يابو متعب ياباهجاً صدر! من جاه= الله يعزك يارفيق النشاما
بندر قمر وسهيل مثله وحلياه= ساسه بشمر! من عزاز المقاما
أهل الفخر واهل الكرم فعل يمناه= قومٍ تربت حاتمية علاما
بجبال شمر! طي! سكنة ومنشاه= والحاتمية ساس جد وعماما
بين الأحجة! رمز.. طيبة ومبداه= وفل الحجاج بزين نطق الكلاما
يعيش من مثله وتكثر حلاياه= وأخص به! كل الرجال الكراما
الشاذلية! جاهزة! كيف من جاه= البن الأشقر كيف فرس الزحاما
في صبح وإلا عصر بدلال مركاه= صفر الدلال لكيف راع الغراما
وبهارهن من دولة الهند مجناه= ويتعب لكيف الغانمين النشاما
نعمً ببوه اللي على الطيب رباه= على مكارم عز .. والعز داما
من نسل جـدً جايع!! الذيب!! عشاه= وسجل له التاريخ نوط وساما
وخمس!! القبايل! فعلهم! مانسيناه= مني! لكل الطيبين! احتراما
وصلاة ربي عد وبلً نثر ماه= على الرسول اللي عليه السلاما

________________

حي الجواب اللي لفانا سمعنا= من ابو صقر عقب الرجال الشهاما
الوايلي!! تستاهل المدح يمناه= حـاز!! المراجل! كلها بالتماما
من لابةً يوم اللقا والمثاراه= يوم الفعايل بالسنين القداما
الجعفري نعمين لا حل طرياه= ذباح للخطار عدوى! سناما
هل الصخا والطيب واهل المرواه= اولاد وايل مشبعين اليتاما
نعمين بك ياراعي الطيب والجاه= ياحجي الاسود.. زعيم النشاما
والشعر! لو ماينظم! لك!! نظمناه= والا تراك! أعلاه!! وأكبر مقاما
يشهد لكم تاريخً أبيض قريناه= يوم الردي! من داخل الدار! ناما

تعبت الملم داخلي جرح الغدر والأنكسار=تعبت ادور للخيانه عذر واغتال الدليل
قدام عيني يآآآدمي تهدي شعورك بفتخار=لكل وحده تبتسم واتقول حرفك سلسبيل
بالله قلي ياهزيل العذر ياسهل المزار=ويش أخرة لعبك على الحبلين بالهمس الجميل

لكل شاعر ياسمو حس ومشاعر واعتذار= ماهي خيانه لا اعجبن شعر ٍحلو ماله مثيل
صحيح يتعب عاشقي كثر الجفا والانتظار= لكن انا كلي معه واضح وما ادور بديل
اعجاب عفوي يسعد الوردة ويهديها شعار= قصدي اشجع موهبة تزداد مع وقت ٍ طويل

تشجيع من شاعر كفوا تسلم على هذا الحوار=ردك غمرني بالفرح يالطيب الشهم النبيل
الشعر في لحظة حضورك يرتدي ثوب الوقار=للحرف عطر وللمعاني ريح عود وريح هيل

الله ما أحلا شعركم.. تنظم على عز إقتدار= سمو شعرك (ياسمو) له نكهة الشعر الأصيل
ماضرنا إسم ٍ يقلد إسمك وهو بإنحدار= ياشاعرة ماضر نور الشمس من نجمة سهيل

حياك واشرب من نبع شعر ِ مشبع بالمرار=من خافق ِ مازال ينزف كل مايسمع صهيل
الشعر يفضح مابقلب ِ مل من سدل الستار=على جروح ِ داخل اعماقي يضاعفها العويل

يامرحباً في شاعرة همس القوافي بإختصار= شعرك كما نزف العسل دلا على روحي يسيل
الشعر يجمع عاشقه.. والهذر يهدم له جدار= والحب طب ٍ للفؤاد اللي من الفرقا عليل

لاهنت ياعطر الشعر ابدعت في رسم المسار=وكسرت حاجز بيني وبيني يهاب المستحيل
رهبة وجودي بينكم كانت تمادى بالحصار=لين انسكب عطر المشاعر منك واغرقني جميل

ياروعة الأشعار يابدر الدجى وشمس النهار= يافتنة العشاق من حضر و بدو يا أجمل خليل
إنتي كما ورد الربيع اللي زهى كل الديار = يازهرة الوادي بشذى فواح في صبح ٍ وليل

هونت خذلان الأماني والأحلام=واقول خيره ماحصل في حياتي
هذا قدر عمري لو القلب منضام=بصبر والملم مابقى من اشتاتي

قلبي ومتعود على طول الايام= غدر الحبيب بشكل ظالم وعاتي
هذا هو الحاصل ولا ني بملام= وما اندم على المعروف هذي وصاتي

قلبي شكا صكات بقعاء من العام=الجرح ينزف والحزن صار ذاتي
واليأس يجتاح المشاعر والأقلام=حروف شعري لونها من عباتي

الله يعين اللي من العام مانام= نوم العرب ماطب عينه بتاتي
لا تشتكي تبكي جروحي والألام= لا من ذكرت الترف عنق المهاتي

خله على ربك وطالع لقدام=يمكن ولعل الفرج يوم ياتي
أقولها والآآآه تقسمني أقسام=قسم(ن) يئن وقسم(ن) اصبح أفتاتي

ما ايأس ولو البعد هيم بي اهيام=أبي أنتظر وانا الأمل من صفاتي
يسعد فؤادك يا سمو رمز الاكرام= احييت لي حب ٍ له اعوام ماتي

الله معك وتحقق أمال وأحلام=وتفرح بحبك في يقين وثباتي
اللي يحفظ الحب وعن الغدر صام=رايته بيضا في جميع الجهاتي

ياحلو منطوقك كما عذب الانغام= تشفي جروح ٍ بالحشا خافياتي
ياعين حر ٍ بعرض السما حام= هنيت خلك ياهنوف البناتي

الا يا سالفة عمري عطيني قصّة العشاق=كتبتيها بــــأياديكِ على صفحات مكتوبه

جميل الوصف يأسرني وأنا له دوم أنا مشتاق= كما شوق الحبيب اللي تباطا شوف محبوبه
وله عذرة إذا طوّل.. وما أحلى لذة العناق= عناق احباب في نفسً شغوفه فيه مرغوبه

الا يارِجل دليني على دربك واسوق الساق=ولو ان الخطاوي في بعض ل حيان محسوبه
وانا يارِجل ما اخبرك تهابين الطريق الشاق=وكم من ليلةٍ راحت ؛ ولوعتها بها اعذوبه

