البقى يا من ترحب هات والمعنى إحترافي..=..قالة(ن) بالطيب تلقى في هجوسي محترفها
منتدى هــمس القوافي به كثيرين النظافي..=..لا تـلد العيـن فـاللي كـل مـزيونه خـلفها

زرعة التاريخ تحكي بالسوالف يامشافي=الله اكبر والحصيني كيف بالله يخطفها
دارت الايام دورتها وبين كل خافي=بينت ليه خلفها عقب ماراحو سلفها

شـعلـة التاريخ تـبقى لـو طفوها بالمطافي..=..والحصاني سيل مزن الوافيه عنّا جرفها
والسلف عقبه خلف وافي مثل ما كان وافي..=..لاتطبق مصطلح نــار(ن) يرمــدها خلفها

شعلة التارخ توضي نورها بلحيل ضافي=كم وكم جار(ن) لهايكرم ضيوفه من طرفها
والعرب والمسلمين الها مقابيل مقافي=بالكرم والجود ياسحكل ترى كل(ن)عرفها

ما أختلفنا ولا حصل بين الموامين إختلافي..=..دلنا واحــد وخيـل المرجـله غـصب انعسـفها
طبعنا مــاهو تطـبع ثابت(ن) مـاهو خرافي..=..فـ العلآ فقنا العلآ فـ الحـرب والدلـه وشرفها

دام مافيه اختلاف ودام بقلوب(ن) نضافي=جيتلك طلاب حق وسالفتنا بتعرفها
ارجع لصفحة ولد تركي يجيك الشرح كافي=يتهم ابياتي وانا والله ماني بستلفها