منتديات الـــود - .. ~ {لو ع ــندكـ قطعة فـحـم .. وش تكتب ع الجــدآإاأآر} ~ .. ( مجدده )

من( Christchurch ) وعلى ضفاف الوشن
الباس فيك اللي هدات تروعك

بديار ثلج ماتشوبح بها الـ sun
بديار ما كل في محل به نزولك

ابعث سلام(ن) خالط الهيل والبن
للي كرمهم لاقدمته يطولك

اهلي بدار المصطفى والجبل حن
والي حواليهم كِرام طروا لك

وللشيخ ابن هندي سلام(ن) مثمن
ينصاك يابن الجود ويحوم حولك

ومن(Mount Pleasent) وذيك الجناين
وفي دار ابو احمد يلي عنولك

قلب المعنى يوم شاف الضبا جن
قال الهدب عينه تراهن ضيوفك

يابنت ياشقرا على الهــــون ياهن
روفي على اللي ساحراته عيونك

الطول .. والمبسم .. وخصر(ن) يجنن
كل الصفات الفاتنة في وصوفك

تمخطري وأغري عيونن يودن
واااا بري حالي مشيتك او وقوفك

لاشافك الـ person ولا الحاضر الزن
تسمرت رجلية عيا يطوفك

مطــت شفايفها ويوم ابلج السن
قلت عليك الله يالعذب دوبك

من قبل اشوفك ما اعرف Why من When
واليوم كل التايهــات بحروفـك

وكني كذا سجيت من قبل ما أفطن
وليا الـ Driver صاح ياهيه دورك

are you .. قلت are you mean me? وقال اجل من؟
are you Drink? قلت اقطع الله ضنونك

مابي بلا لكن فتني حلاهن
ودرنكنا ماغير بـنن يشوقك

شفي هذيك اللي خوياتها اقفن
راحت مع الغزلان لحظة وصولك

ويوم افتكرت وقلت مسلم مدين
حذرا جنود ابليس وإن وسوسوا لك

من يوم يا ويلك والاعمال توزن
واستغفر الله عله يغفر ذنوبك

ومنتي بخير من مهات تمكن
مني غلاها ويا هوى الزم حدودك

أمعربة مثل المطر يوم يهتن
صافي هواها وأن تغيبت تصونك

بأرض الجزيرة في بدوها وتمدن
مكنونة(ن) من جنس دمك ولونك

يا درة الياقوت مصنوع متقن
من خالص احجار(ن) كريمة طبوعك

وقتل يا رب الناس يا باري الجن
ياللي وفود البيت يا رب جولك

تصلح فؤادي وانت يارب تحسن
لمعاملتنا واشراف القول قولك

ويالله تصلي عد مأذن مؤذن
وقت الصلاة وعد فضلك ووجودك

على النبي اللي لشرعك مبين
وأهله وصحبه وكل ما جات فروضك

واللي تبعهم وأهلنا وكل مؤمن
بين الرجاء حنا وما بين خوفك