حداني ما حداكم ياهل التمييز والأذواق=على درب القوافي جيت اجاري قاف رعبوبه
وانا ياسالفة عمري لقا ثم اقتفاه فراق=تعب قلبي مشاويره بعيد وصعب مطلوبه

هلا حيّاك يامتابع ومثلك يعرف الأسواق=وجزل القاف يامتابع تفنّن دوم باسلوبه
انا ما اقول غير الله يجمّع شملكم بوفاق=وعسى بس النوايا بينكم ماهي بمقلوبه

هلابك راعي العليا عدد ما حت ونبت أوراق= وعدد من حج بيت الله وطافوا به وصلوا به
وابادلك الشعور ومخلص ن من قاصي الأعماق=عساك بخير ن وقلبك يفوز بقلب محبوبه

هلابك زود يامتابع عدد شمسٍ بدت بإشراق=وعدد ما الحي يتنفس واضف زاده ومشروبه
شعورك صادقٍ مخلص جعل ربي لكم ما عاق=عسى قلبك يطهّره الولي من كامل ذنوبه

انا ياراعي العليا حملت احمول ماتنطاق=هواوي والهواوي يوووه ياكم قال بس توبه
وكل ماذبلت الأشواق تجد وتلتهب اشواق=على مر العمر عزااااه نار الشوق مشبوبه

هنّيت ياصاحبي من يقعد اقبالك=أنا اشهد انه خلِي اهموم ما جنّه
يهنا لي الجو في قربك ويهنا لك=والكل منّا ضلوعه مالها حنّه
هذا الذي ميّزك يالحر بأفعالك=والفضل من واهبك ما للعرب منّه
ماهي غريبه لفعلك يسبق اقوالك=عسى عدوك ينام ولا ضحك سنّه
همّال مزنك ما طفّى جمرة دلالك=فنجال مجلسك دايم فايحٍ بنّه
عسى الليالي حلاها دوم يصفالك=وجعل المنايا مثل شرواك يخطنّه
هاك الإجابه ولو ما ابديت سؤالك=كل المحاجر قدر ؛ جنّك ، ويهدنّه
من غير ما تطلبه عسى السعد فالك=ما فيهن اللي نوت من دونك الكنّه
هدّت يديني على الكيبورد كرمالك=حتى خفوقي على دربك يمشنّه
يشوش لا من قرا جزله من جزالك=وأسمى المعاني على طاريك جابنّه

لي الشرف يا رفيع القدر بوصالك=من قلب صافي سواد الحسد ماكنَه
ممن يعز الديار اللي بها اطلالك =ما دام لك في الحشا ياصاحبي جنَه
همس القوافي يقف حشمه من إجلالك=يامبدع الحرف همسك شاقني فنَه
ياجعــــــل ربــــــي يحقـــــــق كل آمالك=وتحيا على هدي رب الكون والسنَه
مابي صداقة بشوفة رقم جوالك=في كل ســـاعة تعيد الوصل بالرنَه
ابغى تخلي وصالي دوم في بالك=ومحاجر العين عشقك لي بترعنَه
من جال الآهات حتى نلتقي جالك=سَلم مصاعب لدرب الشوك يرونَه
إما التنازل وإما الموت فدوى لك =مُريـــن واحلاهما ما لي غنى عنَه
اختم بذكر الإلــــه الواحد المالك=اللي اودع الروح في إنسه وفي جنَه
يديم ذا الــــود منوالي ومنوالك=ونفوسنا بـــه رفيــــع القـــــــدر يحضنَه

قد له من سنين عاشق عذبة الخـاطر = اللي لها القلب يلهث جوع ماطاها
ماهي لنا يا جميل الروح والنــــاظر= اللي تجر العيون السهد لخــطاها
يومني انشد صغير القوم والــعابر = بالله بشـــر سديم القــلب وش جاها ؟
يا صاحبي ديرتي ما جالها مــــــاطر = اخيل عذب الشفايف وانحبس ماها ..
الله يرحم كفيف الحظ والصـــــــابر = والله يسامح حشى قلبي ويــــرعاها

يا زِين عذب المعاني جوّها عاطر=ينطحك يشمومها من قبل تقراها
من هيلعيّين بها ما يعرف القاطر= حقوق نوّه صحْاح البيد يغشاها
ياصاحبي والذي للسبع ؛ هو فاطر=انا لعينك من اليسري ليمناها
ابشر بعزّك نخيل البرق ونخاطر=لو دونها ام المعارك معك خضناها
لو ان الايام قسوتها على الشاطر=ماني براجع أنا وأنتا بليّاها

ياصاحبي ما دام تبغى البدايه=أنا لعينك بس آشّر بيمناك
يا شاعر(ن) له في سما الود رايه=بالطيب ؛ ودروب المراجل عرفناك
كفّي بكفّك يالخوي للنهايه=يالحر ؛ راع الأوّله ما لحقناك
لو للوفاء والطيب قصر وبنايه=بالعون في روس الشِواهيق مبناك
كل المعاني ؛ لا مدحتك معايه= ياطيب السيره كتبت وقريناك
ما اقولها والله نفاق ودعايه=غنّى السعد لي كان بالعين شفناك
كنّيت لك قدرٍ كبير بحشايه=اخير صدفه ؛ يوم فيها صدفناك
لك بين ريضان المحاني ولايه=مهما تمر سنيننا ما نسيناك
كمّلت مشوارك بفهم ودرايه=مهما كتبت بشخصكم ما وفيناك
عسى الولي يحميك من كل سايه=ولك ايتحقق مطلب النفس ومناك

كفيت يا صاحب له المجد غايه=ولوما غلاتك صاحبي ما طلبناك
يا طير ياحايم بعالي سمايه =أن اشهد إنا نفتخـــــر لو تبعناك
كتبت لك بالقلب اجمل روايه=وبحبر دمــــي يارفيقــــــــي كتبناك
ياراعي العليا ترى لي كفايه=إني اصوغ الشعر من وحي معناك
كاسب قلوب الناس هذي كنايه=عن شخصكم يا صاحبي لا عدمنــــــاك
وانا ولو حاولت يبقى ثنـــــــايه = عاجــــــز بوصفه عند طيَــــــب مزاياك
كسرت لي سيستم نظام الحمايه=وبرمجَة إحساسي اليوم تهناك
ما هو لاني ما اتخــــــَـذت الوقايه= لكن لاني يا رفيقـــــــي لعيناك
كم في دروب المجد حثَت خُطايه= لا يأس ,لا تقصير, حتى نصيناك
واليوم لو هي تنتهي بي الحكايه=ما ينتهي ودَك بقلبي فديناك

الود .. هو للود يالود تبرير = والا كذا من الله منزل علينا
نحب في لحظة ونشتاق ونغير = لو ما زرعنا الود .. حنا جنينا
يالود هذا حلم .. واحتاج تفسير = الود يُنزل .. وللا مزروع فينا

الود هاليومين من دون تغرير = ماهوب حاصل لا ولاهو يبينا
الود يا نايف في زمن سالم الزير = ذاك الزمن ماهوب هذي السنينا
شخص ٍ يود اليوم هند و أغادير = وبكره يود أسماء و يارا و لينا ..‍!

