|
......
.. تصورت .. إن .. الحرف انسان .. وبيده سكين .. وقال : انت عنقود .. وجاوبته .. بـ نظرة .. إستعجاب .. قال : لا تخاف .. وقلت له .. من تكون ..؟؟ قال : انا حرفك .. بـ صورة إنسان .. قلت : وليه بيدك سكين .. قال : اسمعني بـ إنتباه .. ولا تقاطع .. بـ الكلام .. قلت : تفضل .. قال : السكين تجرح .. وبـ المعنى المشار .. تقطع .. ويكون النزف .. والآخر .. هو الموت لكل حي .. قلت : شي معروف .. ماهو جديد .. قال : ما قلت لا تقاطعني .. قلت : كمل .. وقال : كون بـ شجاعة .. ولوجه الحزن .. صوب السكين .. واجرحه .. حتى يموت .. حتى .. كان مني الذهول .. وقلت عرفت .. يـ الحرف .. قال : وش عرفت ..؟؟ قلت : بعد العمق .. السكين .. رمز مستعار .. للـ ارادة والشموخ .. وبه .. يموت الحزن .. قال : صدقت .. هذا .. هو المقصود .. قلت : اقولك شي .. قال .. كلي لك إستماع .. قلت : تصور ..؟؟ ان المدى .. بحر .. وانت .. به مركب .. تدري .. وش النهايه ..؟؟ قال : شو .. قلت .. راح اغرقك .. وناظرني .. بـ إستعجاب .. قلت : لا تخاف .. هذا .. مني تهديد .. ان .. شفت .. حروفك حزن .. وابتسم لي .. وقال : اودعك يـ عنقود .. وانتهى .. بـ الآخر .. ما تصورت .. .. ...... |
......
.. مدخل بـ نظرة تأمل .. لـ ليل .. امتطى احساسي صهوة الخيال .. لـ يستثير اصابعي .. ترقص على لوحة الكيبورد .. فكانت هذه اللوحه : بنده .. اطراف الغصون .. ترقص .. بـ نظرة عيون .. وانا اتمتم .. بـ أعذب حكي .. حتى .. تتزاحم حروفي .. على اطراف الشفاه .. واستوجب .. هـ المدى .. وانده .. اطراف الهبوب .. تداعب .. طرف شعري .. حتى اذوب .. بين السطور .. بـ حالة .. من جنون .. برسم .. انثى من خيال .. في .. سما هـ الليل .. واهدي .. لها .. من الاحساس .. عطر .. من ورد الانفاس .. واغنيها لأكثري .. ملاك .. غير عن البشر .. واسهر .. حتى .. اضوي بهـ القمر .. واقول يا بشر .. هذه ضيكم .. حتى .. اتوه في دفاها .. واتمادى .. وابوسها .. واغفى .. حتى .. يصبح وجه الفجر .. ويضم الليل .. واودعها .. واقول .. فمان الله .. يـ انثى .. سامرت اوراقي .. بعد ما اشتتها .. في .. وجه هـ الواقع .. دامها .. من خيال .. مخرج كان بـ الآخر .. انبلاج .. وجه الفجر .. حتى صحى احساسي من خياله .. .. ...... |
.....
.. ليه ..؟؟ الظلام .. ما ودع اركاني .. والفرح .. ما يكتمل بـ عيوني .. شو بقى .. بعد .. ما نطق هـ القلب بـ حبك .. ليه ..؟؟ تحرمني شوفك .. وصوتك .. وش ننتظر ..؟؟ بعد .. ما صارت الروح بك .. يعني كذا يرضيك ..!! لو قلت .. انا اتوجع .. بالحيل اتوجع .. بتحس فيني ..؟؟ ما اعتقد .. و قيودك .. وقفت حبي .. على .. حاجزك .. وكله .. من يديك يا حياتي .. اقولك شي : لا نزفت .. وانجرح احساسي .. اكثر واكثر .. لا تشفقي لحالي .. بعد .. مايصير كل شي بالي .. واذا رحلت ..؟؟ كله .. من يديك .. بعد .. كل هـ الحواجز .. وصدقيني .. ما ينزف .. غير من حب بصدق .. وهذا انا .. بصدق حبي .. ارفض كل القيود .. اقولك آخري .. لي ايام .. ونبض الحب متوقف .. والسبب منك .. بقيودك وحواجزك .. آآآه يا قلبي .. كل ماتفرح .. ترد للحزن بجرح .. ماهي غريبه .. يـ قلبي .. هالظلام .. بـ أركانك .. والفرح .. يهجر عيونك .. .. ..... |
.....
