[gl]اسعد الله جميع اوقاتكم بالخير والود ...[/gl]
كيف حالكم اليوم ان شاء الله احسن ...
[c]الحــــ انـواع ــــــب[/c]
حبٍ يشيّب صاحبه ما بَعَدْ شاب وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب وحــــبٍ يدوم وصاحبه في غيابه
وحب يذوّب خافـــقٍ ما بعد ذاب وحــــبٍ يداوي صاحبه من عذابه
وحبٍ يتوّب خافــــقٍ ما بَعَدْ تاب وحـــــبٍ يزيدك رغبةٍ في الكتابه
وحبٍ حياتـــه كلّها لـوم وِعْـتاب وحــــبٍ حقيقي ما يضرّك عتابه
وحبٍ بلا معنى وحبٍ بلا اسباب يبــــدا غريب وينتهي في غرابه
وحبٍ ضعيفٍ مثل حبرٍ على كْتاب تمـــــحيه دمعه في ثواني كآبه
وحبٍ قـويٍ مـثل قصرٍ لـه ابـواب لو هـبّ عاتيْ الريح ما اهتز بابه
وحبٍ بداية رحلته نظرة اعـجاب واخـــر مـطافه مثـل يــومٍ بدا به
وحبٍ يعيش بداخل قْلوب الاحبـاب وحـــبٍ يشيع وكل حَيٍ درى به
وحبٍ مقامه في ضلوع الصَدِر طاب وحــــبٍ يعدّي مثل مرّ السحابه
وحبٍ على قبره نعق بوم وغْــراب وحـــــــبٍ تغنّى به لحون الربابه
وحبٍ بمـقـدارٍ وحـبٍ بلا حْســاب وحــــــــبٍ بمعروفٍ وحبٍ نهابه
وحبٍ يعيش أهله وسط داره اغراب ويمــــوت قهر ويندفن في ترابه
وحبٍ غـدا سـرّه سوالف للاجناب وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب وحبٍ يشيب صاحبه في شبابه
هذا الكلام اتاني على الايميل ... قلت يسفيد منه اصحابي اول ...
اقدم كل مالدي من عبارات الاعتذار ان لم تحز المشاركة على رضاكم ...
[c]وتقبلوا فائق احترامي وتقديري ...[/c]
العرض العادي
