|
مساء الخير حبايب وزوار الود شوفو وش معاااي http://upload.al-wed.com/uploader/up...1275661011.jpg علاج الذنوب وأحلى علاج يزكي النفس ويطهرها هذي وصفه أهدتني أياها انسانه غاليه علي وقالت اذا خلصتي منها أهديها للي تغلينهم ووصيهم يهدونها اهم بعد وتخيلو مدى الأجر الي بنكسبه من ورا هالوصفه لمن فتحت الكرتون كان بوسطه ورقه وهي عباره عن روشيتة العلاج كأي دوا يصرفه لنا الدكتور ولكن هالدوا من عند الله شوفو شكل الوصفه http://upload.al-wed.com/uploader/up...1275661166.jpg http://upload.al-wed.com/uploader/up...1275661261.jpg بكتب لكم جزئيه بسيطه من الي ذكر فيها فهي ماتاخذ من وقتنا دقيقه ان كنت من ذوي القرآءه السريعه ويمكن دقيقتين اذا كنت تطول جاء جزء فيها يقول لكل من يعاني من داء الذنوب لكل من أغرقته المعاصي والأثام لكل من أجهدته المصائب والنكبات لكل من أثقلته الهموم والغموم لكل من ضاقت عليه الأرض بما رحبت ولكل من ضاقت عليه نفسه بما حملت لكل باحث عن السعاده الحقيقه فلم يجدها لكل من ضيق في رزقه لكل من تمنى الولد ولم يرزق به لكل من اتعبه المرض سنيناً وأعواما أليك الحل أليك دواء كل ذلك انه علاج الذنوب الأستغفااااااااار ((فقلت أستغفرو ربكم انه كان غفارا..يرسل السماء عليكم مدرارا.. ويمددكم بأموال وبنين ويجعل لكم جنات ويجعل لكم انهارا)) سورة نوح أيه 10و11و12 وقال صلى الله عليه وسلم ( من أكثر الأستغفار جعل الله له من كل هم فرجاً ومن كل ضيق مخرجا ورزقه الله من حيث لايحتسب) رواه الأمام احمد وأسناده صحيح هذه الوصفه الأولى بقي تسع وصفات البقيه في مملكتي ستكون أسأل الله ان يكون ثوابها وأجرها لوالدي العزيزان وان ينعم على والدتي بالصحه والشفاء العاجل فقد أشتقنا لروحها بصحه وسلام مـ الشوق ـلاك |
مـلاك جزاك الله خير الله يوفقك. نورتي المكان تحيتي |
بنزل لكم صور كلها من تصويري في اكثر من مكان ,, يعني كوكتيل .. وهذا برج المملكـه كنت بطلع من الرياض وانا معدي واشوفه قلت خلنا نصورهـ ع الساعه 11 تقريبا http://up.ta7a.com/ta7a/igb98402.jpg الي يقول لي وش مكتوب باللوحه له هديه ^_^ http://up.ta7a.com/ta7a/VA998402.jpg وهذي الصور يا حبايبي بـ حفر آلبآطن وقت المطر http://up.ta7a.com/ta7a/a9998402.jpg http://up.ta7a.com/ta7a/wrD98402.jpg يا لبيه يا البحر http://up.ta7a.com/ta7a/WC498463.jpg http://files.mothhelah.com/img/Mwp16129.jpg هههههههههه هذي سالفتها سالفه / كنت ناوي اشتري بلاك بيري ,, يوم كنت بالرياض وكلمت خويي قلت له هاه وش رايك ؟ قالي اصبر برسل لك اشكال البلاك وعليك الاختيار ,, وكنت ناوي اشتري ,, لكن العيال ما امدحوه لي قلت له شكرـأ لحسن تعاونك معنا |
|
نجي لبنت "آخوي ", آبوهآ كفخهآ , قمت من النوم لقيتها كذا مدري شنو السبب http://up.ta7a.com/ta7a/jPL11220.jpg |
http://www14.0zz0.com/2010/06/04/21/643432865.gif
مشكور يالغلآ .. الذوق له نآسه ويكفي آسمك الذوق كله .. لك الود والآحترآم .. |
