منتديات الـــود - ..₪.. مع بنوتة & بتر فلاي .. للمقالب معنى آآآآآخر ..₪..

السلام عليكم

يسعد صباحكم \ مساكم جميع

اليوم مقلبنا كان مقابلة بعد .. مع سهرتني

وكانت البداية :

اقتباس:

المشاركة الأصلية كتبت بواسطة °l||l°بنوتة شقية°l||l°

السلام عليكم

هلا سهرتني .. خيو أنا وبعض الأعضاء حبينا نعمل مقابلات

ونسأل أسئلة خفيفه

تراها كم رسالة بس

يعني مافيها كرسي ولا ميكروفونات ولا شي يخوف ^_^

ونتمنى نستضيفك .. عندك مانع تكون أحد ضيوفنا ؟

طبعا مثل ما تلاحظون جالسة احاول فيه وأقنعه
مادري ليه جاني احساس انه ممكن يرفض

جاني رده يقول فيه :

اقتباس:

المشاركة الأصلية كتبت بواسطة سهرتني ياحب برتاح

هلاا بنووته

ماعندي مانع بس بقولك كم شغلــه

اول شي انا مسافر بكره ان شاء الله والسفره مطوله حبتين يعني اخاف ما اجاوب على اسئلتكم

ثاني شي اذا اقدر اجاوب عليها اليوم او بكره الصبح مافيه مشكله بس فكوني من الاسئله المحرجه واستحملوا تصريفاتي :Rolleyes:

ثالث شي ممكن اعرف من الاعضاء اللي معك ؟

هذا اللي عندي وانا اخوك وسلامتك

والله يوفقكم

رجعت ارسلت له :

اقتباس:

المشاركة الأصلية كتبت بواسطة °l||l°بنوتة شقية°l||l°

تروح وترجع بالسلامة خيو

لا ان شاء الله بتقدر .. كلها مجموعتين أسئلة وخفيفة حيل
ولا تحاتي مافيها شي محرج .. حنونين احنا وحبايب

و ان شاء الله مارح تحتاج للتصريف مثل ما قلت لك احنا حنونين فديتنا .. والسؤال الي ما ودك تجاوب عليه تقدر تعتذر عن الاجابة عنه وانا اختك

والأعضاء بتعرفهم ان شاء الله أول ما تخلص أجوبه

شد حيلك وجاوب بسرعه عشان لا أعطلك

هذي الأسئلة .. ومثل ما قلت لك فيه أعضاء حاطينها معاي يعني مو كلها مني

1) عرفنا عن حالك شوي العمر .. المرحلة الدراسية .. الهوايات

2)كم عدد أولادك ؟ ووش أساميهم ؟

3) وش سبب اختيارك لهذا الاسم ؟

4) انطلقت انطلاقة صاروخية .. ولمع نجمك من أول اشتراكك بالمنتدى
ما سر هذه الانطلاقه ؟؟ وهل راح تستمر ؟ وإلى متى ؟

هذي المجموعه الأولى .. وبعد ما ترسل اجابتها راح أرسل لك المجموعه الثانية

اقتباس:

المشاركة الأصلية كتبت بواسطة سهرتني ياحب برتاح

1) عرفنا عن حالك شوي العمر .. المرحلة الدراسية .. الهوايات

عمري بيد رب العالمين << استلمو هذي أول التصريفات
المرحله الدراسيه المستوى الثالث صيـــدليـــه
هوايتي متابعة الكوره والسباحه والنت << بغا ينصب عليكم ويقول القراءه وجمع الطابع

2)كم عدد أولادك ؟ ووش أساميهم ؟

والله ماعندي حالياً لكن ان لقيت امهم تعالوا اسئلوني عنهم ^_^

اساميهم ماجت براسي اسامي لكن عندي سكون ونايف من احب الاسامي عندي

3) وش سبب اختيارك لهذا الاسم ؟

سبب اختياري لها الاسم الفنانه ذكرى كنت اسمع اغنيتها وطنت ((حلوه طنت :biggrin::ss33: )) براسي اختاره اسم

4) انطلقت انطلاقة صاروخية .. ولمع نجمك من أول اشتراكك بالمنتدى
ما سر هذه الانطلاقه ؟؟ وهل راح تستمر ؟ وإلى متى ؟

اول شي ما اذكر احد من الموجودين ايام دخولي للمنتدى ومستمرين << حسيت انه بيكشفنا ولازم اسوي شي

وبعدين انا لا لمع نجمي ولاشي ((لاتنفخون راسي بليز :biggrin: )) يمكن صداقة شباب المنتدى والاستراحه وبعض التجارب الحلوه والمره هي السبب الرئيسي

هل راح تستمر ؟
هالسؤال ما له جواب عندي

الى متى ؟
مرات تجيني افكار والفكره الاقرب قد يعتزل سهرتني ولكن لم يحن الوقت بعد ولكن اظن انه قريب

وه

.

