الـعـاطفي تصدقين والله توقعت اني راد على قصيدتك انا قريتها واعجبتني كثير لكن توي ادري اني انشغلت بردودي على الأعضاء في قصيدتي على كل حال قصيدة غنية عن التعريف وفعلاً اكبر قهر واكبر قهر واكبر قهر لذلك من الألم ان تحب شخص وترحل او يرحل وانت لم تخبره بأنك تحبه حتماً ستتألم ندماً وحباً صح لسانك ياشاعرتنا وانا من المعجبين بشعرك تحياتي واحترامي

ربي يسعدك اثلجت صدري برد الأكثر من رائع
تحياتي لك
وعلى فكرة انا مو بشاعرة أكتب شي بسيط بس باقي ماوصلت أني اكون شاعرة

المشاركة الأصلية كتبت بواسطة سديم الوقت (المشاركة 3440851) أكبر قهر لاجيـت تعشقلـك انسـان واللي تحبه ساهـي ٍ مـا درى بـك وأكبر قهر تحلم وتحلم لـك ازمـان ويطيح حلمـك ميـت ٍ عنـد بابـك وأكبر قهر تبني من سنيـن بنيـان وتشوف بنٌيـك مـا تعـدى ترابـك وأكبر قهر تسقي من الورد بستـان وتموت بين يديـك زهـرة شبابـك وأكبر قهر تارد على البير ضميـان وتشوف بعض الطين حايس شرابـك وأكبر قهر لاحطـوا النـاس نيشـان كل ٍ يزٌهـب وانـت ضايـع زهابـك وأكبر قهر ترهي على حصان خسران يوم السبق لا طحت كل ٍ حكـى بـك وأكبر قهر لاصرت ضايع وعطشـان ونفس الطريق اللي يوديـك جابـك وأكبر قهر صاحبك لا جـاك خـوٌان لابحت له بالسـر راح ووشـى بـك وأكبر قهر تعطـي وتعطـي علشـان تاخذ عقـب كـل العطايـا حسابـك كل ما سبق ذكره على الشوف ما كان حفنة حروف ٍ مـع بعضهـا تشابـك ماهوب هرج ٍ يِعجَـنْ بفـم وللسـان ولاهوب عود ٍ يكسـره حـد نابـك إن كنت فيما قلـت تحتـاج برهـان ناظر وتلقى فـي قصيـدي جوابـك وإن كنت فيما قلت مخطي وغلطـان أترك خطانا وأنـت عطنـا صوابـك

المشاركة الأصلية كتبت بواسطة سديم الوقت (المشاركة 3446435) ربي يسعدك اثلجت صدري برد الأكثر من رائع تحياتي لك وعلى فكرة انا مو بشاعرة أكتب شي بسيط بس باقي ماوصلت أني اكون شاعرة

الـعـاطفي يعلم الله كل بيت عن أجمل قصيدة كلها حكم ودرر فـ لله درك من شاعره كبيرة بقدرها متواضعه في حظورها حكيمة في شعرها راقية في وصفها والله لو اني مشرف للقسم كان ثبت هذه القصيدة العظيمة في بالي ابيات كنت ودي ارد على ردك الاخير لكن ما احببت ان يخالط جمال قصيدتك!! أي شيء اخر تحياتي وإعجابي

والله مأعرف وش ارد عليك ضاع الكلام من بين الشفات بس الله يخليك ودي لو تضيف الرد اللي ودك تضيفه لأجل تكتمل جمال قصيدتي بجمال حروفك

