تسلمين روبي على هالاسئلة وتسلم لنا نسووووم نشاط واهتمام

واضح ومميز ما ننحرم من مواضيعكم المميزه

وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟
مافيهـ احد يرغم احد على الدفع هالشيء يجي حبيا (وديا) لان هذا هو افضل متنفس للشباب
خصوصا العزاب يعني مافيه الا استراحه او شقه لكن هي بدون مانغصب احد يعني حتى اول
ماتنتهي المده وبنجدد مده ثانية كلنا ندفع كاش او من الصرافه نحول لحساب الي بيجدد المده.

وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟
لا لا بالعكس الله يحييه واذا ماشالته الارض بتشيله عيونا ودام انه غالي على صديقنا فأكيد
بيصير غلاته من غلاة الي جايبه ، وبالنهاية نبقى شباب وبالعكس خله يجي عشان تزيـــــد
الفرق وقت لعب الويننج اليفن (الدوري الياباني) << عشان يحلى تكسير الروس حتى لو مادفع.

هل تعتبر ان الجمعه دايم بالشقه او بالاستراحه روتين ممل او حاجه ممتعه ؟
اشوف الشباب فسروا الجَمعَه >>(يوم الجمعه) هو طبعا اكيد الاجتماع الدايم في اي مكان
يكون ممل لكن جلستنا واجتماعنا موو دايم وحتى اذا اجتمعنا مايكون كله جلسه نطلع احيان
نتعشى بمطعم مثل (الشرفه) الي على خريص او نروح نشوف وكالات السيارات مثل قبل كم
يوم رحنا نشوف وكالة مازدا منزلين جيب جديد وركبناه شكله مجنووون وبهالطلعات نكسر
الروتين والملل .

الله يعطيكم العافيه وماقصرتوا جميعا لكم اطيب تحيه مني