لاهنت يالغالي ابخبرك بوضوح= العمر ما هو دوم ننهل نعيمه
ما ينفع اللي مثلنا يالخوي النوح= ولا يرجع اللي صار سلعة قديمه
راحت علينا في زمن كل سلتوح=اصبح ينادونه من ارباب شيمه
والله يابو ريان ما عاد من بوح= والضلع الاعوج صار له الف قيمه
شوف المغفل يحتفا به وممدوح= وابن الحمايل ظله اصبح نديمه
قتل المبادي صار ذا اليوم مسموح= وما عاد به مجني وهذا غريمه
هذا خفوقي يحترق من لظا الفوح= من وقت اسهل ما يكون الجريمه
ياذيب خبري فيك دندون طحطوح= تحل عقدتها ولو هي عديمه
ان قلت لي باب الامل دوم مفتوح= اقول ويش يرضي النفوس الكريمه
وين الدوا ياذيب لاصرت مجروح= تعجز خطاي اني اجيب الغنيمه!

المهندس الشاعر/ثامر الحارثي (شاعر الدرر)
23/12/1430هـ

ياصاح .. واللي حدّد العمر باللوح= ربٍ .. يسوق الغيم بأمره .. نسيمه
لا جت على الخوّه ‘ سِواك انت مطروح = معزتك بالقلب .. تملك صميمه
ابن الحمايل .. ترخص لعينه الروح= مابه امل قدره .. يصل له هليمه
وش جاب .. كفٍ فعلها دوم مقدوح! = لكفٍ بوقت الفعل .. تصبح خصيمه!
قتل المبادي .. جرم جانيه مذبوح = بعض الفعايل .. عاقبتها وخيمه
اهون عليه الموت ‘ من عيش مفضوح=ما له مع الآجواد قدر وحشيمه
ما كل ذنبٍ يا ابيض الوجه مدموح = لا صار ما هو من نوايا سليمه
لو العمر ما هو لنا دايمن دوح= تبقى المبادي .. ما حيينا عظيمه
مادام فينا .. عزم / وإبداع / وطموح=المجد ‘ ما له غير يمنى زعيمه
اليأس ياقف .. لا لقى اصرار وجموح=والصبر ما ضر .. النفوس الفهيمه

الليل ماله يأريش العين نظرات=ان كان خوفك نظرة الليل عادي
لاصار مابيني وبينك مسافات=وانت الدوا للقلب وانت مرادي
قربك يرد الروح ويعيد مافات=ومنك النظر يشفي عليل الفؤادي
خلك معي ناخذ من العمر لحظات=ونرسم على وجه الثرى بالايادي
نكتب حروف الحب وتمون نظرات=روحٍ تعانق روح في جو هادي
واسمعك لا قلت سمعني ابيات=ابيات شعرٍ لاجل عينك جدادي
ووصف جمالك في جميع العبارات=لانك شبيه البدر والغير عادي
شوف البدر خجلان من خلف غيمات=راح وتخفى واكتساه السوادي
كل الدروب اللي تودي متاهات=ماينمشي دربٍ وصف بالبعادي
دربي انا لو طال معك انت بالذات=يحرم علي لامشيه لو كنت غادي

ياصاحبي درب الهوى فيه ميلات=إحذر مسيل الحِب والدرب وادي
درب وعلى ماقيل فيه المطبات=منهو مشاه ويهتني بالرقادي؟
كم مرة ٍ فالحِبِ زرت المحطات=مايوم قلت إن الهوى فيه زادي
أمشي وانا اللي صد فالحب هفوات=لا شدّني صوت الهوى والمنادي
أدري صحيح الحِبِ والشوق نشوات=ورده يفوح وريحة الحِبِ كادي
وأيامنا فالحِبِ بالعَدِ ساعات=لحظه! ويبقى في هواك الجهادي
هم وجروح وتقضي الليل آهات=وأدنا كلام ٍ يجْر ِحِك من معادي
فيه الكلام يجيك والقول صيدات=ناس ٍ تِحَرّج والجروح ( إف ) مزادي
تدري حلات الحِبِ لازرت مرات=مشي وخفيف ودون عشق ومبادي
عيش الغرام وحِب كل البنيات=من حَب ريم يحب معها سعاد ِ

