|
البارح جلست مع الوالد واخوي يتابعون مباراة السعوديّه مع قطر ,, مع انّي انا بجهه والرياضه بجهه , طبعاً اغلب اللاعبين القطريين ماهم بخليجيين ! فااستغربت ! قال ذولي معطينهم الجنسيّه القطريّه عشان دوري الخليج !! والله شي !! وين تحقيق العشر نقاط لحصول الجنسيّه !! والله ياالكوره تلعب لعب صحيح ! باالنسبه لي , لو اغلب لاعبينا اجانب وفازوا بصراحه ماراح افرح بهاالفوز , لأنها ليست من قدم عربي بل افرنجي !! وقال خليجي قال !! |
حـروف عشوائيه أريد ان انثرها هنـا ..! قد تكون ضالّه تائهه ,, لكن باالنسبةِ لي ,, يكفيني صداها بنفسي ولنفسي ,, |
إلـى متــى ...؟؟ |
كانت كلماتي ميّته بلاحياة ,, إلى أن اتيت واحييتها ..! فلما تجعلها الان تحتظر امام عينك ..!!! مـــدى ,, |
مااكتفيـت ..؟؟ |
كنت احسب وقتي مثل لوحاتي ..! اقدر ارسمه على كيفي ..!!! |
ياملهمي ... مابقـى كـلام ...! |
الم اقل انها حروف عشوائيه بلا هدف ..! تائهه ضائعه ..!! فاالحياة ليست لوحـه ...؟؟ |
طال السفر / والمنتظر مل صبـره ......................... والشـوق يامحبـوب / في ناظـري شـاب لد النظـر /خلّك باالكف جمـره ........................ سعيرهـا / في داخـل الكـف شبّـاب |
وشسالفتك ياقلبي ..؟ |
هدوووووووء ماابي اي ازعااااااااااااج ابي اناااااااااااااااااااااااام |
ماالي نفس اسجل دخوول , بس غصب سجلت عشان ماانام قبل صلاة العصر , لأني اذا نمت قبل الصلاه , بيروح علي وقت الصلاه , والبردين من حافظ عليهما دخل الجنّه , وانا ماني عايفه الجنّه ..! كذا ولالا ؟ المهم ,, نبدا اللق لق ,, ماادري عاد عاد هااللق لق وش بيطلع به , بيت شعر او نقد اجتماعي ,, واللي يجي باالذاكره ابسطره باالصفحه ,, وياانا فاظيه من جدّ..!! |
الكاتب والناقد / محمد الرطيّان يقول ان 94% من الشعب السعودي مايعرفون حقوقهم المدنيه , بس هذا مايهمّه , اللي يهمّه هل الـ 6% حصلوا على حقوقهم المدنيّه , أم اكتفوا باالمعرفه فقط ..!! والله انا باالنسبه لي ماابي اعرف , عشان ماانقهر , ودام الواسطه موجوده وهي العلامه التجاريه باالنسبه لحقوقنا فالله يخلف على الحقوق ..! وياحليل الجهل ياحليله ..... |
ياسحـاب / ابطيت مابيّن اخيـالك! ................................. عجـل / لايصـيب الخفـوق شـيّ ٍ شـوق وسهـر وحـب التوابـك ................................ يـرجـي من ظـلال اللقــاء فـيّ ٍ تسرقنـا وتدّعـي انّه من حـلالك ! ............................... ياكيـف تملكنـا !/ وتسومنـا بهيّـن ؟ المــــدى ,,, |
الشاعر / حمد الهذلي , شاعر لفت انتباهي من اول حضور له باالمنتدى لجزالة شعره , وهو من بين الشعّار المتميزين الذين دائماً مااحرص على متابعة جديده , وقبل كم يوم تفاجئت ببيت شعر قدّمه كااهداء لي, وبصراحه هذا شرف كبير باالنسبه لي , ولولا ظروف سفري كان ماتأخرت باالرد لحد الان ,, ـــــــــــــــــــــــــــــ البحر لو ماحضرتك ياروعة المدىجزره بلا مـدك حسافـه نشوفـه اهداء للعضوه المميزه والرائعه مدى ردّي المتواضع : ياكيـف ابـرد لامـن صـوتي غـدى! ..................................... سبّـة من اهدانـا وابـدى حـروفه ياالهـذلي (للبيـت ) روح وصــدى .................................... صـداه باالقلــب الجـم هنــوفه طيـب ٍ على طيـب وجـزل ٍ بـدى ................................... الجـود جــودك / واللابـه معـروفه |
