" " "
ماقلت أحبك لجل وقتي أسليه
لا والذي نجّا نبيّه من الحوت
والحب لو هوسر وأقدر أخبيه
ماقلت أحبك حتى وشفاتي سكوت !!
" " "
لي ناظر(ن) ماغيرشخصك يمليه
كنك دواي وشوفتك طب منعوت
وأن ضاق بالي أذكر اسمك واغنيه
وأتخيلك عل وعسى طيفك يفوت !!
" " "
أهواك وهمي كيف قلبك أهنيه
من كثر ما أسمك في هالقلب منحوت
حتى الخطأ لو جاني منك أمشيه
وأن ما مشا أخلق له أعذار وثبوت !!
" " "
وش الذي يخطر في بالك وأسويه
لو حتى في وسط البحر أبني بيوت
ياللي البحر لو جا في بالك تحليه
مريت صوبه وأمتلى سكر و توت !!
" " "
ولبيه ياللي لو طلبني ألبيه
للجبيل حافي ولو دربه خبوت
لين أندهك (.....) وترد لي لبيه
وأطيح من طولي ويذبحني الصوت