.. ما جيت .. الا .. والشوق يدفعني .. ارسمك بعيوني .. واغني لأكثري .. حكايه .. من فصول عمري .. ما جيت .. لاجل .. اكون مجرد هامش .. بهزة رمش .. وهالحظور .. مثل الغياب .. يعني .. تفرضي السراب .. الحب ..!! يا روحي .. ماهو كلام .. او روايه .. من احلام .. الحب .. عمق .. منتهاه .. يعني للجنون .. ماكنت انتظر ..!! تقولي .. كلمة بعاد .. ونلبس .. ثوب الحداد .. اقولك شي : لا تضيعي .. الحب من يديك .. وتعتذري بالظروف .. ترى .. مايجرح القلب .. غير فقد الاحساس .. وانا .. اعرف نفسي .. لا فقدت الاحساس .. سجليني .. بطريق الرحيل .. يعني ذهاب .. بلا اياب .. افضل .. اعيش الحزن .. ولا ابقى .. بحياتك .. مجرد هامش .. وادوس .. على قلبي .. واقول : هذا .. اللي حصدته .. من حبيبه .. ما عرفت تصون .. هذا هو كلامي .. ولا هو .. تهديد .. هي .. نبرة آه .. تحكي .. مافيني من معاناه .. ماقدرت اكتمها .. او .. حتى اتجاهلها .. وختام ما تبقى .. انا جيت .. ارتوي الحب .. واقول : يا بشر .. هالكون هو انتي .. وما لكم به .. وجود .. .. ..... |
......
.. شي عادي .. يثور .. الذات فيني .. بـ بعض المعاني .. دام الفرح اناني .. ووجه الصباح .. ما ابتسم .. له نابه .. ماقلت : شي عادي .. والدليل .. ارتسم بـ هالمقهى .. حبر هـ الكتابه .. حتى .. كان المنادي .. بـ بعثرة .. خرز هـ المسباح .. وشي عادي .. اعجز .. على جمعه .. ابصمت .. واتأمل .. وجه الصباح .. يمكن .. بـ يوم يبتسم نابه .. .. ...... |
.....
.. غريبه .. هي فكرتي .. هـ الليله .. تصورت ..!! ان الحرف .. له ناب .. وللذات .. فيني .. عدة ابواب .. حتى .. عض الحرف .. كل .. هـ الفرح فيني .. وصرخ ذاتي .. يكفي .. يكفي يـ الحرف .. هـ السرف .. ما شبع نابك .. كل ليله .. يعض .. وش بقى .. فيني .. غير ابواب .. بـ داخلها حزن .. نايم .. ومرتاح .. لكن صحيح .. انت .. والحزن احباب .. ما قلت : غريبه .. .. ..... |
......
.. دقيقه .. بـ صحي .. بها هـ الصمت .. واسافر ..!! ما بيني .. وبيني .. يعني .. لحظة إندماج .. لـ إحساسي .. وواقعي .. ادري .. بـ يتنزف به مواجعي .. مو مهم .. الأهم .. انزف وارتاح .. يمكن .. يبتسم وجه الصباح .. بـ نهاية نزفي .. هو صحيح .. ليه امانينا ..!! للـ جفاف .. وليه الفرح ..!! بـ حالة إنعطاف .. خلاص .. يعني .. المنفى منتهانا ..!! رغم .. هـ النبض .. بـ داخلنا .. واليأس .. كلمه بلا معنى .. لكن ..!! ليه الإنقسام .. بـ ذاتي .. زفره من آهات .. اقول شي : هو ليه اصحي .. هـ الصمت .. نام .. يـ صمتي .. لا تشعل .. هـ الليل بـ آهاتي .. .. ..... |
.....
.. صمت .. سكن .. كل الزوايا .. حتى .. فج .. حبر القلم .. بين اوارق .. هـ الكتاب .. وهو يسأل .. ليه يـ الصمت ما ترحل ..؟؟ هناك لأبعد مكان .. وتغير .. العنوان .. ما اكتفيت .. مني ..!! بين .. زحمة الناس .. إلى متى يعني ..؟؟ تدري يـ هالصمت .. لك .. عندي خيارين .. يوم احبك .. ويوم اكرهك .. صحيح حيره .. لكن .. هو انت كذا .. بـ بعض الاحوال .. .. ...... |
......
.. باليه ..!! غصون .. اوراقي .. رغم .. وفرة هـ الحبر .. كذا كان التعبير .. وانا .. اشوف ما بي .. فضا خالي .. الا .. من بعض المعاني .. مثل .. إنكسار القمر .. بـ صورة كسوف .. ورعش .. هـ الكفوف .. وزفره .. في حضن هـ الفضا .. والملامح .. احساس .. من ظلام .. سكن .. بـ داخل النبض .. على .. رصيف السفر .. بين هـ الفضا .. وبـ المنتهى .. خوف .. تكون .. هـ الورقه .. باليه ..!! .. ...... |
......
.. بـ سألك .. يـ زماني .. عن تفاصيلي .. وبقايا إبتهالي .. من .. انا بـ عناوينك .. هو انا فراغ ..!! ولا .. مجرد إستفهام ..!! ولا .. طيف عابر ..!! بس .. لا تكابر .. بـ جوابك .. بـ نقطه .. في مدى واسع .. تدري ..!! قمة الحيرة .. إني .. اجهل من اكون .. وقمة الإندهاش .. إني اجهلك .. لكن .. ليه اسألك ..؟؟ وانت .. مجرد زمن .. ما تملك .. إجابة .. تدري .. وين الإجابة ..؟؟ مجرد فراغ .. يعني .. حاله من محال .. ما قلت لك : إني .. اجهل من اكون .. لكن بـ نتظر .. يمكن .. القى جواب .. به عناويني .. واول عنوان .. بـ صورة تساؤل .. وين هو الوطن ..؟؟ بعدها .. يمكن القى ..!! محتوى .. لـ باقي الاسئله .. واقول : ما اجملك .. .. ...... |
| الساعة الآن 02:17 AM. |