منتديات الـــود - ..₪.. مع بنوتة & بتر فلاي .. للمقالب معنى آآآآآخر ..₪..

السلام عليكم

صبااااااح الخير

اليوم بننزل لكم أول مقلب وكان مع المحتار -

بعد ما اعتمدنا انا وبتر فلاي فكرة المقالب مرينا بفترة تتنيح بسيطة .. اقصد فترة تفكير

بمين نبدا ؟؟ وايش المقلب ؟؟ ووش نسوي ؟؟ وكيف نبدا ؟؟

المهم طلبت منها ترشح لي اسم وبعدها نفكر بطريقة المقلب

وقالت وش رايك بالمحتار ؟

قلت لها أوكي

وقالت طيب وشلون بنصيدة ؟

جلست افكر شوي .. وبعدين قلت لها اعضاء القسم العام يحبون النقاشات والحماس وعلى هالأساس بيكون المقلب

والفكرة كانت عبارة عن مشكلة او هوشة

انا كنت اخطط وأكتب السيناريو ونص الرسايل وعملي في البداية كان من خلف الكواليس
وبتر فلاي لعبت دور البطولة وقامت بارسال الرسايل للمحتار

وكانت البداية بهالمسج :

اقتباس:

المشاركة الأصلية كتبت بواسطة butter fly girl

السلام عليكم

سلامااات ايش فيه يااااخي إذا ماعجبتك مواضيعي لا ترد عليها
ماتروح تطلب حذف المواضيع وتشتكي
وبعدين روح شوف مواضيعك وبعدين أتكلم

وجا رد المحتار بهالمسج :

اقتباس:

المشاركة الأصلية كتبت بواسطة المحتار-

هلاا والله بتر فلاي
قسم بالله مو فاهم شئ من كلامك
متي انا مشتكي او طالب حذف لمواضيعك
اصلاا المنتدي لي شهرين دخلاتي خفيفة عليه
وارجوك تفهميني وش القصة اخاف فيه التباس او فهم غلط

وهنا تحمست بطلتنا وخرجت عن النص وأرتجلت الرد وارسلت له :

اقتباس:

المشاركة الأصلية كتبت بواسطة butter fly girl

لا تعمل زي إلي يقتل القتيل و يمشي بجنازته

أي دخلات خفيفة وما خفيفة إلي كانت أثقل منها مافي يا شيخ لو ما تبغى ترد عساك لا رديت لكن لا تتكلم من وراي مين انت عشان تطلب حذف مواضيعي لمن توصل على أقلها مشرف في هذي الساعة أحذف مواضيعي هذا ان وصلت أصلا لأنك ما تستاهل

والله قوية البنية وما تلعب :biggrin:

وبعد مدة مو طويلة جا رد المحتار :

اقتباس:

المشاركة الأصلية كتبت بواسطة المحتار-

اقوول اسمعي انا ثقيل دم وماستاهل
وقولي اللي يعجبك عني لان مايهمني رأيك فيني
لكن اللي يهمني انك توضحين الموضوع
او التهمة واذا عندك اثبات اني مشتكي او متكلم عليك
هاتيه
واذا السالفة فلان قال وفلان قال
رجااااء لاتصدعين راسي
ترا انا اكبر وانبل من اني اتكلم في ظهر احد
( اذا جاءكم فاسق نبتء فتبينوا قبل ان تصيبوا قوم بجهاله فتصبحوا علي مافعلتم نادمين)

وهنا انا رجعت اكتب السيناريو وكنت ابي الرد يكون اخف شوي من رد بتر فلاي واقل حماس وانفعال بس موب الظاهر

وخطرت ببالي فكرة عشان يكون المقلب محبوك اكثر .. وحبيت امهّد لها بالمشهد الجاي

وعطيت بطلتنا النص عشان تكمل دورها .. وارسلت هالمسج :

اقتباس:

المشاركة الأصلية كتبت بواسطة butter fly girl

اقتباس:

المشاركة الأصلية كتبت بواسطة المحتار-

وقولي اللي يعجبك عني لان مايهمني رأيك فيني
)

حتى انا رايك فيني وفي مواضيعي ما يهمني
بس انا ما احب احد يتكلم من وراي

وبعدين ليه ما تبي تصدع راسك ؟؟ خايف يعني من المواجهة ؟
على العموم الي قال لي هالكلام واحد من ادارة الود
يعني تبيني اكذبه وأصدقك انت ؟
خليك شجاع شوي ولا تنكر
عالعموم انا الموضوع بالنسبة لي انتهى
بس ياليت ما تعيد معاي هالحركة

وفي هالرسالة كان تمهيد لإقتحامي لعالم الفن والتمثيل .. مليت من العمل خلف الكاميرا وحبيت اجرب الوقفة قدام الكاميرا

وجا رد المحتار :

اقتباس:

المشاركة الأصلية كتبت بواسطة المحتار-

شووفي ياأنسة
انتي انسانه متعلمة ومثقة وبنت ناس
وانا مقدر موقفك وكلامك معاي
لانك وصل لك كلاام يزعل
بس هذا مايعطيك الحق انك تغلطين علي واهم تهنيني
او تتهجمين علي بدون ماتتاكدين

واذا هالواحد من الادراة ليش مو بشر مثلنا
مايكذب مايظلم مايخطي
وانا ليش ماتصدقيني
علي جبهتي مكتوب كذاب

ترا احنا اعيال ناس مو من الشارع

والمشرف هذا انا مستعد اواجهه
واذا انتي تركتي الموضوع انا ماراح اتركه
لانها صارت مساله مبدأ بالنسبة لي
وانشالله ماقتنعتي مادريت عنك