,
,
,
,
,
,
,

بعض القوافي تنعش القلب والروح=مثل الزلال اللي من النبع صافي
تروي عطاشا الحرف والضيقه تروح=ويسج به من عاش هجر وتجافي
ماهو غريب الحرف لاجاك له ضوح=يضوي كما بدر(ن) على الكون ضافي
يمشي بنوره كل هايم ومجروح=وفي روعة انغامه تبوح الخوافي
والا كما مجد(ن) على قمة اصروح=له ميزة(ن) مابين شعر وقوافي
هذاك ابو ريان بالطيب ممدوح=حرفه جزيل ويعشق القاف وافي
راع الكرم والطيب له باب مفتوح=مفتوح بابه للضيوف اللوافي
يضحك حجاجه والصدر دوم مشروح=يغنيك عرفه عن خطاة الهلافي
بسند عليه القاف واشفًر البوح=حيثه فهيم وبالمهمات يافي
الحال ياغازي من اسباب مملوح=حالي نحل والفكر فيه اختلافي
ريمية(ن) والحسن طاغي ومفضوح=منها الجمال يغار ويقول كافي
متكمله بالزين والصوت مبحوح= زينه يخون الوصف شي(ن) خرافي
ضاق الصدر والروح ماعاد به روح=راح وتركني واختفى مايشافي

حي الجواب اللي .. شذا عطره يفوح=قافٍ جزيلٍ .. م / اعترف بالخفافي
اهلاً هلا به .. عِد ما يخضر السّوح=واعداد .. ما هبّت هبوب السّوافي
الشاعر اللي .. بالتماثيل ناصوح= عون الرفيق .. ومزبنٍ للضِعافي
ما هو بمن عند اريش العين مسدوح=لا قِيل جوك اضيوف ‘ جاه ارتجافي!
ذاك الذي ما رافقه خطو مشفوح= من مر بيته ما لقى النور طافي
ابن الفريدي للخوي دايمٍ دوح=عن واجبه ما .. يعتريه انحرافي
يشكي عليّ الحال .. ناحل ومطروح= باسباب ريمٍ .. كامله بالوصافي!
وراع الهوى لو هو من الحب مذبوح= لو تسأله : وش فيك ؟! .. ردّد عوافي !
مبسوط بالظاهر وفـ / الباطن ينوح =لو طال صمته بان منه انكشافي
ما الوم قلبك .. من عنا البعد مشبوح= مع الذي نال .. الحسن والعفافي
إن كان ودّك يافهد .. يمّه انروح=أمشي معاك الدرب .. لو كنت حافي
وإن كان ما له فيك .. شفٍ ومصلوح= من صد خلّه .. يافهد للذلافي!
جا لك جوابي يافتى الجود بوضوح=وابشر بوقفة .. صاحبك يالسنافي

لاتعتذر لي مابقى لوم وعتاب=والله مالك في خفوقي مكانه
هذي ثلاث سنين والجرح ماطاب=كل ماطعنته قلت يمكن ميانه
تبطي علي واقول له عذر واسباب=يمكن غلا ويشوف قلبي كيانه
مرت ثلاث اعوام في صد وغياب=ومات الخفوق اللي هدالك حنانه
لاتعتذر وارحل ترى خاطري طاب=مليت وصبري مل منه زمانه
كم اعذلوني عن هوى حبك اصحاب= قالوا لي ابعد خل دربه وشانه
قلت اتركوني في هوى سيد الاحباب=ماطيع انا العذال في حب دانه
مالك شبيه وميزك رب الارباب=لا بالحجاز ونجد وارض الكنانه
كم ليلةٍ سامرت طيفك ولا غاب=وسط الخفوق يجول في كل خانه
يسري بي الهاجوس والدمع سكاب=وطيفك نديم اللي حياته رهانه
مات الوفاء والحب خايف ومرتاب=وخاب الرجا في قلب ماله مكانه
دور على غيري يبادلك الاعجاب= اقسم برب البيت مالك حصانه

