السلام عليكم ورحمة الله وبركاته
حبيت اكتب لكم ابيات الشعر هذي واتحدى احد في العالم سمعها او قراها لانو توها جديده واللي كاتبتها وحده من اعز صديقاتي
وانا استذنتها اني اكتبها وانشرها لها احم وترى حقوق الطبع محفوظه
حلم البراءه واحساس اليتيم
جيت ابحكي عن نفسي وعن امثالي ضحايا الحب والغرام
جيت ابكتب قصتي لجل يقراها اللي بلوني
يتيم والنظره بعيده عن مشاعر كل الايتام
جيت ابرر موقفي ظالم او مظلوم ياناس اسمعوني
عشت في دار مالي بها لاخال ولا اعمام
وحسبي الله على الذي بعد خطاهم رموني
زين لهم الشيطان وانصاعوا لاوامر الشيطان بهيام
والنتيجه ( أنا ) حصد وأثمرة خطاياهم وبالنهاية ولدوني
وصار الشقى يكبر معي عام ورا عام
ليتهم مثل ما اقتلوا حلم البراءة كملوها واقتلوني
احرموني الامان اللي ينسي خوف الظلام
وابسط حقوقي ( احساسي اني مثل باقي الناس حرموني )
كيف ابااحيا والكل لاشافني يقول ولد حرام
كيف ابرسى وهم عن مراسي الهداية ضاعوا وضيعوني
كل ما اواجه الدنيا تواجهني اصابع الاتهام
وكل ما احاول انسى يذكرني مشاهد العائله وجمعتهم بطعوني
انا جيت ابحكي لجل اشوف امثالي في سلام
واني مرغوب في هذا المجتمع ياناس تكفون حسسوني
وابي عيون اليتيم الضامي من السهر تنام
وابي من الناس شافوني مثل ضمة عيالهم يضموني
وابي نظرة الشك وانعدام الثقه والاجرام
تختفي من عيون العالم ومثل مايعاملون بعضهم يعاملوني
وابي كف حنونه تشيلني من بقايا الركام
وان قويتوا على الخير ياهل المعروف اكفلوني
واذكروا حسن النوايا واذكروا العطف والارحام
واعرفوا بس بالتواضع والموده صدقوني بتكسبوني
يكفي اني ماقلت يمه غير بالاحلام
ويكفي اني لاتخيلت من يكون ابوي فاضت عيوني
عجزت افسر ايباب التيتم واوصفه بالكلام
وعجزت القى جواب لسؤالي ليش بس خذلوني
وهم ابعدوني وبنوا حياتي على اساس انهدام
ومن كثر الاهمال صدوا ولاكأني ولدهم وجحدوني
لابارك الله في طرق وطووها بالخطوات الاوهام
ولابارك الله في يد الي على جال الشوارع اتركوني
وش بغوني اصير عالم واسلك طرقي للامام
الوكاد اني بضيع بوحدتي بعزلتي وافكاري وظنوني
القلب حاقد مايعرف شكل المحبه والاهتمام
واحساسي بنقص كبير وشجوني مدري وش شجوني
يعني تبلد مشاعر وقل تقدير واحترام
عايش اتعب الناس الي بنكرانهم اتعبني
واعلن القلب موته ورفع راية الاستسلام
وامي لادعتني بقول عساها ماتقترب دوني
وابوي ماهمني لو يحكمون عليه بحكم الاعدام
بكون راضي خل يذوقون المر مثل ماذوقوني
حسبي الله عليهم حسبي الله عليهم مابين صلاة وقيام
حسبي الله علي اذا بسامح ناس شردوني
وسلامتكم
العرض العادي
