحتها تجنن ونظرها طاح ع الفطور إستغربت ورفعت حاجبها ببرود بعدين ناظرت سعود اللي كان يناظر عليها وينتظر ردة فعلها طنشته وراحت عند التسريحه وفكت المنشفه عن شعرها وصارت تنشفه سعود وقف جمبها وتكتف : لسه زعلانه ؟ مزون أعطته نظرة وسكتت وكملت تنشيف شعرها " سعود حك جبهته بحيرة : مزون أسف والله ما كان قصدي أمس أزعلك أو أضايقك مزون رمت المنشفه ع السرير .. وتكتفت : سعود أنا أمس ما زعلت من طريقة كلامك ولا لما حاولت تضربني .. زعلت من شكك لي بعد اللي صار معي من راكان وفواز والكل برضوا تشك فيني أنا كنت متوقعه إن معاك بذوق السعادة وماراح أحزن بس شكل توقعاتي كلها غلط بغلط .. سعود تنهد وقرب منها وصار قدامها : لا مزونتي توقعاتك صح وماراح أخليكي بيوم واحد تحتاجي لأحد ولا رح أخليكي تحزني وأمس كنت مشوش شوي ومدري كيف فكرت هالتفكير البشع بس يمكن لسه معقد من سالفه جمانه .. "وشاح وجهه للجهة الثانيه" مزون بتردد : سـ ـعـ ـود لاتقول ع نفسك معقد وجمانه هالخايسه لا تفكر فيها ولا تهتم لها سعود ناظر عليها ومبتسم نص ابتسامه : يعني رضيتي ؟ مزون رفعت حاجب : نص ونص ..! سعود حاوطها من خصرها وبعد خصلة شعرها عن وجهاا : وإن قلت لك رح تسامحيني من غير النص ونص حقتك هاذي مزون ابتسمت واستحت وحست نفسها مكتومه : طيب سعود بعد عني سعود : أول شي رضيتي مزون بصوت مكتوم : إيه سعود يستهبل : ماسمعت .. مزون رفعت صوتها : إيه رضيت سعود قرب من وجهاا وباس رقبتها وهمس بإذنها : أحبك وأعشقك والله لايحرمني منك مزون تخدرت خلاص مو قاردة تتحرك تحس نفسها متجمدة ورجولها انشلت ماتقدر ع هالحكي وع هالاسلوب سعود بعد عنها وناظر وجها وإبتسم : كل هذا حيا مزون منزلة راسها وسآكته سعود مسك إيدها وراحو جلسوا عند الطاوله عشان ياكلوا ... مزون : طيب خليني أول ألبس , بقعد كذا "وتأشر ع الروب " سعود : أول شيء إفطري بعدين روحي بدلي عشان اليوم بنطلع أنا وإنتي .. مزون بفضول : وين ؟ سعود : مفاجأه مزون بترجي : سعود الله يخليك قولي أكره المفاجأت ..! سعود : مزون خلاص كلها دقايق وتعرفي "يلا إفطري .. |
في غرفة رند .. كانت تكلم غيداء واقفه عند الشباك وتناظر ع وليد ..
: أه يا غيداء أحبه وأموت فيه من أول ماشفته عجبتني أخلاقه ووسامته ورزانته وكل شيء فيه غيداء : إنتي مهبولة ولا وش يا رند أحد يحب سوااااق رند : حتى لو زبال الحب مافيه هالامور لما يدخل قلب الانسان ويسيطر ع مشاعره يصير معمي عن كل شيء غيداء : الله من كان يتوقع رند المغرورة المتكبرة تحب ومن كمان سواق يشتغل عندهم رند : قلت لك الحب مايعرف لاكبير ولا صغير غيداء: مدري ايش بقولك يارند بس وش مصير حبكم اكيد مابكون الزواج يعني مستحيل اهلك يوافقوا ع هاذا وليد إنتوا وين وهو وين ... رند : المهم اتركينا من موضوع وليد شيء سابق لاوانه ... اللحين بتجي اليوم إنتي وهاذي اللي اسمها خلود غيداء : أكيدات رح نجي .. رند : وياني وياكي يا غيداء نغلط بالخطه غلط واحد حتى لو بسيط رح ننكشف فهمتي غيداء : لاتخافي ولاتهتمي أنا مضبطه كل شيء .. بس رند بقولك شي ؟ رند بعدت عن الشباك وجلست ع السرير : قولي ؟ غيداء : أول شيء ليه تكرهي مزون كل هالكره , وثاني شيء ليه تبي خلود تسوي هالخطه ؟ رند عصبت : أول شيء مالك دخل باللي اسويه وثاني شيء تنفذي وانتي ساكته نسيتي من انتي غيداء ولا اذكرك؟ غيداء اللي متعودة ع تجريح رند لها : لا مانسيت من أنا أنا البنت الفقيرة اللي امها وابوها متوفين وعايشه مع جدتها ببيت شعبي وإنتي تتصدقي علينا بفلوس وملابس رند بعدم إهتمام : الحمدلله يعني حافظه الدرس ومانسيتيه .. المهم يا غيداء"وقالتها بسخريه" اليوم ع اتفاقنا أوكي ؟ غيداء بغصه : طيب رند : يلا باي "وسكرت السماعه من غير لا تنتظر ردها غيداء بعدت الجوال النوكيا عن إذنها وناظرت بإسم رند وقالت "الله ياخذك وأرتآح منك وحدة حقييرة " سمعت صوت جدتها تناديها : غيداء يا بنيتي ... قامت من سريرها : سمي جدتي ... أما رند رمت جوالها ع السرير وطلعت من غرفتها وكانت بتنزل تحت شافت سعود ومزون طالعين من غرفتهم إبتسمت ببرود وتقدمت منهم : صباح الخير يا معاريس سعود مستغرب من أسلوبها : صباح النور رند مزون ابتسمت : صباح الورد رنودتي رند : شلونكم سعود ومزون : الحمدلله سعود : إنتي كيف إيدك ؟ رند ناظرت إيدها وناظرته : الحمدلله إحسن بكثير من أول "إنتوا وين رايحين لابسين ومتكشخين ؟ سعود حضن مزون من كتوفها وغمز لرند : سر البزرآن مايعرفونه رند أنقهرت لأنه حاضنها بس ما بينت : لاوالله انا بزره اللحين ؟ مزون ضحكت : ههههههههه لا تزعلي حبيبتي ... حتى أنا ما أعرف ... رند تظاهرت الفرح : لاعادي حبيبتي مازعلت دام هالشي يونسكم عادي سعود مسك إيد مزون : يلا عن إذنك ونزلوا تحت وإختفوا عن نظر رند ... رند تسندت ع باب غرفتهم ورفعت حاجبها بخبث "اليوم نهايتك يا مزون وإن ما كانت اليوم بكرا أوبعده وتنهدت بفرح وجات نازله لتحت " بيت أبو نوآف .. في مجلس الرجال كآن خالد والنوري جالسين مع بعض .. خالد مو عارف من وين يبدأ لأن وقت ماجا وهي ساكته وما تكلمت قال بهدوء : النوري فيكي شي حبيبتي ؟ النوري ياربي والله مالي خلق أتكلم قالت بهدوء : لاء مافيني شي بس أنتظرك تتكلم خالد : طيب أنا جيت عشان بتفاهم معاكي على البعثه ؟ النوري ناظرته بمعنى كمل كلامك .. خالد فهم عليها : أنا مو موافق على البعثه النوري رفعت حواجبها بصدمه بعدين هديت ملامحها وإستوعبت : بس أنا أبي هالبعثه وبكلم دراستي برا خالد : النوري أرجوكي تفهميني أنا أبي أتزوج وحدة تتفرغ لبيتها وزوجها بس مابي دراسه وشغل وخرابيط النوري بستغراب من تفكيره : اللحين الوحدة لما تكمل دراستها وطموحها خرابيط ابداً ماتوقعت تفكيرك كذا يا خالد خالد : النوري انا لامتحجر ولا غيره بس مابي سفر وبعثه ابيزوجتي تتفرغ لبيتها وزوجها بس النوري وقفت : للإسف يا خالد ما كنت افكر تفكيرك كذا , يعني المرا لانها ضعيفه خلاص تندفن بالبيت والاطفال مالها طموح واحلام "ناظرته بأسف وطلعت" خالد وقف وتندم وصار ينادي عليها لكن هي طنشت وطلعت ... طلع خالد من المجلس وبعدها من البيت شاف نواف برا يطقطق بجواله طنشه وركب سيارته ومشي نواف انتبه له وصار يناديه بس مارد دخل البيت عشان يشوف وش صار ..! وصلوا مزون وسعود .. سعود وقف السيارة وإلتفت لمزون : يلا روحي إنزلي .. مزون ناظرت المكآن : الشاليه ... سعود مسك إيدها : إيه الشاليه شهر عسل ياعسل مزون : مو هذا نفسه اللي جينا عليه أول سعود نزل من السيارة وراح فك لها الباب : لا هذا شاليه حقي أنا محد يعرف أني شاريه اشتريته يوم قررت اتزوجك مزون نزلت وسكرت الباب : مخطط ماشاء الله ... سعود مسك إيدها واشر للبواب يفتح : إيه مخطط دخلوا عند المسبح : إسمع عبدالرحمن نزل الشنط من اللشنطه ودخلهم جوا عبد الرحمن : حاضر طال عمرك دخل سعود هو ومزون جوا الشاليه وكآن جدا راقي وكلاسيكي , الأرض كآنت بآركيه خشب بني .. وفي فوق غرفتين غرفة نوم وغرفة فاضيه , وتحت طاولة طعام صغيرة مرة والمطبخ أمريكي مفتوح ع الصاله والصاله فيها بلازما وجلسه بسيطه مرة , وقدآم الصاله بالضبط المسبح ولما تطلعي من عند المسبح تتمشي تطلي ع الشاليهات الثانيه مزون ناظرت بإعجآب : ذوقك يهبل حبيبي سعود : المهم تعالي أوركي غرفتنا "وغمزلها" مزون فهمت له : لا بروح أشوف المسبح سعود مسك إيدها : طيب أجي معك مشيوا وراحوا عند المسبح مزون التفت لسعود : حبيبي بفصخ العبايه سعود ناظر يمين يسار : طيب دقيقه .. طلع برا واخذ الشنط من السواق ودخلهم وسكر الباب راح عند المسبح وشافها جالسه ع الكرسي اللي قدآم المسبح تنتظره .. راح وجلس جمبها : خلاص حبيبي اذا تبي فصخي العبايه .. مزون فصختها وحطتها ع الطاولة اللي قدآمها : تعرف سعود ودي أسبح -_- سعود إبتسم : طيب أنا وإنتي وش رايك مزون إستحت حيل وقالت : ءء لاخلاص مابي سعود وقف وشدها : يلا عااد قومي بلا دلع مزون تجمدت مكانها : لاسسعود مابي استحي والله مابي اسبح معك سعود مسكها وشالها بقوة : ارميكي بالمسبح مزون تعلقت برقبته ودفنت راسها : لاسعود الله يخليك مابي نزلني سعود الله يخليك سعود صار يضحك بقوة : خلاص استعدي واحد اثنين ثلاثه مزون صارت تبكي : لاسعود مابي الله يخليك مابي سعود ما اهتم فكرها تمثل ونط بالمسبح هو وياها وهي بعدت عنه وقالت : إنقلع لا تكلمني سعود صار يضحك بقوة مسك المويا ورشها مزون صدق كانت زعلانه طلعت من المسبح وجلست ونزلت رجولها : لاتلكمني مابي اكلمك سعود قرب عندها وشدها من رجولها ونزلت بين إيدينه وصار ماسكها من خصرها : يلا عاد يا قلب سعود لاتزعلي إنتي وحدة حساسه وبزره مزون : بدينا بالغلط بزره ها ؟ سعود يناظر عيونها اللي تلمع : إيه بزرة مزون دفته وغطست راس بالمويه وهو حاول يطلع بس مزون كانت تضحك وتزيد تغطس راسه .. بعدين بعدت عنه وطلعت من المسبح خافت يسوي لها شيء سعود طلع راسه ورجع شعره الاسود الناعم لوراء وكان يكح : كح والله يامزون لاوريكي كح مزون واقفه برا ومتخصره : أحسن عشان ثاني مرة لا تنزلني غصب عني سعود ابتسم عليها وع تفكيرها وكل يوم عن يوم يزدآد حب هالانسانه بقلبه . |
فـي قـصـر أم سـعـود ..
__ فـي غرفة ريف كانت رند عندها وناشبه لها .. رند : طيب قولي لي أي وحدة أحلى الحمراء ولا السوداء ؟ ريف تأفتت : ؤؤف خلاص رندوه طفشتيني ألبسي أي وحدا كلهم حلويين رند ألتفت للمرايا : بلبس السوداء احلى وبعدين اليوم اول مرة تجي خلود عندي ريف بتساؤل : مو هاذي خلود اللي كانت تكرهك ومتهاوشه معاكي ؟ رند : يب هي غيداء اتصلت علي تقولي تبي تزورك وتصالحك نشوف وش تبي .. ريف : إنتبهي منها يمكن بتسوي لك شي .. رند : مدري حتى أنا قلت كذا بس ما اعتقد هي طيبه ريف بستغراب : رند انا اللي توقعت هالكلام يطلع منك تقوليلي طيبه وش غيرك صرتي مسالمه وماتشكي بخلق الله سبحآنه رند وقفت : أووووه أذا الوااحد صاار طيب مايسلم وان صرت شريرة كمان ما اسلم أجل وش اسوي ؟ ريف : ياستي لا تسوي شي خليكي ع طبيعتك ولا تتصنعي شي مو لايق عليكي .. <.> سمعوا صوت جرس البيت رند طلعت من الغرفة ركض لتحت وقفت أعلى الدرج وشافت الخدامه لما فتحت لغيداء وخلود رند ابتسمت بخبث اليوم نهاية مزون نزلت : هلا وغلا تو مانور البيت خلود وغيداء اللي كانوا واقفين : منور بأهله رند نزلت عندهم : تفضلوا أجلسوا .. جلسوا خلود وغيداء .. رند : المهم إنتي عارفه ياخلود الخطة اللي فهمتك هي غيداء صح خلود : صح يارند رند طلعت الـ cd من جيب بنطلونها ومدته لخلود : أمسكي أبيه اليوم يتوزع بلوتوث وع كل أمآكن التواصل الأجتمآعي يعني ابي كل العالم تشوفه واكتبي فضيحة مزون زوجة التاجر سعود راشد الـ ...... خلود أخذته وتعلو ملامحها ابتسامة خبث : من عيوني تآمري أمر ... رند رجعت نفسها لوراء : واللي فهمتك اياه يصير .. ومن وقت ماتسوي هالشي تطلعي من الشرقيه كلها وتروحي الرياض الدمام جدة أي مكآن أوكي ؟ خلود : لاتخافي أول ما أنفذ المهمة بروح ع الرياض عند خالي .. رند : عفيا عليكي هذا الكلام الصح "والتفت لغيداء اللي كانت تناظرهم بحسرة " وش فيكي ست غيداء تناظريني كذا ؟ غيداء تنهدت : ولاشي رند رند قربت منها وشخصت نظرها عليها : سمعي غيداء ان هالشي هاذا عرفه احد غيرنا احنا الثلاثه والله لاتشوفي شي بعمرك ماشفتيه تعرفي البيت اللي انتوا فيه بكلمة مني لصاحب البيت تطلعوا منه هو صابر عليكم بالاجار لاني انا ادفع لكم والاكل والشرب والمصروف وكل شيء بنسحب ومكانكم بكون الشاااااارع وين الشااااااارع غيداء بلعت ريقها بخوف : لا والله مابقول لاحد يارند انتي عارفتني ماراح افتح فمي بحرف واحد رند وقفت : أوكي نشوف ياغيداء .. يلا تعالوا نطلع فوق .. فـي الصبآح .. في بيت أم جرآح .. __ وبالتحديد غرفة سارا .. إندق باب غرفتها كآنت منسدحه ع السرير وقدآمها الايباد وتطقطق عليه تركته وقفت ولبست شبشبها <الله يكرمكم > وشعرها كان مبعثر ونصه مفتوح ونصه ممسوك ببكلة ولابسه بيجآمه لون أصفر شورت لفوق الركبه وبلوزة عاريه الاكمام عليها بنوته كيوت باللون الاورنج فتحت الباب وتصنمت .. فهد ناظر عليها مشتاق لها حيل سيطر ع مشاعره : ممكن أدخل .. سارا دخلت وتركت الباب مفتوح يعني إدخل .. دخل فهد وسكر الباب شافها جالسه ع السرير راح وجلس قدآمها .. : ممكن نتفاهم سارا من غير لاتناظر : ماعندي شي نتفاهم عليه غير الطلاق .. فهد : سارا لا تحكمي ع الامور من غير لاتفهمي سارا للحين هاديه وماصرخت : فهد ارجوك لا تضغط علي كلمة واحد أظن ماهي صعب تنطقها إنتي طالق فهد : سارا لا تجننيني هالكلمة بتغير كل شيء بحياتنا هالكلمة بتدمرني وبتهدم حياتي وحياتك كمان سارا ناظرته : حياتك إنت أما أنا لاء لاني مابخسر شي .. فهد : مابتخسري شي .."وناظرها وهو رافع حاجبه " سارا بثقه : إيه مابخسر شي بل بالعكس بكسب برجع إنسانه حرة نفسي مثل أول محد يتحكم فيني ولا احد يتأمر علي .. أصلاً حياتي معاك مالها دآعي للأسف فهد جرحه كثير كلام سارا : مالها فايدة ومالها داعي اجل ليه تزوجتيني سؤال ؟ سارا : كنت طايشة وماعندي مخ افكر فيه وكل همي قال ايش الزوآج بس للاسسف كنت بقمة غبائي وطيشي فهد : ماكنت أتوقعك كذا ياساارا سارا : إنت اللي خليتني كذا يا فهد بتصرفاتك وخيانتك فهد وقف وبعصبيه ضرب إيده بالكمدينه وقرب منها : لاتقولي بخيانتك انا ما خنتك كم مرة بفهمك "وصرخ بقوة" سارا عيونها دمعت ودموعها ع وشك النزول فهد : تبي تطلقي صح إنتي طالق يا سارا وبعد عنها وطلع من الغرفه وصقع الباب بصعبيه ونزل كانت أم جرآح جالسه بتوتر وشافته نازل ومعصب نادته بس مارد عليها طلعت فوق وهي خايفه ع بنتها دخلت الغرفة ولقت سارا تبكي ومغطيه وجهاا بإيدينها .. قربت منها وجلست قدآمها وبخوف : يمه بنيتي وش فيكي ؟ سارا رفعت راسها وكان كل وجهاا مليان دموع : يمه فهد طلقني طلقني يمه أم جرآح بحزن حضنتها : لاحول ولاقوة الا بالله إهدي يمه إهدي .. عـنـد مزون وسعود .. كانوا نايمين بس للحين محد اخذ حقوقه من الثاني <فيس مستحي> بعد ماتعبوا أمس أول ماخلصوا من السبآحه طلعوا وأخذو شاور وتغدو وجلسوا يسولفوا بعدين جات الساعه 9 الا هم نايمين .. فتح عيونه بتعب ووهن لما جواله رن بمسج .. ما إهتم لجواله أخذه وسكره .. إلتفت لمزون اللي لسه نايمه عدل نفسه وقعد يتأملها وإبتسم أحلى شي سوته أمي إنها عرفتني عليكي يا مزون حبيتك من أول مرة وحسيت إنك تعني لي شيء كبير , الله لايحرمني منك .. قام من مكآنه ورآح للحمآم<وإنتوا بكرآمه> غسل وجهه وتوضأ عشان يصلي مع إنه تأخر بالصلاة .. راح لمزون وهزها : مزونتي مزونتي حبيبي قومي صلي الفجر .. مزون تحركت بكسل وفتحت عيونها بتعب : ها حبيبي نعسانه مرة .. سعود : قومي صلي زينن .. مزون عدلت نفسها ورجعت شعرها لوراء وإبتسمت : صباح الخير سعود إبتسم لإبتسامتها : صباح الورد مزون وقفت : بروح أتوضأ عشان أصلي وبعدها نبدل وننزل نفطر أوكي سعود : أوكي حبيبتي إبتسمت ودخلت الحمام .. سعود أخذ جواله وقعد ع السرير .. فتحه وراح للرسائل وشاف فديو مرسول له من رقم غريب إستغرب وقبل لا يفتحه قرأ العنوآن "فضيحة مزون زوجة التاجر سعود راشد الـ ....." الشرار صار يطلع من عيونه ووجهه صار أحمر فتح الفديو بسرعه وشاف مزون وهي لابسه الفستآن وترقص وتتمايل وجا بباله هذا الفديو الكل شافه رما الجوال ع السرير وراح عند الحمام ودق الباب بقوة : مزوووون ياحقيييييير إفتحي إفتحي لأكسسسر الباب عليكي إنتهى <أدري مو وقتها بس شنسوي لازم ينتهي أنتظر توقعاتكم -_- |
البارت الثامن والعشرون
"ثمنية وعشرين" رما الجوال ع السرير وراح عند الحمام ودق الباب بقوة : مزوووون ياحقييييييرة إفتحي إفتحي لأكسسسر الباب عليكي مزون خآفت وتجمدت مكآنها فتحت الباب وهي ترجف : وش فيك حبيبي ؟ سعود مسكها من شعرها بقوة : أنا وآحد حمآر إللي وثقت فيكي وحدة حقييرة وخاينه مزون تألمت وحآولت تفك نفسها بس ماقدرت : آه سعود فكني الله يخليك وش سويت أنا ؟ سعود رماها ع السرير بقوة وأخذ الجوال ورمالها اياه وشغل الفديو : ها شوفي شنو هاذا ؟ مزون أخذت الجوال بإيدين مرتجفه وتناظر سعود بعدين الجوال إنصدمت من الأسم فضيحة مزون زوجة التآجر سعود شغلت المقطع بسرعه وشافت نفسها وهي ترقص هاذا أول أمس لما رند سوت حفله من ناشره رمت الجوال وقالت وهي تبكي : سعود إسمعني الله يخليك إسمعني سعود قرب منها ورفعها من شعرها والشرار يتطاير من عيونه : مابي أسمعك ولا أبي أفهم منك شي ترقصي وتوزعينه مزون وهي تبكي : سعود أنا مانشرته والله مانشرته محد يبي يفضح نفسه صدقني يا سعود سعود مسكها من ذراعها وفتح الغرفة الفاضيه ورماها ع الارض : بتبقي هني لين تخيسي لحد ما أشوف حل لهالمصيبه هااذي .. سكر باب الغرفه بالمفتاح وتنهد ونزل تحت قال للحارس ينتبه ع الشاليه ركب سيارته وشغلها وتوجه لبيتهم .. مزون كانت جالسه بزاوية الغرفه وضامه رجولها لصدرها وتبكي بقوة وتشاهق بشكل يقطع القلب , وينك يمه محتاجه لك يا جنتي محتاجه لك حيل ودي أشكي لك وأرتمي بحضنك أختي وأبوي وينكم محد يحس فيني كثركم , أنا قلت خلاص مع سعود بشوف السعاده بس طلعت غلطانه غلطانه بشكل سعود إنسان مريض وشكاك , بس من ممكن يسوي هالشي ومين نشره والمقطع مو مع احد الا مع رند ورند مو ممكـ ... "سكتت وفكرت شوي" معقول رند تسوي كذا لا يامزون رند مو لهالدرجه تكرهتي حتى إنها تفضحني وتشوه سمعتي .. "وقفت بثقل وذراعها يعورها مكآن ما سعود مسكها نأظرت الغرفة كآنت كبييرة وفاضيه ومافيها ولا شي "ياترى يا مزون لمتى بتبقي عايشه بهالعذاب وعايشه هنا تحت رحمة سعود لمتى بس " ورآحت جلست ع الارض "بس إن سعود تمادى معاي وطول لسانه ومد إيده مرة ثانية بتطلق منه أنا مستحييل أكون له مستحييل خلااص نصيبنا مو مع بعض القدر حاب يفرقنا بإي شكل من الأشكال , والمصيبه سعود يصدق بسرعه , خلاص انا بتطلق منه وبرجع أسافر ع فرنسا أكمل دراستي وأبني حياتي من أول وجديد من غير أي أحد يكرهني ويتحكم فيني ويشك فيني آه يارب " وصــل سعـود بيت أهله نزل من السيارة وهو معصب والشرار يطلع من عيونه فتح له الحارس باب القصر دخل وفتح باب بيتهم لقى الكل مجتمع بالصاله ووآضح ع وجهم الضيق أم سعود أول ماشافت ولدها وقفت وتقدمت عنده : شفت فضيحة زوجتك شفت شلون تتمايل وترقص وهالفديو موزع ع كل العالم الكل شافه سعود قرب منهم كلهم وناظرهم واحد واحد : وأنا جيت عشان هالموضوع بفهم من مسوي هالحركة الوصخه هاذي ؟ "وشخص نظره ع رند " أم سعود : لا والله جاي تححقق معنا إحنا أهلك وتارك بنت إبليس روح أسألها هي من له كانت تتخصر وترقص .. سعود : رقصها كان هني بالصالة وببيتنا يمه بس من اللي مصور وناشر الفديو مين بفهم ؟ ريف وقفت جمب سعود : أللي صور رند "وغيرت نبرة صوتها " بس يااخوي مو معقول رند تنشره أم سعود : إنتي وياه بنتي مالها علاقه روحوا شوفوا مين ناشره ووخروا عنه ومزون يا سعود بعد هالفضيحة تتطلق زييين رند وقفت وصارت تبكي : كمآن عشان أنا صورت صرت اللحين ناشرته صحيح ما أحب مزون كثير لكن ماتوصل فيني المواصيل أنشره وأفضحها مالقيتوا إلا انا سعود قرب منها وبعصبيه : أجل مين ؟ رند وخرت وراحت جمب أمها وإرتمت بحضنها بتمثيل : مآدري والله مآدري .. ريف : يمكن أحد سرق الـcd من غرفة رند ونشره سعود : ومين هالشخص هاذا ؟ ريف : مادري هاذا الشي اللي نبي نعرفه سعود : مصير الحقيقه تبآآن وانا رح أبينها "وطلع من البيت" في المستشفى كآن فهد توه دآخل ع المستشفى وقفه صوتها : آءء فهد فهد إلتفت وإستغرب : أهلا أمل .. أمل بتردد : فـ ـهـ ـد أنا حآبه أشكرك ع كل شي سويته معي يوم توفت أمي , وأنـ ... فهد إبتسم بمجآمله : أمل ماله دآعي تشكريني أي وآحد مكآني رح يسوي الشي اللي انا سويته وأكثر كمآن ولا شكر على وآجب أمل : طيب فـ أقصد دكتور فهد انا بطلب منك مساعده لأن مالي أحد ألجأ له بعد الله إلا أنت ؟ فهد بتساؤل : خير أمري ..؟ أمل : الخير بوجهك ومايامر عليك عدو .. انا رح أنطرد من البيت إللي انا فيه"فهد ضيق وجهه ونزل راسه " بعد ماتوفت أمـي أنا طلعت من الشغل وعلي دفع إيجار الشقه ما اعرف شسوي رحت لخوالي وأعمآمي تبروا مني ومحد منهم راضي يساعدني ومالي أحد غيرك إنت .. فهد رفع راسه وبتسرع : أمل تتزوجيني ..O_O ! أمل إنصدمت ماتوقعت يعرض عليها هالشي بهالسرعه هاذي .. نزلت راسها وسكتت ... فهد عرف إنها مو موافقه قال بندم : أنا أسف أمل "وجا بمشي دآخل المستشفى " أمل قالت بتسرع وتردد : آءء فهد فهد ألتفت عليها وهو ساكت " : أنا موآفقه "ونزلت راسها " فهد إبتسم بفرح : صدق موآفقه أمل : إيه موافقه فهد : خلاص بعد ما اخلص دوآم نتقابل بمكآن عشان نحدد وقت العرس ونتفاهم .. أمل : طيب فهد طلع فلوس من جيبه : خذي خليهم معك خذي لك تاكسي خليه يوصلك ع اي فندق واحجزي لك غرفة اقعدي فيها ع بال ما اجيكي انا بعد الدوآم أمل : لاء فهد أروح عند صديقة لي أقعد عندها وإنت تعال خذني من عندها فهد : لاء خذي الفلوس وروحي ع اي فندق ما ابيكي تحتاجي لأي أحد "وأعطاها الفلوس " موعدنا اليوم بعد ما ينتهي دوامي لا تنسي .. وإبتسم لها وأعطآهآ ظهره ودخل المستشفى وهو يتنهد مايعرف اللي سواه صح ولا غلط .. أمل أول ما دخل طلعت جوالها من شنطتها وإتصلت ع نجلاء تقولها اللي صار .. |
فـي بيت أبو نوآف .."
