نبضات تعبانة.. روح تلفانة..!!

[دعاءالخليج]

نبضات تعبانة.. روح تلفانة..

تعبت ..
تعبت

تعبت اجمع دمعي بالاحداق..
تعبت اطوي وجعي بالاعماق
تعبت أصيح وأقول..
ياعالم ..
والله مشتاق..

مشتاق..

تعبت .. تعبت..

تعتب انادي ياعسى من تلاق..
تعبت يمة..
ذبحني الفراق..
تعبت انتظر لشمسك اشراق

تعبت .. تعبت..

تعبت أكابر بضحكة أرسمها..
تعبت أحن لقبلة من ثغرك ألثمها..
تعبت .. تعبت..


تعبت..
تعبت الملم ضحكتي لمم..
تعبت اكتم بصدري الالم
تعبت أصارع الذكرى ..
لااني معها بحرب ولا سلم..
تعبت ونحل جسدي..
ومابقى غير العظم..
تعبت انتظر ..
لاخبر ولاعلم..
تعبت يمة..
شوفتك لمتى.. اعيش بهالحلم..

تعبت..
يامين يصل تعبي لهيئة الامم

تعبت ألبس ثوب السعيد المبتسم..

تعبت أداري ومن دارى عاش عمره بسقم..
اكتب ..
اكتب
ابكي
ولايهمك ياقلم..
ماعمره قاضي على باكي بالعدل حكم..
اكتب يارفيق ليلي..
يامشكى همي..
خلي الصفحات من وجعنا تصيح وتتألم..
اكتب ياسندي..
ولا تهاب..
ترا مايقطع الراس غير اللي خلقنا من العدم

[بـــــدر]

	دعاء الخليج صباح الخير سيدتي! اطلقتي الخيول الاصيله على مساحات مشاعرك لنستمتع بمشاهدتها...... جميل ماخطه قلمك سيدتي... لك مني كل الود تحياتي بدر

[الهنوفه]

العزيزة دعاء الخليج



يالجمال حروفك


وعمق بوحك


ودفء سطرك



تعبت اجمع دمعي بالاحداق..

تعبت اطوي وجعي بالاعماق

تعبت أصيح وأقول..

ياعالم ..

والله مشتاق..


والشوق يالغاليه مايرحم


أجدت وأبدعت وبحسن الخاطره أمتعت



لك خالص التحيه



الهنوفـــــــــــه

[,جـرحـي عـميـق,]

الاخـت / دعـاء الخليـج

أسعـد اللـه ايـامك بكـل سعـااده

سلـــمت يمــناك على هالنــزف المتـعب للمشــاعر

لاعـــدمناك اخــتي


تحيــــــــــــــ لك ولقلمــك ـــاتي

خـــبروها اني على وصلـها ماحيـيت ,,, وان تفــارقـنـا تـرا مـوتــــي دنا

لـي حبـيـب يــوم روح مــــاسلــيت ,,, يعـــلم اللــه تــوي ماذقـت العنـا

عبــرتـي هليــتها حــزن وبــكــيت ,,, ياردى عمــر الحســوفه ماجنا

ذقــت من دنــيـا حـبـيـبي ومـارتــويــت ,,, جـنـه الـدنـيا حـبـيـبي والمـنا

عشت باحلام الهوى ليل وبنيت ,,, كـل امـالـي تـداركـهـا الفـنـا

في حـياتي ماذكرت اني شكيت ... فـي هـوانـا ضحكه الدنـيا لـنا

لاحـياة عـقب مـحـبوبـي رايـت ,,, والمـماة أرحـم ولا فـــرقا السـنا

هـو سـنا شـمسي وغـيره ماهـقيــت ,,, يفـرح بـوصـلي ولـو مـوتـه دنــا

http://songs.6arab.com/5alid..5aberooh.ram

[عنقود الخليج]

اختي العزيزة دعاء الخليج
جميل ذاك الهمس الرائع والبوح العذب ..

كلمات رائعه يعجز على وصفها ..

فكلماتِ هذه قليلة جداً في حق كلماتك انت غاليتي ..

لا حرمنا من هذا البوح الجميل أبدا ..

فنحن ننتظر جديد همسك يالغلا..

ودمتي بخير..

وتقبلي تحياتي

اخوك/ عندليب الخليج

[أنفاس الحنايا]

صعب السؤال .. ليه نفترق !!

.. وصعب السؤال .. وين نلتقي !!

أنتي الجنوب وأنا الشمال ... وما بيننا بحر ورمال

لكن نحب ... والله نحب ... و فوق الخيال

واللي يرضى ياهلا .. واللي يزعل نصافحه بكف الشمال

ولا نهاب .. لأن مايقطع الراس الا اللي ركبه

تحياتي لك دعاء وتقبلي ومضتي البسيطه




انفاس الحنايا

[دعاءالخليج]

الاعزاء
بدر
الهنوفة
جرحي عميق
عندليب الخليج
انفاس المنايا

مروركم خفف تعبي وازاله

شكرا بعنف للرد الكريم
والاحلى من حلو


سعدت جدا


وتقبلوا كل مودتي


دعاء