تركت النوم مدري من الوله وإلا على شانك !!
جفيته والمشاعركلها توصف لك احزاني
تركته يابعدعمري تركته وجيت لعيانك
جيتك مثل طفل ضايع وجامن غربته عاني
جيتك والمشاعر صادقه والقلب ما خانك
رجيتك والقصايد كنها فكره تحداني
ابي احيا مع طاري سواليفك ووجدانك
ابي اقرا حروفك وابي تقرا وش أضماني
أنا ...
ضااامي من جروحي وابي من فرحت ازمانك
عطيت الناس من طيبي وطيبي وين وداني ؟!
عطيت ولاخذيت إلا الحزن
خذني على احضانك
أنا ...
اعرف ظروف الحب ومنها حيل أنا اعاااني
ابي تاخذ بقايا فرحتي ترقص على الحانك
وابي تاخذ بقايا العمر وترسم باقي اشجاني
ابي غيمك يغطيني وابي اشرب من احزانك
وابي روحك تدفيني بشوق وقلب ينهاني
وابي قلبي تصووونه وهو بعد صانك
وابي تنسى البشركلها وابنسى كل من جاني
مدام اني سجنتك بالحشا وشفت القلب سجانك
عشقت الهم لعيونك من اقصى الحزن لداني
وأخاف عليك من الحزن لايسكن احضانك
لأنك منبع افراحي ياقلبي ونبض وجداني
أغار من الجهاز إللي عكس في شاشته اجفانك
واغار من الحروف إللي لمسها كف ناداني
وأشتاق واقلب الدنيا واهلها بس على شانك
أشتاااااق ولاتلوم إللي يحب لأنه حيييل يعاااني
وينك ترى قلبي تقطع من الشوق
وينك تعبت من السهر والكآبة
ماني مصدق(كل مطرود ملحوق)
من يوم طال الانتظار وعذابه
اشتاق لك شوق على الواقع يفوق
شوق الغريب اللي فقد له قرابة
ويحن لك قلبي من الشوق ويتوق
يعصى لو ترده شروط الرقابة
شوقي يغني لي على كل طاروق
وحزني يسامر بي لحون الربابة
اسهر مع أطيافك على منتهى الذوق
واعيش حلم تكتسيه الغرابة
حريتي ضاعت وقيدت بسبوق
كل الدروب امست بعيني تشابه
حب..وفرح..وأحزان..وجروح..وحروق
ودمع يكدر صفوتي بإنسكابه..
عليك احس اني بلا راي مسيوق
اثر الغلا يكسر جسور الصلابة
يثور بك همي وينزاح ويروق
ويرجح عذابي لين يوفي نصابه
ليل الشقاء عتم..به رعود..وبروق
وعواصف تحجب بياض السحابة
وريح يخلي قاسي القلب مفتوق
حتى تضيع من السؤال الإجابة
سرقتني والحب سارق ومسروق
وآسرتني لو مابراسي طلابة
من جد محتاجك..قطع قلبي الشوق
تعال مليت السهر والكآبة ..؟
...
صباحك خير ، صباحك غير . .
{ . . صباح الحلم
.................. صباح النور }
صباح القهوة والهيل
صباحك آهـ مايمدي . .
انا وحدي أتمتم نور !ْ
صباحك نور ، صباحك غير
صباحِك دقة الساعه
ألم . . ساعه
وجع . . ساعه
تعب . . ساعه
صباحك قمة اوجاعه !ْ
صباح الضحكة لا طارت
صباح البسمة لا صارت
لا مسّت نسيم الصبح . . واحتارت !ْ
صباحي أحلى أمانيها
صباحي يوم اناديها
صباحي غير بـ شعورك . .
صباحي دِق في نورك . .
صباح الحرّ و الزحمَة . .
صباحِي و اطلب الرحمة . .
صباح الشارع الفاضِي ،
و أنا مستقبلي ماضي
صباح الثرثره هذي . .
صباحك تُوت
لا . . ياقوت !ْ
صباح المُوت بـ عيونك }
و صبحك يا العيون المُوت
صباحك خير ، صباحك غير . .
{ . . صباح الحلم
.................. صباح النور }
العرض العادي