الود يانايف بهالزمن حبله قصير=يومين يزين وباقي وقته يشينا
الود راح ..ومابقى فالود غير=اسم(ن)فيه انخدعنا وحنا ابتلينا
وقد قالها محمد قبلي يالامير=الود ماهو في زمنا ولاهو يبينا

للود يانايف .. اشكال وتصاوير=يكشف مداها كل عاقل فطينا
اهناك ود قلوب .. اوقل مخاسير!=وهنا بشرع الله .. وآخر دفينا
لاشك معتبره على أقل تقدير=احساس نابع خارجٍ عن يدينا

الود ..ترى ما يحتاج تفسير=لان الود مخلوق فينا
حكمة الله مخاليق ونسير=لكن بالعقل انعم علينا
كان الود يالنايف يحتاج تبرير=اسمع كلامي وايقن يقينا
الود ..بلوه تعمي البصير=يحظ من هو ابتلا حينا
وياحظ من عرف له تدابير=ويلقى مصير مجنون لينا

منتدى همس القوافي اهديك من قلبي سلام=واعتذر لك لو قصيدي تاه وسط المعمعه
كان ودي لو ألاقي فيك إحســـاس الكلام=او ألاقي من يدور همس صادق يسمــعه
لوعرفت اللي لمســته قلت لي مابه ملام=الذي قد شاف مثلك ربي الواحـــــد معه
وادري اني لوتركتك عشت احساس الغلام=الذي يهوى المعالي مير خانه مطمعــــــه
بامتطي صهوة قصيدي حتى لو دربي ظلام=واترك آهات القصـــــايد وسط واقع تدمعه
دام لي حلم (ن) بنيته ضاع في وسط الغمام=وإن تبعته صاح فيني روح عني يا امعه
أح منها ابتدينـــا وانتهينـــــا بحرف لام =والبدايه والنهايه ســــر من هو يجمعه

قلبي اللي بك تولّع يا جزيل القاف هام =ما خطر له يوم ياتي فيه ينزف مدمعه
كل ما طير السعاده في سماه اقبل وحام=دار وقته واستدار وجاب شين يقمعه
لا تلومه يانديبي كان جاله يوم شام=دام صيّور الليالي يافرح كم تصمعه!
صاحبي / ياصاحبي / خطٍ قريته سهم سام=كنّه مسلط على خدّي لك الله يلمعه!
ليّه يا حر(ن) تعلاّ في سما العليا السنام != ما هقيت يخيب ظن القلب يوم بمرمعه
إن رحلت الحزن خيّم في خفوقي واستدام=تو بعدي ما ارتويت من الإناء ؛ وبكمعه
جاك شوري ياصليب الشور ياعال المقام=وأنت في حكم المخيّر ترفضه او تسمعه

العبــاااره

( يُقال : شرب البحر وعجز عن البحيّره )

يامرحبا ن من فؤاد متاابع ن نابع=باللي نعزه ونفخر فيه ونفاخر
مسمار محلي تشوفه بالبحر طابع=ماانشال وانشال حمل كبار البواخر
ان كنت شابع فأخوك اجويع ياالشابع=ماعاد عندي عقب ذي لااول ولااخر

العبااااره


)) الحـــــي يحـــــــييك ((

عند المطابع طبيعي يطبع الطابع=وعسر القوافي يلين ويستوي صاخر
والحي يحيي عروق ن بالثرى السابع=والميت ان ما ذبحك اتنام وتشاخر

أزكى التحية لـود الجـوف=والريـم ماهـي بمنسـيـه
ياوردتين أجمـل الخشـوف=يـاطـب روحً شـقـاويـه
الريم يزهى بهـا النفنـوف=بالزيـن وصفـه بحوريـه
ياجعل ربـي لهـا يحـوف=وعسا السعادة لمـن زيـه
ثم ود هالجوف بها الوصوف=زين البـدو زاهـيً ضيـه
كلا الحلا كاسـي الهنـوف=هنيـت مـن ساكـنً حيـه
ياجعل ربـي بهـا يـروف=ودرب السعـادة خطـاويـه
يامدور الزين! لـو تشـوف=بنـتً بمغـرب وشامـيـه
مثلي مايحـب هالمكشـوف=ماغيـر بنـتً سعـوديـة
وأزكى سلامي لود الجـوف=والريـم ماهـي بمنسـيـه

من بين هالجوف والسرجوف=وقامت تصافق بي يديّة
عظّم سلامي ولاهو بخوف=ومعظّمي ساق لك ريّة
يمكن انا هاوي ملقوف=وإهتضت طرقٍ وقافيّه
وجريت قاف وصدره اوف=جريتها بأوفٍ وبأيّه
والشعر ماهو بصف حروف=ولاهو اعذبه كذبة وغيّة
ولاهو بلعب (ن ) بعقل ضعوف=ولالي بحرفي ردى نيه
من حاف يوم رجع محيوف=ومن قال بيّه نقل ليّه
شوف الحكم وإحكم بماتشوف=ثم إرجم ابليس بحصيّه
والنور لو تسترة مكشوف=والحق ماينحجب ضيّـــه

وجدي على باهي الغطروف=عنق المها ؛ خشف ؛ ريميّه
ماهي من اللي تهزّ اكتوف=اتقلد رقصات شرقيّه
كل الحلا ؛ منّها مقطوف=من شافها .. طب مهفيّه!
الذارب من زينها المشيوف=عـذوبة ؛ رِقّـه ؛ حياويّه!
ابوها عند العرب معروف=فكْ النشب فيه ماريّه
واخوها لا من لفوه ضيوف=ما قال ما هو هنا بيّه
عمامها ينطحون الطوف=ما بهم اللي وقفته نيّه
وخوالها مغيثة الملهوف=ما يلحقه ضيم موليّه
لا جاك يوم الدهر بصروف=تلقى مرافه وماويّه
تذريك عن واهج الشفشوف=ترفعك وإن جوك طرقيّه
ما صفقت من وراك اكفوف=تضحك وبك جمرةٍ حيّه!

