احس اني جافه من كل شي وعاجزه حتي عن اعتصار اشواقي وعواطفي واسكبها هنا .. انا مثل زيت النباتي المزيف في لحظه البرد يجمد لازم نسخنه شوي علي نار الموقد حتي يذوب ونستخدمه .. خوش تشبيه والله


*

زين بجيب تشبيه اكثر جمال انا مثل الشجره الجميله في الصيف والشتاء وقت الخريفـ قبيحه جافه يابسه اوراقها تطاير في مهب الهوااا ... هم ماعجبني

*








تابع والا ماتدري عني والا تدري وماهمك وحده من النــآس لاشي يهمــكــ !

كل الرجال هم سبب تعاسه الانثي ان كان اخ ام زوج ام ابن

مارايكم في هذه النظريه من كثر ماشفت حولي وجربت منها قليل ..

الاخ عندما يعاتب اخته او يبي يربيها وكان مالها ام ولا اب ...
والا الزوج لما يحكم ويسيطر وكانها في بيته جاريه البعض
منهم وان كان من خاطر وهي تبذل مجهودها في راحته من قلبها ..
والابن حين تعلكها السنين وتشيب يستلمها جنين نمي في بطنها ويمارس طقوس المرجله هذا غلط وهذا غلط وكانها هو من خلفها ..

وبعد اقول ليش فيني كآبه ناسيه السايق الدلخ اعطيه يجيب فول يروح يجيب لي فيل من الهند

امزح ... اطري الجو احس ان جوي مشحون ..


*








وينك سؤال مكرر وجوابه غامض :: وينك عناد فيك اكرره

فرضا اني تجاهلت كل مايشغلني وقلت مافي شي يستاهل ومثل الحين اكل شبس والدنيا ارميها طبنجه :::

والله باط كبدي راعي البقاله الحرامي لازم يلطش الباقي يستغل دلاختي ماحسب الباقي دايم .
ياكثر الطماعين والجشعين بالحياه خصوصا الاجانب يمكن نعذرهم لانهم فقر مدقع وضروفهم صعبه ويعرفون قيمه الفلس والقرش الي عندنا مايسوي .. بس مايسمح لهم يبوقوني <<<



**



اجمل مافي الاطفال تكذب عليهم يصدقون ليش لان قلبهم ابيض ومايعرفون الكذب

جتني اليوم تعرج فلانه ضربتني تقول باخذ حقي منك البارح في بيتكم ضربتيني
قلت ليش ماكفختيها قالت عيب اتهاوش في المدرسه ياروحي يالرقيقه ...تنتظرني اعقد قمه عاجله واستدعي امها وانا باتخذ قرار عدم مسيار عليهم ولا في عندكم
طماط ولا امي تقول عطونا بصل ... ونمنع عنهم صحن الجريش
مانلعب احنا ... نضرب بيدا من حديد السالفه وصلت لخارج الحدود هزلت


*









































مــــآحبهــ


ترهات ياقلبي ترهات والسوالف ذي متاهات

رجعت امحق طلعه والله يلعن الساعه الي طلعت فيها انبح صوتي نجره وهواش ..

صوتي وينو رآآح .... لا اكلت ولا الي سويت اشغالي لاحول الله ...

رجعت بدون خفي ولا دلاغ ... خاليه الوفاض مامعي غير شنطه فيها قراطيس وبطاقه وجوال ملعون جده من الطيحات وبوك فيه صوره حبيبي وصوره بابا واخوي المفضل الباقي ساحبه عليهم جياكر .. خخخ
*

يالله مو اول مره اندقر ياما اندقرت كثير حسبي علي جرير ومكتبتهم ياجعلها تحترق في كافه انحاء الكون حتي الي في قطر بعد يجعلها تفلسسسسس .... ويشحذون بعد

*

اووف طلع الوجه الاخر من الذئبهـ:::: امسح والا اخاف يقولون متصنعهـ

*

كان في صدري كلام مع زحمه الشوارع والنرفزهـ احترررررررررق مالقيت غير رماد حتي وجهي ماطالعته في المنظره اخاف من شكلي ..متوحشهـ




*



*


*


يارب ماكنت ازعل كثير :: شفيني اليوم ضحكتي كذآآبهـــ

كالعاده ارتجل من راسي يمكن ركيكهـ الكلمــآت عاديه اي شخص يقدر يكتبها !!


مسكينه انا الكل يعتقد الحب قطعني مايدرون ان القلم هلكني بشوقهـ .. يقول انه حبـــ !!


*

*

يمكن الكاتب كذاب يحب يعيش اشياء ماجربها .. يجرب شي ماذاقهــ


*
نعم اعيش حالهـ حب مو اي حب حب مستحيل ومحال ومحتلني ..

هاللحظه هذه محتاجه لها بقوووه ابيها تضمني .. يمه سمعتيني!


*

دايم ماحب انسق الكلام واتصنع احس مزيف دجاج دو . مجمد .
..بس ارتب هدومي في الدولاب .. طبعي ماهو مبهذل
لكن احب اشخبط في الاوراق والدفاتر وكل ماتطوله
اصابعي المتهوره حتي البر ماسلم من شري...

*

حاولت اكتب في دفتري ماعجبني خطي قلت هنا اقدر ازور الحقايق واختار اجمل خط والون وازيف كيفي والله مو هنا ساحه لحريات .. وانا حره

نسيتكــ ياللغهـ العربيهـ:: والله من كثر التوتر قريتهــآ عبريهــ !!

اصبحنا واصبح الملك لله


صباح الخير ياصبحي اتمني اليوم افضل من امسي ..


مشكله من يمني الاطفال بحاجه ماتنتهي من الالحاح متي متي وانا اقول متي تسدي حلقك

انا استاهل يوم قلت بودي وبدلعك من الفجر وهي تسحب البطانيه هيا قومي وياحلو الاسلوب تلمح ماتخبرني علي بلاطه تلمح غيرمباشر انتي شنو قلتي امس قبل تنامي ..؟؟ يعني حسي علي دمك


**الطفولهـ **

اجمل مافي الوجود تصحي من النوم علي ضحكهـ الاطفال يسبحان الله هم مصدر السعادهـ

بيت خالي منهم مثل الحدايق الجرداءءء .. مثل نبع الماء الجافـــ.....


اختي عندها اولاد وماكنت اجد فيهم شي جميل الا بعد مانضمت لهم بنوتهـ سبحان الله تحس في البيت نور وحيويه وانوثهـ يختي عليها وعلي طول لسانها اسميها الانثي الصغيره .. اميره بينهم ياحلاتها .. بس ماحب كثره البنات تنقلب الايهـ لريا وسكينه .. خخخخ خربتها <<


*




*
















صباح الخير يشــــآغل عروق فكري :: صبــآحك تري كيف صـــــــــآير !!