|
ماذا بعد الثانويةأو ماذا بعد الجامعه
طبعا هذا الامر شاغل بال كل الاسر في السعودية ايا كان المتخرج ولد او بنت
طبعا اول شيء لازم تكون النسبة شيء فوق التسعين بالمئة حتى مايتصرفد الولد او البنت وبعدين لازم يشتغل الفيتامين حتى يكون القبول فوري وهو نايم في البيت والي ماعنده فيتامين ( الله يعينة) هذا بعد الثانوية أما بعد الجامعه فشيء ثاني وثاني وثاني الطالب مايتخرج من الجامعه حتى شعرة يشيب من اعضاء هيئة التدريس (ياحليلهم) ومن تفضيلهم ومزاجيتهم في وضع الدرجات وهذا ناجح لا هذا راسب وهلم جرة بعد مايتخرج يصدم بالواقع المرير لاتوجد وظائف --- او مالك مكان عندنا احنا نقول صحيح انو مافية وظائف لان اكثر الوظايف الي مو جوده مستحوذين عليها اجانب ( انا اتوقع انو بس في مدينة جده فقط يمكن فوق 20000 الف وظيفه) غير مدن المملكه التانية الشباب السعودي مهضوم حقة في الوظايف في مؤسسة او شركه لأن يكون المشرف واحد من أخواننا العرب أنا اقولكم قصة صارت لي في وظيفه مؤقتة صيفية[[[أنا اشتغلت مندوب في احدى الشركات المشهورة وكان المشرف واحد مصري الله يكافية طبعا انا يوم جيت ماعرف شيء وهو يعلمني الشغل طبعا انا من النظر بس عرفت ايش يسوي لكن هو ماعلمني اي شيء بالشغل يقلي انت بس خليلك في المكتب ورد على التلفونات قلت زين اقعد في البراد هواء مكيف بدل الصرفدة في الحرارة وصار هو الي يسوي كل الشغل وانا جالس بس في المكتب وارد على التلفونات واحط الاوراق في الملفات اخر الدوام ومرة اتصل على مدير التسويق في الشركه وسئلني عن حماده (المصري خوينا)قلتلة راح البيت الظهر الساعه وحده طبعا هذا الكلام المغرب قال اية طيب اذا وصل حمادة خلية يتصل (طبعا هذا مدير التسوق في الشركه كلها قلت تبشر من عيوني) المهم وجاك حماده واقولة السالفه اول شيء سئلني قالي قلتلة فين رحت: قلت: راح البيت قال حماده: وليه تقولة كذا ليش ماقلتلة اني رحت اسوي عقود قلت : مو انت الي قلتلي اي واحد يتصل قلة في البيت قال : طيب خلاص انا اكلمه قالي وقع خروج وروح البيت واجيك من البكرة الدوام ولا المصري معصب علي بس يبتسملي ابتسامه ماهي زينة قلت يالله يشلونك ياعبيط المهم مقالي شيء لكن المعامله اتغيرت لو اتأخر دقايق يخصم على المهم شفت الشغلة ماتخارج مرة معه قدمت استقاله وتركتلة الشغل كلة وبعدها بسنة قلت خلني اسئل عنة وحصلتة في نفس الشغل وبنفس الاسلوب حقة - - - احنا الشباب السعودي لازم نعطا الثقة القليلة حتى نعطي الكثير (لكن دام هناك امثال حماده خوينا انسو اي وظيفه ) - - يارب توفق كل الشباب السعودي [طبعاانا منهم لاني باقيلي فصل دراسي واتخرج (مدرس) لكل الوظايف الي في بالهم |
بسم الله الرحمن الرحيم:
الاخوه الاعزاء: قد تكون الخيره فيما اختاره الله لكم فمن ضمن الشباب الذين التحقوا بالجامعات وتخرجوا من لم يجد له وضيفه بل من الافضل له لو انه لم يلتحق بالجامعه لان الشهاده لم تنفعه في شئ بل كانت دراسته الجامعيه ضياع لاربع سنين من عمره كان ليستطيع استغلالها في اكثر من شي لييفيده ماديا . ولكم خالص تحياتي....... |
كلامات دمعت لها عيني لحال شباب هباه الله نعمة الصحه والعقل الا انها مدفونه في صحراء العيش للاقوى ودنيا القوي وضياع الأمانه .
وما اقول في النهاية هو دعائي لكل شاب سعودي بحصوله على عمل يناسب مستواه التعليمي والثقافي تحياتي للجميع |
يا شباب خلونا نتكلم بواقعية أكثر ....