من خوف لا يكثر التكرار=انبدّل القاف بالثاني
ياصاحبي وصفكم بيطار=ما أوفيه لو قلت بلساني

نية مصادر صافيه والحق لك تختار=وانا كوني جديد اعرض لكم لولي ومرجاني
وياراعي العليا يارعاك الله لا تحتار=انا باكون بالمرصاد اذا في أي عدواني

نيابة قلت :يالحظار = ألتجربه خير برهاني ,,
وأللي مقدر علينا صار= وألوقت ما ضاع مجاني ,,

نيرت في ساحة الشعار=بعتز بك عزوة اخواني
مابكسب الا رجال أحرار=بعد اختبرهم بميداني

نيشانهم : جزلة الخطّار=وشعارهم دلّة العاني
اقلّهم ما شكاه الجار=ولا سبّه فلان وفلاني

نيـاتهم فـلـقـت الجمار =بياض ماخالطه ثاني ,,
خيالهم بالسماء مأحتار= يمطر بلولو ومرجاني ,,

نيل الهدف سهل بعد أخطار=هناك يالفذ تلقاني
لفيت في برها وابحار=جوده بها الجد وصاني

نيرانهم ترشدك للدار=لابه ومصهور بركاني
الكل منهم حماوي .. حار=للنايفه.. دوم شفقاني

نياف وطلوعها مشوار=ما ارجع وانا جيتها عاني
بقطف معاكم من الأزهار=يسمعني القاص والداني

نيل ألــعـــلا غــــاية ألأخيار ,=بالطـــايلة صــحـــة ابداني ,
بصعب القوافي لهم معبار ,=أتصــخــر الـحرف بأمعاني ,

نيازك(ن) بالسماء نيّار=يهابهم كل قوماني
ما فيهم اللي يدوس العار=وحريبهم بات ندماني

نير : ألمعـــاني فلكها دار =توضي , على كل ألأركاني ,
من حكمت الفكر له مقدار=تطْربْ له : آذان , وأذهاني ,

نياح بانـيح من ما صار=لعل يسمع من اضناني
عشقت والعشق مابه عار=والزين ما أوفى وخلاني

نيرة ذهب : درهم ودينار=تركض لها الناس بجناني
الله يعوّض على التجّار=بالسوق اللي صار خسراني

نيض ألقلوب أكبر ألأضرار=ولا عالجه طب نفساني
ذي حكمت الواحد القهار=دارت على أولاد نصراني

نيمت بوحي عن الأسرار=من أجل ما يصحو الشاني
اغوص وابحث عن المحار=تشــــتاق للؤلـــؤ أعيــــاني

نيّرت في صفحة الزوّار=تقطف زهر كل بستاني
لو للقوافي سهم وانهار=تغني به من قال فقراني

نيســــان بعده شهر أذار ,= ألزود في حال نقصاني ,
النمل : يمــوت وقت طيار ,,=لبــــان ريـشـه فهو فاني ,,

نيبال والهند من الاقطار=والناس أشكال والوان
الوقت مهما علينا جار=عز العرب خير الاديان

نيوتن المشهور راع الجاذبيه = راح ايغيّر نظرته لا شاف عينك
فيها شي ن مثر ن بالحيل فيه = من سببها صرت خاتم في يدينك

نكتم غضبنا رضاء للبار ,=ونجني من الصبر ألاحساني,
نيبان سم ألدهر أوزار ,=وألخـــــير دايم من أوطـاني

نيروبي فنادق(ن) للمار=يرقد بهن كل تعباني
في كينيا يمكن الأسعار=تفرق عن أديار لبناني

نيدو غذا والطريق القار =محتار : مختار ألألواني ,,
أتروح : يمين والا يسار =ألقاف : لاحي وليحاني ,,

نيون خدّه يشع أنوار=لو يقترب منّي اعماني
ما غير اردد له الأذكار=من خوفي عليه لا يعاني

(نيسان جي تي ) تشق القار = لا جرّها ورع جيراني
واليا لقطها يبي مشوار =تبديلها من اول ال ثاني

نيله صعـــــيب وحــــبه نار ,= بســـبابه أجر ألألحاني ,
عذاب قــلبي من ألأنظار ,=عيني سبب كل ماجاني ,,

نيّه بلا ملح والا بزار = توكل كذا حاف يااخواني
وفي وصفها هاجسي يحتار =جمالها أخّاذ ربّاني

نيوب لك يازمــن جــــــبار=أجبرتني اعيش وحداني
احرمتني الخوخ والرمان=وهو على غصنه الداني

(نيزر) ياقريتها بإصخار=بموجب العكس تلقاني
الجاش تنّوره اليا فار= لو قلت : ابطماه يعصاني

الريح تستعذب النوّار = والشعر نادى لوجداني
يستيقظ الملح بالإقرار = في شفة الناي خلاني
أستعمر الذات للأشعار = وأسامر قْصيد جداني

نيشنت ابرميه لكن طار =وكانك تبي الصج ماامداني
مستاحشن مايقارب مار =امذيرن خدر الأعياني

نيّار ما يداني الأوكار=وأنا له القلب ودّاني
ما يوم يطري له المسيار=مثلك من الويل ورّاني

نيس ن وباريس والأوسكار = وغرطاجة الفن مع كان ي
لو جني اخشوفهن مااختار = الا اللي حبه تبّلاني

نيبان هذا الزمن ياجار=تلدغ تقل ناب ثعباني
مبطي يقال : الزمن دوّار=والخافي مصيره ايباني

نيوزلـــندا في استعمــــــار=وضدها حلــف عدواني
بي خوف من غزو دون انذار=والمقصد افهمه ياجاني

ني المعاني ولا يندار=والقول يحتاج برهاني
الطيب يبغى صبر واصرار=ما حاشه العفن كوباني

نيويورك مصروفها الدولار =واليّن مصروف ياباني
وال كل ديره علم واشعار=مختلفة اشكال والواني

نيقاتا يدرس بها الشطّار=ما طبّها دلخ كسلاني
ارداهم إن ما طلع طيّار=يصنع لك جهاز بطراني

نيء طري تستوي عـــــــ النار=وجبه شهي أكلها هاني
تهناك يالفـــــــارس المغــــوار=وانا لهــــــا لو تحــــداني

نَـيّـزْ ألمعاني علا وأعــتـار ,,=سيله من ألــحـرف هتاني ,,
وين أنت يالفارس ألمغوار ,,=خـــيل ترادي بلآ أعـــناني ’’

نيم السعد في عميله بار=راعيه ما قيل : ربحاني
ما تقعده طقةٍ بالطّار=ولا صوت بوري وونّاني

نياق شعر الحروف أبكار=ولم تزل دون ولداني
الزين تلفت له الانظار=والصوت تصغي له اذاني

نهيم في وادي الأسفار=ما بين حضر(ن) وبدواني
وش كار اللي خلفه الأنصار=مدري انا ويش شقّاني

