|
.. .. صباح المزاجات ...>> يعني بس اللي مزاجهم زي مزاجي علماً أن مزاجي لا يؤثر على سير حياتي فهو لا يخرج خارج حدود غرفتي والحمد لله .. أدري بتقولون تأخرت وما جيت على 12 وطبعاً أنا قاصده لأن الموضوع موضوعي وأنا بمزاجي أكتب وقت ما أبغى >> إذا أحد بيتهاوش نتقابل في الهده برى .. سالو ... للجميع بيانفينو ... للجميع سالو وبيانفينو >> أهلاً ومرحباً باللغة الفرنسية وأيضاً إنشانتيه دوفو فوار >>> سعيدة ومسرورة لرؤيتكم " ترى وربي بعد أعرف ألماني " أحس إني بتسطر عشان كذا خلني أكتب اللي عندي وأروح ما أدري وين لأن الوقت متأخر كثير ومافيه سوق فاتح >> تفكير حريمي بحت خلاص خلاص كلن يصلح سيارته وخلوني أكتب العبارة من حروفي >> يعني أنا كاتبتها وقد أعجب بها كثيرون ولله الحمد شهادة أعتز بها كثيراً " عقيدتي هي حزام الأمان لحوادث الزمن " طبعاً التعليق على مزاجي وأنا كاتبتها كان غير وبعد فترة قريتها وكانت هذه الشقحات .. أنا وأعوذ بالله من كلمة أنا ما أحب السواقه لا أنا ولا الوالدة الله يطول عمرها وسألنا من قبل بعض الأخوات عن رأينا في سواقه المرأة طبعاً تعرفوني حشرت اللي سألتني في الزاوية كيف ولماذا ولعل ألين أحسها تقول وين تورطت عساها ما ساقت المهم اتفقنا أنا وماما في حال صدور السماح بالسواقه إننا نسوق " تريله " السبب طبعاً لأن إبن أمه بس يتحرش ولى يساقط ولا بس يستهبل ويحدنا تعرفون التريله وش تسوي ...>> بسم الله عليكم عساكم ما تجربون وطبعاً تريلتي أنا بصبغها بلون أزرق >>> هلاليه وأفتخر والنعم بجميع الأندية وأمي تقول حسب الموضة وقتها >> أمي طلعت فله وأنا مدري .. بيت القصيد هنا توخ الحذر في كل أمر تريد الخوض فيه وإستعن بالله وسنة رسوله الكريم لتكون عوناً وحفظاً لك من حوادث الزمن .. " لا أعلم أهي شقحه غريبه ليس لها مكان هنا أم حلفت علي مشاعري أن أكتبها هنا ... تمنياتي أن أجد حروفاً من متى بشوفك حقيقه تزين متصفحي ولاهان الجميع يالله وروني حروفكم المزاجيه " |
اقتباس:
احلى شقحه كثري من هالشحقات :biggrin: دمتي بخير |
آحيآن ... قد تؤدي آلمزآجيه آلي إضطرآب .. تجعل آلشخص يظهر ( غريب آلآطوآر ) ..!! دلبي مبروك آلمئويّة وعقبال آلآلفيه .. مودتي |
اقتباس:
لاهنتي يامرااام العتيبي وننتظر متى بشوفك حقيقه !! |
مرام العتييييييييبي (المزاجيه . . وماأدرا ّ ّّكـ ..مالمزاجيييييييه) . . مبروووووكـ المئويه وعقبالي>>>:biggrin: تابعييييييي الأبداع:Rolleyes: مودتي |
بما ان مزاجيتك ستقودها يدك اليمنى لبثها هنا في ساحة العام فإني اقولها جازمه سترد لنا شيء جميل ننتظره عند موعد السندرلا لنا وقفات هنا معك في الإنتظار مع زخات من المطر ترش بها ساحتك يامرام يرفع لجمال الموضوع وحتى لاتتسارع خطى القطار فتجز بساحتك للخلف فلتبقي هنا متصدره حتى حين دمت بكل خير |