صباح الخير والبال الطويل الهادي الرايق صباح الشارع اللي تزهر وروده على شانك من لسانك صباح النور تشرح خاطر الضايق وش أحلى من صباح النور لاصارت من لسانك.! | ~ |
اقتباس:
لاشكر على واجب . انت تستاهل ... ربي يسملك .. انت منبع الذوق نورت المكان يابعد راسي |
اختلاف الود صباح الانوار نورتي المكان كرري لاهنتي |
يلـي تقولـيـن بـعـد شــوي راجعـلـك أبطيـت وأنـا أحتـضـن بالـكـف جـوالـي نامـت عيونـي كـذا .... وزريـت اجمّعـلـك احلـى كـلام الشـعـور لرجـعـت الغـالـي كـنّـي نـجـوم السـمـا يــومٍ تطالعـلـك يـا طلـة البـدر وســط الشـهـر وآمـالـي حتـى حمـاااام اشتيااااقـي يــوم تسجعـلـك لـعـل قلـبـك يـحـن وتـذكـر وصـالـي ابطيـت و ابطيـت ولّـي كــان يشفعـلـك حــبٍ زرعتـيـه فــي حـلـي وترحـالـي |
جتني تقـول اليـوم حـدك وحـدي
وأنس الغرام اللي مضى يابن الأجواد هات الـذي لاجلـه كتبتـه بيـدي هاته ترى اللي فـات ماظـن ينعـاد قلت السبب قالت عـذاب متصـدي بيني وبينك صـار للأصـل ميـلاد ودي بقربك لكـن النـاس ضـدي ضد الأمل صفـوا عـواذل وحسـاد عصر الجهل بين ولو هـي تحـدي لارفع شعار الرفض والوعي يـزداد وأقولهـا للنـاس وإن ثـار جـدي أصل الفتى طبعه وعلمه هـو الـزاد مير البـلا بـاب بوجهـي يسـدي البنت غصب لرغبـة الأهـل تنقـاد واقفت وأنـا دمعـي تلقـاه خـدي أبكي زماني لكن الدمـع مافاد |
http://www.bntnjd.com/vb/imgcache/75218.imgcache.jpg
يَعنيَ اذا حااصرتَ نفسكْ بَ : غُرفَه بَ تلقىَ شبه منك ؟ ...........وترضىَ , وترتااح http://www.bntnjd.com/vb/imgcache/75219.imgcache.gif حاااول تعيشَ بِ وجهك اللي تعرفَه ,,,,,,,, الأقنعة ماا تَخفيَ الحسْ يَ صاااح..... |
ياحرام ليش كفخها أبووها هاتوا البنت عندي اتسلى وقت الاختبارات معها ^_^
بس والله الصوورة تنفع تصميم ممكن أحفظها عندي ؛) أقوول كحيلااان قول لبنت أخووك تنفع تصير صقيقتي ^_^ |
اقتباس:
ياهـلا بالشينه كلمات رائعه نورتي |
اقتباس:
ياهـلا بمهاااااااوي صحيت من النوم لقيت بنت اخوي ضاربها ابوها نايمه على الدرج يابعد راسي والله ... طاقه الباب وانا ماسمعتها.تبي عمها... يابعد راسي.... تصدقين لاهوشها احد جتني...... الله يحفضها..... ماعندنا بنات لتصوير وتصماميم <<<<<<<قروي ههههههههههههههههههههههههه هي عندكـم بالرياض ....... اخليهم يسيرون عليكـم.......... عرفيها على دحووووووم .... ههههه نورتي يابعد راسي والله يامهاويه |
|
|
عندنا بالريااض أجل انت خالها مو عمها شلون تجي هههههههههههههه
وهي بنت أخووك ^_^ خلاااص وافقت بس هي تسير أووول علينا ^_^ ودحومي تراه سنتين بيطفشها هههههههههههههههه وش هالحركات بعلم الهيئة كوفي شوووب وورد من معك طالع اعترف ههههههههههههههههههه |
اقتباس:
يآبنت الحلآل وش فيك طآلع مع آمه > يبي يرقع ـههههههههههـ يآ ولد كحيــلآن مآ ترقع هآذي موكآ آيه لكن ورود !! دور لهآ حل .. قلهآ تصميم ـههههههههههههههـ .. |
اقتباس:
هههههههههه خطا مطبعي .... لاتدققين اوك بس ناس هاياها ماهو قهوه وشاي بس هههههههههه حركااااااات لما يشوفها راح يحبها وينجن عليها <<<<<<واثق هههههههه مع امــي >>>>>>>>تسذوووب هههههههههه انتي طالعه معاي <<<<<<فضيحه ههههههههههههههههه دخلت كوفي عوائل هههههههه يستهبل معي صديقتي بالجامعه عزمتهاا على كوفي <<<<<<متأثر بمسلسلااااات اقول ... روحي ذاكري والا اجيك امصع اذانيك ...ياشينه ههههههههههههههه |
اقتباس:
ياهلا يابعد راسي والله نورت وحياك الله احلى نقل واحلى شي خاص ياقلبي...... تحيتي لك |
اقتباس:
هههههههههه ماترقع ههههههه يروحو يصوت لمها ازعج جارهـم يامها تصميم تصميم هههههههههه نورت البي |
كحيلان ليش تعدل خالها كان خليتها ههههههههههههههههههه
وبعدين وخروا بس يانصاااابين راحت تتصل على الهيئة تقووول الحقووا فيه عندنا واحد طالع مع بنت هههههههههههههههههه مخاوي ليش ترقع له قوول يمكن طالع مع بنت أخوووه اللي أبوها كفخها وجاب لها هالوورد بس الورد مو حلو ياكحيلان الجووري أحلى << أحد سألك ^_^ |
اقتباس:
ههههههههههههههههههه مخاوي حبيب البي رقع لين عجزههههههه بس ماترقع هذي ههههههه من ستر على مسلم ستر الله عليه يوم القيامه ههههههههههههههههه هههههههه المره الجايه جوري .......طبعا معاك يامها ههههههههههههههههههه نورتي يالشينه |
|
اقتباس:
وبعدين ليش تشيز كيك قطعة وحدة << راحت تحلل الصووورة ههههههههههههههههههه بيقول كحيلان ماراح أحط صووور بعد كذا توووووبه :) |
وشلون قلبك طاوعك تهجريني
الله أكبر وين عهد(ن) خذيتيه وين الوعود وين ذاك اليميني كم مرت(ن) دمعي بكفك مسحتيه واليوم وينك غايبه ماتجيني مشتاقلك والشوق يصرخ ظلمتيه حسي بشوقي يالغلا وأرحميني عودي لقلب(ن)من حنانك حرمتيه لاتقطعين الوصل بينك وبيني قلبي يحبك هايم(ن)لو جرحتيه أنتي أمل عمري وفرحة سنيني |
حبيبي فرحتي بعدك علـي بُعـدك ومشـواري..؟
مـدام بدايتـه ليلـة وداعـك هـذي آخرتـه ... ما بين أنياب غربـه تلتهمنـي وآخـر أخبـاري.. يدونها الخريف ... أخبار غصن مفارق إشجرتـه من أول طاري الفرقا .. وأنا ضايق على الطـاري إلى آخر دمعه أسقت ما كتبته لـك وسطرتـه .. على حاله زماني ما صفا ... وآنا ..! على نـاري غريب وفي رجاء حلم الرجوع الوقـت سايرتـه محطات السفر هم وعذاب ... ودربـه إجبـاري أخذني من حدودك غصب عن قلبي .. وسافرتـه حبيبي والليالـي لـو تحـس بحسـرة السـاري ما سكّنْت السهر جفني.. وفي ذكـراك عطرتـه.. ليالـي مـا تحـس بلوعـة المجـروح وتـداري توالـت مدلهمـه مظلمـه والنـور هاجـرتـه.. قمرها عن عيوني لـه ثـلاث شهـور متـواري وفضاها قفل بوجـه النظـر شبـاك مقدرتـه .. مثل ما قفّل الذنب أوسـع أبوابـه عـن أعـذاري ومثل ما ضقت من بـاب الفضوليّـه وسكرتـه .. احسب الصمت ستر اللي من إحساس الفرح عاري وعلى الضيقة لبسـت ثيابـه ... ومهمـا تدثرتـه يبيـن الهـم لعيـون الشماتـه وارجـع لـداري بهمّ اكبـر مـن الهـم القديـم اللـي تكاثرتـه.. حبيبي والشقـا ... لـو يستبـد وينـزع ستـاري يهـون إذا تذكرتـك معـاي ومــا تذكـرتـه.. |