لا هنت .. ياصاحبي .. لا هنت=الحر مثلـك سمـا ؛ عالـي
لا غاب نجم .. بسمايه بنـت=أمشي بك الدرب مـا طالـي
المدح يزهـاك ... ياهيجنـت=سلمـت ياطـيّـب الفـالـي
لو لان صم .. الصفا ما لنـت=محزمي كـان الدهـر مالـي
على النقى واضحٍ ما اذعنـت=موجـك لطـم ذروة الجالـي
آمنت انـا بالولـي وأيقنـت=ما اوفيك .. لو طـال موالـي

لك البقا يارفيق(ن) صنت=عهد الوفا قول وافعالي
كلي شرف صاحبي فيك انت=ياللي لسانك شهد حالي
همس القوافي لها اذعنت=مادام مثلك لها والي
هذا انا قلت لك واعلنت=وما زلت اكرر على التالي
انا اشهد انك معي عربنت=في كل ما يمتني بالي
ولوماك ياعزوتي ما اتقنت =ولا رقى فوق منوالي
ومهما بوصفك انا دونت=اعجز عن الوصف باقوالي
واقبل تحيه كما ما كنت=تنصاك....مُفرد واجمالي

من مشى لي شبر بامشي له ذراع=ومن عطاني متـن لقيتـه قفـاي
من شراك بساع يزهد بك بسـاع=أنشد مجرب وخـذ حكمـه وراي
من يوازينـي سمـوا" وارتفـاع=مرحبابه في سمـا العليـا معـاي
ومن بغاني انـزل بمنـزال قـاع=مستحيل انزل ماعيش الا بسمـاي
وانت ياالحر الشجاع ابن الشجاع=كم يشرفني تكون مـن اصدقـاي
ياكريم الأصـل ياوافـي الطبـاع=وش بسولف لك عن الوضع وبلاي
شفت كيف العرف والمعروف ضاع=شفتهم باروا بأحساسـي عمـلاي
يحسبوني يوم أغني مـن وسـاع=وارقصوا وشلون والمعزوف نـاي
يا صليب الراس يفـداك الرعـاع=خلني ساكـت ولا تبحـث خفـاي
البتاعـه خلهـا وخـل البـتـاع=لاهم من اسباب فقري ولا غنـاي
والسموحه ودنا نطـوي الشـراع=ويغفر الله لك ويغفرلـي خطـاي

تكشف الأيـام لـك زيـف القنـاع=وينكشف لـك محتـواه ومحتـواي
ندمـح الـزلات قـدر المستطـاع=والنتايـج غالبـاً مـا تكـون فـاي
فيني لشـرواك حـب(ن) بإندفـاع=وأتشرّف يوم صرت مـن اخويـاي
النوايف مـا شكـت منـك انقطـاع=الخبر فيمـا يلـي ؛ يـا / مبتـداي
أنت يا ابـن اللـي يفكّـون النـزاع=أحمـد الله يـوم ضمّـك منتـداي
يا عريب الساس .. منيـع القِـلاع=يا لحِصْن الحصْين .. استمع لي جاي
راعي المعروف ما يعـرف امتنـاع=وأنت شخصك مرتوي منه ارتـوي
لا يهـمّـك دام ذاع الصـيـتِ ذاع=باكـر الأيـام ترمـيـه ارتـمـاي
يا رفيع الشـأن يـا سبـع السبـاع=من يبحـث خفـاك مقـرّه وطـاي
من يطب أحماك يـا لصنديـد مـاع=كنّه السكّر بوسـط أبريـق شـاي!
أنت شورك قبل مـا يُسمـع يطـاع=السموحـه مـن بديـت لمنتهـاي

بـ ع ــــض الوِجَع يمكن تداوية الأعشآآب=وبـ ع ــض الوِجع ياويل منهوسِطــــــابه

ابو عيونٍ سهمها ساطيٍ صاااب= ما شاف وسط الجوف زايد خرابه
يا وجد حالي كل من ناضره ذاب=كاسيه رب الكون حسن ومهابه
ما الوم ناسٍ خلفه أسراب .. وأسراب=من شاف زوله هم قلبه عثابه
لا وا عذاب الراس من سبته شااااب = ولا وا عذاب القلب لا وا عذابه
يا قلب ليتك حاسبه ضمن الأجناب=ما كان عمري ضاع يطرد سرابه
يمديك معتبره كما صفحة كتاب=طويتها ولا عاد يطري جنابه

الله يحيي كسرعظمي وماجاب=ولايحيي كسر قلبي وماجابه
نقرا بعضنا صح والواقع أغراب=وأنت بدر واضح بس تحجبك السحابه
ياورد ماني لندا جيت طلاب=اما جاء الورد ونداه ولا وش أعبابه
الورد بأول التفتيح زاهي وجذاب=ماتمنع أسوار بستانه اللي نوابه
دامك حي مالك عن جديد الوقت مجناب=جديد يسر وجديد يغث وجديد عليك اجتنابه

يا شاكي الهم فيني شيء ما طاب=لا فاد كشف ٍ ولا فاد فيه الطبابه
لا تقول انا وش اللي جاب للجاب=يكم حبها قاعي و قبل فيها إترابه
اشوف الحب عن ناظرك ما غاب=ياليتك اتشوف عاشق فاقد صوابه

ياطالبـــه مني رحيــــــل =عفوا طلبتي المستحيل
وشلـــون تبيني ابتعــــد=ومشاعري يمك تميــل
انــا سعيــــــد بحبـــــكم =يا عالم الحب الجميــل
يا مالكه قلـبــــي تـــرى= ما ارضى على حبك بد يل
امشي على درب الهوى= مرتاح لو دربي طـــويــل
اقطع مسافـات التعــــب = والهم من اجلك اشيـــل
كانك ترى ان الظـــروف = تجبر على فرقى الخليل
بصـــبر ولجلك بنتظــــر = ابنتظــــر حتــى تزيــــل
وكانك تبينـــــي ابتعــــد =عفوا طلبت المستحيــل

يافارس المجد الحزين=اراك تخطــــــو للسبيل
اللي تجلى بالامـــــل=لبلوغ ماهو مستحيل
ماهي غريبه للبطـــل=والسيف عــزه بالصقيل

يافارس القاف الجزيل=اللي كما الشيخ الجليل
ما قال لك وش السبب؟=يومه طلب منك الرحيل!
إن كان له شف الوصل =ما يترك القلب العليل
وإن كان ناون يبتعد=ما هزّ جذعك يالنخيل
يا طول ليل المنتظر=على آمل رجوى الحصيل

يالله عسى قلبك عن الاحزان مغلوق=واقدارك تكتب لك سعاده بكل الاوراق
وش حيلتي لاصرت ميت من الشوق=واللي اشتاق له مادرى عن الاشواق
يا مودمي لك في نبضات الخفوق=غلا و معزه و تقديري عليهم فاق

