|
اقتباس:
اختي الكريمة عاشقة الحرف وقفت عاجزاً ماذا تراني اقول امام تلك الكلمات الرائعة التي كتبتيها بحق القصيدة لم ارى فقط من يعلق على قصيدة بمعلقة تكتب نعرف جميعاً عدد المعلقات الشعرية واسمحي لي فيما يخصني ان اضيف لها ماكتبتي تقبلي فائق الاحترام والتقدير |
نايف الشريف صح لسااانك ولا هنت ويقوولوون من طوّل الغيبااات جاااب الغنااايم تقبل تواااضع مرور أخوووك .. رااعي العلياا |
اقتباس:
من طوّل الغيبات قالوا لا لفى جاب الغنايم=وانت شوفتكم فعيني ياوفي اكبر غنيمه والله إنا مانغيب إلا ليا جا الجو غايم=عادة ٍ لي من زمان وعادة ٍ مره قديمه ما احب إليا بدت لي بين خلق الله ظلايم=ما احب الكره بين الناس ولا حب الظليمه لا اباه الفوز ولاهي عادتي كثر الهزايم=عيشتي بين الثنين احيا ولي نفس ٍ سليمه راعي العليا لقيت اليوم فالبعد النعايم=لاحكي فالناس ولاهرج ٍ تجي فيه النميمه من حكي عندي اقول إني ترى هاليوم صايم=لجله اسكت ثم يقفي ثم تلحقه الهزيمه وإن جبرني للحكي اهرج وارد القول عايم=جملة ٍ فالناس اقول ولا اخص احد ٍ بقيمه ماني اللي شال فوق الظهر له جملة قسايم=كل ماقابلت حي ٍ بدفع إلقولي قسيمه وش لزومي في كلام يجر للقلب الندايم=بحفظ إلساني ولا انطق فالعرب كلمه ذميمه كل خلق الله تموت وخالق العربان دايم=كلنا في دبرة الله دبرة الخالق حكيمه اخي راعي العليا السلام عليكم ورحمة الله وبركاته تشرفت بزيارتك واعجبتني كلمتك ( من طول الغيبات جاب الغنايم ) واخرجت مني هذه الابيات عسى ان تنال إعجاب القراء لك كل التقدير وتقبل تحياتي |
|
اقتباس:
صح بدنك اخي الحبيب في الله وسلمك الله وبارك لنا فيك اشكر لك زيارتك التي منحتني بها وسام لاشك كلفني بالتواجد المستمر كلي امال ان اكون عند حسن الظن لك شكري تقديري |
نَآْيِفْ الْشَريْف والْنّعِم والله .. وسَبْعَـــة أَنْعآَم وصَحْ الله لسَآْنَك .. واعْتَلآَ بالْخَيْر شَآْنَك قَصِيدَهـْ شَآْمِخَــه .. بشمُوخْ سمُوّك .. اللَّهُمَّ لآَ حَــسَـــد ..!! رآْئِع حَتّى بِردُودك .. أَبْيآْتك كَتَبتَهآَ بِمَــآءِ الذَّهَب فآْسْتَحقّت الْتَثبِيت ..!! \ تُنآْديك بَسـآًتِين شَوْقــي ..فــ آرتَوِيها بِجَدِيدك ..! |
اقتباس:
والنعم والله بحاااالك . حالك ودايم جميله=واضرب السبعه فسبعه فوقها سبعة عشر لو ازيد من المدايح كلمة إفحقك قليله=كيف اجيب من الكلام وقول مامر البشر ودي إبوصف ٍ جديد ولا يجي حتى مثيله=ماحكابه حي حتى فالصحافه ما إنشر ما يعـَـرّفونه ولابه حي علم به زميله=قول مامر اللغات ولا فجمله انحشر اختي الكريمة السلام عليكم ورحمة الله وبركاته مايستحق التثبيت بالفعل هو منزلتك العالية المقام فقد كتبتي من الكلمات فوق ما استحقه ولكن يقال الهدية على قدر مهديها وانتي كتبتي ماوصف لنا موقع منزلتك الرفيعة بارك الله فيك ولك ِ تحياتي وتقديري |