نوآف كآن توه دآخل البيت ما عليه شغل ولا شي مآخذ إجآزة له أسبوعين , لقى أمه والبندري قاعدين باالصاله .. تقدم عندهم : السلام عليكم أم نواف والبندري : وعليكم السلام نواف باس راس امه وجلس ع احدى الكنبات وناظر البندري : ليه ما رحتي ع المدرسه البندري بترقيع عشان امها لا تنشب لها : بطني يعورني أم نواف : وليه ما قلتي يا بنيتي كان اخذتك ع العيادة البندري بتسليك : لا ماما هو وجع بسيط لا أكتر شربت حليب بالزنجبيل وخف الوجع نواف : بطنك يعورك وتطقطقي بالبيبي البندري وقفت وتناظر نواف بنظرات قهر : أقول يمه أنا بطلع غرفتي لان شوي وبرتكب جريمة أم نواف بستغراب تناظر نواف : وش فيها هاذي وش تخربط ؟ نواف عدل جلسته : ماعليكي يمه منها , أنا أبيها تقوم عشان ابيكي بموضوع مهم .. أم نواف بتساؤل : خير يمه ؟ نواف : إحم يمه أنا بغيت أعرس "ونزل راسه " أم نواف بفرح : وأخيراً يا وليدي ما بغيت هاذي الساعه المباركة اللي اشوفك فيها معرس نواف إبتسم وباس إيدها : الله يخليكي لنا يمه .. أم نواف إبتسمت بحنآن : وفي ببالك وحدة ولا أدور لك .. نواف : في ببالي وحدة ام نواف بتساؤل : من هي ؟ نواف : رند بنت عمي راشد أم نواف إبتسمت بس مو متطمنة : زين ما إخترت رند حلوة ومؤدبه نواف يناظر تعابير وجهاا : يمه أحسك مو مستانسه .. أم نواف بحيرة : مو كذا يا وليدي بس رند من إللي أعرفه إنها قويه ولسانها طويل نواف رفع حاجب بستغراب "كل هالبراءة اللي شفتها ولسانها طويل " : لاتخافي يمه يعني أنا بخليها مثل ماهي بعدل لها أسلوبها والبنت لما تتزوج تتغير أم نواف تطمنت شـوي : خلاص يا وليدي إن شاء الله نروح هاليومين أنا وعمتك وجدتك نخطبها لك .. وصـل سعود ع الشاليه طلع فوق وصل للغرفة اللي فيها مزون ناظرها بحزن وتقدم ومسم مقبض الباب كان بفتح لها لكن صورتها وهي ترقص وإن كل الناس شافتها مو راضيه تغيب عن باله نهائي .. ترك مقبض الباب وراح للغرفه الثانيه مزون كآنت بالغرفة وتناظر من شباك الغرفة ع تحت وببالها فكرة مجنونة .. إنتبهت إن في حركة عند الباب وكانت تدري إنه سعود لأنها شافته وهو طالع تنهدت بضيق ودموعها تنزل ع خدها بصمت .. راحت عند الباب وحطت إذنها تبي تسمع إذا في أحد سمعت صوت حركة عرفت إنه راح ع الغرفة .. بعدت من عند الباب وجلست بزاوية الغرفة .. عند سعود كان جالس ع أحدى الكنبات اللي بالغرفة طلع جواله وإتصل ع سكرتيرة معاذ .. وصل صوته : ألو أهلين معاذ .. لا أنا بخير لا تخاف .. أنا متصل عليك عشان الشي اللي صار .. إيه المقطع اللي توزع إنت دريت .. ع قولك من مادرى .. المهم أبي منك تروح لبيتنا وتكلم الحارس المصري محمود بس من غير لا أحد ينتبه عليك لا امي ولا وحدة من خواتي وتكلمه يفك لك الكاميرا اللي ع الباب مع الأجهزة وتجيبهم عندي ع الشاليه فهمت وإنتبه أحد يشوفك والحارس أعطيه كم ألف عشان يسكت وقوله المعزب سعود يبي كذا فهمت .. يلا أنتظرك في أمان الله .. بعد الجوال عن إذنه وضغط عليه وهو يفكر من ممكن يسوي كذا .. اللحين بعرف من الكاميرا من دخل بيتنا ومن طلع .. العصر عـنـد قصر أبو سعود .. توها ريف ورند نازلين من السيارة .. وشافوا معاذ السكرتير يكلم الحارس رند تكلم ريف وهم داخلين : ريفوه مو هاذا معاذ السكرتير اللي بالشركه ؟ ريف وهي مو معاها تناظر وليد إنتبهت : هآ ؟ رند : وش ها أقولك هاذا مو معاذ اللي يشتغل بشركتنا ريف ناظرت وراها وكان وليد نازل من السيارة وجات عينها بعينه التفت لرند : إيه والله هو وش جايبه هنا ؟ رند وصل لباب البيت ورنت الجرس : مدري والله يمكن أخوكي يبي منه شي ريف وهي بالها مع وليد قالت بتسليك : يمكن .. دخلوا البيت وكل وحدة كانت بتروح غرفتها بس ام سعود وقفت رند : رند رند التفت لامها : أووه يمه إنتي بالصاله ما إنتبهت لك سوري ام سعود : المهم بعد ماتبدلي ملابسك , تعالي ع غرفتي ابيكي بموضوع مهم .. رند وهي خايفه يكونوا عرفوا ع فضيحة مزون : إن شااءء الله يمه طلعت رند فوق ع غرفتها أول ما دخلت رمت الشنطة ع السرير وفصخت عبايتها ورمتها كماان ع السرير أخذت ملاابس دخلت الحمام وأخذت شاور سريع لبست بنطلون برمودا اسود وتيشيرت بدون حملاات لون ازرق ونشفت شعرها وفردته وبخت عطر وطلعت من غرفتها وهي راسمه ابتسامة خوف ع وجهاا تقدمت من باب غرفة أمها دقت الباب وصلها صوت أمها دخلت وسكرت الباب وقفت ورآ أمها اللي كآنت تنآظر شباك الغرفة .. : هلا يمه بغيتيني ..؟ أم سعود إلتفت ع بنتها وإبتسمت ببرود عشان تطمنها : إيه بغيتك إجلسي .. جلست رند ع أحدى الكنبات اللي بغرفة أمها وأمها جلست قدآمها تكلمت أم سعود بجدية : إسمعي يا رند تو قبل لا تجي من المدرسه إتصلت علي زوجة عمك ام نواف .."وسكتت تشوف ردة فعلها " رند بستغراب : إيه يمه وأنا وش دخلني ؟ أم سعود كملت : وحددت موعد عشان بتجي تخطبك لولدها نواف . رند o_o أم سعود تناظر علامات وجهاا : وش فيكي ؟ رند بعصبيه : مو موافقه من اللحين أقولك أم سعود وقفت : هآو ليش وش فيه ولد عمك بصير دكتور ومحترم ويحبك وهو اللي قال لأمه تخطبك .. رند وقفت وكانت تتكلم وتمشي بالغرفة : يمه خلاص قلت ما ابيه وأنا ما بتزوج من اللحين بكمل دراستي اولاً وثانياً نواف معقد وعصبي وما أحبه أم سعود : رندووه سمعيني إن ما اخذتيه لا أوريكي شي بعمرك ما شفتيه ماعمر واحد فيكم سمع كلامي بشي سعود كسر كلمتي واخذ مزون وكاهي فضحته وسلمان سافر من غير شوري وانتي بعد من باقلي احكم عليه والله صرتوا انتوا تتحكموا فيني مو انا اتحكم فيكم رند : يمه اغصبيني بشي ثاني لكن الزواج لاء والف لاء هاذي حياتي واللي بتزوجه بشاركني حياتي مو موضوع تافه حتى تغصبيني عليه أم سعود : ياربي صبرني ع ما ابتليت فيه , "وقربت منها ومسك كتوفها من وراء وقالت بهدوء عشان تقنعها " طيب في ببالك واحد اشري عليه والله لا تتزوجيه رند سكتت شوي بعدين التفت لامها وقالت بتردد : إيه في ببالي واحد أم سعود : طيب قولي اشوف رند بسماجه : قصدك أسمع أم سعود بنفاذ صبر : إيه أسمع يلا قولي رند جهزت نفسها عشان تقول وتهرب : أءءء السواق وليد "وفتحت باب الغرفة وطلعت بسرعه خارقه " أم سعود تحاول تستوعب وقالت وهي تكلم نفسها : هاذي تتكلم من جدها ولا تستهبل .. وطلعت من الغرفة متوجها لغرفة بنتها ودقت الباب : رندوه إفتحي ابي اتفاهم معاكي .. رند من وراء الباب كانت تبي تضحك : وش تبي يمه أم سعود : إفتحي عشان أقولك وش أبي رند : ماراح أفتح لأنك رح تضربيني أم سعود : طيب مصيرك تطلعي وجات نازله لتحت شافت ريف طالعه لغرفتها ومعها كوب قهوة ريف بستغراب لأن باين ع أمها العصبيه : وش فيك يمه ؟ أم سعود وهي نآزله : أختك بتجنني أقول لها ولد عمك نواف متقدم لك تقولي مو موافقه "وجلست ع الكنبه " قلت لها وش السبب في احد ببالك تقولي ايه كان اقول لها من هو تقولي بكل ثقه وبرود وليد السواق ريف إنصدمت وطآح كوب القهوة من إيدها " أم سعود وقفت : بسم الله عليكي وش فيكي؟ ريف عيونها دمعت , إنتبهت لنفسها ونزلت تلم القزاز عشان تخفي دموعها : ءء بس إنصدمت أم سعود : إيه والله شي يصدم رند بنت الحسب والنسب تاخذ سواق هاذا اللي باقي ريف رفعت راسها وهي مصدومه وراحت المطبخ .." |
فـي بـيـت أبو نواف وقت المغرب ..
كآنت النوري بغرفتها تفكر بالشي اللي قاله لها خالد , أحسن جات منه عشان ارفضه قال ايش مو موافق ع البعثه يبيني اتزوج واندفن للطبخ والغسل والاطفال , لا والله مو أنا إللي أهدم أحلامي وأدفن طموحآتي عشآن وآحد والمصيبه ما احبه لو أحبه يمكن أضحي بهالأشياء عشانه , قطع تفكيرها دخول البندري عليها .. وما لقتها الا ناقزة قدآمهآ : الحلو بوش يفكر ؟؟؟ النوري تمددت ع السرير : ما أفكر بشي .. البندري : كل هالتكشيرة والسرحآن ولا بشي ..! النوري بحيرة : إممم أفكر بخالد البندري غمزت لها : إيه قولي بحبيب القلب .. النوري : لاحبيب قلب ولا حبيب روح السالفه ومافيها إني ما أبيه البندري بصدمه : لييشششش ؟ النوري علمتها السالفه يوم جا ورفض إنها تكمل دراستها وتسافر عشان البعثة " البندري : أفاا ما هقيت تفكيره كذا النوري : ولا أنا صرآحه عشان كذا محد فينا موافق ع شروط الثاني البندري : يلا حبيبتي مو مشكله الله يعوضك باللي احسن منه النوري: صرآحه أنا حتى لو جاني واحد ثاني مو موافقه بكمل دراستي وبس .. البندري : بكيفك ..! المهم قلتي لأبوي إنك مابينه وذء ؟؟! النوري : لاء لسه ما قلت له اليوم إن شاء الله لما يجي من الشغل بقوله ..! فـي الشاليه عـنـد سعود .. كآن بالغرفة يكلم معاذ بالجوال : أوك , خلاص أنا نآزل لك .. سكر الجوال وطلع من الغرفة نآظر الغرفة إللي فيها مزون وقال بقلبه "قريب بعرف الحقيقة يا مزون قريب " نزل تحت ولقى معاذ جالس بالصاله سلم عليه وشكره وطلع معاذ .." شبك سعود الاسلاك وشغل الكآميرا عشان يشوف , ناظر وقال هاذي غلا والبندري طيب ..؟ بعدين المطقع اللي بعده كآنوا بنتين غريبين إستغرب : من ذولااا لا بنات عمي ولا بنت غلا ؟؟ معقول صديقات خوآتي .. طيب بس هاذول اللي جو بيتنا من وقت الحفلة اللي سوتها رند معقول لهم يد بالقصة .. سكر الكاميرا .. وطلع فوق عند مزون فتح باب غرفتها كانت مزون قاعدة بالزواية ودافنه راسها رفعت راسها لما شافت سعود قدامها سعود قلبه وجعه ع شكلها وجها كله دموع وعيونها منفخه من كثر البكي مزون ناظرته بنظرات ندم وقهر سعود نزل لمستواها وناظر بعيونها اللي تلمع مد لها الجوال : إمسكي إتصلي بريف وإسأليها من البنتين اللي جو أول أمس مدري أمس ع بيتنا يلا مزون أخذت الجوال بإيدين مرتجفه وراحت قائمة الاسماء ضغطت ع اسم ريف وبعد كم رنه وصلها صوتها : هلا سعود مزون شوي وتبكي من صوت ريف تبي احد تشكي له : هلا رييف انا مزون .. ريف بلهفة : يا روحي إنتي كيفك أخبارك وينك فيه ؟ مزون : أنا بخير "وكانت تناظر سعود اللي اعطاها نظرة تخوف " واموري تمام في الشاليه ريف : وسعود كيف يعاملك بعد الفضيحة اللي صارت؟ مزون : يعاملني عادي أصلاً سعود ما صدق وما ضربني "وحست نفسها بتفضح " المهم أنا متصله عليكي بسألك من أول أمس مدري أمس جا عندكم ؟ ريف تتذكر : إممم محد "بعدين تذكرت " ايه ايه صديقات رند خلود وغيداء ليه تسألي ؟ مزون : لا بس سؤال .. "وشافت سعود يأشر لها تسكر " يلا حياتي مطره اسكر سلمي ع الجميع ريف : في أمان الله طمنيني عنك مزونتي مزون : إن شاء الله حبيبتي يلا مع السلامه ريف : بحفظ الله سكرت مزون وأعطت سعود الجوال بعصبيه .. سعود ناظرها : فوق شينك قواة عينك ليه ترمينه كذا ؟ مزون وقفت وصرخت بوجهه : أكرهك أكرهك "خلاص ماعاد فيني صبر وتحمل أنا يا سعود كل يوم عن يوم أموت مية مرة شك وإهآنه وضرب , ولا مرة شفت معك يوم حلو طفشت من غيرتك وشكك وأي شي يجي عني تصدقه لمتى بتبقى كذا لمتى بدل ما توقف معي بهالمصيبة وتخفف عني تضربني هاذا بدل ما تقولي بعرف اللي فضحك وبتحدى الكل عشانك تسوي فيني كذا "ونزلت لمستواه وناظرت بعيونه " مابي شي منك ولا شي بس تثبت برائتي من اللي صار وتقولي كلمة وحدة إنتي طآلق وبالثلاثه كمآن" وقفت وأعطته ظهرها " وإنت من طريق با إن الناس وأنا من طريـ ـق "وقالتها بغصه " سعود مصدوم من اللي قالته كيف أطلقها مستحيل مزون روحي وحيآتي وقف ومسكها من كتوفها : كيف أطلقك ما أقدر يا مزون أنا أحــ ,,, مزون ألتفت عليه وحطت أصابعها ع شفايفه : لاتقول هالكلمة اللي يحب ما يذل اللي يحبه وما يشك فيه ومايصدق اي شيء يجيه عنه اللي يحب يدافع عن اللي يحبه ويحميه ويتحدى الكل عشانه لا تقول هالكلمة يا سعود لأنك ماتعرف معناها سعود : لا يا مزون بقولها حتى لو كنت إنسان ما أفهم بالحب شيء بس أنا أحسك بدآخلي وأحبك أحبك أحبك وكل دقة بقلبي تنطق بإسمك , لاتقولي أذلك وأهينك أنا أغاااااااار عليكي من أي شيء حتى من الهواء مزون : بسميها غيرة بس هالغيرة رح تهدم حياتك مو بس معي لما تطلقني وتتزوج غيري وتحب غيري وتبقى تغار كذا رح تنهدم حيااتك سعود مسكها من وجهاا : لاتقولي أغار ع غيرك ولا احب غيرك وطلاق ما بطلقك يا مزون سمعتي ما بطلقك "وقرب وجهاا من وجهه وأنفاسه صارت ع وجهه "أنا أحبك وأعشقك " مزون غمضت عيونها ودموعها كانت تنزل ومنها تجي ع وجه سعود بعدت عنه بهدوء واعطته ظهرها : هي كلمة وحدة يا سعود بس تعرف الحقيقة طلقني انا وإنت حتى لو كنا نحب بعض ما رح نقدر نعيش ونكمل حياتنا مع بعض "والتفت عليه وقالت بهدوء وصوتها مبحوح من كثر البكي " وأرجوك أرجوك وافق ع الطلاق ولا تعاند خلني مرة وحدة أمشي كلامي وأخذ قرااار أكون مقتنعه فيه خلني مرة وحدة أمشي ورا عقلي مو قلبي ... وأعطته ظهرها وكانت دموعها تنزل بالصمت طلع سعود من الغرفة بخطوات بطيئه وعيونه متحجرة فيها الدموع ونآظر عليها نظرة أخيره وطلع من الغرفه مزون فضلت واقفه مكآنها لين سمعت صوت باب الشاليه تسكر سكرت باب الغرفة وتسندت عليه لين نزلت ع الأرض وضمت رجولها لصدرها ودفنت راسها وصارت تبكي بقوة .. فـي الفندق .. كآنت أمل قاعدة بالغرفة من بعد ما اليوم تقابلت هي وفهد وحددوا موعد الزوآج .. وقال لها كمآن أسبوع لأن توه مطلق سارا والناس ماترحم ومو حلو يسوي بقاعه وكذا لأنه متزوج قبل كذا فاراح يسوي حفلة صغيرة وإنتهينا .. كآنت سآندة ظهرها ع السرير وتقول بينها وبين نفسها "صح إللي سويتيه يا أمل ولا غلط , مدري أحس بتأنيب ضمير لاني أنا اللي فرقت بين سارا وزوجها , وسمعت كلام نجلاء الحاقدة , بس ما كذبت ع فهد أمي توفت "خنقتها العبرة" والسبب خوالي الحقيرين مارضوا يدفعوا فلوس لعمليتها وفات الاوان وتوفت , انا رحت لفهد عشان يساعدني بس هو اللي طلب مني الزوآج .. بس أنا سبب طلاقه من مرته يوم أتصلت عليه لما هي ردت , آآآه يارب أحس بضيقه وتأنيب ضمير مدري وش بسوي .. أندق باب الفندق وقفت ومسحت دموعهآ ورتبت شعرها وأخذت الطرحة وحطتها ع شعرها ونادت من وراء البااب : مين ؟ ردت بصوتها : أنا فتحت الباب لما عرفت صوت بنت نآظرت وإنصدمت وقالت بدون إستيعاب : آءء سارا .. إنــتــهـــى البارت .. أنتظر توقعاتكم وكذا |
البارت التاسع والعشرون
"تسعه وعشرين ":$ فتحت الباب لما عرفت صوت بنت نآظرت وإنصدمت وقالت بدون إستيعاب : آءء سارا .. سارا نآظرتها بإستحقار من فوق لتحت ودفتها ودخلت أمل خآفت وتوترت سكرت الباب ودخلت "* سارا إنتظرتها لما دخلت قعدت ع إحدى الكنبات اللي بالغرفة وناظرت أمل وقالت ببرود : أقعدي .. قعدت أمل قدآم سارا وهي ساكته تنتظرها تتكلم .. سارا تنهدت وقالت من غير لاتناظرها : شوفي أنا مو جآيه اهآوش وأصرخ كل اللي أبيه منك شي وآحد , تقولي لي من عرفك ع فهد أمل توترت وبلعت ريقهآ : محد عرفني ع فهد انا بروحي عرفته لما أمي كآنت تعبانه ورحت ع المستشفى إللي هو فيه سارا :مابي أكرر وأعيد سؤالي من عرفك ع فهد قولي الصدق يـ ... "وقالت بستهزآء " أظن إسمك أمل صح ؟ أمل طنشت سؤالها : ساارا أنا مالي علاقة بطلاقك من فهد إنتي شكآكه وتغاري وفهد طلقك من تصرفاتك ولأنك كمآن ماتجيبي عيال "وقالتها بتردد " سارا وقفت بهدوء ودمعتها عالقه برموشها : صحيح طلقني لأني ما أجيب عيال .. ومشت بتطلع بعدين إلتفت "بس ماراح أتركم تتهنوا وشوفي وش بسوي فيكي يا أمل " وفتحت باب الجنآح بتطلع لقت فهد بوجهاا عصبت وبنفس الوقت إنقهرت فهد إنصدم ما توقع ولا 1 بِ 100 يلقى سارا هنآ .. قال بتعجب وهو ينآظر دآخل الجنآح : وش جآبك هنآ ؟؟ سارا ضحكت بسخريه : جيت أسلم ع عروستك وأبارك لها .. فهد تلعثم : أءء وش عرفك ؟ ساارا عصبت وصارت تصارخ : هاذا اللي هآمك وش عرفني ؟ فهد يحاول يهديها مسك إيدها بهدوء : سارا إهدي إحنا بفندق ومكآن عآم مو ببيتنا تصارخي سارا فكت إيده وصارت تركض طالعه للدور اللي فوق وفهد يحاول يلحقها بس هي كانت اسرع منه وصلت للسطح فوق وفهد لحقها وشافها قريبه من السور قال بخوف وهو يناظر المسافه اللي تفصل بين سارا والسور : سارا يا مجنونه وش بتسوي انهبلتي انتي ؟ سارا وقفت وكانت شوي وترمي نفسها : لاتقرب مني فهد إن قربت والله لأرمي نفسي فهد يحاول يقرب بهدوء وهو يهديها : إهدي سارا إهدي "وكأن يقرب" سارا صرخت لما شافته يقرب : لا تقرب لاتقرب لارمي نفسي فهد خاف وبعد وكآن كل شوي ينآظر المسافه اللي بين سارا شوي وتطييح قال بهدوء وهو خايف : سارا الله يخليكي لاترمي نفسك سارا فكري وش بصير فيني انا بعد كذا سارا أنا أحبك والله أحبك كل الناس سمعوا صراخ سارا وطلعوا فوق وخافوا من منظرها وأمل كآنت واقفه تناظر وقلبها يدق خايفه لسارا تطيح وتصير هي السبب سارا تكلمت وهي دموعها تنزل : مابي أعيش أبي اموت لو عشت إنت ماراح ترجع لي وأنا ما أجيب عيال البعض متأثر والبعض الثاني نزلوا ينادوا أمن الفندق فهد إلتفت للي للنآس وصرخ عليهم كلهم : مآبي أحد هنآ إنزلوا تحت مابي أشوفكم نزلوا بعض الناس والبعض الثاني يهدي بفهد طلعوا أمن الفندق فوق : خير أخوي وش صاير فهد طنشهم وقرب من سارا بخفه ونزلها بسرعه وهي كانت متمسكه فيه وخايفه تبكي فهد التفت للأمن : مافي شي أخوي سوء تفاهم الأمن إلتفت للناس : خلاص ياجماعه مافي شي يلا كل واحد ينزل نزلت الناس والامن كمآن أمل بقت وآقفه عند الباب وتناظرهم من غير لا ينتبهوا .. سارا كانت حآضنه فهد لمدة 10 دقايق بعدت عنه ومشت بتنزل لتحت فهد مسك إيدها بهدوء وقال لها : سارا وش فيكي ليه سويتي كذا ؟ سارا ودموعها عالقه برموشها : مافيني شي إتركني بنزل تحت بروح بيتنا فهد قرب وصار قدآمهآ : سارونه انا أعرفك لما توصلي لهالحالة يعني في شي مضايقك حيل سارا دفته عنها : فهد إتركني لو سمحت ماصار شي يربطنا حتى تكلمني بهالطريقة وبهالاسلوب وإذا بشكي مابشكي لك فهمت ونزلت تحت وتركته مقهور ومحتآر ومتنرفز وكل شي .. أمل تخبت عشان سارا لاتشوفها ونزلت سارا تحت أمل دخلت ع السطوح وشافت فهد يناظر ع سارا وهي نآزله .. جات من وراه ومسكت كتوفه فهد نآظر بنص عين وعرف إنها أمل قال بهدوء : ممكن تتركيني بروحي أمل أمل قالت بدلع وخبث : لاء ماراح أتركك بروحك أخاف تسوي بروحك شي فهد إلتفت عليها وقال ببرود : أمل مو مجنون أسوي بروحي شي خليني بروحي أحسن حل أمل نزلت إيدينها وإستسلمت لرغبته ونزلت تحت فهد تنهد ومسك راسه وقال : ياربي إللي أسويه صح ولا لاء ..! صبآح يـوم جديد فـي الشاليه ..~ مزون فتحت عيونها لما شافت الشمس كلها ممليه الغرفه , مسكت ظهرها وهي تتألم من نومة الأرض , تذكرت هالنومة من زمآن عنها كآنت دآيم تنآمهآ ببيت عمها .. عدلت نفسها وهي تتأوه من الوجع .! نآظرت الفرآغ وتذكرت أحدآث أمس بلعت غصتها بألم وقفت وتقدمت من باب الغرفهه ومسكت مقبض الباب وترددت تفتح ولا لاء ..! خآيفه سعود يكون تحت وهي لها يومين لا بدلت ملابسها ولا أكلت .. فتحت الباب بهدوء وطلت ع الصاله وع غرفة سعود طلعت وسكرت باب غرفتها كمآن بهدوء .. نزلت تحت بخطوآت بطيئه وقفت ع أخر الدرج وشآفت سعود نآيم وحآط إيدينه ع عيونه تنهدت وكملت طريقها للمطبخ .. سعود وخر إيدينه عن عيونه أصلا ما كآن نآيم وبعدها رجع حطهم وصآر ينآظرها بنص عين .. مزون طلعت عصير برتقال من الثلاجه وتوست وجبنه , توجهت للدولاب طلعت كآسه وصبت فيها العصير , وحطتها ع الطاولة وسوت لها سندوتش توست وجبنه , ورجعت كل شي مكآنه وقعدت ع طآولة السفرة إللي برآ بالصاله لأن المطبخ مافيه طآوله , وصارت تآكل بهدوء .. سعود كآن شايفها بس ما حب يبين لها إنه قآيم لأنه إذا شآفته رح تبطل تآكل وهو يبيها تآكل ومايبي يزعلها مزون خلصت أكل ودت الصحن والكآسه للمطبخ غسلتهم وجآت بتطلع من المطبخ لقت سعود فوجهاا .. تنهدت بضيق وشآحت وجهاا للجهة الثانية .. سعود مسك وجهاا بكفوفه .. مزون نزلت إيدينه بهدوء وقالت بنبرة بآردة خآليه من أي تعبير : أرجوك سعود لاتحرجني ولاتقرب مني أبي الحقيقه تظهر ونتطلق .. سعود إحترم رغبتها ولو إنه مستحيل يطلقها لو إيش مايصير بعد من قدآمهآ : برآحتك مزون مزون طلعت فوق وكآنت دموعها تسبقها وهي تنزل .. سعود تنهد وأخذ مفآتيحه من الطآوله وطلع برا الشاليه .. ركب سيآرته وشغلها وصآر يمشي بالشوارع بلا هدف .! مايدري وين يروح .. مايعرف لمين يفضفض .. اللحين صبح والناس بدوآمتهآ إلا أنا مالي خلق أروح الشركة بعد الفضيحة إللي صارت , ع الأقل لما تبآن الحقيقه أروح للشركة براس مرفوع .. أخذ جوآله وإتصل ع فهد .. : ألو هلا فهد .. بخير الله يسلمك .. المهم إنت بالمستشفى صح ؟ .. أها مارحت أجل طلعت مثلي .. ع قولك الكل نفسيته ضآيقه هاليومين .. أنا كنت متصل عليك بقولك خلنا نطلع .. أوكِ أنتظرك هنآك .. فمآن الله .. سكر سعود الجوال وتوجه للبحر .. |
فـي قصر أم سعود ..
