|
ايام راحت من حياتي كما الحلم
ما باقي الا رسومها المستبينه
يبكي لها قلبي وماضيه الاقدم
ذكرى وعبره للعقول الرزينه
ما ظنتي من واجه السيل يسلم
الا الذي بالله رجاه ويقينه
ما ازعل على..
ما قدر وقسم
مؤمن ولكن المواجع دفينه
من رحمة الله ما انقطع عبد مسلم
حط الله بفكره وقلبه وعينه
بعض المرض تشفى وتجلس توهم
انك مريض وصحتك حيل زينه
جرح الزمن لا زاد ما عاد يلتم
ومن جرحه وقته زمانه يهينه
احذر صديقك لو بجوده تكرم
لا تامن الدنيا وتامن كمينه
واحذر حبيبك لو بصوته ترنم
يمكن ويمكن غيركم عارفينه
ماهي غريبه في امانيك تصدم
وخلك تلاقي قسوته عقب لينه
الطير تفهم غايته يوم حوم
عنده ظمى ..؟! ولا فروخه سجينه
عساك ياللي في حياتك تنعم
ما يوم تلقى الهم بينك وبينه
انا تعبت وبالتعب ربي اعلم
عساه يرحم من كبر قبل حينه
حبل السعاده في يديني تصرم
مخدوع ..................
احسبه من حبال متينه
جرح الهوى لا صار طبه محرم
صبرك عليه وناقش محرمينه
كم واحد كافح وناظل وصمم
تسهلت له وانتكم عاذلينه
مجنون من بارز وسيفه مثلم
او طق باب جاهل ساكنينه
لين انتصف بالبير خلوه يندم
حبله رموه وما نخاهم ونينه
الباديه تفرح اذا الجو غيم
لجل الحلال وباالحيا مرتجينه
"الا انا في جية الغيمه اغتم "
الله اعلم ليه حالي حزينه
لا ضاع عمرك مع شبابك تحطم
اعرف ترا روحك لهمك رهينه
وان كان نجمك كل يوم يتقدم
لا بد يجنح للهدوء والسكينه
بعض الخلايق لا نصيته تلعثم
والبعض قومات السعد في جبينه
اشكي على الله خالقي ربي ارحم
يلطف بعبده لا شكى متعبينه
مسكين ياللي بطلعه الشمس مغرم
زاد الظلام ومالقى منقذينه
اسمع قصيده شاعر ونبره الهم
الحرف يبكي والخلايق فطينه
وهذا ربع ما شفت والخافي اعظم
اهل القلوب المبصره مدركينه
وان طالت القصة ترى السر مبهم
ما يفهمه غير العقول الذهينه
ولا يغرك كل من قال لك تم
يا كثر خلانه مع مصاااحبينه
وكان الزمن فيه بعده اليوم عزم
تجنبوه ونبهوا قاصدينه
جامل تعيش وتاخذ الصيت الاعظم
واصدق تضيع وتخسر اشياء ثمينه
أهنئكـ على ذوقكـ يالغلا<<يمديتس ع الأسلوب خخخخ
العرض العادي
