|
باااااااك اميرة يلا نبدأ الشوط الثاني *w استلمي الاسئلة : اول شي احب اقول لك ان الموضوع هذا سبق وانطرح بالمنتدى بس بشكل ثاني والاسئلة حقتي مسروقة من هناك *q يلا استلمي السؤال الاول : لو كنتي مذيعة وصار عندك مقابلة مع شاعرك المفضل او مطربك المفضل ,,, اول شي مين هو ؟؟؟ وثاني شي لو كان بامكانك تسأليه 3 اسئلة بس ,,, ايش راح تكون ؟؟؟ السؤال الثاني : يقولون " أن المرأة لن تعطي فهي دائماً تأخذ لكنها لا تحرق بل هي أشواك قد تتغلغل إلى أن تصل إلى القلب فتدميه ......" ما رأيك في هذا ........... ؟؟؟ السؤال الثالث : إذا أقتصــر الإفصــاح عن المشــاعر المباحــة على جنس بعينه.. وأصبح نفس الدور محرماً على الجنس الآخـــر..في رأيك ألا يختل ميزان العدل البشري بهذه النظرية الرجعية ..ألا يمثل ذلك قمــة الظلم ...ووأد جاهلية بصورة أقل عنفــاً ؟ السؤال الرابع : ما هو رأيك بالاسماء التالية : دبة تسوي رجيم معانق جروح nada زود الغلا عابرة سبيل ميــ قمر14ــشو السؤال الخامس : من هو اكثر شخص ترتاحي لوجوده وتتطمني لما يكون معك داخل المنتدى وخارجه ؟؟؟ السؤال السادس : ما هو قسمك المفضل بالمنتدى ؟؟؟؟ وماذا يعني لك قسم الضحك والفرفشة ؟؟؟؟ السؤال السابع : مطعمك المفضل ؟؟؟ ووجبتك المضلة عنده ؟؟؟ وبس اذا تبغي زيادة علميني وانا جااااااااهز *w واشكرك على رحابة صدرك واجوبتك الحلوة |
السلام عليكم ورحمة الله وبركاتة .. هلا إختي دبة .. <<< تسأل ماعندك سؤال .. أشكــرك على مشاعرك الطيبة .. ويعطيك العــافية .. ماتقصرين .. واللهـــــم طوولك ياروح .. سبحــان الله على الرغم من كثـرة أسئلتك .. إلا أنها .. حلوووووووه وألف شكر لك عليها .. بسم الله .. السؤال الاول : لو كنتي مذيعة وصار عندك مقابلة مع شاعرك المفضل او مطربك المفضل ,,, اول شي مين هو ؟ خـــالد عبد الرحمن .. شــاعر ومطرب .. وثاني شي لو كان بامكانك تسأليه 3 اسئلة بس ,,, ايش راح تكون ؟ 1- بطــاقتك الشخصية .. 2- بيت شعـر دائماً ترددة بينك وبين نفســـك .. 3- طمــوحك بالحياة .. السؤال الثاني : يقولون " أن المرأة لن تعطي فهي دائماً تأخذ لكنها لا تحرق بل هي أشواك قد تتغلغل إلى أن تصل إلى القلب فتدميه ......" ما رأيك في هذا ... ؟ ماأعتقــد إن المرأة تأخذ ولاتعطي .. شلوووون باجر بتصير أم .. والحيــاة أخذ وعطـاء .. وأنا أشوف إن هذة المقولة غير صحيحة .. السؤال الثالث : إذا أقتصــر الإفصــاح عن المشــاعر المباحــة على جنس بعينه .. وأصبح نفس الدور محرماً على الجنس الآخـــر..في رأيك ألا يختل ميزان العدل البشري بهذه النظرية الرجعية ..ألا يمثل ذلك قمــة الظلم ...ووأد جاهلية بصورة أقل عنفاً ؟ مو فــــاهمة السؤال .. <<<< وين قاعدين جيبوا أسئلة عدلة الواحد هذا يقدر يرد عليها .. السؤال الرابع : ما هو رأيك بالأسمــاء التالية : دبة تسوي رجيم : إنســانة طيبة وحبوبة .. وعسى الله يوفقها في حياتها .. معــ جروح ــانق : إنسان شاعري وراااااااائع .. أحترمة كثيراً .. وأحيـان أفكر فية .. وأحب أشعارة .. وعسى الله يوفقة في حيــاتة .. ويعطيـة على قد نيتة .. nada : إنســانة طيبة وحبوبة .. وتعجبني .. مـــاشاءالله عليها .. عسى الله يوفقها في حيــاتها .. زود الغلا : إنسان مع كل النـاس .. تعجبني روحة المرحة .. ويستـاهل كل خيــر .. عسى الله يوفقة .. ويحمية .. عابرة سبيل : شخصية تعجبني .. كثيراً .. وعسى الله يوفقها في حياتها .. ويعطيها على قد نيتها .. ميــ قمر14ــشو : أمممم من الأشخـاص اللي أرتاح لتواجدة معانا بالمنتـدى .. وتعجبني روحـة المرحة .. ومـــاشاءالله علية .. عسى الله يوفقة في حيـاتة .. السؤال الخامس :من هو اكثر شخص ترتاحي لوجوده وتتطمني لما يكون معك داخل المنتدى وخارجه ؟ كثيــــــر .. خارجة ماعنـدي .. السؤال السادس :ما هو قسمك المفضل بالمنتدى ؟ وماذا يعني لك قسم الضحك والفرفشة ؟ المنتــدى الإسلامي .. والفرفشة .. يعني لي الكثيـر لإن في الساعات اللي أقضيها بهالقسم مع الأعضاء .. أنســـى الدنيا ومافيها .. وهذا مطلبي .. السؤال السابع :مطعمك المفضل ؟ ووجبتك المفضـــلة عندة ؟ أممم مطعم منطقتنا .. الهمبرغر .. وسلاااامتك .. ومشكوووووور ويعطيك العــافية .. |
اميرة السراب في سؤالي الخامس ما فهمتيني صح
انا اقصد شخص ترتاحي له من المنتدى وشخص ترتاحي له من خارج المنتدى هذا قصدي واذا ودك باسئلة كمان ترا عندي :D |
هلا ميشوووووووو وأنا جاوبت علية .. دااخل المنتدى .. كثيــــــر .. وخـارج المنتدى .. ماعندي .. السؤال الثالث هو اللي مافهمتة .. وسلاااااااامتك .. |
اوكيه اميرة يعني معقولة ما عندك احد ترتاحي له بحياتك كلها ؟؟؟ :( ما علينا السؤال الثالث وش هو ايه لحظة اترجملك :D السؤال الثالث : إذا أقتصــر الإفصــاح عن المشــاعر المباحــة على جنس بعينه .. وأصبح نفس الدور محرماً على الجنس الآخـــر..في رأيك ألا يختل ميزان العدل البشري بهذه النظرية الرجعية ..ألا يمثل ذلك قمــة الظلم ...ووأد جاهلية بصورة أقل عنفاً ؟ يعني لو منع احد الجنسين من البوح بمشاعره دون الآخر وبالتحديد المشاعر المباحة وش رايك بالكلام هذا ؟؟؟ (هذا اللي فهمته لاني سارق السؤال :D) |
