|
لي رجعهــ حسب طول الغزوهـ !!
|
رجعت لا ماجرجرت الخيبه خخخ اليوم غير شكل مزاجي شبه مرووءء
والله مادري يمكن دقايق ارجع لضباب غائم جزئيا ... الموهم علي قوله وحده من الناس يمكنها تراقبني بدربيل الحين <<< @ ــــــ @ * كنت اتابع فلم ختير قدن يالهوي بس علي الهنود ومومباي .. قلت عطني كتالوج اخر الافلام المصريه لقيتها ماتغيرت هم المصاريه نفسهم لاستخفو دمهم يصلعان لبسو باروكه وسو لنا سلفستر ستالون كح غبار يقدمي ... والا سخافه دم ورقص هشك بشك بدون سبب ومياعه عجايز مرقعات وجيهم بسلكون مصاصه بزران .. يالبي بوليود وامتاب بشتان والعايله الكريمه قريبا بنضم لهم بهو <<< كنّه * ياشيني اليوم احاول اكون زريفه وانا نفسي ماهضمتني << ليش الكون اليوم كنه ماهو غريب علي ليش احس ان هالدنيا كنت قبل مائه عام فيها .. فلسفه حلم شفته البارح .. ولو ان البارح كنت اشخر من بدري ماعاد اتحمل اسهر ولو ان كانت لنا قعدات حلوه بس معوضه في انقلابه اخري وترجع بوصله تكويني الجسدي والنفسي واسهر مجدد .. * عين علي الباب وعين علي الشبـــآكـــ::::: تشتت ذهني والكون وآحد ... |
كنت اتفرج علي صور قديمه .. ذكريات ناس راحت وناس كبرت وناس تغير طبعها وناس تفارقت وناس خسرت وكلهم في فلك يسبحون ...
الا انت يامن تملك فكري وقلبي ودمعي لك .. اشتاق لك ان كنت او ماكنت ياه يبه شقد في قلبي حرقه.. اتذكر ايام كنت اطلع معك للبر يوم كنت شيطانه والا فيه بنت تروح من غير امها .. انواع الاحراجات كنت اسببها له ومع ذالك عمره مانبهني اني بنت .. حسبت لحظات اني صبي .. رحمك الله يالوالدي ... فتره حزن تجاوزتها اربع سنين تمر وكل ماشوف صورتك دمعي يخر غصب عن عيني .. * |
مهما كبرنا وشعرنا شاب :: في وجودكم نظل صغـــــــــــآر
|
اليوم فكري محتار يدور له خيط بدايه لفكره تفجر اكوام اوراقي ...
لكن خمول الاحساس وتبارد المشاعر جمدها في فريزر الغرفهـ .. |
لحظات انتظر فيها قافلهـ الامداد الفكري :: اليوم الابداع غايب يمكن عشان عطلهـ ..
برجع او يمكن مارجع يكفي اليوم سجلت حضوري شبه غايبهـ |
رجعت والله ستر علي والله كنت بجرجر الخيبه وامها الي جابتها .. وجه <<<< منذهل
كنت بسياره انتظر محل الحلويات يفتح عشان شخص مزعج يبي شكلاته وككاو ابو نجووم .. المووهم علي قوله وحده الله يثتر عليها . . وجه خبيث << قلت بدل ماتضيع الدقايق وانا انتظر يفتح المحل خل اتطمان علي خيتي لي منها اسبوع وادق واندمج بسوالف وينتهي رصيدي مثل كل انثي ثرثاره بيدها تلفون وحصلت سوالف ونمنمه ختيره << والجهه الاخري ماخلصت سوالفها دقت والمحل فتح وخلصو منه ورجعنا البيت وانا دودود علي قوله سعيد صالح .. الا وصلنا البيت اووف اقصر صوتي لايسمعوني جيرانا وانا ادخل البيت والجوال بذوني واصعد الدرج وانا اسولف ولا احلفي بربك الله يقطع الرقاله وسنينهم صج يخيه للحين مارجعها اوف هو ليش انتبهت اني في غرفتي قلت والله طولت عليك يختي قالت ايه والله توني مسدده الفاتوره الف ريال <<< عاد الحين صرت ذوق قلت يلبي قلبك خلاص انا اكلمك لاشحنت رصيدي ... مع السلامه واقعد ارتب اغراضي انا ست بيت << احب ترتيب غرفتي بيدي ماعتمد علي خادمه بالاخير انتبهت اغراض ناقصه قلت يفلان تعال روح مع السايق جيب الخ الخ ... عيب اغراض حريم << الا انتبه لشي ختيرررررررررررررررررررررررررر شنطتي وينهااااااآآآآآآآآآ........... ياخراشي يوم اسود ومنيل الحقو يعيال ياعالم يبنات شنطتي نسيتها يوم كنت بسياره اسولف ... ويروحون يدورنها اشوه لقوها مكانها وربي سلمها من حراميه الشارع والا خطر السايق ماشافها .. الحلا ل مايضيع لله الحمد <<<وجه يجهشششش .. تنبيهــ::::: ارجو من كل انثي الانتبااه كثره الثرثره تودي الي طريق الفقر ...! * |
ياساتر ياربي والله اني خوافهـ قدن الصرصور لاشفت ه انصاب في هستريــآ