لو كان دمع العين يبي يبرد حروق=لأسطر ابيات تحجب نور الاشراق
ثوب العقل من جور فرقاه مشقوق=وجمر الفراق لدافي الشوق حراق
لاشفتها كني من العنق مشنوق=أجاهد الدنيا على بلع الأرياق
تجيبني من فوق وتردني فوق=وعقلي معاها فاقد الوعي مافاق

اخواني

هذا تسأل عن قايد خَلد اسمه في التاريخ بحروف ٍ من ذهب فاستحق بان يبقى خالدا في قلوبنا مدى الدهر

وهذه المساجله توضح جزءاً بسيط من مزايا هذا القايد


فيا ترى من هو


الاجابه تتضح من خلال هذه المساجله بيني وبين اخي راعي العليا


شاعـــــــــــــــــــــــــــــــــــــــــــــر الـــــــــــــــــــــــــــــــــــــــــــــــد رر

أبسألك ياذيب عـن طيـر شلـوى=اللي ارتقى للمجد من عين نيشـان
ضرغام لا دارت رحى الوقت يهوى=يوقد من اطرافه على الخصم نيران
ياكم حمل روحه على الكف فـدوى=وارخص حياته في حمى عز الاوطان
ولامن نذير الحرب بالصـوت دوَى=جال بسما ربـي يسابـق كحيـلان
اذا نصيته في مهمه وشكـوى=شارك بهمَك ود ما هو بشمتـان
في ساعة الوقفات من جاه يروى=مورد نهر يجري بساحات بستان
عز الله إنه مفخرة من تعـزوى=وعز الله إنه طود في شكل انسان
ياكم بفنجال المراجـل تقهـوى=حتى اصبحت يمناه للخير ميـدان
قايد على حصن المعالـي تعلـوى=حتى احكم القبضة على كل الاركان
بقى بصفحة مجد مايـوم تطـوى=له في السما تاريخ مُثبت ببرهـان
ما قال هذا صعب من غير جدوى=وإلا تعذر قال مـدري وحيـران
من همته اصبح من الصعب اقوى=والكايدة تعلن بمقدمـه خسـران
هو عزوة المحتاج لامن تشروى=وهو للاخوة قلب نابض لشريان
يسري بدمه ود من به تهقـوى=يرضيه لو كان المنى غالي اثمان
يشق دربه وضح ماهو تهِلوى=وينير عتمة جهل من قاع بركان
قول وفعل واقدام بالحيل سوَى=من قصته ابداع في ايدين فنان
هذي وصايف من له القلب مثوى=وفيه الوفا لو جا بها أي نقصـان
وتبقى القصايد رمز والطيب فحوى=ومهمـا كتبنـا ماتوفَيـه قيفـان
واظن بعد الحيـن مافيـه مغـوى=واللي نلمح له من القاف قد بـان
وماهو بحاجة شرح او زود فتوى=لان المعرَف دوم يبقى بالاذهـان

هـذااك حـر(ن) يالسنافـي وبلـوى=مفراص ماص لهامة المجد عنـوان
ما هاب لو جت له مثل خيـل علـوى=يزود بأسه لا قسـى الوقـت مـا لان
لأعداه ما يوم(ن) يجـي وي تحلـوى=ان اشهد أنه يافتـى الجـود سلطـان
من عانده يشرب كدر عقـب سلـوى=يمسي ويصبح كل الأوقـات ذهبـان
ارشاه ما عمره قصـر دون دلـوى=من جمْ عذبه يرتـوي كـل عطشـان
رام الفخر وإلاّ الردى قـال : يلـوى=مالـه علـى مثلـه مداخـل وبيبـان
ما احتاج من يضرب معه درب خلوى=ماكـن قلبـه غيـر بالـود صـوّان
الخوف ماله وسط الأضـلاع ملـوى=ترفع له البيضا على مر الأزمان
من لا يجي بالطيب يصـلاه صلـوى=حتى تساوى الحمل والذيب سرحـان
من البحر الأحمر غرب ؛ لحدود سلوى=ومن الحديثه يـا شـروره لنجـران
ما صابته مـن قلـة العـزم عـدوى=اليا نخيتـه شفـت فعلـه بالأعيـان
ساق الخطاوي دايم الـدوم سـدْوى=الوجه واحد ما انقلب نـوب وجهـان
ما هو بمحدود(ن) على الفعل حـدوى=لا شـك قلبـه للطويـلات شفـقـان
هدير سيله ، له علـى الارض نفـوى=من يعترض له يا ابيض الوجه غرقان
عقّب حرار(ن) ما تخالف حذوى=الكل منهم غيث وابله هتّان
يضفي على كل الآطاريـف ضفـوى=تخضر اسهوله مع صحاري وقيعـان
عبدالعزيز الصيرمي طير شلوى=اللي شلع للعز من دون جنحان
ما له مثيل(ن) بين حضر(ن) وبـدوى=ذكره على لسن المـلا ذرب الأيمـان
ما رافقه في سيرته خطو فلـوى=راع النقيلـي بـارد الوجـه كوبـان
الظالـم اللـي للعـرب كـم تبلـوى=لا شاف جمعتهم نفـث سـم ثعبان

الراعي أذاع بشـــــــــــــعر مشـــــــاع = يـسـمو أرتـفــــــــاع بنــفسه وشـعـــره
بــشــعــــره أداع فـخـــــراً وســـــــــاع = ومــجــاري شجـاع بشـخصــــــة بفكره
مــــــجاراتـه مـتـاع منـــــــفرد بإيــقـاع = كــــنـــجـــم لــمـاع بـــــود الـــمــجــــره
وقــوله نـــصــاع مـحـــــــكم الشـــراع =ومـمـتـع بابداع بــجــــــزلـــــة فـي رده
الــكــل إنـــصــــاع لـجــزله بــستمــاع = وشــاعـر الـــدرر أذاع بــمـدحـه وسره
يـارقـيـق الـــطـبــاع وســـــــيد السبــاع =هــل بــقلــبك متـساع وفـطـنة وخـبـرة
لـخـبــراً شـــاع إنــــــــقـــال وإنـــــــذاع = وتــرك أنـــطــــبـاع لـــــنــاس بـكـــثـرة
يـثـيــر الـصــداع عــــــلــــل وأوجـــــاع = مـــن غــــيـــــــر داع كــــــــلام بــذكـره
وشـــــعــــر الـــــرعــــاع الـيـــوم ضــاع= وكـأنـه قــد هـجـاع فـما أستنكر بكثره
لنبي المتباع العــلــي لأسمـــه رفـــــــع = بــكـل ســاع وأن أســـــائــــــوا لـذكـره
أفــلا حـكـمـه تـــذاع تـــحــذر بـــــــإرداع = لغرب الضـياع الـمشـوهـيـن الـفـجـره
فسلامـاً وســـاع بنـــــور الــشـعــــــــاع= لراعـــــــــــي الارـــتـفاع مـــــرة وكرة
والــــصـــــــلاة تـــرفـــــع لـخـيـر الــوراع =شــفـيـع الرعـاع بيـــوم مـا أشد حره

