مساكم الله بكل خييييييييييييييييييييييير , وياجعلكم بخير وسلامه ....................
حبايب قلبي اعضاء ومشرفين المنتدى ودي قبل ماابدأ في موضوعي أوضح شي وهو ان بعض الاعضاء يضنون ان هذا المنتدى غير مناسب لمواضيعي وأنا اقول ان سبب اختياري لهذا المنتدى وبالتحديد منتديات الشعر هو كثرة دخول الشباب والبنات فيها وأنا هدفي هذه الفئة من المجتمع .... اللي بعضهم يحتاج للتوعيه من ناحية دينه لأنه غرقان في عالم الشعر والحب .......
حبايب قلبي كلنا سمعنا في الأهانه اللي سوتها امريكا دمرها الله وزلزل الارض من تحت اقدامهم للقرآن الكريم ..وحنا يالمسلمين ولاعلينا ....سبحان الله صرنا على نهاية الزمان ومازلنا في طيشنا تايهين ونصف شبابنا يدور في الأسواق يلاحق بنات خلق الله ...وبناتنا يلاحقون الموضه وشلون تحط المكياج ...وشلون تضبط تخصير العباية ...ووووووووووو ..... بدأ الاسلام وقريش تهين في الاسلام والمسلمين وتعذبهم ... وهذا هو الاسلام بدا يصير غريب وأمريكا تهين الاسلام والمسلمين .....
يامسلمييييييييييييييييييييييييييييييين ... العلامات الصغرى تقريبا كلها ظهرت في هذا الزمن وخلني اعددها معاكم يمكن عقولنا تصحى شوي ...
(ترى الحفاة العراة يتطاولون في البنيان ) وهذا احنا نشوف البدوا ورعاة الغنم بعد الخيام صار لهم عماير وقصور ..
(تلد الامة ربتها ) وهذا صار واضح وضوح الشمس ولا نحتاج نوضحه ..
( ذكر في حديث لاتقوم الساعة حتى تؤذن المرأة ) وهاهي الملعونة جعلها الله من حطب جهنم اذنت وصلت وخطبت باتباعها وهي حائض .. وهذا الحدث لم يخفى على احد
(تقارب الزمن ) فوالله اصبحت الايام تمر كمرور السهام ...
(كثرة موت الفجئة) وهالايام يكثر من يموت فجئة قبل أيام شاب في مدينة الرياض يضحك ويسولف مع اهله ودخل الحمام الله يكرمك وتوفى بسكته قلبية مفاجئة . وأمرأة في مدينة ابها راحت لجارتها تتسلى معها وطلبت من راعية البيت ماء لمارجعت راعية البيت من المطبخ لقت الحرمة ميته ... وشيخ صلى الفجر وسلم على جاره وتوفى على درج بيته وهو يفتح الباب ....وكثييييييييير من هالقصص ...
( ذكر في حديث انه ياتي آخر الزمان ينشأ نشأ السلام بينهم اللعان ) والله ياشباب ان هذا الامر تم قدام عيوني ....اثنين من الشباب يوم تقابلوا أول ماقالوا بينهم اللعن . وبعض الاخوات يحكولي ان في المدارس بعض البنات يحيون بعضهم باللعن كنوع من المزاح .......
(لن تقوم الساعة حتى يتفجر بركان من الحجاز يرى لهيبه اهل العراق) وهو على وشك حسب ماقاله احد عالماء الجولوجيين في قناة قطر ان بركان خامد في الحجاز سينفجر بحكم التغيرات الجيولوجية. .............
( لن تقوم الساعة حتى تقوم حرب في شبه جزيرة العرب ) وهانحن في طرفها ....
( ياتي آخر الزمان وتظهر الأنهار والمزارع الخضراء في صحاري شبه جزيرة العرب) وهذا حنا نشوف مدينة دبي والرياض وتبوك ..
بالله عليك ياللي تقرأ هالكلام قلبك مايعورك على أوقاتك ...ياخي وش تسوي لطلعت الشمس من مغربها وكلنا ندري ان بعد زلزال اندنوسيا بدات الارض تتهيأ للدوران العكسي ويكون في معلوم كل الناس وكل الجغرافيين والفلكيين واتحدى أكبر عالم فلك اذا قدر يحدد يوم ظهور الشمس من المغرب لأنه من حديث رسول الله صلى الله عليه وسلم وبأذن الله أجيب نص الحديث اللي يثبت صحة كلامي ان مايفقد ولايدري بطلوع الشمس من مغربها الا من اعتادوا على سهر الليل مب عشان يدردشون على الشات ولايسولفون مع حبهم الضايع لالالالالالالالالالالالا ..اللي يسهرون علشان يصلون ويناجون رب الاسرار وعالم الغيب لانه ذكر في الحديث فيمامعناه انهم يفقدون طول الليل عليهم . وصدقني مارح احد يحس بهذا الشي الا بعد ماتشرق الشمس هذا اذا كنت من اللي يقومون الصبح لكن الكلام في اللي مايقوم من النوم الا الظهر ولا المغرب وذاك الساع لاتوبة تقبل ولاعمل ولاصدقه خلاص باب التوبة ينقفل ......اللهم يارب لاتجعلنا من الغافلين
ياحبايب قلبي والله مااقول كلامي ولااذكر الا لمصلحتنا يالمسلمين بالله وش حالنا يوم بعدنا عن الدين وصارهمنا الصلاة والصيام فقط وبعض عيالنا زين ان صلوا ........ يعني وش بقا غير طلعت الاعور الدجال وياجوج وماجوج ... والله يااخوان ذكر لنا شيخ جزاه الله الف خير ان من اتباع الاعور الدجال المطربين والمطربات وكل من يسمع الاغاني داخل معهم وتقام له الحفلات ويراه الناس في التلفاز وراح تشوف مطربين الغفلة وهم يغنون للكلب الدجال ..............يارب ابعدنا عنهم وعن مجتمعاتهم وزدنا جهل بهم ....لاتقول ابحضر الاجابة من الحين واذا سألني ابقله (تخسي موانت ربي ) لالالالالالالالالالاياحبيب قلبي السالفة مهي اختبار محفوظات وتمشي ........... اذا الاموات في قبورهم يفتنهم بسبة المعجزات اللي الله عطاه منها وش نقول عن انفسنا .
اللهم انا نعوذ بك من عذاب القبر وعذاب النار وفتنة المحيا والممات وفتنة المسيخ الدجال.
.................................................. .................................................. .....
اللهم انفع بكلامي هذا شباب وشابات المسلمين واجعلهم من ءأمة دينك يارب العالمين ..... وتكفون عاهدوا انفسكم من اللحين على ترك الاغاني وترك الكلام الفاضي اللي لايودي ولايجيبب يعني بالله وش استفدت من قصيدة كتبتها في الحب والغزل غير ان اصحاب النفوس المريضه من اهل المغازلات واهل الاعجاب يتبادلونه وشف كم من بنت انضلت وكم شاب ضاع بسب بيت من الشعر قالته حبيبته بصوت ناعم وجو شاعري .............. وفكروا الله يعطيكم العافية بعقل الانسان اللي يخاف من ضيق القبر
ياليت تنشرون المقال أو ترسلونه لحبايبكم لتعم الفائدة والدال على الخير كفاعله.
لحبايب قلبي فقط
العرض العادي
