الله من عين(ن) تهل العباري =هيض شعوري دمعها يوم قرا
وقلب(ن) يفوح اليوم بسباب طاري =قلبي حزين وحالتي ماتسرا
واحسرتي ماحد(ن) عن الحال داري= ياكود رب(ن) في ذراه اتذرا
عامين وانا اخفي همومي وداري =عامين همي فالحشا مستمرا
طولت مجروح(ن) وطال انتظاري = انا انتظر وسنين عمري تمرا
صابر وقل الوجد قلل وقاري =والوجد قله شين والصبر مرا
ياعزوتي حالي من الهم باري = مدري من الهاجوس وين المفرا
متى على الله يانجوم السواري = تسرين ماشوفك ولو كان مرا
متى الزمن يصفى ورد اعتباري =اليا متى وانا انتظر واتحرا