اقتباس:

المشاركة الأصلية كتبت بواسطة °l||l°بنوتة شقية°l||l°

شاكرين لك تجاوبك خيو .. بس بعللق على بعض الأجوبة ولو اني المفروض أسأل وبس .. بس ما اقدر ما اعلق وأهذر شوي ^_^

أجل عمرك بيد العالمين .. يعني ما تبي تقول ^_^
الي يسمعك يقول انك ما قلته العام بالألعاب يعني يمدينا نعرفه اذا زدنا عليه سنه << داهية هالبنية الله يحرسها من العين

وثاني شي مو لازم تذكر أحد من الموجودين يمكن هم يعرفونك وانت ماتعرفهم لأنك مشهور ..
وبعدين انت صيتك ذايع والأجيال يتكلمون عنك جيل بعد جيل وسمعنا عنك من قبل لا نشارك

<< مصرة تنفخ راسه

^^^^^^^^^^^^^^
كل هذا محاولة للترقيع ولتضييع السالفة

وثالث شي .. الله لا يجيب ذاك اليوم الي تتركنا فيه يا دب

يالله أتركك مع المجموعه الثانية من الأسئلة .. ولو ان فيه أسئلة أعرف اجابتها بس الأعضاء يسألون عنها

5)من أي مدينه انت ؟ وهل تحب مدينتك ؟
اذا كان جوابك بنعم .. نبيك تقول لنا ليه أو وش السبب
واذا كان جوابك بلا .. وش المدينة الي كنت تتمنى تكون منها

6) عجبتني مشاركتك إلي في المنتدى الاسلامي .. وش سر تميزك بهذا القسم ؟

7)كم لتر مويه تشرب في اليوم ؟

8)وش سر اعجابك الشديد بالفنان رابح صقر ؟

9)حابين نعرف رايك بقضية عقدت الملايين .. مين جاء قبل البيضة أم الدجاجه؟

10)وش رايك بالمقابلة وبكل صراحة .. وايش رايك بالاسئلة ؟

أتمنى ما نكون ثقلنا عليك بالأسئلة .. وأتمنى تكون استمتعت بصحبتنا في هذي المقابلة

اقتباس:

المشاركة الأصلية كتبت بواسطة سهرتني ياحب برتاح

قبل ما ابدا اجاوب
اعلق على تعليقك

روحي احرثي كل الالعاب ماراح تلقين عمري *_*

اما سالفة الشهرره هذي وسيعــه شوي :biggrin:

<< مات من الضحك اثريكم تعرفوني قبل ماتسجلون
<< بدا يشك انه توم كروز

اما سالفة الفراق خليــها على جنب
والله صرت استحي احس الاعضاء يقولون هذا مايستحي على وجهه كم له سنه بالود كل اللي من جيله تركوا الود
<< يبي يعطي فرصه للشباب :biggrin:

5)من أي مدينه انت ؟ وهل تحب مدينتك ؟
اذا كان جوابك بنعم .. نبيك تقول لنا ليه أو وش السبب
واذا كان جوابك بلا .. وش المدينة الي كنت تتمنى تكون منها

انا من تبوك ومافيه احد مايحب ديرته
وماراح اهايط عليكم واكثر حكي بس بقول دايم الشمالي طبعه وفي حتى مع ارضه ويكفي ان اهلي فيها

6) عجبتني مشاركتك إلي في المنتدى الاسلامي .. وش سر تميزك بهذا القسم ؟

انا مدري من وين تجيبون هالمعلومات ما اذكر بالاسلامي الا ثلاث مواضيع كلها قديمه << حتى احنا ما ندري من وين نجيبها .. تصدق ؟!! http://www.up6rb.com/upfiles/7XJ65423.gif

وعالعموم انا من عشاق التميز سواء في المنتدى الاسلامي او غيره لأني ما احب اطرح شي الا اكون مميز فيــه

