على جرحي ترش الملح وتتركني مع الحرمان=يخليني ظلام الجرح اتوه بسكة احزاني
نسيتك ماهقيت إني انا بقوى على النسيان=يعاندني غرام القلب واشواقي اتحداني
وبعدالهم والغربه محيتك من على الوجدان=لقيت الكون في بعدك وذاك الهم خلاني
انا ماحدني غيرك على الآه وعلى الأحزان=وقبلك ماهقيت الآه تتمكن بوجداني
تأكد مسكن قلبي ولاغيرك أبد انسان=ياليتك تعرف الليلة حبيبي سطوة اشجاني
واثاري غادر قلبي اثاري ظالم وخوان=انا مااغفر ذنوبك ولوطيف الوله جاني
جراحك كانت بتبرى لأن بداخلي إيمان=لأن الدمع مايرجع حبيب راح وخلاني
مايفيد اليوم ترجع لي تذكرني بزمان كان=تشعل ماضي جروحي تصد وبكرة تنساني
حتى لوترش الملح على جرح سكن ازمان=مايرجع لهيب الجرح ذاك العشق من ثاني
العرض الشجري