السلام عليكم أشوى لحقت عليها قبل ماينتهي دورها <--------<< ماصدق على الله يلقى حالمه في الفخ*w أول شي مشكوره أختي أميرة السراب على سعة ورحابة صدرك وردّك على اسئلتي متمنياً من المولى عز وجل ان لا أكون قد سببت لك أي احراج بتلك الأسئله الغير متوقعه _ حسب كلامك _ ,,, ثانياً أشكرك أختي جزيل الشكر على اطرائك وإشاداتك الرائعه في شخصي المتواضع خلال أحد ردودك السابقه وصدقيني اطراء من هم في قامتك لهو وسام أعتز به,,, ثالثاً السؤال *w أنا ماعندي ألا سؤال واحد فقط أحب اسألك اياه,, في أحد ردودك على أحد المواضيع المطروحه في منتدى أريد الحل ذكرتي هذا الكلام,,, اقتباس:
سؤالي هل تعتقدين وجود انسان لايعرف الحب ((وكيف إذا كان هذا الأنسان شاعر))؟؟ وهل مررتي بتجربة حب قاسيه لكي يصدر منك هذا الكلام؟؟ أرجو أختي العزيزه ان لايؤخذ سؤالي على محمل كراهيه فلولا معزتك وقدرك عندي لما فرحت بوجودك في هذا الفخ ولما سألتك هذه الأسئله,,,, في الختام لكي مني كل التقدير والأحترام,,,, أخوك / معــ جروح ـانق |
هلا أخوووي .. ميشوووو أعتقد إن هالشخص بيمووووت لإن هذة مشــاعر .. هلا أخوي .. معـ جروح ـانق .. وعليكم السلام ورحمة الله وبركاتة .. أمممم <<<< منحرجة .. إييييييييييييه في أشخــــاص مايعرفون الحب .. وللأســف .. وأنا أسفــة .. على كلمة إنك ماتعرف الحب .. ولكن إرجع للموضوع وشووووف ليش قلتلك هذة الكلمة .. - بصراااحة .. لأ لإني ماأرضى أذل نفسي .. وما ودي أنحـــرم .. من كلمة زوجي حبيبي الأول والأخيــر .. أما إنت ياااميشووو لييييييش مومعقوووول مايكون عندي شخص أرتاح لة .. أنا معتزلة البشر .. وألف شكر لكم على أسئلتكم .. |
هلا اخت اميرة الاعتزال عن البشر موب زين وانا اخوك يعني انتي الحين لو تضايقتي ولا صار معك شي واحتجتي لوحدة او واحد تشكي له وتاخذي شوره من يكون ؟؟؟ ولا ما عندك احد ؟؟ اذا ما عندك احد فبصراحة مشكلة ,,, وانصحك تدوري على احد من قريباتك ولا صديقاتك لان الانسان بحاجة الى صديق يوقف معه بمشاكله وعندي سؤال اخير وبعدها رشحي 3 اعضاء عشان يطيح واحد منهم بالفخ *8 هو فيه لقافة شوي بس معليه باسأل وبامكانك ما تجاوبي السؤال : ليه حاطة تصفح خفي ؟؟؟؟؟ آسف على الاطالة اختي اميرة واشكرك على روحك المرحة بالاجابة وعلى طولة بالك فعلا كنتي ضيفة خفيفة على قلوبنا وكم استمتعنا معك بهذه الايام وانتي بالفخ واحس ان معانق استاااانس عليك وانتي بالفخ ااستغل ضعفك وقام يصكك باسئلة مدري من وين يجيبها عقبال ما تطيح يا معانق ونحجر لك باسئلة ما تعرف تحلها *q <<<< مسوي عاقل ما سوّا شي مشكورة اخت اميرة وننتظر الاجابة والترشيح تحياتي ,,, صحيح نسيت الترجمة : يصكك = يعني يرمي الاسئلة بوجهك او شي زي كذه *8 استاانس = فرح ,,, انبسط واذا في شي ثاني ما فهمتيه اخت اميرة قولي عشان اعلمك :D |
ههههههههههههههه
<<<<<<<<<<<<<<<< داخل علا اسئله اجل اقول روح دورلك مسابقه وخل الاشئله لاهلها مشكور علا الموضع ok ok ok ok اوكيـــــــــــشن |
