منتديات الـــود - || بعـض المسااجـلاات الهجيريـه ( صـووت وو صـددى) .. ||

صفحة 12 من 17

« First

عرض 40 مشاركات من هذا الموضوع لكل صفحة

منتديات الـــود (http://vb.al-wed.com/index.php)

- همس القوافي (http://vb.al-wed.com/forumdisplay.php?f=11)

- - || بعـض المسااجـلاات الهجيريـه ( صـووت وو صـددى) .. || (http://vb.al-wed.com/showthread.php?t=215317)

العـ راعي ـليا

16-07-2009 03:50 AM

يتبع مجاريات مرسى الحروف ..

هذا رد اخي / شاعر الدرر على اخونا / الهامس .. وهو المشرف على همس الأعضاء هناك .

وبدوري رديت عليه ..

اقتباس:

المشاركة الأصلية كتبت بواسطة شاعر الدرر (المشاركة 44423)

يا هامس الابداع بالعون اطربت=مسامعي بابيات دوَى صداها
انا اشهد انك للمعالي تنصبت=والطايلة تشهد لمن هو شراها
ياللي على ايدينك تحرر من الكبت=كل الحروف اللي شكت من عناها
يكفني انك يارفيقي لنا اعربت=عنما يلوج بنفس وفَت نداها
بديتها وكلي فخر يوم عقبت=تحيتي والورد ينثر وراها

اقتباس:

المشاركة الأصلية كتبت بواسطة راعــي العــليا (المشاركة 44452)

حي الرفيق اللي دعيته ؛ ولا خبت=ياللي حروفي ؛ منك تبدي حياها
يا مرحبا بك زود ؛ وانت الذي جبت=معزوفةٍ ؛ ما تنوصف من حلاها
ياصاحبي ؛ في كل مشراف روقبت=للطايله ؛ رجلك سريعه اخطاها
تمشي بغبات الطواريق ما هبت=من يعترض دربك ؛ تسايل دماها
ومشكور ياللي ؛ يوم غبنا لنا نبت= اهل الوفاء ما هو غريبٍ وفاها

العـ راعي ـليا

16-07-2009 03:56 AM

يتبع > مجاريات مرسى الحروف ..

وكعادته اخي / شاعر الدرر ..

قام بالرد على ابياتي بهذه الابيات .. تلاها ردّي عليه .

اقتباس:

المشاركة الأصلية كتبت بواسطة شاعر الدرر (المشاركة 44534)

ياراعي العليا افتخر يوم صاحبت=شرواك ياللي معتلي في سماها
يا صاحبي من بعد لقياك عذربت=بايام طافت قفر تشكي ظماها
ياللي بجزلات القصايد تلاعبت=حتى اذعنت حولك تأكد ولاها
يكفيني انك بالمواقيف وجبت=عني وخلت النفس تلقى مناها
وعز الله اني لو تعزويت خاطبت=عون الصديق وللاعادي عماها

اقتباس:

المشاركة الأصلية كتبت بواسطة راعــي العــليا (المشاركة 44560)

ابشر بعزك ؛ قلتها يوم كاتبت= بإذن الذي نزّل تبارك وطاها
انا لعينك ؛ لا تعزويت جاوبت=يا طيّب(ن) ؛ كل المعالي رقاها
ياسيفي اللي بالملمّات جرّبت=أعداي كفّك ؛ كل ابوها هماها
ما اخشى الخساره ؛ دامني فيك ضاربت= وقربك منى عيني وغاية رجاها
خذني معك ؛ بالسلم وان كان حاربت=لا خير باللي ؛ كلمته ما حماها

العـ راعي ـليا

21-07-2009 02:43 AM

يتبع >>> مجارياتي في منتديات مرسى الحروف ..

اقتباس:

المشاركة الأصلية كتبت بواسطة راعــي العــليا (المشاركة 43925)

ضيف ؛ و لفاكم يا اهل العِرف والجود=وأنتم اطرفكم يالفى الضيف له جـاد
عن واجبه ما أحدن تخـاذل بمجهـود=ولا يشعر انه ضيف من زار الأجـواد
والجود مبطي قيل ؛ من جـود موجـود=ما هو بمحصور(ن) على لقمـة الـزاد
يالله عسى فـي جيّتـه داركـم فـود=والله ؛ ولا قولـة ؛ تفـوّد ولا فـاد

اقتباس:

المشاركة الأصلية كتبت بواسطة الهامس (المشاركة 44055)