صدفه وانا امشي شفتها قبال عيني من عقب ماهي غايبه اربع سنين وقفت اطالع مدري وش صار فيني ماكنت اظن تقدر على شوفها العين قالت سعد ماني مصدقه تجيني!! سعد حبيبي الف اهلا وسهلين قالت علامك شوف ماده ايديني؟؟ تعال سلم ياسعد مد الايدين!! او صح نسيت و00ماتشرف تجيني ايه ما اشرف خاينه وش تبي فين مادام خنتك ياسعد ماتبيني؟؟ ولو اتاسف واعتذر بالملايين؟؟ سعد ابشرك من عطيته حنيني اللي انا خنتك عشانه من سنين منه انا شفت الخيانه بعيني ذقت القهر ذقت المذله مع البين يمكن انا هالحين سددت ديني ارجوك ترجع ياضياء القلب والعين ارجوك ترجع ياسعد ياضنيني ارجوك ترجع ياحياتي لي الحين قلت الحقيقه اسمحي واعذريني ما اقدر أأمنك دام في يوم خنتين قالت ابحلف الف حلف ويميني قلت اعذريني دام في يوم خنتين قالت احبك قلت قلبك نسيني ويابنت اصحي واهمه ماتحبين وروحي لخلك ابعدي لاتجيني قالت خدعني00 قلت وانتي خدعتين قالت ابصبر يمكن انك تجيني قلت اصبري وملعون انا كان شفتين ومع السلامه حبك اصبح دفيني ما اقدر احبك دام في يوم بعتين |
لاتــجـرحـيـن الـخـد بـالـدمـع يـاعـيـن &&&& ولاتــضـايـقين اللي من الهم سالي خليـنـي أســلا لـو دقــــيـقـه ويـومـيــن &&&& يكـفي مـن اللوعات شي ن جرالي يامــا ذرفت الدمـع والـنـاس مـمــسـيـن &&&& ويـامـا ذكـرة بـوحـدتـي كـل غالي وياما تــحـضـنــت الألــم والـســكاكين &&&& بين الجـروح الـقــاصـيـة والموالي ويامــا صـبـرت أيــام وشــهور وسنين &&&& ولــولا مـرار الوقت ماتذوق حالي ويامـــا عـرفــت مـن الرجال الكريمين &&&& يــوم الــكـرم والطيب عز الرجالي وياما عرفت وشــفـت نـاس ن مـلاعين &&&& وسـكـنـتــهم بــيـن الثرى والنعالي وكم واحدن ودك يـغــســل الـمــواعين &&&& خـــوذو شــمـــاغــه لبسوه الشيالي لايهمــكــم لـــو كـــان يمـلــك ملايـيـن &&&& اللــي يـبــيــع المــرجـلـــه بالريالي ان جــا لــزومــه يخـتـفي عنك مايبين &&&& أنا اشــهـد ان الطيب صعب المنالي والبعـــض مابـيــن الـمـره والوراعين &&&& اكبــر طــمــوحه يرضي أم العيالي وبالسوق يمــشــي خلـفــها بـالـكراتين &&&& ومتحـضـنـن ورعــه شبـيـه الشفالي وصوت المــره رنـان بـين الــدكاكـين &&&& والــكــلـب يمـشــي خـلـفها مايـبالي لــكن يـبـــقى لـــلـمـــراجل ميـاديــن &&&& فـيــهـــا رجــال ودايــم الراس عالي ناس ن على الـطولات والطيب شفقين &&&& والمــرجــلـــه والــديــن أول وتالي أحـرص على الطيب واحطـه بها العين &&&& وان مــاكــفــتـه العين ياخذ حلالي يامر عـلى روحـــي ولا أقـول بـعـدين &&&& مـــدام راع الـطـيـب هو رأس مالي واوصيك بالأخلاق مع الكـرم والـدين &&&& ان كـان ودك تــرتـفـع لـلـمعــالــي |
ياجوالي اللي ماضقت فزيت لي