7)كم لتر مويه تشرب في اليوم ؟

اشرب فاليوم وايت او وايتين بالكثير

وش دراني اقعد احسب لكم

<< بيركب عداد بحلقه يحسب المويا عشانكم ههههههههههه

8)وش سر اعجابك الشديد بالفنان رابح صقر ؟

مين قايل لكم هالاشاعات

انا اسمع لرابح بس ماوصل لدرجة الاعجاب الشديد وبعدين رابح مايختلف عليه اثنان انه فنان له لونه المميز << بدا يجيب كلام جرايد
لامن جد رابح له اغانيه رووعــــه واللي مو مصدق يروح يسمع له

9)حابين نعرف رايك بقضية عقدت الملايين .. مين جاء قبل البيضة أم الدجاجه؟

<< انحشرر :wed24: والله مدري بس اعتقد << قام يعتقد ههههههههه اعتقد ان البيضه قبل وسمعت ان البيض كان نبات اول بس مدري كيف تحول << قام يصررف عليهم من الوسيع هههههههههه

10)وش رايك بالمقابلة وبكل صراحة .. وايش رايك بالاسئلة ؟

بدون مجامله اسئله حلوه ومافيها احراج والله يعطيهم العافيه اللي قايمين عليها مع اني ما اعرف منهم غير اللي قاعد يراسلني

وعساكم عالقوه

اقتباس:

المشاركة الأصلية كتبت بواسطة °l||l°بنوتة شقية°l||l°

<< بتعللق على تعليقاتك هي الثانية

(روحي احرثي كل الالعاب ماراح تلقين عمري *_* )

:wed a3:

اممم اذكر كاني ماني بواهمة اني مرة شفت لك رد وقلت أجل طلع كبر فلانة << وحدة معنا الله يذكرها بالخير بعد كتب عمرها

بس يمكن أكون خرفت أو قمت أتوهم .. الكبر له دور وأنا اختك

<< ما ودها تقول ترى يمكن انت الي نسيت عشان لا تحطمك عقب نفخة الراس الي جتك

أما عن تركك للمنتدى .. لا بالعكس الأعضاء بيقولون الخبرة مطلوبة بالفريق .. ما ينفع لاعبين شباب بس

وان جينا للصدق واحد مثلك خسارة يترك المنتدى .. كان ما عندك ظرف اجلس .. ترى يكفيني اللي راحوا

الله يهديك نكدت على البنيه بهالسالفة

أما الي قال لنا هالاشاعات .. محد

أصلا هذي ماهي اشاعات .. ولاهي مقابلة حتى

السالفة ومافيها أنا وبتر فلاي حبينا نمزح معاك بهالمقلب الصغير راح ننزله بقسم الفرفشة بس بعد ما نخلص مقالب

أتمنى ما نكون ضايقناك .. واذا ما ودك ننزل الموضوع قولي بس وابشر

وطلب صغييييير .. لا تنشر السالفة لأننا ناوين نكمل مع أعضاء كثير

اقتباس:

المشاركة الأصلية كتبت بواسطة سهرتني ياحب برتاح

ابعلق على تعليقك الا علقتيه على تعليقي

لا اظنك واهمه والله يذكر كل الغايبين بالخير ولاتكبرين السالفه

وبعدين بديت تلحسين مخي بعمري انسي الموضوع :wed a3:

من ناحية يكفي اللي راحوا انا اشهد والله المنتدى فقد كثيررر

بس والله فررق بين الاعضاء اللي زمان واعضاء هالوقت مع ان فيه ناس اتركونا ورجعوا لنا بأسامي ثانيه

الله يذكر زمان اول كان يوم تلعب بالاستراحه تستمتع معهم صح اللي اللحين فيهم خير وبركه بس مو زي الاوليــن

انا قلت الحين هالمقابله بتنزلونها بمجلة سيدتي والا المختلف واخرتها بتحطونها بقسم الفرفشه

عالعموم الله يعطيك العافيه انت وبتر فلاي و انشري الموضوع وابشري محد راح يدري الا تبوك الورد وارجوك اعفيني وذوق ومشعل وملكة الاحساس وكل اعضاء الاستراحه هههههههههههههههههههههه

ابشري ماراح يطلع الموضوع ^_*

فتـــك بعافيــــــــه

سهرتني .. تعيش وتاكل غيرها