منتديات الـــود - இإشـغـلـت تـفـكـيـري۝۝مـجـنــون زعــلاتــكஇ

اليوم زرعت نخله براس موظف التعداد السكآني ذ1ههههههههههآي شكله كره اليوم اللي أشترك بالحمله هذي اللي مدري وش الفآيده منهآ أول مآ جآني قال باخذ معلومات عن المتواجدين بالبيت وطلبتك لا تقول تعآل بعدين ههههههههههآي وانا قلت بقلبي هلا باللي بيضيع وقتي ، قلت لااا حتى لو كنت مشغول أفضالك ، خدوده حمرت عآد هو هههههه والمشكله انه حط اوراقه على كبوت السياره ويبي يكتب ، قلت وين وين وين يالاخو ، الحين بيت طويل عريض وتبينآ نجلس هنا بالشارع تسئلني وأجوابك ، تبي أبوي يكمخني أنت ؟ ولاعآجبك الجو يعني ؟ قال لا ياخي مايحتاج ومادري ايش قلت قسم لو ما تدخل لأقول لك تراني مشغول تعآل بعدين < ويبخهآ ضحك وقآل لا أجل بدخل ، وينزقط داخل البيت < يعني دخل البيت هههه المهم وأجيب له الشاهي والقهوه وكل ما يقول (بس الله يكرمك) أقول علي الطلاق لأتشرب ثآني مسوي متزوج قدآمه وكل ما يقول بس مابي أحلف بالطلاق وما يردني وعبيت كرشته قهوه وصار ما يقدر يكتب فنجان ورى فنجان ، وهو أسمه عامر وأصله من الجنوبـ الله يستر عليه وين مآ كآن ، المهم بدا يسئلني وطلب أسم أبوي وتاريخ ميلاده وجاوبته وبعدها قال وش أسم أمك وكم عمرها وأناظر فيه بحقد وأقوله وش تقول أنت ، تبي أسم أمي وعمرها ، وش تقول أنت من جدك ولا تستخف دمك علينآ وانا مسوي أكشن وكآني صآدق ، هو هنآ ضاعت علومه ، قلت الحين شفتني كرمتك ودخلتك بيتي وضحكت معك قلت هذا خرطي وشكله درج ، قال ياخي وش فيك كذا انت ، والله مو قصدي شيء ثاني بس هذا المطلوب مني وصدقني كل شيء هنا سري هههههههههههه يووم خلص كلامه وانا أبخ ضحككككك ، قلت أمزح معك وش فيك ضاعت علومك ، ويجلس يرفع القلم فوق ويحلف والله ما خفت ههههههههههه والله فطست ضحك عليه ، وبعدها سئلني عن اخواني وجاوبت وجاء دوري وقلت له اسمي وطالب جامعي وساكن مع امي وابوي والمؤهل اللي معي ثانوي وقال طبعاً متزوج ، قلت لا مو متزوج ويجلس يناظر فيني بعيونه قلت وش فيك تناظر فيني كذا كأني قايل لك أطلع برى هههههه قال أنت قبل شوي تقول علي بالطلاق لاتشرب فنجان ثآني والحين تقول مو متزوج ههههههههههه قلت كنت ابيك تشرب قهوه ههههههههه قال قم قم قم ناد احد اكبر منك هههههههههه اوم التحطيم ، قلت ان رحت انا ماراح تحصل احد كلهم برآ ، أحمد ربك وكمل شغلك ههههههه قال اصلا أمزح معك قلت أيه هين وبعدها سئلني كم عدد غرفـ بيتتكم وأجلس اناظر فوقـ وبعد تفكير عمييييق ، قلت مدري ههههههههههه قال يآخي فكنا من الأستهبآل كم عدد الغرف فيه أحد ما يعرف عدد غرفـ بيته ، قلت والله اني كنت اعرفها لكن الحين تلخبطت لحظه اعددها واجلس عشر دقايق أحسب وأعد وبالاخير عطيته جوابـ وبالاخير طلع غلط هههههههههههههه وبعدها قآل فيه أحد سآكن فوق وأتمنى أنك ما تقول مدري < ههههه قلت ايه فيه اخوي ومتزوج قآل اجل بروح له فوق ، قلت يارجالـ أمسك أرضك أخوي يجيك تحت وانت أسئله ولا شكلك تبي تشرب قهوه مره ثآنيه ؟ ههههههههه ضحك قال والله موب قصدي كذا انت تفكيرك خبيث < قآلها كذا والله ههههههههههههه وفجئه رن جواله طلع واحد من أخوانه جآهم موظف التعدآد مثلنآ ، وجلس يسئله عن تاريخ ومكان ميلاد زوجته ، وأنا أضحك بيني وبين نفسي وهو وجهه أحمر ما يبي يتكلم قدامي ههههههههههآي ويوم خلص قلت ترى ما سمعت شيء ههههه قآل أقولك أخرج قدامي روح أدعي اخوك < باللهجه حقته ههههههههههههه وبعدها ناديت أخوي وجلس عنده وانا عدت أدراجي لغرفتي < ياروحي يا أدراجي هع وخلصت قصتي ، كنت طفشآن قلت ادردش معكم شوي ^_^