................وينك اليوم عني يوم غاب نور عيني الظاهر انك يالجوال مخرف(ن) ومولي ................ازهمك تجيب صوت خلي ماتوحيني ياهيه يالجوال لاتسمعني اصوات ماتسلي ............اصوات البشر ابد(ن) ياجوالي ماتسليني تكفى وانا قلت تكفى يالجوال لبلي ...............حالتي عقبه لاجديد غير الالم وضيقن يكتويني رد علي الجوال وقال واعتذر لي ................العام خلك بصوته العذب يافهد يرويني واليوم يافهد دامه عنك مبعد ومتخلي ................ حرمت على الارسال يمه يرسل وصوته يجيني آه يالجوال لو تدري وش توارالي ................من كلامك اللي كما السيـف والنار تشويني الشـاعــر// فـهد الهدلآني.. |
\\\\\\\\\\\\\\\\\\\\\\\\\\\\\\\\\\\\\\\ هلا بك يابعد عمري ياقلبي انت ياالغالي ........................ تهلي بي عيون الحب من اخر ليالـــــيها * تقول ارجوك لاتهتم انا في احسن احوالي ........................... تبسم لي وهي تمسح دموع العين بيديها * تقول الدنيا وش تسوى اذا ماشفتك اقبالي ........................ ابيع الكون لعيونك لجل لحظه معي فيها * تموت من الالم لكن تبي ماينشغل بــالي ....................... الا ياناس ياعالم وربي من يســــــاويها * وهلت دمعة عيوني بعد ماضاق بي حالي ...................سجدت ادعي بدون شعور الا يارب تشفيها * وقالت لو يشيلوني وعنك شدو ارحالي ......................... امانه يابعد روحي ابي روحك اوصيها * ابيك اجمل من الاول ابي كل ماتهيالي ......................... بعد موتي اشوفك مهتني روحي تهنيها * الاياطـــيبة الدنيا الاشـمسي وظــــلالــي ....................... نهاية روحي من قبلك عسى ربي يبديها * وشالوها بسرير ابيض وزاد الهم غربالي ........................... وضاقت فيني الدنيا وانا نفسي امنيها * وراحت تنتظر رجعه ودمع العين همالي ........................ الا لو العمر يعطى قسم بالله لاعطيها * وطاحت وردة من كفي وانا ماشي على فالي ...................... لقيت الشال في يدي يضمه قلب مغليها * جلست اراقب الساعه واانا ادعي ربي الوالي .................... عسى ياربي يارحمن ياقادر تنجيـــــها * انا من لي بالهدنيا واعيش اشلون بحالي ............... . .بعدها ماابي نفسي وحتى الـناس مابيها * قسم بالله لو موتي يجيني قبلها اشــــوالي ............... ولاابي تبعد و تـــرحل وانا مــااقدر اوفيــها * وجو لي اربع اطباء وقلبي مشتعل صالي ............ امانه هاه قــولو لي امــــانه وش حصل فيها * وقالو وقالو وقالو وقالو وقالو وقالو البقاء براسك وصاب الارض زلزالي ............ تزلزل كل مافيني بكــــــت نفسي وامانيها ولاكني بهالدنيا صرخت بصوتي العالي ......... الا يامصعب الفرقي وروحي من يواسيـــها عسى الرحمن يرحمها ويغفر اول وتالي .........وعسى ياربي بالجنه بعد موتي الاقـــــــــــيها |