ريف كآنت نآزله من غرفتها وهي لابسه العبايه ومعها شنطتها والطرحة ع كتوفها ومعها الكتب .. شآفت أمها تفطر بروحها . . حز بخآطرها رغم قسوة أمها وعنآدهآ إلا أن تبقى أمها مهما صار ومهما كآنت معآملتها معهم .. "مسكينه يمه مافي أحد يفطر معك " تنهدت ع الوضع اللي وصلوا له وتقدمت وهي رآسمه إبتسآمه وآسعه ع وجهاا وبآست رآس أمها : صبآح الخير يا أحلى أم سعود بالشرقيه كلها .. أم سعود إبتسمت غصب ع إبتسآمة ريف الحلوة : صبآح النور يمه .. ريف سحبت الكرسي وجلست ومكست إيد أمها ونآظرتها بحنآن : وش فيكي يمه مو على بعضك سرحآنه ومتضايقه .. أم سعود تنهدت : كل إللي فينا وتسألي ياريف .. ريف : لاتخافي يمه إن شاء الله كل شي بتعدل .. مزون مظلومه ومصيره سعود يكشف إللي فضحها وسوا هالحركة الوصخه هاذي .. وسلمآن لاتزعلي عليه بكمل شغله وأموره هنآك وبجي هني بستقر بالشرقيه هونيها وتهون يا يمه .. أم سعود : وأبوكي ياريف إللي أمس سآفر بالليل كأنه يهرب من المشآكل إللي تصير , الشركة كل شوي تدهور أخوكي سعود لاهي بفضيحة زوجته .. وأبوكي سآفر .. ومافي أحد مآسكها .. ريف : يمه وش لك بالشركة وهالامور وبعدين جرآح ولد عمتي مهتم بكل شيء لا تخافي أم سعود تنهدت : الله يعين .. "وتذكرت " يلا إنتي وش مقعدك روحي جآمعتك ريف : أنتظر الست رند تنزل الساعه بتصير 7 ونص وهي لسه أم سعود : لا رند قآمت من بدري ورآحت المدرسه .. "وقالت بأصرار " أعرفها ليه قآمت وكل هالنشآط الخبيثه عشآن تبي تروح مع السواق بروحها .. بس ما خليتها تتهنى رحت معهم وتوني رجعت ولاحظت الضيق ع ملامحها تبي الجو يخلى لها "وكملت بقهر " هالبنت مدري متى بتترك هالتفكير السخيف ريف ضآق صدرها من هالموضوع وقفت لأن ماتبي تتجآدل : الله يعين يمه .. يلا أنا بروح تبي شي أم سعود : سلامتك "وكملت بتحذير " إنتبهي إنتِ الثانيه لا تتعلقي بهالسواق .. ريف فتحت عيونها وبقهر : يمه وش هالكلام "وأعطت أمها ظهرها لاتنكشف " يلا مع السلامه أم سعود : بحفظ الله .. طلعت ريف وهي مرتبكه حدهآ وخآيفه عدلت طرحتها ولثمتها , ومسكت كتبها بإيدها , وشنطتها ع كتفها ومشت بثقه وكآن وليد ينتظرها , فتحت الباب إللي ع اليمين وركبت . وقالت بهمس : السلام عليكم وليد وهو متفشل من يوم ما سمعته قال بهمس : وعليكم السلام .. وحرك السيارة وطول الطريق الطرفين سآكتين ..! فـي البحر .. كآنوا فهد وسعود جآلسين وكل وآحد سآكت وينآظر البحر بعيون بآين عليها الهم والضيق وكل وآحد بين دقيقه ودقيقه يطلق تنهيدة طويله , لحد ما فهد تكلم .. إلتفت لسعود إللي ينآظر البحر وسآكت : يا أبو الشباب جبتني هني عشآن نتصفن ببعض ..؟ سعود أخذ مجموعة أحجآر وصار يرميها بالبحر بغير إهتمآم : وش تبيني أقول فهد عدل جلسته : لا الولد جن رسمي . مو متصل علي قايلي تعال البحر ابيك بموضوع ومدري شنو ..؟! سعود سكت لفترة بعدين قال : أبيك تسآعدني بموضوع مهم .. فهد بستغراب وتسآؤل : أمر .. سعود بهتمام : أبي ولد يكون ذكي وقوي .. فهد بنفس الاستغراب : ليه ؟ سعود : اللحين أتركنا من ليه .. هالولد موجود .. فهد بطفش : إعتبره موجود .. بس ليه ؟ سعود صار يضحك : ههههههههه تصدق صرت ملقوف مثل بنت عمتي عدتك شكلها .. فهد تنهد من طاري سارا ورجع له الهم : آآآه بس يا سعود سعود : أفا أفا ورا هالتنهيدة سر كبير "وضربه ع رجله بخفيف " يلا قول أسمعك .. فهد قاله سالفة الطلاق وقت ماشكت فيه لين أمس أخر موقف بسطوح الفندق " سعود : الله كل هالمشآكل تصير بعايلتنا ومحد يدري .. صدق إحنا عائله مفككه ومشتته فهد شآح وجهه للجهة الثانيه وقال بسخريه : هه توك تدري ..! سعود رفع حآجب : نعم ؟؟ فهد إلتفت عليه : المهم أبيك تساعدني وش أسوي مع سارا .. ؟ سعود بتفكير : والله يافهد ياريت مشكلتي مثل مشكلتكم لا كآن حليتها من اللحين .. يا اخوي الحل وآضح .. روح ورجع سارا وإتركك من هالأمل وآضح عليها لاعاابه ورآعيت خبث وهالحركات السخيفه .. وسارا تقدر تتعامل معها بأسلوبك ع قصة الشك والغيرة اللي مسويتها "وضربه ع كتفه بمزح " وبعدين مفروض تستآنس احد يغار عليك .. أنا مزون الله خير ماتحرك سآكن .. فهد : هههههههههههههههههه أصلا كل سالفة زوآجك من مزون غلط بغلط سعود زفر : إيه والله .. وقت المغرب .. في بيت أم جرآح في غرفة سارا بالتحديد .. كآنت وآقفه قدآم المرايا وبإيدها مجموعة من حبآت الدوآء وعيونها تنزل منها الدموع ومترددة تآكلهم ولا لاء .. ! تذكرت يوم فهد حضنها أمس .. ويوم كآن يكلمها بقسوة .. وتذكرت أيآمهم الحلوة .. زآد الجرح بدآخلها وصارت تبكي بقوة أكثر من قبل .. قالت بقلبها "وش أبي من هالحياة دآمني خسرت إللي أحبه الشي إللي أبيه رآح واللي أحبه وكنت أتنفس لأجله رآح ليه أبقى عآيشه " شربت حبآت الدواء , وبلعتهم بصعوبه وهي مغمضه عيونها وشوي بدآ مفعول الدواء يأثر ع جسمها وطآحت مغمى عليها .. |
تحت في الصاله ..
كآنت توها أم جرآح مسكرة تلفون البيت ورآسمه إبتسآمه وآسعه ع وجهاا , لأن فهد كلمها وقال لها أعطي سارا خبر تتجهز عشان اللحين بجيب الشيخ وبردها .. وصلت لغرفة بنتها ودقت الباب وهي مبتسمه : سارا يمه إفتحيلي عندي لك خبر حلو .. "زآدت الدق " سارا فتحي.. لما مالقت جوآب فتحت الباب وشافت بنتها طآيحة ع الارض وحوالينها علب الدواء الفاضيه .. شهقت برعب وصارت تبكي .. وتقدمت عندها ومسكت راسها وصارت تضربها ع خدها بالخفيف وهي تبكي : سارا يا بنيتي قومي وش سويتي بنفسك "وصارت تنادي ع الخدآمآت " سونيا جآني وينكم فييه طلعوا سونيا وجآني : نئم مدآم وخآفوا من شكل سارا أم جرآح : إتصلوا ع الأسعاف بسرعه جآني بخوف : حادر مآمآ فـي شقة فهد .. كآن وآقف قدآم المرايا ويصفر بروقان ويعدل الكبك سكره ونآظر نفسه ببتسآمه وآسعه : وكدا نكون كشخنا أحلى كشخه "ياه اليوم بعوضك يا سارا عن كل الأيآم إللي تعذبتيها ببعدي عنك " عدل يآقة الثوب . وحط من العودة اللي سارا تحب ريحتها .. وأخذ مفاتيحه وجوآله وطلع وهو يسكر باب الشقه رن جوآله رفعه ولقى "أم جرآح" يتصل بك .. رفعه لإذنه ورد وهو مآشي لسيآرته : ألو هلا خآلتي ... شنو سارا حآولت تنتحر .. "وصار يركض " طيب مسافة الطريق وبكون هنآك .. سكر الجوآل وركب سيارته وشغلها وهو متوتر وضآيق صدره .. فـي قصر أبو سعود .. الساعه 8 العشاء .. كآنت رند جآلسه بالصاله هي وأمهآ وينآظروا الـ tv وأم سعود ودها تتكلم مع رند بخصوص نوآف .. بس قالت أأجلها شوي .. ريف كآنت فوق بغرفتها تذآكر .. رن جوالها إللي كآن جمبها رفعته وشآفت الإسم "كآن سلمآن" إبتسمت وردت بلهفة : هلا سلوم .. وحشتني يا قآطع وحشتني حيل .. الحمدلله بخير وأمي وأبوي ورند وسعود الكل بخير ويسلم عليك .. الحمدلله ماشي حالها قربت السنه تخلص .. "بستغراب " موضوع خير تفضل .. "وقفت بصدمه" شنووووووو تزوجت ؟؟؟ ... ليه كذا ياسلمان والله أمي لاتنجلط .. لاحول ولا قوة إلا بالله .. كل مصيبه تنزل ع راسنا أقوى من إللي بعدها .. "قالت بعصبيه" أيه مصيبه وأكبر مصيبه كمآن إنك تتزوج وحدة مو من ثوبنا ولا ديناا .. طيب وحتى لو مسمله لكن غريبه وبالسر كمآن ماقلت لأهلي لو موآجه أمي كآن الموضوع أهون بس متزوج بالسر .. "قالت بصدمه .. " لا والله تتكلم من صدقك تبيني أنا أقول لأمي عشان تثور علي .. لا لا سلمان إنت تتصل عليها أو تجي وتقول لها أنا لا تدخلني بالموضوع نهااااائي .. "تنهدت بتعب " خلاص خلاص لاتزن بقول لها وبشوف .. يلا فمآن الله .. إنتهت من المكآلمه وتنهدت بتعب ورجعت شعرها لوراء وأخذت نفس عشان تستعد وتنزل تقول لأمها .. حطت الجوال ع الطآوله .. طلعت من غرفتها نزلت تحت للصاله شافت أمها ورند ينآظرون الـ tv نزلت وهي مرتبكه وجلست جمب امها وهي متوترة .. ام سعود نآظرت وجهاا بستغراب : ريف وش فيكي مو على بعضك ؟.. ريف عدلت جلستها وصارت قدآمها : آءء يمه أبيكِ بموضوع ..! أم سعود بتسآؤل : خير .! ريف : لا خير يمه .. إممم توه سلمان إتصل علي .. أم سعود بفرحة : صدق وليه ما عطيتيني أكلمه .. "بعدين نآظرت علامآت وجه بنتها " أخوكِ في شي ريف تكلمي ..! رند إنتبهت لهم وسكرت الـ tv وإلتفت لهم : خير وش صاير ..! ريف وقفت وقالت وهي مشبكة إيدينها ببعض : يمه سلمآن بخير .. بـ بـ بـس قآلي إنـ ـه إنـ ـه .. "وسكتت" أم سعود وقفت ومسك كتوفها : وإنه إيش تكلمي ريف وش فيه أخوكِ ؟ رند وقفت بخوف وتنتظر أختها تتكلم ..! ريف قالت بسرعه : إنه تزوج .. "ونزلت راسها" رند شهقت ونآظرت أمها تشوف ردة فعلها ..! أم سعود ما تحملت الخبر وطآحت ع الأرض .. ريف ورند ركضوا نآحيتها وقومها وسدحوها ع الكنبه وجآبو مويا ورشوها ع وجهاا بخفيف .. وفتحت عيونها بخفيف : وش صار علي ..! ريف بخوف : يمه إنتي بخير .. أم سعود عدلت جلستها وتذكرت وقالت بخوف وتبي تنفي الحقيقه : ريف إللي قلتيه صح أخوكِ تزوج .. ريف بحزن ع حآلة أمها : إيه يمه صح .. ولازم نتقبل الحقيقة أم سعود مكست راسها بإيدينها وقالت بيأس من أولادها : حسبي الله ونعم الوكيل .. ولاواحد من إخوآنك معبرني الأول تزوج مرتين وغصب عني والثاني ما قاللي من الأساس هاذول أولاد ,, أنا أكيد مسويه شي بحياتي حتى ربي باليني بعيال عاقين مثل هاذول ريف : يمه الله يهدآكي وش هالكلام لاعاقين ولا شي , بس الله يهدآه سلمآن مدري وش صار له أم سعود وقفت وقالت من غير إهتمام : والله أنا ماعاد تفرق عندي تزوجوا ماتوا صار لهم شي تبريت منه هو وسعود كآن توه سعود دآخل وسكر باب القصر ودخل وهو يلعب بالمفاتيح وقال : وش فيه سعود بعد أم سعود : اول شي سلم دآخل كذا تهاوش ..؟! سعود جلس ع الكنبه المفردة : بسم الله يمه وش فيكي كذا معصبه وتنافخي ؟ أم سعود وهي مالها خلق تتكلم : أنا تعبانه وبطلع فوق أرتآح خلي خوآتك يقولوا لك وش مهبب أخوك وطلعت فوق .." سعود إلتفت لخوآته وقال بتساؤل : وش فيه سلمآن ..؟ ريف جلست وتنهدت : تزوج وحدة أجنبيه .. سعود بصدمه بعدين تنهد : وربي مصيبه متزوج وحدة أجنبيه وكمآن ما أعطآنآ خبر رند قالت بستهزآء : هه يعني إنت أحسن منه .! سعود هو خلقه معصب منها : رند إحترمي نفسك لأقوم أكوفنك مكآنك خلقه أنا هاليومين معصب منك رند وهي رآيحه : أطلع غرفتي أحسن لي لأن صاير الجو خنققققه <ومطت كلمة خنقه سعود هز رآسه بيأس من هالبنت وعنآدهآ .. ريف إلتفت لسعود : ماعليك منها سعود , المهم وش صار ع موضوع مزون سعود نآظر الفراغ : لاجديد ريف : يعني ماسويت شي مالقيت دليل .. سعود نآظرها بهتمام : أنا شآك بأحد بس أبي أتأكد ريف بتساؤل وإستغراب : بمين ؟ سعود : برند .. ريف ما إنصدمت لأن توقعت إنه بقول رند : كنت متوقعة إنك بتقول رند سعود : دآمك متوقعة يعني أكيد بكون لها إيد بالقصة .. ريف : إممم شوف مابقولك مستحيل .. أختي وأعرفهاا زين يطلع منها هالشي , بس مو قآدرة أستوعب إن ممكن تسوي شي زي كذا سعود : توك تقولي يطلع منها وشوي تقولي ما استوعب .. ريف مسكت راسها بتعب وتوتر : متوترة كثير ياسعود وفكري مشوش .. سعود مسك إيدها : ليه ماترتآحي وتعتذري للجآمعه أسبوع ع الاقل ريف : ياريت التعب من الجامعه , التعب من البيت والأمور إللي تصير فيه سعود : ربك يعين .. المهم أنا بكلم رند بكرا وبشوف وش تقول .. رن جوآل سعود رفعه وكآن رقم غريب .. طنش ومارد ريف تنآظره بستفسار : ليه مارديت ؟ سعود :رقم غريب ومالي خلق .. فضل الرقم يدق لين ما سعود طفش ورد : ألو من معي .. إيه نعم انا سعود .. تبي تشوفيني .. "بصدمه " بخصوص الموضوع حق زوجتي .. "وقف " طيب طيب دقايق وأجي إيه أعرفه يلا مع السلامه ومشي طالع لبرا ريف وقفت ونآدته : سعود سعود وين رايح ؟ سعود وهو مآشي : وحدة إتصلت علي تقول عرفت اللي فضح زوجتك وطلع برا ريف بستغراب ومع تفاؤل : وحدة من ممكن تكون ؟. بس يلا إن شاء الله تكون صادقه ونعرف من اللي فضح مزون .. فهد وصل المستشفى طلع فوق لقى أم جرآح وجراح قاعدين ينتظروا خروج الدكتور فهد قرب عندهم وقال بخوف : وش صار لسارا ؟ جراح كان يناظره بنص عين ومارد عليه أم جراح قالت بغصه : بنتي حآولت تنتحر يافهد والسبب إنت .. فهد أعطآهم ظهره ومسك راسه بتعب : يالله "والتفت عليهم " طيب الدكتور ما طلع .. ماقال لكم شي .. أم جراح : لسه .. طلع الدكتور والكل تقدم عنده أم جراح بلهفة : ها دكتور شلون بنتي ..؟ الدكتور : لاالحمدلله مافيها بخير , بس البنت تعآني من ضغوطآت نفسيه ويبي لها إهتمام وراحه وأهم شي لاتخلونها تتضايق فهد : إن شاء الله دكتور , طيب نقدر نشوفها الدكتور : لاء هي اللحين نآيمه وترتاح لا قامت تقدرون تشوفونها ماتشوف شر "عن إذنكم فهد : إذنك معك جراح ناظره بحقد : عاجبك اللي صار ..! فهد : جراح مو وقت هالكلام هاذا جراح أعطاه نظرة وسكت .. والتفت لأمه : يمه روحي البيت وبكرا تجي وتشوفينها أم جراح : لاء بنتظر لين تقوم بتطمن عليها جراح : يمه مابتفيد قعدتك هني الدكتور قال بكرا بتقوم روحي البيت وارتاحي وبكرا اجيبك هني أم جراح إستسلمت وقآمت وجرآح قآم عشان يوصلها .. فـي إحدى الكوفيهآت , كآنت غيدآء قآعدة تنتظر سعود ومتلثمه ومابينت وجهاا .. دخل سعود وألقى نظرة ع الكوفي شوب غيدآء عرفته واشرت له نآظر لها وتقدم وهو متحمس سحب كرسي وقعد : السلام عليكم غيداء : وعليكم السلام سعود : إحم إنتِ صدق تعرفي اللي فضح زوجتي .. غيداء : إيه أعرفه .. والشي إللي خلاني أجي وأقولك تأنيب الضمير ماقدرت أنام ولا أسوي شي من ضميري سعود : طيب أنا اللحين بعرف من سوا كذا .. غيداء : بقولك للاخر بس لا تقآطعني .. سعود بلهفة : طيب تلكمي .. غيداء : قبل فترة اختك رند إتصلت علي قالت لي مزون زوجة أخوي قاهرتني سببت مشآكل بين أمي وأخوي والبيت صار مخربط بسببها أبي أسوي شي عشان سعود يطلقها قلت لها وش هالشي قالت بسوي حفلة هاليومين وبخليها ترقص وبصورها وبنشر هالفيديو قلت لها حرام بس هي هددتني إن ما ساعدتها رح تمنع المصروف عني وعن جدتي وإحنا فقارة ومالنا أحد وأختك رند تصرف علينا فرضيت وسكتت وجا يوم الحفله وخلت مزون ترقص وصورتها وأعطته وحدة إسمها خلود قالت لها إنشرينه وإذا السالفه إنكشفت بقول لأخوي إنك جيتي بيتي وسرقتي الـ cd وهاذي السالفه بالمختصر سعود ما إنصدم لأنه توقع إنه رند اللي مسويه كذا : طيب أختي مشكور إنك قلتي لي .. بس مفروض من الاول تجي وتقولي كآن وقفت رند عند حدها غيداء : خفت تسوي شي فيني وفي جدتي سعود وقف : المهم اللحين بينت الحقيقه . وأشكرك ع تفهمك وإنك إعترفتي "وجا بطلع بعدين تذكر " ومري عندي ع الشركه عشان أساعدك "وإبتسم وطلع " غيداء تنهدت برتياح : اللحين إرتحت الحمدلله .. إنـتــهـــى البارت أنتظر توقعاتكم ..~ |
يعطيج العافيه ملكة الرومنس ع البارت الرائع
ننتظر المزيد لاهنتي |
كل الشكر لتواجدك الغالي شمس القوايل والمميز هنا
ودي وتقديري |
"البارت الثلاثون "
أول ما طلع سعود من الكوفي وهو بسيارته ويفكر ويقول "معقول توصل الحقارة برند لهالدرجة لمين طالعة هالبنت بالتفكير الوصخ والسخيف هذا ..؟ بس والله لأدفنها وأكوفنها بإيديني ع حركتها السوداء هاذي .." مالقى نفسه إلا واصل ع البيت فتح له الحارس الباب ودخل وقف سيارته ونزل منها ودخل ع البيت بسرعه لقى الصاله فاضية وواضح إن كل وآحد بغرفته .. صار ينادي بصوت عالي : رنــــــــد يـــمـــه وينكم ؟ نزلت أم سعود ووراها رند وريف أم سعود تنآظره بستغراب وعلى وجهاا علاماات التساؤل : خير ياسعود وش صاير ؟ سعود وصل لنص الدرج ونآظر رند بنظرات تخوف : يمه أنا عرفت من إللي فضح مزون ..! أم سعود تناظر بناتها وبعدين ناظرت سعود وبلهفة وحماس : صدق من طلع ..؟ سعود قرب أكثر من رند لين صقت بدربزين الدرج : هالحقيرة إللي قدآمك هي إللي فضحت مزون .. أم سعود فتحت فمها من قوة الصدمة وناظرته بعدم تصديق وبلعت ريقها : إنـ ـنـ ـت وش تـ ـقـ ـول مـ ـتـ ـآكـ ـد يـ ـآ سـ ـعـ ـود سعود نآظر أمه : إيه وتأكدت بنفسي كمآن "وش الهحقارة وقلة الحياء اللي إنتي فيها وصلت فيكي الموااصيل تفضحيها مثل هالفضيحة الوصخه "وصرخ بوجهها " رند مو قاردة تستوعب شلون ؟ وكيف عرف ؟ مو معقول خلود أو غيداء قالوا له بلعت ريقها وعيونها صارت تلمع من الخوف والدموع إللي تجمعت فيها وقفتها صارت غير متوازنه وشوي وتطيح وناظرت بسعود بنظرات خوف وضياع وبلعت ريقها : لالاء إللي يقوله يمه كذب والله كذب أنا ماسويت شي زي كذا مستحيل اصلاً أسوي شي زي كذا أم سعود مسكت راسها من الصدمة : أنا خلااص ماعاد بقى ع موتي شي بتقتلوني نااقصة عمر .. "وصرخت ع رند " رند إذا إنتي إللي مسوية هالشي تكلمي قولي ؟ رند بكت : يمه مو أنا إللي سويت كذا كذب والـ ... سعود مسكها من شعرها بقوة وناظر وجهها : لاتحلفي يا وصخه أنا متأكد وسمعت هالشي من صديقاتك إللي إعترفوا عليكِ بتنكري اللحين "وطالع بامه وريف المصدومين " يمه ريف هالحقيرة هاذي بتبقى بالمخزن أسبوع كآمل لين تخيس وتعفن وتموت ولاحد يعطيها لا أكل ولا شرب ولا شي لين تتربى وتعرف حدودها "ودف أمه وأخته من أول الدرج ونزل وهو ساحب شعر رند وهي كانت تبكي بحرقة وتستنجد بامها وأختها " أم سعود كانت تناظرها بضياع ومو معاها تحاول تستوعب الشي اللي قاعد يصير .. وريف كانت تبكي بصمت لهالحالة اللي وصلوا لها ومو قاردة تساعد رند رغم إنها متعاطفة معها وحزينة عليها لكن شي دآخلها يقول تستاهل عشان تتربى .. ثـآنـي يـوم الساعه 1 الضهر .. بالمستشفى وبالتحديد بغرفة سارا .. كآن فهد نآيم ع الكنبة إللي بغرفة سارا لأنه تعب من أمس وما نام إلا الفجر طول الوقت كآن يقرأ قرآن وقاعد جمبها .. سارا إللي كآنت تعبانه حيل ومصدومة ومو قاردة تتكلم فتحت عيونها بخفيف وبتعب وكان المغذي بإيدها حركت راسها ع جهة اليمين وشافت فهد نايم غمضت عيونها بألم وصارت تأن من الوجع : آه يمه ضهري آه فهد سمع أنينها وراح عندها بسرعة وإبتسم بفرح : سارونتي إنتِ بخير ؟ سارا ماناظرته : عـ ـطـ ـشـ ـآنـ ـه أبـ ـي مـ ـآي .. فهد إلتفت ولقى المويا ع الكمدينه راح بسرعة وصب لها بكآسة وقومها من ضهرها وشربها ورجع الكاسه ع الكمدينة إللي جمبه وعدل نومتها : حبيبتي تتألمي من شي أنادي لك الدكتور ..؟ سارا غمضت عيونهاا وتحاول تبعده عن بالها : لاء أنا بخير وبنام .. فهد قرب الكرسي وقعد عليه ومسك إيدها : طيب حياتي ببقى جمبك سارا إلتفت للجهة الثانية وفكت إيدها من إيده : لاء فهد إطلع برا أنا أبي أبقى بروحي شوي لو سمحت فهد ماخلها ع كيفها وعآندها جاب كرسيه الجهة الثانية وقال : بس أنا ببقى عندك وماراح أطلع سارا غمضت عيونها وتأففت : أجل خليك لاني أنا بنآم .. فهد كآن يتأملها وإبتسم بحب مشتآق لها حيل سارا ماعرفت تنام لانها متأكدة يطالع عليها غطت وجهاا بالبطانية : فهد والله مو عارفة أنام وإنت كذا تطالع فيني فهد ضحك : ههههههه طيب غطي وجهك أحسن سارا بعدت البطانية وعدلت نفسها بتعب فهد قام ومسكها من خصرها : تبيني اساعدك حبيبتي سارا توترت ونآظرت بعيونه تبلمت ماعرفت تتكلم بعدين سيطرت ع مشاعرها وبعدت عنه : لا لاء أنا أعرف أمشي مافيني شي فهد تركها ع راحتها ولان كمآن هو مطلقها يعني مو حلاله .. مشت سارا ودخلت الحمام .. وفهد قعد ينتظرها تطلع .. |