يامرحبا بالضيف زود بعد زود=من قبل مايقدع من البن والزاد
ترحيبة يصدح بها كل مشهود=تسمع صداها في مراقيب لشهاد
حي الذي اشعل من الفكر بارود=اللي على فعل المطاليق قد راد
ننثرله الازهار والمسك والعود=في جيته كنه المطر حي من عاد

اقتباس:

المشاركة الأصلية كتبت بواسطة عظيم الشوق (المشاركة 44112)

اهلا هلابك عدما برق ورعود=وعداد ماهل المطر صوت رعاد
وعداد مافي الارض من رمل وحيود=ترحيبة تنشر على بيض لمجاد
ضيف لفانا حل بالقلب ويسود=مكانته وسط الحشا بالغلا ساد
دام الشعر له قاف في بدع وردود=فانا على بدع المحاريف رداد

العـ راعي ـليا

27-07-2009 03:18 AM

مجارياتي مع أحد الآخوه في منتدى آخر ..

أتمنى أن تجد قبولاً عند ذائقتكم ..

تقبلوها .. مع صادق الوود والتقدير ..

رااعــي العــلياا ‘

اقتباس:

المشاركة الأصلية كتبت بواسطة عزيز القوم (المشاركة 821175)

بهيت بك يابو عيونٍ مراييش=لك نظرةٍ تذبح وتهدم كياني
تقفي وأنا أدور عليك بمناقيش !=وش ذا الجفا ياملح ذاك المكاني ؟
وإن كان عزمت فلا أقول لك ليش ؟=وشلون أهين النفس وأنا قحطاني ؟

اقتباس:

المشاركة الأصلية كتبت بواسطة راعي العليا (المشاركة 823354)

نيّار ‘ سبب لي مع الوقت تشويش=الله بلاني فيه ‘ وانا بمكاني
نظرات عينه كهرباء واصل الفيش=تيّارها ‘ ما يرحم المودماني!
من تلْمحه يصبح ‘ كما ذعّة الريش=هذا اذا ما صاب عقله جناني

العـ راعي ـليا

27-07-2009 03:29 AM

يتبع .. >>> ما ذُكِر أعلاه ..

اقتباس:

المشاركة الأصلية كتبت بواسطة عزيز القوم (المشاركة 823435)

حي الله اللي ما زهى بالدناديـش=أهـلاً هلابـك ياصحيبـي وبيـاك
عداد من عدى بروس المخاريـش=وعداد ما حيِ من النـاس نـاداك
يآخوي ماحنـا بالمحبـه دراويـش=لا والذي من بدت النـاس سـواك
أدري لفاكم تالي الوقـت تشويـش=ومن الزمن خابت هجوسك ورجواك
جتكِ هروجٍ من ضميري تناويـش=فيهـا أبيـن قصتـي لاعدمـنـاك

اقتباس:

المشاركة الأصلية كتبت بواسطة راعي العليا (المشاركة 823841)

نيّة صحيبك ‘ يا بعيد المطاريش=حمامةٍ بيضاء ‘ على رف شباك
ماهي لك الله ‘ بوم وإلاّ خفافيش=ما اتشوفها إلاّ ، يا اختفت شمس دنياك
لو أنها تركض ورى ‘ حبّة العيش=تموت جوع ‘ ولا تعكّر صفو ماك
ما همّها ‘ بحث الخفا والتنابيش =لا والذي للعيب ‘ يا صاح عدّاك
يا ابن الذي بالمعركة ينطح الجيش=أنا لــ عينك ، من يسارك ليمناك‘

العـ راعي ـليا

27-07-2009 03:45 AM

يتبع .. >>> ما ذُكِر أعلاه ..

اقتباس:

المشاركة الأصلية كتبت بواسطة عزيز القوم (المشاركة 824798)

يامرحبا بأهل البيوت المطاريش= اهلا هلا ياراقي الحرف حياك
الي يقدر يهنى مع البعد ويعيش= خله مثل ماراح عنك وخـلاك
لاتسأله وشهوله غيابك وليـش= ولاتخلي احساسك يبيح إخفـاك
حاول تبعد عنه ياصاح بشويش= حتى ولو حبه معك فاق الادارك

اقتباس:

المشاركة الأصلية كتبت بواسطة راعي العليا (المشاركة 825156)

حييت ياللي ‘ ما تجي بالبخاشيش=حيث ان مبداها ‘ على عكس مبداك
رزين حرفك ‘ ما اعترى خطوتك طيش=انا اشهد انك عون من جاك ينخاك
من روس قومٍ ‘ فعلها ما عرِف قيش=متحدّرن ‘ من نسلِ قحطان مجناك
يا صاح جرحٍ ‘ يزعجك كل ما نيش=صبرك عليه ‘ ارحم ‘ ولا تشمت اعداك!