لعين المطاع .. حصين القلاع =نبوج البقاع .. على كل بكْره
نجيب المتاع .. بظهر الرباع=ولو ما استطاع .. فلا لي بشكّره
عليان ؛ الوقاع .. بالارض الرفاع=وللدرب راع .. ولا انته بمكْره
ترى القاف زاع .. (عليك) المزاع=ماعرف امتناع ..على أيّاة فكْره
لو انه يباع .. شبع به جِياع =رضعته رضاع .. واببدع بحكْره
ياواف الذراع .. ما طال الصراع=وراع الخداع .. عن الحب يكْره!
سريع المثاع .. يجي باندفاع= كما الثلج ماع .. ويا سهل عكْره
بدور الدفاع .. ما فك النزاع=لريشه ذعاع .. ولا فاد زكّره
سمي الضباع .. لا شبْ اندلاع =تدرق بساع .. عن العرف نكْره
اذا الدم تاع .. لحد النخاع = ما طالولك باع.. تدامن لو كره
يضيع اللعاع .. بعجّه وثاع= ولا هو بواع .. من اجواء سكْره
لِباس القناع .. مردّه لقاع=وينطق وداع .. قبل يوم بكْره

يامكثر الاصحاب ذا اليوم والعام=اللي بهم دنياي قدعرفتني
لاشفتهم وقت الرخا شفت الاهرام=ووقت الشدايد نارهم طاولتني
وجيههم لوحة تحت يد رسام=واوصافهم لو زيفوا ماخفتني
لو مكرهم معزوف بحروف وانغام=افهم مقاصدهم ولا جاوزتني
ماني من اللي نظرته صوب الاقدام=سود الليالي لوقست ماثنتني
والشاهد الله رغم جورك يالايام=ما ارضخ لمن دنياي فيهم بلتني
وعشت يامن خوته رمز ووسام=رمز الوفا و وسام حزته بمتني
وانا اشهد انك عزوة العز وحزام=وجمايلك ياذيب قد غرقتني
واختم كلامي ياعريبين الافهام=بحكمة معي والله ما فارقتني
لبصم على خشوم العواذل بالابهام=اقولها وافي وكفي كفتني

انا لعينك يالخوي دوم قدام= اقضي معك دنياي ما مللتني
وحياة ربٍ فارضٍ حج وصيام= لك خوةٍ ؛ ياذيب كم شرفتني
خوّة نقى ماهي سواليف واحلام= واحلى الليالي يوم فيك اجمعتني
ياصاحبي بقولك عبر الإعلام =يوم الحقايق داخلي لا مستني
لو جيت اعدد ما كفى حبر الأقلام= شفت الحياة ادروسها علمتني
بعض الاوادم خوّته رثّة الخام= في مثلهم دنيا الشقى كم رمتني
لا جيتهم كلٍ لأجل خاطري قام = ولا اقفيت كم كلمه ..! وراي ألمزتني
لا شفتهم تعجبك رزّه وهندام= وآتقول هاذي عصبتي ناصرتني
ولا احتجت واحدهم تعذّرك باحكام=ولا جاء لزومه حاجته خاطبتني
وفّيت انا المكتوب يالليث ضرغام=وتبقى الحقايق ماخفتك وخفتني

مالها ومالي وانا عنها بعيد = ما يكفيها تعب قلبي ، تعب
علموها طالع الوجه السعيد =قطّعه همّه ولكن ما شحب
لو بقى بالقلب للصادر نشيـد = ما حطبني الضيق والفرقا شبب
ما ذخرت من الليالي ولا عضيد = ولا انتظرت بمحنة أيامي شنب
الوكاد الله على حالي شهـــيد = المصايب ما تجيك إلا بسبب
ما رخصت الوجه واخلفته قديد = ولا ثنيت لـوِلـْد حرمه بالـركب
فارسك يا مهرة العاصي وليد = ما ركب قبل المهار ولا صعب
هو حديد ولا يفل إلا الحــديد = تعشقه ربوه ولا سهله قـــرب
هو روى من علم ابوه ولا يحيد = ينتق البارود لا غرّد ذنب
ما نذر عمره على ورد وُريد = ولا احتفل من مايد القد بطرب
انطرح واقوم واتعنز واعيد = ما يكفيها تعب قلبي ، تعب !

فارسك يا مهرة العاصي عنيـد=اشهد انه واحد وينطح عـرب
كل يوم من الفرح ثوبه جديد=مشرقٍ نجمه ؛ سمـاه ولا غرب
سيّد ؛ وبالناس سادات وعبيد=السليم ؛ يداوي اللي به جرب!
ذخر من ينخاه باليـوم الشديـد=كل كاسٍ للمراجل له شرب
من تجرهم هامته يصبح هميد=قبل ما يجرأ على فعله خرب
ما تجمّل لأجل يـزداد الرصيـد=ولا بطش كفّه تسائل من ضرب!
ان تحقق واقع اربد يالبيد= من تجيله ما تهيّا له هرب

سلام يزن جبل نـــقــم و شــهــــــاره =من السعيدة أرض الرجــــال والنـــار
لشاعر الدرر من أثبت بشعر مـقداره = من يومه الأول كفــــــارس مغـــــوار
خاض تـــجــربـتـه رافــعاً شعـــــاره =أنـا لـهـا يا راعي وأن طال المشـــوار
أثار وصفة صفوة روح الشعر وأثاره =أبـيــات حكيمة أحسن كلمها وأختــــار
فرحب الود وجوده بـــاســـم شعـــاره =وأعـــلنـه وراعي .,., أن لشعر كبـار
يامن بالقصيد قد رقى بــنـظـم أوتـاره =وزانـهـا بـغـرس درره بـثمار الأفكار
خبر سألك عــــن الجزل وأسـفـــــاره =أبا الـقـاف هو أو أنه بـنثر الأشعـــــــار
سؤال دار بعقلي وبــه قــد أحـــتــاره =عن ختم القصيد بالصلاة على المخـتـار
صلي يازين على المصطفى وأخيـاره =بآخر كل ما تنظــمه من قصايد الأشعار
شاعر الدرر.,., يا أسم لــه أســــراره =سترقى به .,., ويسمـو لـذرى الأقــمار