فــــي الشاليه ..~
مزون كآنت قايمة من أول وبدلت ملابسها وصلت الضهر وطلعت تجلس برا عند المسبح .. كآنت جالسه ع إحدى الكرآسي إللي قدآم المسبح وتشرب كابتشينو وتناظر المسبح وببالها عند سعود والشي إللي صار لها "أصلاً والله إني مو مهتمة للي صار لي لأني اعرف نفسي إيش ومهما قالوا عني ماراح اتغير وببقى وآثقة من نفسي , وسعود بخليه يطلقني وأسافر لفرنسا والحمدلله إني ما جبت منه ولد يعني مافي شي يربطني فيه " نزلت الكوب ع الطاولة إللي قدآمها وأخذها تفكيرها عند سعود : ياترى وينه من أمس ماجاه شكله نام ببيت أهله "وتنهدت" أحسن عشان لا يحرجني ويحطني بمواقف أنا في غنى عنها "بعدين قالت" بس والله مشتاقة له "وتذكرت" لا مزون قلت بتنسينه وش هالسلبية للي فيني خلاص سعود نظرتي له بتكون كأي رجل .. نآظرت المسبح وجا ببالها تنزل تسبح شوي بعدين قالت "لاء ما راح اسبح لايجي سعود وأنحرج بس بحط رجولي " رفعت بنطلونها لنص ساقها ونزلت وجلست وحطت رجولها دآخل موية المسبح " 8 وقت المغرب فـي بيت أبو نوآف " كآن الكل جآلس بالصالة ومجتمع .." أبو نواف بتفهم : يعني خلاص يا بنيتي ماتبينه النوري وهي منزلة راسها : لاء يبه ما أبيه"ورفعت راسها " هو رافض تماماً موضوع البعثة وأنا مايناسبني الرجال إللي تفكيره كذا أبو نواف وهو كمان مو مقتنع بهالبعثة بس سكت وقف : طيب يا بنيتي هذا قرارك وانا مابغصبك عليه .. وطلع من الصالة " أم نواف بحسرة : آآه بس يابنتي وافقي عليه الولد زين ومحترم ولد عائلة وصديق أخوكِ , وش تبي بهالبعثة والكلام الفاضي تفرغي لـ ... النوري قاطعتها : مع إحترامي لك يمه إسمحيلي أنا ما أبي أدفن عمري من بدري بالبيت والعيال والزوج , أوكِ أنا ماقلت شي عن خالد إنسان مافي منه لكنه مو وآحد من تفكيري ومستواي للإسف إكتشتف إنه تفكيره محتجر وطراز قديم البندري ضحكت : هههههههههههه حلو طراز قديم النوري إلتفت عليها : هاهاهاها عجبتك ؟ البندري وهي تآكل البطاطس : بقووووة نواف حذفها بالمخدة : أقول بندري إنتي وش مقعدك معنا سؤال هالسوالف مو من عمرك يلا ع غرفتك البندري بعنآد وتسدحت : مابقوم إنت وش حارقك سؤال ؟ نواف بسماجه : النار البندري تتسيمج أكثر : والله ما إحترقت نواف مستمر : لاء كآنت ع أخفض درجة البندري عجبها وأخيراً نواف عطاها وجه : بس بعد تحرقك نواف بجدية صرخ عليها : البندري عدلي أسلوبك معي ولاتنسي نفسك ويلا ع غرفتك قومي ذاكري لك كلمتين أمس أمس طول الوقت ع الأيباد يلا قومي البندري تأففت وقآمت " نواف إنتظرها لين طلعت , ألتفت للنوري : خلاص يمه النوري مقتنعة بقرارها ومحد يقدر يغصبها "وقف " أنا بقول لخالد عن رايها وهو رح يتفهم يلا عن إذنكم أم نواف والنوري : إذنك معك النوري قامت وهي تنآظر أمها بنظرات أسف وطلعت فوق .." فــــي بـيـت شوي مقصرة بحقه في روايتي وهو بيت الجدة .. غلا كآنت جآلسه مع أمها بالصاله .. الجدة تنآظر الـ tv ع قنآة المجد , وغلا فآتحة اللاب وجالسه تكلم البنات بالمسن >ورآحو الطيبين .. ض1 بعد ماخلصت سكرت اللاب وحطته جمبها وقالت لأمها : إحم يمه بكلمك بموضوع ..! الجدة إنتبهت لها قصرت صوت الـ tv وإلتفت لناحيتها : خير موضوع شنو ؟ غلا : لايمه خير , إمممم قبل فترة جرآح ولد عمتي ندى كلمني .. وقاللي إنه بكلم أمه عشاني عشان يجي ويخطبني .. الجدة إستانست وبنفس الوقت زعلت عشان سالفة أبوها : يمه يا بنيتي هاذي الساعة المباركة وجراح ونعم فيه ولد أخلاق وأدب ويستاهلك .. غلا إبتسمت : أدري يمه كل اللي قلتيه صح . بس المشكلة إنه عمتي ندى ورفضت مادري ليه "بس أكيد يمه عشان مالي نسب ولا أهـ ... الجدة قالت بحنآن : يا يمه ياغلا لاتقولي هالكلام يا بنيتي إنتِ بنتي وأنا أمك وأبوكِ إللي تركك ومارضي يعترف فيكِ الله يسامحه .. وعمتك ندى أكييد مو لهالسبب رفضتك يمكن فيه أسباب ثانية "وكملت عشان تونسها شوي" ولاتخافي دآم إنتِ وجراح تبون بعض أنا بكلم بنيتي ندى وأخليها توافق ومابضغط عليها بس بقنعها بكلام عشان توافق بنفسها غلا إرتاحت من كلام أمها وراح وباستها وحضنتها : الله يخليك لي يمه ولايحرمني منك الجدة حضنتها أكثر وقالت بنبرة حزن وعطف عليها : ولامنك ياعمري إنتي .. فـــي قـصـر أبو ســـــعــــــود ..~ سعود كآن نآزل من غرفته طول اليوم ماطلع غير مرة وحدة العصر ورد رجع عشان بشوف من بكسر كلامه ويدخل لرند .. نآظر للصالة لقى ريف تشرب وتقرأ .. كمل خطوآته وهي حست فيه وإلتفت له وإبتسمت .. تقدم وجلس جمبها وقال وهو يناظر مكآن المخزن : محد دخل لهالحقيرة ..؟ ريف بضيق وحز بخاطرها : لاء بس طول اليوم صوت بكائها واصل لاخر القصر سعود أخذ الكوب إللي قدآم ريف وشرب منه : خليها عساها من هالحال وأردى , تستاهل إللي بفكر بيوم يسوي معي كذا ويستغفلني رح يصير فيه مثلها وأكثر ريف تتظاهر الخوف : يوومه خوفتني أجل أنا بصير أحسب حسآب لأي شي بسويه لك سعود بنظرات خوفتها بس يمزح : ليه كنتي بتسوي فيني شي ؟ ريف بتراجع : إيه بس بعد هالنظرة هوووونت سعود وريف : هههههههههههههه أم سعود نزلت ع صوت ضحكهم وجلست ع الكنبة بضيق : إنتوا تضحكون وأختكم محبوسة شوي وتنهبل من هالخقنه سعود بجدية وتحدي : خليها وبتبقى أسبوع لين تموت أم سعود بخوف وعدم تصديق : إنت من جدك ولا تمزح .؟ وشو أسبوع تبي بنتي تموت نااقصة عمر ..؟ سعود : خلها عشان تتأدب وبعدها بطلعها خلها ع الأقل لين ماهي تصارخ وتطلب إن نطلعها أم سعود رفعت إيدينها : حسبي عليك يا مـ ... سعود قبل لا تكمل : حسبي الله ع إللي كآن السبب مزون مالها دخل لا تقعدي يمه تدخلينها في كل مشكلة في البيت أم سعود تناظر ريف بقهر بعدين ناظرته : إللي قاهرني إنك تدافع عليها .. بعرف بس متى تفوق وتعرف الصح من الغلط سعود : أنا الحمدلله عارف الصح من الغلط والحقيقة من الكذب , إنتوا يمه إللي باقي غاافلين عن كل شيء , وأقرب مثال رند إللي سوت كل هاذا وماحسبت حساب لا أخ ولآ أم ولا أب .. وهاذا كله ليه .. لان يوم كنت أشدد عليها تقولي سعود خلها ع راحتها سعود أختك صغيرة سعود مدري شنو لين ماوصلت لهالمستوى تصور وتنشر مقاطع أم سعود مسكت راسها وقالت بتعب : بس بس إسكت لا تكمل سعود وقف وعارف إن كلامه يجرح أمه لكنه صحيح ويبي يخليها تفوق للحقيقة : لأن كلامي صح تبيني أسكت "ومشي وتوجه لباب القصر وطلع " ريف راحت وجلست جمب أمها وصارت تهديها " |
فـي الـمـخـزن .. كآن المخزن فااااضي وأرضه نظيفه مافي أشياء كثيرة بس كم برواز وكرسي قديمين ومحتفظين فيهم .. كآنت جالسه بالزاوية عند الباب ومتكورة ع نفسها بخوف وعيونها صارت حمراء من كثر البكي .. وشعرها صار مجعد من الغبااار وتناظر المكان بخوف وعيونها تدور بكل ركن بالغرفة ..
"دفنت راسها وقالت ليه سويت كذا , ليه دمرت نفسي وسمعت أخوي , مهما كرهت مزون بس مايصير أسوي فيها كذا آآآه بس وش سويت بنفسي وبأخوي وبالدنيا كلها أنا " رفعت راسها ونآظرت الشباك المسكر ومستحيل ينفتح .. راحت له ونأظرت ع أيش يطل ولقته يطل ع حديقة بيتهم .. جا ببالها تهرب وتروح لبيت جدتها أو بيت عمها عشان يشوفوا لها حل مع سعود .. صارت تدور بالغرفة ع حديدة أو أي شي تفتح فيه الشباك .. لقت شاكوش فوق الكرسي ركضت وأخذته ومسكته وصارت تدق الشباك عالله يفتح أو ينكسر معاها .. بالحديقة كآن وليد والعامل إللي يهتم بالورد يسوا الورد ويضبطونه .. وليد : إيه يا ماجد قص هالفرع الزايد .. ماجد رفع راسه : تسمع في صوت ضرب من هالشباك وليد ركز شوي : إيه والله الظاهر جاي من ورا البيت "وركض " إلحقني بسرعه ونآدي الحارس مآجد وهو يركض : طيب طيب رآح وليد لورا البيت ونآظر ع الشباك وشاف رند وهي تحاول تفتحه .. رند شافته وكأنها تنتظره يجي لها .. إبتمست بفرح وصارت تأشر له يفتح الشباك وليد إستغرب وش فيها رند بالمخزن وليه شكلها كذا ؟ وليه تبيني أفتحه الظاهر صاير شي كبير .؟ جآ مآجد مع الحارس ومعاهم عصيان وحالة ماجد وهو يناظر : ها وليد وش فيه ؟ وليد يبي يصرفهم : لا مافي شي بس كان فيه كلب هني وهجم ع قطوة روحوا كملوا شغلكم إنتوا الحارس : يعني مافيش حاقة يا استاز وليد وليد يطمنهم : لا لاتخافوا إذا في شي بنادي عليكم الحارس : طيب إحنا مش حنبعد "يلا ياماجد " راح الحارس هو وماجد .. وليد إنتظرهم حتى إختفوا دق ع شباك المخزن .. رند طلعت وصارت تأشر له يفتح الشباك وليد هز راسه بطيب وأشر لها دقيقة ويرجع .. راح وجاب حديدة وجا وصار يحاول يفتح الشباك لأنه هو يجي حدايد بعدين قزاز كسر القزاز ورند فتحته من عندها وقالت : وليد أرجوك الله يخليك ساعدني .. وليد بستغراب من حالتها : خير أنسة رند وش فيكِ ؟ رند : أبيك تطلعني من هني الله يخليك أخوي سعود حابسني وليد بصدمة : الاستاذ سعود حابسك وليه وش مسوية وش صاير ؟ رند بسرعة : مو وقته اللحين إنت بس ساعدني وصدقني والله العظيم مابقول لأحد إنك ساعدتني بس طلعني من هني "وناظرته بنظرات ترجي " الله يخليك وليد وليد مايحب يكسر بخاطر أحد : أووف طيب خلاص بساعدك وبحاول أكسر هالحديد .. راح وجاب عدة من غرفته وصار يفك الحديد حديدة حديدة مافكهم كلهم لأنه صعب فكهم فك اللي ع جهة اليمين يعني بس لمكان واحد تقدر رند تطلع منه , خلص وناظر رند : يلا اللحين تقدري تطلعي رند إستانست ونطت وليد مسك إيدها ونزلها .. رند من الفرحة حضنته بشويش : شكراً وليد ماراح أنسى لك هالموقف وليد مفهي مو عارف وش يسوي قال وهو يبلع ريقه : العفو إنتي مثل أختي رند لما سمعت هالكلمة بعدت عنه وبزعل : طيب وليد أبيك توصلني مكآن ممكن وليد بخوف : لا رند وإللي يسلمك أنا هني إنتهى دوري , لو الأستاذ سعود درى إني وصلتك وهربتك والله لايذبحني .. رند فكرت فيها وهي لو واحد ثاني كان ألحت عليه وماهمها لو إنكشف بس هاذا وليد وماتبي ينضر وتبيه دآيم قدآم عيونها : صح وأنا ما أبي أجيب لك مشآكل أكثر من كذا , ومرة ثانية شكراَ ع المساعدة .. ومشت بسرعه وبعدين ركضت وصلت عند النافورة .. الحارس إنتبه لظل أحد مشى بخطوات سريعة وقال : وقف يا حرامي رند وهي ترفع صوتها عشان يسمعها ورتبت شعرها عشان شكلها لا يثير للشك : أنا رند يا عم محمود لاتخاف .. العم محمود تقدم لها : خوفتيني يا بنتي كنت بفكر حرامي ولا حاقه ؟ من وين طلعتي إنتي ماشفتكيش طلعتي ..؟ رند تلعثمت : إيه طلعت من وراء كنت بالمطبخ وطلعت أتمشى شوي العم محمود يناظر ملابسها : وليه شكلك كدا ؟ رند : آءء طحت وتوصخت من التراب "وتبي تصرف" يلا عم محمود ع إذنك .. وركضت وفتحت باب القصر ودخلت .. فــــي الشاليه .. سعود فتح باب الشاليه ونآظر الصالة كآنت هدوء وشكل مزون بغرفتها فوق .. طلع فوق بهدوء فتح باب الغرفة الفاضية مالقاها إستغرب وسكر الباب , وفتح باب الغرفة الثانية ومالقاها كمآن نزل تحت وقف بالصالة محتار "شكلها بالحمام" إلتفت لقزاز إللي يطل ع المسبح وشافها جالسه وتلعب بموية المسبح وحاطة رجولها يعني إللي بشوف رح يشوف ظهرها , إبتسم ع شكلها ومشي بخطوات هادية فتح القزاز .. مزون إلتفت وشافت سعود واقف وراها وقفت ونزلت البنطلون وجات بتدخل دآخل سعود مسك ذارعها بخفيف وحضنها بقوة .. مزون تنهدت ودموعها نزلت بهدوء ومابادلته الحضن تركته حاضنها بقوة همس بإذنها : مزون أنا عرفت الحقيقة وأسف والله العظيم أسف سآمحيني والله مـ.... مزون بعدته عنها بهدوء ورفعت راسسها وناظرته وقالت بقوة متصنعة : مايهمني إعتذارك لأنك إنت اللحين بالنسبة لي ولا شي , إللي همني من سوا فيني هالحركة الوسخه بعرف سعود جرحه كلامها الأول بس ما إهتم وقال خلاص ياسعود كآفي مزون تصدك اللحين إنت لازم تبين لها القوة وعدم الإهتمام قال بندم ع الشي إللي سوته اخته : رنـــ ـــد مزون إنصدمت ماكانت متوقعة دموعها نزلت وقالت : ليه وش سويت لها أنا ؟ ماعمري كرهتها رغم إن هي إللي هزئتني أول ما جيت عندكم وثاني مرة لما جابني أخوك سلمان هي إللي قالت لي كلام مثل السم وخلتني أروح أمشي بالشوارع مثل المجنونة وقتها وصلت لبيت الشباب إللي ودوني الشرطة وإنت شفتني "ونآظرت بعيون سعود وهي تبكي " وهاذا كله ياسعود من رند من رند ولا كرهتها ولا فكرت إني أحقد عليها "مسحت دموعها وغيرت نبرة صوتها " تدري مفروض أشتكي عليها عشان هالحركة .؟ سعود بترجي : مزون أرجوكِ إلا الشرطة هاذا الأمور نحلها بينا , ورند أخذت جزاها واللحين هي محبوسة بالمخزن من أمس . مزون صرخت : كآفي والله العظيم كآفي تعبت انا ياسعود تعبت أبي لو يوم وآحد أرتآح "ودموعها كانت تنزل بقوة" إسمعني اللحين طلقني اللحين أبيك تطلقني وبكرا بسافر ومابعرف عنك شي أبي أمحيك من حياتي للأبد لأني طفشت من هاالبلد واللي فيها من يوم ما جيت ولا ذقت طعم الراحة ولاشفت يوم حلو "ومسكته من كتوفه"تكفى ياسعود قول هالكلمة أللي رح تخليني أتحرر من هالسجن "وبنظرات ترجي " تكفي ياسعود .. سعود بعد إيدينها وصرخ : ما أقدر يا امزون انا أحببببك أحببببك حتى لو شكيت فيكي وعذبتك أنا أعششقك بكل مافيكي وما أقدر أستغني عنك مزون : بس والله مايصير نكمل مع بعض ما اقدر حياتنا بكون كلها مشاكل وهموم يا سعود سعود : بس نقدر نغيرها ونخليها حلوة بإيدينا مزون : بعد إيش تقول هالكلام بعد ماخليتني أكرهك وأكره الحياة لاجلك ولاجل شكك للإسف ياسعود إن كآن بقلبي لك ذرة محبة ولا إحترآم إنت خليتها تزول بشكك وغيرتك واللحين لا تناقشني ولا بشي لأني أعرف نفسي إنسانه طيبة ممكن بكلامك أرضى وأستسلم للطلاق ووتخليني ساعتها أرجع لك وترجع مشاكل معك فاللحين وأنا مقتنعة تطلقني سعود يأس منها مصرة ع الطلااق وماراح تغير رأيها أعطاها ظهره وقال لها : إنتِ طآلق وطلع بسرعه برا الشالية مزون كآنت كآتم أنفاسها ودموعها إللي رح تتفجر طآحت ع الأرض وضمت نفسها وصارت تبكي ع كل شيء مر بحايتها .. بقت على هالحال ربع ساعة .. ومو قادرة تقوم وقفت بصعوبة وطلعت فوق راحت للغرفة إللي فيها ملابسها أخذتهم كلهم مع أشيائها وحطتهم بشنطتها " رفعت راسها ونزلت الشنطة من السرير وقالت " هاذول مو كل ملابسي كلهم ببيت أهله مو لازم كلهم أخذهم خلاص لما أروح هناك بشتري ملاابس " راحت للدولاب وأخذت ملابس ودخلت الحمام أخذت شاور سريع وطلعت وهي لابسة الروب لبست بلوزة كم ثقيلة لون أحمر وبنطلون جينز سكني أسود , ولبست العباية ولفت الطرحة وحملت الشنطة إللي فيها جوالها وحطت فيها بالطو طويل لون أسود عشان بالمطار بتفصخ العباية وبتلبسه "تذكرت جوازها إنه مع سعود تأففت " نآظرت بالغرفة يمكن تركه بالادرآج رآحت للدرج الأول لقته وأخذته ومسكت شطنتها وسكرت باب الغرفة , نزلت تحت وأخذت ورقة وكتبت "سعود أنا أمس حجزت تذكرة لفرنسا واليوم سفري إنساني ياسعود مثل ماراح ـأنسآك " حطتها ع الطاولة وطلعت لقت الحارس ع الباب وقفها : أسف طال عمرك ماتقدري تطلعي الأستاذ سعود مايدري مزون : لاء سعود عنده خبر الحارس فتح باب الشارع : أوكِ وين تبي أوصلك مزون : مطآر الـــ ........ الحارس فتح لها باب السيارة : أوكِ .. تفضلي طال عمرك ركبت مزون وسكرت الباب وسندت راسها وصارت تفكر بالايام الجايه وهي متفائلة خير .. |
نــرجـــع ل قصر أم سعود ..