كيف عاد بالاشباح الليليه .. <<ماتقصد شي .. ياعمي لاشي يهمــ... حكمتي بالدنيا تعالي ياحلا الايام ابي اسولف معاك وين رحتي ... ماودك اليوم تجيني تراني ضايق خلقي تعرفين من اقصد طبعا لايخفي عليك خافي .. ارجعي للروزنامهـ واقري تاريخ اليوم ــ هاهـ عرفتي ابي تداعبي الدقايقـ بضحكهـ.. وان كانت سنون هالوقتــ سودا حاولت اضحك وندم خاطري قالي صه بس يكفي .. انظري للمرآيهـ في دمعهـ ندمـ |
بصراحه مادري وش عله هالجهاز حتي معاد اقدر افتح المنتدي ولا اقدر ارسل رسايل خاصه ودي كان اشرح قصه الفلم الهندي لكن لعل يروح هالفيروس من جهازي ويختشي علي شبكته الي خلفته .. عسبت <
مليت ونفسي شينه ازعل بسرعه قبل اقول انا اعصابي كبريت لكن الحين ولاعهـ .. والظاهر بكفخ هالجهاز وارجع اتابع سينما روتانا واكل حب واشرب شاي معطر <<تبي تعلمكم انها تعرف شي ماتعرفونه يالله ماعلينا علي قوله جدتي حكيمه الاقزام .. ملاحظه للحين اتمني اني مبدله عند الولاده بس للاسف انا جيت بسرعه مامدي امي تولدني في الطبيب جيت في البيت مطيوره منذو نعومه مخالبي .. يعني مافي امل اني مغيره ..... تقطع شعرها<< * قبل في حصه المكتبه اموت بشي اسمه قصص واقرا بسررعه قبل يدق الجرس ابي ابدل الي معاي .. يالبي الطفوله والقصص كلها توتو وميمي والقط والارنب ياهوووو وين وصلت الحين ماحب اقرا الا دخل يتبختر بطوله الفارع والخصله المتمرده علي جبينه الذي لوحته شمس الكارييبي ... ... عقب فتره راحت مني هالحاله وصرت احب اقرا كتب لعظماء مثل هتلر وغاندي .. وعده كتاب نسيتهم مثل مانسيت شنطتي المنكوبه ... بس فعلااا كانت من اغلا الاشياء واللحظه بذاتها لها وقع مؤثر بقلبي ... * الا ياليت الطفولهـ تعود لاخبرهــآ ماذا فعل الكاريبي في مخيلتي |
اليوم من غير ماكحل عيني :: مثل الليـــل لاخسفــ قمرهــ
|
انتظرت وعندي امل كذاب :: وماصدق الامل فيني
|
اقدر اعيش من غيركــ:: لكن ماقدر اتخلا عن حبكــــ
|
اتلمس احساسي وتّنمل ::::: مشاعري بغيـــآب حسكــــ....
|
قلق .. ترقبــ.... رجفهــ.. توتر ... خفقــآن بين الضلوع .. اآآهــ منكـــ
|
اكره شي بحياتي الامبالاه . بعكس المراقبه والتجسس والاهتمام في خصوصيات الغير هنا المبلاه تحضر لتعكنن علي الاخرين
موضوع شد انتباهي التدخل في الاخرين اكره شي عندي كثير من تدخل في حياتي كنت كالسفينه الدفه بيد القبطان والبحاره هم المجموعه المشاركه في معاناتي مع التدخل ... حتي الخدامه صارت تراقب كم مره اشرب شاي واكل جلكسي .. لو كيفي طراق يطير خشمها الي كانه يقطينه سندرلا .. بس اخاف من تسونامي . * دائم من يسي الظن بالاخرين يكون يعاني من هالنقطه او يكون انه يراقبهم بمنظاره السيئ اعمل سيا تري الكل سي ... فلسفه مش بطاله في وقت غير مناسب لكن طلعت معي اعشق الوحده في وقت الضيق اكره ابين الضعف للاخرين واكرره اكرر كلامي المزعج وليس المفرح .. نعاني من تراكم هموم طول العمر وتنفجر مثل البركان يذيب جميع من حولهـ .. اتثاوب شكلي بنام .. بعد ماقربت انسجم مع الكلمه وانسق بين الوحده والحرف .. ** عيوبي نسايه درجه اولي ... متنحه مع مرتبه الدلاخه ..طيبه لحدود السذاجه .. حقوده عندما انجرح .. احمد الله للحين اعترف لي عيوب وانني لست خاليه من السواد يبقع احاسيسي احيانن .. الوضوء دواء لكل داء اللهم لك الحمد بنعمه الاسلام ... فيه افغاني يشتغل في البيت عندنا لاتغدي وخلص اكل قال :اللهم لك الحمد اطعمتنا وجعلتنا من المسلمين .. بصراحه دايم لاتغدينا ولا ضفنا عند احد قلنا الله ينعم عليكم ... لاحد يقولي مانقولها ... هاه ماصدق * الحمد الله علي كل حال اللهم لك الحمد كما ينبغي لعظيم جلالكــ وسلطانك ... * |
:
كل حرف في كتابي يردد احبك :::::::.وكل سطر من اوراقي اسمك نايمـ عليهـ |
نامتــ عيون الليل وانا ناطر :::::رمشي يرف خوف لاينــآمــ !!