هدية الطيب تجي درع ووسام=وتعطيني الدافع لراس الطويله
يانعم والله فيك يالليث ضرغام=يابن الشيوخ الطيبين الجليله
هم عزوة اللي لانتخا بضيق منظام=اهل السوف المرهفات الصقيله
جتني حروفك عطرها ورد وانغام=يابن الشريف اللي قليلٍ مثيله
ياراعي المعروف يالوافي التام=الصاحب اللي ما يعوض بديله
وصلاة ربي عد من كبر وصام=على نبي الحق راع الفظيله

[BLINK]حــــــــــــي[/BLINK]

http://www.alwahoob.com/vb/image.php...ine=1149105218

حي الفريدي شيخ بالروح ينسام=رجل و وفي لاجاك يسوى قبيله
اهلا عدد من حج للبيت كل عام=وعداد منهو زاير ٍ له يجيله
انت الرفيق وجامع الناس إسلام=مير انت زايد يوم منك الجميله
انت الوفا والجود والطيب وحزام=وانت اللذي جوف الضماير نشيله
ساسك رجال ٍ قادت الخيل وكرام=حَرْب ورجال ٍ تِنْذ ِكِر مي قليله
مهما حكيت القول وإن قلت قدام=ابدى بطيب الفعل ثم انتهي له

بالعون لك بالقاف .. ملك وسياده=ولا استغرب اللي مثلها يالخوي منك
لو للمعاني يالسنافي .. عياده=ما اظنّها تقبل بديلٍ .. يجي عنك
بالمختصر .. من دون ادنى زياده=منجم ذهب .. ما ينوجد داخله زنك!

انا اشهد اني حزت اعظم شهاده=دام التواصل بيننا يالخوي (link)
ياللي من ابداعك عرفنا الرياده=وياكم ببحر ابداعكم صاحبي(sink)
انتم هل الابداع...رمز القياده=شئ(ن) بديهي ما يبي له(do you think)

وين ابو ريان ماندري عنه= ياعسى دايم من اخوانه قريب
يشهد الله.... الحشا هو مسكنه = ولو يغيب الود باقي ما يغيب
صاحبك ياذيب تعرف معدنه = يسندك ياخوك في وقتن عصيب
من عرف مثلك لك الله ادمنه =يا خوي الدرب يالنسل العريب
والوفا ما كل واحد يضمنه= ولا يفيد بحالته وصفة طبيب
جاك شور اللي الوفا له ديدنه= ولو تفارقنا ترى تبقى حبيب

( حيّ شور اللي الوفا له ديدنه) =واحد(ن) فيه الرجا لا .. ما يخيب
الوفاء م / أستغربه .. لأنه منه = صاحب الكف النّدي شوره صليب
ثامر .. وياسِعد من هو يزبنه =أشهد انك طب من جرحه عطيب
من عرف قدرك لك الله .. يسجنه =وسط جوفه لا يغيب ولا يشيب
لك على دروب المراجل هيمنه = وصاحبك . لا أحتجت له تلقاه ذيب
جاك من طاروق فكره هيْجَنه =لا زهمته .. جاك مندوبه مجيب

الشيخ ياثامر فقـد كـل تقديـر=وضعه اليم ويشتكي جور وقته
لبس اثياب ٍ شكلوهـا بزاريـر=من صدره المجروح حتى رقبته
العجز عنده صاير ٍ فيه تقصير=بسباب من زوًد معانـاة كبتـه

يابن الفريدي لو تجور المقادير=كل الذي مكتوب لوعشت صبته
ياكم سمعنا من حكايا الاساطير=راحو مثل بستان فارق لنبته
ماغير خل الهم وانسى المخاسير=وارجع لمن ترتاح لامن طلبته

وعليك بقروم الرجال المناعير=رصيدك .. اللي لا بغيته سحبته
عن الخوي ‘ ما يعرفون المعاذير=يذهلك وقتٍ .. بينهم لو حسبته
احرص عليهم بالوصل والمسايير =تطرب وصدرك ‘ كل همّه نكبته