أم سعود وريف أول ما إنفتح الباب نآظرو ولقوا رند أم سعود وقفت وهي مصدومة شلون طلعت ليكون سعود طلعها .. تقدمت ناحيتها ورند ركضت وحضنت أمها وصارت تبكي بحضنها , أم سعود حضنتها وصارت تبكي ريف تأثرت من الموقف ونزلت راسها .. أم سعود مسكتها وجلسوا بالصالة : كيف طلعتي , ليكون سعود طلعك ؟؟ رند نزلت راسها وخايفة من ردة فعل أمها : لاء "وماتبي تورط وليد " أنا هربت ..! أم سعود ضربت خدودها : ياويلي إنت ماتتوبي يا بنت لو سعود درى والله لا يقلب البيت ع روسنا كلنا رند وقفت وبعصبية : يمه خلاص أنا تعبت ماتحملت بقيت يووم واحد وكنت رح انجن تبيني أبقى أسبوع كآمل ريف وقفت قدآمها : ومافكرتي وش صار بمزون يوم فضحتيها مافكرتي كيف حالها اللحين إذا هي ميتة ولا حية ماهمك وش بصير فيها رند بطفش : يووووه عاد مزون مزون الله ياخذها ونرتاح كل اللي يصير لنا بسببها وبعدين اللي صار صار مافي مجال للنقااش وإنتهى الموضوع , واللحين لو سعود جا وشافني هني بواجهه وماراح أسمح لـه يحسبني مـرة ثانية .. ريف : ههههههههه ضحكتيني والله إنتي بتواجهي سعود "وقالت بستهزاء " حبيبتي سعود رجاال ماقدروا له إنتي بتقدري له تحلمي شكلك أم سعود صرخت عليهم : بسسس بسسس إنتي وهي مالي حشيمة بينكم واقفة مثل الأطرش في الزفة أحترموني شوي .. ريف نزلت راسها : أسفة يمه رند بتحدي وتناظر ريف بنظرة تكبر : سكتيها هي أول ساعتها أسكت ان أم سعود إلتفت لرند : إنتي يا أم لسان طويل إطلعي لغرفتك وتروشي ونااامي وأول مايجي سعود بفهمه وبقوله إنك ندمتي وتجي وتعتذي له وتبوسي راسه طيب رند تبي تصرف : طيب أم سعود : يلا إطلعي ع غرفتك طلعت رند فوق وهي مو مصدقة إنها طلعت ريف أنتظرتها لين طلعت وإلتفت لأمها : يمه وش ردة فعل سعود والله لايذبحنا كلنا ’ وبعدين إنتِ مصدقة إنها هي إللي طلعت أكيد في أحد طلعها ..! أم سعود تناظرها بتساؤل : أحد من يعني ؟ ريف : مدري يمه بس أكيد أحد ساعدها أم سعود قالت بتأكيد : أكيد ولييد مافي غيره ريف بغيرة وقهر سكتت أم سعود طلعت فوق عشان تتفاهم معاها , وريف جلست ع الكنبة وهي ماسكة راسها بقهر وكاتمة دموعها .. إنـــتـــهــــى البارت توقعاتكم .~ |
البارت الوآحد والثلاثون "
مزون وصلت للمطآر , وكآن بآقي نص سآعه ع إقلاع الطيارة , لحقت عَ الوقت وركبت الطيارة بسرعه , وماعجبها مكانها لأنه جمبها رجال بس هي عند الشباك .. ما إهتمت للموضوع وربطت الحزآم وغمضت عيونها وبلعت ريقها بصعوبة اللحين الطيارة بتقلع وهذا أكثر شي تخاف منه تمنت بس هاللحظة يكون أحد معها عشان تمسك بإيده ويخفف عنها ولا شعورياً مسكت بإيد الرجال إللي جمبها لين الطيارة أقلعت ومزون إستوعبت وفتحت عيونها لقته مستغرب ويناظر فيها إستحت حيل وفكت إيدها من ذراعه وقالت بحرج : انـ ـآ أسفه كثير بس خفت وماعرفت وش صارلي الرجال إبتسم : عادي ماصار شي "ورجع يكمل قراءة" مزون إلتفت نآحية الشباك وصارت تناظر السحب ." جآت المضيفة وسألتهم وش يحبوا يطلبوا .. مزون : أبي كابتشينو .. المضيفة : ماشي "وناظرت الرجال " وحضرتك شو بتحب تطلب ؟ الرجال : عصير برتقال المضيفة : تكرم عينك "وراحت تجيب طلبهم ." الرجال سكر المجلة .. وسند راسه ع ضهر الكرسي وغمض عيونه لثواني ع بال ماتجي المضيفة .. مزون إلتفت لشكله ونآظرته هو وقتها فتح عيونه , إلتفت للشباك وإرتبكت الرجال ضحك عليها : ههههههههه مزون نآظرته ورفعت حآجب : مافي شي يضحك الرجال رفع حآجب : تناظريني ومسكتيني أول ما أقلعت الطيارة ومافي شي يضحك مزون تنرفزت منه : والله أول ما أقلعت الطيارة كنت خايفة ولما توك غفيت جاني فضول اشوفك لا أكتر .. ؤؤف "وناظرت الشباك" الرجال كتم ضحكته ورفع حواجبه .. المضيفة جآت وحطت قدآم مزون كوب الكابتشينو وقدآم الرجال كآسة العصير وهم شكروها ورآحت .." مزون جات بتحط شنطتها قدآمها إلا طاحت محفظتها منها .. إنحنت بتجيبها وتسكرها إلا الرجال لمح إسمها وإنـصـدم .. سكرت المحفظة وحطتها بالشنطة وإنتبهت إنه يناظرها ناظرته وبستغراب : خير مضيع شي بوجهي ؟ هو بفهاوة وصدمة : هآ لا .. مزون رفعت كتوفها بستغراب ورفعت الكوب تشرب وتناظر الشباك " وهو يفكر مو مستوعب معقول هــي بعد كل هالسنين أشوفها ...؟!!! إتركم من مزون والرجل المجهول ونـروح لسآرآ وفـهـد .." كآنت أم جرآح والجدة وأم نوآف عند ساارا ونواف وجراح وفهد جالسين برا .~ الجدة وهي تمسح ع شعرها : يابنيتي ماتعرفين إن الإنتحار حرام تبي تقتلي روح مو ملكك ملك ربك .. سارا حضنت جدتها وبكت : بس ياجدتي أنا من دون فهد ولا شي هو حياتي كلها الجدة إبتسمت : حتى ولو يا بنيتي هو طلقك غيره يتمنآكي , وحياتك مابتوقف عليه لحاله أم جراح بيأس وهي تناظر حال بنتها : قلت لها يا يمه هالكلام ألف مرة بس عنيدة ماتفهم أم نواف تناظرهم : إلا أم سعود مابتجي .. الجدة تنهدت : الله يعينهم بس بيت ولد قايم قاعد أم نواف نزلت راسها وبحزن : إيه سمعنا عن فضيحة مزون أم جراح صارت تأشر لأم نواف ليش قلتي , وسارا شهقت لأن جدتها ماتعرف .. الجدة تناظرهم بتفحص وقالت بنبرة خوف : أي فضيحة . ؟ وش فيكم تناظروا بعض كذا تكلموا أي فضيحة ؟ أم جراح قامت تهدي امها : يمه الله يهداك بس مافي شي أم نواف قصدها المشكلة إللي بين مزون وأم سعود .. الجدة وهي تناظرهم بعدم تصديق : لالا أنا متأكدة في شي وتبون تخبونه عني ..! أم جراح وهي تقنعها : يا يمه مافي شي وأم نواف الله يهداها ماقصدها شي لاتصيرين شكاكه يمه الجدة سكتت وهي تناظرهم .. سـعـود وصـل ع قصرهم وأول مادخل سمع صراخ أمه ورند , قال هاذي أكيد ريف لأن رند محبوسة .. بس إنصدم لما شاف ريف نازلة من فوق ولسه الصراخ مستمر تقدم من أخته وهو يناظر فوق : مع مين أمي تتهآوش ؟؟ ريف إرتبكت : أءءء سعود رند طلعت من المخزن سعود عصب ورما اشيائه ودف ريف من الدرج وطلع فوق بأقصى سرعه .. ريف تألمت وقالت : عما وش هالأيدين "وطلعت لحقته لايسوي شي ">هههه يعني بوجودك رح يبطل ض1 وصل سعود لغرفة رند فتح باب الغرفة لما دخل رند تخبت ورا أمها وأم سعود نآظرته بخوف سعود تقدم عندهم وناظرهم وقال : هاذي الحقيرة إيش مطلعها من المخزن ؟! أم سعود سكتت وناظرت بنتها يعني تكلمي .. رند قالت بثقة مع إنها خآيفة : أءء أنآ طلعت بروحي سعود شدها بقوة من ورا أمه : كيف يعني بروحك بتقنعيني إنك إنتي إللي فتحي باب المخزن وطلعتي ؟ رند : سعود الله يخليك لا ترجعني هنآك والله العظيم ماراح أسوي شي لا بمزون ولا غيرها بس لا ترجعني المخزن أنا ساعات ولا كملوا يوم وخفت وماتحملت الجلسة هناك وإنت بترجعني سعود : بعد إيش بعد ما طلقت مزون "أم سعود إنصدمت وبداخلها فرحت بس مابينت" إسمعي رندوه ماراح أنزلك تحت لكن بتبقي بغرفتك والله ثم والله ثم والله وهاذي ثلاث أيمآن حلفتها إن شفتك طالعة من باب البيت ولا مستقبلة أحد من صديقاتك لاتلومي إلا نفسك فااااهمة رند بخوف : فـ ـفـ ـآهـ ـمـة .. سعود تركها وطلع وهو معصب " ... نزل تحت وشاف ريف جالسه وباين عليها الضيق .. إنتبهت له وعدلت نفسها ورسمت ع وجهاا إبتسامه بعدين ضحكت لما شافت وجهاا كيف معصب : هههههههههههه تصدق سعود نفسي مرة أشوفك نازل من عند أمي ورند من غير لاتعصب يعني تبتسم شوي سعود تنهد : إنسي دام في رند أضحك ريف قالت بجدية : سعود بقولك شي صح رند غلطت لكن هي أختنا ومو حلو نحسسها بالكره أو النبذ .. سعود جلس قدامها : إيش إللي كاسر إيدي ورجلي يا ريف غير إنها أختي من لحمي ودمي ومستحيل أحقد عليها ولا أشيل عليها هي غلطت لكن كل إللي أسويه مو لأني أكرها عشان تتربى وتميز الصح من الغلط "وكمل بأسف " إنتِ ماتلاحظي الوحيدة بيننا إللي تربيتها غير رند يعني غريبة بأسلوبها وتصرفاتها "وكمل بحزن " وعاذرها لأن كنت فآكر وقتها يوم كانت 12 أو 11 كثييييييير كان يصير مشآكل بين أمي وأبوي وأمي راميتها للخدامة وأبوي مسافر ريف تذكرت أيام طفولتها المشاكل اللي كانت تصير : إيه والله معك حق .. "وتذكرت وكملت" إلا سعود مزون كيفها شلونها جيبـ .... سعود قال بغصه : طلقتها يا ريف ريف شهقت بقوة : لـــــيــــــــش ؟؟؟؟ سعود : هي تبي تطلق وأصرت على هالشي ما كنت أبي تكون نهايتنا كذا بس هي عنيييييدة ياريف والله عنيدة ريف بسخريه : عاذرتها وربي اللي شافته معاك يا سعود مو شوي اللي شافته معاك محد يتحمله واصلا بعد اللي صار بينك وبينها والمشاكل وبعد الشي اللي سوته رند مستحيل تكملوا مع بعض سعود سند نفسه ع الكنبة وكأنه يأس وتنهد : ياستي مصيري أنساها ومصيرها تتزوج وتحب شخص ثاني وأنا مصيري ـأنساها "وناظر ريف " بس أتزوج لاء ...! ريف ناظرته بحيرة .. |
بفرنــسـآ "طبعاً الوقت يختلف بالشرقية "
الساعة كآنت 3 العصر .. مزون أول ماوصلت ع فرنسا راحت ع الفندق وحجزت لها غرفة وأول ماوصلت نامت من التعب .. نرجع لهالحظة كآنت طآلعة من الحمام وتوها ماخذه شاور .. وقفت قدآم المرايا وأخذت من المرطب ودهنت جسمها بعدها توجهت لشنطتها لأن ملابسها لسه بالشنطة فكتها وطلعت كل الملابس إللي فيها أخذت لها بنطلون جينز سكني وتيشيرت طويل لون أصفر والبالطو الأسود .. لبستهم وحطت البالطو عشان لما تطلع تلبسه نشفت شعرها وخلته مفرود وحطت قلوس فقط لا غير .. لأن مزون عيونها مكحلة خلقة وبشرتها ماتحتاج لميك أب :$ لبست البالطو وأخذت شنطتها الطويلة السودا ولبستها ع رقبتها وكان فيها أوراقها عشان لما تقدم للجامعة .. نزلت تحت ع الشارع وكانت بتوقف لها تاكسي وقفت وركبت وقالت له يروح ع جآمعة الـ ......... مزون تفكر "ياربي اللحين أسجل بالجامعة ولا أدور لي ع شغل بسرعة أهم شي أطلع فلوس وأقدر أستأجر شقة مو لازم أدرس إيه هذا أحسن حل والجامعة تبي فلوس كثييير وأنا ماراح أقدر أشتغل وبنفس الوقت أدرس " قالت للسايق ينزلها هني .. عطته فلوس ونزلت وصارت تناظر الشوارع مو عارفة وين بتروح ومن وين تبدأ ..؟ صارت تمشي بالشوارع وهي تناظر ع المحلاات والأحياء .. وشافت مول كبير قدآمها قررت تدخله يمكن تلقى لها وظيفة .. دخلت ع المول ولقته كبيييييير وفخم ويمكن تتوه فيه .. طلعت بالمصعد للدور الثاني وشافت محلاات عطورات وملابس ومكيآج .. دخلت بعض المحلات وسألتهم إذا يبون عاملة وكذا والكل قال لها لاء مانبي شكراً .. طلعت من المول بخيبة كبيرة وماتدري وش تسوي ... جلست ع إحدى الكرآسي إللي بالشارع وهي تتنهد وقالت بداخلها " ياربي تعبت كثير وربي وجعت كمآن اللحين أي مطعم بآكل " وقفت وشآفت مآك قدآمهآ يعني لازم تقطعي الشارع قطعته ودخلت وإشترت لها وجبة وجلست ع الكراسي إللي بالمطعم تآكـل .. " خلصت أكل طلعت وقررت ترجع الفندق لأن بدت الشوارع تظلم والشمس تغيب ومقررة من بكرا الصباح بتطلع وتلقى شغل ركبت تآكـسـي وقالت له يوديها الفندق .." ياترى كل أيام مزون بفرنسا بتكون روتينية وممله ولا بصير معها شي ؟ فـي دآر أبو متعب وبالتحديد الشرقية .~ كآنت سارا طالعة من المستشفى وأمها وجراح ماسكينها وفهد وراهم .. جراح ركب سيارته وأمه وأخته ركبوا .. فهد ركب سيارته وكان يناظر سارا وهي كمآن كآنت تنآظره بعدين وخرت عيونها عنه لأنها شوي وتنهآر .. فهد ماتحمل ونزل من سيارته وراح ودق ع شباك جرآح جراح نزل القزاز بستغراب : خير وش تبي ؟ فهد كلمه بهمس وعيونه ع سارا إللي ورا : جراح أنا باخذ سارا بتفاهم معها شوي وبرجعها جراح بعصبية ورفع حاجبه : نعم مو كــ .... فهد سكته لما شافها تناظر عليهم : إسكت وإللي يسلمك مو مسوي لها شي بس خمس دقايق أتفاهم معها وترجع لسيارتكم .. جراح إقتنع شوي : طيب خلاص بس ما تتأخروا .. فهد إبتسم : أوكي راح عند باب السيارة ورا وفتحه وإبتسم : سارونتي إنزلي .! سارا تناظره بستغراب ..!!؟ فهد مسك إيدها ونزلها : بتفاهم معك شوي وبترجعي لسيارتكم سارا وهي تبي تركب : مابينا تفاهم خلاص فهد فهد مسك إيدها : سارا لا تكابري وتعاندي عنادك هذا هو إللي مخرب عليكي كل شي "وماخلا لها مجال للنقاش " يلا إمشي أشوف .. مشت سارا وركبت السيارة .. فهد أشر لجراح : جراح تقدر تروح البيت لأن أنا وسارا مطولين وقت ما أخلص نرجع جراح عصب بعدين أمه قالت له خلنا نمشي يمكن بتصالحو ..! بالسيارة عـنـد فـهـد وســآرـآ ..~ سارا كانت جالسه قدآم وتناظر الشباك فهد جا وركب وناظرها وإبتسم : سارونتي .." سارا ناظرته بجمود : نـعـم ؟ فهد : أبي أرجعك ع ذمتي سارا : طيب ؟ فهد : وش طيب ؟ سارا : أها يعني المطلوب مني أوافق وترجع حياتنا مثل قبل تخوني وأشك فيك وتصير مشكلة وقتها تطلقني وبعدها انا أحاول أنتحر وتجي ترجعني وهكذا .. فهد : أعوذ بالله وش هالتشاؤم إللي فيكي , بعدين أنا ماخنتك مثل ماتفضلتي توك وقلتي إنتي إللي أفكارك مدري كيف ..! واللحين أنا جآي بصلح إللي صار مابي نفتح ونتعاتب أوكِ سارا : طيب فهد أنا بنسى إللي فات وببدأ معك من اللحين , بـ ـس الـ ـعـ ـيـ ـآل .."وعيونها دمعت " فهد تنهد : سارا ياسارا كم مرة بفهمك إني والله العظيم هالموضوع بالنسبة لي عادي دامك جمبي ومعي ومابيكي تفتحيه لي مرة ثانية سارا : بس يافهد إنت تقول كذا قدامي ولا إنت من داخلك تبي عيال فهد : مافي إنسان مايبي عيال لكن لما ربي يريد وإن ما أراد راضي بنصيبي "وناظرها بحب " سارا أنا أحبك وأعشقك ومابي شيء بالدنيا إلا أنتي .. سارا خقت من زمآن ما سمعت هالكلام .. فهد : تصدقي إشتقت لكل شيء فيكي "وغمز لها " سارا إستحت : أووووه بدينا بالإحرآج .. فهد قرب منها وباس خدها .." سارا تناظر المكآن : فهد يا مجنون إحنا بالشارع بعدين يا حبيبي أنا لسه مو محلله عليكي تبوسني وتقرب علي جيب الشيخ وردني وساعتها سـ ... "وسكتت وإنحرجت" فهد ضحك عليها : إيه كملي أسوي إللي أبيه توك قلتيها ..." سارا إنحرجت وسكتت .. فهد حرك السيارة : طيب حياتي اللحين برجعك بيتكم ترتاحي وترتبي اشيائك عشان اليوم المغرب بجي الشيخ سارا : أوكِ "إلا كم الساعة " فهد يناظر ساعته : 10 لسه باقي وقت ..<طبعا 10 الصبح :$ الــســآعــه 4 العصر .. كآنت ريف هي والبنآت بالصاله يتغدوآ .. البندري : أوووه بنات من زمآن ما إجتمعنا زي كذا وربي مرة وحشتني أيام أول غلا : يب حتى انا إشتقت لأيام زمااان "وتناظر البيت" إلا ريفوه وين رند ؟ ريف إرتكبت ماتبي تقول لهم إنها محبوسه : ءءء نايمه جات من المدرسه تعبانه ونامت البندري : ألا ريف بسألك .؟ ماعرفتوا من إللي فضح مزون ؟ ريف وهي تآكل : لاء لسه "وغيرت الموضوع " بنااات وش رايكم بعد الأكل نفلها ونسوي شي من زمآن عن الأستهباال وربي غلا : من جد من زمآن طيب وش نسوي ؟ البندري بتفكير : إمممممم بنآت وش رايكم بعد مانخلص أكل نغني ونرقص ونتمكيج وكذا ريف تذكرت : يب فكرة حلوة "هههههههههه تتذكري غلا يوم إستهبلنا زي كذا مع ريم بنت خالة البندري فلللللللله هالبنت البندري : هههههههههه متذكرة وربي حتى وقتها هالمهبولة دخلت علينا بثوب أخوها والعقال فطستني ضحك ريف نطت بحماس : بنااااااااات وش رايكم وحدة تلبس ثوب تكون المعرس والثانية العروس غلا والبندري : يسسسسسسسسس وقتها خلصوا أكل بسرعه وطلعوا غرفة ريـــف .. دخلوا وجلسوا غلا وقفت وبحماس : بروح أقوم رند هالاشياء مو حلوة من دونهآ .. ريف إرتكبت : لاء غلوي خليها نايمه مسكينة أول مارجعت كانت تعبانه . غلا بستغراب : وش فيكي ريف ماتبينا تقوم "لاء بروح أقومها ريف ركضت ومسكتها : لاء خليها نايمه ارجوكي مو ناقصنا مشاكل "وزل لسانها" غلا والبندري ناظروها بستغراب : مــشـــآكـــل ؟؟ ريف إرتبكت : أءء قصدي لما تقوم تصارخ علينا عشان قومناها وهي تعبانه غلا بشك طلعت : لاتخافي مابتقول شي .. "وتقدمت ودقت باب الغرفة وبعدين مسكت مقبض الباب بتفتحه إستغربت مسكر بالمفتآح" دقت : رندووه إفتحي أنا غلاااا .. رند إللي كآنت جالسه ع الكرسي بغرفتها وضامه رجولها لصدرها وطفشانه تقدمت لباب بعد ما كانت مسكرته بالمفتاح لأنها خايفة من سعود فتحت الباب وأول ماشافت غلا حضنتها غلا مستغربة منها أول إذا شافتها تستهبل وتهزئ فيها اللحين تحضنها ..!!!! صارت تهديها وتمسح ع ظهرها بخفيف : وش فيكي رنودي "وبعدتها عنها ودخلتها وسكرت الباب " : وش فيكي رند مو على بعضك ؟ رند ماحبت تقول لأحد ع عملتها الوصخه متفشلة وخايفة تطيح من عينهم : أءء بـ ـس كنت متضايقة شوي ولأن اليوم ماجبت درجة حلوة الأختبار غلا برتياح : الحمدلله إذا ع هالشي تهون فكرت أحد منكم فيه شي رند تذكرت : إلا أخوي سلمآن تزوج .. كآنت توها بتفتح الباب وتدخل وتصنمت مكآنــــهـــــآ لما سمعت إن سلمآن تزوج , إنمحت الأبتسامه إللي راسمتها ع وجهاا تحس جسمها كله بارد وإختل توازنها مصدومه ومو مستوعبة كيف يتزوج وهي تنتظره من سنين وتحلم فيه ..! رند مستغربة من ردة فعل البندري وش فيها كذا واقفة مادخلت إبتسمت وهي تناظرها : هلا بنو وش فيكي إدخلي مشتاقة لك .. البندري رجعت للوآقـع وسكرت الباب ودخلت وحآولت تتناسى وبعدها لما ترجع البيت تقعد بينها وبين نفسها " |
في الليل الساعــه 9 ..