المعالي عز والساحة مناره=والزمن شاهد على طول المدار
والمراجل ترتقي بك في الصداره=والذي يعطي الوفا يجني الثمار
والجبل ماعاب به يوم انحداره=ولا تزعزع واختلف فيه المسار
والفطين اللي فهمها بالاشاره=ومن معارف من سبق عقله استنار
والذي عاش السعد عاش المراره=والليالي تنجلي بضو النهار
واللسان حصان ربح(ن) او خساره=اما يوصل للمعالي والا يوصل للدمار
والمصالح تنحجب خلف الستاره=وفي الشدايد ينكشف زيف الستار
والمشورة للوازم هي اماره=وما يخيب اللي على علمة استشار
هذا تلخيصي لمعنى باختصاره=للذي ينهل من اعماق البحار
والشكر فاق الوصايف بالعباره=والنعم ياذيب يانسل الحرار
افتخر فيكم وهذي لي بشاره=دام شعري حاز منكم بالوقار

ياليتها يومنها غابت تغيب=يالله عساها لاتعود سليمة
غابت وقلنا فاقدين نفل طيب=كانت وكنا نشوفها مثل غيمة
من وكّل امره لإمرأه بد مايخيب=ماتشوف ياغازي النوايا سقيمه
ياطيب النيه وياراعي الطيب=الطيب مايلقح برحم العقيمه
إيه أسعفوني بباند من قبل لااجيب=عيد بناس ماتعرف الحشيمة
ياناثر الالماس ولاغيرة تجيب=شف مجهر العرّاف وش حط قيمه
هو يمدح الماس ولكن نسى يصيب=سرح بفكرة لاقي له غنيمه
فاتتك ولا معديه منك ياذيب=الشعر من حري توالى نظيمة
فتره تعدل ثم عود على العيب=عادت لعادتها القديمة حليمه

مبداي باللي يعلم السر والغيب=الواحد المعبود ؛ منجي كليمه
بديت باسمه دون عدّ(ن) وتحسيب=واعوذ به من هرج زور ونميمه
ومن بعد ذكره خط سير المناديب=للذيب اللي فيه المراجل قديمه
الصاحب اللي ما تفوته مواجيب=عذب المعاني ساقها لي نسيمه
حر(ن) ؛ تعلاّ نايفات المراقيب=اليا رمى صاب الهدف في صميمه!
معرّب الجدين ؛ ما احتاج تعريب=على المعالي من اكفوفه وسيمه
النايف ؛ اللي يستحق التراحيب=يثور ؛ ما يرضى لغيره ظليمه!
يكرم جنابه ؛ ما تجيه العذاريب=رائد ؛ ويملك بالمكارم قسيمه
ياصاحبي ؛ لا يلحقك شكٍ وريب=صاحبك ؛ لو جار الزمن ما يضيمه
اليا نوى بطشه ؛ عطيب المضاريب=ولا هو بخير ؛ اللي يحطّه خصيمه
الوقت شاهد ؛ والليالي تجاريب=وسود النوايا ، عاقبتها وخيمه!
ودنياك ما تخفاك ؛ دوم بتقاليب=ما كل دمعه ؛ من قلوب(ن) رحيمه!
متفاوت(ن) فيها ؛ زلال المشاريب=والعلم يظهر فاهمه من غشيمه
وختامها صلّوا على طاهر الجيب=الهاشمي ؛ واعداد همّال ديمه

طيب ‘ وانا في داخلي كيف أجازيه = لا رحت صوبه شفت نفسي تأقزمت !
أقراه ..‘ مدري كيف عيني تباريه = ولا جيت أرد فبيت واحد تأزمت !
محبته ماهيب فيني ولا فيه = الله كتبها في جبيني ولازمت
كنه انا يوم اكثر المدح ما ابيه = لو كان بيّح في كنيني وعزمت !
إليا طروا غازي غنمنا مغازيه = أعزل ‘ وإلى من قد طرالي ‘ تحزمت

حي الذي ما قلت ؛ في يوم عازيه = باقي ؛ على قربه شفوقٍ ورازمت !
الصاحب اللي ؛ ما يغيّر مباديه =لو ما عزمني صوب داره ؛ تعيزمت !
صالح ؛ وعندي بالقدر من يوازيه =اصدع بصوتي لا حضر ؛ ما تزمْزمت
رجلي مشت دربه وعيني اتراعيه=وانا لعين ؛ اعداه واعداي خزمت !
إليا طرى اسمه ؛العن ابليس واخزيه=كلّي معه ؛ في كل ؛ واجب تلزمت

اسمع لغيري من الشعّار واعجبّه=واحس شِعري كأنه طاح من عيني
واللي سمع لي .. مدح شِعري ولا سبّه=وانا رضايه عن .. اللي قلت يكفيني
ما كل قافٍ .. جميع الناس تطربّه=الناس آجناس .. في شتّى المياديني
ويامنْ كلٍ .. بعيره قام يشعبّه=يبين للعارفه .. فرق المضاميني
اشفق على خوّة اللي مرضيٍ ربّه=واحمِد كريمٍ على طاعته هاديني
ابعِد عن اللي .. نوايا الشر تلعبّه=ولا اضايق النفس... من حكي البغيضيني
اللي يسوي على ما قيل من حبّه=قبّة ... فلا ينحسب ضمن المواليني
ماهو صحيح المثل ( من سبه ايحبّه )=القلم مرفوع عن فعل المجانيني
ما يمدح السوق رجلٍ ما بعد طبّه=والهرج ياقيل له مغزى و نياشيني
اقرأ لغيري شعر .. صحيح واعجبّه=لاشك شِعري ويبقى ... هو عناويني‘

فنجال قهوة يشرف حيل من صبَه=من يد تبقى ذخر باجمل دواويني
انا اشهد انه مثل شامخ ونضربَه=في ساعة الضيق كل اللي يعاديني
لوعز كل الدوا جاد بوفا طِبَه=اخير منهو على الدنيا يخاويني
القاف ياذيب راعي العز يفخر بَه=وهمس القوافي بوقت الضيق تطريني
انهل من الجزل ما يروي العطش عذبَه=عِقد الدرر في الحشا بالجزل يثريني
ماهو سوالف رخا والا حكي وذبَه=وإلا ادور بشعري من يكافيني
ماني من اللي يحوز الشعر في عِبَه=بوح القصايد شعاري اللي يغنيني
اهديته الثوب واهدى للوفا الجُبَه=ملبوس لامن قسى وقتي يدفيني
القلب مقسوم له نسبه ولي نسبَه=ينبض بصوتي وينبت من شرايني
فنجال قهوة يشرف دلتي صبَه=لاشك لي طابعي اللي دوم يعنيني