منتديات الـــود - من يسقط في الفخ ؟؟

يمة ميشوووو

ربي يسامحك .. شنو هذا الإنتقام البشع ..

بس تدري أسئلتك حلوووووووووه

ويعطيك العــافية عليها ..

بسم الله ..

السؤال الاول : افطر جيداً وتغدا خفيفاً وعطي عشائك لعدوك ..

مثل صيني .. ماذا يعني لكِ؟

أول مرة أسمع فية .. علشان جذي مايعني لي شيء .. ويكفي إنة صيني ..

يعني مايمشي معي ..

السؤال الثاني : هل الراحه تعني لكِ الاسترخاء الجسدي ..

ومتى تشعرين بأنك بحاجه للراحه؟

الراحة .. هي لما أكون مرتاحة نفسياً وجسدياً هني تجتمع الراحة عندي ..

الجسد أريحة بالنوم .. ونفسياً بالكتابة .. أو سماع القرأن ..

بصوت محمد البراك ..

على حسب الشيء اللي تاعبني ..

السؤال الثالث : ماهو أول شيء تقومين به عندما تستيقظين؟

هههههههههههههه

أقعد إخواني .. وأشيل عنهم البطانيات .. وأجننهم علشان يقومون ..

بعدين أروح أتسبح والباقي معرووووف ..

السؤال الرابع : ماذا يعني لكِ إسم أميرة السراب ؟

ولماذا أخترتي هذا الاسم ؟

إسم أميرة السراب يعني لي الكثير .. ويكفي إنة فية من واقعي ..

طبعاً معناة أميرة على ولا شيء .. ولكن السراب اللي أعنية هني هو الحب ..

لإن الحب موجود لكن مفقود .. وكل من هب ودب قال أحب وهو يجهل

شنو الحب أصلاً والكل يركض وراة إلى مالانهاية وللأسف

نادر مايلقاة .. وإخترت هذا الإسم مثل ماقلت وعرفت معناة ..

بالإضافة .. إلا إنة جا من إن الوقت ضدي .. ولاعمـرة عطـاني ..

السؤال الخامس : لكل شخص طموح فما هو طموحكِ في الحياه؟

طموحي دكتورة بيطرية .. ولكن للأسف ضاع حلمي وأصبح سراب ..

صعب أحصلة .. بسبب رسوبي بالثانوية العامة والحالة النفسية الصعبة

اللي مريت فيها .. ورفضت أدخل المدرسة بعد الرسوب هذا على الرغم

من ضغوط الأهل .. ولكن ضاعت سنة من عمري ماودي أضيع سنة ثانية ..

وأعترف إني السبب بضياعها لإني رفضت الدور الثاني ..

مع إن نسبتي كانت حلوووووه .. بس اللي قهرني الوقت اللي ضيعتة

وأنا أذاكر واللي يزيد القهر إن العلامات كلها حلوووووه

بس دور ثاني في مادة حبط فيني .. الله يسامح من كان السبب ..

والحين طموووحي ..

بس لحد يضحك علي .. أمممم

إني أتزوج .. وأجيب ولد يقولي يمـــة .. قبل لا أمووووت ..

<<<<< حــالمة ..

السؤال السادس : ما هو الموقف المحرج الذي صادفكِ في منتدى الود ؟

أمممم

الموقف .. هو مو لي أنا بس بصراحة أنا إنحرجت منة ..

في واحد من أعضاء المنتدى .. متلهف لمواضيعي .. على الرغم من إنها

نادرة .. وإختي دبة كانت منزلة موضوع .. هو من كثر ماهو متلهف

بالرد علي .. رد على الموضوع .. وشكرني أنا بدال دبة ..

ورد وتعذر وقال فضحتينا أميرة السراب .. مع إن مالي ذنب ..

بس ووووربي هو إنحرج وأنا إنحرجت معاة لإني بالموضوع ..

أما أنا شخصياً الحمد لله ماصار لي أي موقف ..

السؤال السابع : اذا كنتي لست أنتي فمن تتمنين أن تكوني؟

من غير البشر .. أتمنى أكون طير بالجنـة ..

ومن البشر .. ما أعتقد بأتمنى غير إني أكون أنا ..

والحمــد لله على كل حــال ..

السؤال الثامن : متى تحسين أنكِ بحاجه للشعر؟

أكون محتاجة للشعر لما أتعرض لموقف يضايقني .. وأنجرح فية ..

يعني لما أكون متضايقة ومهمومة .. فأكتب علشان أرتاح ..

السؤال التاسع : عندما تنتهين من كتابه شعرك بماذا تشعري ..

بينك وبين نفسك؟

الراحــة ..

<<< أول سؤال تجاوب بعيد عن كثر الكلام .. سجلووها بالتاريخ ..

ههههههههههه

السؤال العاشر : من هو أول شخص يقوم بقراءة شعركِ بعد الانتهاء منه ؟

أمممم

محد .. لإن محد أصلاً يسئلني عنة .. ولا شنو قاعدة أسوي ..

أخيراً وأخيراً ماذا تعني لكِ هذه الاسماء ،،،،

1- الوروود الحمراء .. 2- الحـــب .. 3- الحيـــــــاه ..

4- الشعــــــــــر .. 5- الحمامه .. 6- اعضاء المنتدى ..

1- طبيعة .. والطبيعة تشعرني بالراحة .. وتخليني أو تفتح لي

المجــال للكتابة ..

2- هو عصب الحياة .. ولكن للأسف صار ينزف بالدم .. سراب ..

وكذبة .. دايرة بين هالناس .. ولكنة نادر ماتحصلة .. من إنسان صادق

ويقدر يحـافظ على الحب .. والله يحتاج لمجلدات ومؤلفات كثيرة ..

لتعريفة .. لإنة باب لكنة يفتح لك بوابات تحمل معاني الحياة كلها ..

الحب كلمة غالية .. لاترخص يازين أحلى المعاني ..

3- إختبار صعب من الرحمن .. وهي الدوامة التي نعيش فيها ..

ونحاول التعايش معاها في كل الظروف ..

4- إحساسي بالحياة .. اللي فية أقدر أسطر ذكرياتي ..

وهو الشيء الوحيد بالعالم يقدر يتحملني ..

5- تكسر خاطري لإنها تكون بين أيدي ماتستاهلها .. وودي أجمع كل

حمام العالم .. وأطيرة .. وهي أحسها من الطبيعة والطبيعة مثل

ماذكرت فوق ..

6- بصراحة .. أول ناس أحتك فيهم .. بالطريقة هذة ..

وحبيتهم .. كثير ..

ويعلم الله بمشاعر الأخوة اللي أحملها لكل شخص فيكم ..

وألف شكر لك على أسئلتك اللي من جد حلووووووه

مشكووووووور ..