|
من بـادي الوقـت وهذا طبـع الايـامي ................................. عذبـات الايــام ماتمـدي لياليهـا حلـو الليـالي تـوارى مثل الاحـلامي ................................. مخطـور عني عجـاج الوقت يخفيهـا اسـري مع الهـاجس اللي مابعد نـامي ................................. واصـور الماضـي لنفسي واسليهـا اخالف العمـر واراجـع سالف اعوامي ................................. وانوخ ركـاب فكري عند داعيهـا الوقـت لو زان لك ياصـاح مادامـي .................................. ياسـرع ماتثـرب دربك بلاويـها حتى وليفـك ولو هيّـم بك اهيـامي ................................. سيّـور الايـام تجنـح به عواديهـا |
لهفـة الشـوق مع صاحبي شِطّـــــــه ....................... دروب الاحباب ماهي ابسيطـه قلب ٍ اسرقـه الغظي وين حطّـــــــه ؟ ....................... يامن يعتق المهيــــــوم من ربيطـه؟ المـــــــــــــــــدى ,,, شِطـّــــه = مشقـــــــه |
التناقـض ,,, قد يكون سر طعم الحياة ! نكـرهه لكنّه يُشعرنا بنقلية المشاعر !! فلولا المشقه ماشعرنا بطعم الراحـه حزن وفرح , خوف واطمئنان , مرض وعافيه , خير وشر ,,, ( فعسى ان تكرهوا شيئاً ويجعل الله فيه خيراً كثيراً ) ,,, مــــدى ,,, |
مســاء الشعـر والمشـاعر ,, مســاء البـوح للخـواطر ,, يسعـد مسـاكم ,, |
اللـه عليـــك ياالنفــــس العـــــزيــــزه ................................ بعـــــالي النايفــــــات لك ركيــــــزه وان ماحصلتي / عسى المــوت فـالي ................................ راس ٍ بلا عـزّ ٍ مايســـوى بريـــــزه مــــــــــدى ,,, |
تسألني بنت الحلال في عزيمه ,, معقوله مامعك جوال بلاك بيري ,, وقلت / ليش مو معقوله ؟ قالت / الكل معه قلت / انا ماني مثل الكل يامثبت العقل والدين ! |
ومع الخيل ياشقـراء وياعـرب ! |
لو مااحترمت غيرك / قل احترامك ........................... عـزّة النفـس ياخوي من شرفهـا اغنم الصاحب اللي يثمن كـلامك ........................... مانقـل علومـك واحرف طرفهـا المــــــدى ,,, |
لاتغرّك قوّة حروفي ! فخلفها وتـر ٌ حسّـاس ,, ومشـاعر شفّـافه ,, فااحرص عليها , ولاتجرحهـا .. |
الله يحفظك يابو متعب , استودعتك الذي لاتضيع ودائعه ,,, |
تعبت ... حتى حروفي ماعادت تواسيني !! |
عيني ياللي مدري وش بلاهـا ! ........................... عيّـا لذيذ النـوم لها يحنّـون حسبي على من سبب شقـاها .......................... لارجينا العطاء / للعطا يمنّـون ! العين بلا نظرها وش جداهـا؟ .......................... والمشاعر لروح خلّها يطـرّون عسى الليالي ماتمن/ ياعسـاها .......................... تحن باالوصل ولدروبه يمـرّون المـــــدى ... |
كنت ساابدأ وتوقفت هنا ..! |
ياوقت وش بقى فينا ماخــــذيته؟ ....................... حتى حبل الرجاء منّــــا قطعتــه بسبّتك مصيري قدّام عيني قريته ! ....................... لين صميم القلـــب بروحي فجعته المــــــــــــــدى ,,, |
من يفهم الناس حق المعرفه , ويستطيع أن يفسّر سلوكياتهم ومفاهيمهم ,, فهو شخص قد أنار فكره واسترخى فؤاده واوسع بصيرته ,, قد فهم الحياه , يملك حجة ٌ دامغه لكل شيء , يعلم مالهُ وماعليه ,, لذلك لايستطيع أحد أن يؤثر فيه بسهوله , وإن أجاد بمكره وحيله ..! المـــــدى ,,, |
ماجـور ياقلبي ..!! |
هونـك علينـا ياهبوب الشمـال ..,, |
عفـواً ,,, قلبي جابني لك ,, يقول ذا عنوانك ..! وهذا هو مكتوبك ومكانك ..! عفـواً ,,, هو انا أخطيت ؟ أو غلطـانه يوم انا لك سريت ؟ عفـواً ,,, بس ذا عنـواني ..!! ذا عنـواني ..!!! المــــــدى ,,, |
على العهـد باقيـه / وحبّـي على مبـداه ...................................... تحسـب انّي انسـاك !؟ / هـاذي مستحيـله قلــب ٍ ملكتـه / اصبحـت داه ودواه !! ..................................... ماعــاد به منجــا / ولاعــاد ابه حيـله المــــدى ,,, |