سعود كآن توه طآلع من الشركة بعد ماكآن فيها من 12 الضهر مابين شد وربط مع الموظفين والشركات والمناقصات وحووووسه " ركب سيارته ومايدري وين يروح أول كآن عنده إهتمام وشي يتحكم فيه وإللي هو "مزون" رغم إنه ماقضى معها وقت كثير إلا أنه إعتبرها حياته بأكملها وحبها أكثر من جماااااانه بكثييييييير , جا بباله يتصل بفهد ويروحوا ع أي مطعم .. رفع جوآله ودق رقم فهد : ألو هلا فهد , لا مافيني شي بس متصل أقولك وش رآيـ , بس بس كل هذا عشان قلت نطلع وإنت اليوم قررت ترجع عريس جديد , لا ياسيدي مابعطلك يلا فمان الله .. "سكر الجوال ورماه ع الكرسي إللي جمبه" وميل فمه بفضاوة : والله حاله كل واحد شايف حياته ومستقره إلا أنا عــنـــد ســـآرآ وفـــهـــد ..~.. سآرآ كآنت هي وفهد توهم دآخلين البيت .. فهد سكر باب الشقة وحط شطنتها ع الكنبة ونآظر لها وإبتسم : تو مانور البيت حبيبتي .. سارا وهي تناظر الشقة إللي كأنها عزبــة هنود <يمديكم ع التشبيه بس وناظرته بصدمه : فهووود ليه البيت كذا كأنه الحرب العالمية صايرة فيه ؟ فهد يحك رقبته بحرج : حبيبتي تعرفي إنتي مو هني ومافي شغالة فأكيد البيت بكون قايم قاعد سارا بزعل : وربي حرآم عليك كذا يعني تعرف بطلع من المستشفى وبكون تعبانه ماتقدر تجيب خدامه تنظف وتروح فهد : أسف حبيبتي وربي نسيت أصلاً إن البيت وصخ كذا . بس ولا يهمك خلاص أنا بنظفه سارا فصخت عبايتها : لا أنا بنظف خلاص فهد دفها لغرفة النوم بخفيف : لا سارونتي روحي الغرفة وانا بنظف إنتي تعبانة .. سارا وهي تشوفه يسكر الباب بالمفتاح : أءء فهد يامجنون إفتح فهد وهو يضحك : ههههههه لاء مابفتح اللحين بنظف البيت وبخليه أحسن من أول سارا إبتسمت وتسندت ورا الباب : والله وأنا إيش بسوي بالغرفة ؟ فهد يكلمها من المطبخ وهو يحط مويا عشان التنظيف وقال بنبرة خبث : إنتي تكشخي وكذا عشان اليوم سارا إستحت وقالت تبي تنرفزه : لاء اليوم ماقدر فهد طلع للصاله ورفع المخدادت وصار ينفضهم : ليه إن شاء الله ؟ سارا وهي تكذب عليه : عندي عذري مايقدر تقرب علي .."وفي داخلها تضحك" فهد يبي يفشلها : ماشاء الله واليوم لما طلعتي بالسيارة أقولك وش مأخرك قلتي كنت أصلي .. سارا تفشلت : أءء لاء إيه توها جاتني فهد يقلدها : لاء إيه أءء شفتي كيف "لاتحاولي سارا اليوم مافي مفر مني سارا إنحرجت بعدين قالت تغير الموضوع : طيب خليني أطلع أنظف معك والله طفش هنا بعدين أخاف لحالي بالغرفة فهد ضحك من قلبه : هههههههههههه تخافي وإنتي بالغرفة وأنا برا معاكي وماكنتي تخافي ببيت أهلك وإنتي بغرفتك سارا : لاء مع أهلي سبحآن الله غير "وبترجي ودلع " فهووود الله يخليك إفتحلي وربي أخاف بروحي هنا فهد قرب وفتح لها الباب وتسند عليه وناظرها بنظرات إستحت منها سارا وهي منزلة راسها : خير ليه كذا تناظر "بعدين وخر بطلع فهد وهو وآقف بوسط الباب يعني ماتقدر تطلع وقال بخبث : يلا إطلعي سارا تناظر : طيب روح يمين شوي فهد راح يمين وجات بتطلع جا يسار وحشرها وقرب منها وقال وهو قريب من وجهاا : معاكي عذرك ها ..؟ سارا غمضت عيونها وعضت ع شفايفها وهي منحرررررجه مرا : فـ ـهـ ـد والله مـ ـو وقـ ـتـ ـه اللحين لازم ننظف الله يخليك وخر فهد ضحك ومسكها من خصرها : لا وقته "وقرب وبآس شفايفها " سارا دفته بخفيف وجات بتمشي تطلع إلا تتعكرف مع السطل إللي فيه المويا وتطيييييييح "طشششششششششششششششش">صوت الطيحة فهد مسك بطنه من الضحك : هههههههههههههههههههههاااااااااااااااااااااااااي وربي شكلك تحففففففففففففه سارا وقفت ولقت كل ملابسها مويا صارت تنفض فيهم >تراب هو .؟ وقالت بقهر وشوي وتصيح : كله منك عاااجبك ودخلت الغرفة عشان تبدل وسكرت الباب بوجهه بقوة وبالمفتاح كمآن فهد ضحك عليها وهو يدري شوي وتطلع * صـبـآح يــوم جـديــد ..‘‘ سعود كآن طآلـع من البيت وشآف وليد جآي من ورا الفلة ومعه العدة وشكله كآن متوتر لما شاف سعود .. سعود ناظره وبستغراب : ولييد ولييد وليد حط الأشياء ع الأرض وبلع ريقه وراح وهو يتظاهر البرود : صباح الخير طال عمرك امر ..؟ سعود يناظره : وش تسوي ورا ؟ وليد توتر شوي بس بعدين تكلم : بالليل سمعت صوت ورا ورحت أشوف ولقيت هالعدة عند شباك المخزن .. وأخذتها وللحين مستغرب كيف شباك المخزن مكسور قمت صلحته سعود عرف إنه رند بس من وين جابت العدة قاله يبي يصرف السسالفه : طيب خلاص إنت روح وأنا بتصرف .. وليد أعطاه ظهره ومشي وهو يتنهد الحمدلله ما إنكـشف .. ركب سعود سيارته والبواب فك له الباب وطلع متوجه للشركــه ..~ جآ بباله يتصل ع مزون يتطمن عليها .. بس قال مو قلت بنساها ومابي شي يذكرني فيها لازم أنساها بس شلون ..؟ فـي بـيـت الجــدة .. غلا كآنت ترتب سريرها واليوم ماتبي تروح المدرسه مالها خلق .. قررت تسوي شي وتتأكد منه كمآن .. طلعت من غرفتها ونزلت تحت لقت الجدة تفطر حبت راسها وقعدت معها تفطر .. الجدة تناظرها : غلا مالبستي للمدرسه ؟ غلا إللي كانت سرحآنه : ها يمه لامابي أروح الجدة : ليه في شي يعورك ؟ غلا : لاء بس مالي خلق .. الجدة مستغربة منها : براحتك .. وقفت غلا وإبتسمت لأمها وطلعت فوق ع غرفتها , دخلت وسكرت الباب ونطت ع سريرها بحماس وأخذت الجوال ودقت رقم جراح ثواني وصلها صوته إستحت : هلا فيك , وأنا أكثر , لا الحمدلله كلنا بخير , جراح بغيت منك طلب تسلم مايامر عليك عدو , قبل فترة إتصل علي رقم غريب ويقولي أعرف مكآن أبوكِ وأعرف كمآن وينه فيه أنا ماتحملت وبكيت وصرخت عليه وسكرت السماعه , وبعدها لما قعدت بروحي فكرت بكلامه , واللحين بتصل عليه أتأكد وأحدد موعد وأشوفه بس أبيك تجي معي , جرااح وش فيك عصبت طيب يمكن يكون كلامه صح ؟؟ "تأففت" خلاص جراح لاتصير سامج كذا , تدري الحق علي إللي متصلة عليك وباخذ رايك ولا من إنت حتى أخذ رايك ؟ .. إيه أكييد بزعل أقولك بتأكد من أبوي وتقولي وش عرفك بالرجال تركت الموضوع ورحت للرجال .. المهم أنا بتصل عليه وبحدد موعد وأبيك تروح معي .. طيب خلاص يلا مع السلامه .. سكرت غلا من جراح ودقت رقـم الرجال .." الـضـهـر ..~ فـي بيت أبو نوآف .. البندري وكآدي كآنوا دآخلين توهم وراجعين من المدرسه .. " البندري رمت الشنطة ع الأرض وتأففت بتعب : اوووف الله ياخذ المدرسه متى أتخرج وأفتك كآدي تقلدها : حتى أنا طفثثت متى أتخرج البندري ضحكت : ههههههههههههه إنتِ مطولة ياحلوووة كآدي : لاء مو مطولة البندري : هههه المهم يلا إمشي خلنا نطلع نبدل ملابسنا .. طلعوا فوق ولقت أمها نازلة وتبكي .. البندري تبكي : بسم الله يمه وش فيكي ليه تبكي ؟ أم نواف : أختك .. البندري بخوف : وش فيها ؟؟ أم نواف : بتسافر بعد بكرا البندري تنهدت : أووف ع بالي عند سالفة "وإنتبهت ع نفسها " إيه يمه إنتِ تدري إنها بتسافر عشان بعثتها وكذا أم نواف : بس مو بهالسرعه وتوها حتى تقولي البندري : يمه مصيرك تتعودي "وكملت " يمه أنا جيعانه باكل أم نواف مسحت دموعها : طيب يلا روحي بدلي إنتي وأختك وتلقوا الغدا جآهز .." فــي فـرنـسـآ .. مزون كآنت توها قآيمه من النوم لما رجعت المغرب من برا نامت ساعتين يمكن وبعدها قامت .. قررت تنزل تتمشا برا ويمكن تلقى شغل .. لبست البالطو وأخذت شنطتها وطلعت من الفندق .. صارت تمشي بشوارع فرنسا وتناظر الناس والأطفال وبعض المحلات المفتوحة وبعضها لاء .. شافت ورقة معلقة ع باب مرقص إنهم محتآجين لعاملة ترددت تدخل ولا لاء ..! وبقت تتأمل الورقة لدقايق "أنا بحاجة هالشغل وحتى لو بمرقص مابسوي شي بس بتشغل وعلي أخذ راتبي ياربي أدخل ولا لاء بس هالشغل حرام " وأقنعت نفسها وتقدمت بتدخل وقفوها البودي قارد إللي ع الباب لأن شكلها مايوحي وحدى بترقص وكذا كانت لابسه لبس محتشم قالت لهم إنها بتدخل عشان الوظيفة سمحوا لها بالدخول .. أول مادخلت شافت البنات اللي يرقصوا والشباب السكرانين ولقت واحد وراها نقزت منه وصرخت بلعت ريقها بخوف وقالت "حسبي الله وش مدخلني هني ياويلي اللحين لايسوا فيني شي " لمحها صاحب المرقص وأشر لوحد من موظفينه وقاله روح شوف هالبنت وش تبي .. راح لها الموظف والمدير كان منتبه له .. طبعاً بكتب باللفة العربية الفصحى : عفواً يا أنسة ماذا تردين ؟ مزون خافت وبلعت ريقها : أنا رأيت إعلان خآرج المرقص بأنكم تريدون عآملة الموظف إبتسم : نعم نريد عآمله مزون : وأنا أتيت هنآ لأعمل الموظف : أهلا بكِ تفضلي معي كل تكلمي صاحب المرقص ومشي ومزون مشت وراه وهي منزلة راسها وشعرها كان ع وجهاا وخايفة .." الموظف يكلم المدير : إنها أتت هنا لكي تعمل المدير فهم وقاله يروح وقف وتقدم من عندها : مرحباً بك "تفضلي معي للمكتب" مشي ومزون خآفت تروح معه بس هو سبقها وما إنتظرها ترد حتى ولحقته فوق ع المكتب دخلت وشافته كآن جالس أشر لها تجلس .. المدير رفع السماعة : ماذا تريدن أن تشربي .." مزون : لا أريد شيء شكراً المدير رجع السماعه : كم عمركِ ؟ مزون : 21 المدير : عمر مناسب , حسناً أنتِ تعرفين كيفية العمل هنا ؟ مزون توترت : ليس كثيراً للأنني هاذهي المرة الأولى أعمل بمثل هاذهي الأمآكن المدير : أنظري كيفية عملك ستكون مثل القرسونه ستأخذي طلبات الزبآئن وتلبيها وهكذا وإن طلب إحدآهم أن تجلسي معه توافقي ع الفور مزون بعصبية : لاء أنا ليست رخيصة كي أجلس معهم .. المدير بسخرية : جميعكم تقولون هكذا , أجل لماذا أتيتي هنآ ؟ مزون بقهر من أسلوبه : لأسباب خآصه أخشى الحديث بها .. المدير ما إهتم : حسناً إذن لا تريدي الجلوس مع الزبائن هاذهي حريتك الشخصية .. والأن تستطيعي البدء بالعمل مزون وقفت وتحمست وبتردد : والرآتـب لن نتكلم به .. المدير : فكل شهر ستأخذي 2... جيد ؟ مزون عجبها المبلغ وإستانست : جيد طبعاً المدير : لن تخبريني بإسمك ؟ مزون : إسمي مزون المدير بستغراب : مزون , إسم غريب جداً مزون إبتسمت : الأن أستطيع النزول المدير وقف وتوجه للدولاب ومد لها ملابس الشغل : قبل كل شيء لابد أن ترتدي ملابس العمل مزون أخذتهم : حسناً "وناظرت تدور الحمام " المدير فهم لها : أول غرفة أمامك هاذهي تكون لك ولزميلاتك في العمل .. مزون إبتسمت وطلعت راحت فتحت الغرفة وكانت فاضية إرتاحت مافيها أحد سكرت الباب باالمفتاح ونآظرت الغرفة كانت مكركبة وفيها شنط وفساتين وملابس وحآله .. فصخت شنطتها إللي ع رقبتها وحطتها ع الكرسي ودخلت الحمام لبست التنورة القصيرة إللي فوق الركبة السوداء والقميص الأبيض الكم رفعت الكم لنص إيدها وضبطت ياقة القميص وسكت أزراره .. وقفت قدآم المرايا وشافت شعرها قالت " إممم ماراح أخليه مفتوح لأن رح أتضايق منه " لفت وفتحت شنطتها وطلعت الشباصه السوداء ورفعت شعرها ونزلت خصل منه .. وحطت قلوس .. وفتحت شنطتها وطلعت الجوال وحطته بجيوب التنورة وحطت شنطتها وملابسها بكيس وحطتهم ع الكرسي .. فتحت الباب ونزلت تحت وبدأت شغلها .." |
فــي الشرقية ..~ ..
وفـــي قـصـر أبو سعود .. كآنت أم سعود بغرفتها ورند وريف جالسين تحت بالصاله .. رند كآنت منسدحة وتطقطق ع الايباد وريف قدآمها حوسة الجامعه وتذاكر .. رند : أقول ريف متى أبوي بجي إشتقت له مرة ..؟ ريف ناظرتها : مدري له مدة طويل مسافر رند عدلت نفسها : ما إتصل .؟ ريف وهي تتذكر : إلا قبل أسبوع أظن إتصل .. وسأل علينا كلنا وقالي كمآن يومين برجع رند سكتت وهزت راسها .. إنفتح باب القصر ودخل سعود رند خافت وقفت بتطلع فوق بس سعود شافها وقال لها : تعالي تعالي وين إن شاء الله ؟ رند تأففت ونآظرته : بطلع فوق ع غرفتي وين يعني ؟ سعود تقدم عندها : سمعي رند اللحين بتقولي لي من إللي أنقذك وطلعك من الخزن ومن وين لك العدة ؟ رند خافت : انا لقيتها بالمخزن وفتحت الباب .. سعود : لاوالله إقتنعت .."وصر ع أسنانه" اللحين تقوليلي من ساعدك تكلمي رند : طيب طيب بس لا تعصب بقول .. سعود بنفاذ صبر : يلاآ رند بتردد وخوف : الحارس محمود سعود بصدمه وعيونه صارت حمراء ريف شهقت وبلعت ريقها وناظرت سعود وش بسوي سعود طلع بسرعه وراح عند الحارس وصرخ عليه : محموود يازفت إللي إسمك محمود الحارس خاف وقف وطاح الكرسي من الخوف وراح عند سعود يركض : خير يا أستاز سعود سعود يحاول يتحكم بأعصابه : إنت كم سنه لك تشتغل عندنا ..؟ الحارس إستغرب من سؤاله وبخوف : 10 سنين يا أستاز سعود .. سعود : وبعد هاذا كله تخوني وتتصرف تصرفات من وراي .. الحارس مو فاهم شي : أخونك بإيه حضرتك ؟ سعود : لاتستهبل ع راسي اللحين تاخذ اشيائك وتنقلع برا البيت "وطلع من جيبه دفتر الشيكات وكتب له مبلغ واعطاه الورقة " وامسك هاذا رابتك لمدة شهرين وتدور لك شغل ثاني فاهم .. الحارس رما الشيك ع الارض ولف حزين .. سعود دخل البيت وهو معصب .." إنـتــهــى .. التوقعات ..؟ مزون هل راح تواجه صعوبات بفرنسا ؟ .. وكيف شغلها بكون بالمرقص ..؟ سعود رح يكتشف إن وليد إللي ساعد رند ولا لاء .؟ وهل رح ينسا مزون ؟ فهد وسارا ودعوا المشاكل ولا لسه ؟ غلا وش بصير معها ؟ وش ردة فعلها لما تشوف أبوها إللي هو أبو سعود ؟ البآقـي نو كومنت ماعندي لهم توقعات .." بنتظار تعليقاتكم .. |
يعطيج العافيه ملكة الرومنس ع الطرح والبارتات الجميله
ننتظر المزيد لاهنتي |
كل الشكر لتواجدك الغالي شمس القوايل والمميز هنا
ودي وتقديري |
البآرت الـ 32
مزون كآنت توها دآخله الفندق تعبت كثير اليوم أول مادخلت رمت شنطتها والبالطو ع الكنبه وإرتمت ع السرير وقعدت تفكر بأحداث اليوم وكيف مر عادي بالنسبة لها مافي أحد تعرض لها وكثير زباين طلبو تجلس معاهم بس المدير فهمهم إنها ماتبي , خآفت من هالنقطة وإن ممكن وآحد منهم يحطها براسه "بعدين عشان تقنع نفسها نفضت هالأفكار من رآسهآ وقامت تاخذ لها شاور وتصلي وتنآم .. فـي الشرقيه ’ فـي قصر أبو سعود .. سعود وريف وأم سعود ورند كلهم كآنوآ جالسين بالصاله .. أم سعود : يعني الحق مو ع أختك على هالحارس إللي طلعها وهربها سعود : هم الأثنين غلطانين وهالحارس طردته ماعاد نبيه يشتغل ريف بحزن : ما أتوقع عم محمود يسوي كذا أم سعود : عما الدبب إن شاء الله ع شنو تحترمينه كله لا راح ولا جا حاارس يشتغل عندنا ريف : حتى ولو يمه لاتنسي له عندنا فوق ال10 سنين ولازم أحترمه أم سعود طنشتها لأن لو جادلتها بتطلع مع ريف بإنهزآم فلا تجادل أحسن إلتفت لرند وهمست لها : قومي غرفتك سعود لو شافك رح يحط كل حرته فيكي رند وقفت : طيب وجات بتطلع من غير لا ينتبه لها وقفها صوته : ويــن ..! رند تجمدت "بسم الله هذا وهو معطينا ظهره " إلتفت وقالت ببرود : ع غرفتي وين يعني ؟ سعود إلتفت وناظرها وقال بعصبيه : إقعدي هني مافي طلعة لا ع غرفتك ولا غيره أم سعود بستغراب : وش فيك إنت أختك بتروح غرفتها حتى هذا الشي ممنوع ..! سعود صرخ : قلت تقعد يعني تقعد مابي جداال رند قعدت جمب أمها وهي خايفه .. شوي رن جرس الفله .. والكل توجهت أنظآره عند الباب الخدامه راحت تفتح .. دخل وهو يجر شنطته وراه وشابك إيده بإيد زوجته .. الكل وقف وإستغرب بس ما إنصدم لأنهم يعرفوا إنه متزوج .. تقدم من الصاله : السلام عليكم الكل : وعليكم السلام أم سعود تقدمت عندهم وناظرته بإستحقار وزوجته كذالك وطلعت فوق .. رند حطت المخدة بطفش وطالعتهم بستحقار وتأففت : أووووف ولحقت أمها .. ريف ماعجبها تصرف أمها وأختها وقفت وسلمت ع أخوها وحضنته : الحمدلله ع السلامه يا اخوي زوجته كانت تناظرهم بتكبر ومو عاجبها لان للحين محد عبرها .. سعود سلم عليه : الحمدلله ع السلامه .. سلمان : الله يسلمكم .. ريف تكلمه : حرمتك تعرف تتكلم عربي ولا ؟؟ سلمان : إيه تعرف تتكلم لبناني لأن أمها لبنانيه بس أبوها أمريكي .. ريف بهمس له : مسلمه سلمان : أكيد مسلمه .. ريف إبتسمت بطمئنآن ومدت إيدها تصافحها : كيفك أنا ريف أخت سلمان .. مدت إيدها بغرور وبس إيدها لمست إيد ريف وخرت إيدها يعني مالحقوا يسلمو ع بعض ريف ما فاتتها الحركة بس طنشت : أكيد إنتوا تعبانين وش رايكم تتعشوا وبعدها روحوا إرتاحو ناظرت سلمان وبعدين ريف : لاء نحنا تعبانين بدنا نطلع نرتاح "ومسكت إيد سلمان بقوة" سعود ناظرهم وهز راسه : والله حاله " أقول سلمان أبيك بموضوع إلحقني ع المكتب وزوجتك تصرف معاها ترا منت طاير .. سلمان كتم ضحكته : إن شاء الله "وجه الكلام له " حبيبتي كاميليا أنا بروح المكتب مع سعود يبيني بموضوع مهم شوي وأرجع إقعدي مع ريف ع بال ما أطلع كاميليا : ماراح تتأخر سلمان : لاء حبيبتي ماراح أتأخر وإبتسم لها وراح عند سعود ع المكتب .." ريف إبتسمت لها : تفضلي إجلسي بالصاله ع بال ما أجيب لك شي تآكلينه كاميليا إبتسمت بمجامله : لا يسلموا مافي دآعي ريف : لا تستحي إنتي صرتي منا وفينا خذي راحتك دقايق وأجي راحت ريف .. وكاميليا صارت تتأمل القصر الكبير وتناظره بإعجاب .. رند كأنت واقفه بنص الدرج وشافتها وهي تتأمل نزلت بخطوات واثقه وصلت عندها وقفت قدامها كاميليا وقفت ومدت إيدها : مرحبا رند بستغراب "هاذي أمريكيه ولا سوريه ولا وش بالضبط " طنشت إيدها وقالت ببرود وهي تناظرها من فوق لتحت : أهلين .. كاميليا تفشلت ونزلت إيدها وجلست .. رند أخذت الأيباد حقها إللي كان ع الطاوله وجلست ع الكنبه إللي تكون قدام كاميليا وصارت تطقطق عليه مع إن كل نظرها مع كاميليا .. جات ريف وهي معها صينيه فيها عصير برتقال وكروسان وكيك .. حطتهم قدام كاميليا وإنتبهت لوجود رند بلعت ريقها لا تكون رند مسوية موقف بايخ مع كاميليا " جلست جمبها وقالت : تو مانورت الشرقيه كاميليا : تسلمي منوره بوجودك ريف ناظرتها : فصخي عبايتك ولا عشان سعود هني .. كاميليا وقفت وفصختها : لا أنا مابغطي ع اخو جوزي بس إزا طلعت برا بلبسه بس ما بحط الطرحه رند بلمت بجسمها ولبسها ولما نثرت شعرها ع كتوفها ريف ناظرتها بإعجاب .. كاميليا ما فاتتها نظراتهم وجلست ريف مدت لها كاسة العصير وصارت تشرب .. رند إنقهرت حطت المخده بقهر وأخذت الأيباد وطلعت فوق بخطوات مزعجه وباين إنها مقهورة .. صبآح يوم جديد وأحدآث جديدة .. سآرآ كآنت بالمطبخ تجهز الفطور .. أخذت الصحون وحطتهم عَ الطاولة برآ .:$ طلع فهد من الغرفة وتوه قآيم من النوم كان شكله يضحك شعره مبعثر ع وجهه وعيونه مغمضه قال بصوت كله نوم : صباح الخير سارا ناظرت عليه وضحكت : ههههههههه صباح الكسل والخموول فهد فرك عيونه : وش هالصباح ؟ سارا : أول شي روح شوف شكلك تقول لسه نايم حبيبي روح خذ لك شاور سريع يخليك تصحصح شوي فهد إبتسم : طيب .. سارا ناظرته لين دخل الغرفة وسمعت صوت باب الحمام تسكر .. أخذت جوالها وإتصلت عَ الدكتورة وحجزت لها موعد اليوم العصر .. سكرت الجوال وحطته عَ الطاولة وسحبت كرسي وجلست وقالت وهي تفكر " ياربي أقول لفهد ولا برفض وبعصب .. بس لازم أعرف إذا بجيب عيال ولا مابجيب للأبد , أحسن شي أقوله عشان يعرف .." طلع فهد من الغرفه وشعره مبلل وشكله كان حلوو :$ جا من ورا سارا وهي مسرحه وحط إيدينه ع رقبتها وباس خدها : بإيش الحلو يفكر ؟ سارا تنهدت بعدين إبتسمت : أفكر فيك ..! فهد بعد عنها وسحب كرسي وجلس : هههههه تفكري فيني يابختي إذا شاغل تفكيرك سارا تذكرت : إلا فهود بسألك أهلك دروا إنك طلقتني فهد : لاء محد درى ماحبيت أقول لهم وأنا برجعك سارا : أوكِ .. فهد يناظر علامات وجهها : سارا فيكِ شي كأنك بتقولي شي سارا بتردد : لاء مابقول شي فهد : لاء في موضوع إنتي مخبيته عني سارا بتلثعم : أنـ ـآ تـ ـونـ ـي إتصلت ع الدكتورة وحددت موعد معها عشان بروح اكشف اشوف اذا أجيب عيال ولا لا فهد حط الشوكة بعصبيه وسارا غمضت عيونها من الخوف ونقزت .. فهد : ألف مرة بتكلم بهالموضوع "وناظرها " سارا أنا مابي عيال وجودك معي يكفيني إفهميني سارا عيونها دمعت : لاء إنت تبي بس تكابر علي "ومسحت عيونها عشان لاتنزل الدموع" طيب خليني أروح وأشوف أرجوك فهد يمكن فيه أمل فهد تنهد وغمض عيونه "مايبي يقول لها إن التحاليل والأورآق طلعت كلهاا ضدها وإن أكثر من دكتور أكد إنها مستحيل تجيب عيال إلا إذا ربنا أرآد " ناظرها وإبتسم بحزن عليها : روحي وشوفي بكيفك سارا إستانست : يعني موافق فهد : إيه موافق وبروح معك كمآن .. سارا وقفت وحضنته من ورا وباست خده فهد ضحك : هههههههههه لو أدري كان وافقت من زمآن سارا إستحت : المهم اللحين ابيك تاخذني بيت خالي أبو نواف الكل بكون هناك عشان بنسلم ع النوري لانها بتسافر وبعدها نروح المستشفى فهد : أوكِ .. |
الساعه 12 الظهر فـي بيت أبو نوآف ..