اهلا هلا ياشاعرة حلو قيفان= يامرحبا ويامسهلا وياهلابك
منك القصيد اصناف واشكال والوان= لاشك كله مزهر ٍ من خطابك
ومنك التواضع رافع ٍ لك ترى شان= ماغيرّك شعرك ولا الكبر عابك
فيك التواضع للمعالي بسلطان= يعلي مقامك في كرامة جنابك
ياشاعرة ماشافو الشمس عميان= لا شك ضاق الصدر لحظة غيابك
اكيد اكبر قهر لا صرت هيمان= واللي تحبه! مادرى عن عذابك
بس القهر لاخفيت في بعض الاحيان= عن اللي تحبه لك شعور ٍ غدابك
وش يدري المحبوب؟؟ عن حب كتمان= لاصار مابينت له ما دهابك
واجه حبيبك لا تصير انت خجلان= ريح ظميرك .. دز له من كتابك
ياشينها لا صرت خايف وندمان= ويازينها لا ابديت شي ٍ بدابك
وإنكان مايبغاك ليش انت تعبان= اريح لك الصدمه! وشفته سرابك
اطرد ورى اللي بالوفا رمز عنوان= اهل القلوب اللي غلاهم بقى بك
ياشاعرة يامبدعه شعر بأوزان= رديت لك شعرك .. وشعرك زهابك
وان كنت متأخر!؟ ترى كنت مرضان= واخر كلام اقول اهلاً هلابك

العاطفي هلابك من جديد شاعرتنا القديرة واعذريني والله كنت مرضان! هاليومين اللي فاتت افلونزا:b035: وتقبلي ردي المتواضع وقصيدتك يالغاليه كاملة ووافيه وأفضل من ردي بكثير لكن بما انك طلبتي! ماراح اردك! أتمنى ان تنال رضاك اقول: اهـلا هـلا ياشاعـرة حلـو قيفـان يامرحبـا ويامسـهـلا وياهـلابـك منك القصيد اصناف واشكال والـوان لاشـك كلـه مزهـر ٍ مـن خطابـك ومنك التواضع رافع ٍ لك ترى شـان ماغيرّك شعـرك ولا الكبـر عابـك فيـك التواضـع للمعالـي بسلطـان يعلـي مقامـك فـي كرامـة جنابـك ياشاعرة ماشافـو الشمـس عميـان لا شك ضاق الصدر لحظـة غيابـك اكيد اكبـر قهـر لا صـرت هيمـان واللي تحبه! مـادرى عـن عذابـك بس القهر لاخفيت في بعض الاحيـان عن اللي تحبه لـك شعـور ٍ غدابـك وش يدري المحبوب؟؟ عن حب كتمان لاصـار مابينـت لـه مـا دهـابـك واجه حبيبك لا تصير انـت خجـلان ريح ظميرك .. دز لـه مـن كتابـك ياشينها لا صـرت خايـف وندمـان ويازينهـا لا ابديـت شـي ٍ بدابـك وإنكان مايبغاك ليـش انـت تعبـان اريح لك الصدمه! وشفتـه سرابـك اطرد ورى اللي بالوفا رمـز عنـوان اهل القلوب اللي غلاهـم بقـى بـك ياشاعـرة يامبدعـه شعـر بـأوزان رديت لك شعرك .. وشعرك زهابـك وان كنت متأخر!؟ ترى كنت مرضان واخـر كـلام اقـول اهـلاً هلابـك مع صادق التحية والإعجاب

ياهلا وغلا ياعقد لؤلؤ مكنون وحياك وبعدين وش جاب لك الأنفلونزا تستاهل أنا مو قلت لا تتروش أنت ووجهك وتجي المكيف شفت وش سوى عنادك هههههههههههههههه
لا والله ألف سلامة عليك وماتشوف شر
والله شرفتني وزدت مقداري بردك على القصيدة اللي اذا قلت روعه فما وفيت حقها وإن قلت قمة مو غريبة على ذيب مثلك وشرواك
ياشيخ مافيك حيلة وفالك الزين والخير

معلمة حالمة - سلامه الشمري
نورتوا صفحتي وشكرا لزيارتكم
لا تحرموني منكم

المشاركة الأصلية كتبت بواسطة سديم الوقت (المشاركة 3451584) ياهلا وغلا ياعقد لؤلؤ مكنون وحياك وبعدين وش جاب لك الأنفلونزا تستاهل أنا مو قلت لا تتروش أنت ووجهك وتجي المكيف شفت وش سوى عنادك هههههههههههههههه لا والله ألف سلامة عليك وماتشوف شر والله شرفتني وزدت مقداري بردك على القصيدة اللي اذا قلت روعه فما وفيت حقها وإن قلت قمة مو غريبة على ذيب مثلك وشرواك ياشيخ مافيك حيلة وفالك الزين والخير