جنون شاعر

30-07-2009 09:44 PM

يا راعي العليا وياِبـْن المعالي *** جتـْك ـاِبـْسلام الود في منتدى الود
عالي وقافك نجم بالحيل عالي *** والماس والياقوت لك ماتجي ند
صغت الذهب في قاف غالي وغالي *** ماله ثـَمـَن أو وصف يوفيه لو مد
وأقبل سلام الودّ جابه مقالي *** يوصل لتاج الشعر في منتدى الود

وسلامتكم
جنون شاعر

العـ راعي ـليا

02-08-2009 04:12 PM

اقتباس:

المشاركة الأصلية كتبت بواسطة جنون شاعر (المشاركة 3588399)

وأنت سالم وغانم

وصح الساانك ولا هنت

وااافيه من راااس وااافي لا عدمناك ..

تقبل تحيّتي ولي عووده ‘ بإذن الله .

دمت بحفظه ورعايته ‘‘

العـ راعي ـليا

02-08-2009 09:21 PM

اقتباس:

المشاركة الأصلية كتبت بواسطة جنون شاعر (المشاركة 3588399)

يا راعي العليا وياِبـْن المعالي =جتـْك ـاِبـْسلام الود في منتدى الود
عالي وقافك نجم بالحيل عالي = والماس والياقوت لك ماتجي ند
صغت الذهب في قاف غالي وغالي =ماله ثـَمـَن أو وصف يوفيه لو مد
وأقبل سلام الودّ جابه مقالي =يوصل لتاج الشعر في منتدى الود

وسلامتكم
جنون شاعر

أهلاً .. هلا بك ‘ ياكريم السبالي=يا ابن الذي ‘ بالمعركه يزحم الضد
أعداد حبّاة الحصى ‘ والرمالي=تحيّة من خاطري ‘ لك تجدّد
يا شاعرٍ قافه بوزن الجبالي=اجنون شعرك ما توقِّف على حد
اليا بغيت القاف جاك ارتجالي=على الهدف ما اخطاه ‘ صابه وله هد

العـ راعي ـليا

08-08-2009 07:31 AM

اقتباس:

المشاركة الأصلية كتبت بواسطة طع شوري (المشاركة 3617008)

مساء الخير وكل عام وانتم بخير

اهنئ الجميع بقدوم شهر الخير والمحبه

حبيت ان اقدم لكم هذه المساجله بيني وبين الاخ \ ماجد الفريدي .. يقول الاخ ما جد :


	عزي لمن مثلي قضى العمر مقضوب=راحت حياته بين سادس وعشرين طول الليالي صوب والناس في صوب=ماارتاح بالمجلاس والناس سالين لحني همومي ! مثل لحية! الهوب=وتثور في صدري سوات البراكين على ليالي ماضيه عزها دوب !!=دوم اذكره من جملة ايام واسنين سنين راحت كلها لعب ملعوب=لاخلصت ديان ولامن ملايين يابو مشاري شوقنا اليوم محجوب =ومن يخسر الدنيا ترى الفوز بالدين ( ماجد الفريدي )

رديت عليه بمتواضعة اقول فيها :


	قافك لفاني تشكي القلب منهوب=هات السبب واذكر لي العلم هالحين والله اني مالبس من دونكم ثوب=يا بو خالد ياصعوط ,,, المجانين لك بالمراجل بصمة ارجال ودروب=ولك بالنوايف رمز وايضا عناوين قولك صحيح الوقت غالب ومغلوب=وهذا الزمن ما ينعرف له قوانين دورة ايامه تشبه ارقام حاسوب= بين الرموز ارقام نقطه وحرفين يا صاحبي ( كلش ) مقدر ومكتوب=شي(ن) قديم وماضي له براهين ولو زانت الدنيا ترى العمر محسوب=رحلة شقاء محصورة بين قوسين يالله ياغافر الزله ويقابل التوب=ياللي خلقت ادم وحواء من الطين لامن وضعت اللي على النار منصوب=تجعل خطاوينا كما البرق عجلين

الساعة الآن 04:23 AM.

صفحة 12 من 17

« First

عرض 40 مشاركات من هذا الموضوع لكل صفحة