ياانتي متعبـة ياالحيـاة ..!!! |
جـبرني زمـاني على شيّ ٍ ماادانيـه .............................. ضيقـة الصـدر ودمـع التغـلاّقي وقـت ٍ عصـاني مدري وش تواليه ! .............................. افلـس الرجـاء ولاعاد ابه بـاقي المـــــدى ,,, |
مابين سكــون الليــل وصـــدى حـــرفي مشاعر تنسـاق لصفحاتي بسـلام ...... |
النسيـان ,, قد يكـون نعمة ٌ لدى بعض الأشخاص ,, وقد يكون نقمة ٌ عند اخـرون ,, فهو مسألة ٌ نسبيه تختلف من شخص لاخر ... باالنسبة ِ لي , أرى أنّه نعمه ونعمة ٌ كبيره ..! |
لقد تمنّــى أبي هريرة رضي الله عنه أن يكــون طيـــراً .. فماذا نقول ُ نحن ..!! |
مابقـى من الكـلام / غيـر السكـوت ! ..................................... ولابقـى من السكـوت / دمعـة هـدب مانظهـر اللي باالمكنـون / لـو نمـوت .................................... لايحسـبه جاهـل الحــب / قلّـة أدب !! المـــــدى ,,, |
لكـن ,,, أثر للمشـاعر صـوت ! / واحسـب مالها صـوت .............................................. إحسـاس /ماوالله ياالغظـي /بيـوم ٍ كـذب عـايش بـروحـي / وكنّـك للهـوى قــوت ! ............................................. لـو سـألتني عن اسبـابه ؟ قلت انت السبب !! المـــــدى ,,, |
تصـدّق ..!! أحـس ان البـوح معـك صـار مفلـوت ......................................... أسكـرت عقـل راعيـه / وبشوفـك طـرب ياكيـف ابسـلى وحبّـك باالنحر منحـوت ........................................ وقلـب ٍ بين الظلـوع سلبتـه / كيف انسلب !!! المــــدى ,,, |
فقيـر الليــل / ارعـش البـرد اطـرافه ..................................... بليلـة ٍ ظلمـى / قـل الرجـاء فيهـا تاهـت ادروبـه / مايـدري وش اهـدافه ! ..................................... غيـر عبـرة ٍ جمــره / يسطلي فيهـا !! المــــدى ,,, |
خـذني من حـزن نفسـي ..! خـذني ,,, |
مـاالومـك ..!! |
ياكيف ابسـلى / والليـال غرابيـل ................................ والنفس ضاقت باالحمـول الثقيلـه ياصبري المظيـوم ماعـاد ابي حيـل ................................ كل ماقـول هانت زوّدت المليلـه المــــدى ,,, |
دوام الحـال من المحـال ..!! |
قد يفرح بهذه الحكمه أُناس .. ويحزن من واقعها آخرون ..!!! |
لااعلم لما قمت بتسجيل دخوول ..! لااعلم ..!! |
قد لايشعر البعض بمواساة الكلمه ,, لكن لايشعر بعمقها إلاّ روح وفكر مشابه لروح وفكر صاحبها ,,, أليست الأرواح جنود مجنده , ماتعارف منها ائتلف , وما تناكر منها اختلف .. |
مابه كبيــر ٍ / إلاّ وفــوقه كبيــــر .............................. وكــل كبيــر ٍ / فــــوقه الله اكبــــر خـلّك بتــرابك / وانتبــه لاتطيـــر ............................. مــابه طيــر ٍ دام باالعليــــا صبـــر وقتـك ياصاح كما السيف الشطير ............................. انكـس روس قــوم ٍ بوسط القبــــر لـو تصيـر بهاالدنيـــا او ماتصير ............................. ماتغنـم من الدنيـا لو حتى شبـــــر المــــــــــدى ,,, |
لاتجعل من صـدرك فـرناً ... فتحترق به ..!! |
لماذا توقفت ..؟ الم تعلم ان كتاباتك نبع ٌ جاري استقي منه كل يــوم ... فلما الحرمان ..؟ |
الغرب تقدّم في التكنولوجيـا ... تأخر في المعاني الروحيه للقيـم الفطـريه الصحيحـه ..!! من وجهة نظري أراهم في قمّة الرجعيه ..!!! (Are you agree with me or not ) ؟ |
اليوم باالعمل فهمت وش معنى ( لزقة عنزروت ) !! ياالله على نوعيّه من الناس ياالله !! وكاالعاده سوّيت حالة استنفار باالبيت , أي احد يتصل انا نايمه او برا البيت ,, والجوال الف عذر وعذر اطلّعه ,, مع انّي بنت , لكن اعترف ان رغي البنات كثييييييير , الحمدلله ان الاتصالات بفواتير ولاّ كان علوم ! |
| الساعة الآن 05:08 PM. |