جتني تشكّى من عنـا الدهـر فيهـا جتني تقول جروحها ألوان واشكـال جتني وانـا قلبـي حزيـن عليهـا جتني واشوف بعينهـا كـل غربـال قامت تلعثـم واختلـط مـع حكيهـا نغمة حزن أضفت على الصوت موّال ظلم الدهر (شـنّ) المعـارك عليهـا كن البنيـه مهـرة ٍ والظلـم خيّـال لحظـة تأمّـل وقفتـنـي بين ايديـهـا (ضمّيتها) وقامت تشاهق كالاطفـال (عانقتهـا) ودموعـهـا تنتشيـهـا وفتحت انا قلبي لجل تشكـي الحـال فجـأه لقيـت العيـن تنظـر إليهـا شاهدت انا منظر يليّـن لـه جبـال شفـت الغـراق بعينهـا يحتويـهـا شفت الكحل إختلط مع دموعها وسال فزّيـت انـا فـزّت شجـاع ٍ ايبيهـا حبي لها ( قد كـان يبقـى ولازال ) هاتـي همومـك حمّلينـي أبيـهـا أبغـى أشيـل الهـم والهـم ينشـال أبغـى أكـون بدنيـتـك مهتويـهـا هاتي يدينك وانسـي القيـل والقـال إنتي حياتي .. لا .. حياتـي مابيهـا إلا وإنتي بوسطها في كـل الاحـوال يابنـت هاتـي دمعتـك أحتريـهـا أستغفر الله دمعتك (للوضـو) ازلال وان كان قصـدك دنيتـك إتركيهـا خليني اسرح في سما الحب واختـال يالله تعالـي وبسمـتـك إفرديـهـا إمـا نفعتـك والا مانيـب رجــال وكـل الهمـوم السابقـه أنكريـهـا واعترفي بشي ٍ وحيـد ٍ لـك لحـال بمسح دموع ضيقتـك إرفعيهـا وجازي ليال الظلم والظلـم باهمـال والله تـرا الدنيـا حقيـره وفيـهـا فيها الكريم وبسطهـا كـل الانـذال حطيت انـا يـدّي بممسـك يديهـا وابحرت انا والغاليه ببحـور الامـال رحنـا لديـره وردهـا مستضيهـا وعشنا حيـاة الحـب أيـام وليـال |
الموت وينه؟ وينه اليوم انا ابيه يامن يفرحني يقول الفرج جاك عمري بدون اللي انا احب مابيه وش مستفيد ياقلب قلي بدنياك كلن معه خله وخله مهنيه وخلك حلف لك ياقليبي بينساك ياقلب علمني وش محببك فيه لو الامر بيده برجله توطاك ضاعت سنينك وانت متمسكا فيه قمت تراجع لين كلن تعداك ياقلب انت تدعي عسى الرب يحميه؟!؟ وهو عليك يدعي عسى تموت ذكراك والحين تقول لي روح!!يمكن تلاقيه مشتاق لك لكن عجز انه يلقاك ياقلب تذكر يوم انا ابكي واحاكيه واقول شوف دموع عيني ترجاك ترجيك ترجع وسو اللي تسويه كلي تحت امرك ولا راح انا اعصاك قال لي (الرمز)الحب لاتجيب طاريه ابعد ماحبك ما ابي اعيش وياك ياقلب ريحني من الهم والتيه وانساه دامنه حلف لك بينساك اللي كرهك ياقلب لاتصير تغليه والحق على اللي باقي لك بدنياك وبكره بيندم بس محد حواليه وتشوف اذا ماجاك يبكي يترجاك ولاصار صادق سامحه واحتفظ فيه ولاصار يكذب قل اسف نسيناك ياقلب دامك ماتبي الموت انا ابيه لاصرت تذكر من حلف لك بينساك |
مرتنـــــــــي الدنـــــــــيا مرتني الدنيا .. بتسأل عن خبر .. مابه جديد .. عشاق ليلة تفارقوا .. وصاروا بعيد .. لا طاحت نجوم السما .. ولا تاه في الظلما قمر .. لا تاقف الدنيا .. وتسأل عن خبر .. مابه جديد .. اسهل من الكذبة .. على شف الطفل .. فرقى الأحبه يا هوى .. أحلى من الحلم اللي ودي لو كمل .. كانت ليالينا سوى .. لا طاحت نجوم السما .. ولا تاه في الظلما قمر .. لا تاقف الدنيا وتسأل عن خبر .. مابه جديد .. لا تاقف الدنيا .. على أول طريق .. فرقى الأحبه يا هوى .. لا تسأل جروحي متى خان الرفيق .. عهد المحبه والهوى لا طاحت نجوم السما .. ولا تاه في الظلما قمر .. لا تاقف الدنيا وتسأل عن خبر .. مابه جديد .. |