قمة الجمـــال في المعنى وللمعني في حرفك فضــآآآء نـــايف صح نبض قلبك على رووعة القصيده ,,, وسلم بنانك اللي قدمهآآ لنآآآ اتحفتنا باحلى الرواااائع لا هنت |
مثلـي تــرى مــر الحـيـاة مــر جـمّـال
مـن قبـل اهـلـك ِ بالصـغـر يفطمـونـك إ لـكــل حــبــه عـنـدنــا وزن مـكـيــال وانـتـي فـدربــك بالـنـظـر يـوزنـونـك اربـع سنيـن وعشتهـا سهـل وجـبـال عشت الهـوى بجنـان وشهـو جنونـك للحـب شـهـد وصــرت للـحـب نـحّـال يــا شهـدنـا فالـحـب كـــم يشتـهـونـك يابنـت وانتـي فالـعـرب تـالـي اجـيـال بـنـت الـمـدارس غـيـرك يـدرسـونـك حذراك فـي لعـب الهـوى ظمـة اطفـال اخـيـر مــن الظـمـه تـراهـا سـكـونـك هَـدِي تـرى للـوقـت خـمـات واهــوال عيشـي فـي بيـت العـز للـي يصـونـك هــذا كـلامـي سـاقـه الـيـوم مـرســال ساقـه حـكـي يالعـيـن بــه يرسمـونـك ـــــــــــــــــــــــــــــ الله الله .. صـــــــــــحـــــــ السانــــــــــــكــــــــــــ .. وعتلا شانكــــــــ نايف الشريفــ يكتبــ الشعّر جمالاً .. نص مميّز وحميلــــ بجملــ حضوركـــــ اسعدني تواجدي في هذا المتصفحــ الباذخـــ .. تقبل مرووري ,, دمت ولا هنت |
اقتباس:
يامرحبا ترحيبة الطيب والعود=الف ٍ هلابك شرفتنا الزياره ياسعود قرّب دلة الهيل ياسعود=ابوك حِر وتكفي الحُر إشاره لا يلحق الوالد من الناس منقود=او حتى تلميح ٍ فعرض العباره يابوك فك الباب لايصير مردود=والصوت بالترحيب خله جهاره وافتح مجالس فوقها الزل ممدود=ثم ولّع الانوار زيد الإناره هذي عوايدنا بها الجود مشهود=كل ٍ يرحب لا لفى الضيف داره واليوم جا ضبي ٍ يسولف مع العود=ضبي ٍ وبه ورد ٍ على الخد اماره الشعر كاسي المتن وعيونه السود=خلّت ترى عودك يضيّع مساره القلب يرجف كن دقاته إرعود=والفكر راح وساح وضيّع ومداره ياليت جسمي للمشاوير مشدود=لمشي فدرب الحب واركب قطاره مير الزمان يروح والعمر محدود=وايام بالجمله تروّح خساره هذي قوافي جابها القول مقصود=إما يقول جنان والا شطاره اختي الكريمة همسات حالمه اهلا وسهلا بك ِ وبزيارتك المباركة تشرفت بك وبتواجدك وللحق اقول انني كتبت الابيات اعلاه من الفكر إلى الكيبورد مباشرة حين وردت الخاطرة كان ابني سعود يقف امامي ومثـّـل لي في مخيلتي هذا الخطاب الذي خاطبته به اشكرك ِ على ان كنتي سبباً في إظهار هذه الابيات وهي لاتتعدى خيال ( العود ) والد سعود الذي إستنفره للحظات لكتابت الابيات اكرر شكري وتقديري |
| الساعة الآن 01:57 AM. |