|
. . بعد الفـــــــــاصل .. عدنا لكم :biggrin: واستسمحكم بسرد ذكريات الطفوله وتوقفت عند اقتباس:
اقتباس:
|
. . أبوي طلع ويوم شاف الرجل شهق آآآهــ بس وسلّم على الرجل وعانقه بشدة ولامس مسمعي كلمات ابوي وهو يقول للرجل هلا بأخوي يا الله حييه هذي والله الساعه المباركه صار الرجل عمي - عبدالعزيز - الله يرحمه رجل مكافح له طموح عالي يحب السفر والتجاره لدرجة كبيره وأكثر حياته سفريات كان ابوي يقول لنا ترى لكم عم اسمه ( عبدالعزيز ) وما عمري شفته الا يوم فتحت له الباب . . |
. . كان برفقة عمي ( زوجته الله يرحمها ) وأبنه فهد ( الله يرحمه ) وابنتاه عمي رجل هـــــــادىء الطباع نبيه ومثقف قد اشتغل في شركة ارامكو ما معه شهادة ولكنه يقرأ ويكتب ويتقن الكلام باللغة الانجليزيه كتابة ومخاطبه شـــــــــاعر .. له قصائد في مناسبات كثيره انســـــان محبوب من الجميع له طموح ونظرة كبيره ولكن ما عندهـ صبر لأنه لو واصل عمله في شركة ارامكو لكان افضل له من مغامراته الأخرى يقول ابوي ترك شركة أرامكو وأشتغل في ( السكسات ) وتوضيحاً لــ السكسات السكس نطلقها على الشاحنه المرسيدس الكبيره المخصصه لنقل البضائع يقول ابوي انه يوم الطفره الأولى صارت العمل على السكسات يدخل ارباح خياليه كان الرد من الرياض الى جده يصل الى 20 الف وأكثر . . |
. . يقول أبوي إن عمي أدخل ارباح كبيره وأشترى له بيت كبير ذاك الحين في الرياض وأشترى حوش وسكسات وصار يملك خير كثير ولكنه اخطأ يوم أعطى زمام الأمور لأحد اللي كانو يشتغلون عنده يقول ابوي ( عمك راعي قنص وراعي سفريات باستمرار ) استلم زمام الشركة احد العاملين عند عمي فاستغل غياب عمي الطويل والمتكرر فحوّل حسابات الشركة لأرصدته وباع اصول الشركة وأدخلها في مديونيات كان عمي من كثر طبيته وتقته بك معطيه ( تفويض ) بعد رجعة عمي من احدى السفريات وجد الشيء اللي يدمي القلب وجد صديقه اللي ماكل من خيراته طعنه في غيابه باع كل شيء وتورط عمي في مديونيات وأُدخل عمي السجن لمدة تزيد على خمس سنوات طبعأ كل هذي الحوادث ما اذكرها ولا أعرفها يقول ابوي وقتها كان عمرك سنه . . |
. . يقول ابوي ( بعد سجن عمك صارت قصة يذكرونها كل أهل القرية ) وهي ان جدتك ( أُم عمي ) لأن ( أم ابوي ) ماتت وابوي صغير وعمة ابوي ( أم عمي ) عاشت وحضرت عيالها وعيال عيالها كانت جالسه تبكي على عمك يوم سمعت عن ذهاب كل أملاكه ودخوله للسجن وكان نساء القرية مجتمعين عندها ويحاولون يهدونها ويصبرونها يقولون انها توجهت للقبله ورفعت يدينها للسماء وهي تدعي على من ظلم ولدها وأكل حلاله كانت تقول ( الله يمحاه من الأرض الله حسيبي عليه ) يقول ابوي بعد يومين جاءو أهل الرجل من الرياض للقرية وطلبو من جدتي ان تبيح ولدهم قالو قبل يومين كان مسرع ودخل تحت تريله مات .. واستجاب الله لدعاء جدتي جدتي قالت ( بينا وبينه الله والله ما يضيّع حق ) هذي القصه عبره لمن كان له قلب . . |
. . لي عودة لأكمـــــال شيء من صفحات الذكرى ان شـــــــــاء الله . . |
. . اشراقة تبعثر عتمة المســـــاء وترسم لقلبي دروب الحياة . جمعة مبــــاركة على الجميع 25 - 2 - 1430 هـ |
. . رواد مملكتي الأعــــزاء قطوف شكر وتقدير لتواجدكم على صفحاتي فأنتم نبض إحساسي وجوهره الزاخر عسى الله لا يحرمني منكم ومن طلتكم الغاليه . . |
. . اسمحو لي بالاسترسال في وقائعي التالدهـ وأحب ان انبه اني سوف أسرد القصص بحسب تسلسل عمري وليس بحسب تسلسل القصه نفسها لذا لن استرسل كثيرا في الحديث عن الشخصيات ولكن بحسب وقائعها المتسلسله . . |
. . يكمل لي ابي قصة جدتي ( أم عمي ) يقول ( دموعها لم تتوقف على طول فترة سجن عمك وكانت تبكي كل يوم وكل وقت وتدعي لفلذة كبدها ليل نهار ولكن آآآآآآهــ قبل ما يطلع عمي من السجن بأشهر سلّمت ( جدتي ) روحها لبارئها ( ماتت ) الله يرحمها يقول ابوي ( حضر صلاتها جموع ما لها حد ) ماتت الجده الغاليه ولكن لم يمت حبها لولدها ماتت وهي تحلم تشوفه وتاخذ علومه ماتت وهي تتجرع مرارة ظلم ولدها ومعاناته الله يرحمك يا جدتي . . |
| الساعة الآن 08:06 PM. |