حبيبة القلب خانتها بطاقتها = وانا انتظر ردها والنوم ماجاني لوصار عندي خبر فكيت حرجتها = واهديتها عن (سواء) جوال مجاني ماني براضِ تهل اليوم عبرتها = وانا اعرفن البكاء.. كله على شاني مزوينةِ زينها من ساس جدتها = ماغيرت شكلها بصباغ والواني كن القمر والكواكب وسط لبتها= والعنق وصفه كما كرسي سليماني مافي جميع الخلايـق مثـل صورتهـا= فريـدةٍ فالوصايـف مالـهـا ثـانـي من أخمص قدمها الى أعلى شي هامتها= قطعة ذهب والبهاء صحـه فالابدانـي سبحان من زاد في قلبي معزتها = معزتن فاقت القاصين والداني ياما وياما سهرت الليل حشمتها = ابدع قصيد الغزل واجر الالحاني وليا تسمعت فالجوال نغمتها = أنسى همومي واعيش بعالمن ثاني الشـاعـر: نواف بن رازن |
سلام عليكم ورحمة الله وبركاته وش اخباركم ياحلوين بغيت اسوي مقلب بس المقلب انقلب عليا (لايفوتكم الحزن ) موقف طازه .. في اليوم الصباح الساعة ست ونص .. اليوم قعدت افرفر بي السياره .. جعت ابغى افطر في الكفتريا .. يوم وقفت السياره ... وأناظر في يساري .. والااا .. شفت سياره خوي خالـد.. وخالد هذا بيني وبينه مقالب وهياااااااط ..ماله حدود شفت السياره واقفه وشغاله .. ومافيها أحد !! شفت خالد جالس ينتظر في الكفتريا .. ومعطيني قفاااااااه .. ركبت سيارته بدون مقدمات .. عشقت رويس وجبتها خلف مبنى الكفتريا .. وانا اضحك .. نياهاها وجيت الكفتريا عشان اسلم على خالد ...وفرحان بي المقلب وفجاء اللتفت .. خالد.. واناظر ... اناظر .. واناظر .. طلع العنوان غلط !!!!! الرجال ماهو خالد !! وانا ارتجفت والله ... قلت بصوت مخنوق انت صاحب الكامري ... قال وهو مبتسم .. ايه قلت : انا اسف ياخوي .. اخذت سيارتك وجنبتها خلف الكفتريا .. كنت أحسب ان سيارتك سيارة واحد من ربعي ..سبحان الله نفس الموديل ونفس اللون وبعد فتحه سقف !! وانت يوم معطيني قفاك حسبت هو .. طالع فيني وهو ساكت .. وده يتضارب معي ووده يتفاهم ..!! والناس الي في الكفتريا يناظرون فينا .. انا اعتذ والرجال يبادلني النظرات الحارقه ههههه وجسمي كله حرق .. قال .. ترى في السياره عشرة الاف ريال وجوالين .. قلت في نقسي .. يمكن الرجال يبغى يستغل موقفي وينصب عليي .. قلت ... انا ماخذت شئ .. لو اتضح انا سرقتك اعطيك عشرين الف .. رحت الى السياره .. فك باب السياره .. وهو حاط فلوسه فوق مقد الراكب .. وجنبها جوالين عد فلوسه .. وانا كنت اتصبب عرقا .. خفت لاا يتبلاني هههههههه وطلعت فلوسه كامله .. ورجعت الابسامه في وجهه هههههههههههه اه يا الفلوس عقبها مشيت عنه وهو مبتسم وراضي .. وانا الى الان ماني مصدق .. ان هذا الموقف حصلي ياجماعه والله كاني تابعت مسلسل تركي ههههههه بس بدون لميس ... |
|
ههههههههههههههههههههههه
موقف لاتحسد عليه الحمدالله ان الفلووس مانقصت ريااال وثاني مرة خل عنك وتأكد قال يمكن خويي خالد ههههههههههههههههههههه وربي على بالي وأنا أقرأ قلت ليكون خويه خالد انتبه له وراح ركب سيارته وسواها فيك ههههههههههههههه طلع أكبر من كذا ^_^ |
|
| الساعة الآن 02:50 PM. |