النوري كانت نازله من الدرج ومعها شنطتها وكل أهلها بالصاله .. ناظرتهم واحد واحد مو هاين عليها تترك أهلها ومآ تبي تضيع فرصة البعثه نزلت بخطوات بطيئه وحزينه تقدمت من أبوها وقفت قدآمه هو كان جالس ومنزل راسه شاف رجولها وإنها قدآمه وقف وسلم عليها وباس راسها وإبتسم : تروحي وترجعي بالسلامه النوري ناظرت أبوها : يبه إنت زعلان لأني بروح و.... أبوها قاطعها : لا يابنيتي أنا مو متحجر ولا متخلف حتى أرفض دراستك وموافق لأني أعرف بنتي وتربيتها وأخلاقها وبذات إنتي يا النوري أعرفك وأعرف أخلاقك البندري رفعت حاجبها : شنو يبه وأنا يعني ؟ أبو نواف ضحك : ههههههه وإنتي كمان بس إنتي يمكن تروحي تلعبي مو تدرسي البندري : لا يبه زودتها انا وقت الجد جد ووقت اللعب لعب .. أبو نواف ياخذها ع قد عقلها : طيب طيب , "وناظر ساعته" يلا يا البندري أنتظرك مابقي شي ع موعد الطيارة البندري : طيب يبه طلع أبو نواف ونواف .. البندري توجهت مكان ما أمها جالسه وجلست جمبها وحضنتها من كتوفهآ .. : يمه اللحين متى بتسكتي ليه كل هالدموع , كلها كم سنه وأرجع ام نواف : كم سنه وقليلة هالكم سنه بحسبها بالثانيه والدقيقه النوري : بس أكيد يمه باخذ إجازة وبجي هني عندكم "وقفت باست راس أمها " يلا يمه أشوفك ع خير يالغاليه اللحين لازم أروح وقفت أم نواف وحضنت بنتها وباستها بعدين سلمت ع البندري وحضنتها وشالت كادي اللي كانت ع الارض تلعب وباستها وحضنتها نزلتها عَ الأرض .. وناظرت أمها وإبتسمت وطلعت ." أم نوآف صارت تبكي والبندري حضنتها تهديها .. النوري جات بتركب السيارة إلا فهد وسارا جايين نزلوا من السيارة وفهد سلم ع أبو نواف ونواف وسارا سلمت ع النوري وودعتها .. سارا : من في دآخل ؟ النوري : اللحين بروح أسلم عَ جدتي وهنآك فيه عمتي أم جرآح سارا : طيب تروحي وترجعي بالسلامه حبيبتي النوري : الله يسلمك نواف : النوري يلا لا نتأخر النوري : طيب وسلمت عليها لأخر مرة وركبت السيارة .. سارا ألتفت لفهد : يلا فهود عشان نروح المستشفى فهد بستسلام وتنهد : يلا ركبوا السيارة وتوجهوا للمستشفى ..~ في بيت الجده , نزلت النوري وسلمت عَ جدتها وعمتها وغلا وبعدها راحت الجدة بكت شوي بعدين سكتت .. غلا كانت جالسه معهم رن جوالها شافته كانت رساله من جراح "غلاوي أنا عند باب المطبخ الخارجي أبي أشوفك" غلا إبتسمت لاشعورياً ورسلت له " ما أقدر أترك أمي بهالحاله مقطعه روحها من البكي عشان نوير الدوبه سافرت" جراح رد عليها " مالي علاقه تصرفي مشتاق لك " غلا بطفش ماردت عليه قامت من جمب أمها وجات بتطلع الجدة كلمتها : وين بتروحي ؟ غلا تلعثمت : آء يمه باكل لي شي من المطبخ جيعانه الجدة : طيب راحت غلا ودخلت المطبخ وناظرت برا إذا فيه أحد شافت الخدامه قالت لها تروح .. شافت جراح واقف برا عند الباب اللي يطل ع الحوش إبتسمت وفتحت له الباب ودخل عَ المطبخ .. جراح يناظرها من فوق لتحت : وحشتيني .. غلا إستحت : وإنت أكثر جراح : شلونك ؟ غلا : تمام إنت أخبارك جراح : بعد ماشفتك صرت بأحسن حال .. غلا تذكرت : إلا جراح متى تبي أتصل ع هذاك الرجال عشان أحدد موعد معاه حتى أكلمه بخصوص أبوي .! جراح تكتف : ولو إني أحسه يلعب ومو مصدقه بس إتصلي عليه وحددي موعد وبجي معاكي أشوف صدقه من كذبه .. غلا : لا أنا إحساسي يقولي إنه صادق وإن يعرف موضوع أبوي ومكآنه جرآح : طيب إتصلي عليه ونشوف "وقرب منها ومسكها من خصرها " وش رايك نطلع غلا وخرت عنه وإستحت : جنيت وين نطلع جراح قرب منها أكثر : أي مكان قولي لجدتي بروح بيت عمي أبو سعود أي مكان ونطلع أنا وإنتي غلا : لاوالله ولو شافني سعود ولا نواف هم 24 ساعه طالعين مو ناقصني مشاكل جراح ماحب يحرجها : طيب براحتك , وعَ فكرة أمي وافقت تخطبك وشكلها اللحين كلمت جدتي غلا إستانست : جد وافقت كيف جراح : أقنعتها وقلت لها يا تزوجيني غلا يا ماراح أتزوج طول حياتي غلا بحزن : حرام جراح كذا أحس بتحقد علي ومابتحبني لأنها مغصوبه وما وافقت من نفسها جراح : لاتخافي أمي ماتحقد ولا تكره وأهم شي بتكوني لي غلا إستحت ونزلت راسها جراح تذكر وطلع العلبه من جيبه واعطاها هي : تفضلي غلا بستغراب : وش هاذي ؟ جراح : إفتحيها غلا فتحتها وكانت سلسه عليها إسمها عجبتها : وآآو تجنن جراح إستانس لما شافها مستانسه : عجبك غلا : يب مرة عجبتني شكراً حبيبي "وإنتبهت لنفسها وإستحت" جراح : ياحلوها من لسانك عيديها غلا : خلاص ترى وربي أستحي جراح ضحك : ههههههههه "طيب عطيني ألبسك هي" غلا أعطته ولفت له وبعدت شعرها عن رقبتها لبسها هي وباس خدها : تتهني غلا إستحت وبعدت وشافتها وعجبتها : غلا يا غلا وينك غلا خافت وصارت مرتبكه : ياويلي أمي تنادي خلاص جراح روح أشوفك بعدين جراح : بينا إتصال أوكِ غلا : أوكِ بس روح طلع جراح وغلا سكرت الباب وصبت لها كاسة عصير وطلعت إنها كانت تاكل .. دخلت الصاله : هلا يمه الجدة وأم جراح كان يناظروها ويبتسموا لبعض غلا بستغراب تناظرهم : وش فيكم ؟ الجدة : توها أم جراح خطبتك لجراح غلا إستحت وشدت ع الكاسه إللي بيدها ونزلت راسها الجدة إبتسمت : وأبي أسمع رايك .. غلا وصوتها مخنوق : إللي تشوفينه يمه الجدة : يعني موافقه ؟ غلا حطت الكاسه ع الطاولة : إيه وطلعت فوق بأقصى سرعة حتى شوي وتتعكرف أم جراح والجدة ضحكوا عليها .. |
فـــي قـصـر أبو سعود ..
وقت الغدآ .. نزلت كاميليا من الدرج وهي لابسه بنطلون جينز أسود ماسك وقميص لون موف ماسك وفاردة شعرها البني فاتح وحاطة ميك أب خفيف وروج فآقع لون فوشي وصوت كعبها وآصل لأخر القصر .. نآظرت الصاله فاضيه ومافي أحد قالت بستغراب : شو هالبيت من وقت ما إجيت ماعندهم نظام .؟ نزلت وصلت لوسط الصاله جلست ع الكنبه إللي عند الـ tv وأخذت الجهاز وصارت تقلب بالقنوآت وحطت ع قناة أغآني ورفعت الصوت وصارت تدندن مع الاغنيه بصوت وآطي .. رند إللي كانت بغرفتها توها راجعه من المدرسه وتبي تنام بس ما قدرت من صوت الأغاني حطت المخده ع وجهاا بس مو قادرة بعدت البطانيه بعصبيه وطلعت من غرفتها راحت غرفة ريف بس مافي صوت .. ناظرت الدرج ونزلت وقفت بوسطه وشافت كاميليا جالسه رجل عَ رجل وتشرب كابتشينو ومنسجمه مع الأغنية كملت نزولها وقفت ورا راسها وقالت بعصبيه ونبرة أمر : هي إنتِ يَ هيفاء وهبي .؟ كاميليا من غير لاتناظرها : عم تحكي معي .. رند بنرفزة وقلدتها : عم تحكي معي "إيه معك ليه في أحد غيرك بالصاله كاميليا خفضت الصوت وناظرتها بنص عين وصارت تأشر عليها : اولاً إسمي كاميليا مو هيفاء وهبي , وتانياً شو بدك جاي تتنفخي علي شو مساويتلك ؟ رند : طيب ياكميليا هانم خفضي صوت الأغاني نبي نعرف ننام مو ببيتك إنتِ جالسه كاميليا : والله برفع الصوت أد مابدي بيت جوزي هوي بيتي مو هيك أنسه رند .. رند بقهر ونرفزة صارت تصارخ : يمممممممه ريييييييييييف كاميليا سكرت أذونها : شو هالصوت هاد , بعدين مافي حدا هون البيت مافي إلا أنا وإنتِ رند بنرفزة مسكت المخده إللي عَ الكنبه ورمتها عَ الأرض وطلعت فوق وهي مقهورة كاميليا ضحكت عليها وهي ناوية تأدبها .. طلعت عَ غرفتها دخلت وسكرت الباب بقوة وإزعآج أخذت جوالها وإتصلت عَ غلا وصلها صوت غلا : ألو غلا : هلا رنودي كيفك رند وهي تمشي بالغرفه : ماني بخييير شوي وتجيني جلطه ياغلا غلا وهي ترتب ملابسها وبرواقه : له له ليش مانتي بخير وش صاير لك ؟ رند : قولي وش مو صايرلي سلمان أمس وصل من السفر وجا هو وزوجته لو تشوفينها يا غلا متكبرة ومغرورة وتقههههههههر توني واصله من المدرسه وتعبانه وشايفه الفيل نمله وبطلع ع غرفتي أرتاح إلا أسمع صوت الاغاني واصل لاخر البيت نزلت قلت لها قصري الصوت ردت ببرود يقتل "وصارت تقلدها " والله برفعو ع اد مابدي وبيت جوزي هو بيتي " غلا ضحكت من قلب : هههههههههههههه عليكي تقليد يا شيخه , تصدقي قلعتك وأخيرا جا احد كذا ينرفزك ويبرد حرتي فيكي دايم إنتي اللي تقدر ع الناس واخيرا جات وحدة تقدر عليكي .. رند بقهر : طسي إنتي الثانيه متصله أشكي لك وأبرد حرتي زدتيني قهر غلا كاتمه ضحكتها : هههههه أسفين عمتي , المهم انا حدي مستانسه اليوم أم جراح خطبتني لجراح وجراح جا عندنا وشافني وجابلي هديه وه يا رند بغيت أنهبل منه رند إستانست لها : زين مبروك , بس ها إثقلي لا تصيري مطفوقه غلا : وش قالولك عني رند رند : لاحبيبتي أنا مافي أثقل مني بهالامور بس إنتي إدعي الله يرزقنآ غلا : هههههههههههههه الله يرزقك يا ستي فـي فرنسا , الساعه 8 بالليل موعد شغل مزون .. كانت تلبس وبتروح الشغل .. أخذت شنطتها وسكرت باب الفندق بتطلع لقت الموظف متقدم لها وأعطاها الفاتورة لازم تدفع تنهدت بضيق مامعاها فلوس للفندق وقعت وقالت له هاليومين بتدفع .. طلعت وركبت تاكسي ووصلها للمرقص قالت أكلم المدير يعطيني أدفع للفندق وأستأجر شقه ماينفع أبقى بالفندق .. دخلت وماكنت خايفه مثل أول مرة طلعت فوق لغرفة التبديل .. دخلت كان فيه كم من بنت إبتسمت لهم وعرفتهم ع نفسها .. ودخلت الحمام<وإنتوا بكرامه> ولبست لبس الشغل وراحت غرفة المدير دخلت وسلمت عليه وكلمته وهو أعطاها فلوس وإستانست إنه ما رفض أو شي زي كذا .. نزلت تحت وبدأت شغلها .. العآمل يكلم مزون : إنه يوجد رجل هنآك يريد أن يتحدث معك مزون : إنت لاتفهم أنا لا أجلس مع زبائن العامل : فهمته ذلك لكنه مُصر مزون تأففت بطفش وحطت الصينيه إللي فيها الكاسات وراحت تشوف وش يبي وقفت قدآمه ومن غير لاتناظره وببرود ونفس شينه : ماذا تريد .. ناظرها من فوق لتحت وقال لها : بالأول إقعدي مزون إنصدمت يتكلم سعودي ؟؟!!! ناظرته وعرفت إللي كان معها بالطيارة قالت بصدمه : وش جابك هني وش تبي مني ؟ قال يبي يهديها : شوي شوي وبجاوبك ع كل أسئلتك إقعدي أول شي عشان أفهمك مزون طنشت المكان إللي هي فيه وقعدت : يلا جلست قولي وفهمني وش تبي مني ؟ : بالأول أنا ولد عمك مزون بصدمه : ولد عمي ؟ : إيه ولد عمك وإسمي طلال مزون ماصدقت : أكيد تكذب علي طلع بطاقته ومده لها أخذتها وقرئت الأسم ورجعتها له : طيب وش تبي مني ؟ طلال : أبيكي تجي معي مايصير بنت عمي تشتغل بمكان مثل هاذا مزون : وإنت ليه جاي لمكان مثل هاذا ؟ طلال : جيبت حتى أخذك مزون : وينكم يا عيال عمي يوم أهلي توفوا محد منكم سأل عني وكلكم رفضتوا تاخذوني لبيتكم اللحين جيت لما شفتني بديت أشتغل وأكون نفسي طلال : مزون صدقيني جدي وقتها قال لنا لو أحد منكم كلم ولدي أحمد ولا سأل عنه رح أقاطعه ولا أكلمه ووقتها عمامي ما كلموه ولا عرفنا إنه توفى إلا قريب وجدي ندم ع كل شي وقاللي دور ع حفيدتي مزون وجيبها بشوفها هي إللي بقتلي من ريحة ولدي مزون حقدت ع جدها بس بعدين كسر خاطرها وقالت بعناد : بس أنا مابي أروح بعيش بفرنسا وبكون حياتي هني طلال عصب : مزون لاتعاندي إحنا أهلك وتجي تعيشي معانا مانسمح لك تعيشي ببلد غريبه وماتعرفي فيها أحد من بكرا بجي وباخذك عشان ترجعي معي ع جدة عند أهلك مزون تبي وماتبي خايفه ومحتارة بقت ساكته طلال حسها بتوافق ضغط عليها : ها وش قلتي خلاص بكرا أجي أخذك مزون هزت راسها بالإيجاب طلال إستانس ووقف : يلا قومي عشان أرجعك الفندق مزون وقفت : طيب بس المدير والشغل طلال : إعتذري قولي ماأبي أشتغل مزون طلعت الفلوس : وراتبي توني أخذته طلال مشي : تعالي أنا أتفاهم معه وأرجع له الفلوس طلعوا فوق ع غرفة المدير وكلمه وهو تفهم وشكره وأعطاه الفلوس ومزون بدلت ملابسها ونزلت مع طلال تحت .. ركبت السيارة وهو ركب ومشي .. طلال يناظرها : طيب ما سألتيني عن أهلك ماتبي تعرفي عنهم شي ؟ مزون بحماس : أكيد بعرف عنهم كل شي أول شي كم عم عندي وبنات عم وعمات طلال ضحك : ما أظن بلحق أقولك كل شي شرايك نروح مطعم نتعشا واقولك مزون وافقت من غير تردد وإبتسمت : طيب إبتسم طلال ودقايق وصلوا المطعم نزلـوا ودخلوا وجلسوا ع إحدى الطاولات وكان جداً هآدي ومرتب .. جاهم القرسون وسألهم وش يشربوآ ..! طلال : وش تحبي تشربي مزون : أي شيء طلال طلب إثنين عصير والقرسون راح يجيب الطلب مزون : يلا جاوبني عَ كل أسألتي طلال : طيب إنتي عندك خمس أعمام غير أبوكي وثلاث بنات مزون : إمم يعني ثلاث بنات خمس أولاد طلال : هههههه إيه وأكبر شي أبوي عبد الله وعنده ثلاث أولاد وبنت وبعدين عمي منصور متزوج وعنده ولد وبنت أعتقد تعرفيه إللي كنتي عنده وبعدين عمي سلطان متزوج وعنده 4 بنات وماعنده عيال وبعدين عمتي نوره عندها تؤام أولاد وبنت صغيرة وبعدين أبوكِ الله يرحمه وبعدين عمتي نوال عندها ولد وبنت من زوجها وبعدين عمي محمد مو متزوج والكل يحبه وفلاوي وبعدين أخر شي عمتي أروى مزون : ماشاء الله وأخر شي عمتي أروى مو متزوجة طلال : لاء مو متزوجة وتقول كذا مرتاحه وهي وعمي محمد قالبين البيت معركه مزون ضحكت وتحمست تشوفهم : طيب وجدي طلال : جدي يحب الكل وعصبي درجه أول وكلمته ماتصير ثنتين بس مع ذلك قلبه طيب وكلمه توديه وكلمه تجيبه مزون : لا واضح هالكلمه ما تأثر عليه إلا إذا كانت من إللي يحبهم حيل طلال : ههههههههه طلعتي مو هينه إيه أكثر ثنين مايرد لهم طلب أنا وبنت عمتي نوره مزون مزون بستغراب : إسمها مزون .؟ طلال : إيه عَ إسم جدتي الله يرحمها مزون وهي تفكر : أهـآ يعني أنا إسمي ع إسم جدتي ولا عمره أبوي قاللي طلال : الله يرحمه يمكن ماكان يحب يتذكر أهله جا القرسون وحط العصير .. كمل طلال : المهم من بكرا بنرجع ع جدة ورح تتعرفي عليهم كلهم وصدقيني رح تحبينهم مزون بحماس : إن شاء الله |
صـبـآح يـوم جديد ,
قصر أبو سعود .. رند طلعت من غرفتها وهي لابسه المريول .. ومعها شنطتها نزلت تحت شافت سلمان وكاميليا وريف يفطرون .. كاميليا لما إنتبهت لنزول رند صارت تأكل سلمان عشان تقهرها وريف ما فاتها هالحركة وتكمت ضحكتها .. وصلت ريف لطاولة السفر قالت بقهر : صباح الخير الكل : صباح النور سحبت كرسي وجلست جمب ريف .. سلمان وكاميليا كانوا يتكلموا وصوت ضحكهم واصل لفووق .. ريف ناظرت لرند إللي مقهورة وتناظر كاميليا بحقد همست لها : وش فيكي رند أكلتي البنت بعيونك رند وهي تآكل التوست بقهر : قاهرتني من ـأمس مآ عرفت أنام بسببها ربي ياخذها ريف : لاتدعي لأن الدعوة بترجع لك رند وقفت : وإللي يسلمك فوزية الدريع سكتي "ورفعت صوتها " أنتظرك برا ريف كتمت ضحكتها عَ رند إللي شوي وتنفجر وقفت وأخذت كتبها : يلا مع السلامه سلمان وكاميليا : مع السلآمه طلعت ريف ولقت رند داقتها سوالف مع وليد إنقهرت وصار وجهاا أحمر بعدين أخذت نفس وقالت وهي تهدي نفسها : ريلاكس ماصار شي إهدي ياريف إهدي وصلت للسيارة وركبت : السلام عليكم وليد إرتبك لما دخلت ورند حست ع نفسها ورجعت نفسها لوراء : وعليكم السلام ريف ناظرته بعيون مقهورة بس مابينت وإلتفت لرند وهزئتها : إنتي مو حاسه ع نفسك راميه نفسك بين كرسيه صدق منتي متربيه رند مستغربه من عصبيتها : وش فيكي ريف مو من عادتك تهزئي كذا ماصار شي وتعرفيني شي عادي بالنسبه لي ريف : عادي لك أما الولد مو عادي عنده رند بستهزاء : الولد ليه هو شكالك الحاال .!؟ ريف توترت لما شافت وليد يناظرها من المرايا اللي قدامه ناظرت الشباك : خلااص رند سكري ع الموضوع رند تأففت : اووف الساعه 2 الضهر .. سارا كانت بغرفتها من أمس لما جو وهي تبكي .. فهد يدق الباب عليها : سارونه إفتحي الباب طمنيني عنك .. سارا لاتخوفيني عليكِ كآفي بكي سارا ماردت عليه وكل شوي صوت بكائها يعلا فهد تنهد بطفش : ساارا حبيبتي إفتحي الباب بس طمنيني عنك سارا صرخت : وش تبي فيني إتركني بحالي فهد رجع دق : طيب إفتحي بقولك شي سارا مسحت دموعها وقفت وفتحت الباب ورجعت ع السرير دخل فهد وسكر الباب وراح جلس قدآمها وحضنها : خلاص حبيبتي بسك بكي ربنا برزقنا إن شاء الله سارا وهي تبكي ومتمسكه بتشيرته : بس ما سمعت الدكتورة وش قالت قالت مافي أمل ولا واحد بالميه فهد يبي يضحكها : وش أسوي إذا الدكتور متشآئمه سارا إبتسمت فهد بعدها عنها ومسح لها دموعها ورجع لها شعرها ورا إذنها : سارونتي إهدي وإنسي إللي صار ولا كأنه رحنا لدكتورة ولاغيرها وإستانسي وربنا ماينسى عباده وبرزقنا بطفل سارا هزت راسها وسكتت فهد باسها من خدها : يلا قومي شوفي فيلم معي سارا مسكت إيده وطلعوا برا .. فــي فرنـسـآ .. السآعه 6 وقت المغرب .. مزون كآنت هي وطلال بالمطآر بروحوا ع السعوديه .. ركبوا الطيارة ومزون كانت متحمسه & خايفة وكل هالأشياء تحس فيهم .. طلال إنتبه لتوترها : وش فيكِ متوترة وخايفة ؟ مزون تكلمت من غير لاتناظره : خايفه محد يتقبلني ويحبني طلال إبتسم : من هالنآحيه لاتشلي هم قلت لك رح تحبيهم وهم رح يحبونك الكل هنآك مايعرف يكره مزون : إن شاء الله .. نوقف هنآ التوقعآت ..؟ مزون وعآئلة أبوهآ وش ردة فعلهم ؟. هل رح تتأقلم معهم ..؟ ريف ووليد ؟ سعود بقدر ينسى مزون ولا رح يحن لأيآمه معهآ ؟ سارا وفهد ؟ غلا وجرآح وأبوهآ ؟ أنتظر توقعاتكم |
يعطيج العافيه ملكة الرومنس ع الطرح والبارت الرائع
مجهود مميز عساج ع القوه ننتظر المزيد لاهنتي |
كل الشكر لتواجد الغالي شمس القوايل والمميز هنا
ودي وتقديري |
البآرت الـ 33 ..
فـي قـصـر أبو سعود .. الساعه 5 العصر البيت كَ العآدة هدوء والروتين يكون ممل .. رند كانت بغرفتها وكاميليا وسلمان طالعين .. أم سعود طالعه .. سعود مادوام اليوم وبغرفته .. ريف طلعت من غرفتها وكانت بتنزل تحت تجلس بس ناظرت باب غرفة سعود وقررت تروح تجلس معه توجهت ودقت الباب مرة مرتين ثلااث مارد خافت ودخلت ولقته منسدح ع السرير ومشخص نظره بالسقف ومايرمش قربت منه وبلعت ريقها وشهقت : ياويلي وش فيه أخوي "وقربت بخوف وهزته بخفيف " سعود سعود "وصرخت " سعود سعود قام مزوع ويناظر ريف إللي عيونها دمعت : وش فيكِ وش صاير ؟؟ ريف ضربته عَ كتفه ومسحت دموعها : حسبي الله عَ إبليسك وش فيك مسرح ولا معناا كل هذا تفكيييير سعود تنهد وعدل جلسته ناظر الباب كان نصه مفتوح أشر لها بعيونه عَ الباب : سكري الباب وتعالي بقولك شي ريف تحمست سكرت الباب بسرعه وجلست بحماس ورجه : يلا قول سعود يناظرها وهي متحمسه وضحك : ههههههه لا مابي كل هالحماااس لأن أعرف الموضوع ماراح يعجبك لا تتحمسي ع الفاضي ريف : ههههههه طيب بس إنت قول يلا سعود بجديه ويبي يقنعها : شوفي رييف أنا فكرت وحآولت وعزمت إني أنسى مزون "ريف ميلت فمها أجل السالفه فيها مزون " لكن ماقدرت ما أقدر أشيلها من قلبي أنا جماانه أول كنت أحبها حب مابعده حب بعد ما خانتني وهاذا وهي مسويه شي حاولت اكرهاا تبيني مزون إللي ما سوت شي وحبتني بأخلاص أكرهاا مستحييل ريف حاولت تكون معه بارده بهالموضوع ماتبي تلين معه ع شي مابصير : طيب والمطلوب مني وش تبيني أسوي لك ؟!.. سعود : بسافر عَ فرنسا وأبيكي تجي معي عشان ارجعها .. ريف بصدمه : نــعـــم ؟ إنهبلت إنت ياسعود ؟ سعود : إيه إنهبلت لاتنقاشيني بتجي معي ولا لاء ؟ ريف بحيرة : لو جيت معك مزون ماراح توافق ترجع سعود : وأنا ليش ماخذك لسواد عيونك عشان تقنعينها ترجع ريف كشت عليه : مااالت عليك عَ بالي عشاني "ولما شافته يناظرها بحده رجعت قالت " طيب موافقه أجي معك بس بشرط سعود ماعجبه : يلا أخر عمري بنت تشرط علي قولي يا ست هانم وشو شرطك ؟ رييف : إذا مارضت تجي معنا تنسااهااا ولا ترد تفكر فيها .."وناظرته بتحدي " سعود غمض عيونه بعدين قال : مواافق ريف وقفت وتمغطت : طيب متى الرحلة ؟ سعود : إحنا خلنا نحجز بالأول بس إحتمال هاليومين .. فـي المطآر , طلال ومزون وصلوا عَ جدة مزون كآنت خايفه وبنفس الوقت متحمسه تبي تشوف عايلة أبوها إللي تمنت تشوفهم ولا مرة وحدة .! طلال إنتبه لسرحآنها حرك إيده قدآم عيونها : هي مزون مزون إنتبهت : هآ طلال : هآ , لا إنتِ مو معي نهاائي مزون ضحكت : هههههههه لاوالله بس أفكر وش بصير , إمم وش كنت تبي ? طلال : عطيني جواز سفرك عشان اللحين عند الختم وهالامور مزون طلعته من شنطتها وأعطته إيآه أخذه طلال وسوا أمور الحجز والأورآق .. رجع وأعطآها جوآزهآ : يلا مشينا .. مزون : بنروح بتاكسي ؟ طلال : لاء أخوي عبد العزيز ينتظرنا برا مزون بصدمه : قلت لهم عني طلال إبتسم : كلهم يعرفوا واللحين تلقي بيت جدي ملياان الكل هنآك مزون إبتسمت وتنهدت ومشت هي وطلال وصلوا لبرا وعبد العزيز شافهم من بعييد وراح عند طلال وسلم عليه : الحمدلله ع السلامه طلال : الله يسلمك عبد العزيز ناظر مزون إللي كانت مستحيه : تو مانورت جدة يا بنت عمي مزون "هذا يكلمني ؟ " رفعت راسها : منوره بأهلها عزوز خق ع عيونها مزون إنتبهت ونزلت راسها طلال دقه بكوعه : إحم يلا بنتم واقفين هني عزوز إنتبه ع نفسه : إيه تفضلوا يلا مشوا لين سيارة عزوز طلال ركب قدآم ومزون ركبت ورآء .. عزوز حرك السيارة ومشي متوجه لبيت الجد .. ^ شوي ورآجعين لهم -.- غلا كآنت طآلعه من بيتهم وركبت السيارة وقالت للسواق يروح كوفي الـ ... طلعت جوالها من شطنتها وإتصلت عَ جرآح : ألو جرآح .. تمام الحمدلله .. إيه أنا اللحين بالطرييق .. إنت وصلت بهالسرعه .. هههههههه لا وين تاخذني أمي بطلعة الروح وافقت أطلع بروحي ومع السواق .. يلا مع السلامه .. سكرت غلا من جرآح .. وربع ساعه وصلت ع الكوفي نزلت ودخلت وشافت جراح جالس ع طاولة بالزواية لحاله ويطقطق بجواله ويضحك جات وهي مبتسمه : سـلآم جراح إبتسم : ياهلا والله سحبت كرسي وجلست وبقت ساكته جراح مسك إيدها : وحشتيني ..! غلا سحبت إيدها وهي مستحيه : وإنت أكثر جراح : وش فيكي سحبتي إيدك غلا : إحنا بمكان عاام ومو حلو تمسك إيدي جراح ماعجبه بس سكت غلا حست إنه زعل بس قالت يزعل يعني يبيني أسلمه نفسي " دق جوالها وكآن الرجال إرتفعت دقات قلبها وردت : ألو .. إيه أنا اللحين بالكوفي وين إنته .. وصلتوا .. تلقاني بالزواية أول ماتدخل الكوفي دق عشان تعرفني سلام .. سكرت وناظرت جراح وقالت بهلفة وخوف : جراح اللحيين بشوف أبوي جراح إبتسم : طيب حبيبتي إهدي خليكي قوية لاتضعفي غلا عيونها دمعت : مادري وش بسوي لما أشوفه جراح : غلاوي خليكِ قوية لاتضعفي غلا هزت راسها وناظرت باب الكوفي وشافت رجال دآخل ودق جواله عرفت إنه هو هذا رن جوالها وردت : إيه انا شايفتك "وأشرت له " سكر الجوال وتقدم لهم ناظر غلا وإستغرب وجود جراح : السلام عليكم غلا وجراح : وعليكم السلام جراح : تفضل سحب كرسي وجلس وناظر غلا : أنا إسمي عصام غلا : تشرفت وأنا غلا عصام إبتسم برسميه : الشرف لي أدري أبوكِ قاللي , طبعاً ياغلا "جراح قاطعه " الأخت غلا عصام ناظره ورفع حاجب : من الأخ غلا ماترددت بالإجابه : خطيبي عصام يناظره : أسف ما كنت أدري جراح ببرود : عادي عصام كمل : المهم يا أخت غلا تعرفي أنا يوم إتصلت عليكِ كنت صادق بكل كلمه قلتها أبوكِ هو اللي قاللي إتصل ببنتي وحدد معها موعد عشان بشوفها وبفهمها ليه تركتها وما سألت عنها غلا بلعت ريقها : طيب وين أبوي ليه مو معك عصام : اللحين بجي بس قبل كل شي قاللي فهم بنتي القصة بأكملها عشان لاتاخذ فكرة مو حلوة عني غلا : اخذت فكرة مو حلوة وخلاص مهما كانت ظروفه مافي شي يخليه يترك بنته إللي توها مولوده عصام : إنتِ إسمعي بعدين إحكممي .. أبوكِ يكون رآشد صالح الـ .... غلا وجراح إنصدموووآآآآآ ؟؟؟؟؟ غلا مو قادرة تتكلم من الصدمه تحس الكلم وقف بنص حنجرتها ومو قارد يطلع قالت بكتمه ودموع : عـمـي أبـ ـو سـ ـعـ ـود كـ ـيـ ـف ؟ جراح : هذا أكيد يكذب عصام عصب : لو سمحت ما أسمح لك .. جراح بعدم إستيعاب : أجل كيف خالي ابو سعود أبوها ولا بالمسلسلات تصير عصام طنشه وناظر غلا : أخت غلا إهدي وخذي نفس بفهمك كل شي من الأول للاخر غلا مسكت راسها ومو قاردة تستوعب تحاول تتأقلم مع الموضوع بس مو قادرة : طيب قول عصام : أبوكِ إللي هو الأستاذ راشد تزوج وحدة غير زوجته أم سعود ومن غير لا أهله يعرفوا وهي تولدك توفت وأبوكِ كان بوديك دار الأيتام بس قلبه ما طاوعه وصارح أمه إللي هي ربتك وزوجته وقتها زوجته أم سعود قالت له مابي بنتك وماراح أربيها وديها دار الايتام الجدة ما وافقت قالت أنا أربيها وأبو سعود وافق وقال بشرط محد يدري إن غلا بنتي الجدة هاوشته بس هو ماسمع كلامها وبقى مصر ع رايه ويوم كنتي تكبري قدام عينه ندم كثير إنه سمع كلام زوجته وماسمع كلام أمـه وقبل فترة جاني وقاللي أبيكِ تساعدني ومن هالكلام وأنا ساعدته وإتصلت عليكِ غلا كانت كل كلمة تسمعها تطعن بقلبها مثل السسكين حز بخاطرها كثيييير أبوي عايش وماقاللي وما إعترف فيني ليه ؟ جراح خاف عليها : غلاوي ليه ساكته غلا وهي دموعها تنزل : مو قاردة يا جراح أستوعب أحس لو بقيت هنا بختنق بقوم أرجع البيت عصام : وأبوكِ اللحين بجي ؟ غلا عصبت : لو سمحت لاتقول أبووي واحد مثل هذا ما أتشرف أنطق عليه كلمة يبه "وقفت" جراح قوم وصلني البيت جراح وقف وأخذ مفاتحيه وجواله ولحق غلا .. لقاها واقفه عند السيارة وتبكي جا ومسك إيدها : خلاص حبيبتي إهدي ولا تتعبي نفسك بالبكي غلا : ما أقدر يا جراح توقعت الكل بس عمي أبو سعود ما توقعته جراح : طيب حبيبتي تعالي ع السيارة بنبقى واقفين هنا الكل يناظر فينا .. ركبت غلا السيارة وقتها فكت اللثمه وعيونها كانت حمرا وخشمها أحمر جراح ناظرها ومسح لها دموعها إللي تنزل : كافي بكي غلاوي , إذا ماتبي تشوفي أبوكي إنسيه خلاص غلا أخذت منديل من جمبها ومسحت دموعها وقالت : ودني البيت برتاح أبي أقعد بروحي جراح إستسلم لغربتها ومشي متوجه لبيت الجدة " |
وصـلـوآ عَ بيت الجـد , نزلت مزون من السيارة هي وطلال وعبد العزيز ..