|
اعتصمـ بمداد الغرام وامطركــ ::::جمل شي مفيد وبعضها مقيد في توقيتكـــ
|
هدمتـــــ اسوار خفايا الشوق :: ورممتهـــآ بيوتــ ترثي قلبي فيكــ
|
اشعلتــ المراكبــ في هواكــ تبحر ... ونثرتهآ رمـــــــآد يبلعهــ بحر غاضبــ !!
|
اعشقكــ بغضب جامد يتحدي الكبريــآ ::: في امواجكــ انا الغريق لاكلامـــ
|
هلا بالغرقــ ان كـــآن فوق القمهـ::::: وهلا بالانتحـــآر في غرام المستحيل
|
بسسسسسسسسس يكفي هنا تسكت شهرزاد عن الكلام ..
|
صباح الدفا والنور وجلسه في مكاني الحميم وصباحي قهوه وكتكات ولاتهون غرشه ماي الصحه ..
اول ماصحيت الجو هادي الجميع هسسس ... ياحبي للهدوء في لحظه التوحد مع نفسي .. صح نسيت شي تحياتي لزي افلام .. رفيقتي المفضله مع ان الفلم كله طقاق وهواش واغتصاب وظلم وافتراء وماينفعهم الا الاصنام لين تغضب وتحمر عيونها ياه ياكثر ماهم جهلا ودلوخ ذالهنود ..لكن مايمنع اني اجد غباهم يونس للي متعقد من كل شي حوله ومن العالم المحيط فيه ...احب المشهد الاخير من الفلم يا اما يخطفون حبيبه البطل وامه وعياله . والا الصراع مع الشرير الي مايموت الا باخر ثانيه من الفلم يعني انا مارتاح انقهر معكنن علينا لين النهايه ..احب شي احترام الاخ لاخته عندهم شي خيالي حتي عندهم يوم للاخوه تلبسه ويلبسها اسواره خيوط تربط في يدهم .. انا اخوي ماسلم عليه الا ان كنت مسافره وراجعه من كثر مافي ميانه .. لايهم .. ارجع لمحور الخوار قصدي الحوار .. الوحده هي ضروريه ام مضره .. انا اعتبرها مرات قاتله .. واوقات احتاج لها بقووه .. ..حاجه : ماننساها الشخص لم يغوص في بحر نفسه يجيب درر ومحار وساعات يجيب جوتي مثل الكارتون ! * افكاري اليوم تتنفس بصمت خجول ::: ودها تكتب و ناقصهــآ الالهـآم !! |
ياملهمـــ القلمـ تراهـ حزين :: لابس الاسود كـآنه يوم عاشور!!
|
اشرقتــ شمس الشتاء ::: وجامد الشعور قالو ان دفاها كذابــ !!
|
ودي اخبرك عن شي بخاطري :: تسمعني انت معي وفكرك هنــآك..
|
اشري حبهـ بروحي وقلبي واساومـ بعد مثل السوق السوداء !!
|
اعشقهـ عطر في حروفي :: ويعشقني مثل حلمـ بعيد عنهـ
|
يابعدي عنهــ وياقربهـ :: لاغمضتــ شفتهــ يبتسمـ وبيده السيجارهـ !!
|
مليون مره قلتها اخ منهـ الدخان :: حظهـ يوميا يلتف حولكــ كما الحيهــ !!
|
انا لاشفتكـ احترق حرقان ::: بدون عوامل الاشتعال المعتادهـ !!
|
والا اشرهو وذموني : بس لاحد يلومني لاحرقتــ الورق من حبهـ !
|
احبه حب زاد عن حده :: يقول هو اكثر وانا اتحدي حدوده
|
ياشينها هالاوقات حافهـ جافهـ:: وينك ياندي اشواقي تطريها
|
ياونيس الروح وحشتني :: يعني ابتدي اطبل والا احضر زار فكري
|
بنادي واصيح باعلا الصوت :: واحرق الابجديهــ ماتسمع صراخ الوحشهـ
|
الغباء من قال الحب عطاء :: الحب اجتهاد في الاخذ
|
برسم اشواقي في لوحه سرياليهـ:: والونها بتعدد اشكالكــ
|
بتوقف الجوع طقني وعصافير بطني تصوصو .. اعتقد في بطني دلافين مو عصافير خخخ
بريك زغير ونرجع ,,...... |
| الساعة الآن 08:50 PM. |