بيني وبينك شـوق/ لو يقـوى ماحكيتـه! ........................................ وبينـك وبينـي شعـور / مالـه جـواب ! دربـك مشيتـه / وغصب دربّي مشيتـه ........................................ دروبنـا مـرّه ! لكـن محكـوم ٍ باالصواب ياصاحبي لك من الحـب قـدر ٍ حويتــه ....................................... كل مااحتـاج ودّك / خـذا منّـك وجـاب ليتـني عن شعـور الهـوى قلـبي نهيتـه ....................................... عشّمـت باالهـوى ظنّي / وظنّي مااستجـاب لو للحـب عقـل ٍ / كان عقلـي قريتـه ....................................... غـاب العقـل / وذقـت لـوعات الغيـاب المـــــدى ,,, |
ماقدرت الحـق / ووصلـت اخر المشـوار ........................................ اثقلنيّ حمـول الشـوق لااكتـب ابيـاتي بغيت اكتـب لك / لقيـت الحرف منهـار! ........................................ عجـزت انقّيلـك اجمــل عبــاراتي !! المـــــدى ,,, |
قبل فتره تصفحت ابياتي وقصائدي القديمه اول ماسجلت باالمنتدى , وكانت اغلبها كيبورديّه , لقيت بعضها رديئه جدّاً من ناحية الوزن ومكسّره والحوادث المروريه فيها موصّله لحد الـ top , كان هدفي انّي اكتب وبس ! يمكن تركيزي كان مشتت بسبب حالتي الصحيّه ذاك الوقت ماادري باالضبط ! المهم ان فيه ثلاثة اعضاء من المنتدى , ماانسى فضلهم علي ومساعدتهم لي في تنبيهي عن الأخطاء اللي بقصايدي , ونصائحهم لازالت بذهني لحد الان ,,واستفدت منهم استفاده كبيره ,, ماادري طروا علي وحبيت اشكرهم , سواء علموا عن هذا الشكر ام لا .... الشاعر / شاعر الدرر الله يذكره باالخير الشاعر والكاتب / رائد النايف واتمنى انّه ماينقطع عنّا الشاعر / فهد الفريدي |
الحليب باالزنجبيل يناديني ,, سي يو ليتر |
قد ابتدي من هنُـا ,, أو أتوقـف هنُـا ...! |
ماعـاد لي خـاطر ياوقت فيـك ... عفتـك .. وانا تـوي ماابتديت مشـواري ..!! |
الخبـر نفس الخبـر / ماطرى علـم ٍ جـديد ........................................ نفـس همّـي والسهـر ومواجـع ٍ فيني تـزيد |
ياوقـت اسـرفت معي وماقصّرت بااسرافـك ............................................. اتعبـت حـالي / وحـالي ناشـف ٍ ريقـه اغرقتني في بحـر همّك / حطّـم الله مغرافـك ............................................ لاجيت اسـج مع الخلـق / كمّلتها بتغليقه! المــــدى ,,, |
الرائعه مدى اعجابك وسام على صدري اعتز به وصدقيني ماكتبت البيت هو قليل في حقك الا من اعجابي بكتاباتك وحضورك المميز والرائع واشكرك من قلبي على ردك الرائع وارجو منك عدم الانزعاج من اعجابي وقول صح السانك على الرد الرائع بروعة شخصك الكريم شا ا ا عر ربعه انما الروعه في حضورك لاعدمنا حضورك وتواصلك باالمنتدى ياالهذلي ,, اعجابك شرف لي ياحمد , وان كنت تقصد اني انزعج بسبب اظهار اعجابك عشان احد مايفهم غلط , ماعليك ولايهمك , الاغلبيه باالمنتدى يعرفون اني مااقبل صداقات , حتى وان ارسلوا ايميلاتهم اسويلها ديليت ,, صح بدنك وماعليك زود ياالنشمي ,, انتطلع الجديدك ولانرضى الاّ بشيله بعد ,, تحياتي |
لـو تبتعـد / طيفـك عنّي ماابتعـد .................................. هاجسي ابسبّتـك يـزيد فيـني ثم يعيـد خـلاص / ذكـرك بروحـي انخلـد ................................. باقــي ٍ فينـى / لـين عمــري يبيـد تاريـخ ميلادي بسهام حبّك انولــد ................................. لين جددت روحـي بكل حرف ٍ جـديـد المــــدى ,,, |
هارد لك لمنتخبنـا ,, |