قعدت تناظر بيت جدها من برا فله كبيرة وفخمه .. إنتبهت لصوت طلال : يلا خلنا ندخل توجهوا لباب الفله وعزوز نزل الشنط من السيارة رن طلال الجرس .. دقايق وفتحت لهم الخدآمه .. دخلوآ ع الفله ومزون كانت منزلة راسها طلال ناظر لها يعني إدخلي دخلوا للصاله والكل مجتمع حريم ورجال وشباب وبنات والجد كآن قآعد بأول الصاله ع أول كنبه .. وقفوآ كلهم وأولهم الجد .. طلال إبتسم وناظرهم وناظر مزون إللي مستحيه ومنزلة راسها : طبعاً كلكم تعرفوآ مزون بنت عمي أحمد الكل إبتسم وإستانس الجد تقدم ووقف قدآمها ورفع لها راسها وهي كانت شوي ويغمى عليها مستحيييييييية حيل الجد : ماشاء الله تبارك الله .. نورتي بيتك يا بنيتي مزون بهمس : منور بوجودك ياجدي كل البنات إنبهروا من جمال مزون الجذاب وكل الشباب خقوآ .. البنات بهمس : مزون ترا نفس إسمك وهي أحلى منك , واا عيونها ملونه ياحظها , تهبببل وإلخخ الجد إنتبه لهمس البنات ومزون إستحت صرخ عليهم : بس إنتِ وهي إسكتوآ البنات تفشلوا وسكتوا والشباب صاروا يقهروهم الجد : تفضلي يا بنيتي إقعدي جمبي دخلوا وجلست مزون جمب جدها وهي مستحيه وما تكلمت .. أخت طلال الهنوف جآت وجلست جمبها : مرحبا مزون من غير لاترفع راسها : هلا الجد ناظرهم : إسمعوني مزون رح تعيش معي بالبيت وإيآني وياكم أحد يزعلها ولا يقول لها كلمه هي الغاليه فيكم مزون بنت العمه نوره بزعل مصطنع : خلاص اللحين جا من ياخذ مكاني يعني أنا صرت ولاشي بالنسبه لك يا جدي الهنوف : وش يبي بخشتك طول عمرك وإنتي مقابلته خل مزون تاخذ شوي من دلعك الجد بحده : أشوف إنتِ وهي أخذتوا راحتكم خلاص إحترموا وجودي شوي بدر ولد العمه نوره وأخو مزون همس لعزوز : اليوم أختك تفشلت كثييير عزوز : تستاهل هي تقعد تتهاوش وجدي موجود ماتعرف تسكت شوي الجد إنتبه لبدر وعزوز وناظرهم بتفحص : فيه شي إنت وياه ؟ بدر تلعثم : إيه لا جدي مافي شي الجد طنشهم وناظر مزون : قومي يامزون فوق إرتاحي باين عليكِ تعبانه من السفر مزون بهدوء : لاجدي مو تعباانه بأقعد معكم الجد إبتسم : طيب خلني أعرفك عليهم كلهم طلال : جدي ترا قلت لها عن أسمائكم بس ع الله تكون متذكرة مزون : لاتخاف متذكرة الجد : المهم هاذي إللي هناك عمتك نوره وهذا "وأشر ع بدر " ولدها بدر وفي تؤمه مشاري وهذيك "وأشر ع مزون" دلوعتي الثانية مزون سميتك وإنتِ دلوعتي الأولى "مزون إبتسمت وإستحت " وهذا عمك " عبد الله وطلال وعزوز والهنوف الملقوفه عياله وعنده كمآن ولد إسمه ريان بس ما جاه لسه "وهذا عمك سلطآن " وهالثلاث بنات إللي هنآك بنآته .. والبنت وأصغر وحدة من بناته عمرها 6 سنوآت .. وعمتك نوال وعمك محمد ما جو لسه .. وهاذي عمتك أروى أروى قامت وجلست جمبها : نورت جدة ياني متحمسه لجيتك ورتبت لك غرفة جمب غرفتي بالضببببط وإن شاء الله تعجبك مزون إبتسمت برآحه : شكراً عمتي تعبتي نفسك أروى عصبت : لا شوفي بعلمك القانون أنا هنآ محد يقولي عمتي قولي لي أورى رورو اما عمتي لاااء مزون ضحكت : هههههه طيب الهنوف : إيه لاتستغربي هي ماتحب تكبر نفسها جآت أم طلال : يلا تعالوا تفضلوا ع العشاء جآهز قاموا الرجال والشباب مجلس الرجال .. والحريم والبنات فرشوا بالصاله قعدوا كلهم ومزون كآنت مستحيه تنزل الهنوف نزلتها : يلا زوز إنزلي مزون : زوز هههههههه دلع جديد الهنوف : يب هذا نقوله لمزون بنت عمتي نوره شهد : بس اللحين بنغير بنصير نقوله لك إنتِ أم لمى : بنات خلاص إكلوا كافي تتكلموا اللحين بعد الشعاء قولوا إللي تبغونه الهنوف تهمس لمزون : هاذي خالتي أم لمى تكون زوجة عمي سلطآن وأم شهيد ماتحب أحد يتكلم عند الأكل نظاااميه بقووووة أم لمى ناظرتها : الهنوف وش قلنا تونا ..! الهنوف سكتت وصارت تآكل مزون ضحكت عليها ثآنـي يوم الصبح , فـي قصر أبو سعود .. ريف كآنت جآلسه بالصاله قررت اليوم مَ تروح عَ الجآمعه .. كآنت الساعه 8 رند بمدرستها وسعود بالشركه وأم سعود بغرفتها .. "أووف ياربي طفشآنه مرة "أخذها تفكيرها لعند مزون" أتصل عليها ولا لاء , لا ريف وش هالتفكير الخايس البنت قررت تبدأ حيآة جديدة من غير أي شيء يذكرها في سعود وأنا اللحين بتصل عليها , خلني أنساها أحسن شيء , " وقفت ورآحت عند المسبح جلست وحطت رجولها بالمسبح وجلست تلعب بالمويا وأخذها تفكيرها عند وليد يَ ترى إيش قآعد يسوي اللحين والله مو قآدرة أنساه صايرة أفكر فيه كثير .. شوي إلا لقت أحد جآي من ورآهآ ودفها بِ المسبح نآظرت ولقت رند ميته ضحك عليهآ ريف إنقهرت وشعرها صار كله مويا وملابسها لصقت ع جسمها وصارت شفافه:$ وحالتها حآله رند : هههههههههههههه شكلك يضحكك يبي لك تصوير ريف طلعت وهي معصبه وصرخت عليها : إيش هَ الحركه السخفيه تعرفيني أكره هَ الحركآت رند خآفت من صراخها وإيش فيها أول مرة تصرخ كذا العاآده تضحك وتبي تستهبل قالت ببرود : ريف وش فيكِ عآدي مَ صار شي ..! ريف دفتها وطنشتها وجآت طآلعه للصاله وتنفتض من البرد لفت بتطلع إلا إنفتح باب البيت وشآفته دآخل ومعه شنط أبوها قاله يدخلهم تصنمت وهي تنآظره وهو تصنم ناظر شلكها البريئ وشعرها المليان مويا وتنزل ع وجهاا وعيونها وملابسها مليانه مويا ولاصقه عَ جسمها النحيف وصآير شكلها بريئ وجميل .. بلع ريقه ومَ قومه إلا صوت رند إللي كآنت ملاحظة نظراتهم لبعض وهي عند المسبح قالت بصراخ : ولييييد شتسوي هني وإيش مدخلك البيت وليد بخوف ونزل الشنط ويناظر ريف ومنطش رند : أسـ ـف أنـ ـسـ ـه رنـ ـد وطلع بسرعه ريف حبست دموعها وطلعت فوق بخطوات سريعه .. رند بغت تطلع وتحاسبها وتقول لها وش بينك وبين وليد ليه نظراتكم كآنت كلها حب وشوق بس إللي وقفها دخول أبوها راحت وسلمت عليه .. أبو سعود وهو حاضنها : اليوم حظي حلو مَ رحتي المدرسه رند وهي تحاول تتناسه : إيه رحت وقالوا مابناخذ شي اليوم ورجعت أبو سعود مسك إيدها وجلسو بالصاله : طيب وينك أمك وأختك وإخوآنك رند وقفت : اللحين بناديهم وطلعت وهي تخفي غصتها وصوتها المكتوم .. الضهر , الساعه 25 : 2 .. في بيت الجدة , طلعت غلا من غرفتها وهي تبي تفهم من امها ليه خبت عنها طول هالمدة موضوع أبوها جهزت نفسها وأخذت نفس عشآن تتآفهم معهآ .. طلعت للصالة ولقت أمهآ توها مسكرة سمآعة التلفون .. إنتبهت لدخول غلا ع الصالة قالت وهي مبتسمه : بكرآ أبيكي تساعديني بالترتيب لآن الكل بجي يتعشا عندي غلا قالت ببرود وهي تجلس جمبها : إن شاء الله "وسكتت وهي بآين عليها إنها بتقول شي" الجدة لاحظت تعابير وجهآ : غلا يمه فيكِ شي ؟! غلا بلعت ريقهآ وإلتفت لأمها وحاولت تكون هآديه : يمه بسألك سؤال وأبيكِ تجاوبيني بكل صرآحه ؟ الجدة بستغراب : سألي ؟ غلا : يمه ليه كذبتي علي وقلتي إن أبوي وأمي توفوا وأبوي طلع عايش .! الجدة بصدمه وماتوقعت ولا مرة تسألها مثل هالسؤال أو تعرف شي بالموضوع وقتها إستوعبت وقالت يمكن راشد قالها شي .. حآولت تكون هآديه : شلون عرفتي غلا نزلوا دموعها ونزلت عند رجولها وقعدت ع ركبة وحدة ومسكت إيدينها : يعني صح ليه ماقلتيلي ليه خبيني عني طول هالسنين وخليتني ع عماي .. ليه ؟؟ الجدة مسكت إيدينها وتكلمت بصوت مخنوق : تبيني أقول إنك بنت رآشد وقتها وش بتسوي بتبقي عندي ولا بتروحي عنده . هو إللي طلب مانقولك وزوجته ماوافقت عليكِ .. غلا : يعني رند وريف وسعود وسلمآن إخوآني ...!! الجدة : إيه ياغلا إخوآنك وخلاص سامحي أبوكِ وقتها ماكان بإرآدته لما تركك وما أعترف فيكِ كله من زوجته الله يسامحها إللي فآت مآت وإبدي بالحاضر .. غلا : ما أقدر يايمه يمكن يجي يوم وأسامحه بس مو اللحين اللحين شايله عليه كثير إللي سواه مو قليل الجدة هزت راسها وسكتت لأن كلام غلا صحيح ..! فـي بيت أبو نوآف .. البندري كآنت جالسه بالصاله بطفش بعد ما رجعت من المدرسه وهي تعبآنه .. أخذت التلفون وإتصلت عَ بيت عمها أبو سعود .. فِي هَا الأوقآت كآنوآ كلهم مجتمعين يتغدوآ , رن التلفون قآمت رند عشان ترد رفعت السماعه : ألو البندري : هلا رنود رند جلست وإبتسمت : ي هلا ببنو كيفك أخبار الأهل ؟ البندري : بخير والله إنتوا كيفكم "وقالت بتردد "وكيف سلمآن وصل ولا لسه ؟ رند : بخير كلنا إيه وصل "وخفضت صوتها " حتى العقربه زوجته جآت البندري إنقهرت بس اللقافه قتلتها : صدق كيف شكلها حلوة وش إسمها ؟ رند : ماينفع أقولك ع التلفون بكرا بنجتمع ببيت جدتي تعالي وأشوف هنآك وأقولك البندري : أوكِ خلاص إتفقنآ يلا أنا بسكر أشوفك ع خير رند : أوكِ مع السلامه سكرت رند ورآحت تكمل أكل .. أم سعود تناظرها : من المتصل ؟ رند : هاذي البندري بنت عمي كآنت تسأل أم سعود هزت راسها وسكتت .. ريف تكلمت بعد سكوت : يبه وش رآيك بمآ إن مو باقي للإجآزة شي نسآفر لتركيا ..! أبو سعود إبتسم : تركيا تركيا إللي تقولوا عليه "ونآظرهم " ها وش رايكم ؟ رند بعتراض عشان تقهر ريف : أنا مو موافقه الكل ناظر عليها يعني ليه ؟ ترددت ماتدري وش تقول ليه رفضت : مابي أروح تركيا كل صديقاتي بروحوا كندا أبو سعود حس في شي بينهم من نظراتهم لبعض : طيب مو مشكله ولا أحد يزعل نروح تركيا أسبوعين وبعدها نروح كندآ ها وش قلتوآ رند : طيب موافقه ريف إبتسمت : عآدي أبو سعود وقف : الحمدلله "ريف بس تخلصي أبيكِ تلحقيني ع المكتب ..! ريف وهي مستغربه : إن شاء الله .. أم سعود ورند ناظروها وهي كملت أكل وتحآشت نظراتهم .. |
فـي جدة أم الرخا والشدة ... http://vb.tgareed.com/images/smilies/64.gif
وبالتحديد فلة الجد .. قبل لا نروح للأحدآث نتكلم شوي عن حيآة أهل مزون بجدة .. زي ماقلنا لكم مزون عندها ثلاث عمآت وأربع أعمام مع أبوها خمسه .. رآح أقولكم أسمآئهم .. أكبر عم عندها عبد الله متزوج وعياله أكبر شي ريآن وعمره 27 مايبي يتزوج بعدين طلال وعمره 25 بعدين عزوز 22 بعدين الهنوف 20 بعدين منصور إللي كانت عنده مزون وبعده سلطآن عنده أربع بنآت أكبرهم لمى عمرها20 مخطوبه وعرسها قريب وبعدين شهد 19 وبعدين رشا 17 وبعدين أصغر شي لين 12 سنه بعدين العمه نوره تأخرت كثير لما حملت وجآبت تؤآم بدر ومهند عمرهم 19 سنه وبنتها مزون 17 سنه الجد يحبها كثير لأن إسمها مثل إسم الجده وزوجته ويعزها وكذا ^__^ ><أكره هَ الفيس بس مدري ليه حطيته ..! وبعدين أبو مزون الله يرحمه :( وبعدين العمه نوآل عندها ولد إسمه باسم عمره 14 سنه وبنت من زوجها إسمها سجى وتعتبرها بنتها عمرها 9 سنوآت وهي ولين وباسم مسوين عصابه ومجننين البنات والشباب .. وأخر شي العم محمد عمره 30 سنه مو متزوج ولا يفكر بالزوآج والجد لسآنه إنبرا من كثر مايقوله بزوج بس لاحيآة لمن تنآدي وعايش حيآته بالطول وبالعرض ولا همه شي وبعدي العمه أروى 26 سنه وكمآن مو متزوجة <نص العائله مت متزوجين .. بس أبوها يبي يزوجها لولد صديقه بس لسه ما فاتحها بالموضوع .. مَآ حبيت أوصف لكم الأشكآل لأن رح تتخربطوا وكذا أكتفي بذكر الأسماء والاعمآر وشخصياتهم رح تعرفوهم بالروآيه .. كآنت مزون بغرفتها وعندها الهنوف بنت عمها .. الهنوف وهي تطلع ملابس من الدولاب : ها مزونه وش أحلى ؟ مزون تناظر وبهدوء : إللي عَ اليمين الهنوف ناظرته : يب حتى أنا كنت قايلة هذا أحلى أجل إمسكي "وترميه لها " بتلبسينه اليوم .! مزون تناظر الفستآن : من جدك إنتِ تبيني ألبس هالفستآن ..؟ الهنوف : إيه اليوم بنجتمع كلنا ببيت عمي سلطآن كل يوم بالإسبوع ببيت أحد من أعمآمي مزون : أها , بس هنو هالفستآن فاصخ مرا الهنوف شهقت : ياويلي هذا فاصخ حرام عليكِ أجل وش الساتر بالفساتين ؟ مزون رفعت كتوفها : ممدري بس ماتعودت ألبس كذا الهنوف بعنآد : مالي شغل بتلبسيه يعني بتلبسيه وبسوي لك شعرك ومكيآجك وكل شيء مزون بستسلام : طيب إلا وين عمتي أروى .. الهنوف : أووووه مو اللحين تقوم مزون : أجل متى ؟ الهنوف : أظن المغرب مزون : حرام روحي قوميها والصلاة , ؟ الهنوف : تصلي وترد تنام , ماعليكي منها قومي ننزل نقعد بالحديقة شوي وإلا أقولك وش رايك تجي بيتنا هو جمب بيت جدي ؟ مزون : لامو حلوة اللحين جدي نايم وقاللي قوميني المغرب ومابقى ع المغرب شي الهنوف : ع الاقل دقيقة شوي ونرجع بيتنا مو بعيد جمب بيت جدي مزون بحماس وقفت : طيب يلا الهنوف مسكت إيدها وفتحت الباب بهبل وهي تجر مزون وراها إللي خطواتها بطيئة وتحاول تسرع وتصير نفس خطوات الهنوف وصلوا لباب البيت مزون وقفت : هي بطلع كذا من غير عبايه "طبعاً مزون كانت حاطه طول الوقت الطرحة ع كتوفها عشان اذا جا أحد من العيال " الهنوف : إيه أنا إذا بروح من بيتنا لبيت جدي أحط الطرحه وأكون لابسه طويل مزون : لاء هنوف أحس نفسي مفصخه ماتعودت الهنوف تحشرها : أقول إمشي وفرنسا ؟ مزون سكتت ولوت فمها الهنوف : جبهتك راحت فيها مزون تضربها : إنقلعي وإمشي الهنوف ضحكت وطلعوا وأقل من دقيقه وصلوا بيت أبو ريان دخلوا وكانت أم ريان وأبو ريان جالسين بالصاله يشربوا شاهي مزون إنحرجت والهنوف مسكت إيدها ودخلوا قالت برجه : إس إس السلام عليكم مساكم الله بالخير أبو ريان وأم ريان إبتسموا : وعليكم السلام الهنوف تدقها بكتفها : سلمي مزون قربت وحبت راس عمها وسلمت ع أم ريآن : شلونك عمي شلونك خالتي أبو ريآن وأم ريآن بأصوات مختلفه : بخير إنتِ شلونك؟ مزون : الحمدلله بخير أبو ريآن : ها وانا عمك عسآكِ مرتاحة وماعليكِ قآصر .. مزون وهي منزلة راسها : لاالحمدلله ماني محتاجه شي ماتقصر عمي الهنوف : إرفعي راسك ما انكسرت رقبتك مزون سكتت وأعطتها نظرة الهنوف كتمت ضحكتها : يلا عن إذنكم براوي مزونه بيتنا سحبتها من يدها برجه وطلعوا فوق وقفت بأول الدرج : تعالي أول شي أروايكي غرفتي بعدين غرف إخوآني المهابيل وبعدين ننزل عند المسبح مزون : ههههههههه مهبل الهنوف وهي تمشي ومزون وراها رايحين الغرفه : إيه وربي لو قعدتي مع عزوز وطلول رح تقولي هاذول ريا وسكينه مزون : طلال مو مبين عليه الهنوف : إيه قدامك مسوي ثقيل والولد الجتنل وهو مافي أفصل وأهبل منه مزون : وربي مو باين الهنوف : مو يقولك المظاهر خداعه مزون : صحيح الهنوف : أما ريااااان هذا وخري عنه لاحد يكلمه النفسيه مزون : ههههههههه وقت ماجيت هنا إنتِ ماقلتي أسمائهم كل واحد ملقبته الهنوف دخلت غرفتها ومزون ورآهآ .. : جدي يقولي إنتِ إللي ملقبه كل العائله ويقولي طويلة لسآن مزون : ههههههه باين عليكِ إنكِ مرجوجهه الهنوف : الكل يقولي كذا عاد إنتِ الله يعينك مدري وش بلقبك مزون : صدق الله يعيني "وتناظر غرفة الهنوف الكبيرة " ماشاء الله ذوق غرفتك يههببببل الهنوف : أنا أعشق اللون الأسود والرمادي مالي بالألوآن الطفوليه خلني بالملكيه مزون ضحكت من قلب : هههههههه يا هو ياملكي إنته .. نتكلم شوي عن غرفة الهنوف ~هنو~ http://vb.tgareed.com/images/smilies/64.gif غرفتها أول ماتدخلي السرير قدآمك إمم بما إني رح أخبص بالوصف تقريباً زي ذذي . http://img.tgareed.com/imgcache/790089.jpg ^ الهنوف : طيب تعالي أوريكي غرفة إخوآني مزون رفعت إيدها وناظرت الساعه وقفت : لاء خلآص الساعه 6 اللحين بروح أقوم جدي عشان الصلاة , الايآم جايه وبتملين مني .! الهنوف مسكت إيدها وطلعوآ : لا مستحيل أمل منك , يلا خلنا نروح بيت جدي عشان بعدها أجهزك مزون ضحكت : زين بلآ .. إنتهى البآرت .. |
يعطيج العافيه ملكة الرومنس ع الطرح والمجهود
بارت جميل عساج ع القوه ننتظر جديدج القادم |
| الساعة الآن 09:33 PM. |