.. .. شونه تسايت " >> وقتاً جميلاً بالألماني لكل المارين هنا في سطح مزاجيتي >> متعوب عليها سطح صباح الخير وأتمنى الخير لكم في كل الصباحات "كن جميلاً ترى الوجود جميلاً " " نسيت من كتبها والله " طيب أعزائي المدققين في هجولة حروفي المقصودة هنا والغير مفهومه هناك والغير منصفه في رأي الكثير ممن لا تعجبهم الصراحة ... دعونا نتكلم بشفافية واضحة وصريحة لا تغلب عليها الوقاحة هل الجمال مقياس لتسهيل الكثير من المعاملات الحياتية في مجرى الحياة ؟ طبعاً هو سؤال عام ولن أجيب إلا بحروف صغيره وإذا كانت الأنثى لا تملك ذره من الجمال فلن يجرى لها أي تسهيل لأنها جيكره " استغفر الله " " كن جميلاً قلبياً فسترى التوفيق من الله جل جلاله " .. .. دعوه للجمال الروحي " سأقيم حملة جديدة إسمها حملة مروم بعنوان " كن جميلاً " فمن أراد المشاركة إرسال موافقته على الخاص " |
تم التصوِيت بِسَلام ولله الحمد والمِنَّة .. / / إنتـَــر |
.. .. كيف حالك عساك طيبة وش علومك عساك بخير الوالده وش اخبارها عسى الوالد طيب إخوانك وش علومهم إختك عساها الف صحة وشغالتكم هم قالوا بتسافر هي ما سافرت على فكرة سواقكم وش جنسيته لأنه هو يعرف سواق بنت بنتي " هذا الله يسلمكم عجوز من جماعتنا إذا جاتني تسأل كل هالأسئلة ولما تخلص أقولها الحمد لله كلنا طيبين مني إلين سواقنا " عازفة الألحان خيااال m00nlight كويتيه عتيبيه جثــ بلا ـة روح ][عبق الحروف][ دُنيــَـا مـ الشوق ـلاك اوركيد ابعاد فكر ريمآ بنت دآفنشي روح التـــــاي ،؛بنت السحاب؛، إنتــَــــــر أنتم طيبين ......؟ .. .. " إمسح غبار الجهل بمنشفة العلم " >> كتبتها أنا >> تقدرون على اللغة طبعاً هذه العبارة كتبتها وأنا سنة ثالث في الجامعة وبحكم تخصصي البكالوريوس إقتصاد منزلي الي يختلف عن تخصصي الماجستير يعني كل واحد في ديرة بس يالله الحمد ما بقى إلا الدكتوراه إذا ربي سهل ويسر دعواتكم لي .. الله يسلمكم تعرفون من زمان وحنا بس نعرف الكلوركس مادة منظفة للبقع وغيرها ذلك اليوم رايحة أنا وأختي وسألت الهندي الواقف عند صف المطهرات عن مكان الكلوركس سبحان الله مليون ألف نوع من الكلوركس قلت في خاطري عادي الناس تغيرت جات على منظف >> قالت إختي ياربي ما أدري إنتي وش تبين في حياتك التطور زين علماً أن إختي من شباب اليوم الي ممكن تحط رجى فيها بنسبة 50% فقط والباقي الله يخلف .. الزبدة >> مو زبدة الأكل إنتبهوا غبار الجهل وتكدس الأفكار الي ممكن تخليك ترجع وراء مليون خطوة وتعمي عيونك عن قدراتك ومواهبك إمسحها بنور العلم والإفتتاح وفق الشريعة الإسلامية وخل مخك نظيف من الشوائب والأفكار الي ما تخدم بلدك أو مجتمعك فأنت أساس كل حضارة إلي تقاس بها الأمم ولا تفكر تستخدم مطهرات إلا مطهر القلوب وهي النية الطيبة وتوكلك على الله ... كانت معكم أ.مرام من فوق سطح مكتبها المبعثر بسبب شخبطة أخوها الصغير عبود أمس |
مزاجك سكر ياعسل واما مزجيتك اذا عرفت معناها في هذيك الحزه نتفاهم
|
| الساعة الآن 01:18 AM. |