ولما قالت لي بتر فلاي عن رد المحتار مسكت القلم وكتبت لها مشهد جديد قامت بتأديته بكل براعة وارسلت للمحتار :

اقتباس:

المشاركة الأصلية كتبت بواسطة butter fly girl

انا ما غلطت ولا أهنت ولا تهجمت ..
انا صارحتك وقلت لك انها حزت بنفسي ..
والاداري أكيد بشر ويخطي .. بس وش مصلحته يجيني ويقول
يا بتر فلاي انتي وش مسوية مع المحتار ليه هو يكلمني ويقول احذف مواضيعها .. اذا بينكم مشاكل علميني وانا احاول أحلها

يعني واضح انه يحاول يصلح بينا مو يسوي مشاكل أو يتبلاك
وحاشاك انا ما قلت انك كذاب ولا مكتوب على جبهتك كذا
يمكن الي مكتوب على جبهتك مغرور لأنك من الصبح تقول لي ما تهميني ولا دريت عنك
على العموم انا مسامحتك .. ومثل ما قلت لك السالفة انتهت بالنسبة لي والله يسامحك

واذا فيه صدق لبس بالموضوع
حاول تحله مع بنوته شقية .. هي الي قالت لي انك تطلب حذف مواضيعي

وأخيرا جا دوري أوقف قدام الكاميرا ..

المحتار بعد رسالة بتر فلاي ارسل لي يستفسر عن السالفة :

اقتباس:

المشاركة الأصلية كتبت بواسطة المحتار-

كيف الحال
انا صار معاي موقف وانت احد اطرافه
جتني بتر فلاي وتقول اني انا مشتكيها ومطالب بحذف مواضيعها
وان الكلاام هذا صار بيني وبينك واني انا كلمتك واشتكيت علي بتر فلاي
عندك انت وانا صراحة مستغرب من هالكلااام
وهي تقول انك انتي قلتي لها الشئ هذا
لاني بعمري لاكلمتك ولا صار بيني وبينك نقاش
ياليت ياخت بنوته توضحين لي الموضوع

ورديت عليه ببراءه مصطنعه :

اقتباس:

المشاركة الأصلية كتبت بواسطة °l||l°بنوتة شقية°l||l°

الحمد لله تمام

كلامك غريب .. اي موضوع هذا

بالاستراحة يعني والا وين ؟؟

انا ما شفت لها ولا موضوع

وبعدين ليه تبيني احذف الموضوع ؟؟ يعني موضوعها مخالف والا وشلون

ياليت انت الي توضح اكثر شوي .. ماني فاهمة عليك

^^^^^
للحين ماني مستوعبة كيف قدرت اتقمص شخصية بهالغباء المركب

والمحتار الله يكون بعونه اتخيله كل شي يقول ياليل ما اطولك

ارسل لي :

اقتباس:

المشاركة الأصلية كتبت بواسطة المحتار-

سلمك الله
القصة ومافيها
جتني رساله من بتر فلاي كان مضمونها
اني مشتكي عليها عند احد المشرفين وقايل ان مواضيع بتر فلاي بايخه بايخه وتستاهل الحذف
ولما قلت لها من قال هالكلااام قالت لي بنوته شقية
فهمتي يعني انا مكلمك ومشتكي علي بتر فلاي عندك بناء علي كلام بتر فلاي
وش تعليقك علي الموضوع؟؟

وجاه ردي :

اقتباس:

المشاركة الأصلية كتبت بواسطة °l||l°بنوتة شقية°l||l°

اهااااا بتر فلاي ..طيب قول كذا من الأول

صح انا قلت لها كذا

أو بالأصح .. قلت لها تقول لك كذا

لأن السالفة وما فيها

انك كنت أول ضيف معنا بسلسلة مقالب راح نكملها ان شاء الله وننزلها بالمنتدى ..

أتمنى ما نكون ثقلنا عليك بعيار المزحة .. ولا نكون ضايقناك

وياليت تقول لي اذا عندك مانع أو لا من تنزيل المقلب بالمنتدى

اذا يضايقك بلااااش .. واحنا آسفين والله مو قصدنا نضايقك بس حبينا نمزح معاك ونغير جو

وفي الحالتين ياليت تبقى السالفة سر بينا وما تقول لأحد لأننا ناوين نكمل ان شاء الله مع غيرك كثيرين

وبكل روح رياضية ارسل :

اقتباس:

المشاركة الأصلية كتبت بواسطة المحتار-

اهااااااااا
كذاا يعني
خخخخخخ
والله صدقت
والله ياهي تعرف تمثل
ان كيدهن عظيم
طيب خوذو راحتكم
الا وش معني اخترتوني ؟؟؟

ورديت عليه :

اقتباس:

المشاركة الأصلية كتبت بواسطة °l||l°بنوتة شقية°l||l°

هههههه هذا المطلوب

وهــ فديتنا وفديت كيدنا

اما عن ليه اخترناك .. بتر فلاي اقترحت الاسم

وأنا وافقت ورسمت الخطة وهي الي نفذت
كنت اقول لها الكلام وهي بدروها ترسله لك ..
يعني تنقل لي رسايلك وتنقل لك انت الرد

طلعت هي جنبي بريئة و حمامة سلام فديتها

انتهى المقلب وأحب اوجه للمحتار الله يذكره بالخير تحية وان شاء الله ما نكون ثقلنا عليه

اتمنى يكون عجبكم و ما نكون طولنا عليكم فيه ..

ولاتحرمونا من تعليقاتكم .. بجد رايكم يهمنا