هلا بك .. أكثــر .. من جد ضحكت عليك .. يالملقوووف .. بس ولا تزعـل بأجاوبك .. مع إن ثالث مرة أحد يعلق علي .. بس كان الجواب بكلمة ماأدري .. بس الحين .. الوضع إختلـف .. <<<< هي بالفخ لازم تجـاوب .. أممم بصــــــراحة .. بصـــراحة .. أحيان مالي خلق أكتب وأضيف ردود .. فأكتفي بالقراءة والنظر للمواضيع .. من غير لا أحد يحس فيني .. أما إذا أحد تحرش فيني بالطريقة هذة لا أرد وأرد .. وبعدين قبل كم يوم غيرت التصفح الخفي .. بس لقيت إسمي مو حلووووو لما ينحط مع الموجودين .. أممم يمكن بعد كم يوم أغير رأيي .. وأتصفح عادي .. أما بالنسبة .. للي أشكي لها وتخفف عني .. أيام أول كان فية .. لكن الحين لااااااا بسبب الطعوووووووون الكثيــــرة .. وبصراحة تعبت وأنا أغض الطرف .. وأســــامح .. أسامح منو وأخلي منووووو .. يااااخووووووي .. خلها على ربك .. أشتكـــــــي لوســـادتي دنياي وأسمعها تنـوح ..... وووووووبعدين الحمد لله الله خلق الورق والقلم .. وهذا يكفي .. والحمــــــد لله على كل حـــال .. لأجــــــــل أول جروووحي تهون .. التوالي .. ونصيحتـك يااخوووي غالية .. وعلى عيني وراسي .. بس رغبتي إني أعتــزل البشر كفااااااني ماجــاني .. وصدقني يااخووووي .. لقيت إن مافي أحد بالكون وأقولها بصراحة .. محد يستــاهل .. صداقتي .. لإن بتجاربي أنا اللي أعطي ولااااا أخذ .. وللحين ماااااااالقيت أحد يستــاهل .. وعلى الرغم من جذي للحين والله أحسن النية بالبشــر .. ولا أسيء الظن .. وعلشان ما أنصدم فية .. أتحاشى الإختلاط معــاهم .. وماأخذ وأعطي معاهم .. بالخصوصية .. <<<< أدري ياااميشوووو تعقدت من كلامي .. ويمكن في نظرك يكون فية من التناقض بجميع أسئلتي .. بس مشكلتي ماأعرف أوضح وجهة نظري بالشكل المطلوووب .. وأنا اللي أشكــــرك وأشكــــر كل من سألني .. وأنا سعيدة بأسئلتكم .. اللي خلتني شوووي أفض عن نفسي .. تحياتي لك ولكل من ســــألني .. وإعذروووني .. على بســــــاطة كلامي .. وأتمنــى من كل قلبي إني كنت ضيفة خفيفة عليكم .. وأعتذر إذا أسأت لأحد في كلامي .. صدقوووني .. إني على نياتي .. _ _ _ _ _ الترشيــــــــح .. 1- معـ جروح ـانق .. <<< أول واحد .. ناوية علية .. ودها بالسنــافي .. بس ميشووو لمح على معـ جروح ــانق (( عميت عليك ياميشوو )) وقالت السنـافي بالجــاي إن شاءالله .. بس معـ جروح ــانق أول .. لإنة بدى بعد .. 2- صقـر الشرقية .. 3- الكنــــــج .. _ _ _ _ _ أعتـــــــذر مافي بنات .. علشان صج يكون فية حيـــرة .. منو اللي يسقط بالفخ .. وأفضل مرة يكون بنات .. ومرة شباب .. وإذا كان فية إعتراض .. منكم العـــذر والسموووحة .. وأترك الترشيـــح لكم .. تمنيـــــــاتي للجميـــع بالتوفيق .. إختـــكم .. حــــــالمة .. |
| الساعة الآن 04:56 AM. |