قبل المدى لا يكسر البوح ويموت الأمل =انصف عيون ٍ ما ارمشت من شوفك إلا من رجاك
اساير الدنيا وانا لولا حنيني ما احتمل =من ميت إلا من قحش ‘ما غير شفني من غلاك !
يا حامل الهم القوي وش حال قلبك لا صمل =تحييني من طيفك وانا بآموت من قسوة جفاك
لو كان يرضي ربنا ما وجهي المسفر سمل =يجنح بي العاذل لكم واضيع لا منه طراك ..
ماهو بقلبي يا مره من يسهرك ليل ويمــل =يا كم سنه عدت وانا صابر على منهم سواك
هذي مكاتيب السنه تذكار من حب وهمل =يقول أحبك واعشقك شهرين والثالث نساك
ما هي بقصة معجبه حثت على عيوني جمل =لا احترّت اقراها وانا ما بين ما قلت ‘ وهماك !
الحب صدر ٍ لا جفى مرقدك واحساسك خمل =توتر عليه بجيتك لو تنفي الدنيا وراك
شمس المغيب ‘ إليا امرحت والليل توّه ما دمل =تلقاك بأحضان المسى ولهان تتحسس شفاك
ما مر يوم إلا وانا بصدر القوافي مشتمل =آخايل البيت الخجول اللي يودي لك هناك
ضايع وادور لك وانا بالحيل ضايع ‘ والعمل ؟=وش تحتري ؟ يوم المطر قد ساقه الله من سماك
اكبر مثال لغربتي ملموح جفني وما حمل =ما يسألك عقب العنى : يا قوة الله في قساك !
ناظر بعيني وارتكز ‘لو كان شوقك ما كمل =جازف بعمرك واحتسب لأجلي وقل مره :فداك