ماني بمثل غيري ولاغيري بمثلي .............................. كذا ربّي خلقني مرفوعة الهـامه يشهـدلي تاريــخ جـــدّي مع اصلي ............................... وكلّ ٍ بعطــى ربّه يعرف مقـــامه عينـي عيـن حـرّ ٍ ماوسعتهـا بكحلي ...............................والحـــر ماشبّه يـــوم ٍ باالحمـــامه ومن تعــــوّد النايـفه ماوطـى بسهلي ................................قـوّم عمـــود بيته / ماطيّح خيامــه المــــــــــدى ,,, الكبر لله تعالى وانما الابيات بسبب موقف بحياتي الخاصّه ,, وعزّ الله مقام الجميع ..... |
سمعت وماادري عن صحة هاالخبر , ان بعض ملاّك الابل يعطون ابر تنفيخ شفايف لها ...!! يصير ليش لا ؟ هي جت على الحيوانات بس !! عقبال تنفيخ الخدود ورفع الحواجب ..! |
الوصـل مـرفوع والحيـلات مجـروره .................................... والبعـد مجـزوم / والتـوديع الـزامـي |
المكتـوب كايـن والرجـل مسيـوقه .................................. وارواحنـا في سبيـل الغيب منقـاده مااحـد ٍ فـاده كثـر هرجه ومنطوقه ................................. وماكـل من تمنّـى حقـق مــراده مـدى العتيبي ,,, |
استغباء المشاهدين ...! بعض الاعلانات التجاريه ترفع الضغط ! السلعه في جهه والاعلان في جهه !! |
ماقعـد الاّ البقايـا .... والبقايـا قليلــه ...!! |
يازرع قلـبي / الـزرع جـف واديـه ................................ ابطينـا نتحـرّى غيثـه / والغيـث ماجـالي ! حـداني على البيت راعي ٍ من غلا راعيه ............................... خاويــت طيفــه بكـل حلّـي وترحـالي المــــدى ,,, |
نكتـب ولانكسـب من الحـرف غيـر معنـاه! ............................................ وعسـى المعانـي ماتمـوت / وتلحقـه حـروفـه ! مانتعـب في البيـت / ومـتى مابغينـاه جبنـاه ............................................ ومتـى ماجبنــاه / يضيـع وعينـي تشــوفه !! ياوليـف الـروح ظم الخفـوق واحفظ مـداه ............................................ البــوح بليـا حضـورك /مـوّتـه حســوفه ! مـــدى ,,, |
ايـا ياحمـام الدوح ياساكن الدوح ................................ لاوهنيـك كل ماظقـت تـرقـى وانا عليـك اشكي على غير مصلوح ................................ والعيـن ماجفـت لها ايـام غرقـا تنوح لي .. وانوح .. وتنوح وانـوح ............................... لكن مابين النـوح والنـوح فرقـا |
تهيّـض الشـوق / ياشـوق بسكـات ............................. والمشاعر الهجرك صارت عنيـده ! احـاول اشغل النفـس بعض الاوقـات ............................ واتناسـى ذيك الاوقـات الفريده اثـر طيفـك حي ّ ٍ بداخلـي مامـات ! ........................... عايـشٍ باقصى الخفوق إلوريـده ! مـــدى ,,, |
وقفــه مع النفــس يانفــس .... |
1_1_1432 هـ كل عام وانتم بخيـر , وسنـه سعيـده علينـا وعليكـم , وان كان بها خيـر الله يجيبـه , وان كان بها شـر الله يصرفـه عنّا وعنكم بحولـه وقوّتـه .. قولوا آآمين ,,, المـــــدى ,,, |
نفســــك فـــــــوق طـــــــاقتهــا لاتحمّلهـــــا ......................................... وطيبــــــك لايتعــــب ويعلــــن هـــــلاكــه لاتشــــــــره على اللي يمنــــــاه يشمّلهـــــــا .......................................... بيتــــــه متهـــــدّل / ماجــــــدّد حيـــــاكه حنّـــــا العـــــرب / سلومنــــــا نجمّلهــــــــــا .......................................... لو ان بعــــض البشــــر باالحيل شكــــاكه المــــــــــدى ,,, |
ودّي اعاتبــك ..!! |
| الساعة الآن 02:24 AM. |