أكتب على صفحات الأيام تذكار= لعلها تبرى جروحً عطيبه

وأنثر شعوري للملا وأحفظ أسرار= وأثقف الأوزان.. ثم أعتني به

وأسجع كلامي وأرسم الحرف لأنظار= ولا يتعب الأنظار حرفً أجيبه

ولا اهمل التشجيع ولا كل من زار= افرح وارحب فيه ولا هي غريبه

وأنطر حظور اللي فتني بالأشعار=اقفى بقلبي ثم تركني صويبه

عجيب!! ياخلً على صاحبه جار= وين الوفا.. ليه القسا.. يالحبيبه


اللي بصدرك قلب!.. مو قلب الأزهار= أكيد قلب وحوش.. وياهي عجيبه


كنتي مثل أرضً ترحب بالأمطار= واليوم حمم بركان كلن تذيبه

لا تبرري هجرك على تافه اعذار= وجه البرائة منك بـيـّـن شحيبه


كنتي كما وردً زهى الأرض نــّوار= وكنتي كما جـودً على الضيف طيبه

وكنتي الجمال اللي خطف كل الأبصار= وكنتي الحنان أحضان.. وكنتي طبيبه

وكنتي رفيق الدرب في وقت الأسفار= وكنتي مثل أجمل عطر ننتشيبه

وكنتي شجاعة.. ما أذهلك هول الأخطار= وكنتي كما المهرة أصيله ونجيبه


وكنتي بحلاك أسرار.. في وقت الأسحار= صوتك مع الجوال.. وكنك قريبه

وكنتي وكنتي لـيـن مليت الأشعار= حتى بديت أشعر بأنك غريبه

يضل بأبن أدم.. نقاصه بالافكار= وين الغلا والحب وينك حبيبه