الي قاعد يصير عندنا بالسعودية .. شي فوق مستوى التصديق والعقل يعني الجامعة والتعليم الجامعي حلم مأعتقد يتحقق ألا بــ ( فيتامين ) والباقي الله يخلي الكباين والخضارين على ودنو والله هالحال ما وصلنا له الا المسؤلين .. قسم بالله عندي أشياء لو أذكرها قسم بالله مستحيل احد يصدق بس خلونا من السياسة .. ولا حول ولا قوة ألا بالله والله يعين الجيل الجاي من خرجين الثانوية راح نلاقيهم في الكباين والخضارين وقريبا سعودة محلات بيع الدواجن وكل شيء فيه دخل محدود راح يتسعود والوضايف الرواتب العدلة للأجانب الله يعين كل سعودي على بلواه تحياتي ^*wind*^ |
المفروض نسأل وماذا بعد الجامعيه؟؟؟
الجامعيين واللي معهم شهادات عاليه مو لاقينها حتى يلقوها اللي معهم ثانوي.. |
mr.wind
حتى لو اعطوا مجال للسعودة في بيع الدواجن فهذا افضل مليون مرة من الانحراف ، وكان الله في عونهم ، والله يجازي اللي كان السبب عزيزتي المكلة العقربه ماذا بعد الثانويه ؟ اقصد بها حياة الشباب عموما بعد الثانويه ، وبالفعل اختي كما ذكرتي حتى خريجي الجامعه لم يجدوا لهم وظائف والكارثه ان السعوديه في حاجه الى عماله ، فلا اعلم اين يختبيء هؤلاء الشباب ، أو بمعنى اصح من الذي يخفيهم عن اعين سوق العمل تحياتي للجميع |
صحيح
والله سوء توفر الصناعة هو سبب عطلنا اي هذه البنية التحتية
او سوء الثقة من كبارنا بحيث يأتون بناس من الخارج |
سلاااااااااااااااام ..
قريت أبيات بهذا الخصوص اعجبتني .. واحد يقول الواسطة ضيعتني ... وانا مجموعي فوق سبعة وتسعين والحاجة الي بالخفا ذابحتني ... واحد مقبول ونسبتة خمسة وخمسين رديت وافكار الحقيقة خذتني ... الواسطة ماهي جديدة من سنين الواسطة مثلك تراها نستني ... الله يثبتنا على الحق والدين تحياتي ^*wind*^ |
سوء ثقة كبارنا بالشباب بالفعل هو احد اسباب تعطل عمل طاقاتهم ، ومايدل على ذلك طلب شهادة خبرة لاي متقدم للعمل .
وعليكم السلاك مستر ويند حلوه الابيات وتعبر عن واقعنا الحقيقي تحياتي للجميع |
السلام عليكم ورحمة الله وبركاته
اخوي seesbanربما تكون هذه المشاركه هي اولى مشاركاتي بالرد على مواضع لك وعسى ان ابلغ مقصودك من الموضوع من خلال مناقشتي المتواضعه اخي الود عندما يكون الانسان بااخر مرحله بالثانويه العامه ينتابه شعور بمستقبل واعد ويحلم بالمنصب الذي يتمناه ولكن من هو الذي يسعى الان لتحقيق مراده فكثير من الطلاب هداهم الله لايعرن الاهتمام بتلك المرحله وبالتالي سوف تكون النتيجه غير راضيه وعلى هاذا الاساس يتحطم حلمه ومن هنا نعرف ان مصدر الخطاء من الطالب نفسه وليس من احد سواه ولكن كثرة في هذه الاوان مايسمى بالواسطه وخصوصا في مجتمعنا السعودي فاصبحت الواسطه في الجامعات تلعب دور كبير والكثير من ذوي الجهد القليل والذين لم يحرزن الدرجات الكفئ تراهم هم من يدخل الجامعات وبالتالي اين هي مقاعد الطلاب الكفئ جميعها اخذت من غير وجه حق ولكن على الانسان ان لاييئس من الله فكل انسان ظلم ولم يقبل الله لم ينساه وسوف يعوضه بالافضل ولكن عليه بالجد والاجتهاد بالدعاء الى الله والسعي وراء الجامعات الاخرى فعسى الله ان يبدله بافضل من رغبته التي حلما بها 000 تحياتي لك ,,,اختك المحترمه,,, |
| الساعة الآن 11:15 PM. |