على بالك أنا جالس أسامر موجك الغضبـان
أسولف له عن أوجاعي وعني وغربة سنينـي
علامك يابحر غاضب علامك تصرخ بكتمـان
أنا جيتـك أبشكيلـك وأبـي منـك تواسينـي
أنا مثلك بحر لكن وسط نفسـي أنـا غرقـان
تعبت أبحرمع نفسـي وأسالهـا أنـا وينـي
انا محتار في وصفي ومع نفسي انا حيران
انا لاقـادر افهمهـ وهـو يجهـل مضامينـي
أنا مليت من حزني وتعبت أبحث عن السلوان
ولاظنيت بـه شـي عـن أحزانـي يسلينـي
أحس إن الحزن عالم بحوره وصحوه وديـان
تخيل يابحرحجمه إذا حجمـه سكـن فينـي
تصور لو شقا الدنيا تجمع في كيـان انسـان
تصدق مابقى بالكون أسى مابات فـي عينـي
ترى كل الحزن لو غاب وراح لآخر الأوطـان
يغيب ويرتحل لحظات ويرجع يستقـر فينـي
أنا آخر فصول الحزن وأنا لدروبـه العنـوان
وأنـا آخـر عزوفاتـه وأصواتـه تغنيـنـي
أنا والليل والغربـة تعانقنـا مثـل الأخـوان
ليلـي كـل آهاتـي والغـربـة عناويـنـي
تعبت أسقي ثرى أحلامي وأزرع بالوهم بستان
تعبت ولانبت زرعي وتعبت وجفت بساتينـي
جحدني حظي العاثر رماني بسكه الحرمان
جحدنـي ولامـرة علـى الفرحـه يرسينـي
ألايابحر جاوبني وش آخـر هـذي الأحـزان
وش آخر رحلة أوجاعي وعناي وغربة سنيني
ولكم مني أجمل تحيـــــــــــــة ودمتم سالمين